Keçən günlərdə Dia-az.Media olaraq 1 sentyabr növbədənkənar parlament seçkilərinin ardından bir neçə rayonda rəhbər dəyişikliyinin baş verəcəyini anons etdik. Məlum olduğu kimi artıq iki rayonda bu proses yaşandı.

Dia-az.Media-nın əldə etdiyi xəbərə görə, bu yeni həftədə daha bir rayonda - sakinlərinin şikayətləri yerli KİV-də dastanlar kimi yayılan Qazaxda icra başçısı postunda dəyişiklik gözlənilir.

Mənbə bildirir ki, Hacıqabul və Salyandan fərqli olaraq hazırda Qazaxa rəhbərlik edən Rəcəb Babaşova nəinki təkrar etimad göstərilməyəcək, əksinə onun həbsi belə gözləniləndir.

Babaşovun yerinə isə, hazırda Qazax RİH-də başçının birinci müavini postunu tutan Məmməd Alıyevin gətiriləcəyi iddia olunur.

Əlavə məlumat veriləcək. Bizi izləyin...

VK-nın sədri, MHŞ üzvü Anar Bağırovdur, yoxsa Əlirza Həbilov?
Media ona yaxın vəkilin Vəkillər Kollegiyasının (VK) sıralarından
çıxarılacağını bildirib. Hələlik adlar çəkilmir, görəsən, VK rəhbərliyindəki
görəvlərindən sui-istifadə edənlər barəsində hansısa tədbir görüləcəkmi? 7
ildir intizam komissiyasının üzvü, DİN-in vəkili və nümayəndəsi kimi saxta
statusla hüquqverici sənəd olmadan məhkəmə işlərinə çıxıb, 1-ci dərəcəli
Qarabağ qazisinin hüququna qeyri-prosessual qadağa qoyan, saxta
qərarlar tərtib edən , etdirən Əlirza Həbilovun vəkil adından şəxsi
mənafeyi adına yararlanmasına, DİN-dən “vəkil haqqı” - əməkhaqqı
almasına qiymət verən olacaqmı? Sui-istifadə halları bir daha diqqətə
çatdırılır:
1. 2017-ci ildə 1 saylı Bakı İnzibati- İqtisadi Məhkəməsində
( hakim Elçin Məmmədov) DSMF-ə qarşı işdə Əlirza Həbilov DİN-i
3-cü şəxs etdirib və onun vəkili və nümayəndəsi kimi
hüquqverici sənəd təqdim etmədən iddiaçı Qarabağ əlilinin əleyhinə
çıxış edib. Əlilin etirazına cavab olaraq hakimi onun barəsində xüsusi
qərardad çıxarmağa , akt tərtib etməyə səsləyib, amma hakim bu
təxribata getməyib.
2. 2018-ci ildə Şəki İnzibati- İqtisadi Məhkəməsində ( hakim
Kənan Vəliyev) DİN-in adından bəyanatla çıxış edib ki, Ali
Məhkəmədə də olsa 1-ci dərəcəli Qarabağ qazisinin
hüquqlarının təminatına imkan verilməyəcək. DİN-in adından
verilən bu bəyanata hələ də nə DİN, nə VK rəhbərliyi, nə prokurorluq,
nə Ədliyyə Nazirliyi, nə də məhkəmənin özü qiymət verib. Hamısı
qanunsuz vəkilin qanunsuz bəyanatının DİN-i müdafiə (?) məqsədilə
edildiyini vurğulayıb.
3. 2019-cu ildə Şəki İnzibati- İqtisadi Məhkəməsində ( hakim
İlqar Cabbarov) 15 fevralda qərar qəbul edilmədiyi , iclasın
növbəti tarixə təyin edildiyi halda (bunu elektron məhkəmə
sistemi sübut edir) , iddianın mümkün sayılmaması haqqında
15.02.2019 tarixli qərardad tərtib etdirib.
Bu 15.02.2019 tarixli qərardadı 5 ildən çoxdur Azərbaycan
Respublikasının sistemində preyudisial Konstitusiya aktı kimi tətbiq
etdirən Əlirza Həbilov Qarabağ əlilinə ayrılan vəkillərin də şikayətləri
yazmasına vəzifəsindən yararlanaraq qadağa qoyub. Şəki Apellyasiya
Məhkəməsinin saxta qərardadı qüvvədə saxlayan qərardadından kassasiya
şikayəti verməyə İsmayıllı (?- bəyəm Ali Məhkəmə İsmayıllıya köçüb?- M.
B.) hüquq məsləhətxanasından ayrılan Nəvahid adlı vəkilə şikayəti
yazmağı qadağan edən VK-nın vəzifəli şəxsi özü hüquqverici sənəd
olmadan Ali Məhkəmədə (hakim Kəmaləddin Bədəlov) DİN-in vəkili və
nümayəndəsi kimi iştirak edib. Və DİN-in adından verdiyi bəyanatı
qəbul etdirib. Ali Məhkəmə 12.02.2020 tarixli qərardadla kassasiya
şikayətini mümkünsüz saymayıb ki, şikayət gec yazılıb. Əlirza Həbilovun
qabaqlayıcı tədbiri-göstərişi ilə vəkil Nəvahid Abbasov bu iclasda da
iştirak etməyib. Onu da vurğulayaq ki, bu “ali qərardad” iddiaçı Qarabağ
əlilinə 4 il yarımlıq şikayətlərdən sonra verilib və anında Konstitusiya
Məhkəməsinə ( KM) şikayət verilib. Di gəl, icraata qəbul ediləcəyinə ümid
yoxdur. Nədən KM özü də 15.05.2020 -ci il tarixli qərarında Əlirza
Həbilovu DİN-in vəkili statusunda göstərib.
12.12.2022-ci il tarixli Bakı İnzibati Məhkəməsinin ( hakim Orxan
Həsənov) iclasına isə Əlirza Həbilov 3 ilin vəkili Orxan Babayevi DİN-in
vəkili və nümayəndəsi kimi göndərib. Əlində də 15.02.2019-cu il
tarixli iddianın mümkün sayılmaması haqqında qərardad. Bakı
Apellyasiya Məhkəməsi ( Şərafət Məmmədova, Pərviz Hüseynov,
Cahangir Yusifov) 1-ci dərəcəli Qarabağ əlilinə vəkil ayrılmasından
imtina edib ki, tərəflərin hüquq bərabərliyi prinsipini pozacaq ,
amma DİN-in saxta vəkili və nümayəndəsini, DSMF-in 39 saylı vəkil
bürosunu hüquqverici sənəd olmadan qəbul edib.
VK-nın Hüquqi Yardım Mərkəzinə müraciət edən Qarabağ əlilinə 5 saylı
vəkil bürosundan Nurəddin Kantayev pulsuz vəkil ayrılıb, amma vəkil ,
pulsuz olduğundan hüquqi yardımdan imtina edib. Mərkəzin direktor
müavini, xanım Afət Qazıyeva MM-dən, Ali Məhkəmədən, ali dövlət
hakimiyyəti orqanlarından gələn tapşırıqlara baxmayaraq, 1-ci dərəcəli
Qarabağ əlilinə nə cinayət, nə inzibati, nə də mülki işlərdə vəkil ayrılmasını
çözməyib. Özü də vəkillikdən imtina edib. Yəqin pulsuz olduğuna görə. Bəs
nə yaxşı terrorçu Vardanyana pulsuz vəkillik edir? Yoxsa, separatçı VK
rəhbərliyində təmsil olunan vəkilə xidmət haqqı ödəyir, dövlət büdcəmiz
ziyana düşmür? Başqa nəsə fikirləşmək olmur, yoxsa niyə terrorçu
Vardanyana göstərilən yüksək xidmət Qarabağ əlilinə aşağı səviyyədə
də olsa göstərilməsin?
VK-nın sədri, Məhkəmə Hüquq Şurasının üzvü Anar Bağırovun məhkəmədə
müdafiəyə ehtiyacı olan 1-ci dərəcəli Qarabağ əlilinə , dövlət büdcəsi
hesabına gərək deyil, haqqı ödənilməklə vəkillik etməsi niyə mümkün
olmasın? Pulla deyil? Müqavilə bağlanılsın, xidmət göstərilsin. ƏLİRZA
HƏBİLOVUN QARŞISINA ANAR BAĞIROVDAN ÖZGƏ KİM ÇIXA
BİLƏR? Bir bilinsin görək, VK-nın sədri Anar Bağırovdur, yoxsa ?...
Məğrur Bədəlsoy
TEREF

Neftçalanın keçmiş icra başçısı Əbülfəz Ağayev Kür çayının 8 qolunu qurudaraq özü təsərrüfat sahəsi yaradıb.

Bu barədə Qaynarinfo-ya Qarabağ veteranı, fermer İslam Bayramov bildirib.

Onun sözlərinə görə, Əbülfəz Ağayevin qanunsuz əməlləri bununla bitmir. O, dövlət ehtiyat fond torpaqlarını da zəbt edib. Lakin hansısa səbəbdən rayon rəhbərliyi onun bu əməlləri barədə tədbir görmür.

İslam Bayramovun sözlərinə görə, Əbülfəz Ağayev həm də rayon Ağsaqqallar Şurasının sədridir. "Bu adam guya bir ağsaqqal kimi rayonun inkişafına dəstək verməlidir. Amma faktiki olaraq qanunsuz əməllərlə məşğuldur. İri təsərrüfatlar yaradıb digər fermerlərin fəaliyyətinə maneə törədir. Onun üçün Neftçalada yaşıl işıqdır. Hər cür qanunsuzluq edir. Amma barəsində tədbir görülmür", deyə İslam Bayramov bildirib.

Şikayətçi deyir ki, Əbülfəz Ağayev başqa rayonlarda xüsusi adamlar gətirərək zəbt etdiyi torpaqları onların istifadəsinə verir. Eyni zamanda örüş yerlərini ələ keçirib başqa rayonlardan gətirilən mal-qaraları ora buraxır. "Bizim heyvanlarımız isə acından ölür", deyə İslam Bayramov bildirib.

Qeyd edək ki, Əbülfəz Ağayev 2000-2002-ci illərdə Neftçalanın, 2002-2004-cü illərdə Sabirabadın, 2004-2012-ci ilərdə isə İmişlinin icra başçısı vəzifəsində çalışıb. Hazırda sahibkarlılqla məşğuldur. Onun Neftçalada iri təsərrüfat sahələri və fermalarının olduğu bildirilir.

“Gömrük Komitəsinin keçmiş sədri Aydın Əliyevin oğlu, keçmiş həyat yoldaşım olan Orxan Əliyev qanunlar bir yana, bütün mənəvi dəyərləri aşaraq məndən qisas alır. Atasının nüfuzundan, əlaqələrindən istifadə edib Yasamal İcra Şöbəsi vasitəsi ilə məndən aliment tələb edir. Halbuki, uşağın biri onda, digəri məndədir. O da mənə aliment verməyə borcludur. Məhkəmə hər ikimizə eyni qaydada aliment təyin edib, amma Yasamal İcra Şöbəsi məndən yapışır. Səbail İcra Şöbəsi də mənim müraciətlərimi qulaqardına vurur. Mən ötən dəfə sizin media orqanı vasitəsi ilə yeni ədliyyə nazirinə müraciət etdim. Amma Yasamal icra Şöbəsinin saxta, birtərəfli məlumatı əsasında mənim əleyhimə nazirliyin adından açıqlama yayıldı. Biz arxasızıq deyə niyə bunu edirlər? Mən cənab nazir Fərid Əhmədovdan məni qəbul etməsini xahiş edirəm”.

Bunu Dövlət Gömrük Komitəsinin sabiq rəhbəri Aydın Əliyevin keçmiş gəlini Rada Musayeva Gununsesi.info-ya növbəti müraciətində deyib.

Gununsesi.info-nun məsələ ilə bağlı araşdırması zamanı da məlum olub ki, həqiqətən Yasamal İcra Şöbəsi Orxan Əliyevin də Rada Musayevaya aliment verməli olduğunu unudur. Səbail Rayon İcra Şöbəsindən müvafiq sənəd almaq kifayyətdir ki, qarşı tərəfin də eyni məbləğdə Rada Musayevaya verəcəyinin olduğu görünsün.

Qeyd edək ki, iddiaçı Musayeva Rada Çingis qızının cavabdeh Əliyev Orxan Aydın oğluna qarşı aliment tələbi ilə Səbail ayon məhkəməsinə müraciət edərək 17.03.2016-cı il təvəllüdlü Əliyev Ayxan Orxan oğlunun 2022-ci ilin yanvar ayından yetkinlik yaşına çatanadək saxlanması üçün hər ay 1000 manat sabit pul məbləğində aliment tutulmasını tələb etmişdir. Alimentin 2022-ci ildən tutulması onunla əsaslandırılmışdır ki, R.Musayeva 2022-ci ilin yanvar ayında ilk dəfə Səbail rayon Məhkəməsinə müraciət etmiş, lakin cavabdehin təkidilə və ona maddi dəstək verəcəyinə dair söz verməsi ilə əlaqədar olaraq həmin iddiaları üzrə tələbini məhkəmə qaydasında davam etdirməmişdir.

Bundan əlavə məhkəmə O.Əliyevin qarşılıqlı iddiasını qanunsuz olaraq təmin etmiş, 3 illik müddət həddində 7200 manat R.Musayevadan aliment tutmuşdur. 3 illik həddi məhkəmə xarici ölkənin qətnaməsi ilə əsaslandırmışdır. Bildirirəm ki, Azərbaycan Respublikası Ali Məhkəməsinin 15 may 2024-cü il tarixli qərardadı ilə vəsatət təmin edilməmiş, Litva Respublikasının Vilnüs şəhər Məhkəməsinin 24.11.2014-cü il tarixli qərarının Musayeva Rada Çingis qızından alimentin tutulması hissəsində Azərbaycan Respublikası ərazisində tanınması və icra edilməsindən imtina edilmişdir. Səbail rayon məhkəməsi O.Əliyevin qarşılıqlı iddiasını təmin edərkən Litva Respublikasının qətnaməsini əsas götürmüş, lakin eyni tələblə R.Musayeva 2022-ci ildə Səbail rayon məhkəməsinə müraciət etməsinə baxmayaraq tələbi qəbul etməmişdir.

Rada Musayeva saytımıza bildirib ki, həyat yoldaşı olmuş Orxanla ayrıldıqdan sonra ilk övladını onun əlindən alıblar: “Uşağı dünyaya gətirəndən təxminən 1 ay sonra əlimdən aldılar. Şantajlar, hədələr, qorxular məni susmağa vadar etdi. Biz Litvada yaşayırdıq. Sonrakı müddət ərzində barışmışdıq. Birgə olduğumuz dövrdə Orxan mənimlə birgə yaşasa da amma, uşağı dayədə saxladırdı. Biz barışandan sonra ikinci övladımız dünyaya gəldi. Sonradan yenə də Orxanla yollarımız ayrıldı. İndi isə məlum olub ki, Yasamal Rayon Məhkəməsi vasitəsilə məndən aliment tələb edilib və məhkəmə bunu qəbul edib. Atasının nüfuzu, əlaqələri vasitəsi ilə Yasamal Rayon İcra şöbəsi apellyasiya şikayəti verməyimə belə möhlət qoymadı. Halbuki, apellyasiyanın qərarından sonra hökm qanuni qüvvəyə minir. Necə ola bilər ki, Yasamal Məhkəməsi qərar verir, ardınca Rasim adlı icraçı mənə hədə formasında zəng edərək, 7200 manat gətirməyimi tələb edir. Üstəlik, mənə 500 manat da cərimə yazılıb. Mən hara gedirəmsə, Aydın Əliyevin adı çəkilir. Uşağımı əlimdən alıblar, evimə buraxmırlar, üstəlik də aliment tələb edirlər. Mən Ədliyyə Nazirindən xahiş edirəm ki, Yasamal İcra Şöbəsinin bu qanunsuz hərəkətlərini araşdırsın”.

Rada Musayeva hazırda kirayədə qaldığını və yanında olan övladının adına rəsmiləşmiş mənzilə daxil ola bilmədiyini deyir: “Təsəvvür edin ki, evin açarını dəyişib. Bu adam öz övladını düşünmür. Mən evimə getmək istəyirəm. DİN rəhbərliyindən də mümkün təxribatların qarşısını almasını istəyirəm. Evə gedən zaman media nümayəndələrini də dəvət edəcəyəm”.

Məsələ ilə bağlı Orxan əliyevə müraciət etsək də ənənəsinə sadiq qalaraq, telefonun dəstəyini qaldırmadı.

LGTB-FETÖ xətti Azərbaycanda yenidən revanş götürüb

ATV-nin rəhbəri Azər Xəlilovun qardaşı "CBC” kanalının baş direktorudur. Vüqar Xəlilov Böyük Britaniya vətəndaşı ola-ola 7 ildir Azərbaycanda telekanala rəhbərlik edir.

V.Xəlilov 12 aprel 2010-cu ildə Qırğızıstanda qanunsuz pul vəsaitlərinin leqallaşdırılması ittihamı ilə həbs edilmişdi. Avropadan yönələn hansısa "güclü əl”in hesabına V.Xəlilov həmin ilin avqust ayının 10-da azadlığa buraxılıb. 2009-cu ilə qədər Londonda yaşayan, "Azadlıq radiosu”nda və "BBC”-də işləyən V.Xəlilovun Qırğızıstana köç edib orada Avropa modelli piar şirkəti açması hüquq-mühafizə orqanlarının diqqətini cəlb etmiş və nəticədə həbs olunmuşdu.

Amma ittiham təkcə qanunsuz pulların leqallaşdırılmasından ibarət deyildi. O, xarici ölkənin kəşfiyyat orqanları ilə əməkdaşlıqda da ittiham olunurdu. Bakiyevlər ailəsinin ən sevimli dostlarından olan V.Xəlilov həm də bu ailənin çirkli pullarının yuyulması ittihamı ilə də üz-üzə qalmışdı.

Qanunsuz pul leqallaşdırılması ilə məşğul olan, uzun illər "Azadlıq radiosu”nda antiAzərbaycan materialların əsas müəlliflərindən olan Vüqar Xəlilov "CBC”yə kim və necə baş direktor təyin edib?

2010-2015-ci illərdə istintaq orqanlarının əlində yumağa çevrilən V.Xəlilov 2015-ci ildə Azərbaycanda peyda olur və cəmi 2 il sonra "CBC”yə baş direktor təyin edilir. Bu həngamənin bir izahı olmamalıdır?!

Azər Xəlilov keçmiş həyat yoldaşı Sevinc Osmanqızı ilə atışmalarında (saytlarda var) Böyük Britaniyada daimi yaşamaq hüququnun olduğunu bildirir.

Bu Xəlilovlar ailəsi kimdir?

2017-ci ildə Vüqar Xəlilovu "CBC”-nin kollektivinə "SOCAR Media” İctimai Birliyinin sədri Xalik Məmmədov təqdim etmişdi. X.Məmmədovun adı isə "Nurçuluq”da hallanırdı. Məncə, əlavə şərhə ehtiyac yoxdur.

Samir Feyruzov
icmal.az

LGTB-FETÖ xətti Azərbaycanda yenidən revanş götürüb

ATV-nin rəhbəri Azər Xəlilovun qardaşı "CBC” kanalının baş direktorudur. Vüqar Xəlilov Böyük Britaniya vətəndaşı ola-ola 7 ildir Azərbaycanda telekanala rəhbərlik edir.

V.Xəlilov 12 aprel 2010-cu ildə Qırğızıstanda qanunsuz pul vəsaitlərinin leqallaşdırılması ittihamı ilə həbs edilmişdi. Avropadan yönələn hansısa "güclü əl”in hesabına V.Xəlilov həmin ilin avqust ayının 10-da azadlığa buraxılıb. 2009-cu ilə qədər Londonda yaşayan, "Azadlıq radiosu”nda və "BBC”-də işləyən V.Xəlilovun Qırğızıstana köç edib orada Avropa modelli piar şirkəti açması hüquq-mühafizə orqanlarının diqqətini cəlb etmiş və nəticədə həbs olunmuşdu.

Amma ittiham təkcə qanunsuz pulların leqallaşdırılmasından ibarət deyildi. O, xarici ölkənin kəşfiyyat orqanları ilə əməkdaşlıqda da ittiham olunurdu. Bakiyevlər ailəsinin ən sevimli dostlarından olan V.Xəlilov həm də bu ailənin çirkli pullarının yuyulması ittihamı ilə də üz-üzə qalmışdı.

Qanunsuz pul leqallaşdırılması ilə məşğul olan, uzun illər "Azadlıq radiosu”nda antiAzərbaycan materialların əsas müəlliflərindən olan Vüqar Xəlilov "CBC”yə kim və necə baş direktor təyin edib?

2010-2015-ci illərdə istintaq orqanlarının əlində yumağa çevrilən V.Xəlilov 2015-ci ildə Azərbaycanda peyda olur və cəmi 2 il sonra "CBC”yə baş direktor təyin edilir. Bu həngamənin bir izahı olmamalıdır?!

Azər Xəlilov keçmiş həyat yoldaşı Sevinc Osmanqızı ilə atışmalarında (saytlarda var) Böyük Britaniyada daimi yaşamaq hüququnun olduğunu bildirir.

Bu Xəlilovlar ailəsi kimdir?

2017-ci ildə Vüqar Xəlilovu "CBC”-nin kollektivinə "SOCAR Media” İctimai Birliyinin sədri Xalik Məmmədov təqdim etmişdi. X.Məmmədovun adı isə "Nurçuluq”da hallanırdı. Məncə, əlavə şərhə ehtiyac yoxdur.

Samir Feyruzov
icmal.az

Aşağıda qeyd olunan təsdiqini tapdığı halda işəgötürən;
İnzibati Xətalar Məcəlləsi Maddə 193. İşçini əmək funksiyasına daxil olmayan işi (xidməti) yerinə yetirməyə məcbur etmə
-Əmək müqaviləsinə xitam veriləcəyi və ya kollektiv müqavilədə müəyyən edilmiş güzəşt və imtiyazlardan məhrum ediləcəyi hədə-qorxusu ilə işçini əmək funksiyasına daxil olmayan işi (xidməti) yerinə yetirməyə məcbur etməyə görə-min manatdan iki min manatadək məbləğdə cərimə edilir.
-Əmək müqaviləsinə xitam veriləcəyi və ya kollektiv müqavilədə müəyyən edilmiş güzəşt və imtiyazlardan məhrum ediləcəyi hədə-qorxusu ilə işçini əmək funksiyasına daxil olmayan işi (xidməti) yerinə yetirməyə məcbur etməyə görə-min manatdan iki min manatadək məbləğdə cərimə edilir.
SOCAR Geofizika və Geologiya idarəsindən yazdılar:


SOCAR Geofizika və Geologiya idarəsinin rəhbərliyi gecənin bu vaxtı 15 günlük ev istirahətində olan işçiləri hədə qorxu mesajları (əlavə olunub) ilə məcburi işləməyə çağırış edirlər. Həm də heç bir nəqliyyat vasitəsi ilə təmin etmədən Güzdəyə getmələrini tələb edirlər.Qanunla əmr verilməlidir və həmin işçilərin əlavə işə cəlb edilmələri barədə gün yazılmalıdır.
Partlayıcı maddələr olan anbara vahid partlayıcı vəsiqəsi olan işçilər daxil ola bilər.Bu vaxtı bir hadisə baş versə kim cavabdehlik daşıyır? Sizcə qanuna uyğundurmu istirahət günündə işçini işə cəlb etmək?
Geofizika və geologiya İdarəsinin 1 ci müavini Mansurov Sərvan, bölüm rəisi Mahmudov Əziz, Neft Daşları ekspedisiyasının rəisi Məmmədov Bəxşeyişin bu qanunsuz əməlini görmürlər?
Mirvari Gahramanli
TEREF

Tərtər Rayon İcra Hakimiyyəti yolların təmir olunması ilə bağlı tenderə yekun vurub.
TEREF Qaynarinfo-ya istinadla xəbər verir ki, tenderin qalibi “Koneks Construction” MMC seçilib.
Artıq şirkətlə icra hakimiyyəti arasında satınalma müqaviləsi imzalanıb. Müqavilənin maliyyə dəyəri 430 108,47 manatdır.
İqtisadiyyat Nazirliyi yanında Dövlət Vergi Xidmətinin reyestr məlumatlarında “Koneks Construction” MMC-nin 27 noyabr 2019-cu ildə qeydiyyata alındığı göstərilir. Şirkətin nizamnamə kapitalı 10 AZN-dir. Hüquqi ünvanı Bakı şəhəri Binəqədi rayonu, Səttar Bəhlulzadə küçəsi, ev 39, mənzil 202-də yerləşən MMC-nin qanuni təmsilçisi Fərzəliyev Mehdi Məhəmmədəli oğludur.
Şirkət dövlət satınalmalarında fəal iştirak edir və daha çox yerli icra hakimiyyətlərinin keçiridyi tenderlərin qalibi olur.
“Koneks Construction” MMC-nin geyimlə bağlı tenderlərin qalibi seçilməsi şirkət haqqında müəyyən şübhələrə səbəb olub.
Medianın yazdığına görə, şirkət tender əməliyyatlarında iştirak üçün yaradılıb.
Tərtər Rayon İcra Hakimiyyətinin başçısı Müstəqim Məmmədovdur. O, 2014-cü ildən rayona rəhbərlik edir. Müstəqim Məmmədovun icra başçısı kimi karyerası isə 2012-ci ildən başlayır. O, həmin il Yevlax Rayon İcra Hakimiyyətinin başçısı təyin edilib.
Müstəqim Məmmədov mətbuatda ən çox tənqid edilən icra başçılarındadır.

Vətəndaş bələdiyyə sədrini saxta sənəd verməkdə ittiham edir

Lənkəran Rayon Gərmətük qəsəbə sakini Xalıqlı Farid Möhübbət oğlu yerli bələdiyyədən şikayətçidir.

O, "Arqument.az" deyib ki, bələdiyyə onlara məxsus torpağı başqalarına verib.

"Şikayətim Lənkəran rayon Gərmətük qəsəbə bələdiyəsinin sədri Təmirlan Ağamirzə oğlu Rzayevdəndir. 1993-cü ildə atam Hüseynov Möhübbət Xalıq oğlu Həzi Aslanov adına sovxozdan quşçuluq fermasını alıb. Biz uzun illər ailəmizlə birlikdə orada işçilər üçün nəzərdə tutulmuş 1 otaqlı evdə yaşamışıq. Təsərrüfat işləri heyvandarlıq və quşçuluq işləri ilə məşgul olmuşuq. Biz ora köçəndə mən indiyə kimi xatırlayıram ki, oralar bərbad daşlıq əkinçiliyə yararsız bir vəziyyətdə idi. Ailəmizin dəstəyi ilə biz oraları daşlardan və kolluqlardan təmizləyib hasarladıq", - deyə o qeyd edib.

Farid Xalıqlı deyir ki, uzun illər yaşadıqları evin yerləşdiyi ərazinin bir hissəsini indi başqaları zəbt edib. Buna da şəraiti yaradan isə bələdiyyə sədri Təmirlan Rzayevdir: "Biz həmin ərazidə təkcə elektriki bərpa etmək üçün 7 ədəd beton dirək və 1000 metrdən çox elektrik naqili çəkmişik. Biz ora köçəndə orada heç kəs yaşamırdı. Əzab-əziyyət və böyük çətinliklərə baxmayaraq, biz orada 20 ildən artıq yaşamışıq. Hər dəfə atama deyərdim ki, gəl buranı özəlləşdirək Atam deyirdi ki, bura bir ətək pul vermişəm, burada canımızı qoymuşuq. Valideyinlərim məni o evdən əsgərliyə yola salıblar".

Bələdiyyə sədri Təmirlan Rzayev

"Maddi imkanımız cox pis idi, mən əsgərlikdən qayıdandan sonra ustalıqla məşğul olmağa başladım, atam insult xəstəsi idi və biz təsərrufatı davam etdirə bilmədik və xəstə atamla orada yaşaya bilməzdik. O səbəbdən baba evinə köçməyi qərar verdik. 2022-ci il may ayının 15-də mən oranı bərpa etmək üçün 10 000 manatdan artıq vəsait xərcləyərək yenidən hasarlama, hamarlama işləri apardım, suyu, işığı bərpa etmişəm. Atam rəhmətə getdi, muvəqqəti olaraq iş dayandı və birdə ayıldıq ki, qəsəbəmizin bələdiyyə sədri Təmirlan Rzayev heç kimə demədən həyətimizdə bölgü işləri aparıb və saxtakarlıq etməklə orada 4 nəfərə torpaq ayırıb. Bələdiyyə sədri həmin şəxslərə saxta sənəd də təqdim edib. Mən xəbər tutanda dərhal Təmirlan Rzayev ilə əlaqə saxladım. Bildirdi ki, bir az səbirli ol, onlara digər ərazidə torpaq ayrılıb və mən onları oraya köçürərəm, 6 ay məni ələ salandan sonra bildirdi ki, onlar çıxmırlar", - Lənkəran sakini belə deyir.

Xalıqlı bildirib ki, o, bələdiyyə sədrinin saxta sənədlə torpaq satmasından hüquq-mühafizə orqanlarına, məhkəməyə müraciət edəcək.

Onun sözlərinə görə, Əmlak Məsələləri Dövlət Xidmətinin Lənkəran şöbəsi də həmin şəxslərin torpaqlarını reyestrdən keçirməyib: "Mən anamla həmin şəxslərin evlərinə getdik. Özləri o torpaqların bizim olduqlarını etiraf etdilər. Onlar bildirdilər ki, bizə torpaq ayrılanda biz bələdiyyə sədrindən soruşduq ki, bura sizin torpaqdır? Təmirlan dedi ki, onların (yəni bizim) sənədi yoxdur. Amma özü də həmin şəxslərə qeyri-qanuni sənəd təqdim edib. Qərara aldım ki, Lənkəran Əmlak Xİdmətinə gedim. Oradan bildirdilər ki, çox maraqlıdır bu ərazi bizim balansımızda olmalıdır, amma yoxdur. Təklif etdilər ki, məhkəməyə muraciət edim. Bir çox araşdırmalar edəndən sonra mənə məlum oldu ki, Təmirlan Rzayev öz saxtakarlığı ilə necəsə o ərazini öz xəritəsinə əlavə edib. Qərara gəldik ki, anam İradə Hüseynova Əmlak Komitəsinə muraciət etsin. Həmçinin Gərmətük qəsəbə sakinləri də bu məsələdən narahat oldular. Onlar imza toplayaraq cənab Prezidentə və bir neçə quruma muraciət yollayıblar. Hazırda isə o ərazidə qanunsuz tikili gedir".

"Kənd sakini olaraq ordan başqa heç yerdə torpağımız yoxdur. İstifadəmizdə olduğu üçün o torpaqlar ilk olaraq bizə təklif olunmalıdır. Amma Təmirlan Rzayevin öz bildiyini edib. Onu da deyib ki, bu onun ilk saxtakarlığı deyil", - Fərid Xalıqlı belə deyib.

"Arqument.az" məsələ ilə bağlı Gərmətük qəsəbə bələdiyəsinin sədri Təmirlan Rzayevlə əlaqə saxlayıb.

O deyib ki, ona göstəriş Lənkəran Rayon İcra Hakimiyyətindən verilib.

Bələdiyyə sədri bildirib ki, həmin ərazidə 4 nəfərə yer verilib, onlardan biri şəhid ailəsi, digər 3 nəfər isə qazidir.

"Arqument.az"ın "Sizin balansınızda olmayan ərazini necə sata və ya kiməsə verə bilirsiniz? Bu, qanunaziddir. Həm də saxta sənədlə necə topraq verə bilirsiniz?" sualına bələdiyyə sədri: "Mənə icra hakimiyyətindən dedilər", - deyə cavab verib.

Farid Xalıqlı isə deyir ki, şəhid ailəsi onlar həmin ərazidən topraq istmədiyini bildirib: "Mənim şəhid ailəsi və ya qazilərlə heç bir problemim yoxdur. İcra hakimiyyəti bələdiyyə sədrinə deyib ki, Gərmətük dairəsində, "Mandarin" Uşaq Əyləncə Mərkəzinin arxasındakı ərazidə yer versin. Bələdiyyə sədri isə düşünüb ki, onsuz da şəhid və qazi ailələrindən pul ala bilməyəcək. Həmin əraziləri gələcəkdə başqasına satsın deyə onlara bizim ərazini verib. Bununla da çalışır ki, bizi şəhid və qazi ailələri ilə üz-üzə qoysun. Əslində isə onlara Gərmətük dairəsində torpaq verilməli idi. Şəhid ailəsi özü də bizə dedi ki, mən sizin torpağı yox, oranı istəyirəm. Dedi ki, əgər mənə başqa ərazidə yer verilsə, bu gün sizin torpaqdan çıxaram. Amma Təmirlan Rzayevin əlinə fürsət düşüb deyə bizim torpağı paylamaqla məşğuldur".

Bələdiyyə sədri: "Bəs həmin ərazi hansı sənədlə başqalarına verilir?" sualına isə yenə eyni cavabı verib: "İcra Hakimiyyətinin tapşırığı ilə".

"Bəs icra hakimiyyəti sizi hansısa qanunsuzluğu etməyə sövq etsə, etməlisiniz?" sualına isə bələdiyyə sədri cavab vermək istəməyib.

Aydın görünür ki, ərazi heç kəsə sənədlə verilməyib, Əmlak Məsələləri Dövlət Xidmətinin Lənkəran Şöbəsinin balansından da torpaq saxta yolla çıxarılıb, amma heç bir digər qurumun da balansına salınmayıb.

Qanuna görə isə bələdiyyə yalnız öz balansında olan torpağı sata, icarəyə verə bilər.

Bələdiyyə sədri torpaq alan şəxslərə saxta sənəd vermədiyini desə də, "Arqument.az" həmin sənədi əldə edə bilib.

Həmin saxta sənədin surəti

Lənkəran Rayon İcra Hakimiyyəti isə məsələyə münasibət bildirməyib.

"İnşaat Konstruksiyaları” MMC-nin qanuni təmsilçisi Rauf Əliyev artıq Bakıda məşhur mənzil fırıldaqçısı kimi ad çıxarıb. Onun şəhərin tikinti mafiyasında əsas fiqurlardan biri kimi tanıyırlar. Çünki illərlə eyni metodlarla vətəndaşları aldadır, amma heç bir cəza almır. Belə əminlik yaranır ki, Rauf Əliyev çox yüksək çinli məmurlar tərəfindən himayə edilir. Əgər elə olmasaydı, çoxdan dəmirbarmaqlıqlar arasında idi. Görünür ki, "əl əli yuyar, əl də üzü" prinsipi ilə işləyən Rauf Əliyevə buna görə "gözün üstə qaşın var" deyilmir. O da bu minvalla binalar tikir, camaatı gah aldadır, gah süründürür, gah illərlə vəd verib başından edir, nəticədə özü də qazanır, himayədarlarını da yemləyir. Misal üçün şirkətin Xətai rayonu, Fəzail Bayramov küçəsindəki pilot layihəsi olsun. 7 il əvvəl sakinlər kirayələrə köçürülüb, onlara həmin ərazidə inşa olunan binadan mənzillər veriləcəyi vəd edilib. Amma iki il ərzində yeni mənzillərə köçəcəyi vədi alan sakinlər, o gün-bu gün kirayələrdə qalıblar. Şirkət əvvəlcə bunu pandemiya dövründə yaranmış maliyyə çətinlikləri ilə izah edib, sakinlər də anlayışla qarşılayıb. Sonra bu məsələ getdikcə acı bağırsaq kimi uzanıb. Sakinlər başa düşüblər ki, şirkət rəhbəri onlara yalan danışır. Artıq pandemiya da keçmişdə qalıb, di gəl, hələ də mənzillər təhvil verilməyib. Sakinlərin sözlərinə görə, şirkət sahibi Rauf Əliyev hər dəfə eyni sözü verir, amma dediyinin üstündə durmur. Hətta bu yaxınlarda Xətai rayon icra başçısının yanında qəbulda olublar. Şirkət sahibi icra başçısının yanında sakinlərə bir daha vəd verib ki, bir həftə ərzində problem həllini tapacaq. Ancaq icra başçısı ilə görüşdə də söylədikləri fıs çıxıb. Sakinlər bir araya gələrək həmin binanın ərazisində çadır qurmağa, etiraz etməyə hazırlaşırlar. Onların bildirdiyinə görə, son zamanlar bəzi sakinlərin kirayə haqlarının ödənilməsində də gecikmələr, hətta heç verməmək halları var. Bu da ikiqat narazılıq doğurub. Ən əsası isə 7 ildir ki, camaat öz mənzillərinə köçə bilmir və kirayələrdə qalıb. Son olaraq isə şikayətin Real TV-də işıqlanması zamanı Xətai RİH məmuru şirkət rəhbərinə tövsiyələr olunduğunu, xəbərdarlıq edildiyini açıqlayıb. Daha sonra Rauf Əliyev telefon danışığında bir həftə sonra problemin həll ediləcəyini bildirib. Amma sakinlər ona inanmır və yenə yalan danışıb vaxt qazandığını qeyd edirlər.
Bu azmış kimi, məlum olub ki, şirkət rəhbəri 18 mərtəbəli bina nəzərdə tutsa da, sonradan onun 20 mərtəbəli olması üçün razılıq alacağını bildirib. Maraqlıdır ki, layihədə 18 mərtəbə göstərildikdən sonra daha iki mərtəbə artırılmasına necə icazə verilə bilərdi? Məlumdur ki, bu qərar Şəhərsalma və Arxitektura Komitəsinin səlahiyyətində olan məsələdir. Görünür, Rauf Əliyev komitə rəhbərliyi ilə "dil taparaq" problemi çözüb və daha iki mərtəbə qaldırılmasına razılıq ala bilib. Bu faktın özü də sübut edir ki, Bakıda tikinti şirkətləri ilə komitə arasında min cür oyunlar, sövdələşmələr gedir. Nəticədə şəhərin arxitekturası pozulur, şəhərsalma nizamı xaosa çevrilir, rüşvət, pul marağı ucbatından məmurlar biznes sahiblərinin hər bir qanunsuz hərəkətinə şərait yaradır, göz yumurlar. Beləliklə, paytaxt yaşamaz bir hala gəlir. Üstəgəl, əziyyət çəkən vətəndaşlar olurlar, adlanırlar, şirkət sahibləri isə hər bir problemi rüşvətlə aşırmağın mümkün olduğunu anlayaraq, müxtəlif qanunsuzluqlara yol verir, payçılara kələk gəlir, fırıldaq, dələduz yollarla pul qazanırlar. Onsuz da əmindirlər ki, onlara yaşıl işıqdır, komitəni də pulla ələ almaq mümkündür, ona görə də vətəndaşlara "atmaq" olar. O baxımdan "İnşaat Konstruksiyaları" MMC-dən narazı olanlar bilməlidirlər ki, belə MTK rəhbərlərinin arxasında himayədarları və rüşvət alan qurumlar dayanırlar. Əziyyəti çəkən isə sakinlər olurlar.
Yeri gəlmişkən, Dərəçiçək” MTK da Rauf Əliyevə məxsusdur. Məhkəmənin qərarı ilə Rauf Əliyev Cinayət Məcəlləsinin 213.3-cü maddəsi ilə nəzərdə tutulan cinayət əməlinin törədilməsində təqsirli bilinib və ona 2 il müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, 5 il müddətinə azadlıqdan məhrumetmə cəzası təyin edilib. Məhrum etmə cəzası Cinayət Məcəlləsinin 70-ci maddəsinə əsasən, şərti olaraq tətbiq edilib və onun üzərində 3 il sınaq müddəti müəyyən olunub. İş üzrə verilmiş mülki iddia qismən təmin edilib. İş adamından 659.152,54 manat tutulub, dövlət büdcəsinə keçirilməsinə qərar verilib və qalan hissədə mülki iddia təmin olunmayıb.
Rauf Əliyev şirkəti tərəfindən 2016-cı ildə Bakının Yasamal və Nizami rayonlarında icra başçılarının sərəncamı ilə tikilən binaların tikinti fəaliyyəti ilə məşğul olan şəxslərə görə Bakı şəhəri Lokal Gəlirlər Baş İdarəsinə təqdim etdiyi bəyannamələrə təhrif olunmuş məlumatlar daxil edib, ümumilkdə 3175824,89 manat, 2018-ci ildə Bakı şəhəri Xətai rayon icra başçısının sərəncamı ilə tikilən binaların tikinti fəaliyyəti ilə məşğul olan şəxslərə görə Bakı şəhəri Lokal Gəlirlər Baş İdarəsinə təqdim etdiyi bəyannamədə 2019-cu ilin cəmi 673584,12 manat sadələşdirilmiş vergisini dövlət büdcəsinə ödəməkdən yayınıb.
Mediada gedən xəbərlərə görə, Rauf Əliyev müəmmalı yollarla tikdirdiyi binalarda əlavə mərtəbə tikilməsi ilə bağlı FHN əməkdaşlarını da “razı sala” bilib. Fövqəladə Hallar Nazirliyinin əməkdaşları bu binaların dayanıqlılığı ilə bağlı müayinələr aparıb və müvafiq texniki rəy veriblər.

Azər Talıbov

Anaxeber.info