 |
|
|
Rusiya Xalq artisti Filipp Kirkorovun yanıq xəsarəti ilə bağlı müalicəsi əvvəlcədən planlaşdırıldığından daha çox vaxt apara bilər. Bu səbəbdən məşhur müğənni bəstəkar Davit Tuxmanovun 85 illiyinə həsr olunmuş konsertdə iştirak edə bilməyib.
Oxu.Az-ın TASS-a istinadla verdiyi məlumata görə, bu barədə Kirkorovun nümayəndəsi Yekaterina Uspenskaya məlumat verib.
"Hazırda müalicə intensiv şəkildə davam edir. Lakin görünür, bərpa müddəti əvvəl düşündüyümüzdən daha uzun çəkəcək", - deyə o bildirib.
Uspenskaya qeyd edib ki, Kirkorovun səhnəyə çıxmamasına səbəb məhz aprel ayında Sankt-Peterburqda verdiyi konsert zamanı aldığı yanıq xəsarətidir. O, həmçinin mediaya müraciət edərək, yayılan şayiələrə inanmamağa və müğənniyə "qeyri-rəsmi diaqnozlar" qoymamağa çağırıb.
Qeyd edək ki, daha əvvəl də bildirildiyi kimi, sənətçi hazırda həkimlərin nəzarəti altında planlı müalicə prosedurlarından keçir.
Müğənni Castin Biber həyat yoldaşı, model Heyli Biberlə ünsiyyətdən qaçır.
Bu barədə "The Sun" nəşri modelin çevrəsindən olan insayderə istinadən məlumat verib.
"Nə vaxta qədər birlikdə olacaqlarını bilmirəm, amma hər keçən həftə vəziyyət daha dözülməz olur. Evdə bir yerdə olanda belə, eyni otaqda olmamağa çalışırlar. Hətta çox vaxt ayrı-ayrılıqda səyahət edirlər. Boş vaxtlarında əsasən öz işləri ilə məşğul olurlar", - tabloidin mənbəsi bildirib.
İnsayderin dediyinə görə, kameralardan kənarda Heyli və Castin Biber bir-birinə düşməndirlər.
"Hikmət Aslanovun "Alınmadı" adlı mahnısını oxumuşam. Allahdan istəmişəm, onun gözü çıxsın".
Bunu Rəqsanə İsmayılova deyib.
O, bəstəkar Hikmət Aslanovla aralarında yaşanan qalmaqaldan danışıb:
"Mahnını yutubdan sildirdi. Lazım olsaydı, onu qoydurardım. Orucluq ayı idi. Dedim ki, o, bu ayı anlamır. TV-də çıxıb yekə-yekə danışdı ki, mahnını sildirmişəm. Onsuzda bu musiqidən mən pul qazanıram. Sənin pisliyin özünə qaldı.
Vaxtında Rəqsanənin hesabına pullar yemisən. Sildirməklə deyil, ruzini verən Allahdır. Öz millətimizik də, ay gözün çıxsın. Halbuki mənim mahnılarımdan nə qədər pullar qazanmısan. Başa düşürəm, müəllif hüququdur. Paxıllığın özünə qaldı. İndi mən də acığa nə qədər mahnın varsa, hamısını efirlərə çıxıb oxuyacağam. Görüm mənə nə edəcəksən? Yəni qorxmuram biləsən". (Yenisabah.az)
Əməkdar artist Vasif Məhərrəmli bu gün ad gününü qeyd edir.
Axşam.az xəbər verir ki, sənətçi 55 yaşı münasibəti ilə şəhər restoranlarından birində məclis qurub.
O, doğum gününə sənət dostlarını da dəvət edib.
Gecədən görüntüləri təqdim edirik:
Xəbər verdiyimiz kimi, aparıcı Elgiz Əkbərin verilişinə görə ARB-yə xəbərdarlıq edilib. Belə ki, kanalda 21 may 2025-ci il tarixdə yayımlanan “Elgizlə izlə” proqramı zamanı aparıcı və qonaqlar tərəfindən səsləndirilən “Qadını özbaşına buraxsan, evin yıxılar”, “Qadını tanımaq üçün ona pul və azadlıq vermək lazımdı”, kimi fikirlər narazılıq yaradıb. Digər tərəfdən, Audiovizual Şura dəfələrlə oxşar formatda yayımlanan proqramlarla bağlı iclaslar keçirib, müxtəlif kanallara töhmət verilib. Xüsusilə, Xoşqədəm Hidayətqızı, Zaur Baxşəliyev, Zaur Kamal və sair kimi aparıcıların təqdimatında yayımlanan verilişlər tənqid edilir. Davamlı irad və cəzalara baxmayaraq, heç bir nəticənin çıxarılmadığı düşünülür. Bildilir ki, sözügedən tədbirlər sadəcə formal xarakter daşıyır.
Globalinfo.az-a danışan media eksperti Zeynal Məmmədli deyib ki, bu tip proqramlar əsasən əyləndirmə xarakteri daşıyır və jurnalistika ilə əlaqəsi yoxdur:
“Televiziya sintetik məkandır və sahəsi genişdir. Jurnalistika cəmiyyəti məlumatlandırmalıdır. Elgizin və digərlərinin verilişində isə məqsəd bu deyil, əyləncədir. Bu, birbaşa televiziyanın siyasəti ilə bağlı məsələdir. Proqram menecerləri auditoriyanı cəlb etməyin üsullarını öyrənir və tətbiq edir. Nə qədər ki reklam bazarı sərbəst deyil, belə verilişlər çox olacaq. Maraqlı məqam odur ki, eyni formatda yayımlanan verilişləri kim maliyyələşdirir? Reklam verənlər məzmundan çox, reytinqə diqqət yetirirlər. Belə olan halda, onların qarşısına sosial öhdəlik qoyulmalıdır. Reklamçılar ictimai rəylə hesablaşmalıdırlar”.
Müğənni Zəhra Muradova canlı oxuya bilmədiyi halda toylardan fantastik qazanc əldə etdiyini vurğulayıb.
O bu barədə “Rəngarəng” verilişinə qonaq olarkən bildirib.
Sənətçi qeyd edib ki, o baxmayaraq ki canlı oxuya bilmir amma xeyli toylara dəvət alıb. Nəticədə 70-80 min AZN qonorar əldə edib.
Onun bu açıqlaması aparıcı Zaur Nəbioğlunu və qonaqları şoka salıb.
Xatırladaq ki, Zəhra Muradova ilk dəfə müğənni kimi bu il aprelin 24-də canlı efirə qonaq olub. O, 3 ay əvvəl isə paytaxtdakı salonlardan birində dırnaq utası kimi fəaliyyət göstərdiyini vurğulayıb.
Məşhur müğənni Keti Perri Las-Veqasda konserti zamanı paltarını geyinərkən biabır olub.
O, “Part Of Me” mahnısını oxuyarkən səhnədən keçərkən, onun metal büstqalterinin arxadan açılıb.
Vəziyyəti anlayanda “Lənət olsun, büstqalterim çıxacaq!” Perri qışqırıb və ekipaj üzvünün köməyi ilə vəziyyəti düzəldib.
Qəzadan sonra Perri tamaşaçılara “Məni üstsüz görmək üçün kifayət qədər pul vermədiniz”, – deyə zarafat edib. Müğənni hazırda “Lifetimes” adlı 84-cü konsert turunun ortasındadır.
İctimai Televiziyada yayımlanan “SƏS Azərbaycan” müsabiqəsinin finalı baş tutub.
Musavat.com xəbər verir ki, Xalq artisti Röya Ayxanın komandasının üzvü Cəmilə Haşımova möhtəşəm çıxışı ilə həm münsifləri, həm də tamaşaçıları valeh edərək yarışmanın qalibi olub. Cəmilə bu qələbə ilə təkcə “SƏS Azərbaycan”ın qalibi statusunu deyil, eyni zamanda 25.000 manatlıq mükafatı da qazanıb.
Səhnədə göz yaşlarını saxlaya bilməyən Cəmilə duyğularını belə ifadə edib:
“Bu mənim ən böyük arzum idi. Röya xanıma sonsuz təşəkkür edirəm. Onun dəstəyi olmasaydı, bura qədər gəlmək mümkün olmazdı.”
Röya Ayxan isə bu anı belə şərh edib:
“Qızım qalib oldu! Bu təkcə onun yox, bütün komandamızın zəfəridir. Səhnəyə inanan hər bir istedada bu qələbə həsr olunur”.
Musavat.com
Xəbər verdiyimiz kimi “Azərbaycanfilm” kinostudiyasının baş redaktoru Ayaz Salayev Xalq artisti Röya Ayxanın Kann Film Festivalına qatılmasına münasibət bildirib. Bundan sonra Röya Ayxan isə instaqram hesabında video yayaraq A.Salayevin ünvanına sərt sözlər deyib.
TEREF xəbər verir ki, manset.az məsələ ilə bağlı Ayaz Salayevlə əlaqə saxlayıb.
O bildirib ki, Xalq artisti Röya Ayxana hörmətlə yanaşır:
“Mən artıq Röya ilə bağlı heç nə deməyəcəm. Röya çox gözəl qadındır. Mənim onunla problemim yoxdur. Onun “mən öyrəşmişəm ölənləri diriltməyə, amma siz elə ölü qalın” deməsi qətiyyən mənə heç təsir etmədi. Nə istəyirsə, qoy desin. Mənə xoşdur”.
Xəbər verdiyimiz kimi “Gün ortası” verilişində müğənni Əminə Şirin Manaf Ağayevə 3 aylıq musiqi təhsili vermək istəyini də dilə gətirib. Manaf Ağayev haqda “krassavçik” kişidir, onu 3 aylıq mənə versələr, musiqi tərzini dəyişərdim - deyə xanım həmkarı bildirib.
Məsələ ilə bağlı Manset.az müğənni Manaf Ağayevlə əlaqə saxlayıb. O, verilişdə deyilənlərlə bağlı qısa danışıb:
"Əminə Şirin çox gəşəng çıxış edib. Çox sağ olsun pis söz deməyib. Deyib ki, gözəl oğlandır, gözəl kişidir. Mən onun tərzini dəyişdirərəm, daha gözəl edərəm. Əsas odur ki, məni söyməyib. Sağ olsun!"
Manaf Ağayev sonda bildirib ki, onun Avroviziya musiqi yarışmaşında iştirak etmək fikri yoxdur:
"Mənim heç Bakıdan kənara çıxmağa fikrim yoxdur".