Musavat.com xəbər verir ki, Rusiya paytaxtı Moskvanın əsas hava limanlarından olan Vnukovo, Domodedovo və Jukovski hava limanlarında müvəqqəti məhdudiyyətlər tətbiq olunub.

Musavat.com xəbər verir ki, bu barədə məlumatı Rosaviatsiya yayıb.

Məlumata görə, hava limanları nə uçuş qəbul edir, nə də yeni reyslər göndərir. Bütün uçuşlar Şeremetyevo hava limanına yönləndirilib.

Xüsusilə Vnukovo hava limanı ilə bağlı bildirilib ki, burada “Kover” (Kilim) rejimi tətbiq edilib. Bu rejim Rusiya aviasiyasında fövqəladə və ya təhlükəsizlik səbəbiylə uçuşların və enişlərin məhdudlaşdırılması anlamına gəlir.

Rəsmi mənbələr məhdudiyyətlərin səbəbi ilə bağlı açıqlama verməyib, lakin bəzi yerli teleqram kanalları bölgədə təhlükəsizliklə bağlı ehtiyat tədbirləri görüldüyünü və hava məkanında müvəqqəti idarəetmə dəyişiklikləri tətbiq olunduğunu yazır.

Qeyd edək ki, Moskvanın bu üç əsas hava limanı – Vnukovo, Domodedovo və Jukovski – Rusiyanın daxili və beynəlxalq hava nəqliyyatında strateji rol oynayır. Məhdudiyyətlərin hansı müddətə qədər davam edəcəyi barədə məlumat yoxdur.

Musavat.com