 |
|
|
"Arzunun vaxtı" verilişinin yeni buraxılışı yayımlanıb.
Verilişin budəfəki sayında narkotikdən əziyyət çəkən Xose Bernardo pis vərdişinin onun həyatındakı mənfi təsirlərindən bəhs edib.
Ətraf mühitin insanın həyatında önəmli yer tutduğunu söyləyən Xose Bernardo bildirib ki, onun narkotik maddədən istifadə etməsində ətrafındakı insanların rolu olub:
"Məni hər gün məclislərə, klublara dəvət edirdilər. Yanımda bir xanım narkotikdən istifadə etdi. Bu zaman elə vəziyyət yarandı ki, mən də ondan istifadə etməli oldum. Üç ay o xanımla bərabər oldum, sonra gördüm ki, artıq narkotikdən asılıyam. Bunun pis yol olduğunu bilirdim, amma həmin dövrdə insan sağlam düşüncəyə sahib olmadığı üçün vəziyyəti tam dərk etmir. Sonra elə dostlarım oldu ki, narkotik istifadəçisi olduğumu öyrənəndə məndən uzaqlaşdılar, buna görə onları qınamıram".
X.Bernardo ailəsinin onun narkotik istifadəçisi olduğunu öyrənən zaman verdikləri reaksiyadan danışıb.
"Evdəkilərə bunu etiraf edəndə çox pis reaksiya verdilər, məndən belə bir şey gözləmirdilər. Amma həmin dönəmdə şahid oldum ki, insanın pis günündə də, yaxşı günündə də ona dayaq olan ailədir. Sonra qısamüddətli müalicələr aldım. Fasilələrlə beş il narkotikdən istifadə etmişəm. Son bir ildə gördüm ki, bu yolda olan insanlar ya cəzaçəkmə müəssisəsindədirlər, ya dünyalarını dəyişiblər, ya da elə vəziyyətdədirlər ki, o hala düşməyi qüruruma sığışdırmadım. Bu an uçuruma getdiyimi gördüm. Narkotikə görə karyeramın ən yaxşı vaxtlarını, gözəl dostlarımı, ailəmin etibarını itirdim", - deyə o söyləyib.
Ətraflı Baku TV-nin süjetində:
Müğənni Sara Rivers reper Diddini (Şon Kombs) adamyeyənlikdə ittiham edib.
Oxu.Az xəbər verir ki, o, bu barədə "Diddy: The Making of a Bad Boy" sənədli filmində danışıb.
Rivers xatırladıb ki, Kombs MTV-nin "Making the Band" verilişinin çəkiliş meydançasında özündən çıxıb və həmsöhbətinə "Məni çox qəzəbləndirirsən, sənin ətini yemək istəyirəm" demişdi. Müğənninin sözlərinə görə, reper çəkiliş iştirakçılarından birini döyməklə hədələyib.
Sentyabrın 17-də reper və prodüser Şon Kombs münsiflər heyətinin ona qarşı ittiham irəli sürməsindən sonra həbs edilib. P.Diddi üç ittiham üzrə təqsirli bilinərsə, onu ya ömürlük həbs, ya da minimum 15 il həbs cəzası gözləyir: reketlik, cinsi istismar məqsədilə insan alveri və cinsi istismar məqsədilə insanların daşınması.
"Arıqlasam, evdəkilərə uyğun gəlmərəm. Çox arıqlayanda ailə üzvlərimin yanında cücəyə oxşayıram".
Bu sözləri müğənni Elnarə Xəlilova "Zaurla Günaydın" verilişində deyib. Sənətçi aparıcı Zaur Baxşəliyevin "Heç arıqlamırsan" sözlərinə belə reaksiya verib:
"Oğullarım da çox iridir. Bundan çox arıqlayanda yaxşı görünmürəm. Çəkim yaxşıdır. Geyim məni ölçülü göstərir. Arıqlamağa çalışmıram".
Qeyd edək ki, Elnarənin 4 övladı var.(Axşam.az)
Bu barədə “ABC News” məlumat yayıb.
“Yenidən xoş gəlmisiniz. Səbriniz və dəstəyiniz üçün təşəkkür edirik. Prezident Trampın səyləri nəticəsində “TikTok” ABŞ-yə qayıdıb”, – tətbiqə daxil olarkən bildirişdə qeyd olunub.
“Davam et” düyməsini basdıqdan sonra xidmət normal rejimdə işləyir. Bununla yanaşı, tətbiq hələ də “Apple”ın tətbiqlər mağazasından endirmək üçün əlçatan deyil.
Xatırladaq ki, xidmət bazar günü gecə saatlarında ABŞ-dəki fəaliyyətini tam dayandırmışdı.
"Belə səviyyəsizləri harada görsəniz, blok edin".
Musavat.com xəbər verir ki, bu sözləri tanınmış müğənni Samir Piriyevin bloger xanımı Anara Fətəliyə aiddir.
O, instaqram hesabında bu haqda bir paylaşım edib. Hekayə bölməsində "ellanish_velar" adlı istifadəçinin postunu paylaşan bloger aşağıdakı sözləri qeyd edib:
"Harada belə ağıllı danışan səviyyəsizləri görsəniz blok və şikayət edin. Belələri əsl virusdur. İnsanlara neqativ vermək və panikaya salmaqdan zövq alan məxluqlardır. İnanmayın, qorxmayın və immunitetinizi bərkidin. Bu qədər sadə! Yenidən aldanmayın, tələyə düşməyin və ən əsası qorxmayın!!!"
Qeyd edək ki, sözügedən hesabdakı paylaşımda qorxuların immunitetə təsirindən bəhs edilir və müalicə yolları təqdim olunur. Deyilir ki, güclü immun sisteminə sahib olmaq və daxili qorxuları aradan qaldırmaq vacibdir. Bu qorxular insanın enerjisini zəiflədir və nəticədə immunitet sistemi daha həssas olur. Profil sahibi xüsusi olaraq 2020-ci ildə pandemiya zamanı istifadə etdiyi "neyromeditasiya" metodlarını təklif edir. Bu metodlar beynin neyron əlaqələrini dəyişərək, adi meditasiya texnikalarından 10 dəfə daha effektiv olduğu iddia edilir. (Yenisabah.az)
Musavat.com
Türkiyənin məşhur müğənnisi İbrahim Tatlısəsin qızı Dilan Çıtak tamamilə tüldən olan libası ilə klip çəkdirib.
Lent.az xarici KİV-ə istinadən xəbər verir ki, bir müddət əvvəl atası İbrahim Tatlısəslə soyad problemi yaşayan Dilan Çıtak indi də yayımladığı video ilə adından söz etdirib. Yeni mahnısının klip çəkilişindən görüntü paylaşan Çıtak tamamilə tül libasdakı rəqsi ilə sosial mediada müzakirə mövzusu olub.
Dilanən rəqsini izləyənlər anlam verə bilməyib:
“Özümü seksual hesab edərkən mən”, “Canı çıxır düşündüm, qəti atası görməsin” kimi sözlər söyləyiblər.
Həmin görüntüləri sizlərə təqdim edirik:
Müğənni və aktrisa Mina illər öncə saçının keçəl qırxıldığını bildirib.
Musavat.com yenicag.az-a istinadla xəbər verir ki, sənətçi bu barədə "İncə səhər" verilişində danışıb.
O, saçlarını bir serial çəkilişi üçün qurban verdiyini deyib:
"Ağabəyovlar" serialı üçün bunu etdim. Dörd dəfə saçımı "maşinka" ilə keçəl qırxdılar. Başıma şal atıb gəzirdim. Dərhal məni çəkilişdən çıxarırdılar, deyirdilər, sən aktrisasan, müğənnisən, belə etmə, sən komplekssiz gəzməlisən. Bu günə qədər bu barədə heç yerdə danışmamışam".
Müğənni Niyam Salami bir nəfəri aldadaraq 21 800 manat dəyərində malını mənimsəmədə ittiham olunur.
Sumqayıt şəhər sakini E.Abbəkirov 2023-cü ilin avqust ayında Novxanı qəsəbəsində yerləşən restoranın icarədarı Niyaməddin Səfərovun (müğənni Niyam Salami - red.) ondan 21 800 manat dəyərində kömür alıb pulunu verməməsini bildirilib.
Faktla bağlı araşdırma aparılır. (Oxu.Az)
Dələduzlar növbəti dəfə aktrisa Pərvin Abıyevanı hədəf alıblar.
Aktrisa sosial şəbəkədə paylaşım edərək yenidən onun adından pul yığıldığını bildirib:
"Bu dilənçi yenə mənim adımdan pul dilənir. Heç kim aldanmasın".
Qeyd edək ki, ötən ilin dekabrında da dələduzlar Pərvinin adından istifadə edərək votsapda pul istəyirdilər. (Axşam.az)
“Sosial şəbəkələrdə elə şeylər paylaşan bir insanın dəfnində mənim görünməyim nə dərəcədə düzgündür? Mənim evdə iki övladım böyüyür”.
Bu sözləri Manset.az-a açıqlamasında tanınmış rejissor Rövşən İsax bildirib.
Rejissor əlavə edib ki, onun mərhum aktrisa ilə hər hansi bir problemi olmayıb, sadəcə davranışlarına görə ona münasibəti yaxşı deyil:
“Allah rəhmət eləsin, mənim onunla bir prinsipim olmayıb, problemim, davam olmayıb. Sadəcə olaraq, fikirləşmişəm ki, mən ora gedərəm, onun haqqında məndən nəsə soruşarlar, gərək nəsə deyim. Ölən adam haqqında pis nəsə demək mədəniyyətsizlikdir. Yaxşı da nə deyim? Mən onu dəvət edəndə, çəkiliş müddətində o adamdan əksik heç bir hərəkət görməmişəm. O məşhurlaşandan sonra yaşına yaraşmayan hərəkətlər eləməyə başladı. Mən də əlaqəni tamamilə kəsdim. Mən kiməm ki, onun həyatına müdaxilə edim? Deyim, belə eləmə ayıbdır, belə eləmə ayıbdır. "Vicdan Haqqı" serialı bitib və mənim o adamla heç bir vaxt əlaqəm olmayıb. Nə nömrəsi var məndə, nə onun yaxın adamlarıyla heç bir əlaqəm olmayıb. Nə işlə məşğul olub qətiyyən xəbərim olmayıb”.
Rövşən İsax Çimnaz Sultanova haqqında vaxtilə ATV kanalının efirində səsləndirdiyi " Onunla salamlaşmağı özümə ayıb bilirəm" çıxışına da aydınlıq gətirib:
“Allaha and olsun efirimdəki çıxışımdan sonra Çimnaz mənə zəng etməyib. Mən onun haqqında axı əskik bir şey demədim. Dedim ki, mən ona salam verməyi utanıram. Bitdi”.
Tanınmış rejissor sosial şəbəkələrdə Çimnazı məşhurlaşdırdığı üçün onu qınayanlara da münasibət bildirib:
“Təsəvvür edin ki, çəkildiyi filmə görə aktyor və aktrisaya böyük məbləğdə qonarar verirəm. Həmin şəxslər əldə etdiyi qazancla sonradan gedib hər hansı pis vərdişlə məşğul olurlar. Bu o deməkdir ki, onları pis yola mən çəkmişəm? Bu nə yanaşmadır?”.
Qeyd edək ki, 43 yaşında dünyasını dəyişən aktrisanın dəfninə vaxtilə çəkildiyi “Vicdan haqqı” serialının rejissoru Rövşən İsax və yaradıcı heyətin əksəriyyəti getməyib. Bu da sosial şəbəkədə müzakirələrə səbəb olub.