Səhiyyə Nazirliyinin akademik C.M.Abdullayev adına Elmi-Tədqiqat Kardiologiya İnstitutunda növbəti qalmaqal baş verib.
Bakupost.az -ın əldə etdiyi məlumata görə, İnstitutun direktoru Gülnaz Dadaşovanın elmi işçilər üçün attestasiya keçirmək cəhdi fiasko ilə nəticələnib. Belə ki, birinci mərhələdə attestasiyaya cəlb edilən elmi dərəcəsi olan (elmlər doktorları və tibb üzrə fəlsəfə doktorları) 20 nəfərə yaxın tibbi işçisi attestasiyanın qanunsuz olduğunu əsas gətirərək, orada iştirak etməkdən imtina ediblər.
Qeyd edək ki, elmi-tədqiqat institutlarında attestasiyalar "Elm haqqında" Qanuna əsasən keçirilir. Qanunun 13-cü maddəsinə görə, elmi-tədqiqat institutlarının ali idarəetmə orqanı onun Elmi Şurasıdır. Elmi Şura institutun strukturunu müəyyən edir, səlahiyyətli orqanlar qarşısında vəsatət qaldırır, həmçinin elmi işçilərin attestasiyasını təşkil edir. Attestasiya Elmi Şuranın qərarı ilə yaradılan Attestasiya Komissiyası tərəfindən həyata keçirilir. Attestasiya qaydaları isə Azərbaycan Respublikasının Əmək Məcəlləsi ilə müəyyən edilir.
Aldığımız məlumata görə, İnstitutun professorları attestasiyanın təşkili zamanı bu qaydalara əməl olunmadığı və ciddi qanun pozuntularına yol verildiyini bildiriblər. Belə ki, attestasiyanın keçirilməsi Elmi Şurada müzakirə olunmalı və müvafiq Attestasiya Komissiyası yaradılmalı olduğu halda, İnstitutun direktoru bu addımı Şura üzvlərinin xəbəri olmadan atıb. İnstitutun elmi işçilərinin dediyinə görə, Gülnaz Dadaşova özünə yaxın şəxlərin də daxil olduğu 3 nəfərlik komissiya yaradıb:
"Attestasiyaya düşən suallar isə İnstitutun hüquqşünası tərəfindən (?) tərtib edilib və tibbə aid olmayan suallar olub. Hətta attestasiyaya Konstitusiya, "Təhsil haqqında" Qanundan suallar salınıb.
Ən maraqlısı odur ki, Gülnaz Dadaşova öz aləmində professorları sındırmaq üçün Attestasiya Komissiyasına özünün inzibati(təsərrüfat) məsələlər üzrə müavini Azər Mirzəxanlını da salıb. Onun nəinki ali, elementar tibb təhsili belə yoxdur. Daim işçilərlə kobud davranışı ilə seçilən Azər Mirzəxanlı attestasiyanı boykot edən professorların üstünə qışqırmaqdan belə çəkinməyib".
Mənbənin dediyinə görə, direktor attestasiya prosesini videoya çəkmək üçün çəkiliş qrupu da ayırıb. Bu cür davranışa dözə bilməyən professorlardan biri çəkiliş qrupuna işarə edərək ironiya ilə "Yenə klip çəkdirəcəyik?" deyə replika atıb.
Qeyd olunur ki, şöbə rəhbərləri - professor Nazim Abdullayev, professor Rufulla Abdullayev, tibb üzrə fəlsəfə doktoru Rafiq Yusifli, tibb üzrə fəlsəfə doktoru Rüfət Cəmilov direktorun qeyri-qanuni hərəkətləri, institutdakı hegemonluğu, yarıtmaz idarəetməsindən şikayətləniblər. Onlar direktoru elmi işlərin aparılmasına heç bir şərait yaratmamaqda, işlədiyi bu illər ərzində elmi işçiləri daim təzyiq altında saxlamaqda və təhqir etməkdə, professorları ətrafına yığdığı və "öz komandam" adlandırdığı adamların əli altında işlədərək onlara tabe etdirməkdə, "Elm haqqında" Qanunun tələblərini pozaraq qeyri-qanuni formada attestasiya keçirməyə cəhd etməkdə, elmi işçilərin hüquqlarını kobud şəkildə pozmaqda ittiham ediblər.
Attestasiyaya cəlb olunan alimlər bildiriblər ki, Elmi-Tədqiqat İnstitutunun əsas fəaliyyəti fundamental, tətbiqi elmi tədqiqatlar və eksperimental araşdırmaların aparılmasından ibarətdir. Ancaq son 6 ildə elmi şöbələr heç bir avadanlıq, cihaz, material və komputerlərlə təmin olunmayıb.
İnstitutun elmi işçiləri həmçinin sualları tərtib edən hüquqşünasın İnstituta çağırılmasını tələb ediblər. Onlar həmin hüquşünasa sualları olduğunu bildiriblər.
Professorlar Elmi Şura tərfindən təsdiq edilməyən qeyri-qanuni ekspert komissiyasının üzvü, İnstitutun Həmkarlar İttifaqının sədri Ruslan Nəcəfovdan Əmək Məcəlləsində yazılmış maddələri düzgün şəkildə oxuyub kollektivə çatdırmağı tələb ediblər və çox çətinliklə də olsa, buna nail olublar.
Mənbə bildirib ki, sayğısızlıqdan əsəbləşən professorlar həmçinin direktorun elmi işçiləri heç bir elmi konfransa buraxmamasını, Kardiologiya İnstitutunda antisanitariya şəraitinin hökm sürdüyünü, tibb ocağında çalışan alimlərin ayaqyoluna getmək üçün növbəyə dayandığını, müəssisədə normal iş şəraiti və işgüzar atmosferin yaradılmadığını, bütün bunların qarşılığında isə yüksək elmi dərəcəsi olan alimlərin ibtidai sinif şagirdləri kimi imtahan edilməsinin təhqiramiz olduğunu deyiblər:
"Bundan sonra alim-professor heyəti İnstitut direktorunun elmi işçilərin hüquqlarını pozan davranışına etiraz əlaməti olaraq Gülnaz Dadaşova tərəfindən sinif otağına oxşadılan, bəzədimiş konfrans zalını nümayişkaranə şəkildə tərk ediblər.
Bu hadisədən sonra özünü-itirən və əl-ayağa düşən Gülnaz Dadaşova elmi dərəcəsi olamayan işçilər üçün növbəti attestasiyanı da təxirə salıb. O, bütün bunalardan xəbəri olmadığını deyib və attestasiyaya görə bütün günahları elmi işlər üzrə müavini Rəfail Daşdəmirov və hüquqşünas Azad Aslanovun üzərinə ataraq onları işdən azad edəcəyini deyib. Direktor daha sonra bəzədiyi konfrans zalını boşaltmaqla məşğul olub. Əslində isə Rəfail Daşdəmirov bu şəkildə attestasiyanın doğru olmadığını bildiyi üçün xəstələndiyini əsas gətirərək bu gün işdə deyildi. O adam bu biabırçılığa görə utanırdı və ona görə işə gəlməmişdi".
Bu arada İnstitutin işçiləri daha bir ciddi qanun pozuntusundan şikayətçidirlər. Belə ki, bu günlərdə İnstitutun birinci mərtəbəsində xüsusi izolyasiyasi olmayan bir kabinetə portativ rentgen aparatı yerləşdirilib:
"Bu aparat institutda yatan, eləcə də stasionar şəkildə müalicəsi planlaşdırılan xəstələr üçündür. Onların ciyərləri yoxlanılır, pnevmoniyaya tutulub-tutlmadıqları müəyyən edilir. Ancaq portativ rentgen aparatı ciddi şüalanma yaradir. Bu şüalar 2-5 metr ərazidəki insanlara təsir edir. Rentgen müayinələri isə səhər saatlarında koridorda insanların çox olduğu zaman aparılır. Eləcə də qonşu kabinetlərdə həkimlər xəstələri qəbul edirlər. Onların hamısı şüalanmaya məruz qalırlar. Bu isə qanunsuzdur. Lakin direktor bu məqama əhəmiyyət vermir".
Maraqlıdır, portativ rentgen aparatının pasiyent və həkimlərə yaxın, izolyasiyası olmayan kabinetdə yerləşdirilməsi nə dərəcədə düzgündür? Müayinələrdən əvvəl bununla bağlı Fövqəladə Hallar Nazirliyinin müvafiq rəyi olubmu?
Onu da qeyd edək ki, artıq institutun professor-alim heyəti direktor Gülnaz Dadaşovanın bu özbaşınalıqlarına dözməyərək, məsələ ilə bağlı Səhiyyə nazirinə Teymur Musayevə və digər aidiyyəti orqanlara məlumat veriblər.
Yazıda səslənən ittihamlarla bağlı Elmi-Tədqiqat Kardiologiya İnstitutunun mətbuat xidməti ilə əlaqə saxladıq. Oradan bildirdilər ki, elmi attestasiya Azərbaycan Respublikasının müvafiq qanunvericiliyinə, akademik C.M.Abdullayev adına Elmi-Tədqiqat Kardiologiya İnstitutunun Nizamnaməsinə və Elmi Şuranın əsasnaməsinə uyğun təşkil edilib:
"Attestasiya Komissiyası mövcud normativ aktlara uyğun olaraq formalaşdırılıb. Attestasiya prosesinin nəticələri ilə bağlı Komissiya üzvlərinin yekun rəyi və hesabatı təqdim edildikdən sonra rəsmi mövqe bildirilməsi mümkün olacaq. Hazırda bu istiqamətdə heç bir rəsmi sənəd daxil olmayıb. Bununla yanaşı, attestasiyanın keçirilməsi tam qanunauyğun hesab olunur. Qeyd olunan attestasiya çərçivəsində iştirak tələbi olmayan bəzi əməkdaşlar mövcud ola bilər. Bu, qanunla müəyyən edilmiş istisnalar çərçivəsindədir.
Hazırda komissiya üzvlərinin və sədrinin yekun rəyi və hesabatı təqdim edilməyib. Hər hansı rəsmi yazılı şikayət də daxil olmayıb. Yekun sənədlər təqdim olunduqdan sonra mövzu ilə bağlı daha dəqiq məlumat vermək mümkün olacaq".
Rentgen kabinetinə gəlincə, İnstitutdan bildiriblər ki, kabinet müvafiq təhlükəsizlik tələblərinə uyğunluğu qiymətləndirilib:
"Ecoray markalı MİNİ 90 modeli olan portativ diaqnostik rentgen cihazı daşınan olduğu üçün otaqların izolyasiyasına ehtiyac olmur. Statisionar xəstələrin müayinəsi üçün portativ daşınan rentgen cihazını statisionar rentgenoskopiya cihazı ilə müqayisə etsək, həmin dozanın fərqini görmək olar".

TEREF yazır ki, poçtumuza bir xanımdan şikayət daxil olub . Şikayətçi Rzayeva Gülnarə xanımdır. Şikayətin çox ilginc olduğunu nəzərə alaraq məktubun nöqtə vergülünə toxunmadan oxuculara təqdim edirik:.Gülnarə xanım şikayətində yazır:
"Dediyimki kimi Nərimanov icra hakimiyyətinin keçmiş birinci müavini bax belə mənim həyatımnan oynayıb indidə eşyalarımı geri qaytarmir. Köməkçisi Ağamir mənə mesaj yazibe sumkani hara göndərək, esyalarini indidə göndərir. Sizdən çox xahiş edirəm mənə kömək edin.
Şahmar İbadovun nömrəsi 050 211.. ... Sizdən kömək istəyirəm. Danışın deyin eşyalarımı qaytarsın. Mən Türkiyədəyem və hal hazırda qalmışam belə. Bilmirəm nə edim, çox xahiş edirəm mənə kömək edin."
Daha sonra Gülnarə xanım bəzi detallara vararaq yazır ki, o xəstə anası ilə Şahmar İbadovun himayəsində H. Əliyev pros 101 mən 74-də 3 il yaşayıb. Mənzil binanın 11-ci mərtəbəsində yerləşib.
TEREF olaraq Şahmar İbadovla əlaqə saxladıq. Xanımın iddiaları ilə onu tanış etdik. Şahmar İbadov elə bir adamı tanımadığını dedi.
Gülnarə Rzayevanın şikayətinin səs qaydlarıda əlimizdə var. Onuda bloqumuzda yerləşdirəcəyikk.
Araşdırmamız davam edir.
Ardı var

Bir neçə gün bundan öncə Tribunainfo.az olaraq “Aztelekom” MMC ilə apardığımız araşdırma barədə geniş məlumat vermişdik. Həmin məlumatlarda qeyd olunurdu ki, 2024-cü ildə 24 tender keçirən sözügedən qurum ümumilikdə 8 milyon 849 min 90 manatlıq satınalma müqaviləsi imzalayıb.
Araşdırma zamanı o da bəlli olmuşdu ki, “AzTeleKom” MMC bu vəsaitlərin 4 milyon 488 min 652 manatını təkcə bir şirkətlə alqı-satqıya xərcləyib. Orada söhbət “MOTOR CLINIC” MMC ilə il ərzində bağlanmış iki müqavilədən gedirdi.
Dünən isə məlum olub ki, “AzTeleKom” MMC-nin keçirdiyi tenderlərlə bağlı bəzi məhdudiyyətlər tətbiq olunub. Belə ki, Tural Pirverdiyevin rəhbərlik etdiyi qurum “Əlavə mütəxəssislərin işə cəlb olunması” layihəsini həyata keçirmək istəyini reallaşdıra bilməyib. 21 milyon 770 min 655 manat olan bu müsabiqənin ləğvinin səbəbi iştirakçı sayının az olması göstərilib. Anti İnhisar və İstehlak Bazarına Nəzarət Dövlət Xidməti MMC-nin müsabiqə zamanı “Dövlət satınalmalar haqqında” qanunun bəzi maddələrini pozduğunu aşkarlayıb.
Lakin ayrı-ayrı mənbələrdən gələn xəbərlərdə məsələnin təkcə bununla bağlı olmadığı da deyilir. İddia olunur ki, qurumun rəhbəri Tural Pirverdiyevin bəzi tender işlərinə qismən qadağalar tətbiq olunub. Bu qadağaların konkret olaraq hansı qüsura görə, tətbiq edildiyi isə hələlik məlum deyil.
Bundan başqa, Tural Pirverdiyev həmçinin paralel olaraq, Rəqəmsal İnkişaf və Nəqliyyat Nazirliyinin balansında olan “Azintelecom”un əsas əshmdarı olduğu “Azercell”in də idarəçiliyini həyatra keçirir. Məhz bu səbəbdən də onun “AzTeleKom”a az vaxt ayırdığı, əsasən “Azercell”də olduğu bildirilir. Bu səbəbdən də sözügedən dövlət qurumunda bəzən anlaşılmaz, bəzən isə məqsədyönlü problemlər meydana çıxır. Hətta iddialar var ki, MMC daxilində rəhbərlik uğrunda mübarizə aparan bir neçə qruplaşma belə var. Lakin bunun nə dərəcədə doğur olduğunu hələlik dəqiqləşdirə bilməmişik.

Vilayət Vəliyev qadınlara qarşı xüsusi tərbiyəsizliyi ilə tanınır. Bir xanıma deyib ki, səni “iti qovan kimi qovacağam unversitetdən”. Qızı da unversitetdə təkbaşına 3 vəzifə aparır…

Bu iddialar Azərbaycan Texniki Universitetinin rektoru Vilayət Vəliyevin fəaliyyəti ilə bağlı redaksiyamıza daxil olmuş növbəti yazıda yer alır. Təəssüf ki, səslənən iddialarla bağlı bu təhsil ocağından cavab almaq mümükünsüz olub(?)

Aktuallığını nəzərə alıb, müəyyən düzəliş və ixtisarla yazını dərc edirik:

Azərbaycan Texniki Universitetinin rektoru Vilayət Vəliyev dələduzluq, moşenniklik və müxtəlif şirnikləndirici vədlərlə Unversitetə çağırıb gətirdiyi ziyalılara kiçik işlərdən başlamaqla unversitetin çatışmazlıqlarını düzəltməyi tapşırır və bildirir ki, nə xərc çəkəcəksən qaytarılacaq. İşlər yerinə yetirildikcə, azğınlaşır, daha böyük xərcli işlər tapşırılır. Sonrada, “işlərin öhdəsindən gələ bilmirsən” deyilərək, ziyalılara nə pulu qaytarır, onları həm də işdən azad edir. Əməkdaşların vəsaitlərini mənimsədiyinə görə onlarda “Atam mənə kor deyib, hər gələni vur deyib” məsəlini dəyişib “Mən rektoram oğruyam, Mən həmişə doğruyam” kimi səsləndirirlər. İnsanların “işə” cəlb olunmasında isə hətta prorektorlar, “seçilmiş” dekan və kafedra müdirləri iştirak edirlər. Tam bir qapalı “moşenniklik” sxemi qurulmuşdur. Təzyiq vasitəsi kimi, müxtəlif “oyunlar“ qurur və bu çirkin oyunlara Unversitetdəki öz adamlarını cəlb edir. Odur ki, Unversitetdə təhsil, elm qalıb bir yanda, “oyunbazlıqla” məşğuldur.

İşdən çıxarma yöntəmlərini də “təkmilləşdirir”. Əvvəlcə guya yaxşı işləyirsən deyə bir başqa iş adıyla digər işə keçirir, sonra qısa müddətə bağlanmış müqavilənin müddətini uzatmır (Bu üsul o qədər “effekt” verib ki, indidə tədris köməkçi heyətə tətbiq edir). Beləliklə aldadılmış onlarla ziyalını çöldə qoymuşdur. Bu fırıldaqlar baş tutmayanda, vəzifəni guya vakant kimi müsabiqəyə çıxarır və sonra da çirkin oyunlarla, yüz xahişlə unversitetə gətirdiyi, vəsaitlərini mənimsədiyi ziyalını müxtəlif yollarla çöldə qoyur. Türklərin dedikləri kimi onun “mənfur bizans oyunları” bitmir ki, bitmir. Aldatdığı ziyalıları işdən uzaqlaşdırmaq üçün hər dəfə bir “komissiya” yaradır. Harda unversitetdə adı mənfi işlərdə hallananlar var, yığır “komissiyaya”. Unversitetdə tam bir əks fazaya doğru irəliləyiş gedir, vaxtilə düşdüyü bataqlığa doğru yenidən sürüklənir.

Elə kafedralar var ki, 10-a qədər 1,5 ştat müəllim var, bəzilərinə isə heç birinidə icazə vermir. Soruşanda da şər, böhtanla qabaqdan gəlmişlik edib özünü borclu çıxarır.

Qadınlara qarşı xüsusi tərbiyəsizliyi ilə tanınır. Bir xanıma deyib ki, səni “iti qovan kimi qovacağam unversitetdən”. Xanım da tərbiyəsinə sığınıb ərizəsini yazıb. Axı bu kəlmə xalqımızın dilində ermənilərə qarşı brendə çevrilmişdi. Vilayət Vəliyev isə xalqın məsul nümayəndəsinə, özü də bir azərbaycanlı xanıma qarşı o ifadəni işlədir. Vilayət Vəliyevin qızı da unversitetdə təkbaşına 3 vəzifə aparır, ona qarşı bu ifadəni işlətsələr hansı hissləri keçirər? Çıxışlarında utanmadan bildirir ki, işdən uzaqlaşdırdığı insanlar bir daha yaxşı iş tapa bilmir. Ona deyən lazımdı, əlbəttə tapa bilməyəcəklər, çirkin oyunlarınla insanları işindən-gücündən edib, unversitetə gətirirsən, sonra da min oyunla yola salırsan. Bu oyunlarına elə don geyindirir ki, həmişə vəziyyətdən çıxmağı bacarır.

Onun çirkin oyunları son vaxtlar mətbuatda işıqlandırıldıqdan sonra faktlardan ancaq birinə reaksiya verdi . Guya AzTU-dan qovulanların siyahısında qeyri dəqiqlik vardır. Böyük ehtimalla sonradan hansısa düzəlişlər edilib, necə ki, eyni məsələ üçün gündə bir “komissiya” yaradır. Bir də o faktlardan ancaq birinin doğru olmadığını bildirdi, onda belə çıxır ki, qalan faktlar düzdür.

Bütün işləri kompleksləşdirmişdir və Unversitetə götürdüyü kadrların təhsildən xəbəri yoxdur. Onları zorla pedaqoq eləməyə çalışır, hansı ki, o adamlar adi sillabus hazırlaya bilmir, bir saat auditoriya təcrübələri yoxdur.

Vilayət Vəliyev AzTU-ya özünə kimdənsə qalmış mirası kimi baxır və bəzi yandaşlarıda bunu dönə-dönə xatırladır. Yaxşı elə idisə nə üçün ermənilərə qarşı bütün Vətən oğulları Ali Baş Komandanın başçılığı altında vuruşanda Vilayət Vəliyev öz oğlunu gizlətdi. Bunlar ermənilər üzərində vətən oğullarının qazandığı qələbənin qürur hissini nə onda yaşaya bildi, nə də indi. Bunların vətən müharibəsi iştirakçılarına və onların yaxınlarına qarşı xain münasibətinin əsl səbəbi onların qürur hissindən kəsad qalmasıdır. Xalq artisti Fəxrəddin Manafov şəhidlərimiz, qazilərimiz və veteranlarımız haqqında gözəl demişdir: “Müharibədən qayıtmırlar, müharibədən qayıtmaq mümkün deyil, yəni fiziki olaraq əlbəttəki şükür Allaha, qayıdanlar var, ama düşüncə ruhu ilə onlar ordadırlar hər zaman”. Görün iş nə yerə çatıb ki, Vilayət Vəliyev şəhid, veteran yaxınlarını üz-üzə qoymaq üçün min çirkin oyundan çıxır. Onların “stress” halından mənfurcasına məharətlə istifadə edir.

Ali Baş Komandanımız Möhtərəm İlham Əliyev, 1-ci Vitse president Mehriban xanım Əliyeva bu gün də müharibə atəşinin bürüdüyü şəhidlərimizdən, qazilərdən, veteranlardan danışanda kövrəlir. Nə üçün? Çünki, o odlu-alovlu günləri onlarda Vətən oğulları ilə, yaxınları ilə birgə yaşadı. Ancaq AzTU-nun yuxarıda adı keçən “moşenniklər”i bunu heç vaxt başa düşməyəcəklər. Qürur hissindən məhrum qalmaq belə şeydir. Ona görə günahlarını özlərində deyil vətən oğullarında görəcəklər./yenixeber.org

Millət vəkili və Atletika Federasiyasının vitse-prezidenti Könül Nurullayeva geyim tərzi ilə yenidən gündəmə gəlib.

32gun.az-ın məlumatına görə, deputatın yayılan fotosunda məşhur "Balenciaga" brendinə məxsus kəmər taxdığı görünür.

Araşdırma zamanı məlum olub ki, sözügedən aksesuarın bazar qiyməti orta hesabla 840 manatdır. Bu markaya məxsus kəmərlərin qiymətləri isə 700 manatdan 1000+ manata qədər dəyişir.

Millət vəkili Könül Nurullayevanın bahalı aksesuarı diqqət çəkib

Son dövrlərdə bəzi deputatların geyim tərzi və istifadə etdikləri bahalı aksesuarlar ictimaiyyət arasında maraq doğurur.

Qeyd edək ki, Könül Nurullayeva Millət vəkili və Atletika Federasiyasının vitse-prezidenti olmaqla yanaşı, ISSA İcraiyyə Komitəsinin üzvü və Qiymətləndirmə və Təftiş Komissiyasının sədridir. (Şəkil 2023-cü ilə aiddir, həmin dövrdə federasiya ISSA yox, ISSF adlanırdı.)

Dövlət Şəhərsalma və Arxitektura Komitəsinin sədri Anar Quliyevin işdən azad etdiyi Fərid Hüseynov bu qurumun nəzdində fəaliyyət göstərən Ərazi Tikinti Planlaşdırma Mərkəzinin sədri Ramin Abdullayev tərəfindən yenidən işə götürülüb. Bu barədə redaksiyamızı özəl mənbə məlumatlandırıb. Mənbənin sözlərinə görə, Ramin Abdullayevin “sağ əli” olan və Tikintiyə nəzarət şöbəsinin rəisi olan Fərid Hüseynov işdə yol verdiyi kobud nöqsanlara görə bir müdət bundan öncə Anar Quliyev tərəfindən işdən azad edilmişdi. Məlumat üçün qeyd edək ki, Xırdalan şəhəri, AAAF park yaşayış kompleksinin girişində Ulu öndərin guşəsinə hörmətsizlik edərək rüşvət qarşılığında qanunsuz tikinti buraxan şəxs də Ramin Abdullayevin qara kassası Fərid Hüseynov olub.

Ramin Abdullayevdən Anar Quliyevi heçə sayan addım…

Dövlət Şəhərsalma və Arxitektura Komitəsinin sədri Anar Quliyev tərəfindən qovulan şəxsin Anar Quliyevə tabeçiliyi olan Ramin Abdullayev tərəfindən işə götürülməsi sonuncunun öz rəhbərinin qərarını heçə saydığını göstərir. Bu fakt onu deməyə əsas verir ki, Ramin Abdullayev çalışdığı qurumun daxilində öz imperiyasını yaradıb və onu istədiyi şəkildə idarə edir. Fərid Hseynovu yenidən işə götürməsində səbəb isə sözügedən şəxsin Ramin Abdullayevin “qara işlərində” xüsusi fəallıq göstərməsi, “qara kassa” kimi öz fəaliyyətini ideal səviyyədə qurmasıdır.

Eldar Əzizov və Kamil Məmmədov Fərid Hüseynovun himayədarı qismində

Mənbənin bildirdiyinə görə, Fərid Hüseynovun yenidən qayıdışı Ramin Abdullayev və onun Bakı Şəhər İcra Hakimiyyətindəki əlaqələri ilə bağlıdır. Belə ki, Ramin Abdullayev Bakı Şəhər İcra Hakimiyyətinin başçısı Eldar Əzizov, xüsusilə də başçının müşaviri Kamil Məmmədovla olan əlaqələrindən istifadə edərək Fərid Hüseynovun yenidən işə qəbulunu təmin edib. Xüsusilə Kamil Məmmədov bu məsələdə Ramin Abdullayevə ciddi dəstək verib.

Xatırladaq ki, həm Ramin Abdullayev, həm də Fərid Hüseynovun adı Gəncə, Abşeron, Qarabağ və digər bölgələrlə bağlı çoxsaylı korrupsiya əməllərində hallanır. Bu isə hər iki şəxslə bağlı hüquqi araşdırmanın aparılmasını vacib edir. Ümid edirik ki, əlaqədar qurumlar adları daim rüşvət və korrupsiya ilə gündəmə gələn Ramin Abdullayev və Fərid Hüseynovla bağlı rəsmi araşdırmaya start verəcək, məlum araşdırma çərçivəsində bu şxəslərin qara əməllərində yer alan digər şəxslər də aşkar edilərək məsuliyyətə cəlb olunacaq.

cumhuriyyet.az

Neftçala rayon İcra Hakimiyyəti Neftçala rayonunda abadlıq və mənzil fondunun əsaslı təmir işləri üzrə 27.11.2024-cü ildə başladığı açıq tenderə yekun vurub. Keçirilmiş 102201 nömrəli müsabiqənin qalibi “AVTOYOLTIKINTISERVIS” Məhdud Məsuliyyətli Cəmiyyəti seçilib və tərəflər arasında 1.254.237,76 manat məbləğində satınalma müqaviləsinin bağlanılması planlaşdırılır. Məlumat satınalmaların portalında 21.02.2025-ci ildə dərc edilib.

Qeyd edək ki, bu Neftçala rayon İcra Hakimiyyətinin adıçəkilən şirkətlə ilk müqaviləsi deyil. Dövlət satınalmalarının portalına yerləşdirilmiş məlumatlara görə tərəflər arasında buna qədər bir neçə satınalma müqaviləsi bağlanılıb.

Neftçala rayonunda daxili yolların və büdcədənkənar vəsait hesabına daxili yolların əsaslı təmiri işlərinin satınalınması üzrə 01.11.2024-cü ildə başlanılmış 99904 nömrəli müsabiqədə də qalib “AVTOYOLTIKINTISERVIS” MMC seçilib və tərəflər arasında 1.254.237,76 manat məbləğində müqavilənin bağlanılması barədə məlumat 29.12.2024-cü ildə dərc edilib. Müsabiqədə ehtimal olunan qiymət 978.519,00 manat müəyən edilib.

Neftçala rayon İcra Hakimiyyəti Neftçala rayonunda daxili yolların və büdcədənkənar vəsait hesabına daxili yolların əsaslı təmiri işlərinin satınalınması üzrə 01.11.2024-cü ildə başladığı, ehtimal qiyməti 978.519,00 manat olan, 99904 nömrəli müsabiqənin də qalibi “AVTOYOLTIKINTISERVIS” MMC seçilib və 963.234,32 manat məbləğində müqavilənin bağlanılması barədə məlumat 12.12.2024-cü ildə dərc edilib.

Neftçala rayonunda avtomobil yolların əsaslı təmiri işlərinin satınalınması üzrə 22.08.2023-cü ildə başlanmış açıq tenderdə də qalib “AVTOYOLTIKINTISERVIS” MMC seçilib və tərəflər arasında 405.395,25 manat məbləğində müqavilənin bağlanılması barədə məlumat 14.03.2024-cü ildə dərc edilib. Satınalmaların portalında müsabiqənin başlanma tarixi 29.12.2024-cü il, bitmə tarixi 31.12.2024-cü ilə müəyyən edildiyi göstərilir.

Dövlət satınalmalarının portalına yerləşdirilmiş məlumatlardan da görsəndiyi kimi, Neftçala rayon İcra Hakimiyyəti eyni gündə başlamış 99904 nömrəli müsabiqə üzrə “AVTOYOLTIKINTISERVIS” MMC ilə iki satınalma müqaviləsi bağlayıb. Satınalmalar haqında qanuna görə eyni predmet üzrə təşkil olunan satınalma iki yerə bölünə bilməz. Onda sual yaranır. Neftçala rayon İcra Hakimiyyəti tərəfindən ehtimal olunan qiymət 978.519,00 manat müəyən edilmiş tenderi “AVTOYOLTIKINTISERVIS” MMC 1.254.237,76 manata necə uda bilər.

Satınalmaların portalına 12-29 dekabr 2024-cü ildə yerləşdirilmiş məlumatda Neftçala rayon İcra Hakimiyyətinin “AVTOYOLTIKINTISERVIS” MMC ilə ümumi dəyəri 2 217 471 manat məbləğində iki satınalma müqaviləsinin bağlanıldığı göstərilir. 21.02.2025-ci ildə yekunlaşdırılmış tenderi də bunun üzərinə gəlsək, bu son üç ayda Neftçala rayonunda avtomobil yolların əsaslı təmirinə 3 milyon yarım manata qədər dövlət vəsaitinin ayrılması deməkdir. Bu rəqəmlərin nə qədər şişirdildiyini aidiyyəti qurumlar araşdırsa ortaya çıxara bilər.

Maraqlı burasıdır ki, Neftçala rayon İcra Hakimiyyəti tərəfindən Neftçala rayonunda avtomobil yolların əsaslı təmiri işlərinin satınalınması üzrə 22.08.2023-cü ildə başlanmış açıq tenderdə təmir işlərinin hansı yollarda aparılacağı açıqlanıb. Burada təmir işlərinin Asif Səlimov-Vüqar Soltanov küçəsində, Babək küçəsində, Rövşən Əliyev küçəsində, Məmməd Əmin Rəsulzadə küçəsində aparılacağ açıq göstərilir. Amma İcra Hakimiyyətini 99904 nömrəli müsabiqə üzrə bağladığı müqavilələrdə bu açıq göstərilmir.

Neftçala rayon İcra Hakimiyyətinin işbirliyində olduğu şirkətə gəlincə.

İqtisadiyyat Nazirliyi yanında Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “AVTOYOLTIKINTISERVIS” (VÖEN: 1904350701) Məhdud Məsuliyyətli Cəmiyyətinin 16.03.2020-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 100 manat olan MMC-nin hüquqi ünvanının BAKI ŞƏHƏRİ NƏRİMANOV RAYONU, ƏLİYAR ƏLİYEV, ev 195, m. 6, qanuni təmsilçisi kimi isə Məmmədov Ramin Adil oğlu qeyd olunub.
Dövlət Vergi Xidmətinin reystr məlumatlarına edilən dəyişiklikdə isə göstərilir ki, MMC -nin təsisçisi və ilk qanuni təmsilçisi İsgəndərov Etibar Eyvaz oğlu olub. MMC ilk dəfə BAKI ŞƏHƏRİ SURAXANI RAYONU, Q YAŞAYIŞ SAHƏSİ ( YENİ GÜNƏŞLİ QƏS.), ev 13, mənzil 39 ünvanında dövlət qeydiyyatına alınıb. MMC-nin hazırki günə 154839.17 manat vergi borcu var.

“Avtoyoltikntiservis” MMC populyar şirkət olmasa da, tenderlərdə fəal iştirak edir. Dövlət satınalmalarının elektron portalına yerləşdirilən məlumatlardan aydın olur ki, şirkətin əsas sifarişçiləri icra hakimiyyətləri və onlara tabeli qurumlardır. MMC 2022-2025-ci illərdə 33 tenderin qalibi seçilib. Bu tenderlər əsasələn yol təmirləri və abadlıq işləri ilə bağlı olub. Bu tenderlər üzrə satınalma müqavilələrinin ümumi maliyyə dəyəri 9 341 264,44 manat olub.

MMC-nin “Facebook” sosial şəbəkəsindəki səhifəsi var ki, ilk və son paylaşımlar 2020-ci ilin aprelində olub. Paylaşımda MMC-nin magistral yolların yenidən qurulması və asfaltlanması, qeyri-yaşayış obyektlərinin və inzibati binaların ərazisində yolların yenidən qurulması və asfaltlanması işlərinin gördüyü göstərilir. Lakin son illər aldığı dövlət sifarışləri ilə bir dənə də olsun paylaşım olmayıb. Bu da MMC-nin fəaliyyəti barədə şübhələr doğurur. Açıq mənbələrdə şirkət və qanuni təmsilçisi haqqında heç bir məlumata rast gəlinmir.

Qeyd edək ki, Neftçala rayon İcra Hakimiyyətinin başçısı 1989-cu il təvəllüdlü Mirhəsən Seyidovdu. O, Prezident İlham Əliyev tərəfindən verilmiş sərəncama əsasən 5 mart 2020-ci ildə Neftçala Rayon İcra Hakimiyyətinin başçısı təyin edilmişdir. Prezident tərəfindən verilmiş sərəncamdan da göründüyü kimi yaxın günlərdə Mirhəsən Seyidovun Neftçalada rəhbərliyə başlamasının beş ili tamam olacaq. Neftçalanın gənc icra başçısının bu beş il ərzində nə kimi işlər görməsi barədə məlumat almaq üçün internet axtarış sistemləri üzərindən Mirhəsən Seyidov yazmaq kifayət edər.

Aktualinfo.org

Göyçay rayonu Bığır kənd sakini Məmmədov Camaləddin Cəmaləddin oğlu tərərfindən

ŞİKAYƏT

Bu şikayətimdə yazıb Sizə bildirirəm ki, Göyçay rayon sakini İlhamə Babayeva mənə hədə qorxu gəlib özümə və övladlarımın başına oyun açdıracağı ilə hədələyir.
Mən İlhamə Babayevadan 12000 manat yüksək faizlə sələmiyə pul almışam. Həmin pulun 12000 manatı və faiz kimi 9000 manat İlhamə Babayevaya qaytarsamda məndən əlavə 17000 manat pul tələb edir. Buna etriraz etdiyim üçün İlhamə Babayeva mənim evimə gəlib arxamda vəzifəli şəxslər dayanıb sənin və övladlarının başına oyun açdıraram deyib hədə-qorxu ilə pul tələb edir.Buna görə qorxu və həyacan işində yaşamağa və qonşu Ağdaş rayonunda yaşamağa məcbur olmuşuq.
Bu barədə bütün aidiyyatı qurumlara şikayət ərziələri göndəmişəm.
Mətbuat vasitəsi ilə xahiş edirəm şikayətimi obyektiv araşdırıb sələmçi İlhamə Babayevanın barəsində qanunu və ciddi tədbirlər görəsiniz.
İmza; Məmmədov Camaləddin Cəmaləddin oğlu

Bir onu bilirəm ki,hər gün bu oyunu oynayanlara "ALQIŞ" oxuyuruq.Allah onlara..............Amin!!!!
TEREF yazır ki, bunu Neftçilərin Hüquqlarını Müdafiə Təşkilatı İB-nin rəhbəri Mirvari Gahramanli deyir. Daha sonra Mirvari xanım aşağıdakı şikayəti diqqətimizə çatdırdı:
Малахат Гусейнова
Azəriqaz İB Sumqayıt QİS(Qaz İstismar Sahəsi)-dəki vəziyyəti izah edim.Xəbər gəldi ki,struktur dəyişikliyi olacaq.Yeni Regional idarə yaranır və Sumqayıt QİS ayrıca.Bizim şöbə,yəni TQQ və SŞ ləğv olunur.Eyni zamanda şöbənin texnik ştatları da ixtisara düşür.Bəs necə olacaq?Dedilər sizə çilingər yeri təklif olunur.İstəmıyənə yol açıqdı.Gedə bilər.Əvvəl dedilər ümumiyyətlə texnik ştatı yoxdur.Sonra 1 texnik metrologiyada,2 texnik inzibati şöbədə,2 texnik kargüzarlıqda peyda oldu.Nə staja baxdılar,nə təhsilə.Metrologiya ilə inzibati şöbə texnikləri sakit-səssiz yerləşdirildi.Kargüzarlığa da bir nəfər ştata oturdu.Aləm qarışdı.Dedilər 1 yer qalıb.Qalan texniklər getsin o yerə imtahan versin.16 nəfər texnikə dəvət gəldi 1 yer kargüzarlığa.Nə əlaqə bilmirəm.Nəysə.Məlum idi ki,bu imtahan gözdən pərdə asmaq idi.Cəmi 4 nəfər getdi imtahana.İmtahan nəticələri qaldı bir qıraqda ora da bir məfər yerləşdirildi.Yaranan yeni idarələrin ştat cədvəlləri gizli saxlanıldı.Və bu gün məcburiyyətdən qalan texniklər keçdi çilingər.20-40 il texnik işləyən müxtəlif yaşlarda olan qadınların çilingər olmasını təsəvvürünüzə gətirin.Yerində olmayan adamın gördüyü işin səmərəsini də fikirləşin.Niyə bizim başımıza bu oyunu açdılar hələ də bizə bəlli deyil.Bir onu bilirəm ki,hər gün bu oyunu oynayanlara "ALQIŞ" oxuyuruq.
Mirvari Gahramanli
TEREF

Bakıya qar yağıb.

Elə hər il olduğu kimi, bu dəfə də qar yağanda ortaya yeni problemlər çıxıb və bəlli olur ki, nədənsə, qara heç cür hazır ola bilmirik.

Hər dəfə qışa hazır olduğumuz deyilsə də, hər cür şəraitimizin, texnikamızın olduğu vurğulansa da, qarlı günlərdə bunun şahidi olmuruq. Texnika dedikləri yaşlı insanlar əlində bel ilə yol açması olur, şərait dedikləri də elə əl ilə yola süfrə duzu səpmək.

Nəzərə alsaq ki, Bakıya qar da ehtiyyatla yağır, bir çox ölkələrdə olan şaxta bizdə olmur, heç qar Allahdan dizə qədər də çatmır-bu halda belə hazır olmamaq, əslində, ölkədəki qurumların iş fəaliyyətindən xəbər verir.

Hər il tənqid olunsa da, hər dəfə hansısa biabırçılıqlar ortaya çıxsa da, yenə də çevir tatı, vur tatıdır.

Qar dizə qədər yağmasa da, biz boğaza qədər yığılmışıq.

Görəsən, dünyanın hansı ölkəsində duzu yerə əl ilə səpirlər? Özü də, süfrə duzunu. Adam istəyir, lap o duzun üstünə qənd də qoysun ki, xalq birdən qurumlarla dalaşar.

Bəs hanı xaricdən aldığımız texnikalar? Şəkilləri var, maşallah, qəşəng də görünür, bəs özü hansı? Süpriz edəcəklər? Yoxsa, icra başçıları villalarını onlarla təmizləyir?

Azərbaycan isə tək Bakıdan ibarət deyil, hətta rayonlarda vəziyyət daha da acınacaqlı ola bilir.

Məsələn, bu cür bölgələrdən biri də Allah qoymasa, turistik bölgəmiz olan Qəbələdir.

Belə ki, Qəbələdə Bakıya nisbətdə daha çox qar yağsa da, normalda tədbirlər daha yaxşı olmalı olsa da, orada da belə olmayıb.

Nədənsə, Rayon İcra Hakimiyyətinin başçısı Səbuhi Abdullayev və tabeçiliyində olan Mənzil-Kommunal Təsərrüfatı Birliyi heç bir tədbir görməyib.

Nə yollar təmizlənib, nə qum səpilib, nə də başqa bir şey.

Bəs niyə? Bunları onların əvəzinə kim edəcək?

Bu səbəbdir ki, yol-nəqliyyat hadisələri də artıb, sürüşmə halları müşahidə olunur və bu da yaxşı nəticələnmir.

Qəbələnin turistik bölgə olduğunu nəzərə alsaq, bura axının olması da təbiidir. Belə olan halda tədbirlər daha da gücləndirilməli deyilmi?

Görəsən, icra başçısı bunu bilmirdi? Yoxsa, düşünürdü ki, qar yağıb, heç kim gəlməyəcək? Niyə hansısa xarici və ya yerli turist qar sevgisini daha çox yaşamaq üçün buraya üz tutmalı və belə bir məyusedici mənzərə ilə qarşılaşmalıdır?

Özümüz bir yana, öyrəşmişik, xaricilər ölkəyə elə məhz Qəbələni görmək üçün gəlir. Onların qarşısına belə çıxıb qorxutmaq lazımdır? Axı onlar gəldikləri ölkədə bu cür işlər ən yüksək səviyyədə təşkil olunur. Heç olmasa, bizdə də ortabab təşkil olunsa olmazmı?

Bu ağappağ qarda üzümüz niyə qara olsun?

Şair deyir:

Sənin ki, bu qədər təmizliyin var,

Bağışlamaq olar soyuqluğunu.

Amma icra başçılarını qətiyyən bu cür hallara görə bağışlamaq olmaz.

Pərviz Həşimli
Gununsesi.info