Tağıyev Qara Allahverdi oğlu "Azərbaycan Reallığı"na müraciət edərək bildirir ki, onun şəxsi avtomobilini Anar adlı şəxs reketlik yolu ilə əlindən alıb. Gecə saatlarında Hermes restoranından dostumun ad günündən çıxıb evə getmək istəyirdim, gördüm Anar adlı şəxs maşında oturub maşınımın açarlarını məndən tələb etdi, dedim sən reketsən?

Mənim adıma etibarnamə olduğu halda maşınımı apardı. Maşının içində 35 min dollar pul var idi. Pul da mənə yox iş üçün dostuma məxsusdur. Onu da apardı. Dedim sən kimsən belə edirsən?

Bu ölkənin qanunları var, sən kimə güvənirsən? Mənə dedin get kimə istəyirsən şikayət et. Mən buradan hüquq-muhafizə orqanlarından xaiş edirəm mənə köməklik göstərsinlər- deyə Qara Tağıyev bildirir.

Daha ətraflı videoreportajda

Bir müddət əvvəl 2024-cü ilin noyabr ayında Goranboy rayon Statistika İdarəsində cari təmir üçün dövlət büdcəsindən ayrılmış vəsaitin növbəti cinayət tərkibi ilə icra olunaraq mənimsənilməsi haqqında elektron mediada məlumatlar yayılıb. Ətraflı BURADA...

Aktualinfo.org sözügedən məlumatlar ətrafında apardığı araşdırmanı təqdim edir.

Goranboy rayon Statistika Idarəsi tərəfindən inzibati binanın cari təmiri üzrə bir mənbədən satınalma metodu ilə keçirilmiş kotirovka sorğusunda “YO-TQ” Məhdud Məsuliyyətli Cəmiyyəti ilə 24.126 manat məbləğində satınalma müqaviləsi bağlanılıb. Məlumat dövlət satınalmalarının internet portalında 07.11.2024-ci ildə dərc edilib.

Bundan əlavə Goranboy rayon Statistika Idarəsi tərəfindən qaz xəttinin çəkilişi üzrə bir mənbədən satınalma metodu ilə keçirilmiş kotirovka sorğusunda “GASPROM” Məhdud Məsuliyyətli Cəmiyyəti ilə 4.731,63 manat məbləğində satınalma müqaviləsi bağlanılıb. Məlumat dövlət satınalmalarının internet portalında 16.11.2024-ci ildə dərc edilib.

Qeyd edək ki, Goranboy rayon Statistika Idarəsi Satınalma Komissiyası “Dövlət Satınalmaları Haqqında” Qanunun tələblərini elə bir mənbədən satınalma metodu ilə keçirdikdə pozub. Sözügedən qanunun 49-cu maddəsinə görə 49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; 49.1.2. satınalma predmetinə təcili tələbat yarandıqda:

Göründüyü kimi Goranboy rayon Statistika Idarəsi hər iki kotirovka sorğusunu təcili tələbatı açıqlamadan, xüsusi hüquqlara malik olmayan, onlarla əvəzedicisi və alternativi olan şirkətlər olduğu halda, şübhəli MMC -lər ilə satınalma müqaviləsi bağlamışdır ki, bu da satınalma prosesində qanun pozuntularına yol verildiyinə əsaslı şübhələr yaradır.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “YO-TQ” (VÖEN: 6100200071) Məhdud Məsuliyyətli Cəmiyyətinin 24.08.2007-ci il tarixdə 12 saylı Ərazi Vergilər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, GORANBOY RAYONU, XANQƏRBƏND, qanuni təmsilçisi kimi isə Bayramova Minayə Muxtar qızı qeyd olunub. Reyestr məlumatlarına edilmiş dəyişiklikdə MMC-nin Səfərov Yunis Məmməd oğlu tərəfindən təsis olunduğu göstərilir. Mərkəzi Seçki Komissiyasının seçicilərin siyahısında Goranboy rayonunun Xanqərvənd kəndində Bayramova Minayə Muxtar qızı və Səfərov Yunis Məmməd oğlu adında seçicilərin olmadığını aşkarladıq.

Qeyd edək ki, elektron mediada yayılan məlumatlarda “YO-TQ” MMC-nin işçilərinin olmadığını,Goranboy Statistika İdarəsinin rəisi Səxavət Qədirovun cari təmir işlərinin icrasını tikinti müəsisinə deyil, öz üzərinə götürduyu yazılır. Beləki, təmir işləri Statistika idarəsinin rəhbəri tərəfindən günəmüzd şəkildə gətirilmiş ixtisassiz fəhlələr ( bəzləri isə həmkəndliləri olmaqla) qeyri peşəkarlıqla, ümumilikdə 15 nəfərdən yuxarı işçilər tərəfindən qismən yerinə yetirilmişdir. Ümumiyyətlə 2024-cü ilin noyabr ayında işlər görülərkən həmin ümumilikdə 15 nəfərdən yuxarı işçilərlə cəmiyyət arasında heç bir əmək müqaviləsi bağlanmamış, materilaın alınması tikinti təşkilatınin vasitəsi ilə təşkil edilməmişdir.

Aktualinfo.org bütün bu araşdırılan və mediada göstərilən məlumatlara aydınlıq gətirilməsi məqsədi ilə Goranboy rayon Statistika Idarəsinin Satınalma Komissiyasına sorğu ünvanlamışdır. Sözügedən İdarədən sorğumuza verilən cavabda bildirilir ki, “Sizin sorğunuza cavab olaraq bildiririk ki, Goranboy rayon Statistika idarəsinin satınalma komissiyası tərəfindən iki dəfə (16.07.2024, 30.07.2024) dövlət satınalmalarının vahid internet portalı olan “e-tender” satınalma portalında kortirovka sorğusu elan edilmişdir, lakin hər dəfə təklif təqdim edən təchizatçıların sayının qanunvericiliklə müəyyən edilmiş saydan az olması səbəbindən keçirilmiş kortirovka sorğuları ləğv edilmişdir. Bu səbəbdən, Goranboy Rayon Statistika İdarəsinin inzibati binasının cari təmir işlərinin görülməsi üçün bir mənbədən satınalma metoduyla Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin 31.10.2024-cü il tarixli razılıq məktubu əsasında podratçı “YO-TQ” MMC ilə idarə tərəfindən müqavilə bağlanılmışdır. Bağlanmış müqavilədə layihə smeta sənədlərində nəzərdə tutulan cari təmir işləri əvvəldən sonadək “YO-TQ” MMC tərəfindən tam və keyfiyyətlə yerinə yetirilmişdir.

Həmçinin bildirmək istəyirik ki, idarənin binasına qaz xəttinin çəkilişi üçün də dövlət satınalmalarının vahid internet portalı olan “e-tender” satınalma portalında üç dəfə (05.07.2024, 25.07.2024, 19.09.2024) kortirovka sorğusu keçirilmişdir, lakin hər dəfə təklif təqdim edən təchizatçıların sayının qanunvericiliklə müəyyən edilmiş saydan az olması səbəbindən keçirilmiş kortirovka sorğuları ləğv edilmişdir. Bu səbəbdən, Goranboy rayon Statistika idarəsinin inzibati binasına qaz xəttinin çəkilişi üçün bir mənbədən satınalma metoduyla Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin 04.11.2024-cü il tarixli razılıq məktubu əsasında podratçı “GASPROM” MMC ilə idarə tərəfindən müqavilə bağlanılmışdır. Qaz xəttinin çəkilişi layihə smeta sənədləri əsasında “GASPROM” MMC tərəfindən yerinə yetirilmişdir.”
Qeyd edək ki, Goranboy rayon Statistika Idarəsinin sorğumuza cavabında hər şeyin qanun çərçivəsində olduğu bildirilir. Lakin sorğuda bir sual cavabsız qalıb. MMC-ni kimlər idarə edir? Goranboy rayonunun Xanqərvənd kəndində seçicilərin siyahısında adı olmayan Bayramova Minayə Muxtar qızının görəsən bu işlərdən xəbəri varmı? Ümumiyyətlə bir mənbədən satınalma metodu ilə keçirilmiş kotirovka sorğusunda təchizatçıların müvafiq sahədə peşəkarlığı, ixtisas göstəriciləri, təcrübəsi,əmək müqaviləsi olan işçi qüvvəsi, maliyyə imkanları nəzərə alınırmı? Yoxsa elə bir mənbədən deyib kiminlə gəldi müqavilə bağlanılır. Bu sualın cavabını isə yəqin ki, Antiinhisar və İstehlak Bazarına Nəzarət Dövlət Agentliyində axtarmaq lazım gələcək.
Aktualinfo.org

Bərdə şəhər Mənzil Kommunal Təsərrüfatının, el arasında "JEK" kimi qəbul edilən idarənin rəis müavini İldırım Quliyev adına yaraşmayan hərəkətləri ilə ad çıxarıb. Anaxeber.info məlumat verir ki, rəis müavini İldırım Quliyev "ildırım" kimi çaxmağı əsasən qadınların üstünə bacarır. Necə deyərlər, sözün əsl mənasında gücünü arvadlara göstərir. "Axırıncı aşırım" filmində Qəmlo obrazını qismən xatırladan İldırım Quliyev işçiləri təhqir edir, nalayiq ifadələr işlədir, onlarla kobud danışır. Sanki Bərdədə odur, Bağdadda kor xəlifə...
Onun özünü necə aparmasını sübut edən görüntülərdən biri sosial şəbəkələrdə yayılıb. İldırım Quliyev söyüşlə, qışqıraraq danışır, özünü yekəxana aparır. Görən də deyər ki, Həsən ağanın qohumudur. Amma bu video bir nümunədir. Verilən məlumatlara görə, İldırım Quliyev "JEK" rəisinin müavini olaraq əksər işçilərə münasibətdə belə qaba, ağzı söyüşlüdür. Ona bu ixtiyarı Bərdə şəhər icra başçısı Vidadi İsayevin verdiyi iddia olunur. İcra başçısının "sağ əli" kimi tanınan İldırım Quliyev ona güvənərək hamıya rüzgar əsdirir, hamını aşağılayır, hədələyir. Sanki İldırım Quliyev böyük vəzifə sahibidir. Yaxşı ki, daha yüksək postda deyil. Hələ "JEK"də rəis müavinidir və belə göylə gedir, rayona rəhbərlik etsəydi, nə olardı?! Ona görə də artıq bu şəxsi durdurmaq üçün Bərdədən müraciətlər edilməkdədir. Ondan şikayətçi olan kollektiv və yerli camaat icra başçısının harınlamış adamının" qaz"ının alınmasını istəyirlər. Bu məqsədlə Prezident Administrasiyasının Bərdə üzrə kuratoruna, regionlarla iş üzrə şöbə müdirinə müraciət edilib. Bildirilir ki, bu şəxs barəsində ölçü götürülməli və İsayevin "sağ əli" kəsilməlidir...

Son günlər Biləcəri qəsəbəsində yerləşən 301 saylı tam orta məktəbdə ağlasığmaz hadisələrin baş verməsi ilə bağlı “Yeni Çağ”ın redaksiyasına şikayət daxil olub.

Şikayət məktubu göndərən müəllimlərin sözlərinə görə, onlar məktəbin direktoru Sevda Sarıyeva tərəfindən təhqir olunur, incidilirlər. Hətta kollektivdən açıq formada rüşvətin tələb olunduğu və saatların satıldığı da iddia olunur.

“Bizdən dərs saatına görə yüksək məbləğdə pul – 500-600-700 manat tələb edir. Əlimizdə səs yazısı da var. Müəllimləri şagirdlərin və valideynlərin yanında “armudbaş”, “hinduşkabaş”, “qabiliyyətsiz”, “həşərat” kimi sözlərlə təhqir edir, kollektivi DTX ilə hədələyir”, – deyə müəllimlərdən biri əməkdaşımızla söhbətində vurğulayıb.

Kimya müəllimi Ruhəngiz Bədirovanın dedikləri isə lap maraq doğurur:

“Sevda Sarıyeva bu il məktəbdə 5 yaşlılar üçün qrup açmadı. Bu da növbəti tədris ilində bizim məktəbdə 1-ci sinfin olmayacağı deməkdir, yəni bazamız yoxdur. Bəhanə isə odur ki, məktəbin ibtidai sinif korpusu qəzalı vəziyyətdir. Halbuki, bu “qəzalı vəziyyəti” Sevda Sarıyevadan başqa heç kim görmür. Hətta FHN-nin belə bundan xəbəri yoxdur. Bizdə olan məlumata görə, məktəbin ərazisi kimlərinsə marağındadır və burada bina inşa ediləcək və bundan da direktor özü də maraqlıdır. Biz Sevda Sarıyevanın özbaşınalığı və “burada mənəm, Bağdadda kor xəlifə” prinsipi ilə etdiyi idarəçilikdən boğaza yığılmışıq”.

Digər müəllim R. Gülnarənin sözlərinə görə, onların şikayət etmədiyi qurum yoxdur:

“Amma Sevda Sarıyeva haqqında heç bir ölçü götürülmür, eləcə “ xəbərdarlıq edildi” deyə cavab alırıq. Bizim ingilis dili müəllimimiz Mətanət Qafurzadə baş verənlərə dözməyib insult keçirtdi. Sevda Sarıyeva isə gülərək bizə deyir ki, “mənə bata bilməyəcəksiniz, mənim güclü dayağım var”.

Məktəbin digər müəllimləri A. Gülüyeva, N. Aslanova, Z. Əhmədova, S. Kərimova, F. Dəmirova ,S. Cəlilova ,G. Rəsulova və digərləri də həmkarlarının fikirlərini təsdiqləyərək, aidiyyəti qurumlardan 301 saylı məktəbdə baş verən özbaşınalıq və xaos şəraitinə qarşı bir ölçü götürülməsini xahiş edirlər. Müəllimlərin ən böyük narahatlığı isə odur ki, hər il onlarla şagirdi ən yüksək balla ali məktəbə qəbul olan bu məktəbin taleyini Sevda Sarıyevanın ədalətinə etibar etmək olmaz.

Paytaxtın Əhmədli qəsəbəsi ərazisində yaşıllıq ərazidə metal konstruksiyalar quraşdırılıb.

XALQ.AZ xəbər verir ki, bu barədə məlumatlar yayılıb.

Xətai sakinləri bildiriblər ki, metronun “Əhmədli” stansiyasının yaxınlığında – Sarayevo küçəsində yaşıllıq ərazidə iaşə obyekti inşa edilir.
Tikintiyə etiraz etdiklərini bildirən şikayətçilər burada aparılacaq işlərin ağacların məhv olmasına, şəhər mühitinin pozulmasına və insanların piyada hərəkətinə ciddi maneə yaratdığını deyiblər.

Xətai Rayon İcra Hakimiyyətindən məsələ ilə bağlı heç bir məlumat verilməyib.

Qeyd edək ki, ötən illərdə həmin yol üstündə olan kiçik parkda ağaclar kəsilib obyekt tikilirdi. Bununla bağlı mətbuatda bir sıra məlumatlar dərc olunmuşdur. Hətta video və foto görüntülərə yayılmışdır.

Və ağaclar kəsilib obyekt tikildi.Artıq həmin obyekt restoran kimi fəlliyyət göstərir.

Qeyd edilən Sarayevo küçəsi yol kənarında olan kiçik parkın yuxarı hisssəsisndə isə yaşıllıq zonasında restoranda salınmışdır


“Yenə həmin dalğa, yenə həmin koordinat..”

Dövlət Şəhərsalma və Arxitektura Komitəsidə eyni qaydada bu məsələ ətrafındada susur.

Xətai rayon icra hakimiyyətinin başçısı Rafiq Quliyev Bakı şəhər icra başçısı Eldar Əzizov tərəfindən töhmət və xəbərdarlıq almasına baxmayaraq rayon ərzazisində qanunsuz obyekt tikintisinə göz yumur, yaşıllığın məhv olunması üçün “anlaşma” prosesini həyata keçirməkdə davam edir.

Adların keçənlərin fikirlərini dərc etməyə hazırırq.

10 AZN-lik Şirkətlər Milyonluq Tenderləri Necə Qazanır?

"İri Şəhərlərin Birləşmiş Su Təchizatı Xidməti"nin keçirdiyi tenderlər suallar doğurur

32gun.az xəbər verir ki, "İri Şəhərlərin Birləşmiş Su Təchizatı Xidməti" publik hüquqi şəxsi bu ay ərzində iki iri məbləğli tender keçirib. Maraqlıdır ki, hər iki tenderin qalibi olan şirkətlərin nizamnamə kapitalı cəmi 10 AZN təşkil edir.

İlk tenderin qalibi "DİRECT LİNE TRADİNG" MMC olub. Şirkətlə 1.109.884,4 AZN məbləğində müqavilə bağlanıb. Müqaviləyə əsasən, şirkət qurumu aşağıdakı materiallarla təmin etməlidir:

Mişar daşı (400x200x200mm) – 10.000 ədəd
Mişar daşı qırıntısı (40x70mm, karbonat) – 15.000 m³
Qum-qırmadaş qarışığı (optimal tərkibli) – 20.000 m³
Qum-çınqıl qarışığı – 5.000 m³
Çınqıl (15x25mm) – 7.000 m³
İnşaat qumu (suvaq üçün) – 2.000 m³
Məlumat üçün bildirək ki, "DİRECT LİNE TRADİNG" MMC-nin nizamnamə kapitalı cəmi 10 AZN-dir. Şirkətin qanuni təmsilçisi Sənan Məmmədov Vaqif oğludur.

Digər tender isə kartriclərin satın alınması ilə bağlı olub və qalib "CASPİAN SUPPLİES AZE" MMC seçilib. Şirkətlə 560.002,98 AZN məbləğində müqavilə bağlanması gözlənilir. Bu şirkətin də nizamnamə kapitalı cəmi 10 AZN-dir və qanuni təmsilçisi Tariyel Vahabov Tofiq oğludur.

İctimaiyyət arasında belə suallar yaranır: İri məbləğli tenderlərdə maliyyə dayanıqlılığı və texniki imkanları şübhə doğuran şirkətlər necə qalib seçilib? Onların bu həcmdə öhdəlikləri yerinə yetirmək üçün real resursları varmı?

Bu cür müqavilələrdə əsas risklərdən biri, şirkətlərin maliyyə dayanıqlılığının şübhə doğurmasıdır. Cəmi 10 AZN nizamnamə kapitalına sahib olan bu şirkətlərin böyük tenderləri icra etmək üçün kifayət qədər maddi və texniki imkanlara malik olmamaları mümkündür. İcra gücü olmayan şirkətlərin müqavilələri yerinə yetirə bilməməsi hallarında, bu, tenderin ləğv edilməsi və əlavə maliyyə itkisi ilə nəticələnə bilər. Həmçinin, müqavilə şərtlərinin yerinə yetirilməməsi, şirkətlərin öhdəliklərini yerinə yetirə bilməməsi və dövlət resurslarının itirilməsi kimi ciddi risklər yaranır.

Xatırladaq ki, "İri Şəhərlərin Birləşmiş Su Təchizatı Xidməti” publik hüquqi şəxsin İdarə Heyətinin sədrlik müvəqqəti olaraq Tahir Xəlilova həvalə olunub

Səhiyyə Nazirliyinin akademik C.M.Abdullayev adına Elmi-Tədqiqat Kardiologiya İnstitutunda növbəti qalmaqal baş verib.
Bakupost.az -ın əldə etdiyi məlumata görə, İnstitutun direktoru Gülnaz Dadaşovanın elmi işçilər üçün attestasiya keçirmək cəhdi fiasko ilə nəticələnib. Belə ki, birinci mərhələdə attestasiyaya cəlb edilən elmi dərəcəsi olan (elmlər doktorları və tibb üzrə fəlsəfə doktorları) 20 nəfərə yaxın tibbi işçisi attestasiyanın qanunsuz olduğunu əsas gətirərək, orada iştirak etməkdən imtina ediblər.
Qeyd edək ki, elmi-tədqiqat institutlarında attestasiyalar "Elm haqqında" Qanuna əsasən keçirilir. Qanunun 13-cü maddəsinə görə, elmi-tədqiqat institutlarının ali idarəetmə orqanı onun Elmi Şurasıdır. Elmi Şura institutun strukturunu müəyyən edir, səlahiyyətli orqanlar qarşısında vəsatət qaldırır, həmçinin elmi işçilərin attestasiyasını təşkil edir. Attestasiya Elmi Şuranın qərarı ilə yaradılan Attestasiya Komissiyası tərəfindən həyata keçirilir. Attestasiya qaydaları isə Azərbaycan Respublikasının Əmək Məcəlləsi ilə müəyyən edilir.
Aldığımız məlumata görə, İnstitutun professorları attestasiyanın təşkili zamanı bu qaydalara əməl olunmadığı və ciddi qanun pozuntularına yol verildiyini bildiriblər. Belə ki, attestasiyanın keçirilməsi Elmi Şurada müzakirə olunmalı və müvafiq Attestasiya Komissiyası yaradılmalı olduğu halda, İnstitutun direktoru bu addımı Şura üzvlərinin xəbəri olmadan atıb. İnstitutun elmi işçilərinin dediyinə görə, Gülnaz Dadaşova özünə yaxın şəxlərin də daxil olduğu 3 nəfərlik komissiya yaradıb:
"Attestasiyaya düşən suallar isə İnstitutun hüquqşünası tərəfindən (?) tərtib edilib və tibbə aid olmayan suallar olub. Hətta attestasiyaya Konstitusiya, "Təhsil haqqında" Qanundan suallar salınıb.
Ən maraqlısı odur ki, Gülnaz Dadaşova öz aləmində professorları sındırmaq üçün Attestasiya Komissiyasına özünün inzibati(təsərrüfat) məsələlər üzrə müavini Azər Mirzəxanlını da salıb. Onun nəinki ali, elementar tibb təhsili belə yoxdur. Daim işçilərlə kobud davranışı ilə seçilən Azər Mirzəxanlı attestasiyanı boykot edən professorların üstünə qışqırmaqdan belə çəkinməyib".
Mənbənin dediyinə görə, direktor attestasiya prosesini videoya çəkmək üçün çəkiliş qrupu da ayırıb. Bu cür davranışa dözə bilməyən professorlardan biri çəkiliş qrupuna işarə edərək ironiya ilə "Yenə klip çəkdirəcəyik?" deyə replika atıb.
Qeyd olunur ki, şöbə rəhbərləri - professor Nazim Abdullayev, professor Rufulla Abdullayev, tibb üzrə fəlsəfə doktoru Rafiq Yusifli, tibb üzrə fəlsəfə doktoru Rüfət Cəmilov direktorun qeyri-qanuni hərəkətləri, institutdakı hegemonluğu, yarıtmaz idarəetməsindən şikayətləniblər. Onlar direktoru elmi işlərin aparılmasına heç bir şərait yaratmamaqda, işlədiyi bu illər ərzində elmi işçiləri daim təzyiq altında saxlamaqda və təhqir etməkdə, professorları ətrafına yığdığı və "öz komandam" adlandırdığı adamların əli altında işlədərək onlara tabe etdirməkdə, "Elm haqqında" Qanunun tələblərini pozaraq qeyri-qanuni formada attestasiya keçirməyə cəhd etməkdə, elmi işçilərin hüquqlarını kobud şəkildə pozmaqda ittiham ediblər.
Attestasiyaya cəlb olunan alimlər bildiriblər ki, Elmi-Tədqiqat İnstitutunun əsas fəaliyyəti fundamental, tətbiqi elmi tədqiqatlar və eksperimental araşdırmaların aparılmasından ibarətdir. Ancaq son 6 ildə elmi şöbələr heç bir avadanlıq, cihaz, material və komputerlərlə təmin olunmayıb.
İnstitutun elmi işçiləri həmçinin sualları tərtib edən hüquqşünasın İnstituta çağırılmasını tələb ediblər. Onlar həmin hüquşünasa sualları olduğunu bildiriblər.
Professorlar Elmi Şura tərfindən təsdiq edilməyən qeyri-qanuni ekspert komissiyasının üzvü, İnstitutun Həmkarlar İttifaqının sədri Ruslan Nəcəfovdan Əmək Məcəlləsində yazılmış maddələri düzgün şəkildə oxuyub kollektivə çatdırmağı tələb ediblər və çox çətinliklə də olsa, buna nail olublar.
Mənbə bildirib ki, sayğısızlıqdan əsəbləşən professorlar həmçinin direktorun elmi işçiləri heç bir elmi konfransa buraxmamasını, Kardiologiya İnstitutunda antisanitariya şəraitinin hökm sürdüyünü, tibb ocağında çalışan alimlərin ayaqyoluna getmək üçün növbəyə dayandığını, müəssisədə normal iş şəraiti və işgüzar atmosferin yaradılmadığını, bütün bunların qarşılığında isə yüksək elmi dərəcəsi olan alimlərin ibtidai sinif şagirdləri kimi imtahan edilməsinin təhqiramiz olduğunu deyiblər:
"Bundan sonra alim-professor heyəti İnstitut direktorunun elmi işçilərin hüquqlarını pozan davranışına etiraz əlaməti olaraq Gülnaz Dadaşova tərəfindən sinif otağına oxşadılan, bəzədimiş konfrans zalını nümayişkaranə şəkildə tərk ediblər.
Bu hadisədən sonra özünü-itirən və əl-ayağa düşən Gülnaz Dadaşova elmi dərəcəsi olamayan işçilər üçün növbəti attestasiyanı da təxirə salıb. O, bütün bunalardan xəbəri olmadığını deyib və attestasiyaya görə bütün günahları elmi işlər üzrə müavini Rəfail Daşdəmirov və hüquqşünas Azad Aslanovun üzərinə ataraq onları işdən azad edəcəyini deyib. Direktor daha sonra bəzədiyi konfrans zalını boşaltmaqla məşğul olub. Əslində isə Rəfail Daşdəmirov bu şəkildə attestasiyanın doğru olmadığını bildiyi üçün xəstələndiyini əsas gətirərək bu gün işdə deyildi. O adam bu biabırçılığa görə utanırdı və ona görə işə gəlməmişdi".
Bu arada İnstitutin işçiləri daha bir ciddi qanun pozuntusundan şikayətçidirlər. Belə ki, bu günlərdə İnstitutun birinci mərtəbəsində xüsusi izolyasiyasi olmayan bir kabinetə portativ rentgen aparatı yerləşdirilib:
"Bu aparat institutda yatan, eləcə də stasionar şəkildə müalicəsi planlaşdırılan xəstələr üçündür. Onların ciyərləri yoxlanılır, pnevmoniyaya tutulub-tutlmadıqları müəyyən edilir. Ancaq portativ rentgen aparatı ciddi şüalanma yaradir. Bu şüalar 2-5 metr ərazidəki insanlara təsir edir. Rentgen müayinələri isə səhər saatlarında koridorda insanların çox olduğu zaman aparılır. Eləcə də qonşu kabinetlərdə həkimlər xəstələri qəbul edirlər. Onların hamısı şüalanmaya məruz qalırlar. Bu isə qanunsuzdur. Lakin direktor bu məqama əhəmiyyət vermir".
Maraqlıdır, portativ rentgen aparatının pasiyent və həkimlərə yaxın, izolyasiyası olmayan kabinetdə yerləşdirilməsi nə dərəcədə düzgündür? Müayinələrdən əvvəl bununla bağlı Fövqəladə Hallar Nazirliyinin müvafiq rəyi olubmu?
Onu da qeyd edək ki, artıq institutun professor-alim heyəti direktor Gülnaz Dadaşovanın bu özbaşınalıqlarına dözməyərək, məsələ ilə bağlı Səhiyyə nazirinə Teymur Musayevə və digər aidiyyəti orqanlara məlumat veriblər.
Yazıda səslənən ittihamlarla bağlı Elmi-Tədqiqat Kardiologiya İnstitutunun mətbuat xidməti ilə əlaqə saxladıq. Oradan bildirdilər ki, elmi attestasiya Azərbaycan Respublikasının müvafiq qanunvericiliyinə, akademik C.M.Abdullayev adına Elmi-Tədqiqat Kardiologiya İnstitutunun Nizamnaməsinə və Elmi Şuranın əsasnaməsinə uyğun təşkil edilib:
"Attestasiya Komissiyası mövcud normativ aktlara uyğun olaraq formalaşdırılıb. Attestasiya prosesinin nəticələri ilə bağlı Komissiya üzvlərinin yekun rəyi və hesabatı təqdim edildikdən sonra rəsmi mövqe bildirilməsi mümkün olacaq. Hazırda bu istiqamətdə heç bir rəsmi sənəd daxil olmayıb. Bununla yanaşı, attestasiyanın keçirilməsi tam qanunauyğun hesab olunur. Qeyd olunan attestasiya çərçivəsində iştirak tələbi olmayan bəzi əməkdaşlar mövcud ola bilər. Bu, qanunla müəyyən edilmiş istisnalar çərçivəsindədir.
Hazırda komissiya üzvlərinin və sədrinin yekun rəyi və hesabatı təqdim edilməyib. Hər hansı rəsmi yazılı şikayət də daxil olmayıb. Yekun sənədlər təqdim olunduqdan sonra mövzu ilə bağlı daha dəqiq məlumat vermək mümkün olacaq".
Rentgen kabinetinə gəlincə, İnstitutdan bildiriblər ki, kabinet müvafiq təhlükəsizlik tələblərinə uyğunluğu qiymətləndirilib:
"Ecoray markalı MİNİ 90 modeli olan portativ diaqnostik rentgen cihazı daşınan olduğu üçün otaqların izolyasiyasına ehtiyac olmur. Statisionar xəstələrin müayinəsi üçün portativ daşınan rentgen cihazını statisionar rentgenoskopiya cihazı ilə müqayisə etsək, həmin dozanın fərqini görmək olar".

TEREF yazır ki, poçtumuza bir xanımdan şikayət daxil olub . Şikayətçi Rzayeva Gülnarə xanımdır. Şikayətin çox ilginc olduğunu nəzərə alaraq məktubun nöqtə vergülünə toxunmadan oxuculara təqdim edirik:.Gülnarə xanım şikayətində yazır:
"Dediyimki kimi Nərimanov icra hakimiyyətinin keçmiş birinci müavini bax belə mənim həyatımnan oynayıb indidə eşyalarımı geri qaytarmir. Köməkçisi Ağamir mənə mesaj yazibe sumkani hara göndərək, esyalarini indidə göndərir. Sizdən çox xahiş edirəm mənə kömək edin.
Şahmar İbadovun nömrəsi 050 211.. ... Sizdən kömək istəyirəm. Danışın deyin eşyalarımı qaytarsın. Mən Türkiyədəyem və hal hazırda qalmışam belə. Bilmirəm nə edim, çox xahiş edirəm mənə kömək edin."
Daha sonra Gülnarə xanım bəzi detallara vararaq yazır ki, o xəstə anası ilə Şahmar İbadovun himayəsində H. Əliyev pros 101 mən 74-də 3 il yaşayıb. Mənzil binanın 11-ci mərtəbəsində yerləşib.
TEREF olaraq Şahmar İbadovla əlaqə saxladıq. Xanımın iddiaları ilə onu tanış etdik. Şahmar İbadov elə bir adamı tanımadığını dedi.
Gülnarə Rzayevanın şikayətinin səs qaydlarıda əlimizdə var. Onuda bloqumuzda yerləşdirəcəyikk.
Araşdırmamız davam edir.
Ardı var

Bir neçə gün bundan öncə Tribunainfo.az olaraq “Aztelekom” MMC ilə apardığımız araşdırma barədə geniş məlumat vermişdik. Həmin məlumatlarda qeyd olunurdu ki, 2024-cü ildə 24 tender keçirən sözügedən qurum ümumilikdə 8 milyon 849 min 90 manatlıq satınalma müqaviləsi imzalayıb.
Araşdırma zamanı o da bəlli olmuşdu ki, “AzTeleKom” MMC bu vəsaitlərin 4 milyon 488 min 652 manatını təkcə bir şirkətlə alqı-satqıya xərcləyib. Orada söhbət “MOTOR CLINIC” MMC ilə il ərzində bağlanmış iki müqavilədən gedirdi.
Dünən isə məlum olub ki, “AzTeleKom” MMC-nin keçirdiyi tenderlərlə bağlı bəzi məhdudiyyətlər tətbiq olunub. Belə ki, Tural Pirverdiyevin rəhbərlik etdiyi qurum “Əlavə mütəxəssislərin işə cəlb olunması” layihəsini həyata keçirmək istəyini reallaşdıra bilməyib. 21 milyon 770 min 655 manat olan bu müsabiqənin ləğvinin səbəbi iştirakçı sayının az olması göstərilib. Anti İnhisar və İstehlak Bazarına Nəzarət Dövlət Xidməti MMC-nin müsabiqə zamanı “Dövlət satınalmalar haqqında” qanunun bəzi maddələrini pozduğunu aşkarlayıb.
Lakin ayrı-ayrı mənbələrdən gələn xəbərlərdə məsələnin təkcə bununla bağlı olmadığı da deyilir. İddia olunur ki, qurumun rəhbəri Tural Pirverdiyevin bəzi tender işlərinə qismən qadağalar tətbiq olunub. Bu qadağaların konkret olaraq hansı qüsura görə, tətbiq edildiyi isə hələlik məlum deyil.
Bundan başqa, Tural Pirverdiyev həmçinin paralel olaraq, Rəqəmsal İnkişaf və Nəqliyyat Nazirliyinin balansında olan “Azintelecom”un əsas əshmdarı olduğu “Azercell”in də idarəçiliyini həyatra keçirir. Məhz bu səbəbdən də onun “AzTeleKom”a az vaxt ayırdığı, əsasən “Azercell”də olduğu bildirilir. Bu səbəbdən də sözügedən dövlət qurumunda bəzən anlaşılmaz, bəzən isə məqsədyönlü problemlər meydana çıxır. Hətta iddialar var ki, MMC daxilində rəhbərlik uğrunda mübarizə aparan bir neçə qruplaşma belə var. Lakin bunun nə dərəcədə doğur olduğunu hələlik dəqiqləşdirə bilməmişik.

Vilayət Vəliyev qadınlara qarşı xüsusi tərbiyəsizliyi ilə tanınır. Bir xanıma deyib ki, səni “iti qovan kimi qovacağam unversitetdən”. Qızı da unversitetdə təkbaşına 3 vəzifə aparır…

Bu iddialar Azərbaycan Texniki Universitetinin rektoru Vilayət Vəliyevin fəaliyyəti ilə bağlı redaksiyamıza daxil olmuş növbəti yazıda yer alır. Təəssüf ki, səslənən iddialarla bağlı bu təhsil ocağından cavab almaq mümükünsüz olub(?)

Aktuallığını nəzərə alıb, müəyyən düzəliş və ixtisarla yazını dərc edirik:

Azərbaycan Texniki Universitetinin rektoru Vilayət Vəliyev dələduzluq, moşenniklik və müxtəlif şirnikləndirici vədlərlə Unversitetə çağırıb gətirdiyi ziyalılara kiçik işlərdən başlamaqla unversitetin çatışmazlıqlarını düzəltməyi tapşırır və bildirir ki, nə xərc çəkəcəksən qaytarılacaq. İşlər yerinə yetirildikcə, azğınlaşır, daha böyük xərcli işlər tapşırılır. Sonrada, “işlərin öhdəsindən gələ bilmirsən” deyilərək, ziyalılara nə pulu qaytarır, onları həm də işdən azad edir. Əməkdaşların vəsaitlərini mənimsədiyinə görə onlarda “Atam mənə kor deyib, hər gələni vur deyib” məsəlini dəyişib “Mən rektoram oğruyam, Mən həmişə doğruyam” kimi səsləndirirlər. İnsanların “işə” cəlb olunmasında isə hətta prorektorlar, “seçilmiş” dekan və kafedra müdirləri iştirak edirlər. Tam bir qapalı “moşenniklik” sxemi qurulmuşdur. Təzyiq vasitəsi kimi, müxtəlif “oyunlar“ qurur və bu çirkin oyunlara Unversitetdəki öz adamlarını cəlb edir. Odur ki, Unversitetdə təhsil, elm qalıb bir yanda, “oyunbazlıqla” məşğuldur.

İşdən çıxarma yöntəmlərini də “təkmilləşdirir”. Əvvəlcə guya yaxşı işləyirsən deyə bir başqa iş adıyla digər işə keçirir, sonra qısa müddətə bağlanmış müqavilənin müddətini uzatmır (Bu üsul o qədər “effekt” verib ki, indidə tədris köməkçi heyətə tətbiq edir). Beləliklə aldadılmış onlarla ziyalını çöldə qoymuşdur. Bu fırıldaqlar baş tutmayanda, vəzifəni guya vakant kimi müsabiqəyə çıxarır və sonra da çirkin oyunlarla, yüz xahişlə unversitetə gətirdiyi, vəsaitlərini mənimsədiyi ziyalını müxtəlif yollarla çöldə qoyur. Türklərin dedikləri kimi onun “mənfur bizans oyunları” bitmir ki, bitmir. Aldatdığı ziyalıları işdən uzaqlaşdırmaq üçün hər dəfə bir “komissiya” yaradır. Harda unversitetdə adı mənfi işlərdə hallananlar var, yığır “komissiyaya”. Unversitetdə tam bir əks fazaya doğru irəliləyiş gedir, vaxtilə düşdüyü bataqlığa doğru yenidən sürüklənir.

Elə kafedralar var ki, 10-a qədər 1,5 ştat müəllim var, bəzilərinə isə heç birinidə icazə vermir. Soruşanda da şər, böhtanla qabaqdan gəlmişlik edib özünü borclu çıxarır.

Qadınlara qarşı xüsusi tərbiyəsizliyi ilə tanınır. Bir xanıma deyib ki, səni “iti qovan kimi qovacağam unversitetdən”. Xanım da tərbiyəsinə sığınıb ərizəsini yazıb. Axı bu kəlmə xalqımızın dilində ermənilərə qarşı brendə çevrilmişdi. Vilayət Vəliyev isə xalqın məsul nümayəndəsinə, özü də bir azərbaycanlı xanıma qarşı o ifadəni işlədir. Vilayət Vəliyevin qızı da unversitetdə təkbaşına 3 vəzifə aparır, ona qarşı bu ifadəni işlətsələr hansı hissləri keçirər? Çıxışlarında utanmadan bildirir ki, işdən uzaqlaşdırdığı insanlar bir daha yaxşı iş tapa bilmir. Ona deyən lazımdı, əlbəttə tapa bilməyəcəklər, çirkin oyunlarınla insanları işindən-gücündən edib, unversitetə gətirirsən, sonra da min oyunla yola salırsan. Bu oyunlarına elə don geyindirir ki, həmişə vəziyyətdən çıxmağı bacarır.

Onun çirkin oyunları son vaxtlar mətbuatda işıqlandırıldıqdan sonra faktlardan ancaq birinə reaksiya verdi . Guya AzTU-dan qovulanların siyahısında qeyri dəqiqlik vardır. Böyük ehtimalla sonradan hansısa düzəlişlər edilib, necə ki, eyni məsələ üçün gündə bir “komissiya” yaradır. Bir də o faktlardan ancaq birinin doğru olmadığını bildirdi, onda belə çıxır ki, qalan faktlar düzdür.

Bütün işləri kompleksləşdirmişdir və Unversitetə götürdüyü kadrların təhsildən xəbəri yoxdur. Onları zorla pedaqoq eləməyə çalışır, hansı ki, o adamlar adi sillabus hazırlaya bilmir, bir saat auditoriya təcrübələri yoxdur.

Vilayət Vəliyev AzTU-ya özünə kimdənsə qalmış mirası kimi baxır və bəzi yandaşlarıda bunu dönə-dönə xatırladır. Yaxşı elə idisə nə üçün ermənilərə qarşı bütün Vətən oğulları Ali Baş Komandanın başçılığı altında vuruşanda Vilayət Vəliyev öz oğlunu gizlətdi. Bunlar ermənilər üzərində vətən oğullarının qazandığı qələbənin qürur hissini nə onda yaşaya bildi, nə də indi. Bunların vətən müharibəsi iştirakçılarına və onların yaxınlarına qarşı xain münasibətinin əsl səbəbi onların qürur hissindən kəsad qalmasıdır. Xalq artisti Fəxrəddin Manafov şəhidlərimiz, qazilərimiz və veteranlarımız haqqında gözəl demişdir: “Müharibədən qayıtmırlar, müharibədən qayıtmaq mümkün deyil, yəni fiziki olaraq əlbəttəki şükür Allaha, qayıdanlar var, ama düşüncə ruhu ilə onlar ordadırlar hər zaman”. Görün iş nə yerə çatıb ki, Vilayət Vəliyev şəhid, veteran yaxınlarını üz-üzə qoymaq üçün min çirkin oyundan çıxır. Onların “stress” halından mənfurcasına məharətlə istifadə edir.

Ali Baş Komandanımız Möhtərəm İlham Əliyev, 1-ci Vitse president Mehriban xanım Əliyeva bu gün də müharibə atəşinin bürüdüyü şəhidlərimizdən, qazilərdən, veteranlardan danışanda kövrəlir. Nə üçün? Çünki, o odlu-alovlu günləri onlarda Vətən oğulları ilə, yaxınları ilə birgə yaşadı. Ancaq AzTU-nun yuxarıda adı keçən “moşenniklər”i bunu heç vaxt başa düşməyəcəklər. Qürur hissindən məhrum qalmaq belə şeydir. Ona görə günahlarını özlərində deyil vətən oğullarında görəcəklər./yenixeber.org