İmişli Rayon Ağsaqqallar Şurasının sabiq sədri Saleh Səmədovun mayın 9-da İmişlinin Sarıxanlı kəndində faşizm üzərində Qələbə günü münasibətilə təşkil olunan tədbirdə SSRİ bayrağı altında, sinəsində rus imperiyasının rəmzi olan "Georgi lenti" ilə çıxış etməsi ciddi narazılıq doğurdu. Tənqidlərdən sonra məsələyə baxıldı və Azərbaycan Ağsaqqallar Şurasının İdarə Heyətinin növbədənkənar iclası keçirildi. Nəticədə Saleh Səmədovun İmişli Rayon Ağsaqqallar Şurasının sədri vəzifəsindən azad edilməsi barədə qərar qəbul edildi. Azərbaycan Ağsaqqallar Şurasının aparatına yerli bölmələrin fəaliyyətinə nəzarətin artırılması barədə tapşırıqlar verildi.

Məlumat üçün bildirək ki, “Georgi lenti”nin tarixi 18-ci əsrə gedib çıxır. Lent 1769-cu ildə təsis olunub və “Müqəddəs Georgi” ordeninə bərkidilib. Zaman keçdikcə “Georgi lenti” müxtəlif medallara, hərbi mükafatlara taxılıb. SSRİ dönəmində Stalinin əmriylə müxtəlif sovet medallarına taxılması üçün bərpa edilib. “Georgi lenti”nin 9 may Qələbə Günü ilə əlaqələndirilməsinin səbəbi odur ki, bu lentin taxıldığı medal rekord dərəcədə çox adama, 15 milyon sovet əsgərinə, sonradan isə müharibə veteranlarına verilib. Məhz bu kütləvilik ordenin 9 mayla əlaqəsinə səbəb olub. Bir məqamı da vurğulayaq ki, “Georgi ordeni” və lentinə Azərbaycanın çar Rusiyası tərəfindən işğalında böyük rol oynamış Sisyanov və Yermolov kimi generallar da layiq görülüblər. Görünür, müstəqil Azərbaycanda hələ də keçmiş imperiya rejimlərinin, sovetin xiffətini çəkənlər də varmış.

AĞ Partiya sədri Tural Abbaslı "Şərq"ə açıqlamasında deyib ki, öz tarixini, keçmişini bilməyən və üstəlik, araşdırıb-öyrənməyən savadsız kadrların müxtəlif vəzifələrdə təmsil olunması ancaq belə xoşagəlməz mənzərələrin yaranmasına səbəb olacaq. Partiya rəhbəri vurğulayıb ki, görünür, ağsaqqal Saleh Səmədov Rusiya kanallarına daha çox baxdığı üçün "qaza gələrək" belə addım atıb:

"Yəqin ki, S.Səmədov "Georgi lenti"nin nə olduğunun, mənasını bilmir. Yaxud başı üzərinə qaldırdığı "çəkicli-oraqlı" qırmızı bayraq altında onminlərlə insanımızın qətlə yetirildiyindən xəbərsizdir. Sovet imperiyası nə qədər insanımızı məhv edib, ziyalılarımızı güllələyib, Sibirə sürgünə yollayıb, ailələri dağıdıb. Ağsaqqalın bizim torpaqlarımızın rus imperiyası tərəfindən ermənilərə peşkəş edilməsindən, repressiyalardan məlumatı varmı? Əgər bunları bilmirsə, həmin şəxsin bir rayonun Ağsaqqallar Şurasının sədrliyində nə işi var? Ora necə gətirilib? Hələ də Rusiyanın təbliğatı altında qalmışıqsa, müstəqillikdən necə danışa bilərik? Sabah Fransaya rəğbət bəsləyən biri evində Napoleonun büstünü qoyacaq, sabah kimsə Donald Trampın heykəlini saxlayacaq. Bu nə dövlətçilik anlayışıdır?! Məmurun, səlahiyyət sahibi şəxsin bunu etməsi daha dəhşətli və dözülməzdir".
T.Abbaslı ümumiyyətlə, regionlarda məmur anlayışının çox aşağı səviyyədə olduğunu vurğulayıb: "İcra başçıları bu məsələlərlə maraqlanmırlar. Yeni təyinat almış icra başçıları əvvəlki kadrlarla işləməyə üstünlük verir. Heç kimi çağırıb, soruşmurlar ki, "siz kimsiz, dünya görüşünüz, yanaşmanız, baxışınız nədir?". Rayonlarda bayram günləri, özəl günlərlə bağlı keçirilən tədbirlərin protokolu varmı-yoxmu, o da bilinmir. Kəndlərdə, qəsəbələrdə tədbirlərin necə, hansı müstəvidə təşkil olunduğu bəlli deyil. Bu da yerlərdə dövlətçilik ənənəsinin hələ də formalaşmamasından irəli gəlir. Təsadüfi insanların məmurluğa gətirilməsindən qaynaqlanır. Ona görə hər zaman qeyd edirik ki, partiyaların rolu ictimaiyyətdə artırılmalıdır. Siyasi savadsızlıq, bacarıqsızlıq, idarəetmə qabiliyyətinin olmaması bir partiya məktəbinin yoxluğundan üzə çıxır. Heç kəsə sirr deyil ki, bəzi hallarda regional əhəmiyyətli vəzifələrə korrupsiya, qohumbazlıq, tayfabazlıqla yiyələnirlər. Nəticələri də belə arzuolunmaz olur, narazılıqlar yaradır. Güman edirəm ki, İmişlidə həmin şəxsin cəzalandırılması digərlərinə də dərs olar".

Xəzər dənizinin səviyyəsinin azalması artıq gözlə görülə biləcək səviyyəyə çatıb. Dəniz yavaş- yavaş geri çəkilir…

Maraqlıdır, bu mənzərə Xəzər dənizi ekoloji fəlakətlə üz-üzədir deməyə əsas verirmi?

Mövzu ilə bağlı danışan Bakı Dövlət Universitetinin iqtisadi və sosial coğrafiya kafedrasının müdiri, coğrafiya elmləri doktoru, professor Çingiz İsmayılov bildirib ki, Xəzər dənizinin səviyyəsi getdikcə aşağı düşür.

“30-40 ildən bir Xəzərin səviyyəsi gah qalxır, gah düşür. Bu dövrü təkrar olunan bir prosesdir. İndi çökmə prosesi gedir. 1978-1993-cü illərdə Xəzərin səviyyəsi qalxırdı, indi isə düşür. Bu bir neçə il davam edəcək və bu müddət ərzində təxminən səviyyə 1 metrə qədər də düşəcək. Daha sonra tədricən qalxmağa başlayacaq”, – o deyib.

Professor qeyd edib ki, bu günəşin fəallığı, iqlim dəyişməsi, insanın təsərrüfat fəaliyəti ilə bağlıdır:

“Yəni, bir neçə amilin üst-üstə düşməsi nəticəsində bu proses mütəmadi təkrar olunur. Buna görə də burada narahatedici bir məqam yoxdur. Düzdür, bəzi tədqiqatlar var, Holland alimləri bu yaxınlarda belə bir araşdırma aparıblar, belə bir qənaətə gəliblər ki, Xəzərin səviyyəsi 8-16 metr düşəcək. Ancaq bu fərziyyədir, yəni biraz elmi əsasda deyil”.

“Baxmayaraq ki, riyazi model hazırlayıblar, hesablamalar aparıblar. Ancaq bir çox amillər nəzərə alınmayıb və bu tərəddüdün gedişi son 200 ildə gedən insturmental rəsmi məlumatlar əsasındadır. Xəzərin səviyyəsi 3 -3.5 metr amplitudada dəyişir, qalxıb-düşür. Ona görə də 8-16 metr demək o qədər də əsaslı deyil. Xəzərə 80 % su Volqa çayından daxil olur. Yəni səviyyənin dəyişməsi su balansı ilə bağlıdır. Nə qədər su daxil olur, nə qədər su buxarlanır. Volqa çayı hövzəsində də çoxlu təsərrüfatlar var. İstiləşmə ilə bağlı çoxlu su istifadə olunur. Ona görə də Xəzər dənizinə gəlib çatan suyun miqdarı azalır. Ümumi qanunauyğunluqlara uyğun olaraq 3-4 ildən sonra yenidən səviyyə qalxacaq. Yəni qorxmağa gərək yoxdur”- deyə o vurğulayıb.

Ekoloq Telman Zeynalov isə açıqlamasında bildirib ki, Xəzər dənizinin səviyyəsində enmə və qalxmalar tez-tez müşahidə olunur.

“Son 80 ildə Xəzər dənizinin səviyyəsi iki dəfə enmiş, bir dəfə isə qalxmışdır. Dəniz səviyyəsinin aşağı enməsi xüsusilə şimal zonalarında – Rusiya və Qazaxıstanda balıqçılığa mənfi təsir göstərəcək. Su səviyyəsinin aşağı olması səbəbilə balıqçılıq zəifləyəcək, çünki həmin ərazilərdə dəniz onsuz da dayazdır”- deyə o əlavə edib.

“Hesab edirəm ki, Xəzər dənizində suyun səviyyəsinin azalması Azərbaycana ciddi mənfi təsir göstərməyəcək”,- deyə T. Zeynalov vurğulayıb./trend.az

308 nömrəli tam orta məktəbdə "Son zəng" tədbirinə görə vəsaitin tələb olunmasına dair iddialar həqiqəti əks etdirmir.

Bu barədə Bakı Şəhəri üzrə Təhsil İdarəsi məlumat yayıb.

"Son zəng" tədbirinə hazırlıqlar Məktəbəqədər və Ümumi Təhsil üzrə Dövlət Agentliyinin məktəblərə göndərilmiş müvafiq təlimatına uyğun şəkildə aparılır.

Məktəbin XI sinif şagirdlərindən dərsdə iştirakdan azad olmaq üçün ayda 100 manat tələb olunma iddiasına da münasibət bildirilib.

Qeyd olunub ki, 308 nömrəli məktəbdə XI sinif şagirdləri tədris prosesində iştirak edirlər.

308 nömrəli tam orta məktəbdə "Son zəng" tədbirinə görə şagirdlərin hər birindən 150 manat, XI siniflərin dərsdə iştirak etməməsinə görə isə aylıq 100 manat pul tələb edilməsi ilə bağlı sosial şəbəkələrdə məlumat paylaşılıb.

“Ödənişli parklanma fəaliyyətə başlayandan sonra bir sıra insanlar avtomobillərini binaların həyətində saxlayırlar. Parkinqə pul ödəməmək üçün harada boş həyət görürlərsə, orada parklanma edirlər. Bu, bir problemdir. Həmin binalarda yaşayan insanları anlamaq olar, öz həyətində saxlamaq istəyir. Bəs yaxın ərazidə işləyən insanlar nə etsin? Maşınlarını harada saxlasınlar?”

Bunu Musavat.com-a açıqlamasında nəqliyyat üzrə ekspert Elməddin Muradlı deyib.

“Məsələn, bizim ofis “Statistika dairəsi”ndə yerləşir. Xarici İşlər Nazirliyi isə “5 mərtəbə” dairəsində yerləşir. Mən öz ofisimizin yerləşdiyi həyətdə bir çox hallarda maşın saxlamağa yer tapmıram. Qonşular deyir ki, hətta Xarici İşlər Nazirliyinin əməkdaşları gəlib bu həyətdə maşın saxlayır. Adam 5 km yol gəlir ki, parkinqə pul ödəməsin və maşını pulsuz kiminsə həyətində saxlasın. Sakinlərə narahatlıq yaradır, amma pul ödəmək istəmir. Hansı ki, “Qış parkı” ona daha yaxındır, orada rahat parkinqdən istifadə edə bilər.

Həmin ərazidə yaşayanlar üçün kart müəyyənləşdirilib, aylıq 80 manatlıq ödəniş nəzərdə tutulub. Adam bununla da razılaşmır, 80 manatı vermək istəmir. Hər gün onun-bunun həyətində maşın saxlayır ki, 80 manatı ödəməsin. Həyat tərzini belə quran insanlar var.

Deyirlər ki, hər şey pulsuz olsun. Şəhər mühitində isə yaşayış qaydaları artıq dəyişib, buna alışmalıyıq”, - deyə ekspert bildirib.

Son günlər İlqar Abbasovun başçılıq etdiyi Şirvan rayonundan vətəndaş gileyləri daha da intensivləşib. Təbii ki, bu o zaman baş verir - narazılıq o zaman artır ki, idarəetmədə qüsurlar olur. Elə "DİA-AZ"a ünvanlanan gileylərdən də anlaşılanı budur: özünü ŞİRVANŞAH zənn edən İlqar Abbasov camaatı boğaza yığıb...

Narazı vətəndaşların bəzilərinin rəylərini təqdim edirik:

Mirzəzadə yazır:
Şirvan məhv olub gedir. Nə iş yerləri var, nə dolanışıq üçün əlavə şərait. Rayonun yolları bərbad gündədir. Ancaq yalandan vətəndaş qəbulu keçirirlər, problemlər elə də qalır: heç biri həllini tapmir...

İlkin Məmizadə yazır:
İlqar Abbasov Şirvana başçı gələndən rayonu pis günə qoyub. Hara şikayət ediriksə, xeyri də yoxdur. 6 ildir zülm çəkir camaat...

"Dəli Kür" nikli vətəndaş yazır:
İlqar Abbasov Şirvanda boş torpaq qoymayıb. Hamısını satıb...

Anonim oxucu yazır:
Şirvanda başçı var idi ki..? Siz nədən şikayət edirsiniz? Siz kimdən şikayət edirsiniz? Şirvanın başçısı var ki?

Rauf Səfərov yazır:
İlqar Abbasov heç bir iş görməyib və görmür də. Allah Mərdan Camalovun canını sağ eləsin. Mərdan müəllim Şirvan şəhərinə baxırdı. Bu isə ancaq otağında oturur... dincəlir özü üçün...

Alim Novruzov Şirvanlı yazır:
13 hektar torpağın Sabirabadlı bir Veterana icarəyə verilməsi xəbəri də doğrudur. Araşdırılması lazım olan çox işlər problemlər var. Pulla hər əməllərini təmiz ört-basdır edirlər and olsun Allaha!

Həsənov yazır:
Allah ölənlərinə qəni-qəni rəhmət eləsin Mərdan müəllimin (köhnə icra başçısı Mərdan Camalov nəzərdə tutulur -red.)...

Radil yazır:
Şirvanda konkret yollar pis gündədir... Maşın sürmək olmur. And içməyə belə bir dənə fərli yol yoxdur rayonda...

***

Məsələ diqqətimizdədir...

Faşizm üzərində Qələbə günü – mayın 9-da tədbirdə SSRİ bayrağı altında, sinəsində rus imperiyasının rəmzi olan "Georgi lenti" ilə çıxış edən İmişli Rayon Ağsaqqallar Şurasının sədri Saleh Səmədov vəzifəsindən azad edilib.

“Report”un Azərbaycan Ağsaqqallar Şurasının İdarə Heyətinin məlumatına istinadən verdiyi xəbərə əsasən, qeyd olunub ki, S.Səmədov İdarə Heyəti Şuranın adına ləkə gətirən hərəkətlərə yol verib, Azərbaycan Ağsaqqallar Şurasının Nizamnamə tələblərini kobud şəkildə pozub.

S.Səmədov həmçinin Azərbaycan Ağsaqqallar Şurasının üzvlüyündən çıxarılıb.

Azərbaycan Ağsaqqallar Şurasının aparatına yerli bölmələrin fəaliyyətinə nəzarətin artırılması barədə tapşırıqlar verilib.

Xəbər verdiyimiz kimi, İmişli rayonunun Sarıxanlı kəndində 9 May Qələbə günü tədbiri zamanı SSRİ bayrağı qaldırılıb. Tədbirdə rayon Ağsaqqallar Şurasının sədri Saleh Səmədovun SSRİ bayrağı fonunda sinəsində rus imperiyasının rəmzi olan "Georgi lenti" ilə çıxışı birmənalı qarşılanmayıb.

"DİA-AZ" xəbər verir ki, bu barədə "Unikal"a Azərbaycanın sabiq təhsil naziri, Azərbaycan Respublikası Ağsaqqallar Şurasının idarə heyətinin üzvü Misir Mərdanov açıqlama verib.

Eks-nazir bildirib ki, Saleh Səmədovun bu addımı səhvdir: "İmişli hara, "Georgi lenti" hara? SSRİ bayrağı ilə çoxdan qurtarmışıq. Vaxtilə Ulu Öndər üçrəngli bayrağımızı qaldırıb bizi ondan azad etmədimi? Bu, tamamilə separatçı və Azərbaycanın bugünkü siyasətinə uyğun gəlməyən bir hərəkətdir. Bunu kim edibsə, çaşıb. Mən belə fikirləşirəm".

Misir Mərdanov Saleh Səmədovun Türkiyə bayrağı ilə bağlı açıqlamasına da münasibət bildirib. O, bu açıqlamaya "qələt edir" deməklə kifayətlənib.