 |
|
|
Müğənni Aysel Əlizadə bir müddət əvvəl İndoneziyada etdirdiyi fotosessiyanı izləyiciləri ilə bölüşüb.
Balidəki çimərlikdən fotolarını paylaşan Ayselin sinə dekolteli atlas libası diqqət çəkib.
Həmin fotoları təqdim edirik:
Publika.az
Noyabrın 16-da Meksikada keçirilən “Miss Universe 2024” beynəlxalq gözəllik müsabiqəsində qalmaqal baş verib.
Azarkeşlər hesab edirlər ki, başqa bir iştirakçı qalib olmalı idi. Tamaşaçılar yazır ki, tacı qazanan danimarkalı Viktoriya Kjaer taylandlı Suchata Çuanqsridən titul “oğurlayıb”.
“The Daily Mail” yazır ki, azarkeşlər öz qəzəblərini sosial şəbəkələrdə paylaşıblar. Onlar əmindirlər ki, Tayland təmsilçisi gözəllik yarışmasında daha möhtəşəm olub və münsiflər heyətinin suallarına verdiyi cavablar daha dəqiq olub. /Lent.az
Müğənni Şəbnəm Tovuzlu qonaq olduğu "Rəngarəng" verilişində gərgin anlar yaşayıb.
"Ölkə.az" xəbər verir ki, uzun müddət qalmaqal yaşadığı Vəfa Şərifova ilə barışıq mövzusu onu əməlli başlı özündən çıxarıb.
Buna səbəb isə onları barışdırmaq üçün bir araya gətirən insanların bu barədə aparıcıya məlumat sızdırması Tovuzlunun xoşuna gəlməyib.
Zaur Nəbioğlunun qarşı tərəf olan Vəfanın bir araya gəlmək istəməməsini deməsi Şəbnəmi daha da əsəbiləşdirib.
Müğənni efir vasitəsilə sənətçiləri barışdırmaq istəyən həmin şəxslərə sərt sözlər deyib. Onun efir vaxtı səsi bir neçə dəfə kəsilib.
Həmin gərgin anları təqdim edirik:
Əməkdar artist Xəyyam Nisanov xərclərinin hesabatını apardığını bildirib.
Yenisabah.az xəbər verir ki, bu barədə sənətçi "Xəzər axşamı" verilişində danışıb. O, gündəlik xərclərini qeyd etdiyini vurğulayıb:
"Son 10 il ərzində gündəlik xərclərimi qeyd edirəm. İndi 2015-ci ildə hara nə xərclədiyimə açıb baxa bilərəm. Gündəlik xərclərimi hesablamıram. Amma hamısı qeyd olunub. Arada deyirəm ki, çox xərclədim. Bədxərclik bizə yaraşmaz, amma hərdən balans etmək lazımdır. Bu hesabat onun üçündür ki, balans edəsən. Telefonumdakı proqramda gündəlik xərclərimi qeyd edirəm"./Axsam.az
Tanınmış həkimin fikirləri efirdə qalmaqal yaradıb.
Yenisabah.az xəbər verir ki, “Günü bu gün” verilişində qonaq olan plastik cərrahiyyə və psixologiya üzrə fəlsəfə doktoru, professor Mirəzim Zaidovun “Kişi evə gələndə qadından iy gəlir” sözləri aparıcı Nigar Fərhadı özündən çıxarıb.
Qonağın bu sözləri razılaşmayan aparıcı öz reaksiyasını belə bildirib:
“Biz sizin üçün evi təmizləyirik, silirik, süpürürük, tozu alırıq, uşaq dünyaya gətiririk, bu uşaqların arxasınca qaçırıq, böyüdürük, yeməyi yenə bişirib sizə gətiririk. Biz bunların hamısını edirik və bizdən iy, qoxu gəlir fikri bir xanıma yaraşmır!”.
Mirəzim Zaidov isə cavabında qeyd edib:
“Əgər bir xanım bəzənib çölə gedirsə, kişi evə gələndə də eyni bəzəkdə olmalıdır. Siz evdə yemək bişirdiyiniz paltarı geyinib, daha da cırıq-cırıq paltarlarda kişinin qarşısına çıxırsınız. Biz sevgi ilə sizin yanınıza gəlirik”.
Digər xanım qonaq isə aparıcının fikirlərini belə dəstəkləyib:
“Necə olur ki, kişi çölə çıxanda başqa xanımdan xoşu gəlir və onunla münasibət qurur. Onu bahalı restoranlara aparır və evdə yemək bişirməsini tələb etmir. Öz xanımına gələndə isə deyir ki, işdən yorğun gəlmişəm, mənə bir qab yemək ver. Niyə günah kişidə yox, qadındadır?!”
Əməkdar artist Manana Çaparidzeyə ağır itki üz verib.
BAKU.WS-in məlumatına görə, sənətçinin anası Makvala xanım vəfat edib.
Çaparidzenin anasının yas mərasimi cümə axşamı Tblisidə təşkil ediləcək.
Qeyd edək ki, Manananın atası və qardaşı da illər əvvəl vəfat ediblər.
Danimarka nümayəndəsi Viktoriya Kyer Telviq "Kainat gözəli 2024" müsabiqəsinin qalibi olub.
Yarışma Meksikada baş tutub.
Sayca 73-cü Kainat gözəli müsabiqəsində dünyanın hər yerindən 120-dən çox xanım iştirak edib.
İlk beşliyə qalibdən əlavə Nigeriya, Meksika, Tailand və Venesuela təmsilçiləri daxil olublar.
Azərbaycanda toyda qeyri-adi hadisə yaşanıb.
Hadisə Bakıdakı şadlıq saraylarından birində baş verib. Bəy öz atasını və müğənnini toyundan qovub.
Hadisəyə müğənninin açıq-saçıq geyimi səbəb olub. Məlumata görə, atanın başı toydan çox həmin müğənniyə qarışıb. Onunla çox rəqs edib və uzun müddət ətrafında dolaşıb. Bu da bəyin xoşuna gəlməyib. Nəticədə əsəbiləşən bəy atasını və müğənnini toydan qovub.
Xanım müğənninin adı çəkilməsə də, onun tanınmış və fəxri adı olduğu bildirilir. / Lent.az
Müğənni Nəfəs "Rəngarəng səhər"də küsülü olduğu duet ortağı Aqşin Fatehin həyat yoldaşına müraciət edib.
Referans.az xəbər verir ki, Nəfəs meyxanaçının həyat yoldaşının onunla duet oxumasına qarşı olduğunu bildiyini qeyd edib.
Xanım ifaçı Aqşinlə barələrində dolaşan söz-söhbətin bir şaiyə olduğunu, onunla sadəcə sənət yoldaşı olduğunu sözlərinə əlavə edib.
Ətraflı videoda:
Ötən gün sayca 73-cü "Miss Universe 2024" beynəlxalq gözəllik müsabiqəsinin yarımfinal mərhələsi baş tutub. Əvvəlcədən sözügedən yarışmada ölkəmizi təmsil edən iştirakçının siyahıda adı olsa da daha sonra Azərbaycanın müsabiqədən kənarlaşdırıldığı məlum olub.
Musavat.com xəbər verir ki. bununla bağlı "Miss Azerbaijan 2019" Səmra Hüseynova olay-a açıqlama verib.
Səmra bildirib ki, "Miss Universe 2024"ün Azərbaycanda kastinqləri keçirilməyib:
"Əslində "Miss Universe 2024" müsabiqəsinə mən qatılacaqdım. Bir müddət əvvəl bununla bağlı mənə zəng gəldi və bu yarışmada iştirak etməyimlə bağlı təklif aldım. Lakin daha sonra mənə söylədilər ki, başqa qız model seçilib və o, Azərbaycan adından çıxış edəcək. Heç bir kastinq keçirilmədən necə ola bilər ki, bu qızı seçsinlər. Sonra mənə məlumat verildi ki, bu xanım heç bir model standartlarına uyğun deyil və Azərbaycan bu müsabiqədən ümumiyyətlə çıxarılıb. Ötən gün isə bu yarışmanın yarımfinalı keçirilib. Çox istərdim ki, məndə bu müsabiqədə iştirak edim və ölkəmizi layiqincə təmsil edim".
Qeyd edək ki, sözügedən müsabiqənin final mərhələsi bu gün Meksikanın paytaxtı Mexikoda "Mexico City Arena"da keçiriləcək.