“Uzun müddət çalışdığımız İnstitutda illərlə baş verən haqsızlıqlarla qarşılaşib, ümidsizlikdən Sizə müraciət etməyə məcburuq. Yəni bizim Elmi Tədqiqat Tibbi Bərpa İnstitutunda illərlə həm keçmiş, həm yeni rəhbərlik tərəfindən qanunların pozulmağına, korrupsiya əməllərinə şərait yaradılıb və davam edir. Biz yorulmuşuq bunlarla mübarizə aparmaqdan, bizə kömək edin!”
Azərbaycan Respublikasının Elmi Tədqiqat Tibbi Bərpa İnstitutu Publik Hüquqi Şəxsin elmi işçilərinin Azərbaycan Respublikasının Prezidenti, cənab İlham Heydər oğlu Əliyevə, Azərbaycan Respublikasının Vitse-Prezidenti xanım Mehriban Əliyevaya, surətini əlaqədar qurumlara - Səhiyyə Nazirliyinə, Baş Prokurorluğa, Dövlət Əmək Müfəttişliyi Xidmətinə ünvanladıqları şikayət ərizəsi məhz bu sözlərlə başlayır. Alimlər “Gündəm Xəbər Qəzeti Redaksiyası" və eyni adlı gundemxeber.az saytının redaksiyasına müraciət edərək şikayətlərində ehtiva olunan problemin ictimailəşdirilməsini xahiş ediblər.
Yazırlar ki, səhiyyədə geniş şaxəli əlaqələrə ümüd edən, bir ildir İnstituta Baş direktor vəzifəsinə təyin olunan tibb elmləri doktoru Mətanət Əfəndiyeva qarşısına qoyulan vəzifələrin öhdəsindən gələ bilmir: “İnstitutu idarə etməkdə özünə “yaxın” hesab etdiyi şəxslər köməklik edirlər: Baş həkim Nurlana Əliyeva, Artroloqiya bölməsinin rəhbəri Sevinc Kərimova, Stasionar Tibbi reabilitasiya şöbəsinin müdiri Pərviz Axundov, sabiq Baş həkimi Nizami Nəbiyev (dövlət büdcəsini mənimsəməsinə ğörə azad olunmuş), Neyrofiziologiya laboratoriyanın müdiri Elşanə Mustafayeva, icbari sığorta şöbəsinin müdiri Lalə Əliyeva, qəbul şöbəsinin həkimi Samirə Abasova... Hələ bu Direktora yaxın olan işçilərin tam siyahısı deyil, və bu şəxslər direktora arxalanıb, İnstitutumuzun əsl aparıcı həkimlərinin işini məhdudlaşdırmağa çalışırlar”.
Şikayətçilər qeyd edirlıər ki, Mətanət xanım işçiləri yalnız şəxsi münasibətləri əsas tutaraq kabinetinə buraxır: “Dəfələrlə direktora təkliflərimizi, iradlarımızı şifahi və yazılı şəkildə bildirməyə çalışmışıq. Heç bir müraciətimizə baxılmır, - üzərinə “insan resurslarına” yazıb, Əfəndiyeva özündən rədd edir, insan resursları isə günlərlə, aylarla məsələyə “hüquqşünasa yönəltmişəm” deyir, hüqüqşünas isə işdə tapılmır, sərbəst qrafiklə işə gəlir, nəticədə bəzi işçilər aylarla gözləyir məsələnin “qanuni” həllini, bəziləri isə direktorun şəxsi təqdimatı ilə rahat şəkildə qısa müddətdə qeyri-qanuni olaraq işlərini düzəldir. Öz haqlarını tələb edənlərə təzyiq ğöstərilir, işimiz dondurulur. Təbii ki, tabeliyində olan işçilərə qarşı belə nəzakətsiz və qərəzli münasibət bizi fiziki və emosional tükənmə vəziyyətinə gətirir, psixi sağlamlığımız üçün real təhlükə yaranır və təbii olaraq peşə məhsuldarlığının azalmasına gətirib çıxaracaq, xəstələrimizə mənfi təsir göstərəcək”.
Şikayətçilər İnstitutda baş verən pozuntuların qismən siyahısını da təqdim ediblər:
1. Elmi - Tədqiqat Tibbi Bərpa İnstitutu olmasına baxmayaraq, Elmi Katib vəzifəsi 1 ildir ki vakantdır, bu da o deməkdir ki, süni şəkildə elmi fəaliyyətə və gənc elmi kadrların hazırlanmasına məhdudiyyətlər qoyulur;
2. Etik Komitənin fəaliyyətinə də süni məhdudiyyətlər qoyulur, belə ki, üzvlər qeyri-qanuni seçilib, onların şəxsi işləri təqdim edilməyib, onların müvafiq komitəyə üzv olmaq üçün yetərincə sertifikatı və sənədi yoxdur, bəzi üzvlərsə ümumiyyətlə rəhbər vəzifələrdə olduqları üçün üzv seçilə bilməzlər. Bunları mövcud rəhbərliyə və elmi işlər üzrə müavinə dəfələrlə bildirsək də, faydası olmamışdır, onlar, farm-şirkətlərlə iş birliyini davam etdirərək etik komitədən işləri yayındırmışlar, xəstələr üzərində qeyri-qanuni yolla tədqiqat aparmışlar, institutun etik komitəsi olduğu halda o sənədlərin təqdim edilməsindən yayınmışlar.
3. Elmi Tədqqiqat İnstitutunun rəhbəri 1 il institutun mətbəxinə vaxt ayırıb, orda yenidənqurma işləri hesabat və sonunda da yenə də yeyinti ilə üzləşirik. Necə olur ki, düzəltmək əvəzinə daha da çox yeyinti olur, baxmayaraq ki, bu sahəyə, yəni mətbəxə, Elmi Tədqiqat İnstitutunda çox böyük maraq və vaxt sərf olunmuşdur. Nəticə etibarı ilə mətbəxdə normal yemək verilmir. Qazilərimizə ayrılan xüsusi menyu yeməkləri verilmir, onlar acından məcburən gedib ciblərindən pul xərcləyib kafe və restoranlarda yemək yeyirlər və alternativ qidalar axtarır kənarda, sonra da institutda bunu aktlaşdırıb güya “qazilər qaydaları pozur” kimi təqdim edir stasionar şöbə müdiri və rəhbərlik, hətta “biz daha qaziləri və Qarabağ müharibəsi əlillərini instituta buraxmayacayıq, onlar çox problem yaşadır” deyə həkimlərə məlumat verirlər. Necə yəni buraxmayacayıq? Bu necə ola bilər ki, Vətən uğrunda canını, sağlamlığını qoyan qəhrəman ordumuzun qazilərindən ölkənin ən mötəbər müalicə və bərpa müəssisəsi öz xidmətini əsirgəsin? Özü də vəzifəsindən sui-istifadə edən institut rəhbərliyinin qərarı ilə? Cənab Prezidentin fərmanlarına, göstərişlərinə zidd çıxaraq? Buna sübut çoxsaylı qazilərin şikayətləridir. Rəhbərliyin göstərişi ilə bu institutdan olan bütün şikayətlər Səhiyyə Nazirliyində qutuya atıldıqdan sonra cırılır və heç qeydiyyata düşmədən cavabsız qalır. Necə olur ki, institutun direktoru və baş həkimi Səhiyyə Nairliyinin qəbul şöbəsini idarə edir?
4. Elmin durğunluğu yaşanır, yeni heç bir elmi iş, ya da elmi tədqiqat aparılmır, elmi işçilər tərəfindən təqdim olunan yeni elmi işlərin planlarına imtina olunur, büdcə ayrılmır, öz hesabına təqdim olunan tədqiqatlara imtina edilir. Köhnə məqalələrin məzmunu və mətni bir qədər dəyişdirilib, yenidən çapa verilir - plagiata və elmi dələduzluğa yol verilir.
5. Naftalan nefti ilə bağlı tədqiqat aparılır adı ilə bütün digər planlaşdırılan elmi tədqiqatlar və tədqiqatçılar uzaqlaşdırılır, hətta institutun görkəmli alimləri, bu sahənin ustadları və elmi şuranın üzvləri uzaqlaşdırılır (çox həfif söz idi - işdən öz ərizələri yazdırılmaqla çıxarılır). Naftalan nefti haqqında ən çox biliyi olan kadrlar və elmi şurada onun tərkibini öyrənmək üçün müraciət edən elmi işçilər müxtəlif səbəblərlə uzaqlaşdırılır. Naftalan şəhərinə ezamiyyətə isə yalnız rəhbərlik gedir, heç bir hesabat verilmir institutun iclasında, çünki iclas belə aparılmır, sonuncu elmi şurada isə bütün elmi işçiləri verdikləri suallara görə qeyri-etik formada susduran və həmkarları yanında alçaldan rəhbərin görəsən məqsədi nədir?
6. Güya kameralar qoyulub hər yerdə, lakin bu kameralar nədənsə xəstəlik tarixçəsinə edilən müdaxilələri görmür, institutda pullar oğurlanır, xəstə rəhmətə gedir, qazilər alçaldılır, amma ki bunları şəffaf kameralar görməzdən gəlir... Əksinə rəhbərlik institutun işçilərini qəbul edəndə onların sanki prokurorluqdakı kimi telefonlarını alaraq səsyazmadan qorxur, görəsən niyə? Bəs göndərdiyi baş həkim və şöbə müdirləri (Nurlana Əliyeva, Pərviz Axundov, Sevinc Kərimova) isə bütün işçilərə kompromat toplamaq məqsədi ilə səs yazmaları axşamlar saat 4-5 dən sonra kiçik iclaslarda qulaq asıb qərarlar qəbul edirlər işçilərə qarşı, töhmətlər, xəbərdarlıqlar, “inkvizisiya” qayıdıb? Amma nədənsə adı “xəbərdarlıq” olan heç işçiyə xəbər verilmədən şəxsi işinə tikilir... Töhmət verilməsi qaydası həmkarlar komitəsi, intizam komissiyası iştirakı olmadan və kollektiv müqavilənin maddələrinə zidd aparılır.
7. İşçilər daim aşağlanır, alçaldılır, onların şəxsi həyatı ortaya qoyularaq həmkarları gözü önündə ümumi müzakirəyə çıxarılır, onların nüfuzu xəstələrin yanında endirilir, bu da özünə məxsus manipulasiya növüdür, dövlət qulluqçusu və ali həkim peşəsinə zidd olan qeyri-etik davranışlar artıq bizi çox yorub.”
Yazıda adıçəkilən və ittiham olunan şəxslərin də mövqeyini dinləməyə hazırıq.
Davamı olacaq.

GundemXeber.Az

Quba şəhəri Nəriman Nərimanov küçəsi 75 ünvanında “Aqua Park” və onun ətrafında, həmin mərkəzin olduğu inzibati binanın yaxınlığında tikilən gördüyünüz bu obyektlər qanunsuz olaraq inşa edilib və hazırda da inşa edilməkdədir. FHN-nin Tikintidə Təhlükəsizliyə Nəzarət Dövlət Agentliyinin 27 oktyabr 2023-cü il tarixli – 0970 və 30 yanvar 2025-ci il tarixli -0067 nömrəli qərarları olmasına baxmayaraq ərazidəki sözügedən həmin tikililərin inşaatı yenədə davam etməkdədir. Dəfələrlə rəsmi xəbərdarlıq edilməsinə baxmayaraq dövlətin bu istiqamətdə mövcud olan qanunları gözardı edilərək tikinti işləri davam etdirilir. Azərbaycan Respublikası Şəhərsalma və Tikinti Məcəlləsinin bütün tikinti tələblərinin pozulduğu bu tikililər həm də ehtiyyat fondu təyinatlı torpaqlarda aparılır. Və təbii ki, tikililər barədə müvafiq icra hakimiyyəti orqanlarının razılığı və icazəsi də alınmıyıb.

”7Times.az” – ın əldə etdiyi məlumata görə tikinti işlərinin dayandırılması üçün FHN-i tərəfindən sifarişçi “A Ənd J Holding “MMC-ə dəfələrlə rəsmi xəbərdarlıq edilib. Sözügedən bu MMC-isə milli məclisin deputatı Əlibala Məhərrəmzadəyə məxsusdur. Daha doğrusu onun qardaşına! Sonuncu parlament seçkilərindən əvvəl Əlibala Məhərrəmzadə illərlə rəhbərlik etdiyi həmin MMC-nin rəhbərliyini öz qardaşına həvalə edib.
Sözügedən qanunsuz tikililər barədə hüquq mühafizə orqanlarınada rəsmi müraciət edilib.

DİN-nin mətbuat xidmətinin Quba regional qrupunun baş inspektoru Xəyal Talıbov “7Times.az”-a verdiyi açıqlamada bildirib ki, “Məsələ ilə bağlı Quba Rayon Polis Şöbəsinə məlumat daxil olub.
Araşdırma aparılır.”

“A Ənd J Holding” MMC-nin Quba şəhəri ərazisində özbaşnalıq etdiyi digər bir məkan isə “Şahdağ” Hotelidir. Quba şəhəri Əziz Əliyev küçəsində yerləşən bu Hotelə bitişik yol və səkilər qanunla müəyyən edilmiş mülkiyyət, istifadə və ya icarə hüququ olmadan özbaşına olaraq zəbt edilib və orada qanunsuz tikinti-quraşdırma işləri aparılıb. Ümumi istifadədə olan həmin ərazilər zəbt edildiyi üçün ərazidəki yollarda və yolayrıclarında piyadaların və nəqliyyatın hərəkəti mümkünsüz hal alıb.

Deputat Əlibala Məhərrəmzadənin mənəvi mülkiyyətində rəsmi olaraq isə qardaşının adında olan bu tikililərin inşaatı nəticəsində həm Azərbaycan Respublikası Şəhərsalma və Tikinti Məcəlləsinin tikinti tələbləri, həm də Azərbaycan Respublikası Prezidentinin 24 noyabr 2014-cü il tarixli,375 nömrəli fərmanının tələbləri pozulur. Çünki həmin fərmanda nəzərdə tutulduğu kimi dövlət qrumlarının tikinti barədə dəfələrlə rəsmi xəbərdarlıq etməsinə baxmayaraq “A Ənd J Holding” MMC bu xəbərdarlıqlara heç bir məhəl qoymadan özbaşına tikinti işlərini qərəzli olaraq davam etdirir. Eyni zamanda ölkə başçısının 2014-cü il tarixli 17 noyabr 349 nömrəli fərmanı ilə təsdiq edilmiş “Tikintiyə dövlət nəzarətinin keçirilməsi qaydaları”-nın 2.20 bəndinin tələbinə uyğun olaraq sifarişçi “A Ənd J Holding” MMC-yə tikinti işlərinin dayandırılması ilə bağlı dəfələrlə rəsmi xəbərdarlıq edilib.

Məsələ barədə münasibət almaq üçün deputat Əlibala Məhərrəmzadənin köməkçisi Qalib Hidayətov ilə əlaqə saxladıq. O, bu barədə məlumatsız olduğunu bildirərək bu məsələnin onun işinə heç bir aidiyyatının olmadığını qeyd edib.

Qubada və regionun digər rayonlarında son zamanlarda sökülən qanunsuz tikililəri çoxumuz görmüşük yəqin. Onların arasında əlbəttə ki, Əlibala Məhərrəmzadənin millət vəkili olduğu dairənin seçiciləridə az deyil.

Qanun əmrdən onun amiranəliyini, əmr isə qanundan onun labüdlüyünü götürür. Maraqlıdır, görəsən nə vaxta həmin seçicilər Əlibala Məhərrəmzadənin qəbuluna gəlib müraciət etmiş olsalar o, özünün əməl və riyayət etməyib,məhəl qoymadığı bu qanunların labüdlüyünü o seçicilərə necə izah edə biləcək görəsən? Belə olan halda deyilib, tövsiyyə edilə biləcək bir məqam qalır. Ya mənim yolumu təlqin edin, ya da öz yolununuzu tapan mürşid olun.

Cəlal Fərzəliyev

Elgün Yunusov

Aytən Haciyeva

Hər il 8 Mart Beynəlxalq Qadınlar Günü ərəfəsində orta məktəblərdə pul yığılması ilə bağlı müzakirələr başlayır.

Elm və Təhsil Nazirliyi məktəb direktorlarına, müəllimlər xəbərdarlıq ünvanlasa da, valideynlərə pul yığmamaları üçün çağırış etsə də kampaniyanın qarşısını tam şəkildə almaq mümkün olmur.

Belə hallar olması paytaxt məktəblərində sosial şəbəklərdə müzakirə olunur.

Vətəninfo.az-a daxil olan məlumat görə Xocalı şəhidi Elçin Şəmiyevin adı verilən Xəzər rayonu Binə qəsəbəsində 149 saylı orta məktəbdə pul yığımına start verilib.

Yuxarı sinif rus dilli sektorda təhsil alan şagirdlər 50 manat, Azərbaycan dili sektorunda təhsil alanlar üçün 30-40 manat, aşağı siniflər üçün isə 20-30 manat arası pul yığımı həyata keçirilir. Birinci siniflər üçün isə 30 manatdan pul yığılır.

Məlumatda qeyd olunur ki, hər sinifdən uşaq sayı hesabına görə məktəbin rəhbəri Rəhilə Baxşiyevaya 10 manatdan pul verilməlidir. Pul yığımına isə müəllimlər arasında cavabdehlik daşıyan müavinləri Vəfa Əlinağıyeva və Namiq Ələkbərov icra edildiyi bildirilir.

Qeyd edək ki, 149 saylı məktəbdə dörd min şagird təhsil alır və bu pul yığımında fantastik rəqəm alınır. Belə ki, yığımdan sonra direktor Rəhilə Baxşıyeva 40 minlik premium sinfinə aid avtomobil almaq iqtidarında olacaq.

149 saylı məktəblə əlaqə saxlamaq mümkün olmadı.

Elm və Təhsil Nazirliyinin qaynar xəttinə məlumat verilib.

Yazıda adları keçənlərində fikirlərini dərc etməyə hazırıq.

Mənbə: Vətəninfo.az

28 yanvar 2025-ci il tarixdə “AYNA-dan qanunsuz ADDIM - “Bakıxanov Rezidens”in sakinlərinə avtomobil saxlamaq üçün yer qalmayıb” başlıqlı yazı dərc etmişdik. Yazıda Sabunçu rayonu, Bakıxanov qəsəbəsi, Ülvi Rəcəbov küçəsində yaşayan bir qrup sakinin parkinq problemindən söhbət açılmışdı. Qeyd edilmişdi ki, sakini olduqları binanın idarəçiləri həyətə girişi qadağan ediblər. Binanın yeraltı qarajında yer almağa da hər sakinin imkanı yoxdur. Ona görə də sakinlər indiyədək avtomobillərini binanın qarşısından keçən Ülvi Rəcəbov küçəsində saxlayırdılar. Amma bu günlərdə həmin küçəyə də “dayanma-durma qadağandır” işarəsi quraşdırılıb. Ona görə də avtomobil sahibləri nə edəcəklərini bilmirlər.

Məsələ ilə bağlı Bizim.Media müvafiq orqanlara sorğu göndərmişdi. Və sorğularımıza cavab olaraq bildirilmişdi ki, problem qısa zamanda öz həllini tapacaq. Lakin, ötən bir ay müddətində sakinlərin haqlı tələbləri icra olunmayıb. İcra olnmamasının səbəbi ilə bağlı redaksiyamıza maraqlı məlumat daxil olub.

Həmin məlumata keçməmişdən əvvəl qeyd edək ki, sakinlər məsələ ilə bağlı həmçinin Fövqəladə Hallar Nazirliyinə də müraciət ediblər. Nazirlikdən göndərilən cavab məktubunda sakinlərin haqlı olduğu qeyd edilib.

Nazirlik “XXI əsr” MTK-dan tələb edib ki, problem ən qısa zamanda həll edilsin. Lakin, “XXI əsr” MTK FHN-nin tələbinə bu günə məhəl qoymayıb.

İndi isə gələk əsas məsələyə. Etibarlı mənbələrdən Bizim.Media-ya daxil olan məlumata görə sakinləri narazı salan bina Sabunçu rayon İcra Hakimiyyətinin başçısı Adil Vəliyevin oğlu, “Efendiler Group” şirkətinin rəhbəri Ənvər Ənvərliyə (Vəliyev) məxsusdur. Və Sabunçu rayonu, Bakıxanov qəsəbəsi, general Mehmandarov küçəsi 12 ünvanında yerləşən “XXI ƏSR” MTK-ya məxsus yaşayış binasının ətrafında yaranan narazılığın əsas səbəbkarı da odur. Beləki, binanın altındakı qaraj sakinlər üçün nəzərdə tutulsa da onların əksəriyyəti qaraja yaxın belə düşə bilmirlər.

Bu qarajda “Efendiler Group” və “XXI ƏSR” MTK-ya məxsus çoxsaylı bahalı avtomobillər saxlanılır. Onlara məxsus olan və nömrəsinin sonu 078 və 222 ilə bitən lüks avtomobillər qarajda xüsusi həssaslıqla qorunur.

İddiaya görə, Ənvər Ənvərlinin qaraja rahat giriş-çıxışı üçün qarajın girişinə şlaqbaum quraşdırılıb. Şikayətçilər onuda bildirdilər ki, yuxarıda adıçəkilən şirkət rəhbərləri avtomobillə rahat hərəkəti üçün yaşayış binasının qarajının çıxış hissəsi olan ara küçəyə “dayanma-durma qadağandır” nişanı qoydurub. Hətta, bu barədə Azərbaycan Yerüstü Nəqliyyat Agentliyi əməkdaşlarına göstəriş verdirib. Ona görə də xırda bir məsələnin həlli acı bağırsaq kimi uzanır.

Torpaqlarımızın işğaldan azad olunması uğrunda bir oğlunu Şəhid verən, digər oğlu Qazi olan Tovuz rayonu, Vahidli kənd sakini Həsənova Ceyran Məhəmməd qızı tərəfindən “Hürriyyət”in redaksiyasına şikayət məktubu daxil olub. Qəzetimiz vasitəislə Prezident İlham Əliyevə müraciət edən şikayətçinin məktubunu olduğu kimi dərc edirik:

“Hörmətli Prezident!

Məlumunuz olsun ki, bir oğlum Azərbaycanın ərazi bütövlüyü uğrunda Şəhid olmuş, digər oğlum düz yeddi il cəbhənin ən qaynar nöqtələrində könüllü olaraq döyüşmüş və sağlamlığını tamamilə itirmişdir. Üçüncü oğlum isə zabit kimi hərbi xidmət zamanı sağlamlığını itirmişdir.

Nəzərinizə çatdırıram ki, Kənd Təsərrüfatı Nazirliyi yanında Aqrar Xidmətlər Agentliyinin keçmiş rəhbərliyi oğlum Həsənov Naməddin Tofiq oğlunu qanunsuz olaraq işdən azad etməklə Nazirlər Kabinetinin 15 yanvar 1994-cü il tarixli, 10 saylı qərarını kobud şəkildə pozublar.

Kənd Təsərrüfatı naziri Məcnun Məmmədova, Aqrar Xidmətlər Agentliyinin yeni sədri Sərdar Hacıyevə etdiyim çoxsaylı müraciətlərim də təəssüf ki, nəticəsiz qalıb. Açığını deyim ki, Kənd Təsərrüfatı Nazirliyinin Aparat rəhbəri Azad Cəfərlinin mənə ünvanladığı məktubda açıq-aşkar onun Şəhid və Qazi ailələrinə olan nifrəti özünü aşkar surətdə biruzə verməkdədir. Əvvəllər Mədəniyyət Nazirliyində böyük cinayətlərə yol verən Azad Cəfərli indi də bu nazirliyin Aparat rəhbərliyində öz əməllərini davam etdirməkdədir və həmin cavab məktubunu da müraciətimə əlavə edirəm.

Onu da qeyd edim ki, ölkı rəhbəri cənab İlham Əliyevə etdiyim müraciət bu cənabları qəzəbləndirib. Bu səbəbdən, qəzəblə sual edir ki, axı, ölkə Prezidentinə niyə müraciət etmisiniz?!

Bu məmurlar özlərini ağa hesab edirlər. Belə başa düşülür ki, bunların qanunsuz hərəkətlərindən heç kimə şikayət etmək olmaz. Bunlar öz cinayət əməllərini davam etdirməkdə israrlıdırlar.


Cənab Prezident!

Mənim 6 nəfər ailə üzvündən ibarət olan oğlum və onun həyat yoldaşı işsizdir. Onların 3 azyaşlı uşağı artıq 4 ildir ki, ac yaşayırlar, heç bir gəliri olmayan ailə artıq ölümə məhkumdur.

Onu da əlavə edirəm ki, vaxtilə oğlumdan 25 000 manat rüşvət tələb edən Rəşad Vahabzadənin həmyerliləri və havadarları olan Aparat rəhbəri Azad Cəfərli və Kadr şöbəsinin müdiri İlham Süleymanov bizim müraciətlərimizin Kənd Təsərrüfatı naziri cənab Məcnun Məmmədova çatdırılmasına imkan vermir, oğlumun işlə təmin olunmasına hər vasitə ilə əngəl törədirlər. Hal-hazırda bu sahədə boş iş yeri olmasına baxmayaraq, oğlumu işlə təmin etmirlər.

Oğlum təcrübəli və savadlı mütəxəssis olmaqla, dəfələrlə nazirlikdə dərs keçib. Elmdən və qanundan xəbəri olmayan İlham Süleymanov və Azad Cəfərli isə öz maxinasiyaları ilə baş qatmaqla məşğuldurlar.

Mənim körpə nəvələrim artıq 4 ildir ki, ac-yalavac yaşayır. Dəfələrlə ölkə vətəndaşlığından imtina etsək də, imtinamıza bəzi qüvvələr mane olur. Artıq son dəfə Sizdən kömək istəyirəm.

Siz hər bir vətəndaşın qarantısınız və qanunu pozan bu cinayətkar ünsürlər öz cəzalarına çatmalıdırlar. İlham Süleymanov, Azad Cəfərli kimi harınların “at oynatdıqları” ölkədə yaşamaq mümkün deyil və bunun acı nəticələri özünü lap tezliklə biruzə verəcəkdir.

Hörmətli Prezident!

Bu dəfə də məktubum Sizə çatmasa və şikayətimizə müsbət cavab verilməsə, mən və oğlumun ailəsi ölkə vətəndaşlığından imtina etməyə məcbur olacağıq. Xahiş edirəm, bizdən dəstəyinizi əsirgəməyin, çünki 3 azyaşlı körpənin ac-yalavac yaşaması mümkün deyil”.

Bir zamanlar, "Hələ mən deputat ola-ola bir qapı açmaq üçün icra başçısı məndən 30 min manat rüşvət istəyirsə, gör vətəndaşlar nə çəkir" deyə, mətbuata gileylənən Adil Əliyev barəsində narazılıqlar bu gün davam edir. Amma biraz fərqli formada.

Adil Əliyev indi özü də icra başçısıdır və bir neçə vətəndaşlar tikinti aparmağa icazə vermək üçün Suraxanı icra hakimiyyəti əməkdaşlarının onlardan rüşvət tələb etdiyini deyirlər.

"DogruXeber.az" xatırladır ki, tikinti apara bilməsi üçün yerli icra hakimiyyəti işçisinin ondan rüşvət tələb etdiyini, bir neçə il əvvəl tikdirdiyi hasarı, "qanunsuzdur" deyə, icra hakimiyyətinin uçurtduğunu deyən şəhid qardaşı İlqar Şahmurovun və bu kimi problemlər içində çırpınan digər Suraxanı sakinlərinin məlumatlarını yayımlamışdıq.

Təəssüf ki, narazı Suraxanı sakinlərinin çoxu da da ailə başçısı olmayan qadınlar, eləcə də qazi və şəhid ailələrindən ibarətdir.

Yuxarıda şəhid qardaşı - Suraxanı sakini İlqar Şahmurovun adını çəkdik.

Xatırlayırsınızsa, İlqar Şahmurov mediada yayılan səs yazısında 2016-cı ildə 18 min manat pul ödəyərək satın aldığı və ətrafını üst-üstə qoyulmuş tikinti daşları ilə hasara aldığını, Adil Əliyev sözügedən rayona icra başçısı təyin edildikdən sonra onun torpağının əlindən alındığını və hasarının dağıdıldığını iddia edirdi. Bu səs yazısı yayıldıqdan sonra o, icra hakimiyyəti tərəfindən torpağının özünə qaytarıldığını, hətta tikinti üçün qum və daş köməkliyi olunduğunu dedi. Amma, nə hikmətsə Suraxanı icra hakimiyyəti onun bu sevincini yenə qursağında qoydu. O, jurnalist Veysəl Əylisli ilə telefonla danışarkən, yenə tikintisinin qarşısının alındığını deyib.

Onu da vurğulayaq ki, şəhid qardaşı onun icra hakimiyyəti tərəfindən əlindən alınan torpaq sahəsinin Adil Əliyevin dayısının istifadəsində olduğunu bildirib.

Yeri gəlmişkən, jurnalist Veysəl Əylisli özü də Suraxanı rayonunda tikinti aparmaq istədikdə İcra hakimiyyəti işçisinin ondan 12 min manat pul tələb etdiyini iddia edir. Hətta, bildirir ki, buna etiraz etdiyinə, sosial platformada yayımladığına görə Adil Əliyev onu xüsusi ittiham qaydasında məhkəməyə verib.

Qeyd edək ki, Adil Əliyevin onu məhkəməyə verdiyini deyən daha bir suraxanı sakini də qazi Ceyhun Ağayevdir. Ceyhun Ağayev isə iddia edir ki, Suraxanı rayonu Əmircan qəsəbəsində apardığı tikintisi pul vermədiyinə görə Suraxanı rayon icra hakimiyyəti tərəfindən dağıdılıb. Halbuki, həmin ərazidə hazırda 10-larla tikintilər aparılmaqdadır.

Qazinin sözlərinə görə, o, həmin tikintilərin də görüntüsünü şəxsi sosial hesabında paylaşdıqdan sonra Adil Əliyev onun da barəsində xüsusi ittiham qaydasında məhkəmə iddiası qaldırıb.

Belə yerdə deyiblər, "oğru elə bağırdı, doğrunun bağrı yarıldı".

Gördüyünüz kimi, Adil Əliyevin adını çəkmək kifayət edir ki, Suraxanı sakinlərinin dərdi açılsın. Elə, adlarını qeyd etdiyimiz Veysəl Əylisli və Ceyhun Ağayevin Adil Əliyev barəsində paylaşdlqları videoların şərh bölməsində yazan istifadəçilər də müxtəlif məlumatlar qeyd ediblər.

Kimisi Adil Əliyevin Hövsan qəsəbəsində də xeyli ərazini zəbt etdiyini, kimisi Bülbülədə yaşıllıq ərazini məhv edərək, özü üçün şərait yaratdığını, kimisi də Binə qəsəbəsində ev tikməyə icazə verməsi üçün hər kəsin yerli icra hakimiyyətinə 7000 (yeddi min) manat rüşvət verdiyini və sair qeyd ediblər.




Heyrətləndirən məqamlardan biri də budur ki, yazanlar arasında "Suraxanının tası 20 mindir", "Sənə hörmət edib 12 min deyiblər, orda ev tikmək 20 mindir" deyə cümlələr qeyd ediblər.

Hətta, şərh bölməsində müxtəlif şəxslər tərəfindən "qoçular idarəçiliyi"nə də toxunulub ki, bu da təsadüfi deyil. Adil Əliyev idarəçiliyindən narazı olan Veysəl Əylisli də, Ceyhun Ağayev də, İlqar Şahmurov da paylaşılan videoçıxışlarında "qoçular"la təhdid edildiklərini deyirlər.

"Qoçu" mövzusu da illərdir Adil Əliyevdən bəhs edən məlumatların demək olar ki, sujet xəttini təşkil edir.

P.S: Yeni Suraxanı qəsəbəsi 14 iyul küçəsində aparılan qanunsuz tikintilərlə bağlı göndərdiyimiz rəsmi sorğular nə Suraxanı rayonu icra hakimiyyəti, nə Tikintidə Təhlükəsizliyə Nəzarət Agentliyi, nə də Şəhərsalma və Arxitektura komitəsi tərəfindən bugünə qədər də cavablandırılmayıb, hər hansı bir qanuni tədbir görülüb-görülmədiyinə dair redaksiyamıza heç bir məlumat verilməyib.

Mövzunu davam etdirəcəyik.

Qusar şəhəri, Hacıməhəmməd küçəsi, 10 saylı evdə yaşayan, 14.04.1956-cı ildə anadan olmuş, ali təhsilli, 3 övlad atası, təqaüdçü, Ağamirzəyev Hacımirzə Ağamirzə oğlu tərəfindən, Azərbaycan Respublikasının Əmlak Məsələləri Dövlət Xidmətinin rəisi Mətin Eynullayevin qanunsuz hərəkətlərindən ölkə rəhbərliyinə müraciət ünvanlanıb. Bir nüsxəsi də "DİA-AZ"a daxil olan müraciətdə deyilir:
"Cənab Prezident! Sizin daxili və xarici siyasətinizi hər zaman bəyənərək, daima dəstəkləməyə hazırıq. Siz hər zaman vətəndaşların üzləşdiyiyi məmur özbaşınalığı barədə signal verməyi tövsiyyə edirsiniz.Mən bir təqaüdçü, ali təhsilli ziyalı, Qusar şəhər sakini kimi üzləşdiyim məmur özbaşınalığından Sizə signal və məlumat verirəm :
— Mən, Qusar şəhər sakini, Ağamirzəyev Hacımirzə Ağamirzə oğlu 2003-cü ildə, Qusar rayonun Samur qəsəbəsi ərazisindən 12 ( on iki ) milyon pul ödəməklə 02 hektar torpaq sahə almışam. Həmin torpaq sahə 2003-cü ildən etibarən Torpağa Mülkiyyət Hüququna dair Dövlət Aktı əsasında hal-hazıra qədər mülkiyyətimdə olmaqla istifadəmdədir.
Əmlak Məsələləri Dövlət Xidmətinin rəisi Mətin Eynullayev cənabları 2024-ci ildə, 22 il ərzidə dövlət aktı əsasında mülkiyyətimdə, istifadəmdə olan 02 hektar torpaq sahəni təkrarən, 2-ci dəfə pul ödəməklə, həmin torpaq sahəni satın almağımı məndən tələb edir.
Mən bir şeyi anlaya bilmirəm, hansı əsasla, hansı Qanuna, qanunvericilik tələblərinə əsasən və nəyə görə, eyni bir torpaq sahəni 2-ci dəfə pul ödəməklə Əmlak Məsələləri Dövlət Xidmətindən satın almalıyam ?
Azərbaycan Respublikasının belə bir Qanunu, qanunvericilik tələbləri mövcuddurmu ?
Mən bir vətəndaş, ali təhsilli ziyalı kimi hesab edirəm ki, eyni bir torpaq sahənin 2 dəfə pul ödənilməklə satın alınması barədə Azərbaycan Respublikasının belə bir Qanunu və qanunvericilik tələbləri mövcud deyildir.
Hörmətli cənab prezdent !
Üzləşdiyim məmur özbaşınalığının araşdırılması, hüquqi cəhətdən qiymətləndirilməsi, vətəndaşların Qanunla qorunan Konstitusiya hüquqlarını bilərəkdən, vəzifə səlahiyyətlərindən sui istifadə etməklə məhdudlaşdıran məmurlar barəsində qanunamüvafiq tədbirlərin görülməsi və problemimin həlli məqsədiə aidiyyatı üzrə sərəncam verməyinizi Sizdən dönə-dönə xahiş edirəm".

"Azərbaycan Reallığı"na video müraciət göndərən sosial şəbəkələrdə blogger "Alisa-999" kimi tanınan Aysel Musayeva Xətai rayonu Seyid Əzim Şirvani küçəsi 3a ünvanda yerləşən "Balım Uşaq Baxçası"na qarşı bir sıra ittihamlar səsləndirib. O, bildirir ki, 2 yaşlı övladını yaşadığı ünvanın yaxınlığında yerləşən özəl olan "Balım Uşaq Baxçası"na qoyub, bunun müqabilində onunla heç bir rəsmi sənədləşmə işləri aparılmayıb.

İlkin olaraq 15 gün üçün 345 manat ödəniş etdim. Bu vaxta kimi hər şey qaydasında idi, ikinci ayın ödənişi üçün kart hesabımdan daha 450 manat baxçanın kartına ödəniş etdim. Bununla da bağlı mənə rəsmi olaraq heç bir sənəd verilmədi.

Təxminən 10 gün keçdikdən sonra övladımda problemlər başladı, bir gün gözünün altı göyərmiş vəziyyətdə evə gəldi. Bir gün saçı yolunmuş halda gəldi. Bu problemlər günü-gündən böyüməyə başladı. Uşaq göbəyinin aşağısı bişmiş formada gəlirdi.

Vəziyyət danışıb təsəvvür etdiyimdən də betər və bərbad halda idi. Hər dəfə də baxçada "Qəbul şöbəsi"-də oturan xanıma şikayət və iradlarımı bildirsəm də buna baxılmırdı.

Baxçanın direktoru Səbinə xanımın otağına yaxınlaşdım, ona uşağa vaxtı-vaxtında baxılmadığını deyib, bütün problemləri danışıb bildirdim ki, özəl baxçada belə halın olması yaxşı deyil. O, mənə bildirdi ki narahat olmayın, hər şey qaydasına düşəcək. Bir gün uşaq evə gəldi, uşağa baxan "niyanka"ya dedim uşağa bax, uşağın pampersi açılanda natəmizlik, üfünət iyindən dayanmaq olmurdu.

Səhəri günü uşağı baxçaya göndərməkdən imtina etdim. Baxçaya yaxınlaşıb etiraz etdim, uşaqın vaxtı-vaxtında yuyulması ilə bağlı sübutlərı istədim. Mən ailə üzvülərimlə getmişdim, bizə hörmətsizlik edib otaqdan çıxardılar. Direktor Səbinə xanım bacımı təhqir etdi, onun köməkçisi bizə səviyyəsiz və mədəniyyətsiz kimi ifadələr işlədirdi.

Bu barədə hüquq-muhafizə orqanlarına şikayət etdim, bütün problemləri şikayətimdə bildirdim. Nə məndən alınan pulları qaytardılar, nə də dəymiş ziyanı. 345 manat bir ödəmişəm, 450 manatda bir. Bunun müqabilində mənə heç bir çek verilməyib. Sadə bir kağız verilib, orada da ad soyadım yazılıb.

Onlarda məndən şikayət edib, guya mən onları təhqir etmişəm. Amma mən o mədəniyyətin sahibi deyiləm ki, kimisə təhqir edim. Mən buradan valideynlərə səslənirəm: Əziz valideyinlər, əksəriyyətiniz işlədiyiniz üçün baxçada uşağa baxmağa zaman və vaxtınız olmur.

Xüsusilə "Balım Uşaq Baxçası"da olan uşaq valdeyinləri, çalışın uşaqlarınızı orada nəzarətdə saxlayın, ehtiyatlı olsun. Onlar pul alırlar amma uşağa baxmırlar. Mənim pulumun arxasına keçdilər, heç bir yer buna əhmiyyət vermədi. Uşağımı o baxçadan çıxarmışam, mənim ödənişimi qaytarmadılar.

Deyirlər get, hara deyirsən de, ödəniş etməyəcəyik. Mən də bunu sosiallaşdırmaq qərarına gəldim.

Daha ətrafı videoreportajda: