Ölkədə 800 minə yaxın sənədsiz evlərin olduğu bildirilir.

Həmin evlərə çıxarışların, yəni “ev amnistiyası”nın veriləcəyi ilə bağlı fikirlər səslənsə də, hələlik bu istiqamətdə real nəticə yoxdur. İqtisadçı-ekspert Natiq Cəfərli bildirib ki, evinin çıxarışı olmayan vətəndaşların həmin evə qeydiyyatı da yoxdur:

“Hazırda insanların mülkiyyət hüququ pozulub. Çıxarışı olmayan evlərin hər zaman sökülmə ehtimalı var. Vətəndaşların çətin vəziyyətə düşməməsi üçün Azərbaycan məhkəmələrində əmsal qərar olmalıdır. “Kupça”sı olmayan insanlar həmin qərara istinad etməlidirlər”.

Ümumiyyətlə, ölkədə vətəndaşlar məhkəmələrin əmsal qərarından istifadə edirmi və eyni zamanda bu evlərə “amnistiya”nın verilməsi gözlənilirmi?

Məsələ ilə bağlı daşınmaz əmlak məsələləri üzrə ekspert Elnur Azadov “Cebheinfo.az”-a bildirib ki, indiyədək vətəndaşın məhkəmənin əmsal qərarı ilə bağlı müraciət etməsi halı ilə üzləşməyib:

“Əgər məhkəmə tərəfindən bir dəfə belə hal olsa, sübuta yetirilirsə, Azərbaycan qanunvericiliyinə uyğun həll yolu tapılsa, bu, ona əsas yaradar ki, növbəti hüquqi məsələlərdə presedent olsun”.

Sənədsiz evlərə “amnistiya” verilməsi ilə bağlı ekspert bildirib ki, müxtəlf dövrlərdə bu kimi əmlaklar ortaya çıxıb:

“Sovet hökuməti yaranandan artıq yüz il keçib. Bu illər ərzində bu kimi sənədsiz əmlaklar ərsəyə gəlib. Sovet hökuməti dağıldıqdan sonra qanunlar dəyişib. 90-cı illərdə qaçıqın və məcburi köçkünlər öz doğma torpaqlarını tərk etməli olublar. Qanunda olan bəzi boşluqlardan da müəyyən şəxslər istifadə ediblər. 2000-ci illərin əvvəllərində bələdiyyə torpaqları ərsəyə gəldi.

Keçən onilliyə kimi sətəncamlar bələdiyyələrdən başqa, icra hakimiyyətləri tərəfindən verilirdi. Bir müddət Torpaq Komitəsi özü də sənədləşmə işi aparırdı. Müxtəlif dövrlərdə müxtəlif hüquqi və hüquqsuz əsaslarla müəyyən əmlaklar ərsəyə gəldi ki, onların sənədləşmə prosesi həyata keçirilmədi. Yaxud da müxtəlif dövrlərdə sərəncam verilsə də iş bitmədi. Ancaq indiki qanun buna yol vermir ki, o hüquq tanınsın”.

O deyib ki, bundan başqa heç bir sənədi olmayan əmlaklar var:

“Bunlar hamısı bir qanun, yaxud sərəncamla leqallaşa bilməz. Baxmayaraq ki, Əmlak Məsələləri üzrə Dövlət Xidməti Ədliyyə Nazirliyi ilə vahid sayt yaradılacağını bildirmişdi və o sayt üzərindən gələcəkdə bütün əmlakların əməliyyatları aparılması mümkün olacaqdı.

Ancaq işin sona çatdırılması ilə bağlı ölkədə hələ də hüquqi normativlər yoxdur. 2015-ci ildə Prezidentin sərəncamı var, əmlakların qeydiyyatı ilə bağl dövlət reyestrinin həyata keçirilməsi üçün əsasnamə, orada bu sənədlərin siyahısı var. Ən yaxşı halda bu genişlənə bilər. Ancaq heç bir sənədi olmayan əmlakların leqallaşması ilə bağlı ölkədə hüquqi norrmativ işləmir. Bu, olduqca qəliz prosesdir.

Fikrimcə, bu, mərhələ-mərhələ aparıla bilər. Ümumiyyətlə, qanunsuz olmayan tikililərin ərsəyə gəlməsi üçün ilkin əsaslar olmalıdır. İlkin əsaslarla gələcəkdə onların qanunlaşması prosesi necə aparılacaqsa, onun mexanizmi işlənməlidir. Mexanizm digər qanunlara zidd olmamalıdır. Məsələn, Türkiyədə son 100 ildə bir hökumət olub və o hökumət üzərindən də bütün proseslər bir qanunla tənzimləndi. Bizdə təəssüf ki, onun həyata keçirilməsi üçün vaxt lazımdır”.

Bu günlərdə Rusiyada kommunal ödənişləri ödəməkdə çətinlik çəkən bütün rus vətəndaşları üçün gecikmiş ödənişə görə cərimələrin hesablanması üçün güzəştli prosedur 2027-ci il yanvarın 1-dək uzadılıb. İndi adi yüksək cərimələr əvəzinə cərimələr illik 9,5% endirimlə hesablanır. Bu, Mərkəzi Bankın hazırda 21% olan hazırkı əsas dərəcəsinin demək olar ki, yarısı qədərdir.

Hələ 2020 - cil ildə pandemiya zamanı Nazirlər Kabinetinin mətbuat xidmətinin rəhbəri İbrahim Məmmədov mətbuata açıqlamasında bildirmişdi ki, Azərbaycanda biznes dairələrə, hüquqi şəxslərə, muzdlu işçilərə, sosial müdafiəyə ehtiyacı olan əhalinin bu həssas qruplarına hansı güzəştlər olunacaq və dövlətin hansı formada dəstəyi olacaq, hansı mexanizmlər həyata keçiriləcək, bütün bunlar bir neçə işçi qrupunda müzakirə olunur. Nazirlər Kabinetinin rəsmisi həmçinin onu da qeyd etmişdi ki, ehtimal ki, Azərbaycanda kommunal ödənişlər ləğv oluna bilər.

Azərbaycanda kommunal ödənişlərlə bağlı hansı güzəştlər tətbiq edilə bilər? Ümumiyyətlə bu istiqamətdə dövət tərəfindən hansı addımlar atılır?

Mövzu ilə bağlı kommunal məsələlər üzrə ekspert Nüsrət Qasımov Referans-a açıqlamasında bildirib ki, son illər ərzində ölkə iqtisadiyyatında əvvəlki onilliklərlə müqayisədə irəliləyişlər var. Həmçinin müxtəlif sahələrdə cərimələrin məbləğlərində də artımlar mövcuddur. Bütün bunları nəzərə alaraq demək olar ki, Azərbaycanda kommunal xidmətlərlə bağlı güzəştlərin tətbiq olunması mümkündür. Kommunal ödənişlərlə bağlı güzəştlər, əlbəttə ki, ilk növbədə aztəminatlı ailələr, şəhid və qazi ailələri üçün edilməlidir. Bundan sonra xüsusi peşələrdə çalışan şəxslər üçün də kommunal güzəştlər oluna bilər. Daha doğrusu Azərbaycanda kommunal güzəştlərin icra olunmasına hazırda ciddi zərurət var.
Nüsrət Qasımov həmçinin onu da diqqətə çatdırıb ki, ölkəmizdə kommunal sahədə güzəştlər və əhalinin rifahı istiqamətində bu kimi tədbirlərin görülməsində bəzi aidiyyatı qurumların fəaliyyəti zəifdir. Xüsusilə də bu məsələlərdə Milli Məclisin üzərinə böyük məsuliyyət düşür. Beləki millət vəkilləri sosial vəziyyəti çətin olan ailələrlə bağlı qanunvericilikdə dəyişikliklərin edilməsində maraqlı olmalıdırlar.

Müsahibimiz həmçinin qeyd edib ki, əhalinin sosial vəziyyətinin yaxşılaşdırılması istiqamətində dünyanın bir çox ölkələrində buna oxşar addımlar atılır. Dünyada sosial məsələlərə həssaslıqla yanaşan ölkələr hər zaman bu kimi güzəştlər tətbiq olunur. Son illər Azərbaycan dövləti də əhalinin, əsasən də aztəminatlı və xüsusi imtiyazlı ailələrin rifahı istiqamətində bir sıra müsbət addımlar atmaqdadır.

"Hesab edirəm ki, İkinci Qarabağ savaşındakı qələbəmizdən sonra ölkəmizin iqtisadiyyatı işğaldan azad olunan torpaqlarımızın resursları hesabında daha da gücələnəcək. Beləliklə də dövlət tərəfindən əhali üçün bir sıra sosial güzəştlər tətbiq olunacaq. Hətta elə bir vəziyyət yaranar ki, Azərbaycanda ümumiyyətlə kommunal xidmətlər ləğv edilə bilər. Bütün bu proseslər qarşımızdakı yaxın gələcəkdə mərhələli şəkildə öz həllini tapacaq", - deyə ekspert bildirib.
Referans

"Taliban" Fitr bayramı ərəfəsində 2500-ə yaxın məhbusu azad edib.

TEREF Yenisabah.az-a istinadla xəbər verir ki, daha 3152 məhbusun cəzası azaldılıb.

Fitr bayramı ərəfəsində kiçik cinayətlərə görə məhkum olunmuş məhbusların azadlığa buraxılması adi haldır.

Ötən il "Taliban" hakimiyyəti 2800-ə yaxın məhbusu Ramazan ayı bitmədən azad edib.

Azərbaycanda sənədsiz evlər məsələsi hələ də açıq qalmaqdadır. Dəfələrlə, bu məsələ ilə bağlı çıxışlar edilib. Hətta parlamentdə də bu məsələyə toxunulub. Lakin məsələ hələ də öz həllini tapmır.

Bir müddət əvvəl məlumat verilib ki, mövcud problemləri həll etmək və əmlak bazarını daha şəffaf etmək məqsədilə İqtisadiyyat Nazirliyi yanında Əmlak Məsələləri Dövlət Xidməti və Ədliyyə Nazirliyi Daşınmaz Əmlakın Elektron Reyestri və Kadastrı İnformasiya Sistemini istifadəyə verməyə hazırlaşır. Bu sistem, mülkiyyət hüquqlarının qorunması və əmlak idarəçiliyinin təkmilləşdirilməsi məqsədilə müasir texnologiyalardan istifadə etməklə hazırlanır. Ancaq sistemin nə vaxt istifadəyə veriləcəyi məlum deyil.

Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib ki, Əmlak Məsələləri üzrə Dövlət Komitəsi tərəfindən sənədsiz evlərin qeydiyyata alınması və çıxarışla təmin olunması üzrə konsepsiya hazırlanır:

"Sənədsiz evlərin qeydiyyata alınması və çıxarışla təmin olunması uzun müddətdir ki, müzakirə edilən məsələlərdəndir. Bu məsələ Milli Məclisə Nazirlər Kabinetinin fəaliyyəti ilə bağlı hesabat təqdim olunan zamanda müzakirə olundu. Millət vəkilləri tərəfindən təkliflər də səsləndirildi. Bir müddət əvvəl bütövlükdə bu istiqamətdə konsepsiyasının hazırlanmasına başlanmışdı. Konsepsiyanın hazırlanmasında məqsəd sənədsiz evlərin qeydiyyata alınma prosesi ilə bağlı mexanizm və qaydaların hazırlanmasıdır. Əmlak Məsələləri üzrə Dövlət Komitəsi tərəfindən bu istiqamətdə işlər təbii ki, davam etdirilir. Bütövlükdə mexanizmlərin hazırlanması təkliflərin sistemləşdirilməsi ilə bağlı da fəaliyyətlər aparılır".

Deputat söyləyib ki, daha yaxın zamanda sənədsiz evlərlə bağlı mexanizm qəbul edilib, tətbiq edilə bilər:

"Burada bir sıra məsələlərin həlli vacibdir. Xüsusən də, nisbətən təhlküəli hesab edilən evlərlə bağlı addımların atılması zəruridir. Bu evlərin bir qismi ya neft buruqlarının və ya yüksək gərginlikli elektrik xətlərinin, nəqliyyat qovşaqlarının yaxınlığında inşa edilib. Təbii ki, həmin evlərlə bağlı qərarın verilməsinə ehtiyac var. Bəzi evlərlə bağlı təbii ki, bu istiqamətdə qərarın verilməsi asan ola bilər. Xüsusən də, elektrik xətlərinə yaxın olan evlərlə bağlı addımların atılması asandır. Burada elektrik xətlərinin yeraltı aparılması mümkündür. Amma xüsusən neft buruqlarının yaxınlığında yerləşən evlərlə bağlı təbii ki, daha sistemli qərarların verilməsinə ehtiyac var. İlkin qiymətləndirmələrə görə belə evlərin sayı 70 minə yaxındır. Yəni bu, kiçik rəqəm deyil. Ona görə də sənədsiz evlərlə bağlı qeydiyyat mexanizminin hazırlanması bütün sənədsiz inşa edilən evləri əhatə etməlidir. Hər halda bu istiqamətdə işlər gedir. Biz də daha yaxın zamanda mexanizmin qəbul edilib, tətbiq edilməsi reallaşa biləcəyinə ümid edirik".

Ağcabədi rayon sakini Zəfərbənd Şəhla Ədalət qızı tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, qızı ağır ürək xəstəsi olsa da, Əmək və Əhalinin Sosial Müdafiəsi Nazirliyi ona əlillik dərəcəsi vermir:

“Mən, Zəfərbənd Şəhla Ədalət qızı, yazaraq xahiş edirəm ki, problemimi işıqlandırasınız.

Qızım Zəfərbənd Asi Sərvanh qızı ürək qüsürlu xəstədir. Maddi imkanımız zəif olduğundan, uşağın iynə-dərmanını ala bilmirəm. Əvvəllər pensiya alsaq da, son zamanlar kəsiblər. Səbəb olaraq isə “uşağın sağladığını” göstərirlər. Halbuki, qızımın vəziyyəti çox acınacaqlıdır.

Onu da deyim ki, özüm şəkər xəstəsiyəm, yoldaşım isə gözdən əlildir. Bu səbəbdən, rəsmi qurumlardan dahiş edirik ki, qızımın pensiyasının bərpa olunmasına köməklik göstərsinlər”.

Məsələ ilə bağlı Dövlət Tibbi Sosial Ekspertiza və Reabilitasiya Agentliyinə İctimaiyyətlə əlaqələr şöbəsi ilə əlaqə saxladıq. Bildirdilər ki, Ağcabədi rayon sakini 2012-ci il təvəllüdlü Zəfərbənd Asi Sərvan qızının əlilliyinin qiymətləndirilməsi ilə bağlı son 1 il ərzində tibb müəssisəsi tərəfindən heç bir “forma-88” göndərişi rəsmiləşdirilməyib. Belə olan halda isə əlilliyin qiymətləndirilməsi mümkün olmur.

Bunun üçün vətəndaş qeydiyyat üzrə tibb müəssisəsinə yaxınlaşmalıdır. Tibb müəssisəsi tərəfindən Asi Zəfərbənd ilə bağlı yeni “forma-88” sənədi rəsmiləşdirildikdən sonra onun əlilliyi qanunvericiliyə uyğun olaraq qiymətləndiriləcək”.

Jalə FAMİLQIZI

facebook sharing button Sharetwitter sharing button Tweet

Xəbər verdiyimiz kimi, Bakının Yasamal rayonu, Birinci Alatava yaşayış massivi, Abdulvahab Salamzadə küçəsində tikinti işi aparan “Melissa Group” tikinti şirkəti sakinlər evdə olduğu halda evi dağıdıb. Bu barədə mediada və sosial şəbəkədə görüntülər yayılıb.

Sözügedən sakinlər şirkətin təklif etdiyi ödənişlə razılaşmadıqları üçün evi tərk etmirdilər. Hadisə yerinə xilasediciləri cəlb olunub.

Globalinfo.az-a danışan hüquqşünas Əliməmməd Nuriyev deyib ki, baş verən hadisə ilk növbədə bir neçə etik normanın pozulmasıdır:

“Bundan başqa baş verən hadisə çox ciddi hüquq pozuntusudur, yolverilməzdir. Məsələni hüquqi nöqteyi-nəzərdən analiz etdikdə görərik ki, burada mülkiyyət hüququnun pozulması baş verib. Azərbaycan Respublikasının Konstitusiyasının 29-cu maddəsi və Mülki Məcəllə vətəndaşlarının hüquqlarını qoruyur. Hətta ev qeyri-qanuni tikili olsa belə orada yaşayan şəxslər çıxarılmadan, təxliyə prosesi araşdırılmadan, vətəndaşlara məlumat verilmədən heç bir söküntü aparıla bilməz.

İnzibati Xətalar Məcəlləsinə görə, şirkətin etdiyi məsuliyyət yaradır. Bu, qeyri-qanuni hərəkətdir. Belə ki, hüquqi əsas olmadan mülkiyyətə müdaxilə və insan həyatı üçün təhlükə yaratmaq cinayətdir. Burada mülkiyyətin məhv edilməsi baş verib. Azərbaycan Respublikasının Cinayət Məcəlləsinin 186, 187-ci maddələri qüvvəyə minir. Əgər insan həyatına təhlükə yaranırsa, şəxsiyyət əleyhinə cinayət də sayılır.

Yaşayış binasının içərisində insan olduğu üçün bu həm də xüsusi təhlükəli əməl sayılır. Cinayət Məcəlləsinin müvafiq bəndi üzrə də məsuliyyətə cəlb edilə bilər”.

Ə.Nuriyev deyib ki, hər hansı şirkət tikinti işi aparırsa, yerli icra hakimiyyəti, FHN, Dövlət Şəhərsalma və Arxitektura Komitəsi, Bakı Şəhər Memarlıq və Şəhərsalma Baş İdarəsi ilə razılaşdırılmış təxliyə işi aparmalıdır:

“Bütün bunlar edilməyibsə, tikinti şirkəti təkcə hüquqi deyil, həm də mülki məsuliyyət daşıyır. Çünki əmlaka və insanlara zərər dəyir. Digər tərəfdən, bu cür hərəkətlər insanlara psixoloji zərbə də vurur.

Qanunla heç bir şəxs, ailə evindən çıxmırsa, onu zorla çıxara bilməzlər. Söküntü işləri məhkəmə qərarı ilə başlaya bilər. Lakin yenə də təxliyə işləri aparılmadan heç bir söküntü aparmaq olmaz.

Vətəndaşlar Baş Prokurorluğa, Ombudsman Aparatına, Dövlət Şəhərsalma və Arxitektura Komitəsinə, FHN-ə və polisə şikayət edə bilərlər. Bundan başqa, məhkəməyə müraciət edib şirkətə qarşı maddi-mənəvi təzminat irəli sürə bilərlər”.

Qeyd edək ki, Bakı şəhəri, Yasamal rayonu, Alatava ərazisində aparılan söküntü işləri ilə əlaqədar 27 mart 2025-ci il tarixində Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən əraziyə baxış keçirilib və bu işlərin müvafiq icazə olmadan aparıldığı müəyyən edilib.

Bildirilib ki, aparılan işlər vətəndaşlarla tam razılıq əldə edilmədən və mövcud qanunvericiliyin tələblərinə zidd aparıldığı üçün Baş İdarə tərəfindən aidiyyəti qurumlarla birlikdə dayandırılıb və aktlaşdırılıb.

“Qanunsuz işlər zamanı vətəndaşların mülklərinə dəymiş ziyanla bağlı müvafiq araşdırma aparılması üçün materiallar Baş İdarə tərəfindən hüquq-mühafizə orqanlarına təqdim ediləcək”, – deyə məlumatda qeyd edilib.

Bu barədə mütamadi olaraq, ən azı Bayram günlərində: Neftçilərin Hüquqlarını Müdafiə Təşkilatının, Təşkilatın sədri Mirvari xanımın və mənim FB səhifəmdə və mətbuatda izah və maarifləndirmə işləri aparsaq da demək olar ki, bütün Bayram və ya digər istirahət günlərində eyni məzmunlu suallara cavab vermək məcburiyyətində qalırıq.
Bu sualların yaranmasının əsas səbəbi isə ondan ibarətdir ki, işəgötürənlər çox hallarda bu sahədə işçilərin əmək hüquqlarını pozur.
İşçilərin: istirahət, səsvermə, iş günü hesab edilməyən bayram günləri və ya ümumxalq hüzn günü, şənbə və ya bazar günləri üçün görülən işə görə əmək haqqı necə və hansı QAYDADA ÖDƏNİLMƏLİDİR?
Əmək Məcəlləsi ilə bu- əmək münasibəti nə qədər dəqiq vədüzgün tənzim olunsada hələ də bununla əlaqədar mübahisələr yaranır və ya işçilər əmək hüquqları pozulur.
Bu barədə bizim Təşkilat tərəfindən müxtəlif izahatlar verilsə də və maarifləndirmə işləri aparılsa da, hələ də Neftçilərin Hüquqlarını Müdafiə Təşkilatına edilən müraciətlər, çox hallarda isə şikayətlər də təsdiq edirki, əmək münasibətləriinin bu sahəsində, yəni, əmək haqqının ödənilməsi sahəsində hələdəəmək mübahisələr, düzgün tədbiq edilməmələr və ya anlaşmalar mövcuddur. Bu mübahisələr isə əsasən 2 istiqamətdə yaranır:
1. Bir çox işçilər belə hesab edir ki: 5 günlük, 6 günlük və ya növbə üsulu iş rejimindən asılı olmayaraq: istirahət, səsvermə, iş günü hesab edilməyən bayram və ümumxalq hüzn günü, iş günü hesab edilməyən şənbə və bazar günləri üçün görülən işə görə əmək haqqı - ikiqat məbləğdə ödənilməlidir.
Bununla əlaqədar bildirirəm ki: bu halda iş rejimindən asılı olaraq, müxtəlif ödəmələr mövcuddur. Belə ki:
İstirahət,səsvermə, iş günü hesab edilməyən bayram günləri və ya ümumxalq hüzn günü, eyni zamanda 5 günlük və ya 6 günlük iş rejimində iş günü hesab edilməyən şənbə və ya bazar günü işəçağırılan işçinin görülən işə görə əməkhaqqı - gündəlik tarif maaşının iki mislindən aşağı olmamaqla ödənilir.
Növbə üsulu ilə işləyən işçilərin şənbə və ya bazar günləri - növbə günlərinə düşərsə, bu zaman onların əmək haqqı ikiqat məbləğdə ödənilmir. Belə ki, bu rejimdə işləyən işçilər üçün növbə vaxtına düşən - şənbə və bazar günləri istirahət və ya qeyri iş günü deyil, adi iş günləridir, o əsasdan da bu günlər üçün əmək haqqı adi qaydada və digər günlərdə olduğu iş günü kimi ödənilir.
Lakin, əgər növbə üsulu ilə işləyən işçilərdə bayram günləri - növbə vaxtına düşərsə, növbə ərzində şənbə və ya bazar günləri ilə eyni günə düşərsə, bu zaman işçilərin əmək haqqı ikiqat məbləğdə ödənilir.
2. Tam olmasa, az da olsa müəssisələr var ki,
növbə üsulu ilə işləyən işçilərdə: istirahət, səsvermə, iş günü hesab edilməyən bayram günləri və ümumxalq hüzn gününun - növbə günlərinə düşdüyü halda belə,növbə üsulunu bəhanə edərək, işçiyə bu günlər üçün əmək haqqını ikiqat məbləğdə ödəmək istəmirlər.
3. Bununla əlaqədar bildirirəm ki, hər hansı bir bəhanə olmadan: istirahət, səsvermə, iş günü hesab edilməyən bayram günləri və ya ümumxalq hüzn günü - növbə günlərinə düşərsə, bu zaman işçinin görülən işə görə həmin gün və ya günlər üçün əməkhaqqı - gündəlik tarif maaşının iki mislindən aşağı olmamaqla ödənilir.
İş günü hesab edilməyən bayram günləri işləmiş işçinin arzusu ilə ona - əmək haqqı əvəzinə başqa istirahət günü verilə bilər.
4. Bu hallarda əgər işçiyə -əmək haqqı ikiqat məbləğdə ödənilməmişsə və işçiyə əmək haqqının verilməsi işəgötürənin təqsiri üzündən gecikdirildikdə, bu zaman hər gecikdirilmiş gün üçün işçiyə əmək haqqının azı bir faizi məbləğində ödənc verilməlidir.
5. Bu hallarda işəgötürənlər, Əmək Məcəlləsi və əmək qanunvericiliyi sisteminə daxil olan normativ hüquqi aktlarla müəyyən olunmuş hüquqları pozmağa, məhdudlaşdırmağa, bu hüquqlardan sui-istifadə etməyə görə qanunvericiliklə müəyyən edilmiş qaydada: maddi, intizam, inzibati, cinayət məsuliyyəti daşıyırlar.
Azər Quliyev.
TEREF