 |
|
|
Avropada yaşayan Azərbaycanlılar Haaqadakı “Sülh və Ədalət Sarayı”nın qarşısında ədalət çağırışı ilə etiraz aksiyası keçiriblər.
AZƏRTAC xəbər verir ki, onlar son vaxtlar Avropa və Niderland parlamentlərində ölkəmizə qarşı qərəzli münasibətlərə etiraz olaraq, “Sülh və Ədalət Sarayı”nın qarşısında yürüş və etiraz nümayişinə çıxıblar. Soydaşlarımız “Sülh və Ədalət paytaxtı” olan Haaqanı ədalətə çağırıblar. Aksiya iştirakçıları ermənilərin vəhşiliyini əks etdirən Xocalı soyqırımı, eləcə də əsrin əvvəlində azərbaycanlılara qarşı törədilən 31 Mart genosidi qurbanlarının ədalətə layiq olduqlarını bəyan ediblər.
Xaricdə yaşayan soydaşlarımızın birlik və həmrəyliyini əks etdirən nümayişdə “Etnik təmizləmə qurbanı olan günahsız Azərbaycanlılara ədalət!”, “Ədalət və məsuliyyət uğrunda birləşin!”, “Cəzasızlıq ədalətsizliyi artırır!”, “Erməni hərbi cinayətkarlarının cəzasız qalmasına son qoyulsun!”, “Cəzasızlığı dayandırın, məsuliyyətə başlayın!”, “Müharibə cinayətlərinə görə cəzasızlığa artıq dözmək olmaz!”, “Zülmə son qoy, həqiqəti söylə!”, “Bu günün məsuliyyəti – sabahın cinayətinə son qoyur!”, “İnsanlıq üçün hərəkət edin, təcavüzə qarşı çıxın!”, “Ermənistan, hərbi cinayətkarları müdafiə etməyin, onları mühakimə edin!”, “Ədalət üçün ayağa qalx!”, “Azərbaycan üçün həqiqət, hamı üçün ədalət!”, "Ermənistanın işğalına yox deyək!", “Bütün dünyada tanınan Azərbaycanın haqqı!”, “Ədalət, sülh və həqiqət üçün birlikdə!”, “Beynəlxalq ədalətə qayıdaq!”, “İkili standartlara son qoyaq!”, “Mirotvorets” siyahısına görə Ruben Vardanyana rəhm edilmir” kimi şüarlar səsləndirilib, Avropanın ikili standartlara son qoymasına çağırış edilib.
Avropada yaşayan soydaşlarımız tarixin müxtəlif dövrlərində ermənilərin xalqımıza qarşı kütləvi qətilamlar, soyqırımı aktları törətdiklərini xatırladıblar. Onlar ermənilərin cinayət əməllərinin miqyasına və nəticələrinə nəzər saldıqda bu soyqırımı aktlarının beynəlxalq hüququn normaları ilə təsbit olunmuş konvensiyalara əsasən, eləcə də mənəvi-əxlaqi kodekslərə görə, insanlığa qarşı və bəşəriyyət əleyhinə cinayət olduğunu bildiriblər.
Nümayişçilər 1918-ci il martın 31-də - 107 il əvvəl ermənilərin azərbaycanlılara qarşı törətdikləri hadisələrin soyqırımı kimi tanınmasını tələb ediblər.
Etirazçılar Ermənistanın minaların xəritəsini verməkdən imtina etməklə müvafiq Cenevrə konvensiyalarının kobud şəkildə pozduğunu vurğulayıblar.
Onlar “Mina qurbanı olan azərbaycanlıların əzabına son qoyulsun!”, “Günahsız azərbaycanlıları erməni minalarından qoruyaq!”, “Minasız dünya üçün ayağa qalxaq!”, “Minalar gizli qatillərdir, minalara yox deyin!”, “Ermənistan, minalanmış ərazilərin xəritəsini Azərbaycanla paylaş!” şüarları ilə “Sülh və Ədalət Sarayı”nı bu haqsızlığa son qoymağa səsləyiblər. Erməni minalarının hələ də günahsız insanları öldürməkdə olduğu diqqətə çatdırılıb.
Soydaşlarımız Ermənistanın hərbi təcavüzü nəticəsində itkin düşmüş azərbaycanlılar üçün də ədalət çağırışı ediblər. İtkin azərbaycanlıların tapılmasına ümidin itmədiyini deyib və Ədalət məhkəməsi qarşısında “İtkin düşmüş azərbaycanlıların tapılmasına kömək edin, onlar unudulmur!”, “Hər dəqiqə önəmlidir: bilmək hüququna riayət edilməlidir!”, “Hər bir itkin şəxs önəmlidir!”, “Ermənistan, kütləvi məzarlığı Azərbaycanla paylaşın” şüarları səsləndiriblər. Məhkəməyə əsir və itkin düşmüş, girov götürülmüş azərbaycanlıların taleyi ilə bağlı onların yaxınlarının hüquqları xatırladılıb.
Almaniya Prezidenti Administrasiyası bu ölkənin Prezidentinin sosial media profilində yerləşdirilmiş postla bağlı Azərbaycan tərəfinə üzrxahlıq edib.
Musavat.com bu barədə AZƏRTAC-a istinadən xəbər verir.
Qeyd edək ki, Almaniya Prezidentinin sosial media profilində artıq keçmişin qalığı olan qondarma rejimin bayrağının yerləşdirilməsi və onun altında yazılan mətn Azərbaycan tərəfinin ciddi narazılığına səbəb olub.
Dərhal iki ölkənin Prezident administrasiyaları və Xarici İşlər nazirlikləri arasında təmaslar başlayıb. Almaniya tərəfi bu postun səhvən yerləşdirildiyini etiraf edərək onu dərhal çıxarıb.
Almaniya Prezidenti Administrasiyasının rəhbəri adından ünvanlanmış məktubda baş vermiş bu hadisəyə görə üzrxahlıq ifadə olunaraq, məktubun mediaya verilməsinə razılıq bildirilib.
Məktubu təqdim edirik:
"Hörmətli Hikmət Hacıyev.
Federal Prezidentin sosial media hesabında qısa müddət ərzində Azərbaycanın bir regionuna aid bayrağın yanlış təsviri və onunla bağlı mətn dərc olunub. Səhv aşkar edildikdən sonra paylaşım dərhal silinib.
Bu paylaşım texniki səhv səbəbindən dərc edilib və Almaniyanın Azərbaycanın ərazi bütövlüyünə dair məlum mövqeyi ilə bağlı heç bir məna kəsb etmir.
Belə bir səhvə yol verilməsinə görə çox məyusam. Paylaşımın Azərbaycanda bəzi insanlarda yaratdığı yanlış təəssürata görə səmimi-qəlbdən üzr istəyirəm.
Federal Prezidentin qarşıdan gələn səfəri Azərbaycan-Almaniya tərəfdaşlığını möhkəmləndirmək və regionda davam edən sülh prosesinə dəstək vermək məqsədi daşıyır".
İranın yeraltı bazalarının yerləşdiyi bütün şəhərlərində raketlər buraxılış qurğularına yüklənir. Bunu İranın ingilisdilli “Tehran Tayms” qəzeti dünən ABŞ Prezidenti Donald Trampın təhdidindən sonra yazıb. Qəzet vurğulayıb ki, “Pandora qutusu”nun açılması ABŞ hökumətinə və onun müttəfiqlərinə baha başa gələcək. Qeyd edək ki, ötən gün Tramp danışıqlardan imtina edəcəyi halda İranın görünməmiş bombardmana məruz qalacağını vəd edib.
Orta Doğu Araşdırmalar Mərkəzinin sədri, politoloq Sədrəddin Soltan “Sherg.az”a bildirib ki, İranın yeraltı raket bazalarından atəşin açılması regionda gərginliyi artıra bilər:
“Fikrimcə, regionda İranın nəzərdə tutduğu səviyyədə gərginliyin baş verməməsi üçün Amerika və yaxud İsrail əməliyyatlara başlasa, ilk növbədə rəsmi Tehranın yeraltı raket bazalarını vurmalıdır. Əks halda bu regionda böyük fəsadlar yaradar. Pandora məşhur Yunan mifalogiyasına görə ilk qadındır. Həmin qadına qutuda hədiyyə olunub və qutu açılmamalıydı. Lakin qutu açıldıqdan sonra bütün dünyaya pisliklər yayılıb. İran “Pandora qutusu” ifadəsini işlədərkən bunu nəzərdə tutur. Yəni Amerika İrana qarşı hücum edərsə, həmin “pisliklər qutusu” açılacaq və bütün regiona dağıdıcı təsir göstərəcək şəklində mesaj verilir”.
Macarıstan İnterpolun Sarayevo bölməsinin (Bosniya və Herseqovina) Serb Respublikası prezidenti Milorad Dodiki beynəlxalq axtarışa vermək təşəbbüsü ilə əlaqədar İnterpolun Baş Katibliyinə şikayət ünvanlayıb.
Bu barədə "Raport" nəşri adı açıqlanmayan mənbələrə istinadən məlumat yayıb.
Bundan əvvəl Macarıstanın baş naziri Viktor Orban Bosniya və Herseqovina hakimiyyətini Dodikə qarşı məhkəmə prosesi açdığına görə tənqid etmişdi. Fevralın 26-da sosial şəbəkə X-də Orban bu prosesi "cadugər ovu" və "hüquq sisteminin silaha çevrilməsinin üzücü nümunəsi" adlandırmışdı.
Macarıstanla yanaşı, Serbiya hakimiyyəti də Serb Respublikasının prezidentini müdafiə edərək İnterpolun Baş Katibliyinə etiraz notası göndərib və işi siyasi adlandırıb.
Mart ayında Serbiyanın "Politika" qəzeti Milorad Dodik və Serb Respublikası Xalq Məclisinin sədri Nenad Stevandiçin beynəlxalq axtarışa veriləcəyini yazmışdı. Nəşr Sarayevo Interpol bölməsi tərəfindən hazırlanmış beynəlxalq orderlərlə tanış olduğunu bildirmişdi.
Bosniya və Herseqovinada bosniyalı serblərin lideri olan Dodik ölkənin Konstitusiya Məhkəməsinin və beynəlxalq ictimaiyyətin Bosniyada xarici idarəçi funksiyasını yerinə yetirən ali nümayəndəsinin qərarlarını görməməzliyə vurmaqda ittiham olunur. Fevral ayında yerli məhkəmə cənab Dodiki bir il həbs cəzasına məhkum edib və altı il müddətinə siyasi fəaliyyətlə məşğul olmasını qadağan edib.
Qeyd edək ki, Bosniya və Herseqovina iki qurumdan - Bosniya və Herseqovina Federasiyası (Xorvat-müsəlman) və Serb Respublikasından ibarətdir. Onların arasında beynəlxalq idarəçilikdə olan Brcko rayonu yerləşir. Hökumət sistemində üç əsas xalq təmsil olunur: boşnaklar (islam slavyanları), xorvatlar (katoliklər) və serblər (pravoslavlar). Hər bir qurumun öz konstitusiyası və icra orqanı var.
Ukraynada Çernobıl AES-in yerləşdiyi zonasında heyvanlar təkcə radiasiyaya qarşı müqavimət göstərmir, həm də sürətlənmiş təkamül əlamətləri ilə diqqəti çəkir.
Yeni araşdırmalar göstərir ki, qəzadan sonrakı onilliklər ərzində bir çox növlər təbiətdə əvvəllər görünməyən unikal xüsusiyyətləri inkişaf etdiriblər.
Bakupost.az xəbər verir ki, bu barədə RİA Novosti məlumat yayıb.
İspan bioloqları Çernobıl qurbağalarında qeyri-adi qara rəng aşkar ediblər ki, onlar bunu bədəni radiasiyanın təsirindən qismən qoruya bilən piqmentin- melaninin artması ilə əlaqələndirirlər. Alimlər hesab edirlər ki, tünd qurbağaların fəlakətdən sağ çıxmaq və öz genlərini nəsillərinə ötürmək şansı daha çoxdur.
Canavarlar alimlərin xüsusi diqqətini çəkib. Amerikalı bioloqların fikrincə, onların immun sistemi insanlar üçün təhlükəsiz səviyyədən altı dəfə yüksək radiasiya səviyyəsinə müntəzəm məruz qalmasa da, bu heyvanlar onkoloji xəstəliklərə qarşı artan müqavimət göstərir.
Atom elektrik stansiyasının yaxınlığında yaşayan itlərin DNT-lərində də onları normal populyasiyalardan fərqləndirən dəyişikliklər aşkar edilib.
Hətta quşlar da radiasiyaya uyğunlaşır, hüceyrə zədələnməsindən qoruyan antioksidanların səviyyəsini artırırlar. Ev heyvanlarında isə fəlakətdən sonrakı ilk illərdə ağır mutasiyalar qeydə alınıb: inkişaf qüsurları, əlavə əzalar, anormal rənglənmə.
Əldə edilən məlumatlar alimləri radiasiyanın təsiri ilə bağlı fikirlərini yenidən nəzərdən keçirməyə vadar edir: o, nəinki məhv edə, həm də gözlənilməz təkamül proseslərini işə sala bilər. Bununla belə, tədqiqatçıların qeyd etdiyi kimi, bu, təhlükəni qiymətləndirmək üçün əsas deyil: bütün canlılar bu şəraitə uyğunlaşa bilmədi.
İranın Ali lideri Əli Xamenei ABŞ-nin ölkəyə kənardan hücumu ehtimalına inanmadığını, lakin Vaşinqtonun, İran daxilində üsyan qaldırmağa çalışarsa, sərt cavab alacağını bildirib.
Xamenei bu sözləri Ramazan bayramı münasibətilə xütbə zamanı deyib.
“Onlar nəsə pis iş görəcəkləri ilə hədələyirlər, lakin biz belə düşünmürük, hətta ehtimal azdır ki, onlar kənardan nəsə pislik edərlər. Amma etsələr belə, bizim cavabımız sərt olacaq. Əgər birdən ölkə daxilində üsyan qaldırmağa qərar versələr, o zaman İran xalqı özü onlara cavab verəcək”, - deyə o bildirib.
Xatırladaq ki, bir neçə gün əvvəl ABŞ Prezidenti Donald Tramp Tehranın nüvə proqramı ilə bağlı Vaşinqtonla razılığa gəlməyəcəyi təqdirdə İranın başına pis şey gələ biləcəyini deyib. (qafqazinfo.az)
İngiltərə Baş naziri Keir Starmer hakimiyyətə gəldiyi 2024-cü ilin iyul ayından bəri 24 mindən çox qeyri-qanuni miqrantı ölkədən çıxarıldığını açıqlayıb.
Bizimyol.info "AA"ya istinadən xəbər verir ki, Starmer bu barədə 40-dan çox ölkənin nümayəndələrinin iştirak etdiyi, İngiltərədə keçirilən və təşkil edilmiş miqrasiya cinayətlərinə qarşı birgə həll yollarının müzakirə ediləcəyi beynəlxalq toplantının açılışında danışıb.
İnsan alverçilərinin qurumlara, cəmiyyətlərarası əlaqələrə və siyasətə zərbə vurduğunu ifadə edən Starmer, miqrasiya cinayətlərinin qarşısını almaq üçün beynəlxalq səyləri artırmağın vacib olduğunu vurğulayıb.
Starmer, qeyri-qanuni miqrasiya və insan alveri ilə mübarizənin terrorizmə qarşı mübarizə kimi həyata keçirilməli olduğunu bildirib.
Əvvəlki hökumətin qeyri-qanuni miqrantları Ruandaya deportasiya etmək üçün 700 milyon funt sterlinq sərf etdiyini, lakin ümumilikdə yalnız 4 könüllüdən başqa heç kimin həmin ölkəyə getmədiyini qeyd edib. Starmer: "Əgər bu plan yaxşı şəkildə tətbiq olunsaydı, ildə 300 nəfərin sərhəddən kənar edilə biləcəyini söyləyirdilər. Biz hakimiyyətə gəldiyimizdən bəri (2024-cü ilin iyul ayından) burada olmağa layiq olmayan 24 mindən çox insanı ölkə ərazinindən çıxarmağa nail olmuşuq", - deyə bildirib.
İnsan ticarəti ilə məşğul olanların tanınması üçün istifadə etdiyi 18 min sosial media hesabını bağladıqlarını bildirən Starmer, yalnız 2024-cü ilin iyul-dekabr dövründə 10 min hesabın bağlandığını qeyd edib.
Qadir, Bizimyol.info
İran prezidenti Məsud Pezeşkianın Novruz bayramı çərçivəsində Qərbi Azərbaycan Əyalətinin mərkəzi olan Urmiyə şəhərinə səfəri zamanı Azərbaycan türkcəsində çıxış etməsi sabiq yol və şəhərsalma naziri Abbas Axundinin reaksiyasına səbəb olub.
Musavat.com ArazNews Telegram kanalına istinadla bildirir ki, Axundi öz sosial media paylaşımında bildirib:
“Cənab Pezeşkian, anlayıram ki, siz Urmiyədə böyümüsünüz və beş dönəm Təbrizin hörmətli millət vəkili olmusunuz. Ona görə də türkcə hesabat almaq sizin üçün tamamilə adi və təbiidir. Amma hazırda siz ölkənin prezidentisiniz. Rəsmi tədbirlərdə yalnız dövlət dili olan farsca danışmalı və hesabat almalısınız. Bu məsələyə diqqətsizlik sonda millətə zərər vuracaq. Zəhmət olmasa, diqqətli olun.”
Prezident Pezeşkianın türk dilindən istifadəsi Güney Azərbaycanda müsbət qarşılanarkən, bəzi fars siyasi çevrələrində narahatlıq yaradıb. Axundinin bu çıxışı isə ictimaiyyət arasında geniş müzakirələrə səbəb olub.
Pezeşkianın türkcə danışması bundan əvvəl də fars milliyyətçi çevrələrin narazılığına səbəb olmuşdu.
Maraqlıdır ki, Məsud Pezeşkianın başqa dillərdə danışması heç bir etiraza səbəb olmur, lakin o, türkcə danışdığı zaman dərhal tənqid hədəfinə çevrilir və ölkənin sabitliyinə təhlükə yarada biləcəyi ilə bağlı narahatlıqlar səsləndirilir.
Musavat.com
Rusiyada vətəndaşlıq almış şəxslərin xarici sürücülük vəsiqələri etibarsız olacaq
2025-ci il aprelin 1-dən Rusiya vətəndaşlığı, yaşayış və ya müvəqqəti yaşamaq icazəsi aldığı tarixdən bir il keçmiş vətəndaşların xarici sürücülük vəsiqələri ölkə ərazisində etibarsız sayılacaq.
“Report” xəbər verir ki, Rusiyada sürücü etibarsız vəsiqə ilə avtomobil idarə edərsə, onu 15 min rubla qədər cərimə gözləyir və vəsiqəsi bərpa olunana qədər sürücülük hüququndan məhrum edilir.
PKK terror təşkilatı üçün Türkiyədə fəaliyyət göstərən isveçli “jurnalist” Kaj Joakim Medin “Prezidentə təhqir” və “silahlı terror təşkilatına üzv olmaq” maddələri ilə həbs olunub.
“Yeni Şafak” xəbər verir ki, o, 2023-cü ilin yanvarın 11-də İsveçin Stokholm şəhərində Türkiyə Prezidenti Rəcəb Tayyib Ərdoğanın maketini asıb. Yanvarın 13-ə Kaj Joakim Medin haqqında istintaq başladılıb.
İstintaq çərçivəsində Medin də daxil olmaqla 15 nəfər şübhəli şəxs saxlanılıb.
İsveçli "jurnalist"in dünən bir müddət əvvəl İstanbul Böyük Şəhər Bələdiyyəsinin sədri Əkrem İmamoğlunun həbsindən sonra başlayan aksiyaları işıqlandırmaq üçün İstanbula getdiyi müəyyənləşib. O, dərhal saxlanılıb. Sonra isə həbs olunub.