 |
|
|
Pop ulduz Hadise ilk dəfə iş adamı Mehmet Dinçerlerdən boşanmasından danışıb.
Bu barədə o, Fatih Altaylının qonağı olarkən açıqlama verib:
“O barədə danışmaq istəmirəm. Çünki aramızda bir-birimizdən danışmamaq haqqında razılaşma imzalanıb. Lakin insan həmin an özünü yaxşı hiss etdiyi, inandığı və rahat olduğu üçün evlənir. Mən indiyə qədər inanmadığım heç nəyə daxil olmadım. Amma olmadı. Bir də evlənərəm? Hə. Bir də boşanaram? Hə!” (olay)
"Bəxtim onda gətirib ki, həyat yoldaşım mən verdiyim məsləhətə qulaq asır. Hər zaman yanımdadır. "Aşkım, aşkım... " O heç televizora baxmır. Onu çox istəyirəm".
Musavat.com xəbər verir ki, bu sözləri Əməkdar artist Nüşabə Ələsgərli qonaq olduğu "Qonaqcanlı" verilişində deyib.
Sənətçi İran əsilli fitnes məşqçisi, həyat yoldaşı Məhəmmədrza Məhəmmədi ilə münasibətlərindən söz açıb.
N. Ələsgərli bildirib ki, həyat yoldaşı əsəbiləşəndə o susur:
"O mənim dostum, həyat yoldaşım, sirdaşımdır. Biz bu yolda onunla bərabər addımlamışıq. Pis günlərimdə də mənə dəstək olan, əsəbiləşəndə məni sakitləşdirən. Haqsızlıqlar görmüşəm, qışqırıb, bağırmışam, çıxmışam özümdən avtomobildə. O isə bu anda məni sakitləşdirib. Deyib ki, xanım fikir vermə (gülür). O çox səbrli insandır. Amma vay o günə ki, həyat yoldaşım hirslənsin. O əsəbiləşəndə mən susuram. Əbəttə ki, güzəştə gedirəm. Qadın güzəştə getməsə o iş getməz. Hər zamam haqlı ola bilmərsən ki... Lap haqlı olsan da belə susmağı bacarmalısan. Hörmət əsasdır. Biz hansı dövrdə yaşayırıq... Nə qorxu? Bizim aramızda hörmət var. Bizim zarafatlarımız da, söhbətlərimiz də, davamız da tutur".
Qeyd edək ki, Nüşabə Ələsgərlinin birinci evlilikdən bir oğlan və bir qız övladı var.
Liam Peynin ölümü ilə bağlı yeni detallar üzə çıxıb.
Onun otağından qaçmağa çalışarkən həyatını itirdiyi iddia edilib. Məlumata görə, işçilər onun foyedə sərxoş olduğu, əşyalara zərər verdiyini və otaqda qalmaq istəmədiyini deyiblər. Bildirilib ki, Peyn “Eyvandan qaçacağam” deyib. Bundan əlavə, hotel işçiləri 911-ə zəng edərək məlumat veriblər.
Polis ölümündən öncəki kamera görüntülərini araşdırmağa davam edərkən Peynin otağında iki yüngül əxlaqlı qadınla parti etdiyi məlum olub.
Peynin cansız bədəni çiynindəki çanta ilə tapılıb. Bir mərtəbə aşağıda tapılan “Liam üçün” yazılan çanta isə onun ikinci mərtəbəyə keçmək istədiyini təsdiqləyib. Çantada dərmanlar və içki şüşəsi olub. Polis hadisənin intihar olmadığını, Peynin yıxılarkən yarı şüusuz və ya tamamilə özündə olmadığı bildirilir. Hotel işçiləri və dostu Roqelio Noresin sorğusu isə davam etdirilir. Nores Peyni tək qoymadığını, o, yıxılmazdan qısa zaman öncə hoteldən çıxdığını deyib. (olay)
Daha bir tanınmış tiktoker həbs edilib.
Sosial platformalarda, xüsusilə də canlı yayımlar zamanı cəmiyyətə qarşı açıq hörmətsizlik qeyri-etik paylaşımlar edən şəxslərə qarşı polis əməkdaşları tərəfindən müvafiq tədbirlərin görülməsi davam etdirilir.
Məlumata görə, tədbirlərlə 28 yaşlı “Roşka” ləqəbli tiktoker Rövşən Süleymanov saxlanılıb. Ondan narkotik vasitə olan marixuana da aşkarlanaraq götürülüb.
Müvafiq qərarla R.Süleymanzadə 45 sutka inzibati qaydada həbs edilib.
Daxili İşlər Nazirliyinin mətbuat xidmətindən Lent.az-a faktı təsdiqləyiblər.
“Əlimin duzu yoxdur”.
Bu sözləri Əməkdar artist Qorxmaz Əlilicanzadə qonaq olduğu “Həftənin qonağı” verilişində deyib.
Proqramın aparıcısı Ülvira Qarayevanın “Müğənni İzzət Bağırovla münasibətiniz necədir?” sualına aktyor belə reaksiya verib:
“Bu söhbəti yığışdıraq. Bu söhbət maraqlı deyil. İstəmirəm bu söhbəti danışmaq. Danışsam, buna iki saat vaxt çatmaz. O adama marağım yoxdur. O adam haqqında eşitmək istəmirəm”.
““7-17” yarışmasında iştirak edən müğənnilərlə münasibətləriniz qalıb?” sualına Q.Əlilicanzadə belə cavab verib:
“Niyə yoxdur? Var. Mehriban Səfərova, Bilqeyz Mehdiqızı. Amma onu çoxdan görmürəm. Hüseyn Məmmədov. Aynur Dadaşovanı ilk dəfə mən şou proqrama dəvət edib, pul verəndə anası mənə dedi ki, nə pul. Cavab verdim ki, Aynur yadında qalsın, nə zaman xatirə olaraq bunları danışsan deyərsən ki, ilk dəfə peşəkar səhnəyə çıxanda maaşı Qorxmaz Əlilicanzadənin əlindən almışam. Amma o bu sözü idiyə kimi deməyib. Ay Aynur bir dəfə də olsun bunu söylə də... Bu axı mənim üçün fəxrdir. Sənə qarşı belə alicənablıq etmişəm. Amma demir. Misal üçün mərhum Xalq artisti Baloğlan Əşrəfov sağlığında söylədi ki, sənə borcluyam, o zaman mən unudulmuşdum heç toylara belə dəvət almırdım ikinci dəfə sənətə sən məni gətirdin. Ona söylədim ki, bunu mənə demə efirdə de. Amma müğənni Elxan Şirinov o söylədi ki, biz ilk dəfə konsert fəaliyyətindən bütün yaxşı pulları Qorxmaz Əlilicanzadədən gördük. O bizə bir toyun pulunu verdi”. (olay)