 |
|
|
Türkiyədə istehsal edilən və “AirCar” adı verilən ilk yerli uçan avtomobil artıq insanlı uçuşlara start verib.
Musavat.com xəbər verir ki, Kocaeli vilayətində keçirilən sınaq uçuşunda, layihənin inkişaf etdiriciləri bu texnologiyanın real istifadəyə hazır olduğunu sübut ediblər.
Layihə rəhbərlərinin sözlərinə görə, bu sahədə dünyada cəmi beş şirkət fəaliyyət göstərir və Türkiyə həmin beşliyin içində yer alır:
“Bu alanda dünyada sadəcə 5 firma var və onlardan biri bizik,” – deyə mütəxəssislər vurğulayıb.
İki fərqli model üzərində sınaqlar keçirən türk mühəndisləri, artıq hər iki vasitə ilə insanlı uçuşlara başladıq deyə açıqlayıblar.
Şirkət nümayəndələrinin bildirdiyinə görə, “AirCar”ın İstanbul Boğazı kimi şəhər içi hava marşrutlarında istifadəsi planlaşdırılır:
“İstanbul Boğazı rotası “AirCar” üçün çox uyğundur. Hündürlüyə çox çıxmadan, bir sahildən digər sahilə keçidlər mümkün olacaq. Hətta adalara servis xidməti də göstərilə bilər,” – deyə qeyd olunub.
Bununla yanaşı, Türkiyənin çətin keçilən bölgələrinə həm yük, həm də insan daşımalarının həyata keçirilməsi də yaxın gələcəkdə nəzərdə tutulur.
Bu texnoloji nailiyyət Türkiyənin innovativ nəqliyyat vasitələri sahəsində qlobal bazarda ön sıralarda yer almaq potensialını nümayiş etdirir.
Musavat.com
Azərbaycanın telekommunikasiya və poçt sahəsində tənzimləyici qurumu olan İnformasiya Kommunikasiya Texnologiyaları Agentliyinin (İKTA) mütəxəssisləri ölkədə fəaliyyət göstərən internet provayder və operatorların nümayəndələri üçün təlim keçiblər.
Məqsəd internet xidməti təchizatçıları tərəfindən İKTA-ya öz fəaliyyətləri barədə səhih statistik məlumatların verilməsinin təmin edilməsi olub.
Qeyd edək ki, məlumatların səhihliyinin avtomatik yoxlanılması üçün İKTA əməkdaşları xüsusi proqram hazırlayıblar. Təlimdə iştirakçılara bu proqramdan istifadə qaydaları və tələb edilən statistik göstəricilər izah olunub, onların sualları cavablandırılıb.
Təlimin sonunda indiyədək internet xidməti təchizatçılarının məlumatların verilməsində qarşılaşdıqları çətinliklərin müəyyənləşdirilməsi və gələcəkdə proqramdan istifadənin effektivliyinin ölçülməsi məqsədilə onlayn sorğu təşkil olunub.
Xatırladaq ki, İnformasiya Kommunikasiya Texnologiyaları Agentliyi ölkədə informasiya-kommunikasiya texnologiyaları və rabitə (telekommunikasiya və poçt) sahələrində tənzimləmə və nəzarəti, eləcə də radiospektr idarəçiliyini həyata keçirir.
Gündəlik həyatımızın ayrılmaz hissəsinə çevrilmiş smartfonlar düzgün istifadə olunmadıqda ciddi təhlükə mənbəyinə çevrilə bilər. Xüsusilə şarj zamanı edilən bəzi səhvlər cihazın sıradan çıxmasına, hətta yanğına səbəb ola bilər. Əksəriyyətimizin adi vərdiş kimi qəbul etdiyi bu davranışlar həm telefonun ömrünü azaldır, həm də həyat və əmlak üçün risk yaradır.
Aşağıda təqdim etdiyimiz siyahıda smartfonunuzu yandıra və ya zədələyə biləcək 10 təhlükəli şarj səhvi yer alıb. Bu səhvlərdən xəbərdar olmaq və onlardan uzaq durmaq telefon təhlükəsizliyi baxımından olduqca vacibdir.
Orijinal olmayan şarj cihazından istifadə
Keyfiyyətsiz və ucuz adapterlər cərəyan dəyişkənliyi yaradır, bu da batareyanın həddindən artıq qızmasına və yanğına səbəb ola bilər.
Telefonu uzun müddət şarjda saxlamaq (gecə boyunca)
Batareya dolduqdan sonra da cihazın şarjda qalması qızmaya və batareya ömrünün azalmasına səbəb olur.
Zədələnmiş və ya köhnə kabeldən istifadə
Qırıq və ya əyilmiş kabellər qısaqapanmaya gətirib çıxara bilər, bu da cihazın zədələnməsi və ya alışması ilə nəticələnə bilər.
Telefonu örtülü səthdə şarj etmək
Yastıq, yorğan və ya divanın üzərində şarj etmək istiliyin xaricə çıxmasına mane olur və yanğın riski yaradır.
Telefonu tam boşalana qədər istifadə etmək
Batareyanı sıfıra endirmək lityum-ion batareyalarda kimyəvi sabitliyi poza bilər, bu da təhlükəli nəticələr doğura bilər.
Şarj zamanı telefonu intensiv istifadə etmək
Oyun oynamaq və ya video izləmək şarj zamanı istiliyi artırır, bu da cihazın qızmasına və daxili komponentlərin zədələnməsinə yol aça bilər.
Telefonu günəş altında və ya isti mühitdə şarj etmək
Yüksək temperatur batareyanın şişməsinə, partlamasına və ya yanmasına səbəb ola bilər.
Telefonu rütubətli və ya nəm mühitdə şarj etmək
Mətbəx və vanna otağı kimi yerlərdə şarj etmək cihazda korroziya və qısaqapanmaya səbəb ola bilər.
Powerbank və ya USB portlarla səhv şarj üsulları
Standartlara uyğun olmayan powerbanklardan və ya qeyri-sabit USB portlardan istifadə batareyaya zərər verə bilər.
Şarj portunu təmiz saxlamamaq
Toz və kirlər portda qısaqapanmaya səbəb ola bilər. Şarj etməzdən əvvəl portun təmiz və quru olmasına əmin olun.**milli.az
Yer kürəsinin kosmik qonşuları haqqında müzakirələrdə Merkuri tez-tez nəzərə alınmır. Bununla belə, yeni hesablamalara görə, o, bizə ən yaxın planetdir.
Teleqraf xəbər verir ki, bu barədə “Farmingdale Observer” məlumat yayıb.
Məqalədə qeyd olunur ki, NASA alimləri planetlərin yaxınlığı ilə bağlı ənənəvi nəzəriyyəni alt-üst ediblər. Yeni “nöqtə dairəsi metodu”ndan istifadə edərək, ABŞ elm adamları yaxın yaxınlaşma nöqtələrini ölçməkdənsə, zamanla planetlər arasında orta məsafələri hesablayıblar. Nəticələr göstərib ki, Merkuri orta hesabla Yer kürəsinə Venera və ya Marsdan daha yaxındır.
Nəşr bu kəşfin Merkurinin Günəş ətrafında sürətli fırlanması əlaqəli olduğunu yazıb. Planetin sürətli fırlanması o deməkdir ki, Merkuri digər planetlərə nisbətən Günəş sisteminin Yerlə eyni tərəfində daha çox vaxt keçirir.
Planetin uzunmüddətli orbital dinamikasını nəzərə alan daha mürəkkəb ölçmə üsullarından istifadə edərək, alimlər müəyyən ediblər ki, Merkuri orta hesabla Günəş sistemindəki bütün planetlərə ən yaxın qonşudur.
Nəşr əlavə edib ki, Yerin Merkuriyə ən yaxınlaşma məsafəsi 77 milyon kilometrdir. Bəzi kosmik gəmilər, o cümlədən NASA-nın “Parker” Günəş zondu maksimum sürətlə planetə təxminən beş saat ərzində çata bilir.
Merkuri -173°C-dən 427°C-ə qədər olan əlverişsiz temperatur və atmosferinin olmaması səbəbindən birbaşa kəşfiyyat üçün əlçatmaz olaraq qalır. Amma alimlər planetə vacib məlumatları toplamağa qadir olan robot missiyalar göndərirlər.
İnnovasiya və sürət lideri “Bakcell” ölkənin ilk rəqəmsal bankı “Birbank” ilə tərəfdaşlığını genişləndirərək rəqəmsal yeniliklər və müştəri məmnuniyyəti istiqamətində növbəti addımı atır. Bu təşəbbüs nəticəsində istifadəçilərə seçilmiş “Birbank” filiallarında “Bakcell” nömrələrinin təqdimatı və “Birbank” mobil tətbiqi vasitəsilə tam inteqrasiya olunmuş aktivləşdirmə təklif olunur. Tərəfdaşlığın əsas məqsədi innovasiya əsasında müştəriyönümlü və funksional xidmət modelinin formalaşdırılmasıdır.
Qeyd edək ki, “Bakcell” nömrələri “Birbank”ın “Gənclik Mall”, “Sahil”, “28 Mall”, “Binəqədi” və “Sumqayıt” filiallarında quraşdırılmış xüsusi stendlər vasitəsilə təqdim olunur. İstifadəçilər stend və ya SIM paketinin üzərindəki QR kodu “Birbank” tətbiqi ilə skan edərək nömrəni tam rəqəmsal və sürətli şəkildə aktivləşdirə, daha sonra “Bakcell”in “Birinci” tarif paketindən faydalana bilərlər. Bu tarifə qoşulan müştərilər, həmçinin “Trendyol”, “Umico”, “m10” və “Birbank” platformalarından istifadə zamanı xüsusi fürsət və əlavə imkanlar əldə edəcəklər. Yaxın gələcəkdə isə digər “Birbank” filiallarında da yeni “Bakcell” stendlərinin quraşdırılması planlaşdırılır.
Əlavə olaraq, nömrələr “Əhmədli” ərazisində, həmçinin “Koroğlu”, “20 Yanvar” və “Şah İsmayıl Xətai” metro stansiyalarının yaxınlığındakı “Bravo” hipermarketlərində yerləşən “Bakcell” stendlərindən də əldə edilə bilər.
Bu təşəbbüs “Bakcell”in müştəriyönümlü yanaşmasını əks etdirən və müştəri təcrübəsinin hər mərhələsində rəqəmsal yeniliyi təşviq edən növbəti uğurlu addımdır.
"Bakcell" haqqında
"Bakcell" Azərbaycanın ilk və ən böyük özəl telekommunikasiya şirkətidir. Hazırda "Bakcell" üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Şirkət süni intellektə əsaslanan innovasiyalar və həllər vasitəsilə Azərbaycanın davamlı inkişafına töhfə verir və Azərbaycan iqtisadiyyatının qeyri-neft sektorunun ən böyük investorlarından biridir.
"Bakcell" müxtəlif ölkələrdə telekommunikasiya, enerji, yüksək texnologiyalar və tikinti sahələrində fəaliyyət göstərən "NEQSOL Holding" beynəlxalq şirkətlər qrupunun tərkibinə daxildir.
Gənc İtaliya şirkəti "Automobili Mignatta" debüt modeli - "Rina" spidsterini təqdim edib.
TEREF xəbər verir ki, 1960-cı illərin idman avtomobilləri üslubunda hazırlanan yeni model 260 min avrodan başlayan qiymətə malikdir.
İl ərzində əl ilə hazırlanmış 30-dan çox nüsxənin istehsal edilməsi planlaşdırılır.
Şirkətin qurucusu Hose Minyattanın nənəsi Katerinanın şərəfinə adlandırılan spidster uzun kapot və klassik konturlara malikdir. Onun əsasını karbon material təşkil edir.
Kapotun altında "Italtecnica Engineering" şirkəti tərəfindən tənzimlənmiş beş litrlik atmosfer V8 quraşdırılıb. Texniki xüsusiyyətlər hələ açıqlanmayıb. Dəri və karbon lifi ilə üzlənmiş salon da retro üslubunda hazırlanıb - burada yalnız analoq cihazlar, açar və düymələr var.(oxu.az)
“Volvo Cars” arxa görüntü kamerası işləmədiyi üçün 450 min avtomobilini geri çağıracaq.
Bu barədə “Carscoops.com” portalı məlumat yayıb.
Məlumata görə, söhbət 2021-2025-ci illər arasında istehsal olunan 10 avtomobil modelindən gedir. Bunlar Volvo C40, S60, S90, V60, V60 Cross Country, V90, V90 Cross Country, XC40, XC60 və XC90 modelləridir.
Portalın məumatına görə, bəzi hallarda, Geri sürət qutusunu işə saldıqda və geriyə hərəkət etdikdə ekranda görüntü olmir - bunun əvəzinə “Kamera müvəqqəti olaraq əlçatmazdır” xətası göstərilir.
Təsirə məruz qalan avtomobillərin sahibləri problemi həll etmək üçün “Volvo” dilerlərinə baş çəkməli olacaqlar.
Oktyabrın 9-da ilk elektrikli "Ferrari"nin təqdimatı, görünür, baş tutmayacaq.
"Motor1" xəbər verir ki, bunu 2025-ci ilin birinci rübünün maliyyə hesabatının təqdimatı zamanı brendin baş direktoru Benedetto Viqna analitiklərə bildirib.
Onun sözlərinə görə, yeni akkumulyator məhsulu üç mərhələdə ictimailəşdiriləcək.
Qeyd edək ki, "Ferrari Elettrica" kod adı ilə tanınan elektrik avtomobili bir neçə ildir hazırlanır. Lakin onunla bağlı demək olar ki, etibarlı məlumat yoxdur.
Sovet İttifaqına aid “Kosmos-482” kosmik aparatı mayın 9-dan 11-nə qədər Yer atmosferinə daxil olacaq.
Bu barədə Teleqraf-ın sorğusuna cavab olaraq Bakı Dövlət Universitetinin (BDU) Fizika fakültəsinin Astrofizika kafedrasından məlumat verilib.
Bildirilib ki, cihazın əhali sıx məskunlaşan ərazilərə düşmə ehtimalı çox azdır.
“Cihazın əksər hissəsi atmosferə daxil olduqda yanacaq və qalan fraqmentlər böyük ehtimalla okeana və ya əhalisi olmayan ərazilərə düşəcək. Lakin cihazın dayanıqlı konstruksiyası səbəbindən bəzi hissələrinin Yerə düşməsi mümkündür, amma bunun ehtimalı çox azdır. “Kosmos-482”-nin atmosferə daxil olması və Yerə düşməsi ehtimalı daha çox ekvator və 60° enlikləri arasında olan ərazilərdədir. Bu, Yer kürəsinin geniş bir hissəsini əhatə edir. Cənub və şimal qütblərinə yaxın ərazilərə düşmə ehtimalı isə cüzidir.
“Kosmos-482”-nin Azərbaycan ərazisinə düşməsi mümkünlüyünə gəlincə, bu ehtimal da çox aşağıdır".
Qeyd olunub ki, “Kosmos-482” 1972-ci ilin martın 31-də "Venera" proqramı çərçivəsində buraxılmış keçmiş Sovet İttifaqına aid avtomatik planetlərarası stansiyadır. Bu cihaz Veneranın səthinə eniş etmək üçün nəzərdə tutulub və buna uyğun olaraq, planetin atmosferində olan ekstremal şəraitləri nəzərə alaraq hazırlanıb.
Cihazın korpusu titandan hazırlanıb, həmçinin ona yüksək temperatur və təzyiqlərə davamlı istilik ekranı quraşdırılıb. Cihazın çəkisi təxminən 500 kiloqram, diametri isə bir metrə yaxın idi. Lakin "Molniya-M" raket daşıyıcısının sürətləndirmə blokunun qəzası nəticəsində cihaz planetlərarası trayektoriyaya daxil ola bilmədi və Yer ətrafı orbitdə qaldı.
50 ildən artıq bir müddətdə cihazın Yer ətrafında dövr etməsi onun orbitinin tədricən enməsinə səbəb oldu. “Kosmos-482”-nin sonsuz müddətə orbitdə qalması gözlənilmirdi və nəticədə onun atmosferə düşməsi qərara alındı. Bu qərar yalnız missiyanın başa çatdırılması üçün deyil, həm də cihazın kosmik tullantıya çevrilməsinin qarşısını almaq məqsədilə verildi.
Bundan əlavə “Kosmos-482”-nin endirilməsi mövcud peyklər və gələcək kosmik missiyalar üçün mümkün olan riskləri azaltmağa kömək edəcək. Bu il Rusiya Kosmos Agentliyinin (Roscosmos) qərarı ilə “Kosmos-482”-nin Yerə enişi qərara alınıb.
Aparat tam yanıb kül olmadan Yerə çatacaq
Mövzu ilə bağlı sualımıza cavab olaraq Nəsrəddin Tusi adına Şamaxı Astrofiizka Rəsədxanasının icraçı direktoru, professor Nəriman İsmayılov bildirdi ki, NASA-nın məlumatlarında peyk qalığının düşəcəyi ölkələrin adları qeyd edilməyib.
"Hazırda belə kosmik "zibillərin" sayı olduqca çoxdur. Kosmosda minlərlə belə peyk var. Bunlar həm atmosferə daxil ola, həm də kosmosda digər peyklərlə toqquşa, onlara mane ola bilər. NASA-nın 6 may tarixinə olan məlumatlarına görə, "Kosmos-482" peykinin qalıqları təxminən yarım ton ağırlığındadır və Yerə doğru yaxınlaşmaqdadır. Ehtimal olunur ki, atmosferi keçərkən yansa da, tam yanıb kül olmadan Yerə də gəlib çatacaq.
NASA-nın məlumatında peykin qalıqlarının düşmə ehtimalı olan hansısa ölkənin adı çəkilməyib, Şimal və Cənub en dairələri arasında bir əraziyə düşəcəyi deyilir.
Təşviş keçirməyə ehtiyac yoxdur. Bu cismin Azərbaycan ərazisinə düşməsi ehtimalı olduqca azdır".
Qeyd edək ki, “Kosmos-482”-nin Yer atmosferinə daxil olmaq üzrə olduğu haqda Rusiya mediası məlumat yayıb və mütəxəssislərin orbital parametrlər əsasında aparılan hesablamalar göstərir ki, aparat tamamilə quru üzərinə, çox güman ki, Misir, Suriya, Türkiyə, Azərbaycan və Cənub-Şərqi Avropanın ərazisinə düşə bilər. Modulun yaşayış məntəqələrinə düşməsi riskinin olduğu vurğulanıb.
Arif Babayevə Heydər Əliyev Mükafatı verilib.
Prezident İlham Əliyev bununla bağlı Sərəncam imzalayıb.
Sərəncama əsasən Azərbaycan mədəniyyətinin inkişafında xüsusi xidmətlərinə görə Arif İmran oğlu Babayevə Heydər Əliyev Mükafatı verilib.