 |
|
|
Samiq Sadıxovun köməkçisi,kassiri,aparat rəhbəri,hal-hazırda Samiq Sadıxov tərəfindən qeyri rəsmi idarə olunan TMİB-in icraçı direktoru hörmətli (TMİB-in instaqram səhifəsində qeyd edildiyi kimi) Vüsal Məmmədov və Naxçıvan İTS-in idarə heyətinin sədri hörmətli (TMİB-in instaqram səhifəsində qeyd edildiyi kimi) Elnur İbrahimov Samiq Sadıxovla birlikdə etdikləri maxinasiyalarinin aşkara çıxdığını görüb qapı-qapı düşərək özlərinə yeni arxa axtarırlar ki,dövlətdən korrupsiya və talamaq yolu ilə əldə etdikləri var-dövləti qoruya bilsinlər.
TEREF yazır ki, buynu jurnalist Sima Babayeva öz sosial şəbəkə səhifəsində yazıb! Sima xanım daha sonra bəzi faktları sdalayaraq yazır:
Müstəqil qurumlar olmasına baxmayaraq uzun müddətdir Samiq Sadıxov tərəfindən idarə olunan TMİB-in icraçı direktoru və Naxçıvan İTS-in idarə heyətinin sədri əyri işlərinin üstünün açıldığını və getdikcə də bütün etdikləri qanunsuzluqların üstünün açıldığını görüb öz aralarinda gizlin sövdəşələrək cəmiyyətə və rəhbərlərə oyun oynamağa başlayaraq guya bunların münasibəti pozulub,amma gizlində görüşərək əvvəlki əməllərinə davam edirlər.
Sövdələşmələri isə ondan ibarətdir ki,heç olmaya 3-dən hər hansısa biri vəzifədə qalsın vəziyyəti idarə edə bilsinlər.
Halbuki bunu bütün rəhbərlər və cəmiyyət bilir ki,Samiq Sadıxov tutdugu vəzifəsin itirərsə havadarlıq etdiyi Naxçıvan İTS-in idarə heyətinin sədri və TMİB-in icraçı direktoru da işlərini itirəcək.
Çünki bütün maxinasiyalar bu 3-lük tərəfindən cinayət əlaqəsinə girərək edilib.
Qısa bir not: Samiq Sadıxov komissiya yaradaraq Vüsal Məmmədovu komissiya sədri qoyub (Vüsal Məmmədov Naxçıvan Səhiyyə Nazirliyinin aparat rəhbəri olan zaman)komissiyanın sədri Vüsal Məmmədovun qərarı ilə istədikləri adamlara 5.000 manat,10.000 manat və daha üstün əmək haqqılar təyin ediblər,Naxçıvan İcbari Tibbi Sğorta tərəfindən həmin pulları adamların hesabına vurduraraq dövlətin pulunu mənimsəyiblər(Araşdırma aparsalar həmin ödənişlər olunmuş şəxslərə pullar köçən zaman diplomların Azərbaycan dövləti tərəfindən tanınmadığını,diplom tanınmalarının pulu aldıqdan neçə aylar sonra baş tutduğunu aşkar edərlər).
Qeyd:Türkiyə Respublikasının prezidenti heç bu qədər əmək haqqı almır.
Bu 3-lüyün rəhbəri olan Samiq Sadıxov əvvəllər etdiyi kimi öz qanunsuz əməllərini kimlərinsə boynuna qoyaraq vəziyyətdən çıxana kimi rəhbərlərə və cəmiyyətə münasibətimizin olmadığını göstərin deyir,halbuki axşam saatlarında və digər gizlin yollarla əvvəlki idarəetməni davam etdirirlər.Hər yerdə bildirir ki,özümə paytaxtdan bizim maxinasiyaları ört basdır etmək üçün yaxşı arxa dayaq tapmışam.
Növbəti yazılarımızda bu 3-lüyün digər cinayətləri barədə ətraflı məlumat verəcəyik.
Ardı var….
Sima Babayeva
TEREF olaraq iddia olunanlarla bağlı adları çəkilən şəxs və qurumlarında mövqeyini dərc etməyə hazırıq!
Azərbaycanda ətrafın zibilləndirilməsi, məişət tullantılarının yığılması, daşınması uzun illərdir müzakirə olunur. Əvvəllər şəhər və rayonların bütün küçələrində zibil qabları ya yox idi, ya da çox az idi. Son illər yaşayış yerlərinə yaxın ərazilərdə, küçə və məhəllələrdə zibil yeşikləri qoyulub. Lakin bəzi məhəllələrdə zibil qabları çox azdır. Yəni paytaxtda yaşayanların sayı hər gün artdığı üçün qoyulan zibil qabları məişət tullantılarının yığılması üçün bəs etmir.
Belə yerlərdən biri də Nərimanov rayonu Nazim Hacıyev küçəsidir. Bu keçədə bir neçə zibil yeşiyi qoyulsa da, günün sonunda zibil qabları dolduğu üçün sakinlər məişət tullantılarını qabların ətrafına qoymağa məcbur qalırlar.
Digər problemlərdən biri də məişət tullantılarının gec daşınmasıdır. Belə ki, məişət tullantıları gündə bir dəfə səhər saatlarında daşınır. Bəzi vaxtlarda daşınma qeyd olunan vaxtda həyata keçirilmir, bu səbəbdən də xoşagəlməz mənzərə yaranır.
Bəs belə vəziyyətin yaranmaması üçün qurumlar niyə üzərinə düşəni etmirlər?
Məsələ ilə bağlı Nərimanov Rayon İcra Hakimiyyəti ilə əlaqə saxlamağa çalışdıq. Dəfələrlə aidiyyatı və digər şöbələrə zəng etsək də, zənglərimiz cavabsız qalıb.
Xatırladaq ki, məişət tullantılarının daşınması və yığılması üçün sakinlər müvafiq qurumlara vəsait ödəyirlər. Məişət tullantılarının yığılması, daşınması Tarif Şurasının 29 iyun 2024-ci il tarixli qərarı ilə tənzimlənir. Həmin qərarın 1-ci maddəsinə əsasən bərk məişət tullantılarının yığılması və daşınması üçün tarif 1 nəfərə görə 1 manatdır.
Lakin bəzi ərazilərdə mənzillərdə neçə nəfərin yaşamasından asılı olmayaraq ayda 3 manat, bəzi yerlərdə 6 manat vəsait toplanır. Yeni yaşayış binalarında bu, doğru olaraq mülkiyyətçinin seçimində iştirak etdiyi mənzil mülkiyyətçiləri müştərək cəmiyyətinin müqavilə bağladığı şirkətə, bəzilərində qanunsuz olaraq ləğv olunmamış MTK-lara ödənilir.
Bizim.Media
Adı mütəmadi olaraq, mediada müxtəlif qalmaqallarda hallanan “Pilot 16” MMC ilə bağlı şikayətlər davam edir. Şirkətin “Elevan Park” yaşayış kompleksini inşa etdiyi Novruzov qardaşları küçəsinin(“Papanin” deyilən ərazi) bir qrup sakini Editor.az-a müraciət edərək, həyatlarının və əmlaklarının təhlükədə olduğunu bildirirlər.
Onların sözlərinə görə, on illərdir yaşadıqları Nəsimi rayonu, Novruzov qardaşları küçəsində “Pilot 16” MMC inşaat işlərinə başladığı gündən ərazidə yaşayan sakinlər əsl cəhənnəmlə üz-üzədirlər: “”Pilot-16” şirkəti 4 ildir ki, nə qanunlara, nə dövlət qurumlarının tələblərinə, nə də vətəndaşların şikayətlərinə məhəl qoymur. Şirkətin qanunsuz əməlləri ilə bağlı bütün dövlət qurumlarına edilən müraciətlərə və onların da müvafiq tələblərinə baxmayaraq, “Pilot-16″ şirkəti yüzlərlə insanın yaşadığı ərazidə gecənin gec saatlarında, istirahət günlərində səhər çox erkən saatlarda ağır tikinti və betonlama işlərini davam etdirir. Bu şirkətin əlindən insanların gecə evində yatması, istirahət etməsi mümkünsüz hala gəlib. İnsanların faktiki yaşadığı evlərin 5-10 metrliyində aparılan ağır qazıntı işləri mənzilləri ağır qəzalı vəziyyətə salıb”.
Sakinlərin sözlərinə görə, onlar illərdir ki, şirkətin ağır kranının altından hər gün ölüm qorxusu ilə keçməyə məcbur qalıb: “Düzgün təşkil edilməyən tikinti meydançasından hər gün müxtəlif ağır tikinti materialları vətəndaşların və avtomobillərin keçdiyi yola, insanların avtomobillərinə, evlərinin damlarına və həyətlərinə tökülür. Bütün bu faktlar FHN-nin müxtəlif struktur qurumlarının ərazidə apardığı araşdırmalar zamanı təsdiq edilmiş və bizə rəsmi məktublar göndərilmişdir”.
Novruzov qardaşları küçəsinin sakinlərinin sözlərinə görə, əgər əvvəllər “Pilot 16” şirkəti evlərin 5-10 metrliyində ağır inşaat işləri aparırdısa, artıq bu işlər sakinlərin evlərinə bitişik mənzillərdə və həyətlərdə aparılır: “Şirkət insanların faktiki yaşadığı evlərin divarlarının bitişik olduğu mənzil və həyətləri sökməklə evləri məqsədli şəkildə qəzalı vəziyyətə salmağa çalışır. Evlərin zəmin qatından torpaq sürüşməsi baş verir. “Pilot-16” MMC və onun direktoru Aslan Quliyevin birbaşa göstərişi ilə hazırda bizə qarşı xüsusi plan hazırlanmaqdadır. Onun qanunsuz əməllərinə göz yummadığımız üçün Aslan Quliyev və himayədarları evimizin zorla əlimizdən alınması, bu mümkün olmadıqda bilərəkdən dağıdılması üçün fəaliyyətə keçib. Artıq üç gündür ki, evimizin arxa divarına bitişik həyətdə ağır söküntü işlərinə start verib. Söküntü hələ yüngül alətlər vasitəsi ilə getməsinə baxmayaraq, artıq evin divarları və tavanı silkələnməyə başlayıb. Yaranmış dəhşətli səs-küy 2 yaşlı körpə başda olmaqla, bütün ailəmizi qorxu altında saxlayır.
“Pilot-16” MMC və onun direktoru Aslan Quliyev yaxın günlərdə evimizə bitişik həyətə ağır texnika yeritməyə və söküntü işləri aparmağa hazırlaşır. Bu baş verərsə, evimizin divarı üstümüzə uçacaq. Ən yaxşı halda isə evimizi çirkli qrunt suları basacaq. Aslan Quliyev bu formada fəaliyyəti dəfələrlə müxtəlif qonşulara qarşı tətbiq edib. O, ağır texnikanı əraziyə yeritmək və guya təsadüfən toxunmaqla əslində qəsdən evimizi dağıtmağa çalışır. Bu baş verərsə uçan divarın altında qalan ailəmiz fiziki məhv olmaq təhlükəsi ilə üz-üzədir. Məqsəd nə olursa olsun, zorla bizi yeganə ata-baba yurdumuzdan çıxarmaqdır. Özləri hər gün fərqli bahalı maşınlarda əraziyə gəlir, bizə göz dağı verirlər. Bu qədər vəsaiti hansı yolla, hansı imkanlarla əldə ediblər, bizə bəlli deyil. Biz isə üfunət içində, ölmək təhlükəsi ilə yaşayırıq. Buna baxmayaraq, şirkət bizi ədalətsiz formada şəhərin mərkəzindəki evimizdən didərgin salmaq istəyir”.
Sakinlər qeyd ediblər ki, yaranmış təhlükəli vəziyyətlə bağlı Baş prokurorluq, Fövqəladə Hallar Nazirliyi və Bakı şəhər İcra Hakimiyyətinə rəsmi qaydada müraciət ediblər.
Qeyd edək ki, şirkətin rəsmi baş direktoru isə Aslan Quliyevdir. Ancaq mediada yayılan və təkzib olunmayan xəbərlərə görə, şirkətin faktiki sahibi keçmiş oliqarx deputat Əsabil Qasımov və onun ailə üzvləridir.
Editor.az
Qazax rayonu, Ağköynək kənd sakini Mustafayev Murad Bəhmən oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, Ağköynək və Qarapapaq kəndlərinin Bələdiyyə sədri Nəzakət Mansurova ondan torpaq üçün 3700 manat pul alıb, lakin satmayıb:
“Mən, Qazax rayonu, Ağköynək kənd sakini Mustafayev Murad Bəhmən oğlu yazaraq bildirirəm ki, kirayədə qalıram və yolum hər gün Ağköynək kəndindən keçir.
2020-ci ildə Ağköynək-Qarapapaq Bələdiyyəsinin sədri Nəzakət Mansurova torpaq sahəsi verəcəyi adı ilə məni aldadaraq 3700 manat, əlavə olaraq da 50 manat və 120 manat pulumu mənimsəmişdir.
Bu işi dövlət qurumları biləndən sonra, mənim həmin kənddə yaşamadığımı bəhanə gətirərək, torpağı mənim adıma sənədləşdirmədi. Halbuki, Bələdiyyə sədrinin öz qardaşı 10 ildən çoxdur Bakı şəhərində məskunlaşsa da, ona və həyat yodaşına 2022-ci ildə 0.12 ha torpaq sahəsi vermişdir. Mən isə, faktiki olaraq 2020-ci ildən bu kənddə yaşayıram.
Ağköynək-Qarapapaq Bələdiyyəsinin sədri Nəzakət Mansurova keçən ilin qışında öz çirkin əməllərindən əl cəkməyərək, torpaq sahəsinin icarəsi üçün məndən illik icarə haqqı olaraq 50 manat ödəniş tələb etdi. Mən həmin məbləği ödədim. O, bildirdi ki, bir neçə gün sonra ödəniş sistemə oturacaq və həmin vaxt çek verəcəm
Sonra, 2024-cu ilin yay ayında “icarə haqqı”nı ödətdirdiyi torpaq sahəsinin ölçülməsi üçün kadastra pul ödəməli olduğunu bildirib, özünün iştirakı ilə Qazax rayonunda “Kapital Bank”a 120 (yüz iyirmi) manat ödəniş etmişəm.
Onu da qeyd edim ki, mən Ağköynək kəndində doğulsam da, indiyə qədər heç yerdə adıma torpaq sahəsi olmayıb. Bələdiyyə sədri Nəzakət Mənsurova pulsuz olaraq oğlu Musayev Ələddin Şəmsəddin oğluna 0.12 ha torpaq sahəsi ayırmışdır. Bundan əlavə, Bələdiyyənin 10.08.2022-ci tarixli, 27 nömrəli iclas qərarına əsasən, qardaşı və onun həyat yoldaşının adına, hərəsinə 0.12 ha olmaqla, həyətyanı torpaq sahəsi ayrılmışdır. Hətta Nəzakət Mənsurovanın qardaşı maddi vəziyyətinin ağır olması barədə Bələdiyyəyə müraciət edib, Bələdiyyə vətəndaşa 300 (üç yüz) manat, yoldaşına 300 (üç yüz) manat və başqa qohumuna 600 manat vəsaitin ayrılması barədə qərar qəbul etmişdir. Bir sözlə, bu Bələdiyyə sədri ancaq öz qohum-əqrabası üçün çalışır.
İllərlə Qazax rayonunda kirayə yaşadığım təqdirdə mən öz adıma torpaq sahəsi ala bilmirəm və indiyə qədər də ala bilmək üçün həm maddi, həm mənəvi olaraq əziyyət çəkirəm.
Sübut olaraq bildirim ki, Bələdiyyə sədri Nəzakət Mənsurovanın guya, ayrılacaq torpaq sahəsinin mənim olduğunu bildirməsi sayəsində mən orada abadlıq işləri aparmış və bir neçə meyvə ağacı, şam ağacı əkmişəm. Halbuki, o, məni aldadırmış.
Sizin sayt vasitəsilə səlahiyyətli qurumlara müraciət edərək xahiş edirəm ki, şikayətimə ciddi yanaşıb, mənə ayrılan və pulunu ödədiyim torpaq sahəsinin alıb mənə verilməsinə kömək edilsin və Bələdiyyə sədrinin məni aldatması ilə bağlı tədbir görülsün”.
Qeyd edək ki, məsələ ilə bağlı Bələdiyyə sədri Nəzakət Mənsurova ilə əlaqə saxlamaq mümkün olmadı. Qarşı tərəfin mövqeyini dərc etməyə çalışacağıq.
Hazırladı: Jalə FAMİLQIZI
Şikayətçinin redaksiyamıza göndərdiyi gizli çəkilişi də olduğu kimi təqdim edirik:
Abşeron rayonunun Fatmayı kənd bələdiyyəsinin sədri Nəsir Nəsirli ilə bağlı redaksiyamızın elektron poçtuna maraqlı məlumat daxil olub.
TEREF xəbər verir ki, Nazim Əliyev adlı kənd sakininin məktubunda bələdiyyə sədrinin Fatmayı kəndində yol çəkilişi ilə əlaqədar plana düşən ərazilər haqqında öncədən səhih məlumat əldə etməsindən və həmin ərazilərdə yaxın qohumlarının adına onlarla ev tikərək dövlətdən kompensasiya kimi milyonlarla manat məbləğində vəsait almasından bəhs olunur.
Mənbə bildirir ki, Nəsir Nəsirli “milyonluq layihəsini” uğurla başa çatdırsa da, bələdiyyə sədri qısa müddət sonra şübhə altına düşüb. “Fatmayıda bunca ərazi ola-ola son bir ildə onlarla evin niyə məhz plana düşən ərazidə tikildiyi əlaqədar qurumlarda sual yaradıb. Aparılan araşdırma nəticəsində məlum olub ki, Nəsir Nəsirli kənd ərazisindən keçəcək strateji magistralı ailə büdcəsini böyütmək üçün fürsət kimi dəyərləndirib. Əldə etdiyi informasiyanı bir ilin içində milyonlarla manat vəsaitə çevirən bələdiyyə sədri, bununla bütün çevrəsinə “gün ağlayıb”.
Məktubun sahibi qeyd edir ki, bu hadisədən sonra Nəsir Nəsirli hüquq-mühafizə orqanları tərəfindən çağırılıb və dindirilib. Lakin onun barəsində hər hansı hüquqi addım atılmayıb. “İşin ən maraqlı tərəflərindən biri isə odur ki, bələdiyyə mülkiyyətində olan torpaqlara sahiblənən Nəsir Nəsirlinin Abşeron Rayon İcra Hakimiyyətindəki bəzi məmurlar tərəfindən açıq şəkildə dəstəklənməsidir. Bu məmurlardan bəzisi Nəsir Nəsirlinin “milyonluq layihəsi”ndə yaxından iştirak edib”.
Nazim Əliyev bildirib ki, yaxın günlərdə həmin məmurların adını açıqlayacaq.
Yazıda adı keçən şəxs və qurumların da mövqeyini dərc etməyə hazırıq./Tribunainfo.az/
Dövlət Komitəsi sahibkarları necə soyur?
Ötən həftə Dövlət Gömrük Komitəsi məlumat yaydı ki, 2024-cü ilin arxada qalan 9 ayı bu qurum üçün uğurlu olub: komitə əvvəlki ilin eyni dövrü ilə müqayisədə dövlət büdcəsinə 4,8 faiz və ya 224,5 milyon manat artıq vəsait toplayıb.
İlk baxışdan bu məlumatda qeyri-adi heç nə yoxdur. Təəccüblü olan məqam bu xəbərin detallarındadır. Aydın olur ki, qeyd olunan dövrdə gömrük orqanlarının xəttilə toplanan əlavə dəyər vergisi (ƏDV) üzrə daxilolmaların məbləği 1,7 faiz və ya 55,1 milyon azaldığı halda, gömrük rüsumları hesabına mədaxil kəskin şəkildə - 28,6 faiz və ya 346 milyon manat artıb. Soruşula bilər ki, burda sual doğuran məsələ nədir?
Bu yazı məhz elə həmin qaranlıq məsələyə aydınlıq gətirir.
ƏDV-yə cəlb olunan idxal mallarının sayı dəfələrlə çoxdur
Qanunvericiliyə görə, ƏDV ilə müqayisədə azadolunma və güzəştlər idxal rüsumlarına münasibətdə daha məhduddur. Hazırda Azərbaycanda beynəlxalq kodlara uyğun bütün mal mövqelərinin az qala yarısı ya sıfır dərəcə, ya da aşağı dərəcə (5 faiz) ilə rüsuma cəlb edilir. Müqayisə üçün bircə fakta diqqət yetirmək kifayətdir: malların idxal rüsumuna cəlb edilməsilə bağlı Nazirlər Kabinetinin 500 saylı qərarında "diri heyvanlar” və "balıqlar və xərçəngkimilər” adlı 2 fərqli əmtəə qrupunda 600-ə yaxın mal növünün 70 faizindən sıfır dərəcə və 5 faizlə idxal rüsumu tutulur. Bu malların heç biri üzrə ƏDV güzəşti yoxdur. Ümumilikdə isə bütün idxal mallarının ən azı 85-90 faizinə vahid və yüksək dərəcə (18 faiz) ilə ƏDV tətbiq edilir.
Qeyd olunan faktlar onu deməyə əsas verir ki, əgər idxal rüsumlarının tətbiq dairəsi ƏDV ilə müqayisədə daha məhduddursa və dərəcələri daha aşağıdırsa, gömrük yığımlarında artım olduğu zaman bu ilk növbədə ƏDV hesabına baş verməlidir. Əgər son 5 illik statistikaya nəzər yetirsək, yalnız bir il (2021-ci il) istisna olmaqla, digər illərdə ya ƏDV üzrə yığımlar daha sürətlə artıb, ya da rüsum və ƏDV üzrə daxilolmaların dinamikası bir-birinə çox yaxın olub.
Məsələn, 2019-cu ildə gömürk yığımları ƏDV üzrə 28,5 faiz, idxal rüsumları üzrə 25,5 faiz artmışdı. Yaxud 2022-ci ildə ƏDV hesabına mədaxil 37% artdığı halda, idxal rüsumlarıdan büdcəyə ödənişlər 17 faiz çoxalmışdı. Pandemiya ilində (2020-ci il) hər iki mənbədən daxilolmalar təxminən eyni səviyyədə - 8 faizə yaxın azalmışdı. Nəhayət, 2023-cü ildə Gömrük Komitəsinin idxal rüsumları hesabına yığmlarının artım tempi (təxminən 14 faiz) ƏDV üzrə mədaxili (11 faiz) bir qədər üstələsə də, fərq kiçik olmuşdu.
2024-cü ildə baş verənlərin isə ağlabatan izahı yoxdur: ƏDV üzrə gömrük daxilolmaları 2 faizə yaxın azaldığı halda, rüsumlar üzrə mədaxil birdən-birə 29 faizə yaxın artır.
Əgər il ərzində ƏDV-yə münasibətdə azadoolunma və güzəştlərin siyahısı kəskin şəkildə artırılıb rüsumlara münasibətdə azaldılsaydı, bunu obyektiv səbəb kimi qəbul etmək olardı.
Doğrudur, son bir ildə lizinq müqaviləsinin obyekti olan əsas vəsaitlərin, həmçinin bəzi növ mineral gübrə və pestisidlərin idxalının ƏDV-dən azad edilməsilə bağlı qərarlar olub. Lakin həmin qərarların əhatə dairəsinə 200-ə yaxın mal daxil edilib və bu məhsullar üzrə idxalın dəyəri o qədər böyük deyil ki, Gömrük Komitəsinin ƏDV üzrə mədaxilinin azalmasına səbəb olsun - xüsusilə də digər mal qrupları üzrə idxalın artdığı bir şəraitdə.
İdxalla məşğul olan sahibkarlarla bu məsələni aydınlaşdırmağa çalışdıq və adının mediada hallanmasından çəkinən iş adamlarının dediyinə görə, bu məsələyə Gömrük Komitəsinin fəndləri səbəb olur.
"Sehirbaz çubuğu”nun sirli fəndləri
Adının çəkilməsini istəməyən biznes təmsilçiləri bildirirlər ki, yaranmış vəziyyətin əsas səbəbi gömrük orqanlarının üzərinə çəkə bilməyəcəyi büdcə öhdəliyinin qoyulmasıdır.
Gömrük Komitəsinin öhdəliyi hər il artırılır və qurum onun üçün müəyyən edilmiş məbləği nə yolla olur-olsun, toplamalıdır. ƏDV vahid dərəcə ilə tutulduğu üçün bu tədiyə növünün tətbiqində manipulyasiya imkanları çox məhduddur. Amma idxal rüsumları ilə bağlı vəziyyət fərqlidir: qanunvercilikdə eyni qrupa aid və eynicinsli mallara münasibətdə diferensiallaşdırılmış tariflər tətbiq edilir.
Məsələn, pərakəndə satış üçün qablaşdırılmış və ya qablaşdırılmamış pambıq saplara 3 fərqli dərəcə (0, 5 və 15 faiz) ilə gömrük rüsumu tətbiq edilir. Burda tarif dərəcəsi sapların daranıb-daranmamasından, xətti səthin sıxlığından asılı olaraq fərqlənir. Eyni zamanda, növündən və toxunuşundan asılı olaraq parçalar da fərqli dərəcələrlə idxal rüsumuna cəlb edilir. İş adamlarının iddiasına görə, gömrükdə qanunvericliyin tələblərini pozaraq daha aşağı tarifli mallara yüksək dərəcə (məsələn, 5 faiz əvəzinə 15 faiz, 0 dərəcə əvəzinə 5 faiz) tətbiq edilir.
Nəticədə də məhz indi üzləşdiyimiz mənzərə yaranır: ƏDV yığımları yerində sayır, idxal rüsumlarından daxilolma kəskin artır. Halbuki rüsum tətbiq edilən məhsullar istisnasız olaraq ƏDV-yə də cəlb edilir. Bir sözlə, eyni vergitutma bazası, tamamilə fərqli vergi yığmları.
Bunun nəticəsidir ki, 2024-cü ilin 9 ayında idxal rüsumlarının idxal olunan malların dəyərində payı son 6 ilin ən yüksək səviyyəsinə çatıb. Bu il həmin göstərici 6,3 faiz təşkil etdiyi halda, 2018-2023-cü illərdə 4,8-6 faiz intervalında dəyişib.
Belə arqument səslənə bilər ki, əvvəlki ilin eyni dövrü ilə müqayisədə bu ilin yanvar-sentyabr aylarında idxalın ümumi həcmi də 2 milyard dollar artıb və rüsumların çoxalması bununla bağlı ola bilər. Amma məsələ bundadır ki, idxal yalnız dövlət sektoru hesabına artıb və özəl sektorun idxalı, demək olar, eyni səviyyədə (10 milyard dollardan bir qədər çox) qalıb.
Hökumət rəsmiləri özləri də bildirir ki, dövlət sektorunda idxalın artımı işğaldan azad edilmiş ərazilərdə aparılan tikinti-bərpa işləri ilə bağlıdır. Bu işlərlə bağlı malların idxalı gömrük vergi və rüsumlarından azaddır. Eyni zamanda, əgər gömrük yığımarı idxal hesabına genişlənmiş olsaydı, bu halda ƏDV üzrə daxilolmalar da artmalı idi.
İdxalatçıları peniya və cərimələrlə də boğurlar
İş adamlarının daha bir narazılığı onlara əsassız olaraq peniya və cərimələrin yazılmasıdır. Onların dediyinə görə, qanunverilcik gömrük bəyannamələrinin təqdim edilməsi qrafikinə uyğun olaraq gömrük ödənişlərini 15 iş günü ərzində etməyə icazə verir. Lakin son zamanlar gömrük orqanları bu müddəti gözləmədən mal gömrük ərazisinə daxil olan andan peniyaları hesablamağa başlayır. Peniyanın məbləği idxala görə ödənilməli olan vergi və rüsumların məbləğindən hər gün üçün 0,1 faiz ödənilir.
Toplum Media
Azərbaycanda binalar inşa edən “Kristal Bakı” ASC gömrük qaydaları əleyhinə olan inzibati xətaya görə cərimələnib.
İqtisadiyyat.az-ın əldə etdiyi məlumata görə, Dövlət Gömrük Komitəsi tərəfindən şirkət barəsində İnzibati Xətalar Məcəlləsinin 485.2-ci maddəsinə əsasən cərimə protokolu tərtib edilib.
Daha sonra protokol baxılması üçün Qaradağ Rayon Məhkəməsinə göndərilib. Məhkəmədə barəsində protokol tətbiq edilmiş ASC ilə bağlı müraciətə baxılıb.
Hakim Teymur Qurbanovun sədrliyi ilə keçirilən prosesdə qərar elan olunub. Qərara əsasən, şirkətə inzibati tənbeh tətbiq edilib, yəni cərimə kəsilib. Amma cərimənin miqdarı açıqlanmayıb.
Xatırladaq ki, “Kristal Bakı”nın əsas fəaliyyəti yaşayış binalarının tikintisi və satışından ibarətdir. Şirkət 2020-ci ildə dövlət qeydiyyatdan keçib, hazırda qanuni təmsilçisi Dostumaliyev İbrahim Cəfər oğludur. Bununla yanaşı, şirkətin Milli Məclisin deputatı Ağalar Vəliyevin ailəsinə məxsus olduğu barədə mətbuatda iddialar yer alıb. Məlumatlara görə, şirkətin əsas səhmdarı A.Vəliyevin oğlu Pərviz Vəliyevdir. O, şirkətin nizamnamə kapitalının 50 faizinə sahibdir.
2020-ci ildə təsis edilmiş şirkət 2021-ci ildə 2.38 mln. manat, 2022-ci ildə 11.97 mln. manat, 2023-cü ildə isə 15.45 mln. manat zərər edib.
P.Vəliyev eyni zamanda bu ilin əvvəlindən “Crystal Group of Companies”in Müşahidə Şurasına da sədrlik edir. 42 yaşlı biznesmen uzun müddət Maliyyə Nazirliyi strukturlarında və Hesablama Palatasında müxtəlif məsul vəzifələrdə çalışıb. 2015-ci ildə “PZ” Şirkətlər Qrupu MMC-nin prezidenti vəzifəsini daşıyıb, 2018-ci ildə isə “Azəraqrartikinti” ASC-nin sədr müavini təyin edilib. “Azəraqrartikinti”nin Müşahidə Şurasının sədri isə Ağalar Vəliyev özüdür.
Xəbər verdiyimiz kimi, Elm və Təhsil Nazirliyi tərəfindən elan olunan "Özəl məktəbəqədər təhsil müəssisələri üçün qrant müsabiqəsi"nin birinci mərhələsində ümumilikdə 26 bağça müsabiqənin qalibi olub.
Qaynarinfo-nun məlumatına görə, qrant müsabiqəsində ümumilikdə 50-dən çox bağça iştirak edib və 26 bağça müsabiqənin birinci mərhələsində qalib elan edilib.
Bəs bu bağçalar harda fəaliyyət göstərir və rəhbərləri kimdir:
"Balaca Alim" Uşaq Bağçasının qanuni təmsilçisi Nayma Mustafa qızı Qəhrəmanovadır. Elm və Təhsil Nazirliyində Riyaziyyat dərsliklərinin hazırlayan müəlliflərdən biridir. Bağça Yasamal rayonu, B.Bağırova küçəsi 592 ünvanında fəaliyyət göstərir.
"Fidan" Körpәlәr Evi-Uşaq Bağçasının qanuni təmsilçisi Əzizova Sevinc Tiflis qızıdır. Binəqədi rayonu, Mir Cəlal küç 17c ünvanında fəaliyyət göstərir.
"Nur-Ay" Körpələr Evinə psixoloq Zeynəb Əyyubova rəhbərlik edir. Ötən il sözügedən bağçada Rüfət Nasosnu adlı məşur meyxanaçı uşaqların qarşısında çıxışı ilə gündəmə gəlmişdi. Binəqədi rayonu, 6-cı mkr, H.Babaşov küç, 1 girişli yaşayış binasının 2-ci mərtəbəsində fəaliyyət göstərir.
"Tumurcuq" Körpələr Evi-Uşaq Bağçasının qanuni təmsilçisi Əliyeva Xəzəngül Tarverdi qızıdır. Nazirliyin qrant müsabiqəsində iki yer qazanıb. Onlardan biri Yasamal rayonu, Ə.Haqverdiyev küç, 574-cü məhəllə, bina 7, digəri Nərimanov rayonu, akademik H.Əliyev küç, ev 59, mənzil 16 ünvanında fəaliyyət göstərir.
"Baby Land" Körpələr Evi-Uşaq Bağçasının direktoru Elza Heydərovadır. Nazirliyin qrant müsabiqəsində iki yer qazanıb. Onlardan biri Səbail rayonu, A.Abbaszadə küç 17, digəri Qaradağ rayonu, Lökbatan yolu 24, Bina 24D, blok D, 1-ci mərtəbədə fəaliyyət göstərir.
"Balaca Dahi" Körpələr Evi-Uşaq Bağçasının qanuni təmsilçisi Adıgözəlova Günel Babaverdi qızıdır. Yasamal rayonu, Nərimanov prospekti, ev 127 A ünvanında fəaliyyət göstərir.
Azərbaycanın Milli Qəhrəmanı Mübariz İbrahimov adına fəaliyyət göstərən bağça Biləsuvar rayonunda fəaliyyət göstərir.
Xalidə Rzayeva
"Bir İnci" Körpələr Evi-Uşaq bağçasının qanuni təmsilçisi Rzayeva Xalidə Bəşir qızıdır. Sabunçu rayonu, Maştağa ŞTQ, Xanlar ünvanında fəaliyyət göstərir.
"Peter Pan" Körpələr Evi-Uşaq Bağçasının da qanunu təmsilçisi Rzayeva Xalidə Bəşir qızıdır. Nərimanov rayonu, Qafur Rəşad küç, ev 16 ünvanında fəaliyyət göstərir.
"Gənclik" Körpələr Evi-Uşaq Bağçasının Nərimanov rayonu, Koroğlu Rəhimov ev 92 ünvanında fəaliyyət göstərir. Amma bağça və rəhbərliyi haqqında heç bir məlumat yoxdur.
"Kainat" Körpələr Evi-Uşaq Bağçası Səbail rayonu, Badamdar qəsəbəsi, 2-ci yaşayış massivi, 2-ci döngə, ev 104/105 ünvanında fəaliyyət göstərir. Hazırda bağça "Yeni Kainat" adı ilə fəaliyyət göstərir. Rəhbərliyi barədə məlumat yoxdur.
Samirə Dünyamalıyeva
"İndigo" Körpələr Evi-Uşaq bağçasının rəhbəri Samirə Muxtar qızı Dünyamalıyevadır. Nazirliyin qrant müsabiqəsində bu adla iki yer (Nizami rayonu, Şirin Mirzəyev küç 56A və Xətai rayonu və general Əliağa Şixlinski küçəsi 55 ünvanları) qazanıb, direktorun adına olan digər bağça da müsabiqənin qalibi olub. S.Dünyamalıyeva həm də "Bağçam" şəbəkəsinin qurucusu və baş direktoru kimi də fəaliyyət göstərir.
Samirə Dünyamalıyevanın qanuni təmsilçisi olduğu "Körpə Ulduz" Uşaq Bağçası da müsabiqənin qalibi olub. Bağça Nizami rayonu, R.Rüstəmov küçəsi 44D ünvanında fəaliyyət göstərir.
"Kinder İsland" Körpələr Evi-Uşaq Bağçası Sabunçu rayonu, Bakıxanov ŞTQ, Ticayət Qəmbərov ev 16, mənzil 1 ünvanında fəaliyyət göstərir. Rəhbərliyi barədə məlumat yoxdur.
"Nağıl S" Uşaq Bağçası Binəqədi rayonu, Biləcəri qəsəbəsi, R.İsmayılov küçəsi, ev 11 D, giriş C, 2-ci mərtəbəsində fəaliyyət göstərir. Rəhbərliyi barədə məlumat yoxdur.
"Story Time" Uşaq Bağçasının qanuni təmsilçisi Məmmədzadə Sahibə Adil qızıdır. Xətai rayonu, M.Hadı küç 92 B, mərtəbə 1, qapı 1 ünvanında fəaliyyət göstərir.
"Yuvam" Körpələr Evi-Uşaq Bağçasının qanuni təmsilçisi Nəbiyeva Ədalət Ənvər qızıdır. Xırdalan şəhəri, H.Əliyev prospekti, 30-cu məhəllə, bina 4 ünvanında fəaliyyət göstərir.
"Barama" Körpələr Evi-Uşaq Bağçası 16.07.2024-cü il tarixində dövlət qeydiyyatından keçib. Nazirliyin qrant müsabiqəsində 4 yer qazanıb: Yasamal rayonu, Həsən bəy Zərdabi prospekti, 3166-cı məhəllə, ev 92a; Nizami rayonu, Bəkir Çobanzadə küçəsi 1; Şirvan şəhəri, Tofiq İsmayılov küçəsi, 4; Nəsimi rayonu, Hüseynbala Əliyev küçəsi 113A. Hər 4 bağçanın qanuni təmsilçisi Ocaqquliyeva Lalə Baloğlan qızıdır. Bağçalar "Landau School"un tərkibində fəaliyyət göstərir.
"Zəfər" liseyi Təhsil Kompleksi Abşeron rayonu Masazır kəndi, V.Quliyev küçəsi, "Yeni Bakı" yaşayış kompleksində fəaliyyət göstərir. "Landau Education Group"un yeni layihəsi olan "Zəfər" liseyinin direktoru Tural Abasquliyev olduğu deyilir. "Zəfər" liseyinin 2 korpusu mövcuddur: "Zabrat” (Zabrat-Pirşağı yolu, "Xəzər Bağları” Yaşayış Kompleksi) və "Xırdalan” (Xırdalan şəhəri, "Absheron City” Yaşayış Kompleksi). Amma bir bağça üzrə qalib olub.
"Barama" Körpələr Evi-Uşaq Bağçası və "Zəfər" liseyi Təhsil Kompleksinin adları fərqli olsa da, eyni şirkətə tabeçiliyində fəaliyyət göstərirlər.
Qeyd edək ki, 1 noyabr tarixinə kimi Azərbaycan dili üzürə sözügedən bağçalarda valideynlər uşaqlarını qeydiyyatdan keçirəcəklər.
Qrant müsabiqəsinin məqsədi 2024-2025-ci tədris ilində dövlət məktəbəqədər təhsil müəssisələrinə qəbul oluna bilməyən uşaqları özəl məktəbəqədər təhsil müəssisələrində (bundan sonra: iştirakçı) boş qalan yerlərə cəlb etmək və təhsil haqqının bir hissəsini qrant vasitəsilə maliyyələşdirməkdir. Qrant müsabiqəsinin büdcəsi 3 750 000 AZN təşkil edir. Layihəyə görə hər uşağa dövlət tərəfindən 250 mananat aylıq yardım ediləcək.
Amma qrant müsabiqəsində 50-dən çox bağça iştirak etdiyi halda 26 bağçanın hansı meyralarla seçilməsi də sual altındadır. Bununla belə, bir adamın adına olan bir neçə bağçanın müsabiqənin qalibi elan edilməsi də sual doğurur.
Digər bir məsələ aylıq ödənişlərlə bağlıdır. Məsələn, Masazır kəndi, V.Quliyev küçəsi, "Yeni Bakı" yaşayış kompleksində fəaliyyət göstərən "Zəfər" liseyi Təhsil Kompleksində Azərbaycan dili üzrə aylıq ödəniş 300 manat olduğu halda, nazirlik siyahıda 350 manat (250 manat nazirlik, 100 manat valideyn) göstərib. Digər adları çəkilən əksər bağçalarda da rus və Azərbaycan dili üzrə aylıq ödənişlər eynidir. Bu halda sual olunur ki, bağçada hazırda məcburi təhsil alan aztəminatlı uşaqlara da bu güzəştlər şamil olunacaqmı?
"26.10.2024 il tarixində Rövşən Rüstəmovun “Azərbaycan Dəmir Yolları” QSC-nin sədri vəzifəsinə təyin edilməsindən iki il keçmiş oldu. Bununla əlaqədar olaraq “Azərbaycan Dəmir Yolları” QSC və onun fəaliyyəti haqda danışmaq yerinə düşər". Bu barədə "DİA-AZ"a göndərilən məqalədə deyilir.
Məqalədə daha sonra bildirilir: "Bu dövlət müəssəsində rəhbər dəyişikliyini zəruri edən əsas səbəblərdən biri idarəetmənin düzgün təşkil edilməməsi, qurumun dövlət büdcəsi üçün ağır yükə çevrilməsi olmuşdu. Lakin Rüstəmovun gəlişi ilə yaxşılığa doğru dönüş olmadı, əksinə külli miqdarda vəsait ayrılmasına baxmayaraq, ADY nəinki beynəlxalq standartlara cavab vermir, hətta zərərlə işləyən dövlət müəssisəsinə çevrilib.
Buna gətirən başlıca səbəb kimi qeyri-peşəkar idarəetmə, səhv kadr və maliyyə siyasəti, öz şəxsi mənafelərinə xidmət etməni göstərmək olar. Rövşən Rüstəmov dəmir yolu sahəsinə yaddır, vəzifəyə gətirdiyi kadrlar da həmçinin bu sahədə qeyri-peşəkardırlar. ADY daxilində yürüdülən kadr siyasətində yaxınlıq, dostluq əlaqələri əsas götürülür. Rüstəmovun gəlişi ilə qurumda kütləvi ixtisarlara start verildi. İllərlə bu sahədə çalışmış, dərin təcrübəsi olan, ixtisaslı kadrların bir çoxu vəzifəsindən kənarlaşdırılaraq onların yerinə dəmiryolu sahəsindən anlayışı olmayan, təcrübəsiz kadrlar gətirilir. Bu səbədən qurumda xeyli miqdarda vakant iş yeri olmasına baxmayaraq, qurumun saytında az bir sayda vakansiyalar yerləşdirilir.
Tenderlər yaxın şirkətlərə verilir. Bir neçə ay öncə “Antiinhisar və İstehlak Bazarına Nəzarət Dövlət Xidməti tərəfindən “Azərbaycan Dəmir Yolları” QSC-yə antiinhisar qanunvericiliyinin tələblərini pozduğu üçün maliyyə sanksiyasıda tətbiq edilib. İki ildən çoxdur ki, dəmir yollarında əsaslı təmir, yenidənqurma işləri aparılır. Bu sahəyə dövlət büdcəsindən ayırmalarla yanaşı, xaricdən böyük məbləğlərdə borc da cəlb edilir. Lakin bu sahəyə yatırılan iri həcmli kapital qoyuluşları və investisiyalar öz bəhrəsini vermir. Azərbaycanda nəqliyyat sektorunun əsas sahələrindən biri olan Azərbaycan dəmir yolları inkişaf etmir. Nə keyfiyyətdə, nə surətdə, nə sərnişindaşımalarında irəliləyiş yoxdur. İstismar müddəti bitmiş infrastruktur obyektləri, qurğu və avadanlıqları dəyişilməli olduqları halda köhnələrinin üzərində kosmetik
prosedurlar aparılaraq yeniləri kimi təqdim olunur. Ayrılan vəsaitlərin hansı məqsədlərə istifadə edilməsi məlum deyil, qurumun fəaliyyətində şəffaflıq yoxdur. Azərbaycan Dəmir Yollarının əhaliyə göstərdiyi xidmət səviyyəsi çox aşağıdır. Vətəndaşlar artıq dəmir yollarından imtina etməyə başlayıb.
ADB Sumqayıt-Yalama dəmir yolunun bərpasına əlavə 130 milyon ABŞ dollarından çox vəsait ayırıb. Bir neçə ay öncə qatar qəzasının baş verdyi sahə elə həmin bu sahədir. ADY rəhbərliyi sahə rəhbərliyini və məsul şəxsləri cəzalandırmaq əvəzinə sahəyə əlavə kreditlər cəlb edilir. Bu da “Azərbaycan Dəmir Yolları” QSC- nin işini düzgün qura bilməməsindən irəli gəlir. Bir sözlə, Rövşən Rüstəmovun rəhbərliyi altında “Azərbaycan Dəmir Yolları” QSC dövlətə zərərdən başqa bir şey vermir..."
DAVAMI MÜTLƏQ OLACAQ...
İctimai sorğu: Əhali İTS və TƏBİB - in Səhiyyə nazirliyinin tabeçiliyinə verilməsini uyğun görür.
PREZİDENTƏ MÜRACİƏT
Yunan filosofu Artisfen yazır ki, yarıtmaza idarəçiliyi həvalə etmək, dəliyə qılınc verməkdən təhlükəlidir. Çünki yarıtmaz adam bütün sistemi iflic edir, inkişafı baltalayır, öz ağlı və mənfəəti ilə hər şeyi ölçür. Biz də göründüyü kimi maşallah olsun ki, yarıtmaz idarəçilər sarıdan korluq çəkmirik. Onlardan müxtəlif qurumlarda, idarələrdə, ayrı-ayrı sahələrə aid strukturlarda kifayət qədər var. Çox uzağa getməyək, elə götürək 2022-ci ilin dekabrından tibb işçilərinin, həkimlərin, təcrübəli kadrların, professorların qəniminə çevrilmiş Respublika Klinik Xəstəxanasının direktoru, ortoped-travmatoloq Əlviz Qasımovu. Vaxtilə efirlərdən düşməyən, telekanallarda möhkəm reklamı gedən, bəh-bəhlə təriflənən, elə buna görə də xeyli məmur-oliqarxın sevimlisinə çevrilmiş ortoped-travmotoloq Əlviz Qasımov "Respublikanski"nin personalına elə bir "travma" yaşadır ki, gəl görəsən... Məhz həmin reklamın, sonra da daimi həkiminə çevrildiyi həmin ixtiyar sahiblərinin sayəsində karyera yüksəlişi yaşamış Əlviz Qasımov indi direktoru olduğu xəstəxanada işçilərin başında az qala "turp əkir". Cəmi iki ildən bir az zaman içində "Respublikanski"də "ad çıxarmış" Əlviz Qasımov çoxlarını dünyaya gəldiyinə, bu peşəni seçdiyinə peşman edib, necə deyərlər, anadan əmdiyi südü burnundan gətirib. Elə bil cənab Qasımov xüsusi missiya və yaxud qisas əməliyyatı məqsədi ilə bu tibb müəssisəsinə rəhbər göndərilib: Hippokrat sağ olsaydı, sözsüz ki Əlviz Qasımov onda da bir ,,çepe" tapa bilərdi...
RKX-na Əlviz Qasımovun direktor təyinatının qaranlıq izləri
Yuxarıda qeyd etdiyimiz kimi artıq iki ilə yaxındır ki, «Respublikanski» kimi tanınan Mirqasımov adına RKX-da rəhbərlik strukturlarına təyinatlar olub. Başda direktor Əlviz Qasımov olmaqla kütləvi şəkildə, xeyli sayda heyət üzvü ET Travmatologiya və Ortopediya İnstitutundan Mirqasımov adına RKX-na köçürülərək mühüm postlara yerləşdiriliblər. Hər kəs üçün maraqlı deyilmi ixtisasca Ortoped-travmatoloq olan Əlviz həkimin qəflətən 2022-ci ilin dekabrın sonu İnstitutdan böyük bir komanda ilə RKX-nə təyinat alsın? Bunun əslində səbəbi nə idi? Hər kəs yaxın tarixə nəzər salsa, hər şeyi çox asanlıqla başa düşmək olar . Bildiyimiz kimi 2023-cü il yanvar ayından bir çox institutlar kimi Tramatologiya instutunun da TƏBİB-dən alınaraq Səhiyyə Nazirliyinin tabeçiliyinə keçməsi haqqında qərar verilmişdir. Belə olduğu halda daima Əlviz həkimin idarıetməsinin problemli olduğunu haqlı olaraq iddia edən hazırda Səhiyyə nazirinin müavini İlqar Qasımovla işlərinin çəpləşməsi qaçılmaz olacaqdır. Odur ki, «asta qaçan namərddir» prinsipi ilə Əlviz həkim «başının dəstəsi» ilə ,,yuxardakı" adamlarının dəstəyi ilə RKX-na transfer edilir. Bütün bunlardan sonra RKX-nın qara günləri başlanır. Başlanır nə başlanır.
Hal hazırda Əlviz Qasımov Mərkəzi Kilinikadan və Tramatologiya inistutundan gətrdiyi heyyətlə xəstəxananı rüsvayedici şəkildə idarə edir. Vüqar Qurbanova sual edirik?- RKX sı dostlar, tanışlar , sevgililər xəstəvanasıdır?( bu kadların hər biri haqqında məlumat verəcəyik) Necə olur ki, Əlviz Qasımov tərəfindən yaxın dostu Murat Ünlü Mərkəzi kilinikadan müavin kimi Tramatologiya inistutuna , ordan da Mirqasımov adına RKX gətirilir. Sonra da məlum olur ki Murat bəyin diplomu Azərbaycanda təsdiq edilməyib. Onun istər Tramatologiya inistutunda , istərsə də Mirqasımov adına RKX da fəaliyyəti qanunsuz olub. Bu iki il müddətindı qanunsuz fəaliyyətə görə kim məsuliyyət daşıyır? Əgır nəzərə alsaq ki bu iki il müddətində hər ay Murat bəy ən azından beş min manat aylıq məvacib alıb, bu ciddi maliyyə pozuntusudur.
"TRAMALI" İDARƏÇİLİK
Problemləri, dərdləri respublikanın hüdudlarını aşan, bir qrup karyerist, işbaz adamın əlində əsir-yesir qalan, ölkə qanunlarının işləmədiyi, hər şeyin pulla ölçüldüyü, az qala kriminal aləmə çevrilən, bu xəstəxananın mövcud vəziyyəti sadəcə faciəvidir. İllərdir ki, islahatlar aparıldığı deyilən Azərbaycan səhiyyəsinin bu xəstəxanadan xəbəri yoxdur. Ümumiyyətlə deyəsən bu sahəyə cavabdeh olanlar, məsuliyyət daşıyanlar "Respublikanski”ni ya tamamilə gözdən çıxarıblar, ya da başda Əlviz Qasımov olmaqla bir qrupun şəxsi maraqlarına qurban veriblər.
Xəstəxanada Azərbaycan səhiyyəsi adına tam bir rəzalət yaşanır, tibbi sığorta haqqında qanun ayaqlar altına atılır, nəinki xəstələrin, hətta tibbi personalın belə hüquqları tapdalanır. Elə bir vəziyyət yaranıb ki, TƏBİB belə burada hökm sürən anarxiyaya, hərc-mərcliyə müdaxilə etmək iqtidarında deyil. Bütün el yığılsa belə Əlviz Qasımovun yaratdığı xanədanlığa söz demək iqtidarında deyil !
Bu gün RKX-da yalnız Əlviz Qasımovun yazılmamış qanunları işləyir. Bu qanunlar isə Azərbaycan dövlətinin imicinin tapdalanmasına, cənab Prezidentin, Mehriban xanımın səhiyyəyə göstərdiyi yüksək diqqət və qayğıya zərbə vurmağa, gözdən salmağa hesablanıb. İş o yerə çatıb ki, peşəkar kadrların böyük bir qurupu yarıtmaz idarəçilikdən bezib baş götürüb qaçdılar, yəni başqa xəstəxanalara üz tutdular. Qalan həkimlər isə ,,partizan "kimi direktorun gözündən yayınaraq , çox sıxıcı fəaliyyət göstərirlər. Maraqlısı budur ki bu barədə dəfələrlə cənab prezident İlham Əliyevə və xanımı birinci Vitse prezident Mehriban xanım Əliyevaya müraciət edilsə belə işin icrası aidiyyatı qurumlar tərəfindən həll edilmir. Eyni zamanda bu barədə əvvəlki baş həmkar Səttar Mehbalıyevə həkimlər və tibb personalı tərəfindən rəsmi müraciətlər ünvanlanmışdır. Həkimlər Əlviz Qasımovun xəstəxanada saxta yolla seçdirdiyi heç kəsin normal tanımadığı, direktorun adamı kimi yalnız onun xidmətində duran xəstəxananı biznes maraqlarına çevirən cərrahın birindən , pozulmuş hüquqlarının müdafiəsini necə tələb edə bilərlər. Hər kəs respublikanın yeni baş həmkarı Sahib Məmmədovun vicdanlı adam olduğunu bildirir. Sahib Məmmədovdan da şəxsən məsələni yenidən diqqətinə götürməsini həkimlərin uzaq Bilgəhə sürgün edilməsinin qarşısını alınmasında yardımçı olmasını çox xahiş edirlər.
Hal-hazırda əmirlərin bir qismi daimiləşsə də böyük bir kollektiv, yüz minlərlə insanın ümidlə üz tutduğu xəstəxana "müvəqqəti əmrlə” çalışan məsuliyyətsiz, şəxsi maraqlarını güdən şəxslərin əlində can verdi. Ə.Qasımovun "müvəqqəti əmrlə” idarəetməyə gətirdiyi naşı şəxslər (indi böyük qismi daimiləşib) elə bir anarxiya, korrupsioner sistem, rüşvət mexanizmi formalaşdırdılar ki, yüz TƏBİB gəlsə bu dərdin dərmanını tapa bilməz. RKX-da baş verənləri bütün çılpaqlığı ilə görmək üçün xəstəxananın həyətində beşcə dəqiqə var-gəl etmək kifayətdir. Elin gözü tərəzi olduğu üçün bu tərəzidə Əlviz Qasımovun hansı çəkidə olduğunu görəcəksiniz. Xəstəxanada icbari tibbi sığorta demək olar ki, işləmir, pul verməyən xəstələrə xidmət göstərilmir, ya da başdan edilir. Azərbaycan dövlətinin, cənab Prezidentin ən böyük islahat proqramı burada sabotaj olunur. Və qəribəsi də odur ki, bu sahəyə cavabdeh olanlar baş rejissoru Əlviz Qasımov olan bu tamaşaya seyriçilik edirlər.
Əlviz Qasımov xəstəxanada həyata keçirilən təmir işlərini də öz şəxsi maraqlarına tabe etməyi bacarıb. Təmir işlərini bəhanə edərək böyük bir kollektivi, on minlərlə xəstəni paytaxtdan uzaq Bilgəhə "sürgün” etməyi planlaşdırır. Hamını hər şeyin yaxşı olacağına inandırmağa çalışsa da bu həm tibb personalın, həm də xəstələr üçün çətinliklər yaradacağını hər kəs bilir. Hər şeyin doğrusu, şəhərdə münasib bir binanın ayrılması daha məqsədəuyğun olardı. Eyni zamanda Əlviz Qasımov bütün işçi kollektivinin qarşısında gediş-gəliş avtoservis təminatının olacağını söz versə də hər kəs bunun da mümkünsüz olacağını bildirir. İTS və TƏBİB in iş mexanizimində çox ciddi korrupsiya , maliyyə pozuntularının olması şühbəsizdir. Beləki RKX Terapiya şöbələri beş aydan çoxdur ki xəstə yatışı qəbul etmir. Təmir adı altında beş aydan çox xəstə yatışını saxlamağın adı nədir? Nə baş verir ki həyat , yaşamağ uğurunda mübarizə aparan xəstələr kimlərinsə bizneslərinin qurbanı olurlar.
Xülasə, Əlviz Qasımov Nuh deyir, peyğəmbər demir. Bu yolla arzuolunmaz şəxslərdən asanlıqla yaxa qurtaracağını düşünərək "Bilgəhə sürgün” siyasətindən əl çəkmək istəmir. Zatən bu xəbər çıxandan Terapiya sahəsində çalışanların bir qismi işdən çıxmış , böyük bir qisimi isə özlərinə uyğun yerlərdə iş axtarır. İşin dəhşətli tərəfi odur ki, Əlviz Qasımov özünə yaxın şəxsləri xəstəxananın əsas korpusunda saxlayır, "getmə gözümdən, gedərəm özümdən” prinsipi ilə himayə edir, digərlərini isə Bilgəhə ,,sürgünə" göndərir. Həkimlər bildirir ki, əslində bu "sürgün” onların xəstəxanadan mədəni amputasiyasıdır. Gəldiyindən bəri müxtəlif bəhanələrlə təxminən iki minlik kollektivdən 500-dən çox əməkdaşı işdən çıxaran Əlviz Qasımov Bilgəhdə arzuedilməzlər kateqoriyasına aid etdiyi həkimlərdən də can qurtarmağı planlaşdırır. Özünü guya dürüst, təmiz adam kimi göstərən Əlviz Qasımov əslində böyük korrupsiya mexanizminin açarıdır.
İşdi şayətdi məcbur olub tibbi sığorta şərtləri ilə xəstəxanada müalicə edilməli xəstə olarsa onun işi Allaha qalır. Çünki belə sərfəsiz xəstələrə gözün götürüb baxan olmur, 5 gündən də sonra vəziyyətindən asılı olmayaraq xəstəxanadan çıxarırlar. Hər şeydən dəhşətlisi odur ki, Əlviz Qasımovun göstərişinə əsasən həkimlər yalnız onların təminat üzrə əmr etdikləri diaqnozları təyin edə bilər. Bu dünyada səhiyyə sistemində görülməmiş dəhşətdir. Xəstələrin taleyindən çox birmənalı şəkildə tibbi icbari sığortanın maraqları önəmə gətirilir.
Xəstəxananın liftindən tutmuş reanimasiya otağına qədər hər yerdə rüşvət, qeyri-qanuni pullu xidmət növü baş alıb gedir. Yəni: liftə minmək, ayaqyoluna getmək, xəstəni qəbul şöbəsinə çatdırmaq, Kompüter Tomoqrafiya müayinəsindən keçmək,bütün cərrahi əməlyatlar, analiz vermək, hətta az qala salam vermək belə pullu xidmət hesab edilir.
Bundan başqa, ultrasəs müayinəsinin aparıldığı kabinetdə də konkret tariflər müəyyənləşdirilib. Məsələn, zobdan müayinə olunmaq istəyirsənsə15-20 manat ödəməlisən. Qadınlarda daxili orqanların kompleks müayinəsi isə 150 manata başa gələcək. Bundan başqa burada qanın ümumi analizi 20, qanda qlükozanın müəyyən olunması 10, sidiyin ümumi analizi 10, böyrək analizləri 40, adi həkim müayinəsi 30, ginekoloji yoxlanma 60 manata başa gəlir. Döş qəfəsinin rentgeni üçün 20-30 manat ödəmək lazım gəlir. Daxili orqanların ümumi müayinəsi isə 165 manatdır. Cərrahiyyə şöbəsində Eldar həkimin etdiyi əməlyyatların qiymətləri qandondurucudur. Bu rəqəmlər isə min manattdan başlayır. Beləcə dövlətin vətəndaşlara vəd etdiyi icbari tibbi sığorta Respublika Klinik Xəstəxanasında bazar predmetinə çevrilib. İTS-nin rəhbəri Zaur Əliyev isə bunları görməzdən gəlir.
Özəl müəssisələrlə anlaşan direktorun şəxsən razılığı olmadan özəl kilinikalara müayinə üçün xəstələrə heç bir göndəriş verilmir. Daha doğrusu göndərişlər yalnız direktorun ,,anlaşdığı'' özəl kilinikalara verilir. Xəstələrin istəyi nəzərə alınmır .Bir çox dərman firmaları isə Əlviz Qasımovun ,, xeyir duası" ilə xəstəxanada keyfiyyətsiz dərmanlarının alverini edir.
Direktorun 400-dən çox işə götürdükləri işçilərin də böyük qisiminin ,, anlaşma'' və ,, razılaşma" yolu ilə olduğu şühbəsizdir.
Araşdırma aparılarsa, son vaxtlar xəstəxanada ölüm hallarının artması, yanğınların baş verməsi , karrupsiyanın baş alıb getməsi idarəçiliyin yox səviyyəsini göstərir.
Bahalı və yüngül həyat tərzi yaşayan Əlviz Qasımovun Port-Bakuda dəyəri yüz minlərlə ölçülən ev aldığı (elə orda da nüfuz sahibi olan şəxslə qonşu olması ), rəhbərlik etdiyi xəstəxanaya şəxsi bahalı Porşe avtomobili ilə gəlib-getdiyi bildirilir. (Maraqlı burasıdır ki, rəhbərlik onun yüngül həyat tərzi sürdüyünü, daima ,, işdə məhəbbət macərası " yaşadığını bildiyi halda niyə susur? Bu barədə də məlumat verəcəyik) Xəstəxananın təmiri üçün dövlətin ayırdığı böyük məbləğdə pulun Əlviz Qasımovun iş kabinetinin təmirinə sərf edilmişdir. Hansı ki, bu gün xəstələrin rahatlığı üçün şöbələrdə təmirə daha çox ehtiyac var idi ki, sağ olsun dövlətimiz onu da öz üzərinə götürdü.
Nəhayət, suallar bitmir ki bitmir - Cənablar bəlkə siz cavab verəsiniz: axı niyə illərlə təcrübəsi olan həkimlər bu cür stresslər keçirməli, əziyyət çəkməli, işindən olmalı və ortopedik-travmotoloq Əlviz Qasımovun "travma" lı idarəçiliyinin qurbanı olmalıdırlar?
Əlqərəz, həkimlər başda cənab prezident olmaqla Azərbaycan respulikasının 1-ci Vitse-prezidenti Mehriban xanım Əliyevadan, Azərbaycan Respublikası Prezdentinin köməkçisi Anar Ələkbərovdan, Humanitar-siyasət, diaspor, multikulturalizm və dini məsələlər şöbəsinin müdiri Fərəh Əliyevadan,Azərbaycan Respublikasının baş purakroru Kamran Əliyevdən , Səhiyyə naziri Teymur Musayevdən ,Tibbi İcbari Sığortanın icraçı direktoru Zaur Əliyevdən, TƏBİB-in icraçı direktoru Vüqar Qurbanovdan, Azərbaycan Respublikası Milli Məclisinin Səhiyyə komitəsinin sədri Əhliman Əmiraslanovdan , Azərbaycan Milli Elmlər Akademiyasının akademiki, Azərbaycan Respublikası Səhiyyə Nazirliyi Milli Onkologiya Mərkəzinin Baş direktoru Cəmil Əliyevdən kömək istəyir.
Cənab prezident ,özünü yuxarı ali şəxslərin himayəsində hiss edən Əlviz Qasımovun özbaşnalıqlarına, qanunsuzluqlarına Zaur Əliyev və yaxud Vüqar Qurbanov göz yummaq məcburiyyətindıdir. Siz Allahın yerdə bizim üçün ədalətisiniz. Koma vəziyyətinə düşən Respublika Klinik Xəstəxanasını ölümdən xilas etmək üçün klinik tədbirlər görülməlidir.
Bir daha qeyd etmək istərdik ki, bütün bu baş verən oyunbazlıqlar, hər biri cinayət əməli kimi qiymətləndirilməlidir. Yuxarıda qeyd edildiyi kimi, olan olaylar icbari tibbi sığortanın rəhbəri Zaur Əliyevin və TƏBİB-in icraçı direktoru Vüqar Qurbanovun gözləri qarşısında baş verir. Səhiyyə sistemində islahatların açarı hesab olunan, böyük ümidlər bəslənilən TƏBİB isə öz fəaliyyəti ilə tam bir fiaskoya uğradıb, göstərilən etimadı doğrultmayıb, səhiyyənin dərdlərinə TƏBİB olacağına yeni bir virusa çevrilərək bu sistemi daxildən məhv etməyə başlayıb. Artıq TƏBİB ona göstərilən etimadın oyuncağa çevrilən bir quruma çevrildiyini sübut edir. İctimai sorğu bu qurumun, eyni zamanda İTS ( icbari tibbi sığortanın) ya kökündən ləğv edilməsini, ya da Səhiyyə nazirliyinin tabeçiliyinə verilməsini məqsədə uyğun hesab edir.
TƏBİB -in "KÖSTƏBƏYİ” yoxsa "ingilis şipyonu”?
TƏBİB demişkən, bu qurumun ictimaiyyətlə əlaqələr şöbəsinin müdiri Zamirə adlı xanımın adını çəkməmək insafsızlıq olardı. Çünki bir qurumun fəaliyyətinin aynası hesab edilən sahəyə rəhbərlik edən şəxsin fəaliyyəti çox önəmlidir. Zamirə Ədilova isə TƏBİB-in ictimaiyyətlə əlaqələr şöbəsindən daha çox İngiltərə ilə əlaqələr şöbəsinin rəhbərinə bənzəyir. Tez-tez uzaq yaşıl adaya səfərlər edən Zamirə Ədilova elə ictimaiyyətlə əlaqələri də ordan saxlayır. TƏBİB rəhbərliyinə xüsusi yaxınlığı ilə tanınan Zamirə Ədilova təkcə ictimaiyyətlə əlaqələrlə kifayətlənmir, yuxarı rəhbərliyə yaxınlığından sui-istifadə edərək ( bu xüsusi yaxınlıq barədə ətraflı məlumat verəcəyik) kadr yerləşdirilməsində , mühüm söz sahibi kimi tanınır.Yəni onun ,,maraqları" çərçivəsində TƏBİB in nəzdində olan yüksək postlara kadırlar yerləşdirilir. Öz həqiqi vəzifəsini unudan Zamirə Ədilova islahatlar adı altında özünə yaxın adamları ,, razılaşma" yolu ilə mühüm postlara yerləşdirir. Amma, bu əlaqələrin nə nazirliyə, nə TƏBİB - ə nə də dövlətimizə heç bir faydası və xeyri yoxdur.
Bütün bunlar isə TƏBİB-in hansı metodlarla idarə olunduğunun göstəricisidir. Vüqar Qurbanov, sizə marağlı gəlmir ki yutub səhifələrində axtarışa vurarkən sizin, müavinlərinizin, digər departament rəhbərləriniz haqqında xoş olmayan məlumatlar çıxır? Əsaslı və ya əsassız. Fərq etməz ...
Sual olunur bu mənfi fikir formalaşdıran paylaşımlar arasında Zamirə Ədilovanın adı niyə yoxdur? Prezidentin köməkçisi Hikmət Hacıyev haqlı olaraq eyni zamanda TƏBİB -lə bağlı gedən yazıların sosial şəbəkələrdən silinməsi ilə əlaqədar tənqidi münasibət bildirmişdir. Silinən yazıların əksəriyyətində isə Zamirə Ədilovanın adının hallanması silinmənin əsas səbəblərindən biri hesab edilir
Xatırlayırsınızsa, az öncə öz guya peşəsinin nə olduğunu başa düşməyən Zamirə Ədilova Vüqar Qurbanovun qız övladının toy şənliyini paylaşmışdı. Onun paylaşımından sonra bu mövzu KİV-lərdə müzakirə mövzusuna çevirildi.
TƏBİB-in İcraçı direktoru Vüqar Qurbanov qızına qiyməti yarım milyon manata başa gələn dəbdəbəli toy etməsi sosial şəbəkələr və medianın gündəminə çevirildi
Toyda ölkənin tanınmış müğənniləri də iştirak etməsi , Röyanın 3-4 mahnıya görə 25 min manat, Aygün Kazımovanın ifa etdiyi 3-4 mahnıya görə Vüqar Qurbanovun 30 min manatından keçməli olması , ümumilikdə isə təkcə ölkə şou-biznes nümayəndələrinə 100 min manata yaxın pul xərclənməsi gündəm olmuşdu.
Məclis Bakının ən dəbdəbəli restoranlarından olan "Böyük Saray"da başlasa da, toya hazılıq və fotosessiya "The Ritz-Carlton Baku” otelində baş tutması, toya qədər bəy və gəlinin hədiyyə və aksesuarları da böyük diqqət çəkmişdi.
Sosial şəbıkələrdə gedən məlumata görə, bəy toya taxdığı qol saatı İsveçrənın məşhur brendi "Longiness"dən olması da xüsusu vurğulanmışdı. Bəyin qolundakı "Longiness" brendinin "Elegant Collection" modelinin qiyməti 105.050 TL-dir (təxminən: 8 min manat).Bəs bütün bunların məsuliyyıtini kimin adına yazaq? Sizcə bütün bunlar sadəlikdən, təcrübəsizlikdən irəli gəlirmi?Sizcə TƏBİB də öz yaxınlarından, dost-tanışlarından ibarət şəbəkə formalaşdıran birisi təcrübəsiz ola bilərmi? Yaxud oturduğu budağı baltalayaraq daha böyük vəzifəyə getmək üçün müxtəlif planlar cızan birisi bu qədər avamca davranarmı? Həmişə özünü Vüqar Qurbanova ən yaxın birisi kimi təqdim edən, demək olar ki min bir hoqqadan çıxan ,amma ilk fürsətdə zərər vermək üçün sabotaj edən şəxs plansız hərəkət edərmi?
Yəqin ki, sualları cavablandırdıqca vəziyyət sizlərə də aydın olur. TƏBİB-in danışmanı danışmasa daha yaxşı olar. Çünkü Vüqar Qurbanova ən böyük zərbəni elə onun öz sözçüsü vurur. Yəqin ki,səlahiyyət sahibləri bütün sadaladıqlarımıza diqqət yetirsələr görərlər ki, Azərbaycan da TƏBİB elə onun öz rəhbərləri tərəfindən uçuruma sürüklənir. Ataların gözəl bir sözü var-"evin sirrini uşaqdan soruş..." Zamirə Ədilova ” TƏBİB-in "xəbərçi uşağı” kimi Vüqar Qurbanov şəxsən sizin, eləcə də digər yüksək vəzifəli məmurlar barəsində, həmçinin paytaxt xəstəxanaları ,onların direktorları , baş həkimləri haqqında kompromat tipli məlumatları mediaya sızdırmaq sahəsində "əvəzsiz mütəxəssisdir.” Verdiyi məlumatların ciddiliyini nəzərə alaraq ciddi bir dövlət qurumunun media sahəsinə rəhbərlik edən şəxsin repartyor xidmətindən təbii ki, heç bir KİV imtina etməz. Amma, bunun Azərbaycan TƏBİB-nə, onun rəhbərinə zərrə qədər də xeyir gətirmədiyinin də fərqindəyik. Məhz bu səbəbdən Vüqar Qurbanov sizə müraciət edərək TƏBİB- in "köstəbək problemi”ni həll etməyə çağırırıq. Bu hər kəsdən əvvəl elə sizin özünüz üçün vacibdir!
Tezliklə müdaxilə olunmazsa, səhiyyəmiz cəzasızlıqdan özünü toxunulmaz hesab edən bir qrupun əlində tələf olacaq. Heç olmasa görəsən bizim mənsəb sahiblərimiz "Fatihə” surəsini düz-əməlli bilirlər? Səhiyyəmizi urvatsız öldürsələr də, heç olmasa urvatsız dəfn eləməsinlər!
Elviz Qasımovun "Həsən ağası" kimdir? - "Respublikanski"da gülməli "Həmişə ayaqüstə" layihəsi və dəhşətli korrupsiya sərgüzəştləri
Azərbaycan səhiyyəsində Musiqili Komediya Teatrında səhnəyə qoyulan tamaşalar nümayiş etdirilir. Məsələn, bu günlərdə "kliniki ölüm" keçirən Mirqasımov adına Respublika Klinik Xəstəxanası adamda gülüş doğuran şüarla layihə həyata keçirib. Sizcə, layihənin adı nə olsa yaxşıdır? - "Həmişə ayaqüstə". Bu layihənin adını görəndə yox, harada keçirildiyini xəbər tutanda adamı lap gülmək tutur, qəşşş eləyib getmək olar. Axı "Respublikanski" hara, həmişə ayaqüstə olmaq hara? Heç olmasa, layihəyə ad qoyanda, ən azı bunu hansı xəstəxananın həkimlərinin icra edəcəyini fikirləşmək lazım idi. Çünki baş direktor Elviz Qasımovun rəhbərliyi altında "Respublikanski" də ayaqüstə olmaq müşkül məsələdir, həmişə ayaqüstə olmaq isə mümkün deyil. Elə çox uzağa getməyək, ötən həftələrdə xəstəxanada Qarabağ qazisinin həyat yoldaşı Sara İsayevaya olan səhlənkarlıq və vurulan iynə ucbatından həyatını itirdi. Bunun ardınca eyni həftədə "Həmişə ayaqüstə" layihəsi çərçivəsində "Respublikanski"nin həkimlərinin xəstələri müayinə etməsi istehza doğurmaya bilməz.
Elviz Qasımov və həkim Günel Qəhrəmanova Sara İsayevanın ölümü ilə bağlı mütləq açıqlama vermək əvəzinə, "Həmişə ayaqüstə" adı ilə piar aparır, guya "Respublikanski"də tibb xidməti yüksək səviyyədədir. Rəhmətlik Lütfəli Abdullayev sağ olsaydı, " Əhməd haradadır" filmində dediyi sözü dilə gətirərdi - kolxozçu da deputat kimi danışır... İndi xəstə öldürən, rüşvət alan həkimlər də "Həmişə ayaqüstə" layihəsində özlərini elə qələmə verirlər ki, onlardan pak, dürüst, təmiz işləyən, Hippokrat andına sadiq olan həkimlər yoxdur.
Ən biabırçı tərəfi budur ki, bu günlərdə Elviz Qasımov bir qrup həkimi təltif edib və bunu da sosial şəbəkədə, xəstəxananın rəsmi feysuk səhifəsində paylaşıblar. Görəsən, Elviz Qasımov onları hansı qəhrəmanlığına görə, mükafatlandırıb? Bəlkə Sara İsayeva və bu timsaldan olan yüzlərlə xəstələrin öldüyü üçün? Bəlkə rüşvətsiz müayinə olmadığı üçün? Bəlkə dializ şöbəsində tez-tez baş verən yanğınları məharətlə gizlətdiyi üçün ? Ola bilsin ki, biz görmürük, 500 nəfərin ixtisar deyil müxtəlif təzyiqlərlə qovulmasına görə Elviz Qasımov bayram edibmiş?Aidiatı rəhbərlik niyə Əlviz Qasımovdan soruşmur ki 500 dən çox ailənin günahı nədir? Direktorluq fəaliyyətinə başladığı Tramatologiya inistutunda da belə idi RKX da belədir. Bu şəxs insanları sıxmaqdan, əzməkdən həzz alır. Və nəhayyət şəxsi yananaşır, özünü ona etibar edilən vəzifəyə layiq olmadığı kimi aparır.
Bir sözlə, nə qədər ki Elviz Qasımov və onun rüşvət xəstəliyindən əziyyət çəkməyən kabus komandası bu xəstəxananı idarə edir, həmişə ayaqüstə olmaq nonsens görünəcək. Çünki son günlərAk. Mirqasımov adına Respublika Klinik Xəstəxanası barədə cari mətbuatda müxtəlif informasiyalar yayılmaqdadır və bu xəbərlərin ümumi məcmusu ondan ibarətdir ki, xəstəxanada neqativ hallar kütləvi şəkildə baş verir. Lakin Elviz Qasımov, onun heyəti və TƏBİB və onun heyyəti, ittihamlara, baş verən ölüm faktına və digər informasiyalara münasibət bildirmir. Görünür ki, Elviz Qasımov "Həsən ağanın qohumudur". Bizim sevimli "Papaq" filmini izləyənlər bilirlər ki, Həsən ağanın qohumu olmaq bu ölkədə nə deməkdir. Sanki Elviz Qasımov da yuxarı dairələrdə Həsən ağa ilə qohumdur, onu himayə edir deyə bu qədər ittihamlara reaksiya vermir. Halbuki ölkənin birinci şəxsi cənab prezident İlham Əliyevdir və Elviz Qasımovun təqdimatın təqdim edənlərə güvənib etimad göstərib, indi bu etibardan sui-istifadə yolverilməzdir. Ölkə başçısı vətəndaşa xidmət etməyi tapşırıb, cibinə girməyi, xəstə öldürməyi, təmir adı ilə pul silməyi tapşırmayıb. Onun səhiyyə siyasəti ilə "Respublikanski"nin idarə olunması uyğun gəlmir. Deməli, Elviz Qasımov öz peşəsində xəyanətə yol verməkdədir. Bununla həm xalqa zərər vurur, həm dövlətə, həm dövlətin imicinə, həm büdcəsinə... O baxımdan son hadisələrin araşdırılması zəruridir: işçilərin ixtisarı, ölün faktı, dializ şöbəsindəki yanğınlar, tenderlərin ləğvi səbəbi, təmirə ayrılan vəsaitlərin xərclənməsinə nəzarət əşhədü-ehtiyacdır. Nədən ki bu vəziyyət davam etməklə, böyük faciəvi şərait yarana, Elviz Qasımovun rəhbərliyi altında bir partlayış ola bilər. Ona görə baş direktorun Həsən ağası ola bilər, lakin bu ölkədə cənab prezidentdən yüksək vəzifəsi olan yoxdur. Odur ki, Elviz Qasımov fəaliyyətinə əl gəzdirməsə, ciddi problemlər meydana gələ bilər. Əslində, mətbuatda ardıcıl şəkildə tirajlanan həmin informasiyaları dəqiqləşdirməyə də hazırıq, buyursunlar cavab versinlər. Amma cəmiyyət də bu məsələləri sorğu-sual edir: birincisi, xəstəxanada əməliyyat olunmuş Sara İsayeva dünyasını dəyişib və həyat yoldaşı Orucəli Ağayev həkim Günel Qəhrəmanovanın və xəstəxanın məsuliyyət daşıdığını bildirir. Bu hadisə ilə bağlı niyə səs-səmir çıxmır?
İkincisi, KİV-lərdə gedən xəbərlərə görə, xəstəxanın dializ şöbəsində tez-tez yanğınlar olur. Bu məlumatlar nə dərəcədə doğrudur və belə hallar varsa, problem nədən qaynaqlanır?
Mətbuat yazır ki, xəstəxananın tibb personalından 500 nəfər ixtisar olunub. Buna zərurət yaradan səbəb hansılardır ? Təyin etdiyi bütün inzibati rəhbərlik hardan və hansı məqsədlə gətirib?
Eyni zamanda, mediada ən ciddi ittihamlardan biri aparılan təmir işləri zamanı ayrılan vəsaitlərin mənimsənilməsidir. İddialara görə, bu vəsaitlər şəffaf xərclənmir və prosesə baş direktor Elviz Qasımov nəzarət edir. Mətbuatın yaydığı məlumatlar nə dərəcədə realdır?
Xəbərlərdə o da deyilir ki, şöbələrə qoyulan dezinfeksiya aparatlarında bu məhlul olmur. Yaxşı, dezinfeksiya məhlulu niyə çatışmasın ki?!
Hətta oper blokda həkimlərin dezinfeksiya üçün xüsusi fırçası olmalıdır, lakin hər həkimdə olmadığı iddia edilir. Bu da xəstələrə infeksiya düşməsi riski yaradır. Allahın fırçası olmayan yerdə Elviz Qasımov həkimləri təltif edir, "Həmişə ayaqüstə" layihəsi həyata keçirir.
Bundan başqa, xəstəxanada ambulator xəstələrin qeydiyyatı aparılmayıb deyə arxiv yoxdur. Hər dəfə xəstə üçün yeni tarixçə açılır. Səbəb nədir?
O cümlədən allerqologiya şöbəsinin ləğv edilərək pulmonologiya şöbəsinə çevrilməsinə səbəb nədir?Allerqoloqlar ağciyər müayinəsini necə edə bilirlər?
Mətbuatın yaydığı məlumata görə, verilən bonuslar isə 50 faiz kəsilir. Üstəlik, gecikmələrlə ödənilir.
O da bildirilir ki, digər problem gecə növbətçi həkimi ilə bağlıdır. Misal üçün xəstə uroloji problemlə müraciət edir, amma o saat növbətçi lor həkimidir. Bu problemi necə tənzimləmək olar? Yəni suallar çoxdur, qarşı tərəfdən isə nəinki cavablar yoxdur, "tükləri tərpənmir". Səbəbini özləri izah edə bilər...Və nəhayyət şəxsən ölkə səhiyyəsinin siyasətini idarə edən Mehriban xanım Əliyevadan məsələlərin nəzarətə götürülməsini müvafiq tapşırıqlar verilməsi xahiş edilir..
anaxeber