 |
|
|
Qərbi Azərbaycan Xronikası layihəsi çərçivəsində növbəti analitik süjet hazırlanıb.
"Zəngəzurda bütün ermənilərə "susun" əmri verilib" adlı süjetdə Ermənistanın son həftələr sərhəddə atəşkəsi pozması və rəsmi İrəvanın sülh bəyanatlarının kölgəsində həyata keçirdiyi eskalasiya oyunlarından bəhs olunub.
Bildirilib ki, bu il martın 13-də Azərbaycan və Ermənistanın 17 maddədən ibarət olan sülh sazişi mətninin razılaşmasından bir neçə gün sonra Ermənistan sərhəddə atəşkəsin pozulmasını intensivləşdirdi: "İrəvanın hədəfi bəllidir. Atəşkəsin pozulması ilə beynəlxalq diqqəti bölgəyə çəkmək və mövcud şərtlər çərçivəsində sülh sazişinin imzalanması çağırışlarını yaratmağa çalışırlar. Sülh sazişi mətninin razılaşdırılmasından dərhal sonra atəşkəsin pozulması hallarının artması da buna hesablanıb".
Qeyd olunub ki, son vaxtlar Ermənistan Azərbaycan tərəfinin atəş açdığı iddialarını irəli sürməyə başlayıb: "Ermənistan Müdafiə Nazirliyi guya Azərbaycan Ordusunun Zəngəzur (Sünik rayonu) bölgəsindəki Xəzinəvar və Xanazax kəndlərinin "atəşə tutulduğu" iddiasını yaydıqdan sonra "Hraparak" qəzeti bu kəndlərin sakinləri ilə əlaqə saxlamağa çalışıb. Nəşr öyrənib ki, bu kəndlər də daxil olmaqla, ümumilikdə Zəngəzurda yaşayan ermənilərə rəhbərlikdən qəti şəkildə tapşırılıb ki, sərhəddə baş verən atışma, xüsusilə "mülki evlərə" açılan atəşlə bağlı heç kim danışmasın, mediaya məlumat verməsin. Çünki sərhəddə atəşkəsi pozan Ermənistanın özü sərhəd bölgəsindəki mülki evlərə zərər vurur və bundan Azərbaycanı "mülki əhaliyə hücumda" ittiham üçün istifadə edir. Erməni əhalisinə "susun" əmrinin verilməsi də bundan qaynaqlanır".
Diqqətə çatdırılıb ki, rəsmi İrəvanın yekun hədəfi razılaşdırılmış sülh sazişi mətnini imzalamaqla digər vacib məsələləri - Ermənistan konstitusiyasının dəyişdirilməsi, qaçqınların Qərbi Azəbaycana qayıdışının təmin edilməsi, Zəngəzur dəhlizinin açılmasını gündəmdən çıxarmaqdır: "Ermənistanın qoşunlarını son günlər Azərbaycanla sərhədə cəmləməsi, yeni istehkamların və səngərlərin qazılması, pilotsuz uçuş aparatları və dronlarla ordumuzun mövqeləri üzərində kəşfiyyat uçuşları həyata keçirməsi də təxribat planlarının tərkib hissəsidir".
Erməni təxribatlarının nəticəsinin necə olacağı Ermənistan mediasında da müzakirə olunur. Belə ki, jurnalist Voskan Sarkisyan hesab edir ki, rəsmi Bakının konkret tələbləri var və Paşinyan hakimiyyəti son nəticədə hər şeyi qəbul edəcək.
Sonda vurğulanıb ki, Azərbaycanın bütün tələbələrinin qəbul edilmədiyi müddətcə bölgədə davamlı sülh olmayacaq: "Paşinyan hakimiyyətinin törətdiyi hərbi təxribatlar Ermənistanın gələcək mövcudluğunu sual altına salır. Çünki ordumuzun adekvat cavab haqqı qarşı tərəf üçün arzuolunmaz vəziyyət yarada bilər".
Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri - qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.
Həmçinin Prezident İlham Əliyevin Qərbi Azərbaycanla bağlı dediyi "XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin", - fikrini əsas tutaraq Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.
Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.
Ətraflı Baku TV-nin süjetində:
“Məcnun kənd təsərrüfatından anlamayan nə qədər adam varsa, hər birini yığıb nazirliyə”.
Bunu Yenicag.az-a açıqlamasında Müasir Müsavat Partiyasının (MMP) sədri Hafiz Hacıyev deyib.
O, Kənd Təsərrüfatı Nazirliyi yanında Aqrar Xidmətlər Agentliyində keçirilən əməliyyatlar fonunda fikirlərini bildirərkən qeyd edib ki, ilk olaraq Azərbaycan Respublikasının kənd təsərrüfatı naziri Məcnun Məmmədov məsuliyyətə cəlb edilməlidir.
“O, vaxtilə İsa Qəmbərin dondurma sexini işlədən və birbaşa olaraq dövlət başçısına xəyanət edən adam olub. Xatırlayanlar olacaq, köməkçi kimi özünə Azərbaycanı qəbul etməyən Nərmin adlı xanımı seçmişdi. Həmin şəxsin vəzifədən kənarlaşdırılmasını məhz mən təmin etdim. Bir sözlə, bu nazir yerini bilməyən adamdır. Çıxıb müsahibə verir ki, hamı quzu yemək istəyir, ona görə ət bahalaşıb. İndiki dövrdə kənd təsərrüfatı məhsullarının qiymətinin kəllə-çarxa çıxmasının başlıca səbəbi onun əsəridir”, – deyə o, əlavə edib.
H. Hacıyev söyləyib ki, Prezident İlham Əliyevin kənd təsərrüfatına böyük diqqət və qayğısı var, lakin, çox təəssüf ki, həmin nazirlikdə kənd təsərrüfatı üzrə mütəxəssis işləmir və nazirin heç bu işlərdən xəbəri yoxdur:
“Dəfələrlə demişəm, bu gün xalqın əsas tələbatı kənd təsərrüfatı məhsullarınadır. Kostyum alıb 2-3 il geyinmək olar, lakin çörək, ət, qatıq, xama yeməsən, süd içməsən, yaşaya bilməzsən. Qısacası, hazırda xalqın əsas narazılığı kənd təsərrüfatı məhsulları ilə bağlıdır. Kənd təsərrüfatı üzrə mütəxəssis olaraq rahatlıqla deyə bilərəm ki, hazırda hansı rayonda kartof, üzüm, taxıl əkilməli, hansı rayonlarda isə heyvandarlıq inkişaf etdirilməli olduğunu planlaşdıra bilmirlər. Bunları danışan zaman deyirlər ki, Hafiz Hacıyevin gözü kənd təsərrüfatı naziri olmaqdadır. Olsaq, nə olar? Xalqın çörəyi artar, ət 20 yox, 10 manat olar, məhsul istehsalı artar, hər kəs də razı qalar”.
MMP sədri əmindir ki, hələ orada çox oyunlar çıxacaq:
“Hələ məndə olan məlumatlara görə Məcnun kənd təsərrüfatından anlamayan nə qədər adam varsa, hər birini yığıb nazirliyə. Neft sənayesi üzrə ali təhsil alan biri necə bu sahəni bilsin?! İlk öncə qoyunla quzunu tanımaq lazımdır. Vaxtilə kənddə çoban da olmuşuq, mal da bəsləmişik, ərazi də sulamışıq. Burada gizlətməli heç nə yoxdur. Ölkəmiz kənd təsərrüfatı üçün ən yararlı torpaqlara sahibdir. Niyə xaricdən idxal edək?!”
“Əlqərəz, xalqı narazı salan Kənd Təsərrüfatı Nazirliyi ləğv edilməli, rəhbəri tutulmalı, yerində isə Kənd Təsərrüfatı üzrə Ərzaq, Təhlükəsizlik və Qida Təminatı Komitəsi yaradılmalıdır. Oraya isə həmin işlərdən başı çıxan, bizim kimi bu sahəni bilən adamlar gətirilməlidir ki, dövlətə xidmət etsinlər. Əgər kimsə mənimlə bu barədə polemika aparmağa razıdırsa, buyursun, hər zaman hazıram. Kiminsə bacısıdır, qardaşıdır, dostudur, tanışıdır baxmayacağıq, birmənalı olaraq heç kəsə dövlət başçısına xəyanət etməyə imkan verməyəcəyik!”, – deyə həmsöhbətimiz fikirlərini yekunlaşdırıb.