 |
|
|
Məşhur aktrisa Nurgül Yeşilçay və prodüser sevgilisi Necati Kocabay İstanbuldan köçmək qərarı veriblər.
Musavat.com Türkiyə mətbuatına istinadən xəbər verir ki, cütlük yeni ev tikdiklərini və böyük şəhər həyatına yaxın zamanda vida edəcəklərini açıqlayıblar.
Ortaköydəki məhəllə bazarında görüntülənən Yeşilçay həm gündəlik həyatı, həm də gələcək planları barədə səmimi açıqlamalar verib. Əlində sarı lalələrlə obyektivlərə tuş gələn aktrisa bu sözləri deyib:
"Qızılgülləri sevmirəm, sarı laləni xoşlayıram. Sağ olsun, sevgilim də mənə daim sarı lalə alır".
Nurgül Yeşilçay İstanbuldan köçmək qərarını romantik ifadələrlə bölüşüb:
"Biz yavaş-yavaş köçə bilərik. İstanbul ilə çox gözəl bir evliliyimiz oldu. Bir-birimizə yaxşı baxdıq, amma hər münasibət zamanla yorula bilər. Bir az ara verək, bəlkə yenidən sevə bilərik".
Yeni evlərini təbiətlə iç-içə, daha sakit bir bölgədə inşa etdiklərini bildirən Yeşilçay əlavə edib:
"Artıq şəhərin səs-küyü və sıxlığı mənə çox gəlməyə başlayıb".
Musavat.com
"Avroviziya 2025"də ölkəmizi təmsil edəcək "Mamagama" qrupu yarışmanın keçiriləcəyi məkanda növbəti məşqini edib.
Oxu.Az xəbər verir ki, iştirakçılarımızın "Run With U" mahnısının səhnə şousundan 30 saniyəlik görüntülər artıq ictimaiyyətə təqdim olunub.
Qeyd edək ki, "Avroviziya 2025" mahnı müsabiqəsi bu il İsveçrənin Bazel şəhərində keçiriləcək və "Mamagama" qrupu mayın 13-də birinci yarımfinalda 10-cu nömrə altında səhnədə çıxış edəcək.
Azərbaycanla birlikdə həmin gün Estoniya, İslandiya, Polşa, Portuqaliya, Sloveniya, İsveç , Ukrayna, Albaniya, Belçika, Xorvatiya, Kipr, Hollandiya, Norveç, San-Marino təmsilçiləri də yarışacaqlar.
Müsabiqənin ikinci yarımfinalı mayın 15-də, final isə 17-də keçiriləcək.
Müğənni Afət Fərmanqızı ilə Aşıq Mübariz arasında qalmaqal yaşanıb.
Buna səbəb Mübarizin ad çəkmədən xanım müğənnilərin biri haqda dediyi sözlər olub.
Afət Mübarizin onu hədəf aldığını iddia edərək bunları söyləyib:
"Aşıq Mübariz verilişlərin birində danışır ki, xanım sənətçi "Qalenvagen" almaq üçün guya onunla avto-salona gedir, 50 min manat pulu çatmır. Salonun sahibi olan dostları deyirlər ki, "Mübarizə xatir 50 min manatı götürmürük, 5-6 aya gətirərsən". Ad çəkmədən danışır, amma hamı məni işarələyir ki, "Afət xanım, səni deyirlər".
Mübariz deyir ki, "xanım sənətçi efirlərin birinə çıxır, maşının ona hədiyyə olunduğunu deyir, bir qoluna Manaf Ağayev girir, gözünü bağlayırlar". Manafla danışıram. Bu məsələ Tolikin verilişində olub, Manaf məndən başqa heç kimin qoluna girməyib, kiminsə də gözünü bağlayıb gətirməyiblər.
Biz aydınlıq verdik ki, şou yaradılmışdı, maşını mənə heç kim hədiyyə etməyib. Əlli dəfə dedim ki, maşını mənə heç kim hədiyyə etməyib, özüm almışam, şou idi.
İlk və tək bu Tolikin verilişində oldu. Mübariz, sənə zəng etdim, deyirsən ki, "səni demirəm". Amma ikinci belə hal yaşanmayıb axı. Manaf demiş, o, başqa adamın qoluna girib, maşın təqdimatı olmayıb. Mən də ad çəkmədən deyim ki, özünə Aşıq deyən, aşıqlığın A-sından xəbəri olmayan biri var idi, sazı göyə atıb tutanda, sazını əlindən aldılar, toydan qovdular. Mən də ad çəkmirəm. Açıqlama ver görək kimi deyirsən?" (bizim.media)
Baku TV-nin "Arzunun vaxtı" verilişində bu dəfə müəllif və aparıcı Arzu Kəlbi meyxana ustası Ələkbər Yasamallının evində olub.
Verilişdə Ələkbər Yasamallı erkən yaşda atasını itirməsindən, meyxanaçılar arasında birliyin olmamasından, bu sahədə özünə yaxın hesab etdiyi dostlarından danışıb.
Xəyyam Əhmədli ilə bağlı xatirələrini bölüşərək meyxanaçının ölümündən öncə ona mahnı yazdığını söyləyib. Ələkbər Yasamallı Rəşad Dağlının onun bibisi oğlunu qətlə yetirməsinə münasibət bildirərkən isə "Rəşadın balaları olmasaydı, onu bağışlamazdım" deyib.
Ətraflı süjetdə:
Müğənni Vəfa Şərifovanın toy qiyməti üzə çıxıb.
Bizim.Media xəbər verir ki, bu barədə “Rəngarəng” verilişində məlumat verilib.
Musiqiçilərdən biri deyib ki, Vəfa əvvəllər toya 7500 manata getsə də, indi məbləği artırıb.
Belə ki, Şərifova bütöv toyun idarəsi üçün ev sahiblərindən 8 min manat alır. O, musiqiçilərə isə 3 min manat pul ödəyir.
Aktrisa Pərvin Abıyeva müğənni Nigar Camalın qızı Jasminin geyiminə görə tənqid olunmasına münasibət bildirib.
Musavat.com xəbər verir ki, Jasminin idman tərzindəki geyimi sosial şəbəkədə tənqid olunub. Aktrisa isə Bakıda qızların çoxunun bu tərzdə geyindiyini bildirərək onu müdafiə edib:
“Hə, gözəlliyinə heç nə deməyin, tutsun”qıjı” damarınız. Bir dənə “Maşallah, gözəl qızdır” yazan yoxdur. Gənc qızdır, indi onun elə geyinən vaxtıdır, bəsdirin. Bu geyimdə bütün Bakı gəzir. Rayonlarda belə qızlar top geyinir. Üstəlik, bu qızlar İngiltərədə böyüyüb. Bakıda yaşayan qızlar göbəyiaçıq geyinmir? İndi siz namus timsalı oldunuz?”
Könül
Musavat.com
Müğənni Zamiq Hüseynov maraqlı açıqlama verib.
Milli.Az xəbər verir ki, o, sənət adamlarına qarşı olan münasibətdən danışıb.
"Əvvəl nə pis vardı, bizim üzərimizə atırdılar. Nə ləkə var idi, bizə yaraşdırırdılar. Hazırda isə öz əhatəmdən deyirəm. Elə ən yaxşı ailəyə baxan da sənətçilərin çoxudur. Öz dostlarımı misal gətirə bilərəm. Hamısı zəhmətkeş, ailəcanlı, uşaqlarını yaxşı oxudan, ailəsinə vaxt ayıran. Mənim üçün ən yaxşı vəzifə övladımın yaxşı təhsil alıb, savadlı olmasıdır. Həmçinin qardaş-bacımın uşaqlarına əlimdən gəldiyi qədər kömək edirəm. Digər uşaqlar da var, bunları demək bizə yaraşmaz.
Öz həyatımda təhsil məsələlərindən bir az da olsa, kəsilmişəm. Həyat belə gətirib. Yaxşı təhsil almamışam, ancaq həyat tərzimlə, yaşadıqlarımla özümü düzəltməyə çalışmışam. Təəssüf ki, məcburi köçkün olan vaxtlar oxumağa qoymadı. Mən və qardaşım kimi minlərlə insan 90-cı illərdə təhsildən uzaq qaldı. Bu gün ən zəif nöqtəm odur. Çalışıram ki, özümün, dostlarımın uşaqlara dəstək olum. Artıq sosial şəbəkədə gördülər ki, sənət adamlarına qız verərlər, qız da alarlar. Bu fikirləri kənara ata bildik".