"Göygöl Suvarma Sistemləri İdarəsinin rəisi İsmayıl Əvəzov rayonda birncidir, amma..." Bu barədə dia-az.info-ya göndərilən məqalədə deyilir.

Məqalədə daha sonra bildirilir: "Yəni ki, adı çəkilənin İdarəsində "ölü" canlardan tutmuş, yararsız maşınları təmir adı altında pul ayrılması, yararsız maşınlara yanacaq silinməsi, kənd sakinlərinin suvarmadan istifadəsinə əsassız pul tələbi, Tender elan edərək görülməyən işlər vardır.
Göygöl rayonunun Suvarma kanallarına təmir adı altında maliyyə ayrılaraq görülməyən işlər var ki, öz təsdiqini araşdırılsa ortaya çıxır.

Rayon sakinlərinin İsmayıl Əvəzovun hələ bu rayonda, bu sistemdə əvəzi olunmaması öz təstiqini tapmaqdadır.

2020 ci ilin sonlarına yaxın təyin olunan İsmayıl Əvəzov, rayonda özmaraqlarına uyğun işləyir. Digər məlumatlara görə sözü gedən lopa bığ kişi, levi xəttlər çəkilməsinə rayon ərazisində müəssisələrə imkan yaradaraq kobud qanun pozuntusu etmişdir.
Onun işlədiyi dövrdə 1 milyondan çox Tender elan edərək maliyyə əldə olunması, rəsmi olaraq əldə etmişik. tenderlərin hansı şirkətlə bağlanması, bağlanan şirkətin gördüyü işləri araşdırılmağa, Göygöl rayon Suvarma Sistemləri İdarəsinin maliyyə şöbəsinin yoxlanılmasına, Audit tələbinə ehtiyac olması mövcuddur.

İsmayıl Əvəzov 2020-ci ilin sentyabr ayından rəis təyin olunduğu Göygöl Suvarma Sistemləri İdarəsi 1 milyon manatdan çox tender müqaviləsi imzalayıb.

Maraqlıısı bundadır ki, tenderlərin hər biri eyni tərkiblidir.

Son 2021-ci ildən bu günə kimi imzalanmış tender müqaviləsinin siyahısını təqdim edir:
2023-cü ildə…

"GRAND MOTORS COMPANY" QSC - Lot 4 Avtomobil və Torpaqqazan mexanizimlərin ehtiyat hissələrinin satın alınması - Məbləğ: 37.895,06 AZN

Bildirək ki, nizamnamə kapitalı 2000 AZN olan QSC-nin qanuni təmsilçisi FƏRHAD NƏZƏROV NADİR OĞLUdur.
İXTİSASLAŞDIRILMIŞ ELEKTRİK AVADANLIQLARI TƏMİR QURAŞDIRMA- SAZLAMA İDARƏSİ ilə - “Lot-5 Xanarx kanalının beton üzlüyünün (PK 33+00-93+00 L=6.0 km) təmiri üzərindəki qurğularla birlikdə” (işin davamı) - Məbləğ: 108.080,95 AZN

2022-ci ildə...
"ART-PROJE" MMC ilə - Lot_3 Subartezian quyularının və nasos stansiyaların cari təmiri üçün ehtiyat hissələrinin satınalınması - Məbləğ: 101.999,21 AZN

Bildirək ki, nizamnamə kapitalı 1370010 AZN olan MMC-nin qanuni təmsilçisi ƏKRAM ƏLİYEV MUSA OĞLU OĞLUdur.
2021-ci ildə...
SUMQAYIT MELİOSERVİS İDARƏSİ ilə - "Lot 4 - Kanal və arxlarda ekskavatorla və buldozerlə lildən təmizləmə işlərinin satınalması" - Məbləğ: 87.237,4 AZN

"DECADA GROUP" Məhdud Məsuliyyətli Cəmiyyəti ilə - "Lot 2 - Nasos stansiyası və subartezian quyularının cari təmiri üçün mal-materialların satınalınması" - Məbləğ: 109.085 AZN

"DECADA GROUP" Məhdud Məsuliyyətli Cəmiyyəti ilə - "Lot 3 - Torpaqqazan mexanizmlər və avtomobil ehtiyat hissələrinin satınalınması" - Məbləğ: 75.016 AZN

GÖYGÖL SUVARMA SİSTEMLƏRİ İDARƏSİ 1 MİLYONUDAN

İşin gülünc tərəfi sözügedən MMC-nin nizamnamə kapitalə cəmi 2 AZN-dir. Qanuni təmsilçisi isə PƏRVANƏ XƏLİLOVA ADİL Qızıdır.

"GRAND MOTORS COMPANY" QSC ilə - "Lot 6 - SD-20 buldozerinin cari təmiri üçün işlərin satınalması" - Məbləğ: 16.517,64 AZN

GÖYGÖL SUVARMA SİSTEMLƏRİ İDARƏSİ - "EMV GROUP" Məhdud Məsuliyyətli Cəmiyyəti ilə - "Lot 8 - Xan arx kanalının əsaslı təmiri üçün mal-material və avadanlıqların satınalınması" - Məbləğ: 284.341,99 AZN

EMV GROUP" Məhdud Məsuliyyətli Cəmiyyəti ilə - "Lot 5 - Çaylarda çay mərcalarının təmizlənməsi üzrə buldozerlə götürüləcək işlərin satınalması" - Məbləğ: 34.838,91 AZN

"EMV GROUP" QSC-nin nizamnamə kapitalı 100000 AZN, qanuni təmsilçisi XALİD MƏMMƏDOV NƏRİMAN OĞLUdur.
"AZ TORQ" Məhdud Məsuliyyətli Cəmiyyəti ilə - "Lot 9 - 4 ədəd subartezian quyusunda yeni kalonun qazılması,elektrik təsərüfatının təmir və abadlıq işlərinin görülməsi işlərinin satınalınması" - Məbləğ: 117.886,72 AZN

Sözügedən tenderdə qalib olan MMC-nin nizamnamə kapitalı 10 AZN, qanuni təmsilçisi ELVİN ƏMİROV MİRSƏFTƏR Oğludur.

Aidiyyəti qurumlardan Göygöl rayon Suvarma Sistemləri İdarəsinin Maliyyə şöbəsinin araşdırılması xahiş olunur. Əsas olaraq qeyd edək ki, bu qurumu Hesablama Palatası, Maliyyə Nazirli araşdırılmasını öz üzərinə götürərək Audit tərəfindən həqiqətlərin doğruluğunu isbat etməlidir".

Azərbaycanda Rəqabət Məcəlləsinin qəbul olunması inhisarçı biznesdə təşviş yaradıb. Uzun illərdən bəri müxtəlif sahələrdə rəqabətin qarşısını “əjədəha” kimi kəsən iş adamları bizneslərini qorumaq üçün üzlərini parlamentə tutmaq qərarına gəliblər.

AFN.az-a bu istiqamətdə maraqlı məlumat daxil olub. Bildirilir ki, uzun illərdir ölkənin ərzaq bazarında böyük monopolistlərdən biri kimi tanınan “Veysəloğlu” Şirkətlər Qrupunun rəhbəri, iş adamı Aydın Talıbov da deputat olmaq qərarına gəlib. Belə ki, onun növbəti parlament seçkilərində namizədliyini verəcəyi deyilir. Xəbərin detalları bizə məlum deyil, A.Talıbovun hansı dairədən deputat olmaq istəməsi haqda da dəqiq məlumata malik deyilik. Lakin onun bu qərara gəlməsi kifayət qədər maraqlı haldır desək, yanılmarıq. A.Talıbovun rəhbərlik etdiyi “Veysəloğlu” Şirkətlər Qrupu 1994-cü ildən fəaliyyət göstərir. Onun özü isə biznes fəaliyyətinə 1992-ci ildə başlayıb.
Şirkətlər Qrupunun saytında bildirilir ki, A.Talıbov 1994-cü ilin 5 noyabr tarixində Türkiyədən Azərbaycana biskvit-peçenye kateqoriyasında ilk iri həcmli idxalını həyata keçirərək “Veysəloğlu Distribusiya” şirkətinin əsasını qoyub.
O, 2001-ci ildə ortaqları ilə birgə "Ulduz" Şokolad Fabrikini yaradıb. 2010-cu ildə ortaqları ilə birlikdə əsas səhmdar kimi Gürcüstanda "VG" adı ilə yeni distribusiya şirkətini, 2011-ci ildə "Araz" supermarketlər şəbəkəsini yaradıb.
2016-cı ildən etibarən sahibkarı olduğu biznesləri daha da inkişaf etdirərək "Araz" supermarketlər şəbəkəsini genişləndirməklə yanaşı, "OBA" marketlər şəbəkəsini qurub. O, 2017-ci ildə ölkənin ilk supermarketlərindən olan "Favorit" şəbəkə marketlərini satın alıb.
2017-ci ilin iyunun 14-dən “AVT Logistics” şirkətinin fəaliyyətinə start verilib. Bu, Cənubi Qafqazda ən böyük logistika mərkəzinə sahib olan şirkətlərdən biri hesab edilir. Aydın Talıbovun təşəbbüsü ilə 2018-ci ilin may ayından etibarən qida və xidmət sektorunda keyfiyyətli və münasib qiymətə xammal tədarük edən “Vesta-Horeka” distribusiya şirkəti fəaliyyətə başlayıb. 2015-ci ildə isə qida sektorunda topdan tədarük fəaliyyəti göstərən “V-Trade” distribusiya şirkəti qurulub. 2016-cı ilin fevral ayından “Xonça” brendi adı altında şirniyyat məhsullarının istehsalına başlanılıb.
Aydın Talıbov “Entrée Azərbaycan” ilə ölkəmizdə kafe biznesinə də daxil olub. Hazırda françayzinq hüquqi əsasında bu tanınmış brend adı altında ölkədə 5 kafe fəaliyyət göstərir.
Göründüyü kimi, kifayət qədər geniş biznes şəbəkəsinə malik olan A.Talıbovun bu il iyulun 1-dən qüvvəyə minəcək Rəqabət Məcəlləsi ilə bağlı narahatlıqlarının olması normaldır. Bazarda xeyli dərin inhisarçı olan “Veysəloğlu” Şirkətlər Qrupunun yaranacaq rəqabətə davam gətirib-gətirməyəcəyinin sual altına düşdüyünü bu qərardan da görmək olar.
Şirkətlər qrupunun ictimaiyyətlə əlaqələr şöbəsindən məlumatın doğru olmadığı bildirilib. Belə ki, sorğumuza cavab olaraq A.Talıbovun növbəti parlament seçkilərində namizədliyini irəli sürməklə bağlı niyyətinin və fikrinin olmadığı qeyd edilib. “Azərbaycan iqtisadiyyatına və vətəndaşların işlə təmin olunmasına töhfə verən “Veysəloğlu” Şirkətlər Qrupunda hazırda 23 mindən çox əməkdaş çalışır. Aydın Talıbovun gələcək fəaliyyət planı yalnız “Veysəloğlu” Şirkətlər Qrupu ilə bağlıdır” – deyə cavabda bildirilir.

Bəs Rəqabət Məcəlləsi inhisarçı biznesə hansı problemləri yarada bilər? İqtisadi yazar Dünya Sakit AFN.az-a açıqlamasında bildirdi ki, əslində normal halda Rəqabət Məcəlləsi biznes üçün əlverişli mühit deməkdir: “Bu qanun heç bir halda sahibkarlara problem yaratmaq üçün deyil. Rəqabət Məcəlləsi sahibkarların qarşılaşdığı inhisarçı və rəqabətsiz bazar mühitinin aradan qaldırılması, bazarda sağlam rəqabət yaradıb sahibkarlığın inkişafını təmin etmək üçündür. Azərbaycanda da hazırlanan sənəd kifayət qədər təkmil hesab edilir, çatışmazlıqları, demək olar ki, çox azdır. Real icrasına nail olunarsa, kiçik və orta, hətta bəzi iri, inhisarçı olmayan sahibkarlar üçün geniş fürsətlər, inkişaf potensialı yarada bilər. Əsas məsələ bu məcəllənin icrasıdı, işləkliyidir. Ekspertlər də bildirirlər ki, onun tam icrasının effektivliyinə 2-3 il ərzində nail olmaq olar. Ən təkmil qanun belə icra olunmadığı halda heç bir işə yaramır. İndiyə qədər də Azərbaycanda sağlam rəqabəti təmin edə biləcək qanun aktları vardı. Düzdür, Rəqabət Məcəlləsi səviyyəsində deyildilər, amma o qanunvericilik aktları da icra olunsaydı, inhisarçılığın indiki ifrat həddini biz görməzdik. Rəqabət Məcəlləsi o qanunlardan daha təkmil və vahid sənəd olduğuna görə üstün hesab olunur”.
D.Sakitin sözlərinə görə, Rəqabət Məcəlləsi kimi sənədlərin, çərçivələrin, məhdudiyyətlərin olmaması hər bir ölkədə inhisarçılığın inkişafına, təşəkkül tapmasına imkan yaradır: “Azərbaycanda indi inhisarçılıq ən yüksək səviyyədə inkişaf edib, bazarlar inhisarçı şirkətlərin əlindədir, sağlam rəqabətdən danışmaq mümkün deyil. Daha çox bu və digər məmura söykənən arxalı biznesdən danışa bilərik, azad biznes hələ ki, yoxdur. Dediyim kimi, əgər Rəqabət Mərhələsi qəbul olunduğu formada icra olunarsa, biz indiki qeyri-sağlam mühitin aradan qalxmasını görə bilərik”.

“Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti” publik hüquqi şəxsi Cəbrayıl rayonu, Horovlu kənd yaşayış məntəqəsində qeyri-yaşayış obyektlərinin tikintisi işlərinin satın alınması üzrə dəyəri 3,0 milyon ABŞ dollarının manat ekvivalentindən çox olan açıq tender müsabiqəsinin nəticələrini açıqlayıb. Qurum qalib seçdiyi “19 saylı Tikinti Təmir İdarəsi” MMC ilə 14.520.813,31 manat məbləğində satınalma müqaviləsi bağladığını 23.04.2024-cü il tarixdə elan edib.

Qeyd edək ki, “Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti” publik hüquqi şəxsi Prezident İlham Əliyevin 21 iyul 2022-ci il tarixli, 1756 saylı fərmanı ilə adları çəkilən rayonlarda əhalinin qayıdışı ilə əlaqədar çoxmənzilli binaların və fərdi yaşayış evlərinin tikintisinin təşkili, bu qaydada tikilmiş çoxmənzilli binaların idarə edilməsi, habelə müvafiq ərazidə abadlaşdırma, yaşıllaşdırma və mənzil-kommunal təsərrüfatı sahələrində fəaliyyət göstərməsi məqsədi ilə yaradılıb.

Bəs dövlət qurumunun qalib seçdiyi “19 SAYLI TİKİNTİ TƏMİR İDARƏSİ” Məhdud Məsuliyyətli Cəmiyyəti ilə bağlı nə kimi məlumatlar var?

Rəsmi mənbələrdə, Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “19 SAYLI TİKİNTİ TƏMİR İDARƏSİ” Məhdud Məsuliyyətli Cəmiyyətinin 13.04.2011-ci ildə 3 saylı Ərazi Vergilər İdarəsində dövlət qeydiyyatına alındığı bildirilir. Nizamnamə kapitalı cəmi 10 manat olan MMC-nin hüquqi ünvanının QUSAR RAYONU, QUSAR Ş, KARL MARKS, ev 67, qanuni təmsilçisinin isə Aslanov Loğman Fərəc oğlu olduğu göstərilir. Hüquqi şəxslərin reyestrinə daxil edilmiş məlumatlarda Qarayev Ramil İsmayıl oğlu, Məmmədoğlu Ramil Ramiz oğlu, İsmayılov Elçin Mail oğlu da müxtəlif vaxtlarda MMC-nin qanuni təmsilçiləri olub.

Qeyd edək ki, MMC ötən il Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidməti publik hüquqi şəxsi tərəfindən keçirilmiş dəyəri 3,0 milyon ABŞ dollarının manat ekvivalentindən çox olan daha bir neçə açıq tenderin qalibi olub.

“Cəbrayıl rayonu, Horovlu kənd yaşayış məntəqəsində 2, 3 , 4 , 5 otaqlı fərdi yaşayış evlərinin tikintisi” işlərinin satın alınması üzrə 45.739.887,62 manat məbləğində satınalma müqaviləsinin bağlanılması barədə məlumat 04.12.2023-cü ildə dərc edilib. Müsabiqənin başlanılması tarixi 01.12.2023-cü il, bitmə tarixi isə 27.09.2024-cü il tarixlərə müəyyən edilib.

Cəbrayıl rayonu, Horovlu kənd yaşayış məntəqəsinin yenidənqurulma layihəsi çərçivəsində kəndin ümumi şaquli planlaşdırılması üzrə topraq işlərinin satın alınması üzrə 4.100.259,7 manat məbləğində satınalma müqaviləsinin bağlanılması barədə məlumat işin başlanma tarixindan üç ay sonra, 22.11.2023-cü ildə dərc edilib.

Qubadlı rayonu, Mahruzlu kənd yaşayış məntəqəsinin yenidənqurulma layihəsi çərçivəsində kəndin ümumi şaquli planlaşdırılması üzrə topraq işlərinin satın alınması üzrə 2.312.079,19 manat məbləğində satınalma müqaviləsinin bağlanılması barədə məlumat iş bitdikdən sonra, 22.11.2023-cü ildə dərc edilib.

Göründüyü kimi “19 saylı Tikinti Təmir İdarəsi” MMC son beş ayda Qarabağın işğaladan azad edilmiş kənd və qəsəbələrinin bərpa edilməsi üzrə ümumi olaraq 67 milyon manat civarıda dövlət sifarişi alıb. Bəs MMC bu dövlət sifarişlərini həyata keçirmək iqtidarındadırmı? Adətən böyük şirkətlər rəsmi portalını yaradaraq özləri haqqında geniş, hərtərəfli məlumatlar yerləşdirirlər. Amma milyonlarla manat dəyərində dövlət sifarişləri alan MMC-nin nəinki rəsmi bir veb-səhifəsi, hətta heç sosial şəbəkələrdə belə bir hesabı yoxdu.

Qeyd edək ki, “19 saylı tikinti təmir idarəsi” MMC məhhkəməyə də verilib. medianın 05.04 2024-cü ildə yaydığı məlumata görə MMC ilə bağlı Sumqayıt Kommersiya Məhkəməsinə müraciəti “Advanced industrial solutions” şirkəti edib. Mahiyyəti icarə müqaviləsi üzrə mübahisələr olan iş hakim Fərman Həmidlinin icraatındadır. Bəs 23.04.2024-cü il tarixdə bu MMC 15 milyon manat civarında tenderi necə uda bilib?

Elektron mediada “19 saylı Tikinti Təmir İdarəsi” MMC -nin qanuni təmsilçisi olan Aslanov Loğman Fərəc oğlu barədə yayılan məlumat diqqətimizi çəkdi. Cəbrayıl rayonundan məcburi köçşkün Aslanova Səfurə Yusif qızı hüquq mühafizə orqanlarına etdiyi müraciətdə yazır ki, Binəqədi rayon Məhkəməsinin 25 dekabr 2013-cü il tarixli 2(001) 6418/2013 saylı icra sənədinə əsasən 19 avqust 2013-cü il tarixdən, 13 sentyabr 2006-cı il tarixdə ana- dan olmuş, əkiz Aslanov Hüseyn Loğman oğlu və Aslanova Zeynəb Loğman qızına hər birinin 18 yaşa çatanadək saxlanması üçün Aslanov Loğman Fərəc oğlundan hər ayda 103 (bir yüz üç) manat, cəmi iki uşağa 206 (iki yüz altı) manat (hal-hazırda Binəqədi məhkəməsi aliment 234 manat olmaqla, dəbbə və faiz pulu hesablanmışdır) sabit pul məbləğində aliment tutularaq tələbkar Aslanova Səfurə Yusif qızına ödənilməsi barədə məhkəmə qərar qəbul etmişdir. Cənab İ. Əliyevə müraciət edildikdən sonra Binəqədi rayon Məhkəməsinə təqdimat göndərilmişdir. Binəqədi rayon məhkəməsinin 04 dekabr 2015-ci il tarixdə 2(001)6418/2013 qətnaməsi ilə Aslanov Loğman Fərəc oğlu 7(yeddi) gün müddətinə inzibati qaydada həbs edilmişdir. Evə köçürülməyimə dair məhkəmə qərarı olmasına baxmayaraq Aslanov Loğman kilidi dəyişdirib məni və uşaq-larımı evə buraxmırdı. Atam Baş İcra Məmuru N.Mustafayevin qəbulunda olub və mənim ərizəmi Baş Məmura təqdim edib. Hal-hazıra kimi heç bir addım atılmamışdır. Dəfələrlə yazılı və şifahi L.Aslanovun iş yeri haqqında T.Süleymanova şəxsən məlumat verilmişdir, lakin heç bir nəticəsi olmamışdır.

Göründüyü kimi “19 saylı Tikinti Təmir İdarəsi” MMC -nin qanuni təmsilçisi olan Aslanov Loğman Fərəc oğlu övladlarına aliment verməkdən yayınan bir şəxsdir. Öz övladlarına belə ögey münasibatdə olan bir şəxsin şirkətdə çalışan fəhlələrlə necə rəftar etdiyini şərh etməyə artıq ehtiyac qalmır. Ümumiyyətlə görəsən bu şirkətin müqavilə ilə işləyən işçiləri varmı, yoxsa günəmuzd fəhlə toplayıb işlədirlər. Göründüyü kimi bu şirkətin fəaliyyəti haqqında açıq mənbələrdə heç bir məlumata rast gəlinmir. Maddi texniki bazası, işçi qüvvəsi barədə də həmçinin. Bu kimi çatışmayan cəhətlərlə bu şirkət 5 ay içində 67 milyon manat civarıda dövlət sifarişini necə ala bilib? Barəsində heç bir məlumat olmadığından bu sifarişləri şirkətə kimlərsə tərəfindən verilməsi qənatinə gəlmək olar. Bunun arxasında gizli qüvvələr var. Bunu aşağıdakı araşdırmamaız da təsdiq edir.

Qeyd edək ki, MMC-nin daha bir şübhəli tərəfi qeydiyyatda olduğu hüquqi ünvanla bağlıdır. Dövlət Vergi Xidmətinin məlumatlarında MMC-nin hüquqi ünvanı QUSAR RAYONU, QUSAR Ş, KARL MARKS, ev 67 göstərilir. Mərkəzi Seçki Komissiyasının seçicilərin siyahısında Qusar rayonu, Qusar şəhəri Karl Marks (hazırda Rövşən Nurullayev) küçəsi 67 ünvanında MMC-nin müxtəlif vaxtlarda qanuni təmsilçiləri olmuş Qarayev Ramil İsmayıl oğlu, Məmmədoğlu Ramil Ramiz oğlu, İsmayılov Elçin Mail oğlu və Aslanov Loğman Fərəc oğlunun heç biri burada seçicilərin siyahısında yoxdur və ümumiyyətlə olmayıb.

Qeyd edək ki, Azərbaycan Respublikası Prezidentinin Fərmanı ilə yaradılmış Şərqi Zəngəzur iqtisadi rayonunda 1 saylı Bərpa, Tikinti və İdarəetmə Xidmətinin Müşahidə Şurasının sədri Vahid Hacıyevdi. “Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti” publik hüquqi şəxsin icraçı direktoru Xidmətin Müşahidə Şurası tərəfindən təyin edilmiş Növrəs Qəhrəman oğlu Cəfərovdur.

Fəaliyyəti ilə bağlı heç bir məlumat olmayan “19 saylı Tikinti Təmir İdarəsi” MMC -yə 5 ay ərzində milyonlarla manat dövlət sifarişi vermiş dövlət qurumun Müşahidə Şurasının üzvləri, İqtisadiyyat nazirinin müavini Sahib Məmmədov, Ekologiya və Təbii Sərvətlər nazirinin müavini Vüqar Kərimov, Dövlət Şəhərsalma və Arxitektura Komitəsi sədrinin birinci müavini Namiq Hümmətov görəsən bu barədə nə düşünürlər?

Aktualinfo.org

Cəlilabad rayonu, Muğan kənd sakini Əli Əhmədov xəstə olmasına baxmayaraq, bu ilin yanvar ayında hərbi xidmətə göndərilib.
Bu barədə Bakupost.az -a onun atası Vüsal Əhmədov bildirib.
O, Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsindən şikayətçi olduğunu deyib:
"“Oğlum Əli Əhmədov 25 yanvar 2024-cü il tarixində Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsi tərəfindən ordu sıralarına çağırıldı. Ordan da Sərhəd Qoşunlarının Cəlilabad rayon Göytəpə qəsəbəsində yerləşən N saylı hərbi hissəsinə göndərildi”.
V.Əhmədov deyib ki, övladı 4 gün sonra qızılcaya yoluxub və vəziyyəti ağırlaşıb:
“Dörd gün sonra oğlumda yüksək temperatur müşahidə edilib və o, hərbi hissənin tibb məntəqəsin yerləşdirilib. Vəziyyəti ağırlaşdığı üçün dərhal Bakıya Sərhəd Qoşunlarının hərbi hospitalına göndərilib. Hospitalda bir neçə gün müalicə aldıqdan sonra onuSərhəd Qoşunlarının Məhəmmədi qəsəbəsində yerləşən modul tipli xəstəxanasına göndəriblər. Uşaq qızılcadan təxminən bir aya yaxın müalicə olundu”.
Onun sözlərinə görə, xəstəxanada həkimlər övladının səhhətində problemlər olduğunu aşkar ediblər:
“Müalicə aldığı müddətdə həkimlər oğlumu müayinə edərkən onda digər xəstəliklərin də olduğunu aşkar ediblər. Belə ki, övladımın bel tir sümüyündə əyrilik, gözündə zəiflik, qulağında ağır eşitmə və döş qəfəsində xəstəlik aşkar edilib. Bütün bu xəstəliklər onun tibbi sənədlərində qeyd olunub. Övladım fevralın 29-da hospitaldan Göytəpədə yerləşən hərbi hissəyə göndərilib”.
V.Əhmədov deyib ki, Əli daha sonra Göytəpədən Yevlaxa hərbi hissəyə yola salınıb və burda onun ordudan tərxis olunmasıyla bağlı qərar qəbul edilib:
“16 gün hospitalda qaldıqdan sonra hərbi hissə rəhbərliyi mənimlə əlaqə saxladı və bildirdilər ki, övladınız xəstədir, ordudan tərxis edirik, gəlin, uşağınızı aparın. Mən də gedib övladımı ağır vəziyyətdə hərbi hissədən gətirdim”.
V.Əhmədov hazırda övladını müalicə etdirdiyini deyib:
“Hələ də övladımın müalicələri davam etdirilir. Yarımçıq olub. Səhhətində ciddi problemlər var. Özüm isə əkinçiyəm, başqa heç yerdən gəlirim yoxdur. Banklara borcum var və elə övladımın da müalicəsini borcla edirəm”.
V.Əhmədov iddia edir ki, övladının səhhətində problemlər olduğunu bilə-bilə Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsi onu əsgər göndərib:
“Mənə hərbi hissədən xəstəliyi ilə bağlı sənəd və hərbi bileti verilib. Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsinə gedib sənədləri masanın üstünə qoyanda mənə dedilər ki, “bu xəstəliklər övladında necə çıxa bilər, axı biz onu müayinə etmişdik”. Hələ bizi borclu çıxarırlar. Ona görə Baş Prokurorluğa, məhkəməyə şikayət edəcəm. Övladımın xəstə olduğunu bilə-bilə ordu sıralarına göndərdilər və indi də yarımçıq edib üstümə qaytarıblar”.
Şikayətçinin səsləndirdiyi iddialarla bağlı Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon şöbəsiylə əlaqə saxlamağa çalışdıq. Lakin qurumdan telefon zəngimizə cavab verən olmadı. Qarşı tərəfi dinləməyə hazırıq.

Məlumdur ki, Azərbaycan Respublikasının Prezidenti İlham Əliyev cənablarının 21 may 2020-ci il tarixdə imzaladığı Sərəncam əsasında, 1967-ci il təvəllüdlü Elçin Adil oğlu Rzayev İmişli Rayon İcra Hakimiyyətinin başçısı vəzifəsinə təyin olunur. Qeyd edək ki, Elçin Rzayev bu təyinata qədər Əmlak Məsələləri Dövlət Komitəsində çalışıb, Yasamal RİH-nin Ərazi idarəetmə və yerli özünüidaretmə orqanları ilə iş şöbəsinin müdiri, Yasamal Rayon İcra Hakimiyyəti başçısının birinci müavini və s. kimi vəzifələri də daşımışdır. Belə bir səbəbdən də, Elçin Rzayevin İmişli rayon rəhbərliyinə təyin olunması ilk vaxtlar tam əksəriyyətin nəzər-diqqətində müəyyən inam hissinin formalaşmasına səbəb olmuşdu, amma aylar, illər keçdikcə isə, məhz formalaşan inam hissi əməlli-başlıca inamsızlığa çevrildi. Bəli, ilk vaxtlarda hər kəs elə düşünürdü ki, İmişli RİH-nin başçısı mühüm strateji vəzifələri daşıdığından o, yetkin idarəçilik qabiliyyətinə malik olan vəzifə sahibidir. Amma, vaxt keçdikcə düşüncələrdə formalaşan inam hissinin boş olması hər kəsə bəlli oldu. Yəni, atalar demişkən “sən saydığını say, gör fələk nə sayır” zərb-məsəli özünü doğrultdu. Məsələnin diqqəti cəlb edən tərəfi odur ki, bu günə kimi Prezident İlham Əliyevin məmurlardan əsas tələbi, vətəndaşlara qarşı münasibətdə onların siyasi mədəniyyət nümayiş etdirmələrini, insanlara qarşı hörmətlə yanaşma hissi ortaya qoymalarını, sakinlərə məxsus sosial problemlərin aradan qaldırılmasına dəstək olmalarını və s. tələb etməsi olmuşdur. Unutmaq olmaz ki, ölkə rəhbəri əksər çıxışlarında “Etimadı doğrultmayan məmurlar bundan sonra da cəzalandırılacaqlar. Hər dəfə icra başçılarını işə təyin edərkən mən onlara öz sözlərimi deyirəm: Gedin təmiz işləyin, xalqla bir yerdə olun, rüşvətxorluqla məşğul olmayın, dövlətə, müstəqilliyə sadiq olun. Budur mənim tələblərim, əsas tələblərim. Hər yerdə belə olmalıdır” deyə qeyd edir. Bundan əlavə, “Dövlət qulluqçularının etik davranış qaydaları haqqında” Azərbaycan Respublikası Qanunun 1-ci maddəsinin 1.2-ci hissəsində qeyd olunub ki, hər bir dövlət qulluqçusu qanunun aliliyini, insan hüquqlarını, demokratik prinsipləri və yüksək etik davranış qaydalarını rəhbər tutmalı və bu Qanunun müddəalarına əməl etməyə də borcludurlar. Qəbul olunmuş Qanunda belə bir tələblərin olmasına baxmayaraq, İmişli RİH-nin başçısı üzərinə düşən vəzifə borcunu lazımi səviyyədə yerinə yetirmək əvəzinə, bu gün də o, bir növ “sabotaj”lıqla məşğul olur. Çünki, Elçin Rzayev rayonun Muradxanlı kənd sakinlərinin üzüzə qaldıqları sosial problemlərin həllinə dəstək olmur, əksinə bu şəxs özü üçün var-dövlət toplamaqla məşğul olur.
Qeyd edək ki, bir neçə gün bundan öncə İmişli RİH-nin başçısı Elçin Rzayev, rayonun bəzi kəndlərində səyyar-qəbul görüşlər keçirir. Elə ki, icra başçısı Muradxanlı kəndində olur, o halda kənd sakinlər çox ciddi su problemi ilə üzüzə qaldıqlarını və buna görə də susuzluqdan olduqca əziyyət çəkdiklərini rəhbərliyin diqqətinə çatdırıırlar. Sakinlər bildirdikləri şikayətlərində “Elə şəxslər var ki, onlar Muradxanlı kəndində torpaq sahələri alıb təsərrüfatla məşğul olurlar və həmin şəxslərin su ilə təmin olunmaları da ödənilir. Uzun illər ərzində bu kənddə yaşayan yerli sakinlər isə, bu gün də susuzluqdan əziyyət çəkirlər” deyə qeyd edirlər. Elə ki, günlər keçir və kənd sakinləri görürlər ki, onların etdikləri şikayətlə bağlı heç bir tədbir görən yoxdur. Belə olan halda sakinlər RİH başçısının qəbulunda olmaq və bir daha narazılıqlarını icra başçısı Elçin Rzayevin diqqətinə çatdırmaq qərarına gəlirlər. Təəssüf doğuran hal o olur ki, həmin vaxt rayon rəhbərliyi sakinləri qəbul edib dinləmək, yaxud da onların üzüzə qaldıqları problemin həllinə dəstək göstərmək əvəzinə, qəbula gələn və su çatışmazlığından əziyyət çəkən sakinlərin həbs olunmaları ilə bağlı tapşırığını verir. Bu da onu göstərir ki, Elçin Rzayev sakinlərin problemlərinə əhəmiyyət vermir və onları saya da salmır. Bir sözlə, bu şəxs sakinlərə qarşı qənim kəsilir. Redaksiyamıza daxil olan məlumatlara görə, indiyə kimi rayon sakinlərindən bir çoxu İmişli RİH-nin başçısının “əndazəni aşan” addımları ilə üzüzə qalıblar. O halda sual oluna bilər ki, nəyə görə Elçin Rzayev bugünkü vəzifəsinə təyin olunub? Məgər bu şəxs sakinlərə məxsus problemlərin həlli ilə, yoxsa onları “dama soxdurmaq”la məşğul olmalıdır? Deməli, RİH-nin başçısı özünü İmişlinin “əlçatmaz, ünyetməz firon”u hesab edir ki, bu gün o, belə bir addımlarını atır. O halda sual oluna bilər ki, bu şəxs icra başçısı vəzifəsinə təyin olunarkən möhtərəm Prezidentin ona verdiyi tapşırıqlar əhəmiyyətini itirdimi? Yoxsa, İmişlidə dərəbəylikdir? Yəqin ki, ölkə rəhbərinin verdiyi tapşırıq və tövsiyyələrə əməl etməyən Elçin Rzayevlə bağlı yaxın vaxtlarda lazımi addınmlar atılacaq. O halda hər kəs şahidi olacaq ki, İmişli RİH-nin başçısı sələfinin aqibətini yaşamalı olan şəxsdir. Nəysə, yaşayarıq, görərik! Yazıda adı keçən hər kəsin mövqeyini dinləyə bilərik.

GundemXeber.Az

Zaqatala təbiəti, əhalinin etnik tərkibinin zənginliyi və turizm potensialına görə Azərbaycanın ən cəlbedici bölgələrindən biridir. Ancaq təəssüflər olsun ki, son 15 ildə rayonda hansısa inkişafdan danışmaq çətindir. Bu günlərdə Zaqatalada səfərdə olarkən, bunun bir daha şahidi oldum. Nəinki inkişaf, hətta bir çox cəhətlərə görə, Zaqatalanın xeyli gerilədiyi açıq-aydın hiss olunur. Şəhər sanki qocalıb. İcra başçısı Mübariz Əhmədzadə kimi. 1947-ci ildə anadan olan Mübariz Əhmədzadə Azərbaycanda ən yaşlı icra başçısıdır, 77 yaşlı iki icra başçısından biridir. Bu gün Zaqatala da elə Mübariz Əhmədzadə kimi yorğun görünür...

İcra başçısının mərkəzi mətbuatda "rayonda dinamik inkişaf", "yeni iş yerlərinin açılması" kimi nağıllarla zəngin məqalələr dərc etdirməsinə rəğmən, Zaqatalada olarkən, bunun əksini müşahidə etdim. Digər rayonlarda olduğu kimi, burada da gənclərin əksəriyyəti iş üçün paytaxta və ya Rusiyaya üz tuturlar.

Əvvəllər abadlığı, səliqə-səhmanı ilə seçilən Zaqatalada bu gün səliqəsizlik, bərbad vəziyyət hökm sürür. Şəhərin mərkəzində - Bayraq meydanına yaxın yeraltı keçid günlərlə yığışdırılmır. Bu bir yana, burada dilənçi əlindən tərpənmək mümkün deyil. Düzü, əvvəllər Zaqatalada dilənçilərlə rastlaşmamışdım. Bu dəfə isə onlar hər addımda qarşıma çıxırdılar.
Rayona gələn turistlərin ən çox baş çəkdiyi məkanlardan biri də Zaqatala bazarıdır. Burada illərdir xaos davam edir. Bazara gedən yoldakı asfalt örtüyü son 15 ildə bir dəfə də olsun, dəyişdirilməyib. Ərzaq, xüsusən də, ət, ədviyyat və meyvə-tərəvəz satılan örtülü bazarda isə tam bir antisanitariya şəraiti hökm sürür. Kəsif qoxu adamı oradan qaçmağa məcbur edir.
Yeri gəlmişkən, yerli sakinlər Mübariz Əhmədzadədən fərqli olaraq, 2006-2009-cu illərdə Zaqatalanın icra başçısı olmuş Asif Əsgərovun fəaliyyətindən hələ də razılıq edirlər. Söhbət zamanı sakinlərdən biri dedi ki, Asif Əsgərov rayona icra başçısı gələndə elektrik enerjisi ilə bağlı ciddi problemlər olub:
"O ilk növbədə bu problemi aradan qaldırdı. Zibilin daşınması ilə bağlı problem də onun dövründə tam həll edildi. İndi isə şəhəri inək və qoyunlar zəbt eləyib. Əvvəllər şəhərdə yaşıllaşmaya və təmizliyə ciddi nəzarət var idi. İndi hər yeri zibil basıb. Zibil qabları dolub-daşır, şəhərin küçələri günlərlə yığışdırılmır, zibil daşınmır".

Zaqatalanın kəndlərində yaşayan sakinlərin üzləşdiyi ən ciddi problemlərdən biri də marşrut məsələsidir. Bu, onlara öz məhsullarını bazara çıxarmağa, yaxud da alış-veriş üçün şəhərə gəlməyə çətinlik yaradır. Kəndlərə işləyən "Qazel"lər o qədər köhnədir ki, çox vaxt yarı yolda xarab olur və sakinlərin saatlarla vaxt itirməsinə səbəb olur. Kənd avtobuslarının dayanacağında, hətta Nuh əyyamından qalma "Ural" yük-sərnişin avtobusu ilə də qarşılaşdım. Rayon icra başçısı kənd yollarını təmir etdirməkdənsə, onları hələ də, ötən əsrdə tarixin arxivinə verilən "Уral 3255"-dən istifadə etməyə məcbur edir. Sakinlər yayın istisində də şəhərə sovet dövrünün məhbus daşıyan avtomobillərini xatırladan "Ural" avtobusu ilə gəlib-gedirlər.
Yol məsələsindən söz düşmüşkən, Mübariz Əhmədzadə icra başçısı təyin olunduqdan sonra Bakı-Zaqatala və Zaqatala-Bakı marşrutlarının yolu da dəyişdirilib. Əvvəllər Zaqataladan birbaşa Şəkiyə (şəhərə daxil olmadan) işləyən marşrutlar 10 ildən artıqdır ki, Şəki və Qaxdan keçməyə məcbur edilir. Yollar dar olduğundan qəzaların sayının artdığı deyilir. Xüsusən də, yolun Qaxın Güllük kəndindən keçən hissəsi dar və dolanbac olduğundan burada hərəkət etmək çox təhlükəlidir. Sakinlər yolun dəyişdirilməsinin səbəbini icra başçısının biznes marağı ilə əlaqələndirirlər. İddia edirlər ki, Mübariz Əhmədzadənin obyektləri Qaxda olduğu üçün Zaqatalaya giriş yolunu oradan etdirib. Belə ki, indiki halda Bakıdan gələn turistlər birinci Qaxa gəlməli olur. İcra başçısının öz turizm obyektlərinə görə "köhnə bazara təzə nırx" qoyması nəticəsində neçə ildir baxımsız qalan 100 km-dən artıq yolun tamamilə yarasız vəziyyətə düşdüyü bildirilir.
Yollardan söz düşmüşkən, Azərbaycanın ilk qadın mexanizatoru Sevil Qazıyeva və "Qarabağ" futbol klubunun baş məşqçisi Qurban Qurbanovla tanıdığımız Aşağı Tala kəndinin yolları da bərbad vəziyyətdədir. Mübariz Əhmədzadə "Qarabağ"ın hər qələbəsindən sonra hamıdan qabaq Qurban Qurbanova zəng edib onu təbrik etsə də, icra başçısının bu "təəssübkeşlik və vətənpərvərliyi" deyəsən, elə bir telefon zəngindən artıq deyil. Hə, bir də o, futbolçunun evinin olduğu küçəyə (100-150 metr hissəyə) asfalt örtüyü çəkdirib. 7 min nəfərə yaxın əhalinin yaşadığı kəndin digər küçə və yolları isə çala-çuxurlarla doludur. Sakinlər sonuncu dəfə yolun nə vaxt təmir edildiyini belə xatırlamırlar.
7 min nəfərə yaxın əhalinin yaşadığı kəndin digər küçə və yolları çala-çuxurlarla dolu olsa da, məhz hamımızın böyük hörmət bəslədiyi, bütün Azərbaycanın və zaqatalalıların fəxri olan Qurbanovun evinə qədər olan hissənin asfaltlanması məyusedici faktdır. Həmişə sadəliyi, təvazökarlığı ilə seçilən adamı bir asfaltla hamıdan fəqləndirmək heç də Qurbanovu sevmək, ona hörmət etmək deyil. Əksinə, onu da yolundan tutmuş goruna qədər hər şeyi ilə sadə xaldan fərqlənmək istəyən harınlar təbəqəsinə transfer etmək cəhdidir.

Yeri gəlmişkən, bu, icra başçısının ilk belə ayrı-seçkiliyi deyil. Bir müddət əvvəl mətbuatda icra başçısı Mübariz Əhmədovun şəhidlər arasında ayrı-seçkilik etdiyi üçün narazılıq yarandığına dair xəbərlər yayılmışdı. Qeyd olunurdu ki, başçı və İcra Hakimiyyətinin rəsmiləri Novruz Bayramı ilə əlaqədar rayonda 44 günlük Qarabağ müharibəsi zamanı şəhid olmuş qəhrəmanların məzarlarını ziyarət ediblər. Məzarlıqda olarkən, müavinlərindən biri ona Birinci Qarabağ müharibəsi şəhidlərinin məzarlarını da ziyarət etməyi təklif edib. Mübariz Əhmədov isə “Onlar köhnə şəhidlərdir, ziyarətə ehtiyac yoxdur”, deyib. Onun bu sözlərinin şəhid ailələri arasında ciddi narazılıq doğurduğu, icra başçısının bu ayrı-seçkiliyə görə qınandığı qeyd olunurdu.
Zaqatala sakinlərinin əsas narazılığı icra başçısının rayonun problemlərini həll etmək əvəzinə öz biznesinin qayğısına qalması, şəhər və kəndlərdəki torpaq sahələrini satması, gəlirli obyektlərə nəzarəti öz əlinə keçirməsi, sahibkarlara ciddi problemlər yaratması ilə bağlıdır. On beş ildir Zaqatalaya rəhbərlik edən Mübariz Əhmədzadənin hətta bir müddət öncə Zaqatalanın Bəhmətli kəndində Vətən müharibəsi qazilərinə aid torpağı da satdığı iddia edilirdi.
Onun həmçinin rayonunun Əliabad kəndinin də ümumi istifadədə və bələdiyyə fondunda olan torpaq sahələrini 49 illiyinə məmurlara satdığı da yayılan iddialar arasındadır.

Bütün bunlardan sonra keçmiş Meliorasiya və Su Təsərrüfatı ASC-nin rəhbəri Əhməd Əhmədzadənin qardaşı, Qaxda yüksək vəzifələrdə çalışan, bir neçə il icra başçısı işləyən, 15 ildir isə Zaqatalaya rəhbərlik edən Mübariz Əhmədzadənin biznes imperiyasına dair söylənilənlərin həqiqət olduğuna inanmaya bilmirsən. Yeri gəlmişkən, bir müddət əvvəl dərc olunan həmin siyahını bir daha təqdim edirik:
Qaxda "El Resort” otel kompleksi, Qaxın İlisu kəndində "Yurd Hotel" istirahət kompleksi, İlisu kəndində "Yaşıl Park” otel kompleksi, "Səngər Qala” otel kompleksi, "Ulu Dag” oteli, Qax Fındıq Zavodu, Qax rayon taxıl məhsulları kombinatı, Eden Park Hotel Qax, Qaxbaş kəndində 54700 kv metrlik (5.5 hektar) ərazisi olan "Residence” ailəvi istirahət mərkəzi, Bakıda Koroğlu Rəhimov küçəsindəki "Növbahar" və "Zakura Yapon mətbəxi" restoranı.
Bu əlbəttə, bir neçə il əvvəl tərtib edilən və Mübariz Əhmədzadənin bütün biznesini əhatə edən tam siyahının yalnız bir hissəsidir. Onun müxtəlif adlarla qeydiyyatdan keçən xeyli şirkəti və bir sıra xarici ölkələrdə biznesinin olduğu da bildirilir.
Maraqldır, zaqatalalılar bu sömürgəçiliyə nə vaxta qədər dözməlidirlər? 77 yaşlı qocanı pensiyaya göndərməyin vaxtı çatmayıbmı?

Zaqatala təbiəti, əhalinin etnik tərkibinin zənginliyi və turizm potensialına görə Azərbaycanın ən cəlbedici bölgələrindən biridir. Ancaq təəssüflər olsun ki, son 15 ildə rayonda hansısa inkişafdan danışmaq çətindir. Bu günlərdə Zaqatalada səfərdə olarkən, bunun bir daha şahidi oldum. Nəinki inkişaf, hətta bir çox cəhətlərə görə, Zaqatalanın xeyli gerilədiyi açıq-aydın hiss olunur. Şəhər sanki qocalıb. İcra başçısı Mübariz Əhmədzadə kimi. 1947-ci ildə anadan olan Mübariz Əhmədzadə Azərbaycanda ən yaşlı icra başçısıdır, 77 yaşlı iki icra başçısından biridir. Bu gün Zaqatala da elə Mübariz Əhmədzadə kimi yorğun görünür...

İcra başçısının mərkəzi mətbuatda "rayonda dinamik inkişaf", "yeni iş yerlərinin açılması" kimi nağıllarla zəngin məqalələr dərc etdirməsinə rəğmən, Zaqatalada olarkən, bunun əksini müşahidə etdim. Digər rayonlarda olduğu kimi, burada da gənclərin əksəriyyəti iş üçün paytaxta və ya Rusiyaya üz tuturlar.

Əvvəllər abadlığı, səliqə-səhmanı ilə seçilən Zaqatalada bu gün səliqəsizlik, bərbad vəziyyət hökm sürür. Şəhərin mərkəzində - Bayraq meydanına yaxın yeraltı keçid günlərlə yığışdırılmır. Bu bir yana, burada dilənçi əlindən tərpənmək mümkün deyil. Düzü, əvvəllər Zaqatalada dilənçilərlə rastlaşmamışdım. Bu dəfə isə onlar hər addımda qarşıma çıxırdılar.
Rayona gələn turistlərin ən çox baş çəkdiyi məkanlardan biri də Zaqatala bazarıdır. Burada illərdir xaos davam edir. Bazara gedən yoldakı asfalt örtüyü son 15 ildə bir dəfə də olsun, dəyişdirilməyib. Ərzaq, xüsusən də, ət, ədviyyat və meyvə-tərəvəz satılan örtülü bazarda isə tam bir antisanitariya şəraiti hökm sürür. Kəsif qoxu adamı oradan qaçmağa məcbur edir.
Yeri gəlmişkən, yerli sakinlər Mübariz Əhmədzadədən fərqli olaraq, 2006-2009-cu illərdə Zaqatalanın icra başçısı olmuş Asif Əsgərovun fəaliyyətindən hələ də razılıq edirlər. Söhbət zamanı sakinlərdən biri dedi ki, Asif Əsgərov rayona icra başçısı gələndə elektrik enerjisi ilə bağlı ciddi problemlər olub:
"O ilk növbədə bu problemi aradan qaldırdı. Zibilin daşınması ilə bağlı problem də onun dövründə tam həll edildi. İndi isə şəhəri inək və qoyunlar zəbt eləyib. Əvvəllər şəhərdə yaşıllaşmaya və təmizliyə ciddi nəzarət var idi. İndi hər yeri zibil basıb. Zibil qabları dolub-daşır, şəhərin küçələri günlərlə yığışdırılmır, zibil daşınmır".

Zaqatalanın kəndlərində yaşayan sakinlərin üzləşdiyi ən ciddi problemlərdən biri də marşrut məsələsidir. Bu, onlara öz məhsullarını bazara çıxarmağa, yaxud da alış-veriş üçün şəhərə gəlməyə çətinlik yaradır. Kəndlərə işləyən "Qazel"lər o qədər köhnədir ki, çox vaxt yarı yolda xarab olur və sakinlərin saatlarla vaxt itirməsinə səbəb olur. Kənd avtobuslarının dayanacağında, hətta Nuh əyyamından qalma "Ural" yük-sərnişin avtobusu ilə də qarşılaşdım. Rayon icra başçısı kənd yollarını təmir etdirməkdənsə, onları hələ də, ötən əsrdə tarixin arxivinə verilən "Уral 3255"-dən istifadə etməyə məcbur edir. Sakinlər yayın istisində də şəhərə sovet dövrünün məhbus daşıyan avtomobillərini xatırladan "Ural" avtobusu ilə gəlib-gedirlər.
Yol məsələsindən söz düşmüşkən, Mübariz Əhmədzadə icra başçısı təyin olunduqdan sonra Bakı-Zaqatala və Zaqatala-Bakı marşrutlarının yolu da dəyişdirilib. Əvvəllər Zaqataladan birbaşa Şəkiyə (şəhərə daxil olmadan) işləyən marşrutlar 10 ildən artıqdır ki, Şəki və Qaxdan keçməyə məcbur edilir. Yollar dar olduğundan qəzaların sayının artdığı deyilir. Xüsusən də, yolun Qaxın Güllük kəndindən keçən hissəsi dar və dolanbac olduğundan burada hərəkət etmək çox təhlükəlidir. Sakinlər yolun dəyişdirilməsinin səbəbini icra başçısının biznes marağı ilə əlaqələndirirlər. İddia edirlər ki, Mübariz Əhmədzadənin obyektləri Qaxda olduğu üçün Zaqatalaya giriş yolunu oradan etdirib. Belə ki, indiki halda Bakıdan gələn turistlər birinci Qaxa gəlməli olur. İcra başçısının öz turizm obyektlərinə görə "köhnə bazara təzə nırx" qoyması nəticəsində neçə ildir baxımsız qalan 100 km-dən artıq yolun tamamilə yarasız vəziyyətə düşdüyü bildirilir.
Yollardan söz düşmüşkən, Azərbaycanın ilk qadın mexanizatoru Sevil Qazıyeva və "Qarabağ" futbol klubunun baş məşqçisi Qurban Qurbanovla tanıdığımız Aşağı Tala kəndinin yolları da bərbad vəziyyətdədir. Mübariz Əhmədzadə "Qarabağ"ın hər qələbəsindən sonra hamıdan qabaq Qurban Qurbanova zəng edib onu təbrik etsə də, icra başçısının bu "təəssübkeşlik və vətənpərvərliyi" deyəsən, elə bir telefon zəngindən artıq deyil. Hə, bir də o, futbolçunun evinin olduğu küçəyə (100-150 metr hissəyə) asfalt örtüyü çəkdirib. 7 min nəfərə yaxın əhalinin yaşadığı kəndin digər küçə və yolları isə çala-çuxurlarla doludur. Sakinlər sonuncu dəfə yolun nə vaxt təmir edildiyini belə xatırlamırlar.
7 min nəfərə yaxın əhalinin yaşadığı kəndin digər küçə və yolları çala-çuxurlarla dolu olsa da, məhz hamımızın böyük hörmət bəslədiyi, bütün Azərbaycanın və zaqatalalıların fəxri olan Qurbanovun evinə qədər olan hissənin asfaltlanması məyusedici faktdır. Həmişə sadəliyi, təvazökarlığı ilə seçilən adamı bir asfaltla hamıdan fəqləndirmək heç də Qurbanovu sevmək, ona hörmət etmək deyil. Əksinə, onu da yolundan tutmuş goruna qədər hər şeyi ilə sadə xaldan fərqlənmək istəyən harınlar təbəqəsinə transfer etmək cəhdidir.

Yeri gəlmişkən, bu, icra başçısının ilk belə ayrı-seçkiliyi deyil. Bir müddət əvvəl mətbuatda icra başçısı Mübariz Əhmədovun şəhidlər arasında ayrı-seçkilik etdiyi üçün narazılıq yarandığına dair xəbərlər yayılmışdı. Qeyd olunurdu ki, başçı və İcra Hakimiyyətinin rəsmiləri Novruz Bayramı ilə əlaqədar rayonda 44 günlük Qarabağ müharibəsi zamanı şəhid olmuş qəhrəmanların məzarlarını ziyarət ediblər. Məzarlıqda olarkən, müavinlərindən biri ona Birinci Qarabağ müharibəsi şəhidlərinin məzarlarını da ziyarət etməyi təklif edib. Mübariz Əhmədov isə “Onlar köhnə şəhidlərdir, ziyarətə ehtiyac yoxdur”, deyib. Onun bu sözlərinin şəhid ailələri arasında ciddi narazılıq doğurduğu, icra başçısının bu ayrı-seçkiliyə görə qınandığı qeyd olunurdu.
Zaqatala sakinlərinin əsas narazılığı icra başçısının rayonun problemlərini həll etmək əvəzinə öz biznesinin qayğısına qalması, şəhər və kəndlərdəki torpaq sahələrini satması, gəlirli obyektlərə nəzarəti öz əlinə keçirməsi, sahibkarlara ciddi problemlər yaratması ilə bağlıdır. On beş ildir Zaqatalaya rəhbərlik edən Mübariz Əhmədzadənin hətta bir müddət öncə Zaqatalanın Bəhmətli kəndində Vətən müharibəsi qazilərinə aid torpağı da satdığı iddia edilirdi.
Onun həmçinin rayonunun Əliabad kəndinin də ümumi istifadədə və bələdiyyə fondunda olan torpaq sahələrini 49 illiyinə məmurlara satdığı da yayılan iddialar arasındadır.

Bütün bunlardan sonra keçmiş Meliorasiya və Su Təsərrüfatı ASC-nin rəhbəri Əhməd Əhmədzadənin qardaşı, Qaxda yüksək vəzifələrdə çalışan, bir neçə il icra başçısı işləyən, 15 ildir isə Zaqatalaya rəhbərlik edən Mübariz Əhmədzadənin biznes imperiyasına dair söylənilənlərin həqiqət olduğuna inanmaya bilmirsən. Yeri gəlmişkən, bir müddət əvvəl dərc olunan həmin siyahını bir daha təqdim edirik:
Qaxda "El Resort” otel kompleksi, Qaxın İlisu kəndində "Yurd Hotel" istirahət kompleksi, İlisu kəndində "Yaşıl Park” otel kompleksi, "Səngər Qala” otel kompleksi, "Ulu Dag” oteli, Qax Fındıq Zavodu, Qax rayon taxıl məhsulları kombinatı, Eden Park Hotel Qax, Qaxbaş kəndində 54700 kv metrlik (5.5 hektar) ərazisi olan "Residence” ailəvi istirahət mərkəzi, Bakıda Koroğlu Rəhimov küçəsindəki "Növbahar" və "Zakura Yapon mətbəxi" restoranı.
Bu əlbəttə, bir neçə il əvvəl tərtib edilən və Mübariz Əhmədzadənin bütün biznesini əhatə edən tam siyahının yalnız bir hissəsidir. Onun müxtəlif adlarla qeydiyyatdan keçən xeyli şirkəti və bir sıra xarici ölkələrdə biznesinin olduğu da bildirilir.
Maraqldır, zaqatalalılar bu sömürgəçiliyə nə vaxta qədər dözməlidirlər? 77 yaşlı qocanı pensiyaya göndərməyin vaxtı çatmayıbmı?

Kimsə məni məhkəməyə vermək fikri varsa ,buyursun.Qorxum yox, ürküm yox.Mən nə edirəm Sizlər ücün edirəm.
Kürdəmir rayonun 110 min əhalisi var. Bu cəkiliş onlara xidmət edən səhiyyə ocağından cəkilib. Peşkqr olmadığım ücün guya cəkmişəm, amma telefonu qaydasında işlətməmişəm.Heyf o kadrlara, heyf o dialoqlara.Bu da bəs edər ki, insanlar başa düşər ki, dövlətin büdcəsin mənasız layihələrə sərf edib pul silməkdənsə, hec olmasa 110 minlik əhaliyə layiq xəstəxana tikilsin.
Yeni səhiyyə ocağına təzə rəhbər gəlib.Elcin həkim. Bu necə ayda həm yenilik etmək istəyir, həm də etmir. Yeniliyi odur ki, kabinetlərin yerin dəyişir.Xəstələrin gur saatlarında stol - stul bir otaqdan o biri otağa daşınır.Texniki işçilərin " yol verin" sədaları dar kolidorlarda güclə eşidilir və avadanlıqlar xəstələri əzə- əzə kecir. Qan köçürmə otağı geniş yerdən dar koridoru olan yerə kecirilib.
XƏSTƏXANA koridoru o qədər kiçikdir ki, müsəlmanlıq arada itib gedir.Hicablı bir xanım məni çəkmə ,Tik toka qoyarsan , deyir.Halbuku bəlkə on dəfə çiyninə yad əl dəyib " xanım yol ver" deyib. Onlara narazılıq etmir, mənə söz deyir.Mənə !!!
( Mehriban Zeynalova , bacı, gərək özümə Tik-tok səhifəsi acım.Xalq istəyir)
Söhbətimiz harada qaldı
Xəstəxananın dəhlizlərində.
O qədər dardır ki, adam avtobus şöferləri kimi qışqırmaq istəyir." Mehriban olun, sıxlaşın, kecək" .
Arada səs gəlir.
-" Ay xanım , divarın icinə girim?
- Yox , yanpörtü dur, keçim"
Bu arada Cin xalqından üzr istəmək istəyirəm.Karona Cin bazarından yox, bizdə yaranıb.Xəstə bir xəstəliklə gəlib,100 xəstəliklə evinə qayıdır.
Düzdür, sığorta işləyir.Həkimlər , analizlərə görə pul istənilmir.Amma həkimin qəbuluna gələnə kimi xəstələr sinir krizis keçirir.
Növbələr, növbələr.
Əvvəl cek yazdırmaq ücün uzun növbə tutmalısan.Adam cox.Ham
ı qışqırır.Bu arada ağbirçək, ya da vor zakon kimi bir-iki " razborka "nı( bunu da bacarıram) sakitləşdidim.Növbəm şəkər həkinə 73 cü, nevropotoloqa 43, qan analizlərində 63 cü oldum.
EVƏ zəng:
-Anadan muğayat olun, işin axırına qədər buradayam.
- Orada nə edirsən?
- 73 cü adamam.
Bəzən həkimlərə cox yazığım gəlir.
Bu qədər xəstəyə necə baxa bilirlər? Havasızlıqdan necə dözürlər?( Gələn dəfə oksigen balışı ilə gələcəyəm.Ya da əleyqaz.)Hər həkimin qəbulunda 10 larla yox, bəlkə 50 yə yaxın xəstə dayanıb.Qohumlada onları müşayiət edir.
Arada kolidorlarda firmaların papkalı nümayəndələri dolaşır.
Polislər də var. SƏS küy veclərinə deyil.Bir polis xəstənin reseptinə baxıb məsləhət verir, o biri isə xəstələri qan vermə otağına keçirmək ücün siyahıya alırdı.

Orada olduğum müddətdə əlbəyaxa dava da olmadı ki , polislərin başqa qabiliyyətlərinə şahid olum.
İndi sözüm əlaqədar təşkilatlardır.
Xəstəxana rəhbərliyini dəyişməklə iş bitmir.
İnsanlar normal tibbi xidmət almaq ücün şərait yaratmaq lazımdır.Bu insanların haqqı, Sizlərin isə vəzifəsidir.
Xəstəxana yolları bərbad və natəmizdir. Zibil maşınları deyəsən reanimasiya gəlmək ücün dayanıb.
Bilsəniz nə qədər nöqsan var...Zaman- zaman yazacağam.
Latafat Malikova
TEREF