Bakı şəhərinin Nərimanov küçələri artıq öz sakinləri üçün bir yaşam məkanı yox, narahatlıq mənbəyinə çevrilib.

Patrulaz.az-ın çəkdiyi kadrlarda və yerində apardığı müşahidələrdə aydın görünür ki, bu küçələr nə şəhər planlamasından, nə qanunlardan, nə də insani normalardan xəbər verir.

Bölgədə yeni tikilmiş obyektlər şəhər strukturunu alt-üst edib, piyada və avtomobillərin hərəkətini iflic vəziyyətinə salıb.

Əsasən də Əşrəf Əliyev 11-15 ünvanı ətrafında müşahidə edilən vəziyyət göstərir ki, yeni obyektlərin inşası küçələrdə piyada və avtomobillərin hərəkətini dözülməz həddə çatdırıb.

“Ice Pub Restaurant”, “Dental Estetika”, “Republic Pub Lounge”, “Harika” salonu kimi obyektlərin səkiləri zəbt etməsi, küçələrdə hərəkəti mümkünsüz hala gətirib. Belə ki, səkilər zəbt olunub, piyadalar yola çıxmaq məcburiyyətində qalır, avtomobillər isə sözün əsl mənasında tıxac içində çırpınır.

Ən acınacaqlı vəziyyət isə “Ciao Pizza” restoranının qarşısında yaşanır. Avtomobillər sanki restorana daxil olmaq istəyirmiş kimi, səkiləri tamamilə zəbt edib. Sanki burası bir restoran deyil, avtomobil sərgisi meydançasıdır.

Sakinlər vaxtilə köhnə binaların sökülərək, daha müasir və rahat yaşayış məkanları ilə əvəz olunacağını eşidəndə ümidlənmişdi. Lakin köhnə binaların yerinə başıpozuq şəkildə ucaldılan obyektlər nəinki vəziyyəti düzəltməyib, əksinə Nərimanov rayonunu özbaşınalıq simvoluna çevirib.

Hazırkı şəraitdə avtomobil sahibləri də çətin vəziyyətə düşüblər. Lakin problemin kökü fərdi sürücülərdə yox, şəhərsalma planlamasındakı boşluqlarda axtarılmalıdır. Bir sözlə, məsuliyyətsizlik və plansızlıq qarşısında, bu hallara haqq qazandırmaq mümkün deyil.

Mövcud vəziyyət göstərir ki, şəhərin mərkəzində sanki nə piyada, nə sürücü, nə də şəhər idarəetməsi anlayışı qalıb. Sürücülər səhv parklanma ilə cərimə olunur, amma cərimələr problemin üstünü örtə bilmir.

Küçələri bu hala salanlardan kimdir cavabdeh?

Bakı beləmi inkişaf edir?

Küçələri beləmi gözəlləşir?

Əgər belədirsə, Bombeyə ehtiyac yoxdur! Nərimanov rayonu yetər!

Bu şəhər kimindir? Xalqın? Yoxsa bir ovuc tikinti maqnatının?

Əgər indi susacağıqsa, sabah bu küçələrdə nə piyada gəzə biləcək, nə də yaşamaq mümkün olacaq!

Ümid edirik ki, aidiyyəti qurumlar Bombeyi xatırladan Nərimanov küçələrindəki sıxlıq və qarışıq vəziyyətlə bağlı tədbir görərlər.

Fövqəladə Hallar Naziriliyi bir gündə iki fərqli, həm də qəribə tender keçirib.

Tribunainfo.az xəbər verir ki, nazirliyin tabeliyində olan Tikintidə Təhlükəsizliyə Nəzarət Dövlət Agentliyinin Təsisatdan Kənar Ekspertiza Baş İdarəsi kompyüterlərini yeniləmək qərarına gəlib.

Açıq mənbələrdə qeyd edilir ki, kompyuter, printer, UPS və kompyuter ehtiyyat hissələrinin alınmasını ehtiva edən tender üzrə “AZİMUT TƏCHİZAT” MMC ilə satınalma müqaviləsi imzalanıb. Həmin müqavilənin dəyəri isə 550 min 989 manat olub.

Nazirliyin ikinci tenderi isə milyonluq layihə hesab oluna bilər. Belə ki, FHN-in Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyəti bir neçə binanın inşası və istinad divarları inşa edəcək. Məlumatda qeyd edilir ki, nazirlik Cənub bölgəsində 14 ədəd, Qobustan rayonunda 1 ədəd fərdi yaşayış evi, Gədəbəy şəhərində 24 mənzilli binada və Daşkəsən şəhərində 1 ədəd istinad divarının bərpasını həyata keçirəcək.

Nazirliyin qeyd edilən qurumu “TƏMƏL TİKİNTİ” MMC ilə bu məsələdə anlaşıb. Qəribədir ki, FNH bu işlərin müqabilində MMC-yə 1 milyon 947 min 175 manat ödəyəcək.

Qarşı tərəfi də dinləməyə hazırıq.

Məhərrəm Talıbov. Bu şəxsina adı Azərbaycanda çoxlarına tanışdır. Tanımayanlar isə soyadını eşitdikdə, söhbətin kimdən getdiyini yaxşı biləcək. Bəli, düz bildiniz, məşhur xanədanlığın ən “parlaq” simalarından biri, keçmiş “Naxçıvan xanı” Vasif Talıbovun həşəmətli qardaşı!

Amma Məhərrəm Talıbovun oğlu Elnur Talıbov da atasından az məşhur deyil. Eyş-işrətə meylli olan bu gənc haqqında istər mətbuatda, istər də sosial şəbəkələrdə çox yazılıb. Məsələn, onun əmisinin sevimlisi, atasının “gül balası” olduğu Naxçıvanda hər kəsə bəllidir. Görünür, bu səbəbdən də hələ uşaq yaşlarından “bir dediyi iki edilməyib”. O, öz tay-tuşları arasında dəyəri yarım milyon olan bir neçə bahalı avtomobili, istər ölkə daxilində, istər də xarici dövlətlərdə adına alınan milyonlarla dollarlıq obyektləri ilə seçilib. Hətta Məhərrəm Talıbov öz əziz-xələf oğlu üçün “əyləncəli hərbi xidmət” də təşkil etdirib. Bir neçə il əvvəl mətbuat yazırdı ki, Elnur 2022-ci ildə “hərbi xidmətdə” olduğu vaxtlar onun üçün N saylı hərbi hissədə “qüllə” deyilən binada özəl otaq hazırlanıb. O, burada müdafiə nazirinin keçmiş müavini Kərəm Mustafayevin oğlu Murad Mustafayevlə birgə “xidmət ediblər”. Onlar orda istirahət edir, istədikləri vaxt şəhərdə gəzir, istədikləri vaxt da Bakıya uçub, paytaxtda nahar edib geri qayıdırlarmış. Belə desək, kasıbların övladı səngərdə erməni ilə üz-üzə dayanıb vətən torpağını qoruduqları halda, bu məmur balaları əsgərliyi də eyş-işrətlə keçiriblər.

Mətbuat onu da yazırdı ki, Talıbovun “xanlığı” dönəmində Naxçıvan DYP-nin əməkdaşları istər Elnurun, istər də qardaşı Samirin əlindən cana doyublar. Belə ki, onlar Muxtar Respublikada yol hərəkatı qaydalarına məhəl qoymadıqları üçün tez-tez yol polisləri ictimai qınaqla üzləşirmiş. Yenə də, kimsə öz vəzifəsini itirməmək üçün, cəsarət edib bu qardaşların avtomobilini saxlamırmış. Cəmi bir, yaxud iki dəfə Elnurun maşını cərimə meydançasına aparılıb ki, bu zaman da həddən artıq içkili olub. Həmin vaxt da polis əmədaşları “yuxarılara” məruzə ediblər ki, guya, onun qəza törətmək ehtimalı yüksək olduğundan, avtomobili saxlamaq məcburiyyətində qalıblar. Hətta, deyilənə görə, həmin avtomobil aylarla cərimə meydançasında unudulub və günlərin bir günü Elnur öz bahalı “oyuncaq”larından birinin əksik olduğunu biləndə, ona cərimə meydançasında olduğunu deyiblər. O da tez yol polisinə zəng vurub ki, maşını yuduzdurub, gətirib qarajında saxlasınlar...

Məlumata görə, Elnur maşınlarını ildə bir dəfə yeniləməyi sevir. Məsələn, onun dəyəri təxminən yarım milyon dollar olan avtomobili cəmi 1 il sürdükdən sonra qiymətinin 1/3-nə, 160 min dollar satışa çıxardığı ilə bağlı sosial şəbəkələrdə görüntülər fakt var.

Şübhəsiz, Elnurun kiçik qardaşı Samir də “ərköyünlükdə” qardaşından geri qalmayıb. O da eyş-işrətə meylli gənc olub. Deyilənə görə, Samir ad gününü hər il bir ölkədə keçirməyə adət edibmiş. O, tez-tez qardaşı ilə Dubaya istirahətə getməyi də sevirmiş. Hansı ki, qardaşların burada bahalı obyektləri, villaları, hətta milyonluq yaxtlarının olduğu haqda informasiyalar var. Üstəlik, onların sosial şəbəkələrdə bu şəhərdən paylaşdığı görüntülər də deyilənləri təsdiq edir. Mənbənin sözlərinə görə, ailənin Dubaydakı mülklərinə Samir nəzarət edir. O, ən azı ayda bir dəfə bu şəhərə gedib-gəlir.

Bütün bunlardan başqa, Samir Talıbovun adı dəfələrlə başqalarına məxsus əmlakları mənimsəmədə də hallanıb. Hətta bunun üçün onu və atası Məhərrəm Talıbovu məhkəməyə də veriliblər. Maraqlıdır ki, şikayətçilər arasında M.Talıbovun yaxın qohumları da olub...

Mənbə deyir ki, Talıbov qardaşları ölkədə olduqları vaxt günlərini Bakının mərkəzində - Nərimanov rayonu, Ə.Rəcəbli-2 küçəsi 23-də yerləşən 4 mərtəbəli binanın üst qatında, özləri üçün ayırdıqları ofisdə keçirirlər. İddia olunur ki, onlar tez-tez burda kef məclisləri təşkil edirlər. Bu binanın təkcə 2 mərtəbəsindən hər ay 50 min manata yaxın icarə haqqı alınır. Birinci mərtəbəsində restoran və “Karvan PUB” yerləşir. Yuxarı mərtəbələr isə ofis kimi icarəyə verilib.

Bütün bunlardan göründüyü kimi, Naxçıvanda “Talıbov xanlığı” süquta uğradılsa da, xanədanlığın hər bir üzvü hələ də öz sərvətlərinə sərvət qatmaqdadırlar...

Hurriyyet.az

"Bolt Azərbaycan" Şuşanın küçələrini erməni adları ilə göstərir
Bununla bağlı məlumatı sosial şəbəkə istifadəçisi Xatirə Sərdarqızı paylaşıb. Belə ki, Şuşa şəhərində Bolt taksisi sifariş verdikdə küçənin adı erməni adları kimi qeydi çıxır.
Şuşa istiqamətində Bolt tətbiqindən taksi sifarişi axtarışı verdikdə də küçə adlarını erməni adları ilə göstərildi.

Xatırladaq ki, Şəhər 1992-ci ilin mayın 8-də erməni silahlı qüvvələri tərəfindən işğal olunmuşdu.
Azərbaycan Ordusunun 2020-ci il sentyabrın 27-də başladığı əks-hücum nəticəsində 2020-ci il noyabrın 8-də Şuşa şəhəri işğaldan azad edilib.

Şuşa şəhərinin işğaldan azad edilməsi müjdəsini Azərbaycan Prezidenti, Müzəffər Ali Baş Komandan İlham Əliyev Bakıda Şəhidlər xiyabanından xalqa müraciətində açıqlayıb.

Sosial şəbəkələrdə “İlanlı qız” ləqəbi ilə tanınan müğənni Günəş estetik cərrah Əmiraslan Əmiraslanovla bağlı qalmaqallı paylaşım edib.

Musavat.com xəbər verir ki, ifaçı əməliyyatdan sonrakı görüntülərini yayımlayaraq bildirib: “Həkim mənə iki dəfə bədənşəkilləndirmə əməliyyatı etdi. Hər iki prosedur uğursuz alındı və bədənimdə ciddi çapıq izləri qaldı”.

Günəşin sözlərinə görə, o, həkimə 14 min manat ödəyib, lakin bu məbləğə dair heç bir çek və ya rəsmi sənəd təqdim olunmayıb. İfaçı daha sonra pulunu geri tələb etdikdə isə, cərrah onun əməliyyatdan əvvəl çəkilmiş geyimsiz fotosunu üzünü bağlamadan sosial şəbəkələrdə yayımlayıb.

Adı müxtəlif qalmaqallarda hallanan və əsasən müğənnilərə, əyləncəyə maraq göstərməsi ilə diqqətə gələn İsmayıllı rayon icra hakimiyyətinin başçısı Nahid Bağırovla bağlı yaxın günlərdə qərar veriləcək. Xatırladaq ki, bu barədə xəbəri keçənlərdə yayınlamışdıq və məsələ ilə əlaqədar "DİA-AZ"ın əldə etdiyi son bilgilərdən aydın olur ki, artıq Bağırovu kimin əvəz edəcəyi də məlumdur.

Mötəbər mənbə iddia edir ki, bu dəfə İsmayıllıya İsmayıllı camaatı ilə dil tapa biləcək şəxsin rəhbər təyin olunacağı gözlənilir: "Həmin şəxs hazırda RİH-də yüksək vəzifə tutur və əslən İsmayıllıdandır..."

Bu arada "DİA-AZ"a yerli sakinlər də öz başçıları ilə bağlı fikirlərini yollayamaqdadırlar. Biz də Nahid Bağırov haqqında sıravi vətəndaşların nə düşündüyünün maraqlı olacağını təxmin edərək həmin rəylərdən bəzilərini olduğu kimi təqdim edirik:

***

Araz Shukur:
NƏ??? YEYİNTİ???? BİZDƏ???? OLAAAA BİLMƏƏƏƏZZZZZZZ!

user46629860678354:
Bir defe iwle bagli qebulunda oldum. Getmeyime pewman oldum.

Abbasov:
heç bunu görən olub ki 5ildi bizi aldadır yeyib icirde bizde yayda susuz qlrlrlq

Elşən Vüqarlı:
Nahid özünə hörmət qoyan adam deyil. ... həyat tərzi keçirən qadınlarla əylənir...

***

Hər halda bu rəylər ciddiyə alınmalıdır və görünəni odur ki, gərəkən qurumlar da nəhayətdə Bağırovun fəaliyyətinə uyğun qiyməti verəcək...

Bakının Binəqədi rayonunda yerləşən 151 saylı uşaq bağçasında özbaşınalıqlar baş alıb gedir. Anaxeber.com-a verilən məlumata görə, körpələr evinin rəhbəri Venera Xəlilovanın idarəçiliyi altında qanunsuzluqlara və haqsızlıqlara yol verilir. Uzun müddətdir ki, körpələr evinə direktorluq edən Venera Xəlilovanın "ənənəvi" üsullarla uşaq bağçasını öz bildiyi şəkildə idarə etdiyi deyilir. Məlumata görə,
Venera Xəlilova 151 saylı uşaq bağçasında bir tərəfdən "ölü canlar" saxlayır, bir yandan xəbərdarlıq etmədən işçiləri uzaqlaşdırır, digər tərəfdən isə kimə hansı vəzifəni oldu tapşırır. Nəticədə uşaq bağçasında anarxiya hökm sürməklə Xəlilovanın yazılmamış qanunları işləyir.
O da xəbər verilir ki, bağçada uşaqlara verilən qidaların keyfiyyətində problemlər var. Hətta məhsulların istifadə müddətinə diqqət yetirilmir. Bu da əslində cinayət məsuliyyəti yaradır. Yəni Azərbaycan Qida Təhlükəsizliyi Agentliyi kiçik araşdırma ilə 151 saylı uşaq bağçasında nələr baş verdiyini təsbit edə bilər. Üstəlik, məsələnin mənəvi tərəfi var. Axı hər şey bir yana, Xəlilovanın vicdanı necə yol verir ki, uşaqlara keyfiyyətsiz, vaxtı ötmüş məhsullardan yeməklər hazırlanmasına şərait yaradır?
Anaxeber.com-a deyilib ki, hazırda uşaq bağçasında heç nə yerində deyil: adı işdə keçən, özü işə gəlməyən "canlı ölü"lər var, qidalar keyfiyətsizdir, müddətsiz çalışanlar isə qanunsuz şəkildə işdən uzaqlaşdırılır. Ancaq heç bir tədbir görülməyib.
Xəbərö görə, elə ki, nazirlikdən yoxlama gəlir, 151 saylı uşaq bağçasının müdiri Venera Xəlilova onları işə çağırır. Guya onlar daimi çalışırlar. Halbuki onların adları gedir, maaş kartları Venera Xəlilovanın cibindədir.
Nazirlikdən komissiya gələndə isə Xəlilovanın "ölü canları" çağırması ilə ört-basdır edor ki, qanunsuz hərəkətlərini gizlədə bilsin. Əslində, Baş Prokurorluq yanında Korrupsiya ilə Baş Mübarizə İdarəsinin əməliyyatı nəticəsində burada ciddi qanun pozuntuları aşkarlana bilər.
Eyni zamanda, bağçanın rəhbəri müddətsiz müqaviləsi olanları xəbərdarlıq etmədən işdən çıxarır. Yəni onlara əvvəlcədən bildirmir ki, işdən azad olunacaqlar. Bununla da Əmək Məcəlləsinin tələblərini pozur. Ondan başqa, bağça rəhbərliyi aşpazı tərbiyəçi, xadiməni nəzarətçi edir. Bu minvalla uşaq bağçasında həm anarxiya hökm sürür, həm də körpələrə qeyri-peşəkar səviyyədə xidmət göstərilir.
Bu azmış kimi, uşaq bağçasında vaxtı keçmiş məhsulların istifadə edilməsi həddi aşıb. Bütün bu özbaşınalıqların isə həyata keçirilməsində bağça müdirinin "sağ əli" sayılan Elmira Kərimovanın əli və rolu olduğu iddia edilir. Artıq Xəlilova barəsində Elm və Təhsil Nazirliyinə, Baş Prokurorluğa, Əmək və Əhalinin Sosial Müdafiəsi Nazirliyinə şikayət edilib. Yazıda adı keçən tərəflərin isə mövqeyini dərc etməyə hazırıq.

"DİA-AZ" xəbər verir ki, Ağdam rayonunun 1-ci Yüzbaşı kənd sakini Ümid Nəsibov deyir ki, bacısı oğlu 10-cu sinif şagirdi olan Elsevər Əhmədovu sözügedən məktəbin direktoru Polad Zeynalov tərəfindən məktəbə buraxılmır.

Onun iddiasına görə, məktəbdə yoxlama aparılan zaman Elsevər Əhmədov direktor Polad Zeynalovun özbaşnalıqları barədə məlumat verdiyi üçün, drektor qərəzli şəkildə onu məktəbdən uzaqlaşdırıb.

Şikayətçinin iddiasına görə 1-ci Yüzbaşlı kənd orta məktəbində yalnız Polad Zeynalovun qohumları işləyir, məktəbdə özbaşınalıq baş allb gedir, tədrisin səviyyəsi sıfır dərəcədədir. Vətəndaş deyir ki, direktorun qanunsuz hərəkətlərinə etiraz etdiyi üçün adıçəkilən məktəbdə gözətçi işləyən direktorun anası şagirdə zor tətbiq edərək, onu təhqir edib və məktəbin qapısından girməsinə icazə verməyib.

O da mətbuat vasitəsi ilə təhsil naziri Emin Əmrullayevə və aidiyyatı qurumlara müraciət edərək bu məsələnin araşdırılmasını, 1-ci Yüzbaşlı kənd mətəbinin drektoru Polad Zeynalov barəsində qanuni tədbir görülməsini və Elsevər Əhmədovun dərslırinə davam etməsi üçün şərait yaradılmasını xahiş edir.

Samux rayon Mərkəzi Xəstəxanasının 145 min manatlıq tenderinin adı var özü yoxdur.

Vəzifəli şəxslər müxtəlif tenderlərdə pul silmə prosesi həyata keçirilməsi adi hal alıb.

Hüquq-mühafizə orqanları bu gizli əməlləri aşkar edərək lazımi tədbirlər görür. Hesablama Palatası müxtəlif vaxtlarda dövlət qurumlarında çatışmamzlıqlar və nöqsanlarla bağlı öz hesabtlarında məlumatları ictimayyətin nəzərinə çatdıraraq hüquq -mühafizə orqanlarına sənədləri təqdim edib huquqi qiymət verilməsi üçün işlər aparılmaqdadır. İddialara görə belə proseslərdən biridə Samux rayonu Mərkəzi xəstəxanasında baş verib.

Belə ki, tender keçirilsdə amma işlər görülməyib. və dövlət büdcəsində ayrılan vəsait hara xərcləndiyi məlum deyil.

Məsələ ilə bağlı Samux rayon Mərkəzi Xəstəxanasından heç bir açıqlama almaq mümkün olmadı.

Qeyd edək ki, 2023-cü ildən Samux rayon Mərkəzi Xəstəxanasının direktoru Loğman Hacı Bədllidir.







xalq.az