“Azərbaycan Ermənistana Bakıda keçiriləcək COP29 tədbiri ilə əlaqədar dəvət göndərib”.

Bunu TNS-ə siyasi şərhçi, “Orta Doğu” Araşdırmalar Mərkəzinin rəhbəri Sədrəddin Soltan bildirib.

Siyasi şərhçinin fikrincə, Ermənistan bu tədbirdə iştirak edəcək: “Çünki Ermənistan COP29-un Azərbaycanda keçirilməsini dəstəkləmişdi. Əgər Ermənistan dəstək veribsə, deməli, COP29-da iştirakı gözləniləndir. Onların iştirakı iki dövlət üçün xoşməramlı, sülhsevər addım olar”.

Sədrəddin Soltan bildirib ki, Ermənistan tədbirə qatılmasa, onların bu günə qədər Azərbaycanla münasibətlərin normallaşmasında, sülh sazişinin imzalanmasında maraqlı olduqlarına dair bəyanatları şübhə doğurar.

Politoloq, vəkil Yalçın Hacızadə isə TNS-ə deyib ki, COP29-a ev sahibliyi BMT-nin 5 regional qrupu arasında rotasiya qaydasında təyin olunur: “Hər regional qrup tədbirin keçirəcəyi ölkəni müəyyənləşdirir. Ermənistan və Bolqarıstan da bu tədbirə ev sahibliyi etmək istəyini bildirmişdi. Azərbaycan höküməti ilə Ermənistan höküməti arasında imzalanmış birgə bəyanata əsasən, Ermənistan ölkəmizin xeyrinə öz namizədliyini geri çəkdi. Azərbaycan və Ermənistan arasında yaranmış bu ikili münasibət güman etməyə əsas verirdi ki, COP29 tədbirinə qədər sülh üzrə çərçivə sazişi imzalanacaq. Amma təəssüf ki, Ermənistan sülhpozucu qüvvələrin təsirinə düşərək, COP29-la bağlı ölkəmizə qarşı qarayaxma kampaniyasına qoşuldu. Eyni zamanda, iştirakla bağlı əlavə şərtlər irəli sürdü. Halbuki, özünü sülhdə maraqlı olan tərəf kimi göstərən Ermənistan bizim səmimi təklifimizi qəbul edərək, tədbirdə şərtsiz, həm də yüksək səviyyədə təmsil olunmalı idi. Həmçinin, Ermənistan da Birləşmiş Millətlər Təşkilatının İqlim Dəyişikliyi haqqında Çərçivə Konvensiyasına qoşulub. Bütün bunlara baxmayaraq, hələ də iştirakla bağlı rəsmi cavab verməyib”.

Y. Hacızadə vurğulayıb ki, Ermənistan torpaqlarımızı 30 ilə yaxın müddətdə işğalda saxlayıb, flora və faunaya, təbiətə böyük zərərlər vurub: “Ermənistanın Konvensiyanı imzalamaqla öz üzərinə götürdüyü öhdəlikləri xatırlaması baxımından bu tədbirdə iştirakı məqbul olardı. İştirak etməməsi də bizim üçün böyük itki deyil. Hazırda bu məsələ Ermənistanda siyasiləşib. Bəziləri Ermənistanın iştiakını ölkəmizdə cinayət məsuliyyətinə cəlb edilmək üçün saxlanılan, Azərbaycana qarşı xüsusi ilə ağır cinayət törətməkdə ittiham edilən erməni əsilli şəxslərin azad edilməsi ilə şərtləndirirlər. Əlbəttə, bu, qəbul ediləcək şərt deyil. Güman ki, Ermənistanın Baş naziri Nikol Paşinyan ölkə daxilində özünə qarşı etirazların artmaması üçün tədbirə qatılmayacaq. COP29 tədbiri geniş və müxtəlif platformalardan ibarət olacaq. Orada müxtəlif sahələr üzrə müzakirələr aparılacaq. Ona görə də hesab edirəm ki, Ermənistanın xarici işlər naziri, müxtəlif qrumların və parlamentin nümayəndələri tədbirdə iştirak edə bilər”.

Qaynarinfo xəbər verir ki, dövlət başçısı kimi o, illik 400 min dollar maaş alacaq. Belə ki, Trampın Ağ Evdə aylıq maaşı 33 min 333 dollar olacaq.

Onun biznes imperiyasının dəyəri isə milyardlarla dollardır. O, sosial media şirkəti olan "Trump Media & Technology Group"un səhmlərindən milyonlarla dollar qazanır. Trampa məxsus "Truth Social" platforması xüsusilə son aylarda sürətlə dəyər qazanıb. Şirkətin səhmlərinin qiyməti ilin əvvəlindən 100 faizdən çox artıb və təkcə son bir ayda 85 faiz dəyər qazanıb. Bu artımlar Trampın media şirkəti vasitəsilə ciddi sərvət qazana biləcəyini göstərir.

"Bloomberg"in məlumatına görə, Trampın sərvəti ilə bağlı müxtəlif fikirlər olsa da, onun var-dövləti hazırda 6,49 milyard dollar dəyərində qiymətləndirilir. "Forbes" bunun 8 milyard dollar, "Wall Street Journal" isə daha çox - 10 milyard dollar olduğunu yazır.

Trampın əsas gəlir mənbəyi olan daşınmaz əmlak investisiyaları onun sərvətinin əsasını təşkil etməkdə davam edir. Yeni ABŞ liderinin dünyanın bir çox yerlərində göydələnləri və ABŞ-da bir çox daşınmaz əmlak müəssisələri və investisiyaları var.

Ən yeni tarix. Maraqlı faktlar.
Hitler sonuncu dəfə öz xidməti təyyarəsindən 1944-cü ilin dekabr ayında istifadə etsə də, şəxsi pilotu Hans Baur fürerin son dəqiqələrinə qədər onun yanında olub.
General rütbəli Baur +itlerin ən etibar etdiyi şəxslərdən biri sayılıb və intiharından bir neçə saat öncə fürer pilotuna təşəkkürünü bildirməyi özünə borc sayıb:
“Baur, bu illər ərzində mənə göstərdiyin sədaqətə və xidmətlərə görə sənə təşəkkür edirəm. İndi isə vidalaşmağın vaxtıdır. Mənim generallarım məni satdılar, mənim əsgərlərim daha döyüşmək istəmir. Mən artıq fəaliyyətimi bu cür davam edə bilmərəm...”
Həmin son görüşdə Baur +itlerə onu təyyarə ilə Argentinaya, Yaponiyaya, yaxud da ərəb şeyxlərinin birinin yanına aparmağı təklif edib. Fürer bu təkliflərdən imtina edib:
“Müharibə Berlinin süqutu ilə başa çatacaq. Mən də Berlinlə birlikdə “süquta” uğrayacağam. Müharibənin fəsadları ilə üz-üzə qalanda özümdə intihar cəsarətini tapmaq gücündəyəm. Bilirəm ki, sabah milyonlarla insan məni lənətləyəcək. Bu mənim taleyimdir...”
Hitler bu görüşün sonunda ən sevimli rəsm əsərini, holland rəssamı Rembrandtın çəkdiyi Kral Böyük Fridrixin portretini şəxsi pilotuna hədiyyə edib.
Hans Baur 13 ilə yaxın bir müddətdə +itlerin şəxsi pilotu işləyib, general-leytenant rütbəsini daşıyıb.
Onların arasında fürer-pilot münasibətindən daha çox dostluq münasibətləri hökm sürüb.
1897-ci ildə Bavariyada anadan olan Baur Münhendə gimnaziyanı bitirdikdən sonra könüllü olaraq imperiya hərbi hava qüvvələrində xidmətə başlayıb. 1-ci dünya müharibəsinin iştirakçısı olub. İlk zabit rütbəsini də bu müharibə zamanı alıb.
Müharibədən sonra ali hərbi aviasiya təhsili aldıqdan sonra Baur Almaniyanın ən böyük aviasiya şirkətlərindən biri olan “Lufthansa” şirkətində pilot vəzifəsində işləyib.
Baur öz həmkarlarından yüksək peşəkarlığı, texniki biliyi, intellekti və ictimai fəallığı ilə fərqlənib. O, şirkətdə işləməklə yanaşı, peşəkar mütəxəssis kimi Almaniyanın aviasiya sənayesində yeni istehsal olunan təyyarələrin sınaq uçuşlarına da cəlb edilib.
Baur 1926-cı ildən nasist partiyasına üzv olub və partiyanın tədbirlərində fəal iştirak edib.
Nasistlər hakimiyyətə gələndə Henrix Himmler Baura +itlerin şəxsi pilotu vəzifəsini təklif edib.
Baur bu təklifi məmnunluqla qəbul edib.
Xidməti personalın seçimində şəxsən iştirak edən +itlerin seçim ərəfəsində Baurla da söhbəti olub.
Adətən belə söhbətlər 20-30 dəqiqə çəkib. Fürerin Baurla söhbəti isə iki saata qədər uzanıb. +itler bu söhbətdən məmnun qalaraq sonda pilota bu sözləri deyib:
Biz sənin idarə etdiyin təyyarə ilə bütün dünyanı fəth edəcəyik.
+itlerin göstərişi ilə Baur uçuşlardan sonra da fürerin ətrafında olub. Hətta ziyafətlərdə +itler onu da süfrə arxasına dəvət edib.
Baur bütün səfərlərdə +itleri müşayiət edib.
Bununla yanaşı Üçüncü Reyx rəhbərliyinin ən vacib səfərləri də Baura həvalə olunub.
1939-cu ildə Almaniyanın xarici işlər naziri İoaxim Ribbentrop SSRİ ilə danışıqlar üçün Moskvaya səfər edəndə də nümayəndə heyəti məhz Baurun idarə etdiyi təyyarə ilə bu görüşə uçublar.
Hitler qərargahını bunkerinə köçürdükdən sonra Baur fürerin son dəqiqələrinədək onun yanında olub.
Sözsüz ki, Baurun əvvəlcədən Almaniyadan qaçmaq imkanı olub. Amma pilot sona qədər +itlerə sədaqətini nümayiş etdirib.
Hitlerin intiharından sonra Baur qərbə qaçmağa cəhd edib. Ancaq mayın 2-də pilot sovet hərbçiləri tərəfindən həbs edilib.
Həbsindən sonra Bauru hərbi cinayətkar kimi Moskvaya aparıblar. O, Butırka həbsxanasında saxlanılıb.
Baur mülki vətəndaşlara qarşı hərbi əməliyyatların hazırlanmasında, SSRİ-nin hava sərhədlərini təyyarə ilə dəfələrlə pozmasında və digər hərbi cinayətlərdə ittiham olunub.
Moskva Hərbi Dairəsinin tribunalı Baur haqqında 25 il azadlıqdan məhrumetmə hökmü çıxarıb.
Baur Stalinoqorsk (indiki Novomoskovsk şəhəri) şəhərindəki 338 nömrəli hərbi əsirlər düşərgəsinə göndərilib.
Baur üçün cəza illəri ağır keçib.
Fürerin ətrafında dolaşan, ən yüksək güzəşt və imtiyazlara malik olan pilot üçün Stalinoqorsk şaxtalarında sutka ərzində 12-14 saat işləmək dözülməz olub.
Nəhayət, 1955-ci ildə Almaniya və SSRİ arasında qarşılıqlı razılaşma nəticəsində digər alman əsirləri kimi Baur da Almaniyaya təhvil verilib.
Baur uzun bir ömür yaşayıb. O, 1993-cü ildə, 95 yaşında vəfat edib. Pilot Münhendə dəfn olunub.
1970-ci illərdən sonra Baurun bir neçə xatirələr kitabı işıq üzü görüb. Həmin kitablar bir neçə dilə tərcümə olunub və böyük oxucu auditoriyası qazanıb.
Baur öz xatirələrində Hitlerin həyatı və fəaliyyəti ilə bağlı illər boyu qaranlıq qalmış bir çox mətləblərə də aydınlıq gətirib.

AzTV-də yayımlanan “Bir zamanlar” verilişində Sumqayıt şəhərinin maraqlı tarixi haqqında danışılıb.
Müharibə bitdikdən sonra əsir düşmüş alman əsgərlər ölkənin bir çox yerləri ilə yanaşı, Sumqayıtda da binaların, müəssisələrin tikintisinə cəlb olunub. Həmin binalar hazırda da öz möhkəmliyinə görə fərqlənir.
Müharibədən sonra vətənlərinə qayıdan alman əsirlərdən savayı, həlak olanlar da olub. Məhz buna görə şəhərdə alman qəbiristanlığı yaradılıb.
Hər il Almaniyadan rəsmi şəxslər 311 əsirin dəfn olduğu bu məzarlığı ziyarət etməyə gəlirlər.

ABŞ-da seçkilər uzun illərdir ki, noyabrın ilk bazar ertəsindən sonrakı çərşənbə axşamı keçirilir. Bəs seçkilər niyə xüsusilə çərşənbə axşamı günü keçirilir?
Bizimyol.info "webtekno"ya istinadən xəbər verir ki, dünən ABŞ-da keçirilən seçkilərlə bağlı bir çox sualları ağlına gətirdi.

Amerikanın gələcək taleyi necə olacaq: “Niyə qazanılacaq dövlətlər bu qədər kritik əhəmiyyətə malikdir?”, “Donald Trampın prezident olması Elon Mask üçün niyə bu qədər vacibdir?”, “Niyə həmişə iki nəfər arasında seçim var?” kimi suallar var idi.

"ABŞ seçkiləri niyə çərşənbə axşamı keçirilir?"
Bu suala cavab vermək üçün ölkənin kənd təsərrüfatı cəmiyyəti olduğu dövrlərə qayıdaq.

Əvvəllər seçki günləri ştatlara görə dəyişirdi

1845-ci ildə bütün ölkə üçün vahid seçki gününün müəyyən edilməsi haqqında qanun qəbul edilib. O dövrdə ABŞ hələ də əsasən kənd təsərrüfatı cəmiyyəti idi. İşçi qüvvəsinin əksəriyyətini təşkil edən fermerlər üçün ilin çox hissəsi əkin, qulluq və məhsul yığımına sərf olunurdu. Noyabrın əvvəli səsvermə üçün yaxşı vaxt idi, çünki məhsul yığımı başa çatmışdı və hava hələ də nisbətən mülayim idi.

Həftənin bəzi günləri seçki günü ola bilməzdi

Bazar günləri seçki günləri deyildi, çünki onlar xristian olduqları üçün bu günü dua etməklə keçirirdilər. Çərşənbə günü bir çox fermerin məhsullarını şəhərdə satdığı gün idi. Səsverməyə getmək üçün onlara səyahət günü də lazım idi.

Kənd yerlərində ən yaxın seçki məntəqəsi bir neçə kilometr aralıda ola bilər və ora çatmaq bir qədər vaxt apara bilərdi, xüsusən də avtomobillər olmadıqda.

Onlar bazar və çərşənbə günlərindən səyahət günləri kimi istifadə edə bilmədiklərindən bazar ertəsi və cümə axşamı seçkiləri keçirilə bilməzdi. Ona görə də ən uyğun gün çərşənbə axşamı görünürdü.

Bunun "ilk bazar ertəsindən sonra" hesab edilməsinin bir səbəbi var

Noyabrın 1-i xristianlar üçün “Bütün müqəddəslər günü” kimi qeyd olunurdu və tacirlər ümumiyyətlə əvvəlki ayın kitablarını ayın birinci günü tamamlayırdılar. Ona görə də “ilk bazar ertəsi günündən sonra” ən məntiqli vaxt idi.

Seçkilərin hələ də çərşənbə axşamı keçirilməsinin mənası yoxdur

Bu gün amerikalıların 2%-dən az hissəsi kənd təsərrüfatında işləyir və təsəvvür etdiyiniz kimi, bir çox insan ilboyu çərşənbə axşamı işə gedir. Xüsusilə seçici fəallığı azaldığından vətəndaşlar seçkilərin həftəsonuna keçirilməsini təklif etsə də, hələ də bununla bağlı heç bir iş görülməyib. Əvəzində erkən və poçtla səsvermə variantları tətbiq olunub.

Məlumatı Avropa Komissiyasının mətbuat xidməti yayıb

Avropa Komissiyasının (AK) rəhbəri Ursula fon der Leyenin Bakıda keçiriləcək BMT-nin iqlim sammitinə (COP29) gəlməyəcəyi bildirilir.

Avropa Komissiyasının mətbuat xidməti məlumatında bu haqda məlumat verilib.

"Avropa Komissiyası səlahiyyətlərin ötürülməsi vəziyyətindədir, ona görə də Avropa Komissiyasının rəhbəri öz institusional öhdəlikləri ilə məşğul olacaq”, – açıqlamada deyilir.

BMT-nin İqlim Dəyişikliyi Konfransı Bakıda noyabrın 11-də başlayacaq və noyabrın 22-dək davam edəcək.

İspaniya hökuməti daşqınlardan zərər çəkənlərə dəstək üçün 10,6 milyard avro məbləğində yardım paketi ayırıb.

Bu barədə ölkənin Baş nazir Pedro Sançes bildirib.

Onun sözlərinə görə, bu paket, xüsusilə şərqi Valensiyada dağıntılardan təsirlənən ev təsərrüfatları, kiçik və orta müəssisələr, fərdi sahibkarlar və yerli idarələr üçün nəzərdə tutulmuş təcili bərpa planını əhatə edir.

Yardım çərçivəsində nəqliyyat vasitələrini itirənlərə kompensasiya, evlərin təmiri üçün isə 60 min avroya qədər dəstək veriləcək. Daşqın bölgəsində 15 min hüquq-mühafizə əməkdaşı və hərbi personal cəlb olunub, itkin düşənlərin axtarışı davam edir.

Dağıstanda güclü qasırğa baş verib.

İqtisadiyyat.az xəbər verir ki, qasırğa nəticəsində paytaxt Mahaçqala və ətraf ərazilər ciddi ziyan görüb.

Sosial şəbəkədə yaılan videolardan aydın olur ki, qasırğa güclü küləklə müşayiət olunub, bu da tikintisi yarımçıq qalmış konstruksiyaları dağıdıb və avtomobillərə ciddi ziyan vurub.

Külək dam örtüklərini və reklam bannerlərini də uçurub. Mahaçqala və Kaspiyskdə təxminən 20 ağac aşıb, sakinlər arasında xəsarət alanlar da var. Şəhər sakinlərindən biri qopmuş baner parçasının təsirindən xəsarət alıb və xəstəxanaya yerləşdirilib.

Təbii fəlakət həmçinin genişmiqyaslı elektrik kəsintilərinə səbəb olub. Nəticədə, Kaspiysk, Mahaçqala, Rutul, Qunib, Çarodin, Axtı və Kura bölgələrində təxminən 90 min insan işıqsız qalıb.

“Amerikalıların siyasi seçimlərinə görə zorakılığa əl atmağa hazır olduqları təəssüratı yaratmaq üçün saxta videolar hazırlayırlar”

ABŞ-da prezident seçkiləri ərəfəsində ABŞ kəşfiyyat orqanları Rusiyanın seçki günü və sonrakı həftələrdə müdaxiləsi təhlükəsi barədə xəbərdarlıq ediblər. AYNA xəbər verir ki, bu barədə DW məlumat yayıb.

“Rusiya ən aktiv təhlükədir. Rusiya ilə əlaqəli təsir dairələri seçkilərin legitimliyini sarsıtmaq, seçiciləri qorxutmaq və amerikalıların siyasi seçimlərinə görə zorakılığa əl atmağa hazır olduqları təəssüratı yaratmaq üçün videolar və saxta məqalələr hazırlayırlar”, ABŞ kəşfiyyat agentliklərinin yaydığı birgə bəyanatda qeyd olunub.

ABŞ kəşfiyyat ictimaiyyəti bu hərəkətlərin yalnız seçki günü və yaxın həftələrdə güclənəcəyindən və bu təbliğatın “yelləncək” ştatlarda xüsusilə güclü şəkildə yayılacağından qorxur. Kəşfiyyat xidmətlərinin məlumatına görə, ABŞ seçkilərinə müdaxilə təhlükəsi həmçinin İrandan da var.

ABŞ-da yüksək emosional seçki mühitində bir çox amerikalılar prezident seçkilərinin iğtişaşlar və digər zorakılıq aktları ilə müşayiət olunacağından ehtiyat edirlər. Sosial ayrı-seçkilik yalnız sosial mediada saxta xəbərlər, radikal şərhlər və nifrət dolu videolarla qızışır.

Uzun illərdir ki, Rusiya Prezidenti Vladimir Putin və onunla əlaqəli rus qrupları ABŞ seçkilərinə təsir etmək üçün manipulyasiya taktikasında ittiham olunurlar. Rusiya üçün bu gün ABŞ-da keçirilən prezident seçkiləri çox önəmlidir - respublikaçı Donald Tramp qalib gəlsə, Rusiyanın təcavüzündən qorunan Ukrayna ən mühüm müttəfiqi olan ABŞ-ın hərbi yardımını itirə bilər.

Müəllif: Ayna.az