"Taliban" Fitr bayramı ərəfəsində 2500-ə yaxın məhbusu azad edib.

TEREF Yenisabah.az-a istinadla xəbər verir ki, daha 3152 məhbusun cəzası azaldılıb.

Fitr bayramı ərəfəsində kiçik cinayətlərə görə məhkum olunmuş məhbusların azadlığa buraxılması adi haldır.

Ötən il "Taliban" hakimiyyəti 2800-ə yaxın məhbusu Ramazan ayı bitmədən azad edib.

Azərbaycanda sənədsiz evlər məsələsi hələ də açıq qalmaqdadır. Dəfələrlə, bu məsələ ilə bağlı çıxışlar edilib. Hətta parlamentdə də bu məsələyə toxunulub. Lakin məsələ hələ də öz həllini tapmır.

Bir müddət əvvəl məlumat verilib ki, mövcud problemləri həll etmək və əmlak bazarını daha şəffaf etmək məqsədilə İqtisadiyyat Nazirliyi yanında Əmlak Məsələləri Dövlət Xidməti və Ədliyyə Nazirliyi Daşınmaz Əmlakın Elektron Reyestri və Kadastrı İnformasiya Sistemini istifadəyə verməyə hazırlaşır. Bu sistem, mülkiyyət hüquqlarının qorunması və əmlak idarəçiliyinin təkmilləşdirilməsi məqsədilə müasir texnologiyalardan istifadə etməklə hazırlanır. Ancaq sistemin nə vaxt istifadəyə veriləcəyi məlum deyil.

Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib ki, Əmlak Məsələləri üzrə Dövlət Komitəsi tərəfindən sənədsiz evlərin qeydiyyata alınması və çıxarışla təmin olunması üzrə konsepsiya hazırlanır:

"Sənədsiz evlərin qeydiyyata alınması və çıxarışla təmin olunması uzun müddətdir ki, müzakirə edilən məsələlərdəndir. Bu məsələ Milli Məclisə Nazirlər Kabinetinin fəaliyyəti ilə bağlı hesabat təqdim olunan zamanda müzakirə olundu. Millət vəkilləri tərəfindən təkliflər də səsləndirildi. Bir müddət əvvəl bütövlükdə bu istiqamətdə konsepsiyasının hazırlanmasına başlanmışdı. Konsepsiyanın hazırlanmasında məqsəd sənədsiz evlərin qeydiyyata alınma prosesi ilə bağlı mexanizm və qaydaların hazırlanmasıdır. Əmlak Məsələləri üzrə Dövlət Komitəsi tərəfindən bu istiqamətdə işlər təbii ki, davam etdirilir. Bütövlükdə mexanizmlərin hazırlanması təkliflərin sistemləşdirilməsi ilə bağlı da fəaliyyətlər aparılır".

Deputat söyləyib ki, daha yaxın zamanda sənədsiz evlərlə bağlı mexanizm qəbul edilib, tətbiq edilə bilər:

"Burada bir sıra məsələlərin həlli vacibdir. Xüsusən də, nisbətən təhlküəli hesab edilən evlərlə bağlı addımların atılması zəruridir. Bu evlərin bir qismi ya neft buruqlarının və ya yüksək gərginlikli elektrik xətlərinin, nəqliyyat qovşaqlarının yaxınlığında inşa edilib. Təbii ki, həmin evlərlə bağlı qərarın verilməsinə ehtiyac var. Bəzi evlərlə bağlı təbii ki, bu istiqamətdə qərarın verilməsi asan ola bilər. Xüsusən də, elektrik xətlərinə yaxın olan evlərlə bağlı addımların atılması asandır. Burada elektrik xətlərinin yeraltı aparılması mümkündür. Amma xüsusən neft buruqlarının yaxınlığında yerləşən evlərlə bağlı təbii ki, daha sistemli qərarların verilməsinə ehtiyac var. İlkin qiymətləndirmələrə görə belə evlərin sayı 70 minə yaxındır. Yəni bu, kiçik rəqəm deyil. Ona görə də sənədsiz evlərlə bağlı qeydiyyat mexanizminin hazırlanması bütün sənədsiz inşa edilən evləri əhatə etməlidir. Hər halda bu istiqamətdə işlər gedir. Biz də daha yaxın zamanda mexanizmin qəbul edilib, tətbiq edilməsi reallaşa biləcəyinə ümid edirik".

Ağcabədi rayon sakini Zəfərbənd Şəhla Ədalət qızı tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, qızı ağır ürək xəstəsi olsa da, Əmək və Əhalinin Sosial Müdafiəsi Nazirliyi ona əlillik dərəcəsi vermir:

“Mən, Zəfərbənd Şəhla Ədalət qızı, yazaraq xahiş edirəm ki, problemimi işıqlandırasınız.

Qızım Zəfərbənd Asi Sərvanh qızı ürək qüsürlu xəstədir. Maddi imkanımız zəif olduğundan, uşağın iynə-dərmanını ala bilmirəm. Əvvəllər pensiya alsaq da, son zamanlar kəsiblər. Səbəb olaraq isə “uşağın sağladığını” göstərirlər. Halbuki, qızımın vəziyyəti çox acınacaqlıdır.

Onu da deyim ki, özüm şəkər xəstəsiyəm, yoldaşım isə gözdən əlildir. Bu səbəbdən, rəsmi qurumlardan dahiş edirik ki, qızımın pensiyasının bərpa olunmasına köməklik göstərsinlər”.

Məsələ ilə bağlı Dövlət Tibbi Sosial Ekspertiza və Reabilitasiya Agentliyinə İctimaiyyətlə əlaqələr şöbəsi ilə əlaqə saxladıq. Bildirdilər ki, Ağcabədi rayon sakini 2012-ci il təvəllüdlü Zəfərbənd Asi Sərvan qızının əlilliyinin qiymətləndirilməsi ilə bağlı son 1 il ərzində tibb müəssisəsi tərəfindən heç bir “forma-88” göndərişi rəsmiləşdirilməyib. Belə olan halda isə əlilliyin qiymətləndirilməsi mümkün olmur.

Bunun üçün vətəndaş qeydiyyat üzrə tibb müəssisəsinə yaxınlaşmalıdır. Tibb müəssisəsi tərəfindən Asi Zəfərbənd ilə bağlı yeni “forma-88” sənədi rəsmiləşdirildikdən sonra onun əlilliyi qanunvericiliyə uyğun olaraq qiymətləndiriləcək”.

Jalə FAMİLQIZI

facebook sharing button Sharetwitter sharing button Tweet

Xəbər verdiyimiz kimi, Bakının Yasamal rayonu, Birinci Alatava yaşayış massivi, Abdulvahab Salamzadə küçəsində tikinti işi aparan “Melissa Group” tikinti şirkəti sakinlər evdə olduğu halda evi dağıdıb. Bu barədə mediada və sosial şəbəkədə görüntülər yayılıb.

Sözügedən sakinlər şirkətin təklif etdiyi ödənişlə razılaşmadıqları üçün evi tərk etmirdilər. Hadisə yerinə xilasediciləri cəlb olunub.

Globalinfo.az-a danışan hüquqşünas Əliməmməd Nuriyev deyib ki, baş verən hadisə ilk növbədə bir neçə etik normanın pozulmasıdır:

“Bundan başqa baş verən hadisə çox ciddi hüquq pozuntusudur, yolverilməzdir. Məsələni hüquqi nöqteyi-nəzərdən analiz etdikdə görərik ki, burada mülkiyyət hüququnun pozulması baş verib. Azərbaycan Respublikasının Konstitusiyasının 29-cu maddəsi və Mülki Məcəllə vətəndaşlarının hüquqlarını qoruyur. Hətta ev qeyri-qanuni tikili olsa belə orada yaşayan şəxslər çıxarılmadan, təxliyə prosesi araşdırılmadan, vətəndaşlara məlumat verilmədən heç bir söküntü aparıla bilməz.

İnzibati Xətalar Məcəlləsinə görə, şirkətin etdiyi məsuliyyət yaradır. Bu, qeyri-qanuni hərəkətdir. Belə ki, hüquqi əsas olmadan mülkiyyətə müdaxilə və insan həyatı üçün təhlükə yaratmaq cinayətdir. Burada mülkiyyətin məhv edilməsi baş verib. Azərbaycan Respublikasının Cinayət Məcəlləsinin 186, 187-ci maddələri qüvvəyə minir. Əgər insan həyatına təhlükə yaranırsa, şəxsiyyət əleyhinə cinayət də sayılır.

Yaşayış binasının içərisində insan olduğu üçün bu həm də xüsusi təhlükəli əməl sayılır. Cinayət Məcəlləsinin müvafiq bəndi üzrə də məsuliyyətə cəlb edilə bilər”.

Ə.Nuriyev deyib ki, hər hansı şirkət tikinti işi aparırsa, yerli icra hakimiyyəti, FHN, Dövlət Şəhərsalma və Arxitektura Komitəsi, Bakı Şəhər Memarlıq və Şəhərsalma Baş İdarəsi ilə razılaşdırılmış təxliyə işi aparmalıdır:

“Bütün bunlar edilməyibsə, tikinti şirkəti təkcə hüquqi deyil, həm də mülki məsuliyyət daşıyır. Çünki əmlaka və insanlara zərər dəyir. Digər tərəfdən, bu cür hərəkətlər insanlara psixoloji zərbə də vurur.

Qanunla heç bir şəxs, ailə evindən çıxmırsa, onu zorla çıxara bilməzlər. Söküntü işləri məhkəmə qərarı ilə başlaya bilər. Lakin yenə də təxliyə işləri aparılmadan heç bir söküntü aparmaq olmaz.

Vətəndaşlar Baş Prokurorluğa, Ombudsman Aparatına, Dövlət Şəhərsalma və Arxitektura Komitəsinə, FHN-ə və polisə şikayət edə bilərlər. Bundan başqa, məhkəməyə müraciət edib şirkətə qarşı maddi-mənəvi təzminat irəli sürə bilərlər”.

Qeyd edək ki, Bakı şəhəri, Yasamal rayonu, Alatava ərazisində aparılan söküntü işləri ilə əlaqədar 27 mart 2025-ci il tarixində Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən əraziyə baxış keçirilib və bu işlərin müvafiq icazə olmadan aparıldığı müəyyən edilib.

Bildirilib ki, aparılan işlər vətəndaşlarla tam razılıq əldə edilmədən və mövcud qanunvericiliyin tələblərinə zidd aparıldığı üçün Baş İdarə tərəfindən aidiyyəti qurumlarla birlikdə dayandırılıb və aktlaşdırılıb.

“Qanunsuz işlər zamanı vətəndaşların mülklərinə dəymiş ziyanla bağlı müvafiq araşdırma aparılması üçün materiallar Baş İdarə tərəfindən hüquq-mühafizə orqanlarına təqdim ediləcək”, – deyə məlumatda qeyd edilib.

Bu barədə mütamadi olaraq, ən azı Bayram günlərində: Neftçilərin Hüquqlarını Müdafiə Təşkilatının, Təşkilatın sədri Mirvari xanımın və mənim FB səhifəmdə və mətbuatda izah və maarifləndirmə işləri aparsaq da demək olar ki, bütün Bayram və ya digər istirahət günlərində eyni məzmunlu suallara cavab vermək məcburiyyətində qalırıq.
Bu sualların yaranmasının əsas səbəbi isə ondan ibarətdir ki, işəgötürənlər çox hallarda bu sahədə işçilərin əmək hüquqlarını pozur.
İşçilərin: istirahət, səsvermə, iş günü hesab edilməyən bayram günləri və ya ümumxalq hüzn günü, şənbə və ya bazar günləri üçün görülən işə görə əmək haqqı necə və hansı QAYDADA ÖDƏNİLMƏLİDİR?
Əmək Məcəlləsi ilə bu- əmək münasibəti nə qədər dəqiq vədüzgün tənzim olunsada hələ də bununla əlaqədar mübahisələr yaranır və ya işçilər əmək hüquqları pozulur.
Bu barədə bizim Təşkilat tərəfindən müxtəlif izahatlar verilsə də və maarifləndirmə işləri aparılsa da, hələ də Neftçilərin Hüquqlarını Müdafiə Təşkilatına edilən müraciətlər, çox hallarda isə şikayətlər də təsdiq edirki, əmək münasibətləriinin bu sahəsində, yəni, əmək haqqının ödənilməsi sahəsində hələdəəmək mübahisələr, düzgün tədbiq edilməmələr və ya anlaşmalar mövcuddur. Bu mübahisələr isə əsasən 2 istiqamətdə yaranır:
1. Bir çox işçilər belə hesab edir ki: 5 günlük, 6 günlük və ya növbə üsulu iş rejimindən asılı olmayaraq: istirahət, səsvermə, iş günü hesab edilməyən bayram və ümumxalq hüzn günü, iş günü hesab edilməyən şənbə və bazar günləri üçün görülən işə görə əmək haqqı - ikiqat məbləğdə ödənilməlidir.
Bununla əlaqədar bildirirəm ki: bu halda iş rejimindən asılı olaraq, müxtəlif ödəmələr mövcuddur. Belə ki:
İstirahət,səsvermə, iş günü hesab edilməyən bayram günləri və ya ümumxalq hüzn günü, eyni zamanda 5 günlük və ya 6 günlük iş rejimində iş günü hesab edilməyən şənbə və ya bazar günü işəçağırılan işçinin görülən işə görə əməkhaqqı - gündəlik tarif maaşının iki mislindən aşağı olmamaqla ödənilir.
Növbə üsulu ilə işləyən işçilərin şənbə və ya bazar günləri - növbə günlərinə düşərsə, bu zaman onların əmək haqqı ikiqat məbləğdə ödənilmir. Belə ki, bu rejimdə işləyən işçilər üçün növbə vaxtına düşən - şənbə və bazar günləri istirahət və ya qeyri iş günü deyil, adi iş günləridir, o əsasdan da bu günlər üçün əmək haqqı adi qaydada və digər günlərdə olduğu iş günü kimi ödənilir.
Lakin, əgər növbə üsulu ilə işləyən işçilərdə bayram günləri - növbə vaxtına düşərsə, növbə ərzində şənbə və ya bazar günləri ilə eyni günə düşərsə, bu zaman işçilərin əmək haqqı ikiqat məbləğdə ödənilir.
2. Tam olmasa, az da olsa müəssisələr var ki,
növbə üsulu ilə işləyən işçilərdə: istirahət, səsvermə, iş günü hesab edilməyən bayram günləri və ümumxalq hüzn gününun - növbə günlərinə düşdüyü halda belə,növbə üsulunu bəhanə edərək, işçiyə bu günlər üçün əmək haqqını ikiqat məbləğdə ödəmək istəmirlər.
3. Bununla əlaqədar bildirirəm ki, hər hansı bir bəhanə olmadan: istirahət, səsvermə, iş günü hesab edilməyən bayram günləri və ya ümumxalq hüzn günü - növbə günlərinə düşərsə, bu zaman işçinin görülən işə görə həmin gün və ya günlər üçün əməkhaqqı - gündəlik tarif maaşının iki mislindən aşağı olmamaqla ödənilir.
İş günü hesab edilməyən bayram günləri işləmiş işçinin arzusu ilə ona - əmək haqqı əvəzinə başqa istirahət günü verilə bilər.
4. Bu hallarda əgər işçiyə -əmək haqqı ikiqat məbləğdə ödənilməmişsə və işçiyə əmək haqqının verilməsi işəgötürənin təqsiri üzündən gecikdirildikdə, bu zaman hər gecikdirilmiş gün üçün işçiyə əmək haqqının azı bir faizi məbləğində ödənc verilməlidir.
5. Bu hallarda işəgötürənlər, Əmək Məcəlləsi və əmək qanunvericiliyi sisteminə daxil olan normativ hüquqi aktlarla müəyyən olunmuş hüquqları pozmağa, məhdudlaşdırmağa, bu hüquqlardan sui-istifadə etməyə görə qanunvericiliklə müəyyən edilmiş qaydada: maddi, intizam, inzibati, cinayət məsuliyyəti daşıyırlar.
Azər Quliyev.
TEREF

Bugünlərdə təhsil eksperti Kamran Əsədov sertifikasiya imtahanından kəsilən müəllimlərin işlə təmin olunması barədə fikir səsləndirib.

O qeyd edib ki, imtahandan aşağı nəticə göstərən müəllimlərin birdən-birə sistemdən uzaqlaşdırılması əvəzinə, onların təhsilin daha çox ehtiyac duyulan rayonlarına yönləndirilməsi daha funksional bir model ola bilərdi. Məsələ ilə bağlı müxtəlif fikirlərlə çıxış edənlər olub. Hətta sosial şəbəkələrdə bu fikrə etiraz edənlər də var. Sertifikasiyadan kəsilən müəllimlərin rayonlara göndərilməsi nə dərəcədə doğrudur?

Məsələ ilə bağlı təhsil üzrə ekspert Rizvan Fikrətoğlu "Cebheinfo.az"-a bildirib ki, təhsil eksperti Kamran Əsədovun fikri kontekstdən çıxarılır, aqressiyaya, publikaya hesablanaraq tirajlanır:

"Kamran Əsədov demək istəyib ki, MİQ imtahanında aşağı bal toplayan namizədlər adətən Bakı və iri şəhərlərdəki məktəblərə yox, daha çox ucqar rayon və kənd məktəblərinə yönləndirilir. Yəni yüksək bal toplayan müəllimlərin seçim imkanları geniş olur, az bal toplayanlar isə mövcud boşluqlarla kifayətlənirlər. Onun sözlərinə görə, təkrar sertifikasiya imtahanında zəif nəticə göstərən müəllimlərin dərhal sistemdən çıxarılması təhsilin keyfiyyətini yüksəltmək məqsədi daşısa da, bu yanaşmanın sosial və praktiki baxımdan ciddi çatışmazlıqları mövcuddur. Bu müəllimlər uzun illər ərzində sistemdə fəaliyyət göstəriblər, bir çox hallarda dağ kəndlərində, resursları məhdud olan məktəblərdə çalışıblar.

Belə müəllimlərin tədris imkanları ilə şəhər məktəblərində işləyən müəllimlərin imkanlarını müqayisə etmək doğru deyil. Kamran müəllimin dediyi budur ki, uzun illər işləmiş, lakin sertifikasiyadan keçməyən müəliimlərin biliklərini artırmaq üçün dəstək proqramları, təlimlər və alternativ yerləşdirmə yolları təklif olunsun. Bu mənada, Kamran Əsədov dünyanın bəzi ölkələrinin praktikasını misal çəkir və bildirir ki, MİQ imtahanında aşağı bal toplayan namizədlərin rayonlara göndərilməsi praktikası bəlli qədər məntiqəuyğun görünsə də, sertifikasiya imtahanında bu yanaşmanın tətbiq edilməsi üstünlükdür.

Yəni sertifikasiyadan zəif nəticə göstərənlər müəllimlərin birdən-birə sistemdən uzaqlaşdırılması əvəzinə, könüllülük əsasında onların təhsilin daha çox ehtiyac duyulan rayonlarına yönləndirilməsi daha funksional bir model ola bilərdi. Çünki onsuz da rayonlarda bir sıra fənlər vakant olaraq qalır, müəllim getmir. Belə yanaşma həm regionlarda müəllim çatışmazlığını azaldar, həm də zəif nəticə göstərən müəllimlərə öz üzərində işləmək və təcrübə qazanmaq fürsəti verərdi".

Ekspertin sözlərinə görə, bəzi rayonlarda vakant yerlər boş qalır və fizika, kimya müəllimləri çalışmaq üçün oraya getmir:

"Başqa bir müəllim həmin ərazidə, yaxud başqa bir ərazidə yaşayır, ancaq uzun illər işləyib və sertifikasiyadan kəsilib. O deyir ki, həmin müəllim o əraziyə getməklə həm özünü inkişaf etdirər, həm də o fənn boş qalmaz, motivasiyası artar, özünü inkişaf etdirər. Mən bir məsələni də qeyd edim ki, sertifikasiya imtahanı yarımçıqdır, müəllimin tam biliyini ölçə bilən metod deyil. Ola bilər ki, yaxşı bir əzbərçi sertifikasiyada normal bal toplaya bilər.

Bəs sertifikasiyadan keçən müəllimlər öz biliyini ötürə bilirmi? Bu ölçülmür və deməli, sertifikasiya yarımçıq prosesdir. Bəzən deyirlər yaşlı nəsil kompüterdə işləyə bilmir və IT biliyi olmalıdır. Ümumiyyətlə, IT başqa, elementar kompüter biliyi başqadır. Müəllimlərə bununla bağlı keyfiyyətli seminar verilirmi? Bu kimi məsələlər var. Mən inanıram ki, savadlı müəllimlər də o elementar proseslərə görə zəif nəticə göstərə bilərlər. Müəllimin sertifikasiyadan keçməsi hələ o demək deyil ki, yüksək səviyyəli müəllimdir".

İşçilərin aylıq əmək haqqı hansı müddətdə ödənilməlidir, gecikdirildiyi halda işçilərin hüququ Azərbaycan Respublikasının Əmək Məcəlləsi ilə necə tənzimlənir, işçiyə dəyən maddi və digər ziyan necə ödənilməlidir?
1. Əmək haqqının ödənilməsi ilə əlaqədar işçinin hüquqlarını və qanuni mənafelərini pozmuş işəgötürən dəymiş ziyanı və ya fərdi əmək mübahisəsinin həlli nəticəsində məhkəmə tərəfindən müəyyənedilmiş dəyən maddi və digər ziyanı işçiyə - tam məbləğdə ödəməlidir.
2.Aylıq əmək haqqı işçilərə, bir qayda olaraq, iki hissəyə bölünərək (avans və qalan hissəsi məbləğində) on alyı gündən çox olmamaqla vaxt fasiləsi ilə ayda iki dəfə verilməlidir. Əmək haqqı illik dövr üçün hesablanan işçilərə isə ayda bir dəfədən az olmayan müddətdə verilməlidir.
3. Əmək Məcəlləsi tələbləri pozulmamaqla, Kollektiv müqavilə və əmək müqaviləsində işçilərə əmək haqqının verilməsinin başqa müddətləri də müəyyən edilə bilər.
4. Əmək haqqının verilməsi günü: istirahət, səsvermə, ümumxalq hüzn günü və iş günü hesab edilməyən bayram günlərinə təsadüf etdikdə, bilavasitə həmin günlərdən əvvəlki gündə verilir.
5. İşçi işdən çıxarkən ona düşən bütün əmək haqqı və son haqq hesablar tam məbləğdə işdən çıxdığı son gün verilir.
6. Əmək haqqının verilməsi işəgötürənin təqsiri üzündən gecikdirildikdə, gecikdirilmiş hər gün üçün işçiyə əmək haqqının azı 1 faizi məbləğində ödənc verilməlidir.
7. Əmək müqaviləsi ləğv edilmiş işçiyə əmək kitabçası sonuncu iş günü işçiyə verilməzsə, işəgötürənin təqsiri üzündən ləngidilərsə, işçiyə işə düzələ bilmədiyi bütün müddət üçün orta əmək haqqı ödənilməlidir.
8. Əmək haqqlarının: «işəgötürənin təqsiri üzündən gecikdirildikdə» dedikdə, əmək haqqının müəyyən edilmiş vaxt ərzində: hesablanmaması, onun müvəkkil bankdan alınmaması, maliyyə və mühasibat uçotu əməliyyatlarının vaxtında aparılmaması nəticəsində, habelə bilavasitə işəgötürənin iradəsindən və imkanlarından asılı olan hallarda müəyyən edilən müddətdə işçilərə əmək haqqının ödənilməsi başa düşülür.
9. İşçilərin əmək və məzuniyyət haqlarının, ezamiyyə xərclərinin, müavinət, ödənişlərin hesablanmasında və ödənilməsində, riyazi hesablamalar nəticəsində yol verilən nöqsan istisna olmaqla, qanun pozuntularına yol verilməsinə görə- vəzifəli şəxslər üçün yeddi yüz manatdan min beş yüz manata qədər məbləğdə cərimə nəzərdə tutulur.
Azer Quliyev
TEREF