İspaniya La Liqasının 29-cu turunun "Barselona" və "Jirona"nın Barselonada (İspaniya) qarşılaşdığı matç başa çatıb.

Meydan sahibləri 4:1 hesabı ilə inamlı qələbə qazanıblar.

Bu qələbədən sonra katalonların aktivində 66 xal var, turnir cədvəlinə də məhz onlar başçılıq edirlər. "Jirona" 34 xalla 13-cü pillədə qərarlaşıb.

"Real Madrid"in baş məşqçisi Karlo Ançelotti Türkiyə millisinin futbolçusu Arda Güler ​​üçün tərif dolu ifadələr işlədib.

"Haber Global" xəbər verir ki, İspaniya La Liqasının 29-cu turunda keçirilən olduqca həyəcanlı qarşılaşmada "Real Madrid" doğma meydanda qəbul etdiyi "Leqanes"i 3-2 hesabı ilə məğlub edib.

Ancelotti matçdan sonra təşkil edilən mətbuat konfransında açıqlama verib. Təcrübəli məşqçi Gülerin oyundakı çıxışından razı qaldığını bildirib.

"Yaxşı oynadı və səviyyəsini göstərdi. Topu çox yaxşı yönləndirir və oyunu çox yaxşı oxuyur. Komandada bizim hücumçular qədər parlamasa da, daha çox faydalı idi", - deyə o qeyd edib.

Xatırladaq ki, qarşılaşmaya ilk 11-də başlayan Ardanı matçın 62-ci dəqiqəsində Rodriqo əvəzləyib.

"Transfermarkt" dünyanın ən bahalı futbolçularından ibarət rəmzi komandanı tərtib edib.

TEREF Oxu.Az-a istinadən xəbər verir ki, bu "onbirliy"in müdafiəsində "Arsenal"dan iki, həm yarımmüdafiə, həm də hücumunda isə "Real Madrid"dən iki futbolçu yer alıb.

Dünyanın ən bahalı futbolçularından ibarət rəmzi komanda:

Qapıçı: Qreqor Kobel ("Borussiya Dortmund") - 40 milyon avro;

Müdafiəçilər: Uilyam Saliba ("Arsenal") - 80 milyon avro, Alessandro Bastoni ("İnter") - 80 milyon avro, Qabriel Maqalhaes ("Arsenal") - 75 milyon avro;

Yarımmüdafiəçilər: Federiko Valverde ("Real Madrid") - 130 milyon avro, Cud Bellingem ("Real Madrid") - 180 milyon avro, Florian Virtz ("Bayer Leverkuzen") - 140 milyon avro;

Hücumçular: Lamin Yamal ("Barselona") - 180 milyon avro, Vinisius Junior ("Real Madrid") - 200 milyon avro, Erlinq Holand ("Mançester Siti") - 200 milyon avro, Kilian Mbappe ("Real Madrid") - 170 milyon avro.

“Məşqçi dəyişməklə milli düzəlmir. Xaricdən gətirilən məşqçilərə kalan pul verilir. Amma nəticə yoxdur. Vaxtilə Berti Foqtsu komandadan uzaqlaşdırmaq istədilər, şantaj etdi, komandada qaldı. Çünki uzaqlaşdırıldığı təqdirdə, böyük məbləğdə təzminat ödəməli idilər. İndi də Fernandu Santuşu çıxara bilməzlər, çünki müqavilə var”.

TEREF xəbər verir ki, bu fikirləri Oxu.Az-a açıqlamasında futbol üzrə Azərbaycan milli komandasının uğursuz nəticələrini tənqid edən “Qarabağ” klubunun sabiq prezidenti, millət vəkili Aqil Abbas deyib.

O bildirib ki, əvvəldən düşünmək lazım idi:

“Azərbaycanın yerli məşqçilərindən faydalanmaq olardı: Tərlan Əhmədov, Rəşad Sadıqov və sair. Qurban Qurbanova bir dəfə fürsət verdilər ki, “Qarabağ” komandasını buraxsın, “Xəzər Lənkəran”ın gününə düşsün. Qurbanov komandanı atmadı, həmçinin ona millidə axıra kimi şans yaratmadılar. Q.Qurbanov təzminat filan istəmədən hörmət edib millidən çıxdı. O, futbolçuların dilini bilirdi, oyunçuları tanıyırdı.

Fernandu Santuş Portuqaliya millisini pis günə qoydu, gəldi “Beşiktaş”a da eyni aqibəti yaşatdı, indi növbə bizim millidədir.

Nə qədər ki, Azərbaycanda regionlarda futbol olmayacaq, uşaq futbolu inkişaf etməyəcək, bölgələrdə stadionlar olmayacaq, bu nəticələr təkrarlanacaq. Uşaq futbolçuların çoxu süni öt örtüyündə məşq edirlər, zədələnirlər”.

Deputat qeyd edib ki, məğlubiyyətlərdə futbolçuların da günahı var:

“Futbolçularımız vaxtlarını keçirirlər, məşqlərdə ciddi çalışmırlar. Görünür məşqçinin dediyini başa düşmürlər, dediklərinə əməl etmirlər. Amma onlar da yorulublar. Nə qədər uduzmaq olar? Həvəsdən düşürlər. Bizim futbolda bacardığımız budur. Nə qədər danışsaq da, bizdə hələ futbol ayağı yoxdur.

Legioner olan futbolçularımız heç bir komandada möhkəmlənmədən Bakıya qayıdıb gəlirlər. Yerli futbolçularımız bozbaş yeməyə öyrəşiblər deyə xaricdə çox qala bilmirlər. Mənim özüm xaricə gedəndə ac qalıram, yeməklərinə öyrəşə bilmirəm. Amma onlar öyrəşməlidirlər, hər bir çətinliyə dözməlidirlər. Anadan, atadan, bacı-qardaşdan ötrü darıxmalı deyillər. Futbolçularımızın təfəkkürü dəyişməlidir. Futbolu ayaqla yox, ağılla oynayırlar. Haiti kasıb ölkə olsa da, futbolçuları Avropa klublarında oynayırlar”.

A.Abbas bəzi azarkeşlərin “milli komanda ləğv edilsin” fikrinə də münasibət bildirib:

“Yox, milli komanda niyə ləğv edilsin ki? Uduza-uduza öyrənəcəyik. Xaricdən komandalarımıza futbolçu gətiririk. Artıq limit də yoxdur. Xaricdən gətirilən futbolçuların bir-iki komandadan başqa hamısı havayı pul yeyənlərdir. Braziliya çayxanalarında oturanları komandalarımıza futbolçu kimi yığırlar. “Neftçi”, “Qarabağ” və “Sabah”ı çıxsaq, qalanları uğursuz transferlərdir. Xarici oyunçu olmaqları o demək deyil ki, Pele olacaqlar. Gedib əldən-ayaqdan düşmüş futbolçuları gətirirlər”.

"Qalatasaray" klubu "Lill"in qolkiperi Lyuk Şevalyenin transferini həll edə bilmədiyi üçün başqa qapıçıya "elçi" düşüb.

Oxu.Az "SporX"ə istinadən xəbər verir ki, İstanbul təmsilçisi "Real Madrid"in qapıçısı Andrey Lunini istəyir.

Mövsümün sonunda türkiyəlilər ukraynalı futbolçunun keçidini həll etməyi planlaşdırırlar. "Qalatasaray" onu Fernando Musleranın əvəzləyicisi kimi görür.

Ukrayna millisinin üzvü 2018-ci ildən "Real"ın qapısını qoruyur. Onun "Kral" klubu ilə müqavilə müddəti 2030-cu il iyunun 30-na qədərdir.

Rusiyalı məşhur UFC döyüşçüsü Həbib Nurməhəmmədovun görüntüsü böyük marağa səbəb olub.

Onun qorxu dolu anları sosial şəbəkələrdə gündəm olub.

İdman zalına gətirilən ilan MMA idmançısına həyəcanlı anlar yaşadıb. Zal boyu qaçan Həbibin bu anları onun məşq yoldaşlarının gülüşünə səbəb olub.

Sözügedən videogörüntünü təqdim edirik:

Bu gün milli komandamız növbəti yoxlama oyununu keçirib.
Bakupost.az xəbər verir ki, Fernandu Santuşun çalışdırdığı kollektiv Bakıda Belarusla üz-üzə gəlib.
Oyun qonaqların 2:0 hesablı qələbəsi ilə başa çatıb. Bu, Azərbaycan millisinin 2025-ci ildə ikinci yoxlama görüşü olub. Martın 22-də Sumqayıtda Haiti ilə üz-üzə gələn yığmamız rəqibinə 0:3 hesabı ilə uduzub.
Belarus isə sonuncu yoldaşlıq görüşünü martın 21-də səfərdə Tacikistana qarşı keçirib və 5:0 hesablı qələbə qazanıb.
Milli komandamız bu gün ilk dəfə “Bank Respublika Arena”da meydana çıxıb.
Yoxlama oyunu
25 mart
21:45. Azərbaycan - Belarus - 0:2
Qollar: Pavel Zabelin, 59 (0:1), Nikita Demçenko, 78 (0:2)
Hakimlər: Aleko Aptsiauri, Davit Axvlediani, Davit Qabisonia (Gürcüstan)
Dördüncü hakim: Tural Qurbanov (Azərbayan)
“Bank Respublika Arena”.

"Barselona"nın yarımmüdafiəçisi Pedri "Osasuna"yla təxirə salınmış oyunla bağlı fikirlərini bölüşüb.

"Barca Universal" Pedrinin fikirlərini belə təqdim edib:

"Bir az yorğunuq, amma unutmamalıyıq ki, biz "Barsa"yıq. Cümə axşamı günü var qüvvəmizi sərf etməyə çalışacağıq. Ümumiyyətlə, La Liqanı qazanmaq üçün əlimizdən gələni edəcəyik".

22 yaşlı yarımmüdafiəçi bu mövsüm bütün turnirlərdə 42 matçda meydana çıxıb, 5 qol vurub və 7 məhsuldar ötürmə edib.

İspaniya çempionatının 27-ci turunun "Barselona" - "Osasuna" matçı martın 27-də keçiriləcək.

Xatırladaq ki, oyun martın 8-də keçirilməli idi, lakin “Barselona”nın həkimi Karles Minarro Qarsianın qəfil ölümü ilə əlaqədar matç ertələnmişdi. \\Fanat.Az