 |
|
|
Prezident İlham Əliyev “Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin və şəhid ailələrinin sosial-məişət şəraitinin yaxşılaşdırılması ilə bağlı bir sıra tədbirlər haqqında” 2021-ci il 25 yanvar tarixli nömrəli Sərəncamında dəyişiklik edilməsi barədə Sərəncam imzalayıb.
Yeni imzalanan sənədlə 2025-ci ildə imtiyazlı şəxslərə pulsuz mənzil veriləcək və eləcə də bu proses 2030-cu ilədək davam etdiriləcək.
İqtisadçı, deputat Vüqar Bayramov bildirib ki, dəyişikliklə imtiyazlı şəxslər və ailələrin mənzil təminatı 2025-ci ilin sonunadək deyil, 2030-cu ilədək həyata keçiriləcək.
“Bu da həmin müddətdə bütün imtiyazlı şəxslərin dövlət hesabına mənzil təminatına imkan verəcək”, - o, əlav edib.
İqtisadçı vurğulayıb ki, sərəncama əsasən, 2014-cü il yanvarın 1-dən 2023-cü il yanvarın 1-dək yaşayış sahəsinə ehtiyacı olan qismində uçota alınmış şəhid ailələrinin və müharibə ilə əlaqədar əlilliyi olan şəxslərin, habelə uçota alınma tarixindən asılı olmayaraq, Çernobıl AES-də qəzanın ləğvi , o cümlədən hərbi xidmət vəzifələrinin yerinə yetirilməsi ilə əlaqədar əlilliyi müəyyən edilmiş şəxslərin mərhələlərlə mənzil və ya fərdi evlə təmin edilməsi davam etdiriləcək:“Qanunvericiliyə əsasən, qeyd edilənlər ilə yanaşı, 16 avqust 2021-ci il tarixə kimi uçota alınmış gözdən əlilliyi olan şəxslər və uşaqlar üçün sosial xidmət müəssisələrinin və təhsil müəssisələrinin valideynlərini itirmiş və valideyn himayəsindən məhrum olmuş məzunları üçün də pulsuz mənzillər nəzərdə tutulub. 2020-ci ildə aparılan hərbi əməliyyatlar zamanı Azərbaycanın ərazi bütövlüyünün, müstəqilliyinin, konstitusiya quruluşunun müdafiəsi ilə əlaqədar əlilliyi müəyyən edilmiş şəxslər və şəhid ailələri, “Vətən Müharibəsi Qəhrəmanı” adı verilmiş şəxslər, eləcə də ölümündən sonra həmin ad verilmiş şəxslərin ailə üzvləri də imtiyazlı ailələr hesab olunurlar”.
V.Bayramov xatırladıb ki, hər il dövlət büdcəsindən imtiyazlı şəxslərin mənzil təminatı üçün vəsait ayrılır.
“İndiyədək Əmək və Əhalinin Sosial Müdafiəsi Nazirliyi tərəfindən şəhid ailələri və müharibə ilə əlaqədar əlilliyi olan şəxslərə postmüharibə dövründə 6,8 min, ümumən ötən dövrdə 16 min mənzil və fərdi ev təqdim edilib. 2025-ci ildə isə daha 1000 mənzilin verilməsi nəzərdə tutulub”, - o, bildirib.
Xəbər verdiyimiz kimi, son günlərdə Bakının Nərimanov rayonunda yerləşən Sərhəddin Yolçuyev adına 207 nömrəli tam orta məktəbdə baş verən hadisə ölkənin təhsil sistemindəki problemləri bir daha gündəmə gətirib. Məktəbin direktoru Yaqut Müseyibliyə məxsus olduğu iddia edilən səs yazısında, "Son zəng" tədbiri üçün hər bir şagirddən 150 manat məbləğində pul tələb edildiyi eşidilir. Bu tələbin yerinə yetirilmədiyi təqdirdə, şagirdlərin tədbirdə iştirak etməyəcəkləri bildirilib. Valideynlər bu tələblə razılaşmayaraq etirazlarını bildiriblər və məsələ ictimaiyyət arasında geniş müzakirələrə səbəb olub.
Hadisə ilə bağlı araşdırma aparan Məktəbəqədər və Ümumi Təhsil üzrə Dövlət Agentliyi, direktorun fəaliyyətində yol verdiyi nöqsanlara görə onu vəzifəsindən azad edib. Agentlik, təhsil müəssisələrində sağlam işgüzar mühitin təmin olunmasının və şəffaflığın artırılmasının əsas prioritetlərdən olduğunu vurğulayıb.
Yalnız bu hadisə deyil, zaman-zaman müxtəlif məktəb direktorları, məllimləri ilə bağlı narazıqlar olur. Bəs problemin həlli nədədir?
Ağ Partiya Mərkəzi Aparatının üzvü, ekspert Malvina Amirova mövzu ilə bağlı Musavat.com-a fikrini bildirib:
"Hər dəfə bir məktəbdə baş verən haqsızlıq, rüşvət, ayrı-seçkilik məsələsini dilə gətirəndə deyirlər ay aman, bu bir məktəbə aiddir. Xeyr, bu, bütün Azərbaycan məktəblərinin qanayan yarasıdır. Direktor kreslosunda oturanların bir çoxu özünü təhsil rəhbəri yox, özəl müəssisə sahibi kimi aparır. Valideynin cibinə baxır, müəllimin kimliyinə baxır, şagirdin potensialına yox, ailəsinin maddi durumuna baxır. Bu gün məktəblərdə pul verən uşaq öndə gedir, verə bilməyən isə “sən kimsən ki?” münasibəti ilə son sıraya atılır. Bu bir faktdır. İstər Bakıda olsun, istər rayonlarda, istərsə də qəsəbələrdə. Rüşvət universal bir silaha çevrilib, müəllimə diqqət istəyirsən, pul ver. Uşağın sinif rəhbərindən yaxşı münasibət istəyirsənsə, pul ver, tədbirdə iştirak etmək, dəyər verilmək, diqqət görmək istəyirsənsə, yenə də pul ver. Pulun yoxdursa, sus, otur, səni görən yoxdur. Bəs Elm və Təhsil Nazirliyi hara baxır? Bu qədər ictimai narazılıq, bu qədər fakt, bu qədər şikayət niyə nəticə vermir? Direktorlar niyə illərlə eyni məktəbdə padşah kimi qalırlar? Niyə heç bir şəffaflıq, heç bir nəzarət sistemi yoxdur? Çünki sistem özü rüşvətlə nəfəs alır. Valideynlərin bir qismi rüşvət sisteminə qarşı çıxmaq əvəzinə, onu özləri də dəstəkləyir və genişləndirirlər. Hər sinifdən 5-6 imkanlı valideyn övladını qabağa çəkmək üçün pul verir, 70-85% kasıb valideynin uşağı isə bu oyunun qurbanına çevrilir. Bu ədalətdirmi? Bu təhsildir? Bu gələcəyin qurulmasıdır?!”
Ekspert əlavə edib ki, məktəb direktorları üçün mütləq şəkildə protokol hazırlanmalıdır: “Bütün fəaliyyətləri şəffaf sistemə bağlanmalıdır. Valideynin cibi yox, uşağın haqqı əsas götürülməlidir. Direktor kreslosuna oturub rüşvət şəbəkəsi quranlar qanun qarşısında cavab verməlidir. Bildiyim qədər, məktəb direktorları müəyyən müddətdən bir rotasiya olunmalıdır. Amma görünür, bəzi şəxslər üçün bu qayda keçərli deyil.
Məsələn, Qaradağ rayonu Lökbatan qəsəbəsində yerləşən 139 nömrəli Elxan Həsənov adına məktəbin direktoru İntizar Əhməd qızı İsmayılova, artıq 16 ildir kresloya yapışıb, buraxmaq fikrində də deyil. Elə bil, bu vəzifə ömürlük ona verilib. Rotasiya prinsipi kağız üzərində yox, real həyatda tətbiq olunmalıdır. Təəssüf ki, bu prinsip selektiv şəkildə tətbiq olunur və nəticədə illərlə eyni vəzifədə qalan direktorlar mövcudluğunu qoruyur. Cəmiyyətə zərər verən direktorların əməllərinə susmaq, şərik olmaqdır. Təhsil haqdır, alver yox”.
Yaxın perspektivdə Bakıda mənzillər ucuzlaşmayacaq.
Bu barədə Musavat.com-a Azərbaycan Qiymətləndiricilər Palatasından məlumat verilib.
Bildirilib ki, aprel 2024-dən aprel 2025-ə qədər olan dövrdə orta qiymətlərdə ikirəqəmli artım faizi (təxminən 10-15%) qeydə alınıb, bazarda durğunluq müşahidə olunan qısa mərhələlər istisna olunmaqla ümumi trend bahalaşma yönündə olub. Xüsusilə, yeni tikili mənzillər segmentində yüksək tələbat qiymətləri sürətlə artırıb. Bazarın canlanması nəticəsində satışa çıxarılan mənzillərin sayı artsa da (təklif genişlənsə də), bu artım tələbi tam ödəmədiyi üçün qiymətlər yenə yüksəlib. Beləliklə, 2025-ci ilin rübündə mənzil qiymətləri artımı ölkə üzrə istehlak inflyasiyasını 2,6 dəfə üstələyib.
Nəticə olaraq, 2024-2025-ci illərdə Bakı təkrar mənzil bazarı aktiv fazadadır – qiymətlər yüksəlir, alqı-satqı sayları artmaqdadır. Bazarda təklif artsa da, tələb daha yüksək templə artdığından qiymətlər ucuzlaşmır. Ekspert proqnozlarına görə, yaxın perspektivdə də Bakıda mənzillərin ucuzlaşması gözlənilmir; əksinə, müəyyən fasilələrlə bahalaşma davam edə bilər. Bunun başlıca səbəbi odur ki, mövcud yüksək qiymətlərdən belə mənzil alan alıcılar var – yəni tələb yetərincə güclüdür. Eyni zamanda, şəhərdə yeni çoxmənzilli binaların tikinti xərcləri (torpaq qiyməti, materiallar və s.) durmadan artır ki, bu da təklif qiymətlərini aşağı salmağa imkan vermir.
Beləliklə, bir illik təhlil göstərir ki, Bakı daşınmaz əmlak bazarı 2024-2025-ci illərdə yüksəliş dövründədir. Qiymətlərin artması demoqrafik və investisiya amilləri, tikinti sektorunun vəziyyəti və makroiqtisadi sabitlik kimi faktorların birgə təsiri nəticəsində baş verir. Bazar strukturunda yeni və köhnə tikililərin nisbəti, eləcə də bahalı-uсuz seqmentlərin payı dəyişsə də, ümumi trendə təsir edən əsas faktor yenə güclü tələbin mövcudluğu və məhdud təkliflə rəqabətidir. Alıcılar tərəfindən mənzilə olan maraq yüksək qaldıqca və iqtisadi şərait ciddi dəyişmədikcə, qiymətlərin yaxın gələcəkdə sabitləşməsi və ya enməsi real görünmür – bazarda artım meyli hələlik davam edəcək.
Artıq bir neçə aydır ki, SOCAR AQŞ-də işçilərin maaşları verilmir. Qeyd edək ki, bu məsələni davamlı olaraq diqqətə gətirən Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı bu dəfə Azərbaycan Respublikasının Baş Prokurorluğuna, Əmək və Əhalinin Sosial Müdafiəsi Nazirliyinə, Azərbaycan Respublikasının İnsan Hüquqları üzrə Müvəkkili - Ombudsmana müraciət edərək problemin həll olunmasının vacibliyini önə sürür.
"DİA-AZ" olaraq NHMT sədrinin işçilərin maaşlarının verilməməsi ilə bağlı etdiyi müraciəti olduğu kimi təqdim edirik:
"Bir daha xatırladırıq: Ölkənin əmək qanunvericiliyini pozan işəgötürənlərin məsuliyyətləri;
ARƏM Maddə 310. Bu Məcəllə ilə müəyyən olunmuş hüquqları pozmağa görə məsuliyyət
ARƏM Maddə 312. Əmək qanunvericiliyini pozmağa görə inzibati məsuliyyət
***
İki aydan artıqdır ki, SOCAR AQŞ işçilərin əmək haqqını ödəmir və cəzasız qalıb. Bu halda ölkənin əmək qanunvericiliyini pozub cəzasız qalan Samir Mollayev "yaxşı edirəm", müvafiq dövlər qurumları isə "yaxşı edir" demiş olur?!
İki aydır ki, SOCAR AQŞ rəhbərliyi tərəfindən ailəsi ac qoyulan işçilər yazır:
SOCAR AQŞ hələ də əmək haqqımızı ödəməyib. Həftə əvvəli deyir həftə sonu veriləcək, həftə sonu isə deyir, gələn həftə. Sonuncu dəfə fevral ayında əmək haqqı almışıq.
***
Qeyd edək ki, SOCAR AQŞ” MMC 2007-ci ildə qazma və quyu xidmətləri göstərən birgə müəssisə kimi təsis edilib.
Tərəflər və iştirak payları :SOCAR-13.38% , #nobeloilltd - 73.77% , Abşeron Qazma MMC -12.85%..."
Həmkarlar İttifaqı Konfederasiyasında maraqlı hadisələr baş verir.
Azərbaycan Həmkarlar İttifaqları Konfederasiyasının sədri Sahib Məmmədov bir müddət əvvəl mediada haqqında çıxan tənqidi yazılara görə, bəzi addımlar atıb.
Məlumatlarda qeyd edilir ki, sədr əvvəlcə bu məlumatların necə “sızdığı”nı dəqiqləşdirmək istəyib. Söhbət Konfederasiya sədrinin işçilərin işdən sonra qanunsuz saxlanmasından gedir. Ardından isə qurumda “agent ovu”na çıxıb. Bildirilir ki, Məmmədov “ov”dan “əliboş” qayıtmayıb. Belə ki, o, şübhələndiyi bir neçə əməkdaşı “müəyyən” edərək, dərhal işdən azad edir. Təbii ki, bu işdənçıxarma qanunsuz həyata keçirilir.
Daxil olan məlumatlara görə, “agent”ləri “müəyyən” edən və onları zərərsizləşdirən Məmmədov, yeni qərarlar da qəbul edir. Bu qərarlardan biri də işə girişin “yanıq” saxlanılıması, işdən çıxışın isə “söndürülməsi” olur.
Müşahidəçilərin fikrincə, Sahib Məmmədovun bu addımı qanunamüvafiq olmamaqla yanaşı, həm də Əmək Müfəttişliyini aldatmaqla məqsədiu daşıyır.
Tribunainfo.az-aa daxil olan məlumatlara görə, Həmkarlar İttifaqı Konfederasiyasının rəhbəri siyasi rəhbərliyin də etimadını doğrultmayıb. Belə ki, o, sədr təyin olunduğu 9 ay müddətində bur neçə tədbir keçirməklə kifayətlənib. Halbuki ona daha çox iş görmsi ilə bağlı tapşırıqlar verildiyi də qeyd edilir.
Eyni zamanda, sözügedən şəxsin keçirdiyi həmin tədbirlərə görə, böyük məbləğdə pullar silməsinə dair iddialar da var. Düzdür, bununla bağlı əlimizdə konkret faktlar mövcud deyil və bu barədə yaza bilməməyimiz də bununla bağlıdır...
aztoday
Bu il ali məktəblərə keçid balları arta bilər.
Gundem.info.az Xəzər TV-yə istinadən məlumat verir ki, təhsil eksperti Kamran Əsədovun sözlərinə görə, bu il ali məktəblərə qəbul olmaq istəyənlərin sayında kəskin artım müşahidə olunur:
Ən çox abituriyent sayının artımı isə 2 və 3-cü ixtisas qrupundadır. 2-ci ixtisas qrupunda ötən il ilə müqayisədə abituriyentlərin sayı 3 minə yaxın artıb. Əlbəttə, bu, rəqabət mühitini artıracaq. Həmçinin bu il ali məktəblərə qəbul plan yerləri ötən il ilə müqayisədə çoxdur. Amma bu, heç də abituriyentlərdə arxayınlıq yaratmasın", - deyə ekspert vurğulayıb.
Ətraflı süjetdə:
Az büdcə ilə bahalı və zövqlü görünmək tam mümkündür - əsas məsələ düzgün seçim və detallara diqqətdir. Budur sizə bu məqsədlə faydalı olacaq bir neçə praktik üsul:
Sadə, amma zərif geyimlər seçin
Minimalist və neytral rənglər (ağ, bej, qara, boz) hər zaman daha bahalı və təmiz görünür.
Sadə kəsimli geyimlər, çox naxışlı və parlaq detallar əvəzinə keyfiyyətli parça və tikili ilə seçilənlərə üstünlük verin.
Paltarı üzərinizə uyğunlaşdırın
Geyim üzərinizə düzgün oturursa, dərhal daha baxımlı və bahalı görünərsiniz.
Az büdcə ilə alınan geyimi bir dərziyə aparıb öz ölçülərinizə uyğun düzəltdirməklə görüntünü dəyişmək mümkündür.
Aksesuarlar işinizi görəcək
Keyfiyyətli görünən sadə çanta, saat, və eynək ümumi görünüşə dəyər qatır.
Saxta və parlaq bijuteriya əvəzinə minimalist və zərif aksesuarlara yönəlin.
Xarici geyimə yatırım edin
Bahalı görünən bir palto, pencək və ya blazer kombininizi xeyli dərəcədə qaldırır.
Hətta ucuz paltarlar belə keyfiyyətli görünüşlü bir üst geyimi ilə daha dəyərli görünə bilər.
Ayaqqabılar vacibdir
Təmiz və sadə modeldə olan ayaqqabılar sizi həmişə daha baxımlı göstərər.
Dəri və ya dərini xatırladan materialdan olan ayaqqabılar ucuz da olsa, baxımlı görsənər.
Baxımlı olun
Saç, dəri və dırnaqların təmiz və baxımlı olması hər şeydən önəmlidir.
Bahalı geyimdən daha çox, səliqəli görünüş sizi fərqləndirəcək.
Paltarı doğru şəkildə yuyun və ütüləyin
Paltar nə qədər bahalı olsa da, ütüsüz və buruqludursa, ucuz görünəcək.
Hər geyimə onun parça növünə uyğun qulluq edin.**milli.az
Son vaxtlar demək olar ki, bəzi qurumlar ümumiyyətlə heç bir ali məmuru və ya qurumu saymır.
Bu halda da, ölkədə xaos, anarxiya, özbaşınalıq yayılır.
Belə gözüqara qurumlardan biri də məhz TƏBİB-dir.
Vətəndaş TƏBİB deyilən külli-ixtiyar sahibinə müraciət edir ki, mənim sənədlərimi TSEK-ə göndər. (Tibbi Sosial Ekspert Komissiyası)
Birinə gözəl, rahat kabinet, xidməti avtomobil, yüksək maaşlı vəzifə verən hökumət, birilərini də bu tip müftəxorlara möhtac edir. TƏBİB də, TSEK-ə sənəd göndərmir ki, vətəndaş beş-üç manat siqaret pulu ala bilməsin. TƏBİB də deyir mütləq “yatmalıdır” xəstəxanada vətəndaş.
Gəl gör ki, özü buna əməl etmir. Bu qaydanı hərəkətləri ilə sanki təkzib edir. Belə ki, o boyda qanunverici orqan olan Milli Məclisin sədri adından bəlkə də iyirmi dəfə TƏBİB-ə müraciət olunub ki, filan xəstə insana kömək edin.
Amma TƏBİB onu saymır ki, saymır. Bunun da görünən və görünməyən tərəfləri var.
Görünən odur ki, birmənalı deyirlər “çarpayımız” yoxdur. Görünməyən tərəfi isə…
Araz Media Qrupu
Hələ də bəzi sahələrdə təkmilləşməyə, asanlaşmaya ehtiyac var. Bunlardan biri də avtomobillərin icbari sığortası ilə bağlıdır.
Belə ki, avtomobilin icbari sığorta müddətinin keçməsi barədə hazırda idarəetmə hüququ olan şəxsə heç bir bildiriş falan göndərilmir. Sanki sürücü üçün qəsdən tapmaca qurulub. Araşdırma zamanı məlum oldu ki, sığorta müddətinin bitməsi barədə bildiriş avtomobili ötən il kim hansı nömrə ilə sığorta etdiribsə, ona gedir. Bəs yaxşı həmin avtomobili sonradan alan, hazırda etibarnamə yolu ilə onu idarə edən şəxsin günahı nədir? Təbii ki, kimsə avtomobilin qanuni sığorta müddətinin bitdiyini bildiyi halda onu idarə etməz. Heç kim cərimələnmək üçün sino getmir.
Mövzu ilə bağlı sığorta məsələləri üzrə ekspert Emil Ağabağırov Lent.az-a münasibət bildirib. Onun sözlərinə görə, sürücü maşını alarkən, yaxud sonradan sığorta şirkəti vasitəsilə sığorta şəhadətnaməsi barədə məlumat almalıdır:
“Bəli sığorta şirkətləri sistemdə hansı nömrədirsə, ona bildiriş göndərirlər. Bu nömrəni dəyişmək mümkün deyil. Yeni maşın alan şəxs icbari sığorta bürosu ilə əlaqə saxlayaraq, avtomobilinin hansı şirkətdə qeydiyyatda olduğunu və sığorta şəhadətnaməsinin hansı tarixdə qüvvədən düşməsini öyrənməlidir. Sığorta müddəti bitibsə, avtomobili idarə edən şəxs 50 manat məbləğində cərimə edilir. Ən optimal variant dediyim kimidir, sürücü özü məlumat almalıdır.
Lakin sığorta şirkətinin hazırda maşını idarə edən şəxsə bildiriş göndərməsi praktiki cəhətdən mümkün deyil. Bu bir az geniş inteqrasiyalar toplusudur. Bir maşın üzrə bir neçə nəfərə etibarnamə verilə bilər, Həmin şəxslərin də bir neçə mobil nömrəsi ola bilər. Bu cəhətdən bu variant mümkün olmur”.
Avtomobil eksperti Eldəniz Cəfərov isə Lent.az-a açıqlamasında bildirib ki, sığorta barədə bildiriş də texniki baxışla eyni qaydada, avtomobili idarə edən şəxsə göndərilməlidir:
“İcbari sığorta fərdi məsuliyyət sığortasıdır. Ona görə də sığorta edən kimdirsə, onun telefonuna SMS gəlir. Amma bir məsələ də var ki, məsələn texniki baxışla bağlı bildiriş avtomobili hazırda etibarnamə ilə idarə edən şəxsə gəlir. Ona görə də düşünürəm ki, elə sistem qurulmalıdır ki, bu sığorta ilə bağlı bildirişlər də avtomobilin hazırkı sahibinə də gəlsin”.
Əksər sürücülər də düşünür ki, avtomobillərin icbari sığorta şəhadətnaməsinin qüvvədən düşməsi ilə bağlı bildirişin avtomobilin hazırkı sahibinə getməsi daha məntiqlidir. Təsəvvür edin, avtomobili aldığımız şəxslə heç bir əlaqəmiz yoxdur. Sığorta şirkətləri ilə əlaqə saxlamaq da hər zaman mümkün olmur. Bəzən yarım saata yaxın telefonda gözləsən də səsi çıxan olmur təəssüf. Beləcə qalırsan çarəsiz və sığortanın bitməsi məlumatını yalnız cərimələnəndə bilirsən. İndi siz deyin, kimdir günahkar? Yaxşı olmazmı ki, cərimələr kimi, sığorta bildirişi də asanlaşdırılsın?
Qeyd üçün bildirək ki, avtomobili sığorta etdirmədən nəqliyyat vasitəsini idarə etməyə görə, İnzibati Xətalar Məcəlləsinin 469.3-cü (İcbari sığortalar haqqında Azərbaycan Respublikasının Qanunu ilə mülki məsuliyyəti icbari qaydada sığorta etdirmək vəzifəsi müəyyən edilmiş avtonəqliyyat vasitəsi sahibləri tərəfindən sığortaçı ilə icbari sığorta müqaviləsinin bağlanmamasına görə) madədəsilə 50 manat məbləğində cərimə nəzərdə tutulur. Görünür, bildiriş sistemi təkmilləşməsə hələ çox 50 manatların başı ağrıyacaq.
Şəhid Rəşid Həmidovun anası Tənzilə Həmidova adiyyatı qurumların onunla maraqlanmamağından şikayətçidir. Bu barədə o anews.az-a müraciətində bildirib.
“Hazırda mənə dövlət tərəfindən verilən bir otaqlı evdə yaşayıram. Mənimlə maraqlanan yoxdur. Borcum xərcim başımdan aşır. Tək anayam. Gözüm zəif görür. Oğlumdan sonra belə olmuşam. 11 min kreditimin 8 mini borc kimi qalıb. Xəbərim olmadan yüksək faizlə kreditə imza atmışam. Ayda 344 manat kredit ödəyirəm. Yoldaşımdan ayrıldığım üçün dövlət tərəfindən verilən ödəniş yarıya bölünüb. Bir aydan o biri aya keçə bilmirəm. Soyducumda heç nə yoxdur. Bir şəhid anası evdə ac qalırsa, bu nə deməkdir? Əvvəlcə gələn insanlar köməklik göstərirdilər. Özlərini reklam məqsədilə guya kömək edirlər, gəlib şəkil çəkdirirb, sonra gediblər. Sonra gələn olmadı. Mənim oğlum tək mənə görə şəhid olmayıb. Oğlum sağ olanda ən azından qazanırdı. O vaxt çox yaxşı dolanırdıq. Ölkədə dörd beş şəhid anasını çıxarırlar ortaya, guya hamısına qayğı göstərilir. Ancaq elə deyil”,- şəhid anası vurğulayıb.
Şəhid anası bildirir ki, iki deputat Müşfiq Məmmədli və Göydəniz Qəhrəmanova,eləcə də Siyəzən və Yasamal İcra Hakimiyyətlərinə müraciət etməsinə baxmayaraq onunla maraqlanan olmayıb.
“Oğlum Siyəzəndə qeydiyyatda olub. Bu günə qədər Siyəzənin deputatı gəlib mənimlə maraqlanmayıb. Bir dəfə Novruz bayramında köməkçisi ilə dörd-beş toyuq göndərib. Bir dəfə də Siyəzən İcra Hakimiyyətindən kartıma 200 manat göndərilib ki, oğlumun ilini keçirim. Yasamal İcra Hakimiyyətinə müraciət etsəm də mənə geri dönüş edilməyib”, – Həmidova qeyd edib.
Tənizlə Həmidova Əmək və Əhalinin Müdafiəsi Nazirliyindən də narazıdır. O vurğulayır ki, bu nazirlikdən 2-3 il öncə evinə baxış keçirilib ona kondisioner alınması ilə bağlı söz verilsə də bu söz olaraq qalıb.
Şəhid anası müraciət edərək kredtinin silinməsini və ona dəstək olunmasını istəyir.
Əmək və Əhalinin Sosial Müdafiəsi Nazirliyindən bildirilib ki, məsələ ilə bağlı araşdırmanın nəticəsi barəsində məlumat veriləcək.
Rəşid Həmidov oktyabrın 7-də Suqovuşan (Tərtər) rayonunun işğaldan azad edilməsi uğrunda aparılan döyüş əməliyyatları zamanı şəhid olub. Həmidov Siyəzəndə dəfn olunub.
Ona ölümündən sonra “İgidliyə” görə, “Laçının” azad olunması medalı, “Suqovuşanın” azad olunması medalı, “Vətən uğrunda” medalı ilə təltif edilib.