Ardını oxu...
DİA.AZ: - "Əmək və Əhalinin Sosial Müdafiəsi Nazirliyinin tabeliyində olan Dövlət Məşğulluq Agentliyinin Ərazi Məşğulluq Mərkəzlərində işləyən əməkdaşlara qarşı yerli və beynəlxalq qanunvericilik kobud şəkildə pozulur. Belə ki, respublika üzrə 22 Ərazi Məğulluq Mərkəzi var, bu mərkəzlərin bəzilərinin müdirləri orada çalışan əməkdaşları istirahət və bayram günləri qanunsuz şəkildə işə cəlb edərək Azərbaycan Respublikasının müvafiq qanunvericiliyini bilərəkdən ayaq altına atıb özbaşınalıq edirlər". Bu barədə DİA.AZ-a göndərilən məqalədə bildirilir.

Məaqlədə daha sonra deyilir: "Çünki, Azərbaycan Respublikasının Əmək Məcəlləsində də göstərilir ki, istirahət (şənbə-bazar) və bayram günləri işçiləri işə cəlb edərkən bunun üçün əmr olmalıdır, işçilər ştat tabelinə imza çəkib həmin günlərin də maaşını almalıdır. Lakin ƏƏSM naziri Sahil Babayev və Dövlət Məşğulluq Agentliyinin İdarə Heyətinin sədri Mustafa abbasbəyli məşğulluq agenliyinnin əməkdaşlarına qarşı baş verən bu kobud qanun pozuntularına göz yumaraq bu hallardan xəbərləri olduğunu göstərirlər.
Gündəlik normal iş vaxtının müddəti gündə 8 saatdan və həftədə 40 saatdan artıq ola bilməz. İş vaxtından artıq iş – işəgötürənin əmri və işçinin razılığı ilə əmək funksiyası müəyyən olnumuş iş günü vaxtından artıq müddət ərzində yerinə yetrilməsi sayılır.

İşçilərə iş vaxtından artıq vaxt ərzində və işçiləri bayram günlərində işə cəlb edilərkən maaşların hesablanma qaydası da Əmək Məcəlləsinin 109 və 164-cü maadələrində müəyyən edilib. Təsbit edilmiş aylıq maaş sistemində maaşdan əlavə günlük vəzifə maaşının məbləğindən aşağı olmamaqla (adi qaydada vaxtamuzd maaşının 200%)
Ümumi qaydaya görə istirahət, səsvermə,iş günü hesab edilməyən bayram günlərində və ümumxalq hüzn günündə işçilərin işə cəlb olunması yolverilməzdir.

Azərbaycan Respublikasının prezidenti İlham Əlham Əliyev də 04 fevral 2020-ci ildə öz çıxışında xəbərdarlıq etmişdi ki, “İşəgötürənlər işçilərini istismar etməməlidirlər, işçiləri vaxtından artıq işlədirlər, bizim 8 saatlıq iş gücümüz var, ondan artıq heç kim işləməməlidir. Nazirlər Kabineti buna nəzarət etməlidir”. Buradan belə aydın olur ki, nazir Sahil Babayev və agentliyin sədri Mustafa Abbasbəyli Azərbaycan Prezidentinin bu xəbərdarlığını saymırlar, prezidentin sözlərini ayaqlar altına ataraq həm qanunvericiliyə həm də prezidentə qarşı addımlar atırlar.

Qanunlara və prezidentə hörmət qoymayan nazirlik və agentlik ölkə vətəndaşlarının hansı hüquqlarını təmin edə bilər? Bu addımlar əhalidə qanunlara və prezidentə qarşı etibarı zəiflətmək üçün atılmış addımlardır ki, bunu məqsədli şəkildə edirlər. Çünki, qanunvercilikdə konkret iş saatından və iş günlərindən artıq işçiləri qanunsuz şəkildə işə cəlb etmək tamamilə cinayət məsuliyyəti yaratsa da və ölkə başçısının işçilərin iş günlərindən artıq işə cəlb edilməməsi haqqında xəbərdarlıq etsə də nazirlik və agentlik rəhbərləri tamamilə zidd hərəkətlər edir, bu da əhalidə qanunvericiliyə və ölkə başçısına qarşı etibarı zəiflədir.

Əmək Müfəttişliyi nə üçün Dövlət Məşğulluq Agentliyində Əmək Məcəlləsinin kobud şəkildə pozulması hallarını araşdırmır? Əmək Müfəttişliyi bilmirmi ki, prezident işləyən insanların 8 saatdan artıq işə cəlb edilməsi haqqında xəbərdarlıqlar edib? Əmək Müfəttişliyi bir araşdırsın ki, Dövlət Məşğulluq Agentliyinin əməkdaşları neçə vaxtdır məzuniyyətə buraxılmır? Nazirlər Kabineti nə üçün prezidentin bu tapşırığını icra etmir?

Araşdırmalar onu göstərir ki, Dövlət Məşğulluq Agentliyinin 12, 15, 17, 20, 22 saylı Ərazi Məşğulluq Mərkəzlərində işləyən əməkdaşların hüquqları xüsusilə kobud pozularaq və qanunvericiliyə zidd olaraq iş saatlarından artıq, istirahət və bayram günləri işə cəlb olunurlar. Bu araşdırmalar digər mərkəzlər üzrə də aparılacaq. İstirahət və bayram günləri ya idarədə işlə cəlb edirlər, ya da özünüməşğulluq tədbirləri üçün ərazilərə göndərirlər. Və bu hallar uzun aylardır ki, davam edir. Nazir Sahil Babayev nazirliyin tabeliyində olan qurumda çalışan işçilərin hüquqlarının pozulmasına göz yumursa sadə xalqın hansı hüquqlarını bərpa edə bilər? Ölkə prezidentinin iş saatları ilə bağlı xəbərdarlığını qulaq ardına vuran hörmətli Sahil Babayev və Mustafa Abbasbəyli bu barədə xalqa açıqlama verməlidir ki, nə üçün işçilər istismar olunur?"

İddia olunanlarla bağlı dia.az olaraq bütün maraqlı tərəfləri dinləməyə hazırıq...
Ardını oxu...
"Pandemiya dönəmində hökumətin başlıca işi əhalinin sağlamlığının tibbi yöndən qorunması ilə yanaşı, onların sosial yöndən müdafiəsinin həyata keçirilməsini təşkil etməkdir. Bu məqsədlə 600 min vətəndaşa aylıq 190 manatlıq sosial yardım verilməsini Əmək və Əhalinin Sosial Müdafiəsi Nazirliyi (ƏƏSMN) dövlət büdcəsindən ayrılan vəsait hesabına iki ay təmin edib". Bu barədə DİA.AZ-a göndərilən məqalədə deyilir.

Məqalədə daha sonra bildirilir: "Yardımdan qıraqda qalan vətəndaşlar elə əsassız “əsaslar” ilə üzləşib ki, adamın “əli üzündə qalır”. Təsəvvür edin, ailə qurmayan şəxsə “həyat yoldaşının işləməsi”nə görə imtina “sms”-i gəlib. Yaxud 19 yaşlı şəxsin “ 30 yaşlı övladının “ gəliri ilə yardımsız qalması “əsaslandırılıb”. Düzdür, faiz hesabı ilə götürəndə belə halları nəzərə almamaq da olar, amma, söhbət İNSANdan gedir axı! Sosial yardım məsələsində fərdi yanaşma önəm daşıyır, haqq edən bir nəfər də olsa, yardımdan qıraqda qalırsa, dövlətin və onun başçısının sosial siyasətinə “kölgə düşür “.

Bakı şəhəri, Xətai rayonu, Neapol küçəsi -18A, m.11 ünvanında yaşayan S. Hüseynovanın “sosial yardım”dan qıraqda qalması da olduqca məntiqsiz və hökumət adına utancvericidir. 2020-ci ilin aprelin 7-ə kimi Xətai rayonunda “işsiz” uçotunda olan xanım NK-nın həmin 7 aprel 2020 tarixli qərarı ilə sosial yardım verilməsi nəzərdə tutulan şəxslərin siyahısından qıraqda qalıb ki, adına aktiv əmək müqaviləsi aşkarlanıb və 7 aprel tarixindən “işsiz” statusu daşımır! (?) Özbaşınalığı təsəvvür edirsiniz? Ali təhsilli şəxs on illərdir ƏƏSMN vasitəsilə iş axtarır və. ..düz pandemiya ilə bağlı işsiz vətəndaşlara sosial yardımın verilməsi haqqında qərar qəbul olunan gün – 7 aprel 2020-ci ildə “iş tapır”, statusunu ƏƏSMN ləğv edir. “Sosial yardım” dələduzluğu göz önündə olsa da, bağlantılı qurumlar yardıma ehtiyacı olan vətəndaşın şikayətini qanuna zidd olaraq barəsində şikayət edilən Dövlət Məşğulluq Xidmətinə göndərib və hər dəfə “aşkarlanan” “aktiv əmək müqaviləsi”nin sayı artıb. Sonuncu dəfə işsiz xanıma 3 (!) yerdə işlədiyi bildirilib.

Əlacsız və yardımsız qalan xanım İqtisadiyyat Nazirliyindən iş yerini itirməyə görə yardım ödənilməsini istəyəndə növbəti özbaşınalıqla üzləşib . DİN-dən İqtisadiyyat Nazirliyinə daxil olan şikayətə cavab olaraq yanındakı Vergi Xidməti 01.04.2021 tarixli məktubla bildirib ki, pandemiyanın ölkənin biznes mühitinə , məşğulluq məsələlərinə və sahibkarlıq subyektlərinə mənfi təsirini azaltmaq məqsədilə fəaliyyəti müvəqqəti dayandırılmış sahələrdə çalışan muzdlu işçilərə əmək haqqı ödənişləri və fərdi sahibkarlara dəymiş zərərin müəyyən hissəsinin dövlət hesabına qarşılanması üçün maliyyə dəstək proqramı hazırlanmışdır. ”Proqrama əsasən , pandemiyadan zərər çəkmiş sahələrdə ƏMƏK MÜQAVİLƏSİ ilə çalışan muzdlu işçilərə əmək haqqının müəyyən hissəsinin ödənilməsi nəzərdə tutulmuşdur “. Bəs niyə bu proqramdan “3 işini” birdən itirən xanıma pay düşməyib? Sualın cavabını sonrakı qeyd açıqlayır : “ DÖVLƏT VERGİ XİDMƏTİNİN İNFORMASİYA SİSTEMİNDƏ MUZDLU İŞÇİ KİMİ QEYDİYYATINIZ AŞKAR EDİLMƏMİŞDİR “.

Vətəndaş çaşıb, yoxsa, İqtisadiyyat və Əmək və Əhalinin Sosial Müdafiəsi nazirlikləri? Biri illərdir iş axtardığı vətəndaşa bir günün içində 3 iş yeri “tapır”, o biri nəinki 3, heç bir işinin olmadığını bildirir. Belədə deyiblər, ayının min oyunu var, hamısı bir armudun başında. 2 gün qabaq İqtisadiyyat Nazirliyi yanında Dövlət Vergi Xidmətinin rəis müavini İlkin Vəliyev elə cavab verib ki, əvvəlkini yalanlayır. 3-cü dərəcəli vergi xidməti müşaviri vətəndaşa bir ildən də çox vaxt keçəndən sonra 30.01.2019 tarixli VÖEN “tapıb”. Amma sahibkarlara maliyyə dəstəyinin göstərilməsinə dair qaydalara əsasən, 2019-cu ildə vergiləri, məcburi dövlət sosial sığorta , işsizlikdən sığorta haqları üzrə dövlət büdcəsinə ödəniş müəyyən edilmədiyindən “zorən sahibkar” xanıma maliyyə dəstəyi göstərilməsinin nəzərdə tutulmadığı vurğulanıb. Dövlət (xidməti ) səviyyəsində özbaşınalıq, dələduzluq göz önündədir, sadəcə hüquqi qiymət verən yoxdur. Baş prokurorluq, Bakı şəhər prokurorluğu faktla bağlı araşdırma

aparmaq yerinə, bir ildən çoxdur gah vergi, gah məşğulluq xidmətlərinə özbaşına cavablar verməyi tapşırır. Ay məmurlar, kiminsə adına VÖEN varsa, mütləq bu barədə şəhadətnaməsi də olmalıdır. Məktubla VÖEN, şəhadətnamə verilmir! Eyni zamanda, vergiyığanlar bir gün bəyannaməni gecikdirən kimi cərimə tətbiq edirlər, dəbbə pulu hesablayırlar , həbslə hədələyirlər . İndi, necə olur, fərdi sahibkar 3-cü ildir vergi ödəmir, sığorta haqları ödəmir, heç kim ona “gözün üstə qaşın var” demir. Uzağa getməyə ehtiyac yoxdur , üç-dörd il qabaq Ağsuda soğan-sarımsaq qurudan xanımları qoçaq vergi müstəntiqləri axşama kimi “damlamışdılar” ki, vergi uçotuna dayanmadan torpağı əkib-becəriblər! (?) Yəni, elə nağıl danışın ki, bir az inandırıcı olsun. Yoxsa, “şap elə bilir şupdadı, şup elə bilir şapdadı; nə şapdadı, nə şupda”.

Heçdən üç iş yeri, üçdən heç nə “tapan” məşğulluq və vergi xidmətləri axtarışlarını sosial-iqtisadi sahənin inkişafına yönləndirsələr , belə saxta tapıntılara da ehtiyac qalmaz".

İddia olunanlarla bağlı dia.az olaraq qarşı tərəfi də dinləməyə hazırıq...
Ardını oxu...
 
 

Hacıqabul rayon sakini Ramin Əliyev “Gözətçi”yə göndərdiyi şikayətdə bildirib ki, o, 2020-ci il sentyabrın 30-dan könüllü olaraq İkinci Qarabağ müharibəsində iştirak edib. Füzuli, Cəbrayıl, Qubadlı istiqamətində gedən döyüşlərdə vuruşub, oktyabrın 20-də yaralanıb.

“Yaralandıqdan sonra, ilk olaraq Neftçalada müalicə almışam. Sonra Lənkərana getmişəm, iki gün də orada qalmışam. Daha sonra Mərkəzi Hərbi Klinik Hospitalına gətirilmişəm. Oradan təxris olunduqdan sonra öz hesabıma Şirvanda və Hacıqabul xəstəxanasında müalicə olunmuşam”.

R. Əliyev deyir ki, müalicəsi üçün həm rayonun İcra Hakimiyyətinə, həm də YAŞAT fonduna müraciət edib. Ancaq şikayətçinin iddiasına görə, YAŞAT fondundan onun qarşısına şərtlər qoyulub:

“Mənə dedilər ki, sizə ya ev əşyası verə bilərik, ya iki min beş yüz dəyərində bir şey, ya da pul. Bildirdim ki, mənə bunların heç biri lazımdır deyil, mənə müalicə lazımdır. Adicə həyətdə iş görmək istədim, qolumda damar saraldı, şişdi. Mən sadəcə istəyirəm ki, sağlamlığımı qaytarsınlar”.

Şikayətçi bildirir ki, əlində xəstəliyi haqqında sənədlər olsa da, əlillik dərəcəsinin təyin edilməsi ilə bağlı heç bir müəssisəsəyə müraciət etməyib.

“Məndə kəllə-beyin travmasıdır. İki dəfə başımı rentgendən çıxartmışam, birini Mərkəzi Hərbi Klinik Hospitalda, birini də Şirvan xəstəxanasında. Hər iki xəstəxanadan da deyilib ki, beynimin sol tərəfinə tamamilə qan işləmir, sağ tərəfinə də çox zəif işləyir. Məndə qıc olmalar gedir, epilepsiya tutmalar olur,

getdiyim yerdə ürəyim sıxılır, yaddaş zəifləyir. Sol ayağım topuğumdan çöldədir, axsaya-axsaya gəzirəm”.

R.Əliyevin sözlərinə görə, getdiyi xəstəxanalarda həkimlərin ona münasibət yaxşı olsa da, müalicəsini ancaq öz imkanı daxilində edə bilib.

“Mənim imkanım çatan müalicə nə olacaq? Ancaq sakitləşdirici vurulur. Gecələr isə demək olar ki, yatmıram. Yatdığım yerdə diksinirəm, qorxub ayılıram”.

Qarşı tərəfin mövqeyini dərc etməyə hazırıq.

XalqXeber.Az
Ardını oxu...
Azərbaycanda əlilliyə görə qruplar ləğv ediləcək. Bunu Dövlət Tibbi Sosial Ekspertiza və Reabilitasiya Agentliyinin direktoru Cavid Əbdülqədirov deyib. Onun sözlərinə görə, indiyə qədər I, II və III qrup üzrə əlillik təyinatları aparılıb: "Bu, sadəcə qrup təyinatı idi. Artıq əlilliyin yeni meyarlarına dair sənədlər Milli Məclisə verilib. Əlilliyə görə qruplar ləğv ediləcək. İnsan orqanizminin itirilməsi faizlərlə ifadə olunacaq. İndiki I qrup 81-100, II qrup 61-80 faiz, III qrup 31-60 faiz olacaq. Eyni zamanda, 10-30 faiz üzrə isə sadəcə istehsalat zədəsi, peşə xəstəliyi olduğu halda əlillik qiymətləndirilməsi aparılacaq. Burada bir çox aparıcı ölkələrin təcrübəsi öyrənilir". Agentlik sədri qeyd edib ki, bu il əlillik təyinatı ilə bağlı 80 min müraciət olub, onlardan artıq 25 mininə təyinat verilib.

Tanınmış jurnalist Azər Həsrət "Şərq"ə açıqlamasında bildirib ki, Qarabağ qazilərinə əlillik dərəcələrinin verilməsi ilə bağlı çox diqqətli olmaq lazımdır. O qeyd edib ki, istehsalat qəzasında əlil olan şəxslə vətən üçün can qoyan şəxslər bərabər tutulmamalıdır:

"Hesab edirəm ki, xüsusən Qarabağ qazilərinə əlillik dərəcələrinin verilməsi, onların sosial problemlərinin həll edilməsi, pensiya təminatı və sair məsələlərdə çox diqqətli davranmaq lazımdır. Yəni dövlət mümkün olan maksimum yardımları etməlidir. Onlara güzəştlər mütləq, maksimum dərəcədə tətbiq edilməlidir. Təminatları həmişə daha öndə olmalıdır.

Əlbəttə ki, əlilliklə bağlı dərəcələrin verilməsi, yaxud da ki, əlilliyin qiymətləndirilməsi məsələsində də diqqətli olmaq lazımdır. Tutaq ki, bir istehsalat qəzasında ayağını itirmiş adamla fikrimcə, vətən üçün can qoyarkən ayağını itirmiş adam bərabər tutulmamalıdır. Yəni burada əlavə güzəşt və əlavə hansısa ödəniş olmalıdır.

Çünki bu adam bilərəkdən canını fəda etmək üçün gedib ora. Yəni bilib ki, qarşıda onu ölüm gözləyir və yaxud da xəsarət gözləyir. Ona görə də bunu bilərək getmiş adamla tutaq ki, təsadüfən avtomobil qəzasında ayağını, əlini itirmiş adamı bərabər tutmaq olmaz.

O baxımdan düşünürəm ki, fərqləndirmə olmalıdr. Bu fərqləndirmə də təbii ki, Qarabağ qazilərinin, ümumiyyətlə, Vətən uğrunda savaşanların xeyrinə olmalıdır".
Ardını oxu...
“Bir sıra hallarda qazilərə əlillik dərəcələri faktiki durumlarına uyğun təyin edilmir”.

Bunu “Yeni Sabah”a açıqlamasında tanınmış fitnes məşqçisi Kamil Zeynallı deyib. Davamlı olaraq qazilərlə bağlı sosial şəbəkələrdə paylaşımlar edən, onların problemlərini ictimailəşdirən Zeynallının sözlərinə görə, Silahlı Qüvvələrin Baş Klinik Hospitalında qazilərə əlillik dərəcəsinin yazılması üçün onlardan rüşvət tələb olunur:

“Qazilərimiz təkcə İcra hakimiyyətlərindən, məmurlardan gileylənmirlər, həm də Silahlı Qüvvələrin Baş Klinik Hospitalından (“Papanin” hospitalı) da şikayətlənirlər. Hospitaldan çox şikayət edirlər, yaralı uşaqlardır, dərmanlar yazırlar, kasıbdırlar, hardan alsınlar? Rayondan qazilər gəlirlər hospitala bir sənədə görə onları geri qaytarırlar, deyirlər ki, filan sənəd düzgün deyil, qayıt, get gətir.



Bu adam əsası ilə Bakıya güclə gəlib çıxıb, təsəvvür edin, təzədən rayona qayıdır Hərbi Hissədən bir sənəd götürür və yenidən Bakıya – hospitala qayıtmalı olur. Bu sənədi guya hospitalda faksla ala bilməzlər?! Bu gün hər şey internetlədi, texnologiya əsrində yaşayırıq. Niyə bu uşaqları incidirlər axı?!

Qazilərin çoxu mənə zəng edib deyir ki, “Kamil, bizə əlillik vermək üçün pul istəyirlər”. Mən dövlətin adına görə hər şeyi açıqlayıb demək istəmirəm. Balamın əziz canına and olsun ki, qaziyə əlillik dərəcəsi vermək üçün pul istəyirlər. Çoxsu gəlir, Bakıda qalmağa yerləri olmur, üç manatlıq otellər var, orada qalırlar. Bəzilərini gətirirəm iş yerimə - idman zalına orada otaqlarda gecələyirlər. Orda yatızdırıb, yeməklərini verirəm, sabahsı günü ciblərinə pul qoyub rayonlarına yola salıram...”

Qazilərə qarşı diqqətsizliyə görə bəzi qurumları günahlandıran Kamil Prezident İlham Əliyevin tapşırıqlarına düzgün əməl olunmadığını vurğulayıb:

“Problemlər çoxdur, hər şeyi açıb demək olmur. Allah ölkə başçısının canını sağ eləsin, hər şəraiti yaradıb ki, dövlət qurumları qazilərin problemlərini həll etsinlər, şikayətlərinə baxsınlar. Vallah, baxmırlar, diqqətsiz yanaşır, başdan-sovdu edirlər. Onlara kömək etmək lazımdır.

Evdə qaz pulu, işıq pulunu ödəyə bilmirlər, çox vaxt gəlib kəsirlər. Evlərinə bazarlıq edə bilmirlər, əvvəl bir oğul evə baxırdısa, indi baxa bilmir, əlildir, yerində yatır. Onlara aylıq pul vermək lazımdır. “YAŞAT” fondu bunu nəzərə almalıdır. Hər rayonda qazilərimiz üçün 3-4 işçi olmalıdır, hər rayonda 30-40 market var, İcra Hakimiyyəti tapşırmalıdır ki, hər market bir şəhid ailəsi, bir qazini öz boynuna götürsün, ayda bir dəfə bazarlıqlarını versin. Tapşırılmalıdır ki, bir il müddətində sağalana kimi kommunal xərclərdən azad olunsun”.

İdmançı bildirib ki, müharibədən sonra normal həyat şərtləri altında yaşamaq hər kəsdən daha artıq qazilərin haqqıdır və dövlət qurumları bu məsələdə diqqətli olmalıdır:

“Allaha and olsun ki, döyüş bitəndən bəri etdiyim yardımların 90 faizi öz cibimdən idi. Etmirlər, baxmırlar! Bu da dövlətin adına ləkə gətirir. Bəzi məmurlara görə niyə mənim dövlətimə ləkə gəlməlidir?! Görün, vəziyyəti nə yerə çatdırıblar ki, qazi ölkə başçısına səslənib deyir ki, “Sən mənə niyə baxmırsan?!”. Ölkə başçısına “sən” deyə müraciət edərlərmi? Niyə vəziyyət bu yerə çatıb? Bunu məmurlar və bəzi qurumlar edib. Niyə durumu bu həddə çatdırırsınız?!

Bütün günü qazilərləyəm, ondan-bundan xahiş edirəm, yardım etməyə çalışıram. Dünən bir dostum deyir ki, mən üç qaziyə kömək edərəm, bir il müddətində hər ay 350 manat verərəm. Bu bir ildə 12 min manat edir. Hər kəsdən kömək istəyirəm, özüm də bacardığım qədər gücüm çatan məbləğdə kömək etməyə çalışıram. İndiyə kimi 4-5 qazi olub ki, özlərinə qəsd etmək istəyib. Mən qoymamışam, qarşılarını kəsib demişəm ki, qurban olum, kömək edəcəyəm, özünü öldürmə. Çünki istəməmişəm söhbət böyüsün, içimizdə müxalif düşmənlər, dövləti sevməyənlər, ermənilər var. İstəmişəm ki, onları sevindirməyək”.
Ardını oxu...
Əlillərin Bərpa Mərkəzinə müraciət etmişəm və 3-4 ay öncə müraciətimi qeydə alıblar, hələ də xəbər yoxdur. Deyirlər ki, protezlər sifariş olunub gələcək, lakin ortada heç nə yoxdur.

Bu sözləri Modern.az-a Vətən müharibəsinin qazisi, gizir Bəşir Məmişov deyib.

“Protezlər üçün qeydlər aparıldı, mart ayında çağırılmalı idik, əlaqə saxladıq, aprel ayında gətiriləcəyini qeyd etdilər. Aprel ayında da dedilər ki, ayın sonu gətiriləcək. İndi də maliyyə ayrılmadığını bildirirlər. Heç kim maraqlanmır, hər kəs bir söz deyib üstündən atır. Dostum Ceyhun Camalov da Qubadlı ərazisində minaya düşərək ayağını itirib, onun da köməyə ehtiyacı var. Qazi olsaq da, bizimlə maraqlanan yoxdur”.

Bəşir Məmişov YAŞAT Fondundan xahiş edib ki, məsələni araşdırsın:

“Xahiş edirik ki, qazilərin hər biri protezlə təmin olunsun”.
Ardını oxu...
Gəncə sakini Mehdi Gözəlov “Gözətçi”yə göndərdiyi şikayət məktubunda əlillik dərəcəsini ala bilmədiyini bildirir.

Mehdi Gözəlov sentyabrın 28-də Füzulinin Qaraxanbəyli kəndi uğurunda gedən döyüşlərdə başından yaralanıb və ordudan təxris edilib. Başının sol tərəf sümüyünün demək olar ki, bir hissəsi yoxdur. Bakıda Mərkəzi Hərbi Klinik Hospitalında müalicə alıb. Hospitalın həkimləri başıın sol hissəsinə kapron qoyulacağını bildiriblər.

“Əməliyyatla bağlı Hospitaldan xəbər çıxmadığı üçün 4-5 dəfə özüm onlara yaxınlaşdım. Ancaq hər dəfə dedilər ki, hazırda başına kapron qoya bilmərik. Vaxtı çatanda özümüz xəbər edəcəyik”.

M. Gözəlov Mərkəzi Hərbi Klinik Hosptalından başqa digər xəstəxanalara müraciət etmədiyini bildirir. Onun sözlərinə görə, atası sadəcə bir dəfə YAŞAT fonduna zəng edib. Onlar isə bildiriblər ki, “biz əsgərlərə baxmırıq”.

Şikayətşi bildirir ki, ona əlillik dərəcəsinin təyin edilməsi üçün Mərkəzi Hərbi Klinik Hospitaldan Kəpəz rayon Vətənpərvərlik və Hərbi Xidmətə Çağırış şöbəsinə şəhadətləndirmə göndərilməlidir. Ancaq onun sözlərinə görə, bu məsələ də 4 aya yaxındır ki, gecikir.

“Atam dəfələrlə Hospitala zəng edib, şəhadətləndirmənin göndərilməsini tələb edib. Onlar isə hər dəfə “bu gün gələcək, sabah gələcək” deyirlər. Mən bu sənədi almalıyam ki, onu Kəpəz rayon Tibbi-Siosial Ekspert Komissiyasına təqdim edim ki, əlillik dərəcəm təyin edilsin”, deyə şikayətçi bildirib.
Ardını oxu...
Son zamanlar uşaqların qaçırılması mövzusu mətbuatın gündəmindən düşmür. Uşaqlarımızı necə müdafiə edək? Axı valideyn hər zaman uşağın yanında ola bilmir!
Uşaqlar bağçaya, məktəbə gedir, çöldə, parkda oynayırlar və s. Hətta valideyn uşağın yanında olsa belə azyaşlı yenə də qaçırıla bilər.

Tanınmış Rusiyalı psixoloq Marina Romanenko uşaqların qaçırılmasının qarşısını almaq üçün uşaqlara çox sadə özünü müdafiə qaydalarını öyrətməyi tövsiyə edir. Saglamolun.az sizə bu sadə və eyni zamanda effektli qaydaları ilə tanış edir:
- Yad (tanımadığın, ailəyə aid olmadığın) insanlara inanma.
Bu əsas qaydadır ki, bütün digər qaydalar buna söykənir. Uşaq istənilən yad insana potensial təhlükə kimi baxmalıdır. Təəssüf ki, biz bunu uşağa aşılamağa məcburuq. Böyüyəndə o, özü anlayacaq kimə etibar etmək olar, kimə isə olmaz.
- Yad insanlarla danışma.
Adətən uşaqlar daha çox kişilərdən ehtiyat edir. Lakin uşağa anlatmaq lazımdır ki, tək kişilərlə deyil, tanımadığın cavan və ya yaşlı qadınlarla, yaşlı kişilərlə və s. danışmaq olmaz.
- Yad insanlardan heç nə (konfet, oyuncaq və s.) götürmə.
- Yad insanla (fərqi yoxdur – bu böyük, yaşlı və ya uşaq olarsa) heç yerə getmə.
Fırıldaqçılar müxtəlif hiylələrə əl atır, onlar uşaqların zəif yerlərini çox yaxşı bilir.
Uşağı qaçırtmaq istəyən insan ona “mənimlə gedək, sənə oyuncaq (konfet, şar və s.) verəcəm”, “pişik balasını (balaca quş, kirpi və s.) göstərəcəm”, “karuselə, yellənçəyə aparacam” və s. kimi müxtəlif vədlər verə bilər. Uşağa bu “ssenari”ləri qabaqcadan izah edin. Onları oyun formasında uşaqla oynayın (siz – “yad insan”, o – “uşaq”). Bu daha yaxşıdır.
Digər hiylə - “Məni sənin atan (anan, nənən və s.) göndərib. Səni onun yanına aparmalıyam”. Uşağa anladın ki, nə ana, nə ata, nə də digər ailə üzvü onun yanına yad insanı göndərə bilməz. Bu yalnız tanış və ya qohum ola bilər.
Fırıldaqçı uşağa ona kömək etməyə xahiş edə bilər. Məsələn, qadın (yaşlı kişi, cavan qız) evinə çantanı aparmağa kömək etməyə xahiş edə bilər və s. Uşaqlar kömək etməyi xoşlayır və cinayətkarlar tez-tez məhz uşaqların bu xüsusiyyətindən istifadə edirlər.
Uşağa qabaqcadan anladın ki, böyüklər adətən uşaqlara yardım üçün müraciət etmir. Böyüklər bu məqsədlə böyüklərə müraciət edir. Əgər insan sənə “mənə kömək et” deyirsə, bu təhlükə ola bilər. Bu insandan uzaqlaş.
- Yad insan səni aparmağa çalışırsa, ucadan qışqır (məsələn, “Mən bu insanı tanımıram, mənə kömək edin! Məni qaçırırlar!” və ya sadəcə "Komək edin!").
Uşaqlarınızı qoruyun! Onları nəzarətsiz qoymayın!sirliqadin/

Dünyapress TV

Xəbər lenti