 |
|
|
“Qafqazinfo” xəbər verir ki, L.Zamanova bu gün video yayaraq hadisə barədə danışıb və baş verənlərə aydınlıq gətirməyə çalışıb.
O bildirib ki, həyat yoldaşı vəfat etdiyi üçün oğlunun lövhəsinə qarşı nalayiq hərəkətlər etmiş şəxsi özü cəzalandırmaq qərarına gəlib:
“Oğlumun xatirə lövhəsi qarşısında nalayiq hərəkət etdiyi üçün bu addımı atmışam. Daha sonra oğlumun ünvanına nalayiq sözlər dediyi üçün mən də şəhid anası kimi buna dözməyib, o sözləri demişəm. Hansı şəhid anasına o sözlər deyilsə, buna sakit dayanmaz. Daha sonra o, məndən üzr istədi, əl-ayağıma düşüb yalvardı, içkili olduğunu dedi, mən də onu bağışladım”.
L.Zamanova oğlu və özü barəsində deyilən bəzi fikirlərlə razı olmadığını deyib. Həmçinin media və sosial şəbəkələrdən hadisəni əks etdirən görüntülərin silinməsini xahiş edib.
Xatırladaq ki, 1995-ci il təvəllüdlü Vüqar Zamanov Vətən müharibəsində müddətdən artıq hərbi qulluqçu (MAXE) kimi iştirak edib. 5 noyabr 2020-ci ildə Daşaltı uğrundakı döyüşdə şəhid olub, Horadizdə dəfn edilib. Ölümündən sonra müxtəlif medallarla təltif edilib.
Məhşur dizayner və yazıçı Kirzayda Rodriqezin 40 yaşında mədə xərçəngindən vəfat etməzdən əvvəlki son sozləri.
Mənim qarajımda dünyanın ən bahalı avtomobili var idi, amma indi əlil arabasında gəzməli oluram. Şirkətimdə hər cür brend paltarlar, ayaqqabılar və qiymətli əşyalar satılır. Amma indi bədənim xəstəxananın verdiyi kiçik ağ paltoya bürünüb.
Bankda çoxlu pulum var, amma artıq ehtiyacım yoxdur.
Evim qala kimi idi, amma indi xəstəxana çarpayısında yatıram.
Beşulduzlu oteldən beş ulduzlu otelə keçdim, amma indi vaxtımın çoxunu bir labaratoriyadan digərinə keçərək xəstəxanada keçirirəm.
Yüzlərlə insana imza atmışam, amma bu dəfəki imzam tibbi sənədlərin üzərindədir.
Saçımı yeddi bərbərə düzəltdirmişəm, amma indi bir dənə də saçım yoxdur.
Şəxsi təyyarəm var və mən hər yerə uça bilirəm.
Amma indi xəstəxananın qapısına çatmaq üçün iki qulluqçuya ehtiyacım var.
Tamamilə istənilən yeməyi ödəyə bilsəm də, indi mənim pəhrizim gündə iki tablet və gecə bir neçə damcı duzlu sudan ibarətdir.
Bu ev, o maşın, o təyyarə, o mebel, bankdakı pul, reputasiya və şöhrət, bunların heç biri mənə kömək edə bilməz, heç biri dərdimi yüngülləşdirə bilməz və sonra başa düşdüm ki, ən önəmli şey sağlamlığımdır.
Həyat ölümə doğru bir qatar səyahətidir, əgər bu səyahətə çıxsanız, sonunda bu qatardan düşəcəksiniz.
Aziz Mustafa
TEREF
Nazirinin olduğu avtomobil qəzaya düşüb.
Çexiyanın müdafiə naziri Jana Çernoçovanın olduğu avtomobil bu gün qəzaya düşüb.
Bu barədə yerli mətbuat məlumat yayıb.
Bildirilir ki, Praqanın mərkəzində iki avtomobil toqquşub.
Praqa polisinin sözçüsü Kristina Zelinkova deyib: "Hərbi polis maşını işıqları yandırılmış vəziyyətdə hərəkətdə olarkən onu başqa bir mülki avtomobil vurub".
Toqquşma yol ayrıcında baş verib və nəticədə tramvayın hərəkəti təxminən on dəqiqə dayanıb.
Qeyd olunur ki, Çexiyanın müdafiə naziri tutduğu vəzifəyə görə hərbi maşından və hərbi polisin təmin etdiyi mühafizədən istifadə edir.
Çexiya Müdafiə Nazirliyinin sözçüsü David Şima faktı təsdiqləyib: "Mən təsdiq edə bilərəm ki, bu gün günorta nazirin avtomobili Praqanın mərkəzində qəzaya düşüb. İştirakçılardan heç biri xəsarət almayıb".
Ermənistan mediası “Müasir erməni fahişələrin növləri və xidmət qiymətləri” haqda məqalə yayıb.
TEREF həmin məqaləni ixtisarla təqdim edir:
Dünyanın ən qədim peşəsi olan fahişəlik Ermənistanda da geniş yayılıb. Bu işlə məşğul olanların fikrincə, Ermənistanda fahişəlik 3 növə bölünür:
Ən aşağı səviyyə – təhsil səviyyəsi olmayan, yaşı çox və polis tərəfindən ən çox görülən küçə fahişələridir. Onların “xidmətləri” kifayət qədər münasibdir – 15-25 min dram (təxminən 40-65 dollar).
Orta səviyyə – gecə klublarında və digər əyləncə məkanlarında işləyən və həmin məkanda öz xidmətlərini göstərən fahişələrdir. Bunlar adətən daha gənc və daha cəlbedici olurlar. Bu kateqoriyaya xaricdən “turlarla” gələnlər də daxildir ki, onlara polis nəzarətini çətinləşir. Onların xidmətlərinin qiyməti 30-50 min dram (təxminən 80-130 dollar) təşkil edir.
Ən yüksək səviyyə – müxtəlif sosial şəbəkələr vasitəsilə müştəri ilə görüş təşkil edən elit fahişələrdir. Onlar əsasən gənc, cazibədar və çox vaxt yaxşı təhsil almış olurlar. Bir qayda olaraq, bunlar polisin profilaktik xidmətlərinin əhatə dairəsindən kənarda qalır. Onların xidmətləri 70 min dramdan 200 min drama və daha yuxarı olur.
Əgər əvvəllər elit fahişələr müştərilərini əsasən sosial şəbəkələr vasitəsilə tapırdılarsa, indi hər şey xeyli asanlaşıb. Ermənistanda fahişələr üçün xüsusi sayt var. Bu, Ermənistanda “Escort” alt bölməsi olan “Escort news” adlanır, burada Ermənistanda müxtəlif cinsi xidmətlər göstərən insanlar təqdim olunur. Əgər əvvəllər fahişə deyəndə ağlınıza ancaq pulla cinsi xidmət göstərən qadınlar gəlirdisə, bu gün tələb də, təklif də dəyişib.
Kişilər və transseksuallar da kifayət qədər yüksək qiymətə cinsi xidmət göstərirlər. Şərhlərə görə, onlara böyük tələbat da var. Üstəlik, kişi fahişələr əsasən biseksualdır, həm kişilərlə, həm də qadınlarla görüşürlər. Nə qədər təəccüblü görünsə də, təkcə kişilərə deyil, qadınlara da cinsi xidmət göstərən transgenderlər də var.
Ermənistanda “Escort” alt bölməsində ən sərfəli fahişələrin qiyməti 40-50 min dramdır. Bu, saatların sayından asılıdır. Görüş nə qədər qısa olarsa, məbləğ bir o qədər az olar.
Fahişələr xidmətlərinin qiymətini belə müəyyənləşdiriblər: 30 dəqiqə – 100 dollar, 6 saat – 1400-1800 dollar. Transseksual fahişələrin xidmətləri də kifayət qədər bahadır – 50 mindən 120 min drama qədər. Həm qadınlar, həm də kişilərlə görüşən kişi fahişələr öz xidmətlərinin qiymətini müəyyən ediblər – məsələn, bir saat – 100-200 dollar, 24 saat – 1000-1300 dollar.
Onu da qeyd edək ki, bu internet saytında fahişənin boyu, çəkisi, saçının və dərisinin rəngi, döymə və pirsinqlərin olub-olmaması və sayı, hətta fahişənin siqaret çəkib-çəkməməsi və ya içki içməsinin qeyd edilməsi tələb olunur. Yeri gəlmişkən, Teleqramda öz porno platformanızı yaratmaq da bu günlərdə dəb halını alıb. Xüsusilə fahişələr 5000-25000 dram arasında aylıq abunə üçün onların iştirakı ilə erotik videolar təqdim edirlər.
Bakupost.az
Bu gün səhər saatlarında Gədəbəy rayonunun Kələman kəndində quldurluq hadisəsi baş verib.
Musavat.com "Qafqazinfo"ya istinadla xəbər verir ki, saat 06 radələrində naməlum şəxs və ya şəxslər kənddə tənha yaşayan 1951-ci il təvəllüdlü Zeynəb Nağıyevanın evinə daxil olub.
Qadının başına un kisəsi keçirilərək ona küt alətlə zərbələr endirilib və evdəki pulların yerini deməsi tələb edilib. Z.Nağıyevaya məxsus 6 min manat və pensiya kartından çıxardığı məbləğ götürülüb.
Kənd sakinləri 74 yaşlı qadını əl-ayağı bağlı başına kisə keçirilmiş formada aşkar edərək hüquq-mühafizə orqanlarına məlumat veriblər.
Onurğa sümüyünün və qabırğaların sınığı, kəllə-beyin travmaları alan ahıl qadın Gəncədəki xəstəxanaya aparılıb.
DİN in Mətbuat xidmətinin Gəncə Regional qrupunun inspektoru polis mayoru Eşqin Qasımov sorğumuza cavab olaraq bildirib ki, hadisə ilə bağlı araşdırmalar aparılır. Araşdırmaların nəticəsi barədə ətraflı məlumat veriləcək.
Qeyd edək ki, Z.Nağıyevanın müharibə veteranı olan oğlu vəfat edəndən sonra o, tənha yaşayırmış.
Türkiyə Respublikasının prezidenti Rəcəb Tayyib Ərdoğanın həyat yoldaşı Əminə Ərdoğan "X"dəki hesabında İstanbul şəhərində keçirilən VII Etnosport Beynəlxalq Mədəniyyət Festivalında Qarabağ atlarının kompozisiyası ilə bağlı paylaşım edib.
Musavat.com xəbər verir ki, Ə.Ərdoğan paylaşımda 130 nəfərdən ibarət nümayəndə heyəti və 20 Qarabağ atının iştirakı ilə təqdim olunan kompozisiyaya heyranlığını büruzə verib.
"VII Etnosport Beynəlxalq Mədəniyyət Festivalında könülləri fəth edən Qarabağ atlarının bənzərsiz nümayişi. Bu gün bir xalqın mədəniyyəti digər xalqın qəlbində əks-səda tapıb. İki dövlət, bir millət; mədəniyyətdə, qəlbdə və gələcəkdə daim bir", - Ə.Ərdoğan vurğulayıb.
Erməni qadınlara doğum etmək üçün ABŞ-a ziyarət vizası ilə daxil olmamaq barədə xəbərdarlıq edilib.
Bu barədə Amerikanın İrəvandakı səfirliyi öz Facebook səhifəsində məlumat yerləşirib.
Səfirlik Ermənistan vətəndaşlarına uşaq dünyaya gətirmək üçün ziyarətçi vizası ilə ABŞ-a daxil olmamaq barədə xəbərdarlıq edib.
Diplomatik missiya qadınlara xatırladıb ki, “doğum turizmi” qadağandır.
Açıqlamada deyilir: “Uşağın Amerika vətəndaşı olması üçün ABŞ-də uşaq dünyaya gətirmək məqsədi ilə səyahət üçün vizadan istifadə edilməsinə icazə verilmir”.
O da bildirilib ki, Amerika konsulluğu müraciət edənlərin belə niyyətləri olduğundan şübhələnərsə, müraciətlər rədd ediləcək.//Teleqraf
“Biz altı-yeddi il bir yerdə olmuşuq. Mənə hər zaman işgəncə verib, təhdid edib. Dəfələrlə ondan qaçıb başqa yerdə yaşamışam. Amma bunu çox adama bildirməmişəm. Onun bu hərəkətlərinə görə xəstəlik tapmışam. Özünü başqalarının yanında qayğıkeş göstərib, amma gizlində başqa cür olub”.
Musavat.com xəbər verir ki, bunu Xalq artisti Naibə Allahverdiyeva “Teleqraf”a keçmiş həyat yoldaşı Yusif İsmayılov haqqında danışarkən deyib.
Onun sözlərinə görə, həyat yoldaşından dəfələrlə təhdidlər eşidib: “Deyirdi ki, sənin beynində problemlər var, məndən ayrılsan elə edəcəm ki, ürəyin evdə partlayacaq, beyninə qan sızacaq. Mən bəyəm elə sadəlövhəm ki, səni öldürüb, həbsə düşüm?.. Onsuz da sənin beynində qansızma əlamətləri var.
Mənə dəfələrlə bıçaq vurub. Həmişə gizli-gizli məni güdürdü. Bir də görürdüm, blokda ayağımdan yapışdı. Yuxarı mərtəbədə gizlənirdi. Axırda mən də bezdim. Düşündüm ki, daha cəzasını çəkməlidir. Nə qədər ondan qorxmalıyam, yalan hərəkətlərinə, saxta gözyaşlarına inanmalıyam? Bu səbəbdən ondan şikayət etdim.
Dəfələrlə polisə müraciət etmişəm. İzahatı alınıb, buraxılıb, cəzalandırılmayıb. Bu dəfə cəzasını aldı. Mən onunla heç vaxt barışmaram. Bu insandan uzaqlaşmaq istəyirəm. Bilmirəm xəstədir, nədir. Heç yerdə işləmir. İki-üç gün işləyib işdən çıxır. Mən də belə şeyi qəbul eləmirəm. Deyirdim ki, axmaq işlərlə məşğul olma. Çox şeyi danışmaq istəmirəm. Mən boşanmaq istəmirdim, fədakarlıq göstərirdim. Düşünürdüm ki, bəlkə düzələr. Dövlətimə güvənirəm. Mən bu adamdan uzaqlaşmaq istəyirəm”.
Xatırladaq ki, sənətçinin keçmiş əri Yusif İsmayılov N.Allahverdiyevanın hüquq-mühafizə orqanlarına etdiyi şikayət əsasında saxlanılıb. O, Naibə Allahverdiyevaya qarşı zor tətbiq etməkdə ittiham olunub. Məhkəmənin qərarı ilə Yusif İsmayılov İnzibati Xətalar Məcəlləsinin 157-ci maddəsində nəzərdə tutulan inzibati xətanı törətməkdə təqsirli bilinib və 15 gün müddətə həbs edilib.
Bir neçə gün öncə dünyanın ən hündür zirvəsi olan Everest (8848 m) və Lots zirvəsini fəth edən ilk azərbaycanlı qadın Vəfa Qəhrəman (Musayeva) öz təəssüratlarını bölüşüb.
V. Qəhrəman İTV-nin “Sabahın xeyir, Azərbaycan!” verilişində səfər haqda danışıb.
“Məqsədin olduqda, biləndə ki, sən ora nə üçün getmisən, bu səni zirvəyə aparıb çıxarır. Dayanmaq ağlımdan keçməyib. Səfər zamanı üçqat əlcək taxmağıma baxmayaraq barmaqlarımı don vurmuşdu. Amma bu yumşaq donvurmadı, açılacaq. Əgər təsadüfən əlcəyini itirsən, oradan barmaqsız qayıdacaqsan”, - o bildirib.
Vəfa Qəhrəman həmçinin Everesti fəth etməyə xərclənən vəsaiti də açıqlayıb:
“Everesti fəth etmək 60 mindən 100 min dollara kimi başa gəlir. Zirvəyə gedib-gəlmək təxminən 18, bəzi insanlar üçün isə 24 saatı əhatə edir”.
Daha ətraflı videoda:
Bakının Suraxanı rayonunda 1983-cü il təvəllüdlü Qəbələ rayon sakini Tahir ailə münaqişəsi zəminində həyat yoldaşı Sonaya (adlar şərti verilib - red.) işgəncə verib.
Musavat.com "Teleqraf"a istinadən xəbər verir ki, Tahir 2024-cü il iyulun 3-də yaşadıqları evdə arvadı Sona ilə mübahisə edib, əsassız bəhanələrlə onu əxlaqsız adlandırıb və müxtəlif dərəcəli xəsarətlər yetirməklə qadına əzab verib.
O, iyulun 4-də və 9-da arvadını yenə də əxlaqsız adlandırıb, başqa kişilərlə intim müasibətlərdə olduğunu, Sonaya müxtəlif dərəcəli xəsarətlər yetirib. Növbəti gündə də hərəkətlərinə davam edib.
İstintaq orqanı tərəfindən Tahirin barəsində Cinayət Məcəlləsinin 133.2.6-cı (əzab vermə - işgəncə verməklə törədildikdə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Tahir ittiham üzrə özünü təqsirli bilməyib. İfadəsində göstərib ki, Suraxanı rayonu, Yeni Günəşli qəsəbəsində ailəsi ilə birlikdə yaşayır: "Mən şirkətdə ekspeditor-sürücü işləyirəm. Sona ilə 2007-ci ildən evliyik. Bu vaxta kimi aramızda söz-söhbət olub, ancaq bu cür konflikt yaşamamışıq. Əvvəllər arvadımı döyməmişəm. Xeyli müddətdir Sonanın başqa birisi ilə danışmasından şübhələnirdim, amma sübut edə bilmirdim. İyun ayının sonlarında onun telefonuna baxanda "İnstagram" sosial şəbəkəsi vasitəsilə ona Ruslan adlı şəxsdən mesaj gəldiyini gördüm. Bu barədə soruşanda həmin şəxsi tanımadığını, onunla danışmadığını bildirdi. Bu sözlərə inanmadım, öz "İnstagram" hesabımdan yazaraq mobil nömrəmi ona verdim. Hadisədən təxminən on gün sonra həmin adam Rusiya nömrəsi vasitəsilə mənimlə əlaqə saxladı, Sona ilə danışdığını, yazışmaların olduğunu bildirdi. Hətta yazışmaların fotoşəkilini də göndərdi. Mən çox əsəbiləşdim".
Təqsirləndirilən şəxs qeyd edib ki, iyulun 3-də əsəbi halda evə gəlib, Sonadan anası Sənəmin yanında bu barədə soruşub: "Sona əvvəlcə hər şeyi dandı, sonrad başqa kişi lə danışdığını dedi və üzr istədi. Mən də əsəbiləşdiyimdən özümü saxlaya bilmədim, əlimlə onun üzünə zərbə vurdum. Anası Sənəm məni ayırmaq üçün aramıza girdi. Sona mənim telefonumu götürdü və yerə ataraq sındırdı. Bu hadisədən sonra özümü toparlaya bilmədim və gecə evə gəlmədim".
Tahirin ifadəsinə görə, iyulun 10-da Sonadan hər şeyi etiraf etməsini, səmimi olmasını tələb edib, bu halda onu bağışlayacağını deyib: "Lakin Sona yenə yalanlar danışdı, Ruslana üzünün şəklini göndərmədiyini dedi. Halbuki Ruslan mənə Sonanın üzünün şəklini göndərmişdi. Biz yenidən dalaşmağa başladıq. Sonadan evdən çıxmağı tələb elədim, o, növbəti gün gedəcəyini dedi. Sonaya əxlaqsız olduğunu, uşaqların onunla yaşamasına imkan verməyəcimi bildirdim. Ona uşaqlardan imtina etməsi, özünün əxlaqsız olması barədə ərizə yazdırdım".
Tahir deyib ki, növbəti gün səhər oyandıqda həm Sonanın, həm onun əşyalarının, həm də özünün mobil telefonunun evdə olmadığını görüb: "Telefonumda Sonanın yazışmaları və şəkilləri olduğu üçün onu da özü ilə aparmışdı. Mən Sonanı iyulun 3-də vurmuşam. İyulun 4-də qollarından tutub sıxaraq silkələmişəm, saçını dartaraq yolmuşam. Qalan xəsarətləri isə Sonaya anam yetirib. İyulun 3-də emosiyalarıma hakim ola bilməmişəm, onu döymüşəm. Buna görə özümü günahkar bilirəm".
İş üzrə zərərçəkmiş qismində ifadə verən Sonanın sözlərinə görə, 2007-ci ildə Tahirlə rəsmi nikaha daxil olub, 10 və 16 yaşlarında Amal və Zəfər adında iki övladları var: "Tahirlə təzə ailə qurduğum zamandan daim kiməsə borcu olurdu. Hətta mənim qızıllarımı sataraq borclarını da bağlamışdı. Həmişə borcları olduğu üçün əsəbi olur, içki içir, daim mənimlə dalaşırdı. Hətta məni döyüb təhqir etdiyi vaxtlarda olurdu. 2022-ci ildən başlayaraq məni daha çox döyməyə, təhqir etməyə başladı. Evdən çölə çıxdığıma görə də məni dəfələrlə döymüşdü. Bu barədə valideynlərimə heç nə deməmişəm. Tahir məni həmişə əxlaqsız qadın kimi görür, məni bu cür adlandırırdı. Mən mübahisədən sonra bir müddət evdən ayrıldım və atamgildə yaşadım. Sonradan bizi barışdırdılar".
Sona ifadəsində göstərib ki, iyulun 9-da Tahir onun bank kartını istəyib: "Kartı ona verdim. Tahir bank kartımdan 1 500 manat pul çıxardı və pulun 400 manatını mənə qaytardı. Daha sonra özü-özünə əsəbiləşərək məni döydü. Növbəti gün, yəni iyulun 10-da evə içkili halda gəldi, yenidən məni şiddətli şəkildə döydü. Döydükdən sonra məcburi qaydada "mən əxlaqsızam, pul müqabilində görüşürəm" kimi sözlər dedizdirdi, səsimi yazdı. Həmçinin əxlaqsız olduğum üçün övladlarımdan imtina etməyim haqda ərizə yazdırdı, məcbur imza etdirdi. Gecə saat iki radələrində məni ayaqyalın evdən çölə çıxartdı və evdən qovduğunu dedi".
Bu cinayət işinə Suraxanı Rayon Məhkəməsində baxılıb. Məhkəmənin hökmü ilə Tahir 2 il müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.