ABŞ Prezidenti Co Bayden ölkədə “TikTok”u qadağan edən qanun imzalayıb.

Qanuna əsasən, əgər yaxın 9-12 ay ərzində sosial şəbəkənin sahibi olan Çinin “ByteDance” platformanı satmasa, qadağa işə düşəcək.

Beləliklə də, çinlilərin ultra-populyar sosial şəbəkənin satışı ilə bağlı razılığa gəlmək üçün bir ilədək uzatmaq imkanı ilə doqquz ay vaxtı var. Bu müddətdə satış baş tutmasa, sosial şəbəkəyə giriş bağlanacaq.
“Biz heç yerə getmirik. Konstitusiya bizim tərəfimizdədir və biz qalib gələcəyimizi gözləyirik”, - “Tik-Tok”un rəhbəri Şou Tzu Çyu yeni qanunu şərh edərkən bildirib.

Tutaq ki, bizdə hansısa bir qurum, dövlət qurumu, yaxud özəl qurum, yaxud da bir elmi -tədqiqat qurumu hansısa bir süni intellekt həlli yaratmaq istəyir.
Onlar indiki anda bunu reallaşdıra bilərlərmi ?
Təəssüf ki, hazırda bu, real görsənmir.
Bunun üçün 4 əsas şərt vacibdir :
1. Superkompüter, yəni süni intellekt sistemlərini işlətmək üçün zəruri olan, yeni nəsil çiplərlə təmin olunan yüksək gücə malik kompüter.
Təəssüf ki, maraqlı tərəflər üçün əlçatan belə bir superkompüter hələlik bizdə yoxdur, UFAZ-da və ADA-da olanlar dar çərçivədə istifadə üçün nəzərdə tutulub
2. Data, hansı ki, əsasən hökumətin əlində cəmləşib- maraqlı tərəflər üçün əlçatan deyil
3. Dilin Milli Korpusu, hansısa komponentləri mövcud olsa da, hamı üçün əlçatan bir milli resurs ortada yoxdur
4. Enerji, varımızdır, həm də yaşılından

Milyarder İlon Maskın nəzarətində olan kosmik müəssisə tərəfindən ABŞ tənzimləyicilərinə verilən təhlükəsizlik məlumatlarının “Reuters” tərəfindən araşdırmasına görə, “SpaceX”in obyektlərində xəsarət halları nisbətləri 2023-cü ildə sənaye ortalamasını keçməyə davam edib.

AZƏRTAC xarici mediaya istinadla xəbər verir ki, ABŞ-ın Əməyin Təhlükəsizliyi və Sağlamlığı İdarəsi tərəfindən yeni açıqlanan 2023-cü il qeydləri də göstərir ki, “SpaceX”in bəzi obyektlərində xəsarət nisbətləri şirkətin 2022-ci ildə açıqladığı rəqəmdən daha çoxdur. Məsələn, Texas ştatının Braunnsvil şəhərindəki istehsal və buraxılış müəssisəsində “SpaceX” 2022-ci ildə 4,8 xəsarət nisbətini ötərək və kosmik sənayedə orta hesabla 0,8-i ötərək, hər 100 işçiyə 5,9 xəsarət olduğunu bildirib. Bu xəsarətlər əzilmiş əzalara, amputasiyalara, ciddi baş-beyin xəsarətlərinə və bir ölümə səbəb olub.

Təhlükəsizlik mütəxəssisləri deyirlər ki, yüksək xəsarət nisbətləri “SpaceX” müştərilərini, o cümlədən NASA-nı narahat etməlidir. Federal kosmik proqram son illərdə getdikcə daha çox “SpaceX”ə etibar edilir və 2022-ci ilə qədər şirkətə müxtəlif müqavilələr üçün ən azı 11,8 milyard dollar ödənilib.

Sakit Okeanda raket gücləndiriciləri əldə edən bir bölmədə “SpaceX” keçən il hər 100 işçiyə 7,6 xəsarət halı düşdüyünü bildirib ki, bu da sənaye göstəricisindən doqquz dəfə çoxdur.

Digər planetlərin və qalaktikaların sakinləri adətən iri gözlü yaşıl canlılar kimi təsvir edilir. Lakin alimlərin tapıntıları göstərir ki, yerdənkənar canlılar tamamilə fərqli rəngə, məsələn, bənövşəyi rəngə malik ola bilər.

Valyuta.az bu barədə NV-yə istinadla xəbər verir.

Yerə bənzər, lakin fərqli bir ulduzun ətrafında fırlanan bir planet potensial olaraq az görünən işıq və ya oksigen qəbul etməyən bakteriyalarla örtülə bilər. Bunu Yerdəki bəzi mühitlərdə görmək olar, burada bakteriyalar əvəzində qidalanmaq üçün görünməz infraqırmızı şüalardan istifadə edirlər. Yerdəki bir çox belə bakteriyalarda yaşıl əvəzinə bənövşəyi piqmentlər var. Elm adamları, həyatın yarandığı başqa bir planetdə məhz belə bakteriyaların üstünlük təşkil edə biləcəyini irəli sürürlər.

Tədqiqatçılar müxtəlif şəraitə və bulud örtüyünə malik Yerə bənzər planetlərin modellərini yaradıb. Müxtəlif simulyasiya edilmiş mühitlərdə həm yaş, həm də quru bənövşəyi bakteriyalar intensiv rəngli bioimzalar əmələ gətirib.

"Bənövşəyi bakteriyalar geniş şəraitdə inkişaf edə bilər və onları müxtəlif dünyalara hakim ola biləcək həyata aparıcı namizədlərdən birinə çevirir", - Carl Sagan İnstitutunun ( CSI) elmi işçisi və nəşr olunan məqalənin ilk müəllifi Ligia Fonseca Koelyo deyir.

Digər ulduzların sistemlərində hətta solğun bənövşəyi nöqtənin tapılması elm adamlarına belə bir planetin daha intensiv müşahidələrinə yol açardı. Buna görə də məqalənin həmmüəllifi, CSI direktoru və astronomiya üzrə dosent Lisa Kaltenegger qeyd edir ki, elm adamları teleskopların hər gün ətrafımızda gördüyümüzdən çox fərqli göründüyü üçün onu qaçırmamasına əmin olmaq üçün həyat əlamətlərinin məlumat bazası yaratmalıdırlar.

"Əgər bənövşəyi bakteriyalar donmuş Yerin, okean dünyasının, buzlu sferanın və ya soyuq ulduzun ətrafında dövr edən müasir Yerin səthində inkişaf edirsə, onda bizim onları tapmaq üçün alətlərimiz var", - deyə alim əlavə edir.

Məlum olduğu kimi, bu vaxta qədər astronomlar 5500-dən çox ekzoplanetin, o cümlədən 30-dan çoxu Yerə bənzər potensial olaraq mövcud olduğunu təsdiqləyiblər. Gələcək rəsədxanalar bu dünyaların kimyəvi tərkibini öz ulduzlarının məskunlaşdığı zonalarda, şəraitin səthdə maye suyun mövcudluğuna imkan verdiyini öyrənəcək və onların tərkibini təhlil edəcək.

Şimali Koreya Birləşmiş Ştatlar və Cənubi Koreya ilə dərinləşən gərginlik fonunda hərbi imkanlarını genişləndirdiyi bir vaxt, şənbə günü ölkənin qərbindəki sahilyanı ərazidə “super-böyük” qanadlı raketi və yeni zenit raketini sınaqdan keçirdiyini bildirib.

Şimali Koreyanın dövlət mediası bildirib ki, ölkənin raket administrasiyaı cümə günü Hwasal-1 Ra-3 strateji qanadlı raketi üçün hazırlanan döyüş başlığı üçün “güc sınağı”, Pyoljji 1-2 zenit raketi üçün də uçuş testi həyata keçirib. Media sınaqların “müəyyən bir məqsədə” çatdığını bildirib.

Şimali Koreyanın rəsmi Koreya Mərkəzi Xəbər Agentliyinin yaydığı şəkildə obyektdən ən azı iki raketin havaya qalxdığı göstərilib.

Şimali Koreya fevralın 2-də də bənzər sınaqlar həyata keçirib, amma həmin zamanı qanadlı raket və ya zenit raketinin adlarını qeyd etməyib ki, bu da onun eyni sistemi həftələr ərzində bir neçə dəfə sınaqdan keçirdikdən sonra texnoloji tərəqq əldə edə biləcəyinə işarə edir.

Koreya Mərkəzi Xəbər Agentliyi israr edir ki, cümə günü keçirilən sınaqlar Şimali Koreyanın müntəzən hərbi inkişaf fəaliyyətlərinin bir hissəsidir və “ətraf vəziyyət”lə heç bir əlaqəsi yoxdur.

Koreya yarımadasında gərginlik son illərin ən yüksək səviyyəsindədir. Belə ki, Şimali Koreya lideri Kim Conq Un silah nümayişlərini artırıb ki, onlara ABŞ ərazisi və ABŞ-ın Sakit okeandakı hədəflərinə yönəlmiş daha güclü raketlər daxildir. Birləşmiş Ştatlar, Cənubi Koreya və Yaponiya cavab olaraq ortaq hərbi təlimlərini genişləndirib və ABŞ-ın strateji aktivləri ətrafında qurulmuş çəkindirmə strategiyalarını kəskinləşdirib.

Qanadlı raketlər Şimali Koreyanın regional raketdən müdafiə sistemlərini alt-üst etmək üçün nəzərdə tutulan artan silah kolleksiyası arasındadır. Onlardan əlavə Şimali Koreya çox sauda balistik raketə, o cümlədən kontinental Birləşmiş Ştatlar ərazisinə yönəlmiş qitələrarası balistik raketlərə sahibdir.

Təhlilçilər deyir ki, Şimali Koreya Rusiya ilə artan hərbi əməkdaşlığından faydalandığı sahələrdən biri zenit raket texnologiyasıdır. İki ölkə ABŞ-la ayrı, şiddətlənən qarşıdurmalar qarşısında birləşir. Birləşmiş Ştatlar və Cənubi Koreya Şimali Koreyanı Rusiyaya Ukraynakı müharibəsini uzatmağa yardım edən artileriya mərmiləri və başqa hərbi avadanlıqlarla təmin etməkdə ittiham edib.

Çinin “Çançjen-2D” daşıyıcı raketi aprelin 21-də “Yaoqan-42-02” Yerin uzaqdan zondlama peykini uğurla orbitə çıxarıb.

“Report” xəbər verir ki, bu barədə Çin Aerokosmik Elm və Texnologiya Korporasiyası (CASC) məlumat yayıb.

Raket Pekin vaxtı ilə saat 07:45-də (Bakı vaxtı ilə 03:45) Siçan kosmodromunun buraxılış meydançasından buraxılıb.

Avropa Avtomobil İstehsalçıları Assosiasiyasının (ACEA) dərc etdiyi əhatəli hesabatında elektrikli avtomobil satışlarının mart ayında 134 min ədəd səviyyəsində olduğu bildirildi.

İndex.az xəbər verir ki, bu rəqəm 11,3% azalmanı göstərir. Beləliklə, elektrik modellərinin ümumi bazar payı 13%-ə qədər azalıb.

Digər tərəfdən, hibrid sinfi eyni dövrdə 12,6% əhəmiyyətli bir artım göstərdi. Bu sinfin bazarda ümumi payı 29%-ə çatıb.

Bu rəqəmlər artıq hibrid mühərriklərin gələcəyi ilə bağlı müsbət rəylərə səbəb olub. Qiymətləri düşməyə meylli olan tam elektrikli avtomobil markaları, şarj tutumunda və maksimum məsafədə müxtəlif təkmilləşdirmələr edərək bu mənfi vəziyyəti aradan qaldırmağı hədəfləyir. Ümid edirik ki, bütün bu inkişaflar günün sonunda istifadəçilərə fayda verəcəkdir.

“BlackBerry” mütəxəssisləri çinli hakerləri “iPhone” istifadəçilərinə genişmiqyaslı hücumda ittiham ediblər.

Bundan əlavə, ekspertlər hakerlərin Çin hakimiyyəti ilə əlaqəli olmasından narahatlıqlarını bildiriblər.

Xatırladaq ki, aprelin əvvəlində “Apple” şirkəti istifadəçilərə çinli hakerlərin “LightSpy” adlı mürəkkəb “iOS” implantından istifadə etməklə kiberhücumlar həyata keçirdikləri barədə xəbərdarlıq etmişdi.
Qeyd olunur ki, ilk belə hücum 2020-ci il böhranı zamanı Honkonqda həyata keçirilib. “LightSpy” proqramından istifadə edərək, hakerlər zərərçəkənin telefonu ilə uzaqdan əlaqə saxlayıb və cihaza giriş əldə edərək istifadəçinin şəxsi sənədləri və yazışmalarını ələ keçiriblər. Bundan əlavə, “LightSpy” mikrofondan səs yazmağa, zəngləri təhlil etməyə və geolokasiya məlumatlarını ötürməyə imkan verir.

Mənbə: AppleInsider