 |
|
|
8 mart- Beynəlxalq Qadınlar günü ilə bağlı Abşeron rayon Xırdalan şəhərində yerləşən 1 saylı tam orta məktəbdə müəllimlərin bir həftədir valideyn komitələrindən pul tələb etmələri barədə adının açıqlanmasını istəməyən valdeyin tərəfindən redaksiyamıza iddialı məlumat daxili olub.
Yenixeber.org: Həmçinin şagirdlərdən müəllimlərə hədiyyələr verilməsi barədə valideynlərə tapşırıq verilib.
Saytımıza göndərilən videoda iddia olunur ki, hədiyyə gətirən şagirdlər təhlükəsizlik kameralarına düşməsinlər deyə məktəbə arxa qapıdan buraxılırlar.(Azerbaycanreallığı)
Paytaxt.org bildirir ki, 8 mart bayramı münasibəti ilə bir çox valideynlər direktora və bəzi müəllimlərə hədiyyə olaraq 50 -100 azn pul verilməsi də daxil olan məlumatlar arasındadır.
Qarşı tərəfin mövqeyini dərc etməyə hazırıq
Gəncədə kanalizasiya problemi ilə üz-üzədir.
Yenixeber.org: Ölkənin ikinci böyük şəhəri illərdir tullantı sularından əziyyət çəkir.
Beləki, daxi olan məlumata görə, Gəncə Şəhərinin Kanalizasiya sistemlərinin təzələnməsinə 49 milyon 500 min dollar pul ayrılsa da vəsait yoxa çıxıb.
2022 ci ildə başlanılan iş 2025 ci ildə yekunlaşmalı idi. Gəncə şəhərinin kanalizasiya sistemlərinin təzələnməsinə görə, ayrılan vəsait ortada yoxdur.
Ayrılan vəsaitin itməsini ört – bastır etmək məqsədi ilə Gəncə bəzi mərkəzi küçələrində köhnə kanalizasiya sistemi dəyişdirilsə də mərkəzi küçələrin və digər yerlər əzilmiş, ddağılmış köhnə boruları hələ də dəyişdirilməmişdir. Əksər küçələrdə kanalizasiya daşqinları baş verir tez tez şəhəri qrunt suları basır. İdarənin rəisi Şöhrəddin Verdiyevin idarəçiliyi yerrli sakinləri boğaza yığıb. Deyilənlərə görə, Gəncə Şəhər İcra Hakimiyyətinin başçısı,
Dövlət Su Ehtiyatları Agentliyi və bir də işi görən şirkət pulun 80 faizini öz maraqlarına quruban edib. Ayrılan vəsaitin itən hissəsi Gəncə Su Kanalı İdarəsinin rəisi Şöhrəddin Verdiyev və Gəncə icra başçısının aralarında bölüşdüyü daxil olan məlumatda bildirilir.
Qurnt sularının ucbatında dağılan yollarda maşınla və ya piyada hərəkət etmək mümkün olmadığını deyən sakinlər , həm də şifahi şəkildə müvafiq qurumlara müraciət etdiklərini bildirsələr də də lakin aldıqları cavablar qaneedici olmayıb.
Gəncədə hazırda sadəcə kanalizasiya sistemlərində davam edən, hələ bitməmiş işlərin vəsaiti milyard manatdır. Bunu Azərbaycan Dövlət Su Ehtiyatları Agentliyinin sədri Zaur Mikayılov Milli Məclisdə keçirilən dinləmədə bildirmişdir. Onun sözlərinə görə, “Tək elə Gəncə üçün lazım olan maliyyə 550 milyon manatdan çoxdur” deyə açıqlama vermişdi. Bəs onda Gəncə şəhərinə ayrılan 49 milyon 500 min dollar itən vəsaitə cavabdeh şəxslər nədən hələ də cəzalandırılmayıb…!?
Mövzu diqqətimizdədir:
Gəncə Ofeliya
TEREF qarşı tərəfində mövqeyini dərc etməyə hazırdır!
TEREF
Son zamanlar Abeşron rayonunda qanunsuz tikililərin tikilməsi sürəkli şəkil alıb.
Artıq bununla bağlı davamlı olaraq məlumatlar yayılsa da, hər hansı tədbir görülmür.
Qeyd edək ki, Abşeron rayon İcra Hakimiyyətinin nəzarətindən kənar hər hansı qanunsuz tikili işlərinin aparılması mümkün deyil. Əksinə, hər şey icra başçısı Abidin Fərzəliyevin nəzarəti altındadır. Üstəlik, bu işlərə onun “qara kassası” kimi tanınan Nurlan adlı əməkdaşı nəzarət edir. Yəni, Abşeron rayonu ərazisində daşı-daş üstünə qoymaq istəyən Nurlanı görməli, razılaşmalı və işinə davam etməlidir.
Bildirək ki, Nurlan Abidin Fərzəliyevin hələ Nərimanov rayon İcra Hakimiyyəti başçısı olan zamanlarda onunla birlikdə işləyir. Elə Nərimanovda olarkən də eyni işlərlə məşğul olub. Yəni, rayon ərazisində qanunsuz obyektlərin inşasına nəzarət edib, “xeyir-dua” verib.
Analoji işləri Abşeronda da reallaşdıran Nurlanın başqa bir şakəri də var. Tribunainfo.az-ın əldə etdiyi məlumatda vurğulanır ki, sözügedən şəxs Nərimanovda olduğu kimi, Abşeronda da özünə milyonluq obyektlərin tikintisini reallaşdırır.
Məlum olduğu kimi, dünən ölkə mediasında Xırdalanda binanın altının qazılmasını əks etdirən görüntülər yayılmışdı. Hadisədən dərhal sonra Abşeron İcra Hakimiyyəti özünü sığortalamaq üçün dərhal açıqlama yaydı ki, bəs, Abşeronda qanunsuz obyektlərin söküntüsü həyata keçirir.
Hərçənd Abidin Fərzəliyevin Abşeronda həyata keçirdiyi dahiyanə “siyasəti” hər kəsə məlumdur. Məsələ belədir ki, icra başçısı bu açıqlaması ilə yalnız özünü aldada və ya ovundura bilər. Çünki onun rəhbər təyinatından sonra Abşeronda hansı qanunsuzluqların baş verdiyini hər kəs bilir. Rayonun zibilxanaya çevrilməsi, zibil qalıqlarının küçələri başına alması da zaman-zaman medianın müzakirəsi olub. Lakin indiyə qədər heç bir tutarlı tədbir görülməyib.
Abşeronda Nurlan Həsənov hegemonluğu
Bundan əlavə, Abşeronda bunca baş verən qanunsuzluqlar, xüsusən də qanunsuz obyektlərin inşa edilməsinə Dövlət Şəhərsalma və Arxitektura Komitəsi də göz yumur. Lakin bunun konkret olaraq nədən qaynaqlandığı hələlik bəlli deyil. Hərçənd Abidin Fərəzliyevin “qara qaşına, ala gözünə aşiq” də deyillər. Şübhəsiz ki, ortada hansısa anlaşma var. Və bu anlaşma maraqların təmin olunması fonunda reallaşır.
Bir sözlə, Abşeronun icra başçısı Abidin Fərzəliyevin bu əməllərinin üstü açıldıqca, təşvişi də artır. Ona görə ki, Türkiyədə baş verən zəlzələdən sonra Azərbaycan Prezidenti İlham Əliyevin göstərişinə əsasən, yaşayış yerlərinin qeyri-yaşayış sahəsinə çevrilməsi, belə bir təyinatlı istifadəsi və ya obyektə çevrilməsi qadağan olunub.
Faktiki olaraq Fərzəliyev Prezidentin bu göstərişinə qarşı gələrək, tapşırığı yerinə yetirmir. Və zaman-zaman bunun üstü açıldıqca, yuxarıdan aşağıya doğru təpkilərin də artacağının fərqindədir. Məhz bu problemdən sığortalanmaq üçün ara-sıra “şou” təşkil edərək, hansısa obyektin sökülməsini çəkərək, paylaşmaqla özünü qorumağa çalışır. Lakin hara qədər?
Qarşı tərəfi də dinləməyə və mövqeyini dərc etməyə hazırıq.
***
Xatırladaq ki, yazıda barəsində bəhs edilən Nurlan Həsənov Abşeron Rayon İcra Hakimiyyətinin Ərazi idarəetmə və yerli özünü idarəetmə orqanları ilə iş şöbəsinin baş məsləhətçisidir. Vaxtı ilə paytaxtın Nərimanov rayonunda Abdin Fərzəliyevin müavini olan bu şəxs haqqında Yenixeber.org-da da, yazılar dərc edilib. Redaksiyamıza ünvanlanmış vətəndaş müraciətlərini ictimailəşdirsək də, məlum nəticə olmur. ( Yazılardan birini bu linkdən oxuya bilərsiniz: https://yenixeber.org/arasdirma/171392-ab%C5%9Feron-rayon-i%CC%87cra-hakimiyy%C9%99tind%C9%99-nurlan-h%C9%99s%C9%99nov-m%C3%BC%C9%99mmas%C4%B1.html
Nurlan Həsənov Nərimanov rayonunu olduğu kimi, Abşeronuda "NURLANDIRMAQDADIR". Görünür Abdin müəllim, sevimli kadrını Abşerona boşuna transfer etməyib.(Yenixeber.org)
Müəllimləri təhqir edərək “hinduşkabaş” deyən 301 nömrəli tam orta məktəbin direktoru Sevda Sarıyevanın səs yazısı üzə çıxıb.
Globalinfo.az-ın əldə etdiyi səs yazısında direktorun müəllimlərdən pul yığdığı məlum olub.
Belə ki, o, müəllimlərə hər bir şagirddən 100 manat yığmağı tapşırıb. Səsdən aydın olur ki, pulu yığa bilməyən müəllimə töhmət verilib.
Sevda Sarıyevanın mövqeyini dərc etməyə hazırıq.
Səs yazısını təqdim edirik:
Zaira Akifqızı
Globalinfo.az
Memar Elçin Əliyev Yasamal rayonu ərazisində aparılmış tikintilərin yaratdığı təhlükə barədə əhəmiyyətli məlumat paylaşıb.
Tribunainfo.az xəbər verir ki, memar Yasamal rayonu Şəfayət Mehtiyev küçəsi boyunca həyətlərə girişin sonradan inşa edilmiş tikililər trəfindən tam bağlandığını bildirib. E.Əliyevin sözlərinə görə, bu böyük təhlükədən xəbər verir:
“Sadəcə, maraqlıdır ki, yanğınsöndürən maşını yanan binanın həyətinə girə bilməyəndə yanğın baş verərsə, şəxsən kim məsuliyyət daşıyacaq? Nəzərə alın ki, Şəfayət Mehtiyev küçəsinin uzun hissəsi boyunca həyətlərə tamamilə bütün girişlər tikililərlə bağlanıb.
Dövlət Şəhərsalma və Arxitektura Komitəsində saysız-hesabsız dükanların tikintisinə belə icazələr verərkən sabahı, Allah eləməsin, gələcək faciələri düşünürlər, yoxsa ayrı-ayrı məmurların bugünkü qazancı daha önəmlidir?
Bəs Fövqəladə Hallar Nazirliyi niyə susur?”.
Xəbər verdiyimiz kimi Xəzər rayonu 149 saylı orta məktəbdə 8 mart Beynəlxalq Qadınlar bayramı günü münasibəti ilə pul yığılması məlumatı dərc etmişdik.
Məlumatda qeyd olunurdu ki, məktəbin yuxarı sinif rus dilli bölməsində təhsil alan şagirdlər 50 manat, Azərbaycan dili bölməsində təhsil alanlar üçün 30-40 manat, aşağı siniflər üçün isə 20-30 manat arası pul yığımı həyata keçirilir. Birinci siniflər üçün isə 30 manatdan pul yığılır deyə iddia olunurdu.
Vətəninfo.az məlumat verir ki, hər sinifdən uşaq sayı hesabına görə məktəbin rəhbəri Rəhilə Baxşiyevaya 10 manatdan pul verilməlidir. Pul yığımına isə müəllimlər arasında cavabdehlik daşıyan müavinləri Vəfa Əlinağıyeva və Namiq Ələkbərov icra etdiyi bildirilib.
Xəbərin araşdırılması üçün Bakı Şəhəri üzrə Təhsil İdarəsindən bildirilib ki, qeyd olunan məsələ ilə bağlı müvafiq araşdırma aparılacaq, nəticəsi haqqında əlavə məlumat veriləcək.
Vətəninfo.az-ın əldə etdiyimiz məlumat görə xəbər mətbuatda yayıldıqdan sonra 149 saylı məktəbin direktoru Rəhilə Baxşiyevanın tapşırığına əsasən valideyn komitələri məktəbə çağrılıb,hər birindən pul yığılmadığını təsdiq edən akt tərtib olunub və məcburi imzalatdırıblar. Həmçinin məktəbə yoxlama gəldikdə özünü əvvəldən sığortaladırıb ki, əsaslı xəbərlərlər bəs şayiədir
Həmçinin sosial şəbəklərdə valideyn komitələrinə “trol” fəaliyyəti həyata keçirilməsi tapşırılıb ki, şərhlər yazılsın və Rəhilə Baxşiyevanı pul yığımına qarşı olduğu bildirilsin.
Lakin görünən dağa bələdçi lazım olmadığı üçün, illərdir davam edən bu əməl aşkar olunub, və bir çox valideyn pul yığımı barədə öz şərhini yazıb.
Məsələ ilə bağlı 149 saylı məktəbin direktoru Rəhilə Baxşiyeva isə heç bir açıqlama verməyib.
Şərhlərdə yazırlar ki:
Həmin fənn üzrə müəllim yanına hazırlığa getməsən 2 yazırlar şagirdlərə
Bir nəvəm baxçaya bir nəvəm məktəbə gedir Baxçada 20 manat, məktəbdə 25 manat yığılır.
Heç təəcübləmədim…..
Məktəb direktoru Rəhilə elə kabinet düzəldib ki ele bil baş nazirdir…..
149 bazardır nə məktəb soyub soğana döndəriblər valideynləri ….
Burda yazanlar var ki orada ele şey yoxdur ya müəllimlərdir yada valideyn komitələri……
Hamıya müəllimlər vatsapa yazır ki, pul yığılmır….
Bu məktəb uzun illərdir belədir müəllimlər direktornan əlbirdir….
Məktəbdə yuxarı sinif şagirdləri adları gedib özləri olmayan uşaqlar buraxılış imtahanına gəlir…..
Vallah bezmişik qızıl aldırırlar…..
Attestat üçün 100 manat yığırdılar vemədiyim üçün bütün qiymətləri 3 yazdılar
Həmin şərhləri oxuculara təqdim edirik...
Uzun müdət Bakının Suraxanı və Nərimanov kimi böyük rayonlarının icra başçısı olmuş İlqar Abbasov artıq 6 ilə yaxındır ki, Şirvan şəhər İcra Hakimiyyətinin başçısıdır. İnternet axtarış sistemlərinə onun ad və soyadını yazmaq kifayətdir ki, Şirvan şəhər sakinlərinin saysız-hesabsız şikayətləri ortaya çıxsın. Bu şikayətlərdə narazılıqlar ən çox İlqar Abbasovun köməkçisi və bacanağı Etibar Yolçiyevlə müavini Orxan İbrahimovun vəzifə səlahiyyətlərindən sui-istifadə etmələri barədədi.
Aktualinfo.org İlqar Abbasovun kadrlarından sayılan, Şirvan şəhər Yaşıllaşdırma Təsərrüfatı İdarəsinin rəisi Ağalar Soltanovun rəhbərlik etdiyi qurumun dövlət satınalmalarında işbirliyi qurduğu şirkətlər ətrafında araşdırma aparıb. Araşdırmalarda Şirvan şəhər Yaşıllaşdırma Təsərrüfatı İdarəsinin Satınalma Komissiyası tərəfindən “Dövlət Satınalmaları Haqqında” Azərbaycan Respublikası Qanununun tələblərinə əməl edilməməsi, keçirilmiş kotirovka sorğuları üzrə bağlanmış müqavilələrdə ciddi qanun pozuntularına yol verildiyi məlum olmuşdur. Bunlar nələrdən ibarətdir?
Əkin materiallarının satın alınması üzrə 09.05.2024-cü ildə başlamış müsabiqədə “KRİSTAL-LM” MMC qalib seçilmiş və 6.467,58 manat məbləğində satınalma müqaviləsinin bağlanılması barədə məlumat 12.07.2024-cü ildə dərc edilmişdir.
Xüsusi geyim və təsərrüfat alətlərinin satın alınması üzrə 06.04.2024-cü ildə başlamış müsabiqədə “KRİSTAL-LM” MMC qalib seçilmiş və 6.875,15 manat məbləğində satınalma müqaviləsinin bağlanılması barədə məlumat 12.07.2024-cü ildə dərc edilmişdir.
Nəqliyyat vasitələri üçün ehtiyyat hissələrinin satın alınması üzrə bir mənbədən satınalma metodu olə keçirilmiş müsabiqədə “KRİSTAL-LM” MMC qalib seçilmiş və 11.186,4 manat məbləğində satınalma müqaviləsinin bağlanılması barədə məlumat 05.11.2024-cü ildə dərc edilmişdir.
Sürtkü materiallarının satın alınması üzrə bir mənbədən satınalma metodu olə keçirilmiş müsabiqədə “KRİSTAL-LM” MMC qalib seçilmiş və 2.736,42 manat məbləğində satınalma müqaviləsinin bağlanılması barədə məlumat 05.11.2024-cü ildə dərc edilmişdir.
Qeyd edək ki, “KRİSTAL-LM” MMC 2024-cü ildə Şirvan şəhərində bir neçə dövlət qurumları tərəfindən keçirilmiş ayrı ayrı lotlar üzrə 9 müqavilə bağlamışdır. Bu da MMC-nin müvafiq sahədə peşəkarlığında, texniki və maliyyə imkanlarında, işçi qüvvəsində, təcrübəsində, bir sıra şübhəli məqamların olduğu ehtimalı artırır.
Açıq internet axtarış sistemləri üzərindən apardığımız araşdırmada məlum oldu ki, “KRİSTAL-LM” MMC (VÖEN 2100694871 ) Dövlət Vergi Xidmətinin 5 saylı Ərazi Vergilər İdarəsində 13.01.2015-ci ildə dövlət qeydiyyatına alınıb. Nizamnamə kapitalı 20 manat olan şirkətin hüquqi ünvanı ŞİRVAN ŞƏHƏRİ, 1 MAY, ev 112 A -da yerləşir. MMC-nin qanuni təmsilçisi İbrəhimova Könül Balaeyvaz qızıdır. MMC-nin təsisçisi və ilk qanuni təmsilçisi Rütəmov Əlibala Cəfər oğlu olub.
Qeyd edək ki, Rütəmov Əlibala Cəfər oğlu həm də Şirvan şəhər Yaşıllaşdırma Təsərrüfatı İdarəsinin 2023-cü ildə satınalma müqaviləsi bağladığı “TƏCHİZAT-24” MMC-nin qanuni təmsilçisidir.
Bundan əlavə Şirvan şəhər Yaşıllaşdırma Təsərrüfatı İdarəsinin 2022-ci ildə iki satınalma müqaviləsi bağladığı “TƏCHİZAT CİTY” MMC Şirvan şəhərində “KRİSTAL-LM” MMC ilə eyni ünvanda 1 MAY, ev 112 A -da yerləşir ki, bu MMC-lərin də bir nəfər, Rütəmov Əlibala Cəfər oğlu tərəfindən idarə olunması ehtimalını artırır.
Göründüyü kimi Şirvan şəhər Yaşıllaşdırma Təsərrüfatı İdarəsinin Satınalma Komissiyası 2022-ci ildən sonra dövlət satınalmalarında Şirvan şəhərində bir nəfər tərəfindən idarə olunan MMC-ləri qalib seçmişdir. Bu isə satınalmadan çox işbirliyi anlamına gəlir. Belə ki, Təsərrüfat İdarə kotirovka sorğularının keçirilməsi zamanı “Dövlət Satınalmaları Haqqında” Azərbaycan Respublikası Qanununun bir çox tələblərinə riayət etməmiş, MMC-lərin müvafiq sahədə peşəkarlığını, ixtisas göstəricilərini, təcrübəsini, işçi qüvvəsini, maliyyə imkanlarını və ödəmə qabiliyyətini, etibarlığını nəzərə almamışdır. Bu da keçirilmiş tender prosedurunda saxtakarlıq hallarına yol yerildiyinə əsaslı şübhələr yaradır.
Bu şübhələrin başında da təbii ki, Şirvan şəhər İcra Hakimiyyətinin başçısı İlqar Abbasov dayanır. Çünki, Rütəmov Əlibala Cəfər oğlunun qanuni təmsilçiləri olan bir neçə MMC-yə Şirvan şəhərində keç kim eninə-boluna şərait yaratmazdı. Şirvan şəhər Yaşıllaşdırma Təsərrüfatı İdarəsinin rəisi Ağalar Soltanova buradan nə qədər pay çatır baş mühasibi Oqtay Əliyev daha yaxşı bilər. Çünki, maliyyə işlərinə o baxır. Qurumun Satınalma Komissiyasının rəhbəri kimi mətbuatın sorğusuna da cavab verməyi lüzum bilmir.
Aktualinfo.org
Abşeron rayon Xırdalan şəhəri Qalibiyyət küçəsi-3 ünvanında yerləşən bir çoxlarının xatırladığı qəzalı binanın qarşısında qazıntı işləri aparılır. Bina hər an uça bilər. Binada yaşayan sakinlər qorxu içindədir.
Bu barədə "Azərbaycan Reallığı"na bina sakinləri məlumat verib. Onların sözlərinə görə, yaşayış binasının altı Abşeron Rayon İcra Hakimiyyəti tərəfindən satılıb, gecə-gündüz demədən ağır texnikalar qazıntı işləri aparır hələ üstəlik binanın önundə olan ağaclarda məhv edilir. Bizim təhlükəsizliyimiz nəzərə alınmır.
Binamız hər an çökə bilər. Türkiyədə olan faciə burda da təkrarlana bilər. Bir binanın altı və qarşısı ağır texnikalarla bu qədər qazıla bilməz.
Bunlara bu səlahiyyəti kim verib bilmirik, buna Ekalogiya Nazırliyi, Fövqəladə Hallar Nazirliyi, Şəhər Salma Arxektura İdarəsi, Əmlak Komitəsi, Abşeron rayon icra hakimiyyəti demək olar bütün səlahiyyətli qurumlar göz yumur. Bina bir gecənin içində çökəcək, böyük faciə baş verəcək.
Sonda həyacan təbili çalan bina sakinləri bir daha aidiyyəti qurumlardan kömək istəyib: xaiş edirik bizə köməklik göstərsinlər. Bu özbaşınalığa son qoyulsun- deyə bildiriblər.
Bakıda bir sürücü "Azpetrol" yanacaqdoldurma məntəqəsində qarşılaşdığı problemlə bağlı narazılığını ifadə edib.
32gun.az xəbər verir ki, şikayətçi bu barədə sosial şəbəkədə paylaşım edib.
Onun sözlərinə görə, "BMW" markalı avtomobilinə "Azpetrol"-dan "Aİ-95" markalı benzin vurduqdan sonra maşında texniki problem yaranıb. Yanacaq nasosu sıradan çıxdığı üçün avtomobil işə düşməyib.
Bakının Nizami rayonu, Babək prospekti 76 ünvanında yerləşən “Sərin” şadlıq evində mənşəyi məlum olmayan məhsullar aşkarlanıb.
XALQ.AZ xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.
Bildirilib ki, fiziki şəxs Dadaşov Eldar Ağa Zəki oğluna məxsus “Sərin” şadlıq evində AQTA əməkdaşları yoxlama keçirib.
Baxış zamanı obyektdə sanitar-texniki və sanitar-gigiyenik tələblərin pozulduğu, temperatur rejiminə əməl edilmədiyi, həmçinin mənşəyi məlum olmayan heyvan mənşəli məhsulların istehlaka təqdim edildiyi aşkarlanıb:
“Emal edilmiş məhsullardan və ətlərdən nümunələr götürülərək laborator müayinələrə cəlb olunub. Faktla bağlı sahibkar barəsində inzibati protokol tərtib edilməklə qanunvericiliyə uyğun zəruri tədbirlər görülüb. Araşdırmalar davam etdirilir”.
