Regionlarda təhsilin bərbad vəziyyətə salınması Azərbaycan gəncliyinin sağlam və savadlı yetişməsinə vurulan ən böyük zərbədir. Valideynlər uşağın cismini, müəllimlər isə onların ruhunu tərbiyə edir, təhsil cəmiyyətin güzgüsüdür demiş aqillər. Amma və lakin bunlardan Şabranda əsər-əlamət yoxdur. İndi gəlin görək Şabran rayon məktəbləri barədə redaksiyaya ünvanlanan məlumatlarda nələr yazılıb.

Bildirilir ki, Günəşli kənd ümumi orta məktəbində davamiyyət aşağı, İstilik zəif, pedaqoji durum isə günün tələblərinə uyğun gəlmir. Direktor Xamadlı Türkanə Fərman qızı isə ancaq öz şəxsi maraqlarını güdür. Sosial şəbəkələrdə bəzi dərs saatlarını paylaşıb görüntü yaratmaqla işini bitmiş hesab edir.

Sağlam cəmiyyətin qurulması üçün fundamental nəzəriyyə uşaqların düzgün tərbiyə edilməsindən başlayır. Bu məktəbdə isə tamam başqa mənzərədir. Verilən məlumatlarda belə deyilir.

Məktəbdə təlim-tərbiyə məsələlərinin nəzəri kökü yoxdur. Həmçinin sözügedən məktəbdə valideyn, müəllim, şagird tərbiyə dedikdə nə başa düşməlidir onu müəyyən edən yoxdur. Çünki məktəbə rəhbərlik edən hörmətli direktor Xamadlı Türkanə xanımın təhsil sahəsindən zərrə qədər təcrübəsi olmayıb. Təhsilin məzmun və keyfiyyəti barədə məlumatsızdır. İndi isə keçək məktəbin yarım ştatında işləyən texniki işçinin iş fəaliyyətinə.

Şirkətdə TIR sürücüsü, məktəbdə isə texniki işçi kimi ADI gedən görün kimdir?

Adı məktəbdə işçi kimi qeyd olunan sürücü İlkin Zəkərəliyev başqa bir şirkətdə TIR sürür. Verilən məlumata görə, İlkin Zəkərəliyevin xanımı da həmin məktəbdə işləyir.(Bu barədə sonra…)

Bildirilir ki, adam işə gəlmir, çünki TIR sürücüsüdür. Ayın 15 və ya 20 gününü səfərlərdə keçirir. Əyər yoxlama aparılsa onun neçə gün xaricdə və ya ölkədə olmasını müəyyən edib, çirkin məınzərənin nə yerdə olduğu daha aydın görmək mümkün olar.

Düzdür, İlkin Zəkərəliyev yarım akladnan işləyir. İşləməsinə işləyir amma məktəbdə yox, şirkətdə TIR sürücüsü kimi. Yarım akladdan gələn pulun kartı isə kimdədir onu yoxlamanın nəticəsi deyə bilər. Əyər doğrudan da yoxlama aparılsa pulların bankamatdan kimlər tərəfindən götürüldüyü də müəyyən olar. Bu da sözügedən məktəbdə baş verən qanun pozuntusunun doğruluğunu ortaya qoyar. Qeyd olunur ki, məktəbin ciddi formada təmirə ehtiyacı var. Tavan çökmə təhlükəsi ilə üz-üzə qalıb. Məktəbdə davamiyyət direktorun icazəsi üzərində qurulub. Yoxlama səsi eşidən kimi uşaqlara vocapla məlumat ötürülür. Hamı bir nəfər kimi dərsə. Bu hallar əsasən yuxarı siniflərdə baş verir. Hətta məlamat verilir ki, yuxarı sinifdə oxuyanlardan bəziləri başqa yerdə ali məktəbə hazırlaşır. Tədris prosesi isə təsil haqqında olan təlimata uyğun aparılmır.

P.S.Adı olub , özü məktəbdə olmayan işçilər barədə isə araşdırmadan sonra biləcəksiniz. Qeyd edək ki, Şabran İcra Hakimiyyətinin saytında təhsillə bağlı bölümündə sözügedən məktəbin telefon nömrəsinə zəng etsək də cavab verən olmadı. qarşı tərəfin mövqeyini dərc etməyə hazırıq. /azia.az bloqu

Mingəçevir təhsilinin Sevinci, əslində isə qara kədəri. Bəlkə də Mingəçevir təhsili adına ən təsadüfi adam.

Bu iddialar Mingəçevir Təhsil sektorunun müdiri Sevinc Həsənova ilə bağlı redaksiyamıza daxil olan yazıda yer alır. Yazıda Sevinc Həsənova ilə bərabər, Mingəçevir şəhəri 9 №-li məktəbin kollec təhsilli müəllimi Gülçin Zeynallının da qanunazidd əməllərindən bəhs edilir….

Məlum aktuallığını nəzərə alıb, yazını müəyyən ixtisar və düzəlişlərlə dərc edirik:

..Mingəçevir təhsilinin Sevinci, əslində isə qara kədəri. Bəlkə də Mingəçevir təhsili adına ən təsadüfi adam. Bizim mərkəzə daxil olan məlumatlara görə olduqca təhlükəli oyunlar oynayan və özünü Elm və Təhsil nazirinin müavini Firidun Qurbanovun sevimli kadr kimi əlatdan təbliğ edən bu hikkəli və özündənrazı xanım Bakıdan təcili Mingəçevirə dönüb. Rəsmən məzuniyyətdə olduğu halda özünün şəxsi mənafeyi naminə düy vurub üzüyola direktorlara. Bir sözlə, hamını öz əməllərinə ortaq etmək istəyir. Məşhur atalar sözündə deyildiyi kimi özünə yoldaş və yoldaşlar axtarır. Amma vəzifə eşqi və hikkə bu xanımın gözlərini necə bağlayıbsa, heç ağlının ucundan belə keçirməyib ki, bir gün qazdığı quyuların birinə mütləq özü düşəcək. Təhsil adına uyğun olmayan bu sektor müdiri vəzifəsini qorumaq üçün artıq MARTİ-dəki məsul şəxslər barədə kompramat toplamaq məqsədi ilə hərkətə keçib. Ədalət naminə demək olar ki, MÜDA-nın rəhbəri Eşqi Bağırov Emin Əmrulladan fəqrli olaraq belələrinə qarşı daha barışmazdır. O nə Sevinc Həsənovanı, nə də sevinckimlərə aid olanları sevmir. Və belələrini təhsil idarəetməsindən uzaqlaşdırmaqda maraqlıdır.

…İNDİ İSƏ KEÇƏK SEVİNC HƏSƏNOVANIN QANUNSUZ ƏMƏLLƏRİNDƏN LAP BALACASINA…

…Deməli Mingəçevir Təhsil sektorunun imtahandan keçməyən və 26 dekabr 2024-cü il tarixdə müqaviləsi bitən müdiri Sevinc Həsənova şəhərin 9 №-li məktəbinin kollec təhsilli müəllimi Gülçin Zeynallının ciddi qanun pozuntusu ilə müşayət olunan əməllərinə göz yumub. Əslində o əməllərə ortaq olub.Belə ki, nə məktəbə, nə də sektora heç bir məlumat verməyən ərköyün Gülçin Zeynallı 17 yanvar 2025-ci ildən 29 yanvar 2025-ci il tarixə kimi dərsə gəlməyib. Onun tədris apardığl 4-cü sinifdə dərslər dəfələrə boş keçib. Valideynlərin etirazından sonra səs gedib çıxıb sektora, şəxsən Sevinc xanımın özünə. Ondan sonra yanvarın 25-də Gülçin Zeynallının anası məktəbə gəlib və direktoru əvəz edən müavinə deyib ki, bəs qızı təhsil məzuniyyətindədir. Bu da onun arayışı. Amma məlum olub ki, əslində təhsil məzuniyyəti üçün arayış 27 yanvardan 19 fevraldəkdir. Gülçin xanım isə Moskvaya oxumağa gedib. O, Moskvada sessiyada olmaq əvəzinə fevralın 13-də Bakıda KOBİA-nın tədbirində olub və sevincli fotolar paylaşıb.

…və yenə də Moskvadakı özəl, mənşəyi bilinməyən universitetdəki dərsdə olmaq əvəzinə 17 fevralda “işlədiyi” 9 №-li məktəbə gəlib və Mingəçevirdə yaşadığı halda Ağdaşa yerdəyişmə (müəmmalı) etdiyini deyib. Ancaq heç bir sənəd təqdim etməyib. Sonrakı günlərdə də 9 №-li məktəbdə olub. Sual yaranır: əgər Ağdaşa yerdəyişmə edilibsə,o da buradırsa, Ağdaşdakı məktəbdə onun dərslərini kim keçir? Bütün bunlara baxmayaraq onun barəsində nə sektor, nə də Mərkəzi Aran Regional Təhsil İdarəsinin müdir əvəzi Cavad Cavadov heç bir tədbir görmür.

Ona görə ki, Sevinc xanım Gülçindən çəkinir. Özü də bilir niyə. O ki, qaldı hər təhsildən dəm vuran və region müdiri olmaq üçün dəridən-qabıqdan çıxan Cavada. Gülçin hər yerdə deyir ki, bəs Cavad müəllimin bizim evdə kirayədə yaşayıb və bizə olduqca yaxşı münasibət sərgiləyir. Bir sözlə, öz uşağımızıdır. Kollec təhsilli olan Gülçin Zeyanallı daha irəli gedərək özünün “təhsil eksperti” elan edərək paylaşımlar edir.

Əldə etdiyimiz məlumatlara görə Gülçinin əlində Sevinc Həsənova ilə bağlı xeyli kompramat var. Gülçin həmin məlumatları əməkdaşlıq etdiyi şantajçı qrupa da verib. Paylaşımlar edilmir ona görə ki, Sevinci hər zaman təzyiq altında saxlasınlar.

Bizə daxil olmuş bir iddiada da deyilir ki, Gülçin Zeyanallı yerdəyişmədə razılaşdığı müəllimdən 10-15 min civarında pul da alıb.

Son məlumata görə, 21 fevral 2025-ci il tarixdə qaçaraqda Gülçin Zeyanallıya bir töhmət yazılıb. Amma hələ elan olunmayıb. Tarixini isə böyük ehtimalla köhnə tarixə yazacaqlar.

…Bunlar sektor müdiri Sevinc Həsənovanın qanunsuz əməllərinin lap azca olan hissəsidir… Digər məlumatların dəqiqləşdirilməsi və araşdırılması gedir…

…Ay Elm və Təhsil Nazirliyi , ay Məktəbəqədər və Ümumi Təhsil üzrə Dövlət Agentliyi , ay Mərkəzi Aran Regional Təhsil İdarəsi, hara baxırsınız?

…Niyə bu ölkənin gləcəyi ilə şəxsi oyunların oynanılmasına imkan verirsiniz?

…Hər üç üst qurum olaraq sizin qeyrətli qərar qəbul edəcəyinizə ümid edirəm…

Biz yazıda adları hallanan tərəfləri də dinləmək istədik Təəssüf ki, bu istiqamətdəki cəhdlərimiz nəticəsiz oldu… /yenixeber.org

Bloqumuzun poçtuna daxil olan Şəhid, və Qarabağ veteranı anası Həsənova Ceyran Məhəmməd qızının ölkə rəhbərinə şikayət məktubunun nöqtə və vergülünə əl dəymədən oxucularmıza təqdim edirik:
Azərbaycan Respublikasının prezidenti cənab İlham Əliyevə
Tovuz rayonu, Vahidli kənd sakini, Şəhid, və Qarabağ veteranı anası Həsənova Ceyran Məhəmməd qızı təfindən
Müraciət.
Hörmətli cənab prezident!
Məlumunuz edirəm ki, mənim bir oğlum Azərbaycanın ərazi bütövlüyü uğrunda Şəhid olmuş, digər oğlum düz yeddi il cəbhənin ən qaynar nöqtələrində könüllü olaraq döyüşmüşdür və sağlamlığını tamamilə itirmişdir. Üçüncü oğlum isə zabit kimi hərbi xidmət zamanı sağlamlığını itirmişdir.
Nəzərinizə çatdırıram ki, Kənd Təsərrüfatı Nazirliyi yanında Aqrar Xidmətlər Agentliyinin keçmiş rəhbərliyi oğlum Həsənov Naməddin Tofiq oğlunu qanunsuz olaraq işdən azad etməklə Nazirlər Kabinetinin 15 yanvar 1994-cü il tarixli, 10 saylı qərarını kobud şəkildə pozublar. Dəfələrlə Kənd Təsərrüfatı naziri Məcnun Məmmədova, Aqrar Xidmətlər Agentliyinin yeni sədri Sərdar Hacıyevə etdiyim çoxsaylı müraciətlərim də təəssüf ki, nəticəsiz qalıb.Açığını deyim ki, Kənd Təsərrüfatı Nazirliyinin Aparat rəhbəri Azad Cəfərlinin mənə ünvanladığı məktubda açıq-aşkar onun Şəhid və qazi ailələrinə olan nifrəti özünü aşkar surətdə biruzə verməkdədir. Əvvəllər Mədəniyyət Nazirliyində böyük cinayətlərə yol verən Azad Cəfərli indi də bu nazirliyin Aparat rəhbərliyində öz əməllərini davam etdirməkdədir və həmin cavab məktubunu da müraciətimə əlavə edirəm.
Onu da qeyd edim ki, ölkə rəhbəri cənab İlham Əliyevə etdiyim müraciət bu cənabları qəzəbləndirib və bildirirlər ki, axı ölkə prezidentinə niyə müraciət etmisiniz. Bu məmurlar özlərini ağa hesab edirlər, bunların qanunsuz hərəkətlərindən heç kimə şikayət etmək olmaz, bunlar öz cinayət əməllərini davam etdirməkdə israrlıdırlar.
Cənab prezident!
Mənim 6 nəfər ailə üzvündən ibarət olan oğlum və onun həyat yoldaşı işsizdir, onların 3 azyaşlı uşaqları artıq 4 ildir ki, ac yaşayırlar, heç bir gəliri olmayan ailə artıq ölümə məhkumdur.
Onu da əlavə edirəm ki, vaxtilə oğlumdan 25000 manat rüşvət tələb edən Rəşad Vahabzadənin həmyerliləri və havadarları olan Aparat rəhbəri Azad Cəfərli və Kadr şöbəsinin müdiri İlham Süleymanov bizim müraciətlərimizin Kənd Təsərrüfatı naziri cənab Məcnun Məmmədova çatdırılmasına imkan vermir, oğlumun işlə təmin olunmasına hər vasitə ilə əngəl törədirlər. Hal-hazırda bu sahədə boş iş yeri olmasına baxmayaraq oğlumu işlə təmin etmirlər. Oğlum təcrübəli və savadlı mütəxəssis olmaqla dəfələrlə nazirlikdə dərs keçib. Elmdən və qanundan xəbəri olmayan İlham Süleymanov və Azad Cəfərli isə öz maxinasiyaları ilə baş qatmaqla məşğuldurlar.
Mənim körpə nəvələrim artıq 4 ildir ki, ac-yalavac yaşayır. Dəfələrlə ölkə vətəndaşlığından imtina etsək də, imtinamıza bəzi qüvvələr mane olur.
Artıq son dəfə Sizdən kömək istəyirəm.
Siz hər bir vətəndaşın qarantısınız və qanunu pozan bu cinayətkar ünsürlər öz cəzalarına təcili çatmalıdırlar.
İlham Süleymanov, Azad Cəfərli kimi harınların at oynatdıqları ölkədə yaşamaq mümkün deyil və bunun acı nəticələri özünü lap tezliklə biruzə verəcəkdir.
Cənab ölkə başçısı! Mən və oğlumun ailəsi ölkə vətəndaşlığından son dəfə imtina edirik. Xahiş edirəm imtinamızı qəbul edəsiniz, çünki 3 azyaşlı körpənin ac-yalavac yaşaması mümkün deyil.
Həsənova Ceyran Məhəmməd qızı
Şəhid və Qarabağ veteranı anası.
Şikayətçinin göndərdiyi Kənd Təsərrüfatı Nazirliyinin Aparat rəhbəri Azad Cəfərlinin cavab məktubunuda şikayətə əlavə edirik!
Qarşı tərəfində mövqeyini dərc etməyə hazırıq!

Paytaxtın Nizami rayonunda qanunsuz tikintilər tez-tez medianın gündəminə gəlir. Rayon sakinləri qanunsuz tikintilərin artıq səkiləri belə zəbet etməsinə etiraz etməyə başlayıblar. Onlar iddia edir ki, rayonda qanunsuz tikintilər keçmiş icra başçısı Arif Qasımovun dövründə genişlənib: “Lakin xələfi Coşqun Cəbrayılovun dövründə bu qanunsuzluqla pik hədd çatıb. Artıq Qara Qarayevdən ta Xalqalar Dostluğuna qədər uzanan massiv boyu o gözəl şam ağacları yoxa çıxıb, yerində elə sabiq və indiki icra başçılarına, deputatlardan birinə və başqa vəzifə sahiblərinə məxsus yüzlərlə tiklilər peyda olub. Dəhşətli hallardan biri də budur ki, artıq tiklilərin çoxu hətta magistral yola bitişikdir, səkilər yoxa çıxıb. Nəticədə piyadaların hərəkəti də məhdudlaşdırılıb”.

Mia.az-a fotolar da göndərən sakinlər deyir ki, bu məsələdə icra başçısının əsas “adamı” Mənzil Kommunal Təsərrüfatı Birliyinin rəisi Firdovsi Cəbrayılov və daha bir neçə nəfərdir: “Bu adamlar Kamil Balakişiyev küçəsini artıq elə günə qoyublar ki, dünyada belə analoqlu qanunsuzluq ola bilməz. Çox istərdik ki, elə bu və digər küçələrdəki bir gecədə tikilən bütün tikintilərin sənədləri və normativlərə uyğunluğu yoxlanılsın.

Onda görəcəksiniz ki, bu qanunsuz tikililər yaşayış binalarına çox yaxın məsafədə, sakinlərin istirahət zonasında, gediş-gəliş yollarında, hətta olan-qalan bir neçə ağacın məhvinə hesablanmış formada tikilib. Maraqlıdır, bu boyda həngaməni Dövlət Şəhərsalma və Arxitektura Komitəsi, Fövqəladə Hallar Nazirliyi də görmür? Yoxsa onlara da “haqqı”nı verib “ədaləti” satın alırlar? Yaxud Nizami rayonu Elşən Süleymanov küçəsinə baxın. Sizə göndərdiyimiz fotoda hazırda tikilməkdə olan dəmir konstruksiyalı obyektin maketinə baxın. Bunların sənədləri doğrudan varmı? Bu tikinti normativə və ərazinin planlanmasına uyğundur? Bunları Bakının icra başçısı Eldar Əzizov da görmür? Bəlkə onun rayon üzrə kuratoru da belə qanunsuzluqla şərikdir? Şərik olmasa, yəqin ki, Eldar Əzizova məruzə edərdi, deyilmi? Yaxşı olar ki, tək Eldar Əzizov deyil, DTX da Coşqun Cəbrayılov və onun yaxın ətrafının tikinti biznesini diqqətdə saxlasınlar…”

Sakinlər bir neçə gün əvvə dövlət başçısının Balı və ətraf ərazilərin inşikafı ilə baş planın qəbulu ərəfəsində Nizami İcra Hakimiyyətinin bu özbaşınalıqlarını anlaya bilmədikərini deyir: “Bu, cənəb Prezidentə meydan oxumaqdırmı?”.

Mövzu ilə bağlı cumhuriyyet.az olaraq bildirək ki, Mənzil Kommunal Təsərrüfatı Birliyinin rəisi Firdovsi Cəbrayılov korrupsiya və rüşvətə görə bir neçə dəfə məhşər ayağına çəkilib. Lakin hansısa sehirli vasitələrlə “içəriyə” düşməkdən yayınmağı bacarıb. Burada bir vacib məqama da diqqət yetirilməlidir. Firdovsi Cəbrayılov 2014-cü ildə Səbail bələdiyyəsinə üzv seçilib, 2015-ci ilə qədər isə bələdiyyənin sədri olub. Cəbrayılov bu vəzifəsindən öz ərizəsi ilə istefa verib.Səbəb isə belə olub. Həmin dövrdə Səbail rayonu İcra Hakimiyyətinin başçısı olmuş Eldar Əzizov bələdiyyə sədrinin qanunsuz əməllərindən xəbər tutaraq, onun bu kimi fəaliyyətini məhdudlaşdırmağa başlayıb, yəni qısaca olaraq deyə ki, icra başçısı Cəbrayılovun “bazarını” bağlayıb.

Artıq əvvəlki kimi qanunsuz torpaq sata və digər bu kimi qanunazidd davranışlarını davam etdirə bilməyən bələdiyyə sədri istefa ərizəsi yazmaq məcburiyyətində qalıb. Digəl, adam hazırkı vəzifəsində də köhnə vərdişlərini davam etdirir, üstəlik həyasız bir şəkildə Eldar Əzizovun adından yararlanmağa çalışır. Yəni Cəbrayılov Nizami rayonu İcra Hakimiyyətinin başçısı Coşqun Cəbrayılovun Eldar Əzizovla yaxınlığından da saxtakarlıqla öz mənfəəti naminə yararlanır.

Halbuki, bunu çoxları bilir , Firdovsi Cəbrayılov yaxasını Eldar Əzizovdan güc-bəla ilə qurtarıb…

Yasamal Rayon İcra Hakimiyyətinin başçısı Elşad Həsənov şəxsi avtomobilini idarə edərkən qanunun tələblərini pozub.

Demokrat.az-ın əldə etdiyi məlumata görə, Elşad Həsənov idarə etdiyi “BMW X7” model avtomobili idarə edərkən, sükan arxasında mobil telefonla danışıb və təhlükəsizlik kəmərindən istifafə etməyib.

Hazırda Azərbaycan Respublikası ərazisində sürücülərin sıx-sıx cərimə edildiyi hallardan biri nəqliyyat vasitəsinin hərəkəti zamanı mobil telefondan istifadə edilməsidir. Sözügedən hal üçün Azərbaycan Respublikası İnzibati Xətalar Məcəlləsi ilə cərimə müəyyən olunub. Belə ki, Azərbaycan Respublikasının İnzibati Xətalar Məcəlləsinin (“AR İXM”) 342.6-cı maddəsinə əsasən nəqliyyat vasitəsinin hərəkəti zamanı sürücünün telefonu əldə saxlamaqla ondan istifadə etməsinə görə sürücü əlli manat məbləğində cərimə edilir.

Həmçinin, qanunvericiliyin tələbinə əsasən, bir neçə hal istisna olmaqla sürücü və sərnişinlər avtomobildə təhlükəsizlik kəmərini bağlamalıdır.

Bununla yanaşı, sürücü hərəkətə başlamazdan əvvəl avtomobildə olan sərnişinlərin təhlükəsizlik kəmərlərini bağlamalarını təmin etməlidir. Yəni, ən azından sürücü bu barədə sərnişinlərə xəbərdarlıq etməlidir.

İcra başçısının sükan arxasında təhlükəsizlik kəməri taxmadan mobil telefondan istifadəsini əks etdirən görüntüləri təqdim edirik…

Azərbaycan Dövlət Su Ehtiyatları Agentliyinin tabeliyində olan “İri Şəhərlərin Birləşmiş Su Təchizatı Xidməti” publik hüquqi şəxsi 2025-ci ilin fevral ayının 18 günündə dəyəri milyon manatdan çox olan 4 satınalma müqaviləsi bağlayıb. İlk baxışdan adı satınalma müqaviləsinə oxşayır. Amma bir az diqqətlə araşdırdıqda nə qədər qanun pozuntusuna yol verildiyi dərhal görsənir.

“İri Şəhərlərin Birləşmiş Su Təchizatı Xidməti” polad fitinqlərin satın alınması üzrə “BORUAVADANLIG” Məhdud Məsuliyyətli Cəmiyyəti ilə 1.284.102,9 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 06.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 1.900.496,79 manat müəyyən edilib.

Generatorların əsaslı təmir və servis olunmasının satın alınması üzrə “SENTRA” MMC ilə 1.011.815,78 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 10.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 2.085.313,70 manat müəyyən edilib.

Tikinti sahəsi və yol döşəməsi üçün lazım olan mal-materialların satın alınması üzrə “DİRECT LİNE TRADİNG” MMC ilə 1.109.884,4 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 13.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 1.941.261,27 manat müəyyən edilib.

Nəqliyyat vasitələri üçün avtoşinlərin satın alınması üzrə “TS MOTORS” MMC ilə 655.665,35 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 17.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 1.230.957,18 manat müəyyən edilib.

Dövlət satınalmalarının vahid internet portalına yerləşdirilmiş bu məlumatlardan görsəndiyi kimi satınalan təşkilat olaraq “İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiyməti ilə təchizatçıların təklif edərək qalib olduğu qiymətlər arasında 40-50 faiz fərq var.

Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.

Amma göründüyü kimi “İri Şəhərlərin Birləşmiş Su Təchizatı Xidməti” açıq tender müsabiqəsində ehtimal olunan qiymətlə müqayisədə 20 faizdən dəfələrlə aşağı qiymət təqdim etmiş “BORUAVADANLIG”, “SENTRA” “DİRECT LİNE TRADİNG” “TS MOTORS” MMC-lərlə satınalma müqaviləsi bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir.

Şirkətlərə gəlincə. “İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 50 faiz aşağı qiymətlə qalib olmuş “TS MOTORS” MMC Almaniya və Amerikadan müxtəlif avtomobil idxalatçısı olaraq ölkədən külli miqdarda pul çıxarmaqda günahlandırılır. Elektron medianın 3-02-2025-ci ildə yaydığı məlumata görə “TS Motors” şirkəti İnzibati Xətalar Məcəlləsinin iqtisadi fəaliyyət qaydaları əleyhinə olan 430.4-cü maddəsini pozub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.

Avtomobil şirkəti ilə bağlı iş baxılması üçün Nəsimi rayon Məhkəməsinə göndərilib. , “TS Motors” MMC-nin region üzrə rəhbəri Fərid Seyidov Asif oğludur.

“İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 40 faiz aşağı qiymətlə qalib olmuş “DİRECT LİNE TRADİNG” MMC daha əvvəl “Azərsu”ASC ilə də işbirliyində olub. Şirkətin adı şübhəli satınalmalarda hallanır.

“İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 30 faiz aşağı qiymətlə qalib olmuş “BORUAVADANLIG” MMC daha əvvəl “Azərsu”ASC ilə də işbirliyində olub. “Azərsu”ASC çirkətlə 2021-2023-cü illərdə ümumi dəyəri 4 milyon manatdan çox olan iki müqavilə bağlayıb. Mediada yer alan məlumatlara görə 2022-ci ildə MMC barəsində Mərkəzi Bank tərəfindən İnzibati Xətalar Məcəlləsinin 430.4-cü (Valyuta tənzimi qaydalarının pozulması) maddəsi ilə inzibati protokollar tərtib edilib. Protokollara Suraxanı Rayon Məhkəməsində baxılıb.

“İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 50 faiz aşağı qiymətlə qalib olmuş “SENTRA” MMC-nin rəsmi saytındakı məlumatlara görə 2011-ci ildə qurulan Sentra QSC Avtomatika İnformasiya Texnologiyaları və Neft Qaz qurğularının istehsalı sahəsində ölkəmizdə qabaqcıl şirkətlərdən biridir. Elektron mediada yayılan məlumatlara görə MMC vaxtılə Dövlət Neft Şirkətinin vitse-prezidenti və əsas fiqurlarından biri olmuş Mikayıl İsmayılova məxsusdur.

Göründüyü kimi “İri Şəhərlərin Birləşmiş Su Təchizatı Xidməti”nin satınalma müqaviləsi bağladığı şirkətlərin hər biri ayrı-ayrılıqda müxtəlif maliyyə pozuntularına yol vermişlər. Üstəlik qazandıqları tenderləri də ehtimal olunan qiymətlərdən dəfələrlə aşağı qiymətə udurlar.

Qeyd edək ki, bu “İri Şəhərlərin Birləşmiş Su Təchizatı Xidməti”nin keçirdiyi satınalmalarda yol verdiyi ilk hal deyil. Daha əvvəlllər də bu mövzuya toxunmuşduq və bir daha xatırlatmaq istərdik ki, “İri Şəhərlərin Birləşmiş Su Təchizatı Xidməti” tərəfindən energetika sahəsi üçün lazım olan mal-materialların və avadanlıqların satın alınması üzrə 01.10.2024-cü ildə başlanılmış açıq tenderə yekun vurulub və “DELUXE ELECTRİC AZERBAİJAN” Məhdud Məsuliyyətli Cəmiyyəti ilə 1.493.349,64 manat məbləğində satınalma müqaviləsinin bağlanılması planlaşdırılır. Məlumat dövlət satınalmalarının vahid internet portalında 01.11.2024-cü il tarixdə dərc edilib. Qeyd edək ki, “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş mal-materialların və avadanlıqların satın alınması üzrə keçirilmiş açıq tenderdə ehtimal olunan qiyməti 2.444.151,46 manat müəyyən edilib.

“İri Şəhərlərin Birləşmiş Su Təchizatı Xidməti” tərəfindən tikinti mal-materiallarının satın alınması üzrə 13.09.2024-cü ildə başlanılmış açıq tenderə yekun vurulub və “GRAVİTY LTD” Məhdud Məsuliyyətli Cəmiyyəti ilə 639.999,31 manat məbləğində satınalma müqaviləsi bağlanılıb. Məlumat dövlət satınalmalarının vahid internet portalında 15.11.2024-cü il tarixdə dərc edilib. Qeyd edək ki, “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş mal-materialların və avadanlıqların satın alınması üzrə keçirilmiş açıq tenderdə ehtimal olunan qiyməti 1.181.789,63 manat müəyyən edilib.

Göründüyü kimi “İri Şəhərlərin Birləşmiş Su Təchizatı Xidməti”nin bağladığı satınalma müqavilələrinin əksəriyyətində ciddi qanun pozuntularına yol verilir. Təbii ki, malların və xidmətlərin satın alınması zamanı dövlət vəsaitlərinə qənaət etmək əsas şərtlərdən biridir. Lakin qanunda göstərildiyi kimi bu 20-25 faizdən aşağı olduqda alınan malların keyfiyyətində ciddi şübhələr yaradır. Burada suallar yaranır. “İri Şəhərlərin Birləşmiş Su Təchizatı Xidməti” dövlət vəsaitinə qənaət edir, yoxsa keyfiyyətsiz mal alıb, keyfiyyətsiz işlər görür?

Aktualinfo.org

Azərbaycanda fəaliyyət göstərən “Avtokapital Azərbaycan” şirkəti ilə bağlı Ukrayna mediasında tərəfimizdən maraqlı araşdırma aparılıb.

Orxan Hacıyev

Tribunainfo.az xəbər verir ki, “Antikor” sayıtında “Mercedes-Benz” şirkətinin rəsmi distribyutoru olan bu şirkətin Rusiya ilə şübhəli əlaqələrindən bəhs olunur.

Geniş araşdırma yazısında qeyd edilir ki, Orxan Hacıyevin rəhbərliyi altında “Avtokapital Azərbaycan” şirkətinin son iki ildə ölkəmizə gətirilən “Mercedes-Benz” markalı avtomobillərin satışında artım müşahidə olunub.
Ukrayna saytı yazır ki, satışın artımın əsas səbəbi bu avtomobillərin heç də Azərbaycan daxilində təlabatının artması deyil. “Antikor”un araşdırmasına görə, “Avtokapital Azərbaycan”, Qazaxstan və digər ölkələrdə fəaliyyət göstərən “Mercedes-Benz”in digər distribyutorları bu maşınları əsasən Rusiyaya satmaqla məşğuldurlar. Buna sübut olaraq qeyd edək ki, bu markanın tam yeni 2024 il istehsalı olan “GLS AMG” modeli Rusiya bazarında 400 min dollar civarında satılır. Bu isə model üzrə fantastik qiymət hesab edilir. Burda həmçinin qeyd etmək olar ki, redaksiyamıza “Mercedes”in Azərbaycan nümayəndəliyinin əməkdaşları tərəfindən qlobal defisitdə olan modellərin spekulyativ qiymətlərlə ticarət edilməsi barəsində məlumat daxil olub. Buna dəlalət yeni G-class modelləri ola bilər. (Bu haqda geniş təqdim edəcəyik.)
Təxminən 2023 cü ildə Britaniyanın nüfuzlu “Sky News” telekanalı da bu mövzuda maraqlı xəbər paylaşıb. Telekanal araşdırmasında qeyd edir ki, Azərbaycandan ixrac edilən avtomobillərin sayı 4800% qədərində artıb.
Britaniya kanalı onu da vurğulayır ki, Cənubi Koreya, Yaponiya, Almaniya kimi ölkələrin də istehsalı olan avtomobillərin Azərbaycana gətirilib, buradan Rusiyaya idxal edilir. “Bu isə həmin avtomobil şirkətlərinin Azərbaycanda olan nümayəndəliklərinin Rusiyaya qarşı sanksiyaları yan keçirmək, işğalçı müharibə aparan dövlətə dəstək verməsi kimi dəyərləndirilir”.
Məlumatlarda qeyd edilir ki, Qərbin sanksiyaları altında olan Rusiyaya bu avtomobil satışının həyata keçirilməsi “Mercedes” şirkətinin prinsiplərinə də ziddir. Çünki 2022-ci idlə bu konsern Rusiya bazarından çəkildiyini bəyan edib və sanksiyalar səbəbindən bu ölkəyə maşın satışını dayandırıb.
Hətta bir qədər əvvəl Rusiyada peyda olan çoxlu sayda “Mercedes Benz” markalı maşınlarının necə olub da, sanksiya altında olan ölkəyə gedib çıxmasını araşdıran alman şirkəti kələfin bir ucunu Moldovada tapıb. Məlum olub ki, şirkətin Moldovadakı nümayəndəliyi əl altdan maşınları Rusiyaya baha qiymətə ötürürmüş. Nəticədə, şirkətinin fəaliyyəti dayandırılmışdır.
Bəs belə olan halda “Avtokapital Azərbaycan” niyə belə bir addım atıb? “Antikor” yazır ki, bunun səbəbkarı “UkrAVTO”nun sahibi, Regionlar Partiyasının keçmiş üzvü Tariel Vasadzedir. Çünki milyardlarla dollar sərvəti olan Vasadze, həm də “Avtokapital” konserninin rəhbəri, “Mercedes Benz” şirkətinin rəsmi distribyutorudur.
Həmin araşdırmalara görə, Vasadzenin törəmə şirkətləri müxtəlif ölkələrdə 2022-ci ilə kimi ildə 1500-2000 ədəd “Mercedes” markalı avtomobil satıb. Hazırda isə bu rəqəm qat-qat artıb ki, bu da məsələnin bir ucunun Rusiyaya gedib bağlanmasına səbəb olub.
Vasadzenin adı bir neçə dəfə qalmaqallı məsələlərdə də hallanıb. Bu sırada 2023-cü ildə Qazaxıstanda açılan UkrAvto-nun nümayəndəliyinin Rusiyaya “Mercedes” satması ilə gündəmə gəlmişdir. Həmin şirkətə isə Tariyel Vasadzenin qızı Nina Vasadzenin başçılıq etdiyi məlum olmuşdur.
Maraqlı məqamlardan biri budur ki, Alma-Ata rəsmiləri maşınların Rusiyaya bu və ya digər formada satılmasını müəyyən etdikdən sonra şirkətə xəbərdarlıq etmişdilər. Bu faktın müəyyən edilməsi “Avtokapital” şirkəti tərəfindən birdən birə Qazaxıstanda satışların 10 dəfə artırmısı göstərib.
İşin digər ilginc tərəfi isə odur ki, Vasadzenin satdığı “Mercedes”in səsi işğal altında olan Krımdan da gəlmişdir. Məlum olmuşdur ki, “Mercedes Benz” korporasiyasının qəti qadağan etdiyi bu hal pozulub.
“Antikor” yazır ki, Rusiyaya maşın satmaq məsələsində Azərbaycandakı dstribyutor da rol oynayıb, hər nə qədər məsələni gizli saxlasa da, bunu aşkarlamaq onlar üçün çətin deyil. Eyni zamanda, bu məsələdən Bakının xəbər tutacağı təqdirdə, “Avtokapital Azərbaycan”ın nə edəcəyini də maraqla izlədiklərini bildirirlər.
Sayt Bakıdakı yeni təyin edilən nümayəndə Fərhad Rzayevlə dəfələrlə telefonla əlaqə saxlayıb, məsələyə münasibətini öyrənməyə çalışıb. Lakin qarşı tərəf ona cavab verməkdən imtina edib.

Tariel Vasadze
Yazının müəlliflərindən biri Anastasiya Kovaleva isə başqa bir məsələni də üzə çıxarıb. O yazır ki, bu işdə Vasadzenin qızı Ninanın həyat yoldaşı, Türkiyə vətəndaşı, habelə Türkiyənin “Bosphorus Development” şirkətinin rəhbəri Mehmet Vahit Saçlıoğlunun da iştirakı mövcuddur. Onun sözlərinə görə, Mehmet Vahit hazırda Ukraynada “Vasadzelərin” iri tikinti layihələrindən birini həyata keçirir. O, həmçinin qaynatasının adından “Avtokapital” şirkətinin də idarəçilərindən biridir və Ukrayna dövlətində “pul yuma” qalmaqalında da adı çəkilir. Söhbət o, “Avtokapital” şirkətindən gedir ki, onlar “Mercedes Benz” şirkətinin əsas distribyutorlarıdır və onların bir qolu da Azərbaycanda fəaliyyət göstərən “Avtokapital Azərbaycan”dır.
“Mercedes-Benz Group AG” korporasiyası öz nümayəndələrinə elan edilmiş sanksiyaları dəstəkləmək öhdəliyini bəyan edir. Buna baxmayaraq, yüksək mənfəət əldə etmək imkanlarına gəldikdə müəyyən şübhələrə səbəb yaratmamaya bilməz. Belə olan halda güman etmək olar ki, korrupsiya sxemlərində təkcə regional nümayəndələr deyil, həm də “Mercedes-Benz Group AG” korporasiyasının bəzi orta səviyyəli menecerləri də onlarla birbaşa əlaqədə olub, qanunsuz hərəkətlərə göz yummağa şərait yaradır.


Tribunainfo.az araşdırması zamanı başqa bir maraqlı məqamın üstünü açıb. Belə ki, 44 günlük Vətən Müharibəsi zamanı “Mercedes” şirkəti Ermənistan ordusuna külli miqdarda ianələr edib. Halbuki işğalçı bir ölkəyə, xüsusən də müharibə getdiyi bir zamanda bu qədər yardımın edilməsi Azərbaycana qarşı açıq düşmənçilikdən başqa bir şey deyildir. Erməni Mercedes-in bu cür hərəkətləri qlobal brendin prinsiplərinə ziddir. Bu vəziyyətdə azərbaycanlı distribyutor qətiyyət nümayiş etdirə bilməyib və brendin Ermənistan təmsilçisinin qanunsuz hərəkətlərinə görə cəzalandırılmasına nail ola bilməyib. Burada erməni “Mercedes”in Ukraynanın daxili işlər naziri, etnik ermənisi Arsen Avakovla yaxın münasibətini qeyd etmək istərdik ki, o, həm də qalmaqallı biznesmen Tariel Vasadzenin bəzi layihələrində şərikdir. Qeyd edək ki, Avakov nazir olarkən Tariel Vasadzenin şirkətlərindən nazirlik üçün yüz milyonlarla dollar həcmində avtomobil alışı həyata keçirib. Xüsusən qeyd etmək istərdik ki, Avakov və Vasadze eyni siyasi partiyanın üzvləri olublar.

Lakin “Avtokapital Azərbaycan” Azərbaycanda fəaliyyət göstərdiyi, bu ölkədə maşın satıb, külli miqdarda pul qazandığı halda nəinki Azərbaycan Ordusuna, heç şəhid ailələri və qazilərin müalicəsi və problemlərinin həlli üçün fəaliyyət göstərən “Yaşat” fonduna belə bir qəpik də olsun ianə etməyib. Eyni zamanda, sözügedən şirkət Azərbaycanda mühüm olan heç bir təşkilat və quruma yardım və ianə etməyib.
Bütün bunlar “Avtokapital Azərbaycan”ın böyük pullar qazanması həvəsi və hirsindən irəli gələ bilər. ELƏ AZƏRBAYCANA QARŞI HÖRMƏTSİZLİYİNƏ DƏ DƏLALƏT EDƏ BİLƏR! Lakin heç kim bu şirkətə o haqqı verməyib ki, səhlənkarlıq və özbaşınalıq edərək, Azərbaycan dövlətini zərbə altında qoysun. Çünki bu məsələnin üzəri açılarsa və şirkətin sanksiya altında olan Rusiyaya “Mercedes Benz” satdığı təsdiqlənərsə, Azərbaycan dövləti də buna görə zərər çəkəcək. Ona görə də, rəsmi qurumların bu şirkətin fəaliyyətini yoxlamaqda, onun Rusiya ilə əlaqələrini müəyyən etməsi üçün addımlar atmasında fayda var.

Yazıda adı keçən şəxs və şirkətlərin də mövqeyini dərc etməyə hazırıq.
Yuxarıda qeyd olunan faktlar barədə redaksiyamız tərəfindən araşdırmaları davam edir.

Qeyd: Bu məqalədə Ukrayna və Qazaxıstan jurnalistlərinin media araşdırmalarından istifadə edilib:
https://antikor.com.ua/ru/
https://www.stopcor.org/rus/
https://nashigroshi.org/
https://24tv.ua/ru/
https://thelithuania.com/

Müğənni Nura Suri yaşadığı binanın Mənzil-Tikinti Kooperativindən (“Yapı İnşaat” MTK) narazıdır.

"DİA-AZ" xəbər verir ki, bu barədə danışan Nura Suri açıqlamasında deyir ki, MTK kommunal xərcləri ödəməyən bir neçə qonşuya görə digər bina sakinlərini də kommunal xidmətlərdən məhrum edir.

“Kommunal xidmətləri ödəməyənlərə görə biz, ödəyən sakinlər əziyyət çəkirik. Tez-tez suyu kəsirlər. Artıq bir həftədir ki, lift bağlıdır. Komendant da deyir ki, liftin platası yanıb, təmir üçün 900 manat lazımdır”, – Nura Suri deyir.

Onun sözlərinə görə, kommunal xərclər, liftdən istifadə və bu kimi məsələlərə daha sonra biri də əlavə olunub:

“Bir gün xəbər tutduq ki, binamızın qarajını satıblar. Halbuki qaraja görə hər ay pul ödəyirdik. MTK uşaq meydançası üçün nəzərdə tutulan ərazini ödənişli dayanacaq etdi. Artıq 16 ildir ki, bu binada yaşayıram. İllərdir bu kimi problemlərlə üzləşirik”.

Binanın problemlərdindən danışan Nura Suri dərdlərini kimə danışacaqlarını bilmədiyini deyir:

“Sadaladığım problemlərlə əlaqədar MTK-ya zəng edirəm, məni komendanta yönəldirlər. Firdovsi adlı komendant da deyir ki, sənədlə binanı təhvil almamışam. Bizi axmaq yerinə qoyurlar. Davamlı olaraq pul alırlar. Lakin binanın istismarı, həyətin abadlaşdırılması və s. kimi işləri görmürlər. Kommunal ödənişlərdən əlavə bizdən müxtəlif bəhanələrlə pul yığırlar. Kommunalı ödəməyən qonşulara görə gah suyu kəsirlər, ya da lifti bağlayırlar. Başımıza oyun açırlar. MTK iş adamı Şahmar Vəliyevindir. Heç kim ona nəsə deyə bilmir. Hamı qorxur ki, başına bir iş gələr, ya da nəsə olar”.

Müğənni daha bir məsələyə toxunub, bildirib ki, mənzili MTK-dan müqavilə əsasında alıb. Sonradan əmlak çıxarışı alarkən görüb ki, sənəddə mənzilin kvadratı az göstərilib:

“Bütün çıxarışlarda evlərin kvadratları təxminən 20-25 kvadratmetr az yazılıb. Əlimdə bunu sübut edəcək sənəd- müqavilə də var. Belə çıxır ki, mən evimi satanda, 20-25 kvadratmetrə görə pul itirəcəyəm. Hüquqşünaslarla danışdım, dedilər ki, bu hal məhkəmə predmetidir”.

Nura Suri deyir ki, bina sakinləri mövcud problemlərlə əlaqədar məhkəməyə müraciət edəcəklər:

“Bəzi qonşularla danışıb, məhkəməyə müraciət etməyi təklif etdim. Onlar da razıdırlar. Sadəcə, bizə yaxşı hüquqşünas lazımdır. Elə bir hüquqşünas olsun ki, sabah kimsə ona zəng edib, qorxudanda geri çəkilməsin, işi yaxşı aparsın, ört-basdır etməsin”.

“Yapı İnşaat” MTK-dan isə KİV-ə bildirilib ki, binanın mülkiyyətçiliyi artıq onlarda deyil.

“Bina sakinləri özlərinin Mənzil Mülkiyyətçilərinin Müştərək Cəmiyyətini yaradıblar. Mənzillərin çıxarışlarında sahənin az göstərilməsinə gəlincə, bununla əlaqədar Əmlak Məsələləri Dövlət Xidmətinə müraciət etsinlər”, – MTK-dan bildirilib.

Binanın komendantı ilə əlaqə saxlamaq mümkün olmayıb.