Ardını oxu...
Dia-az.info xəbər verir ki, Əmlak Məsələləri Dövlət Xidmətinin şöbə müdiri Taleh Bəşirov Bakının
Novxanı çimərliyi yaxınlığında yerləşən “Sarıqaya” yaşayış massivi “Metallurq” düşərgəsinin
bir hissəsini zəbt edib. Zəbt edilən əraziləri hasarlasa da, ərazidə inşaat işlərini müvəqqəti
dayandıran əmlak məmuru, artıq 3 gündür ki, tikinti prosesini bərpa edib. Bu məqsədlə zəbt
edilən ərazinin hər iki tərəfinə yük maşınlarının rahat girib-çıxması üçün nəhəng darvazalar
qoyulub. Bununla da zəbt olunan ərazi digər şəxslərin üzünə tam qapadılıb. Artıq əraziyə daxil
olmaq mümkün deyil.
Ərazidə işləyən ağır texnikalar villa inşası üçün ilkin hazırlıq işləri həyata keçirməkdədir. Zəbt
olunan ərazidə qonşu “Şəfəq” düşərgəsində olduğu kimi yarım milyon, bir milyon qiymətində
olan bahalı villalar inşa ediləcək. Satış məqsədilə inşa ediləcək villalardan biri isə Taleh
Bəşirovun özü üçün nəzərdə tutulub.
 
Ardını oxu...
Teref jurnalist Farahim Ilqaroglu Gasimov Istanbul NS Klinikasinda müalicə alan anasının qəfil ölümü ilə bağlı status paylaşıb.
TEREF statusu təqdim edir:
"Dünən, bu gün heç bir problemi olmayan anama klinikada sistem vurublar. Elə oradaca keçinib. Tibb bacısı Mələk Abbasova yoxlamadan etmədən sistem köçürüb. Həkimi İlham Hüseyn isə yaxasını çəkib, durub kənarda ki, mənlik deyil. Sanki müalicələri o yazmamışdı. Hələ bu yetməzmiş kimi məsuliyyətdən boyun qaçırmaq üçün təcili yardımla evə göndərmək istəyiblər ki, guya evdə keçinib. İlham Hüseynin tapşırığı ilə keçinən anamı tez reanimaisya şöbəsinə keçirib, süni nəfəs aparatına bağlayıblar ki, guya müdaxilə olunub, ancaq xilas edə bilməyiblər. Tibb bacısı M. Abbasova özü mənə dedi ki, sistemin altında keçinib."
Ardını oxu...
 
Ardını oxu...
Xırdalan şəhəri, Qalibiyyə küçəsi (köhnə adla Nəsibə Zeynalova küçəsi), 27 ünvandakı (bazarın və bələdiyyə binasının yaxınlığı) binanın zirzəmisində şəhərsalma və tikintiyə dair normativ sənədlərin tələblərinə zidd olan dəyişikliklər edilməsi, binanın bünövrə və konstruksiyasına bu cür özbaşına müdaxilənin onun etibarlılığını və təhlükəsizliyini azaltması, beton təbəqələrin kəsilərək qapı oyuğu açılması, dayanıqlığı təmin edən armaturların doğranması barədə narahatlığımızı “Nyus.az” internet xəbər portalında dərc olunan “Abdin Fərzəliyev yaşayış binasını qəzalı vəziyyətə salıb?” sərlövhəli, video-materialla müşayiət olunan tənqidi məqaləmizdə bildirmişdik. Sözügedən neqativ faktla bağlı ölkə Prezidentinə, Birinci Vitse-Prezidentə, Baş nazirə, Fövqəladə hallar nazirinə, Dövlət Şəhərsalma və Arxitektura Komitəsinin sədrinə, Abşeron rayon İcra Hakimiyyətinin başçısına ünvanladığımız 6 mart 2024-cü il tarixli məktublarımızda sözügedən binanın zirzəmisinin sakinlərin sözlərinə görə, Abşeron Rayon İcra Hakimiyyətinin Mənzil Kommunal Təsərrüfat Birliyinin Abadlıq və Kommunal Xidmətlər İdarəsinin rəisi Mehman Səfərov tərəfindən peşəsi həkim olan bir şəxsə satıldığı barədə informasiyanı, habelə Mehman Səfərovun özünün bu məsələ barədə sualımıza verdiyi cavabı qeyd etmişdik: “Həmin işlər mənlik deyil, yaxşı olar ki, bu kimi suallarınızı Abşeron rayon icra Hakimiyyətinin başçısı Abdin Fərzəliyevə verin. Bilmək lazımdır ki, bu rayonun ərazisində bütün işlər icra başçısının razılığı ilə həyata keçirilir. Halbuki, “Nyus.az” xəbər portalında gedən məlum başlıqlı məqaləyə Abşeron Rayon İcra Hakimiyyətinin feyzbuk səhifəsindən yazılmış şərhdə bildirilir ki, sözügedən videoda nümayiş olunan neqativ halın tez bir zamanda aradan qaldırılması üçün RİH-nin Memarlıq və Tikinti Şöbəsinə və Abadlıq və Kommunal Xidmətlər İdarəsinə müvafiq tapşırıqlar verilmişdir.
Deməli, Mehman Səfərov bunca qanunsuz işlərə rəvac verməklə, əlbəttə ki, ona etimad göstərmiş icra başçısı Abdin Fərzəliyevin fəaliyyətinə kölgə salır. Başqa sözlə, idarə rəisi ictimaiyyətdə elə rəy yaratmağa çalışır ki, guya icra başçısı “dovşana qaç, tazıya tut” deyir. Hərçənd, nə bilmək olar? Bizə qəribə gələn budur ki, faktla bağlı tərəfimizdən məktubla müraciət edilən adresatlardan biri də Abşeron rayon rəhbərliyidir və icra hakimiyyəti zirzəmidə aparılan qanunsuz işlərin təcili dayandırılması üçün heç də tələsmir. Qarşıdan Novruz bayramının gəldiyini nəzərə alsaq, keçmiş müşahidələrimizdən çıxardığımız təcrübəyə əsasən deyə bilərik ki, yəqin vaxtı uzatmağa çalışırlar – ümid edirlər ki, tətil günlərində “dərə xəlvət” olacaq, “tülkü bəylər” də öz işlərini sürətlə görüb-bitirəcəklər.
Amma məsələ burasıdır ki, Allah eləməmişkən, sabah zirzəmisinin dayaqları sökülmüş bina uçub-dağılsa, bunun cavabını kim, hansı vəzifəli şəxs verəcək, FHN rəhbəri cənab Kəmaləddin Heydərovmu, Abşeron RİH başçısı cənab Abdin Fərzəliyevmi? Problemin faciə ilə sonuclanmasını qabaqlamaq üçün qeyd olunan yaşayış binasının zirzəmisinə aidiyyəti orqanların əməkdaşları baxış keçirməli, vəziyyəti yerində qiymətləndirməli, lazımi ölçü götürməli, ən əsası isə söküntü işlərini dərhal dayandırmalıdırlar. Ən nəhayət, təqsirkarlar müəyyənləşdirilərək, barələrində müvafiq tədbir görülməlidir. Bizə qəribə gələn budur ki, faktla bağlı tərəfimizdən məktubla müraciət edilən adresatlardan biri də Abşeron rayon rəhbərliyi, cənab başçı Abdin Fərzəliyevdir.
Vahid Məmmədov

Nyus.Az
 
Ardını oxu...
Maştağa qəsəbəsində yerləşən 1 saylı psixiatriya xəstəxanasından yerli KİV-də çox yazılıb. Bu səhiyyə ocağı ilə bağlı neqativlər hər zaman nəinki xəstəxana rəhbərliyi tərəfindən, TƏBİB və səhiyyə nazirliyi tərəfindən belə təkzib olunub. Yəni yekunda mətbuat son söz kimi rəsmilərin dediklərini rəhbər tutmalı olub. Çünki qeyd olunan müəssisə qapalı olduğundan əlavə dəlil və sübutların toplanması mətbuatt üçün nəinki çətindir, hətta əksər hallarda imkansızdır.

Dia-az.info bildirir ki, amma bu dəfə ortada çox ciddi ittihamlara yol açacaq və hüquq-mühafizə orqanları tərəfindən araşdırılması labüd olan faktlar var. Çünki iddiaları səsləndirən şəxs Maştağa qəsəbəsində yerləşən 1 saylı psixiatriya xəstəxanasından qaçdığını deyən Nazimdir və onun bildirdiyinə görə, sözügedən müəssisədə xəsələrə əməlli-başlı divan tutmaqla yanaşı, qanunsuz - daha dəqiqi cinayət xarakterli işlərlə də məşğuldurlar.

Ardını oxu...

Dia-az.info bildirir ki, dəlixanadan qaçan Nazim orda olan hadisələrdən məşhur videobloger Nail Kəmərlinin kanalına danışıb. Onun söylədikərini olduğu kimi (18+) təqdim edirik və ümid edirik ki, gərəkən qurumlar səslənən itihamları araşdıracaq. Çünki söhbət insanlarımıza - xəstə olan, ağılları başlarında olmayan vətəndaşlarımıza qarşı cinayə xarakterli əməllərdən gedir...

 
 

Ardını oxu...

Bu gün gundemxeber.az-ın redaksiyasına Elm və Təhsil Nazirliyinin İdarəetmə Sistemləri İnstitutunun aparıcı elmi işçisi, iqtisad üzrə fəlsəfə doktoru, dosent Səyyad Ağayev tərəfindən müraciət daxil olub. O, media vasitəsilə Azərbaycan Respublikasının Elm və Təhsil naziri Emin Əmrullayevə və Azərbaycan Dövlət İqtisad Universitetinin rektoru Ədalət Muradova Bildirir ki, "2013-cü ildə mənim Bakı Dövlət Universitetində AR Prezidenti yanında Ali Atesstasiya Komissiyasının tələblərinə uyğun olaraq “İqtisad üzrə fəlsəfə doktoru” alimlik dərəcəsi almaq üçün müdafiə etdiyim “Vergidən yayınma risklərinin modelləşdirilməsi” mövzusunda dissertasiya işim https://aak.gov.az/upload/dissertasion/iqt/iqt_n_asi_30_05_13.pdf 2019-cu ildə Azərbaycan Dövlət İqtisad Universiteti BMDM-nin magistri Əhədzadə Elməddin Məhəmməd oğlu tərəfindən oğurlanaraq “Azərbaycanda vergidən yayınma risklərinin tənzimlənməsində istifadə olunan metod və alətlər” mövzusunda müdafiə etdiyi magistr dissertasiya işinin http://unec.edu.az/application/uploads/2019/10/h-dzad-Elmeddin-M-h-mm-d.pdf plagiat olduğu aşkarlanmış və bu, məhkəmə qətnaməsi ilə sübut olunmuşdur.

Bununla bağlı Əhədzadə Elməddin Məhəmməd oğluna qarşı qaldırdığım iddia  Sumqayıt Şəhər Məhkəməsinin 2(060)-50/2023 nömrəli 17 yanvar 2023-cü il tarixli qətnaməsi ilə qismən təmin edilərək, müəllif hüquqlarımın pozulmasına görə 3000 (üç min) manat məbləğində kompensasiyanın və 1000 (bir min) manat məbləğində mənəvi ziyanın əvəzinin (cəmi 4000 (dörd min) manat) cavabdeh Elməddin Əhədzadədən mənim xeyrimə tutulması qət edilmiş və adı çəkilən qətnamə qanuni qüvvəyə mindikdən sonra cavabdeh həmin məbləği mənə ödəmişdir.

Sumqayıt Apellyasiya Məhkəməsinin 2(105)-850/2023 saylı 01 may 2023-cü il tarixli Qətnaməsi ilə cavabdeh Əhədzadə Elməddin Məhəmməd oğlu tərəfindən “Azərbaycanda vergidən yayınma risklərinin tənzimlənməsində istifadə olunan metod və alətlər” mövzusunda (İxtisasın şifri və adı: 060403-Maliyyə; İxtisaslaşma: Vergi və vergiqoyma) müdafiə edilmiş magistr dissertasiyasının ləğv edilməsi qət edilmişdir.

AR Ali Məhkəməsinin Mülki Kollegiyasının 2(102)-3304/2023 saylı 13 sentyabr 2023-cü il tarixli Qərarında Sumqayıt Apellyasiya Məhkəməsinin 2(105)-850/2023 saylı 01 may 2023-cü il tarixli Qətnaməsinin magistr dissertasiya işininin ləğvi hissəsində qüvvədə saxlanılması qərara alınmış və Əhədzadə Elməddin Məhəmməd oğluna verilmiş magistr dərəcəsinin ləğv edilməsi üçün magistr dərəcəsini verən orqana müraciət etmək, həmin orqan tərəfindən imtina edildiyi təqdirdə isə müvafiq inzibati məhkəməyə müraciət etmək hüququmun olması izah edilmişdir.

Magistr dərəcəsi verən orqanın imtinasından sonra Əhədzadə Elməddin Məhəmməd oğluna verilmiş “magistr” ali elmi-ixtisas dərəcəsinin ləğv edilməsi vəzifəsinin cavabdeh Azərbaycan Dövlət İqtisad Universiteti Publik Hüquqi Şəxsin üzərinə qoyulması barədə qərar çıxarılmasından ötrü məhkəməyə müraciət etmişəm və 06 may 2024-cü il tarixdə Şirvan İnzibati məhkəməsində həmin işə baxılacaqdır.

Elm və təhsilin inkişaf etdirilməsi üçün dövlətimiz tərəfindən maliyyə vəsaiti ayrılır, plagiat hallarına qarşı ciddi mübarizə aparılır. Lakin elmi işimi oğurladığı hüquqi müstəvidə sübut edilmiş magistr Elməddin Əhədzadəni hələlik mənə məlum olmayan səbəblərə görə ADİU-nun rektoru Ədalət Muradov bütün təsir imkanlarından, mövqeyindən istifadə etməklə  məhkəmələrdə ciddi-cəhdlə müdafiə edir və dissertasiya işinin ləğv edilməsinə hərtərəfli mane olur. Ayrı sözlə desək, plagiat işi müdafiə etmiş magistri açıq şəkildə himayə və ardıcıl müdafiə edərək mənə qarşı əsassız qərəz nümayiş elətdirir.

Əqli mülkiyyəti oğurlanmış bir alim kimi dəfələrlə sizə teleqram ünvanlayaraq və məktubla müraciət edərək sizinlə şəxsən görüşüb bu məsələni müzakirə etməyə cəhd etdim. Lakin hələlik məlum olmayan səbəblərə görə müraciətlərimə heç bir reaksiya vermədiniz, indi də vermirsiniz. Elə bir münasibət göstərir və görüntü yaradırsınız ki, sanki bu məsələnin sizə aidiyyəti yoxdur. Ortada plagiat dissertasiyası və dissertasiya işinin ləğv edilməsi barədə Məhkəmənin dövlətin adından çıxardığı və qanuni qüvvəyə minmiş, icrası imperativ qaydada hamı üçün məcburi olan qətnamə olduğu halda, siz Azərbaycan Respublikasının Elm və Təhsil naziri kimi bu məsələyə münasibət bildirməməklə kimdən və nədən çəkinirsiz, niyə qətiyyətsizlik göstərirsiniz? ADİU-nun rektoru Ədalət Muradov məhkəmə tərəfindən Azərbaycan Respulikasının dövləti adından çıxarılan qərarı qəsdən yerinə yetirmir, mənə qarşı şəxsi kin-küdurətini və qərəzini sizin gözünüzün qabağında nümayiş etdirərək plagiat dissertasiyanı qoruyur, onun ləğv edilməsinə imkan vermir, siz isə bu  qanunsuzluğa susur və heç bir tədbir görmürsünüz. Niyə, nə üçün?

Bilmək istəyirəm, bu məsələnin Azərbaycan elminə rəhbərliyi həvalə edilmiş sizə aidiyyəti yoxdursa, onda hara və kimə müraciət etməliyəm? Bəlkə bu işlə bağlı Ekologiya və Təbii Sərvətlər Nazirliyinə, Səhiyyə Nazirliyinə, Kənd Təsərrüfatı Nazirliyinə, FHN-ə, DİN-ə və ya digər nazirliklərə müraciət edim? Hər dəfə tələbələr qarşısında mühazirə oxuyanda elm adamı kimi mənəvi əzab çəkirəm. İllərlə zaman sərf edib dissertasiya işi yazasan, kirayələrdə qalasan, ailənə maddi sıxıntılar yaşadasan ki, elmlə məşğul olub uşaqlarını sağlam böyüdüb Vətənə əsgər yetişdirəsən, yaxşı təhsiİ vermək üçün gecə-gündüz çarpışasan, sonda da bir başqası kimlərinsə havadarlığı, köməkliyi, dəstəyi ilə elmə arxa qapıdan girib sənin əqli mülkiyyətini oğurlasın, özününküləşdirsin, diplom alsın, sən mənəvi zərbə alasan, hüququnun pozulmuş olduğunu məhkəmə qaydasında sübut edəsən, dövlətin adından bu qanunsuzluğun aradan qaldırılması barədə məhkəmə tərəfindən müvafiq qərar çıxarılsın, səlahiyyətli şəxslər isə məhkəmə qərarını məcburi surətdə icra etmək əvəzinə qanuna meydan oxuyaraq plagiat magistrin arxasında durub ona havadarlıq etsinlər, ilham versinlər.

Gözünüzün qabağında şəxsi intellektual mülkiyyətim oğurlanıb və buna görə uzun müddətdir ki, həyəcan təbili çalıram, qəbulunuza düşməkdən ötrü müraciət edirəm, reaksiya vermirsiniz, rektora müraciət edirəm, mənə məhkəmənin yolunu göstərir. Bir alim sizsiniz, bir alim də mənəm, bir ailə başçısı sizsiniz, bir ailə başçısı da mənəm. Məni qəbul etmək, bu məsələni müzakirə edib birdəfəlik həll etmək əvəzinə, bu hərəkətlərinizlə əslində mənə deyil, Azərbaycan elminə hörmətsizlik edirsiniz, elmə plagiat dissertasiyanın daxil olmasına şərait yaradırsınız.

Pozulmuş hüquqlarımın bərpa edilməsi barədə məhkəmə qərarları mövcud olduğu halda, ADİU-nun hüqüq şöbəsinin müdiri Kəmalə Bünyadovanın mətbuata heç nə olmamış kimi arxayın və ötkəm cavab verməyi məhz ADİU-nun rəhbərliyin buna “dobro” verməsi ilə bağlıdır. Nazirlik özü xidməti yoxlama aparmalı və plagiat magistr dissertasiya işini ləğv etməlidir. Lakin nazirliyin “tükü”nün hələlik tərpənməməsi onu göstərir və mənə belə düşünməyə əsas verir ki, yəqin bu işin arxasında nazirlikdə də kimsə durur. Görəsən plagiat dissertasiya işini saxlamaqda məqsəd nədir və bu elmi işdən gələcəkdə kim nə qazanacaq?

Prezident İlham Əliyev cənabları Elm və təhsil sahəsininin sahəvi icra orqanına rəhbərliyini hazırda şəxsən sizə tapşırıb. Əgər siz mənə qarşı səmimi olsaydınız, çoxsaylı müraciətlərimlə əlaqədar məni qəbul edib sözügedən məsələni mənimlə müzakirə edər və onun həlli barədə aidiyyəti üzrə dərhal göstəriş verərdiniz. Bəlkə də anlaşılmazlıq olub, əvvəlki müraciətlərim sizə çatdırılmayıb, lakin ümid edirəm ki, bu açıq məktubu oxuyandan sonra qanunun aliliyini bərpa edər və sözügedən məsələni birdəfəlik həll edəcəksiniz."

GundemXeber.Az redaksiyası olaraq, yazıda adı hallanan şəxslərin mövqeyini dinləməyə hazır olduğumuzu bildiririk.

 

GundemXeber.Az

 
 
 
Ardını oxu...
Bir neçə gündür ki, Abşeron-Xızı Regional təhsil İdarəsinə 2022-ci ildən rəhbər təyin olunmuş İlhamə Abdullayeva ilə bağlı bir neçə ittiham dolu iddiaları təqdim etməkdəyik.

Sonuncu yazı burada: Abşeron-Xızı Regional təhsil İdarəsi ETN-ə TABE DEYİL? - Görünəni odur ki...

Qeyd edək ki, ortadakı ittihamların ciddiliyi gərəkən qurumların dərhal hərəkətə keçməsini zəruri etsə də, hansısa formada cəza tədbiri hələlik müşahidə olunmur.

Biz isə nyus.az-a istinadla növbətti iddiaları təqdim edirik.. Beləliklə...

***

Bütün ümumitəhsil məktəblərin IV və IX siniflərində kütləvi şəkildə aparılan monitorinqlərin kağız qiymətləri məktəb rəhbərlərinin üzərinə "yükləməklə" həyata keçirildi. Qeyd edək ki, monitorinqlərin təşkili üçün dövlət büdcəsindən yetərincə maliyyə vəsaiti ayrılıb. Lakin, İlhamə Abdullayevanın rəhbərlik etdiyi Regional İdarə tərəfindən bütün maddiyatın silinərək yeyintiyə yol verilməsi açıq-aydın müəyyən olunmuşdu. Sual olunur, monitorinqləri Regional İdarə həyata keçirirsə, niyə məktəb rəhbərlərindən pul alınır və bu pul sinif rəhbərlərinin tələbi ilə şagirdlərdən yığılır?.. Bir korrupsionerin, rüşvətxorun, əməllərinə susmaq bu qədərmi? Nədir bu susqunluğa səbəb? Belə başa düşmək olarmı ki, bu çirkablığın içində elə məktəb direktorlarının özü də maraqlıdır?


***

Bir neçə kurslarla əlbir olub şagirdlərin imtahana gəlişinin təşkili müqabilində kurs rəhbərlərindən hər bir şagirddən əldə olunan gəlirin 30% – nin məhz Regional İdarə müdirinə çatacağı barədə ilginc məlumatlat toplaya bilmişik.


***

Məlum olur ki, Abşeron və Sumqayıtda fəaliyyət göstərən Uşaq Gənclər Yaradıcılıq Mərkəzlərinin (UGYM) dərnəklərinə cəlb olunmuş şagirdlərin adları var, özləri isə yox. Həmçinn, Dərnək rəhbəri vəzifəsinə təyin olunanların adı olub, özü olmayan müəllimlərə ayrılmış əmək haqlarının hara və necə yönləndirilməsi ilə maraqlandıq. Bəzi müəllimlərlə əlaqə saxladığımız zaman məlum oldu ki, müəllimə UGYM- in yerləşdiyi yeri belə bilmir. Rəhbər şəxslərdən birinin verdiyi məlumta görə, yazılan dərs saatlarına ayrılan pulların birbaşa Regional İdarəyə verildiyi bildirildi.
Baxın, görün ki, İlhamə Abdullayeva dövlət əmlakını, onun büdcəsini necə və kimlərin əli ilə talayır? Çox yaxşı taktikadır və bu taktika əvvəlcədən düşünülmüş şəkildə məktəb direktorlarının üzərindən həyat keçirilir.

***

Davamı var...
 
Ardını oxu...
Son günlər adı müxtəlif qalmaqallarda hallanan “Azəriqaz” İstehsalat Birliyinin sədr müavini Cahid Hüseynov daha bir yaxın qohumuna yüksək vəzifə verdirib.

Bizim.Media-nın “Azəriqaz”-dakı mötəbər mənbədən əldə etdiyi məlumata görə, Cahid Hüseynovun bacısı oğlu Aqşin Əliyev bir neçə ay öncə Bakı Regional Qaz İstismar Departamentinin Abşeron rayonu üzrə Texniki İstismar Xidmətinin rəis müavini təyin olunub.

Aqşin Əliyevə qədər isə həmin vəzifədə Xalq şairi, Vətəndaş Həmrəyliyi Partiyasının sədri, millət vəkili Sabir Rüstəmxanlının qardaşı Zakir Rüstəmxanlı çalışıb.

Zakir Rüstəmxanlı bir neçə ay öncə təqaüdə göndərildiyi üçün Cahid Hüseynovun təqdimatı ilə bacısı oğlu Aqşin Əliyev onun yerinə təyin olunub.

Mənbənin məlumatına görə, Cahid Hüseynov Aqşin Əliyevi “Azəriqaz” İB İstehlakçılara satılan qaza nəzarət şöbəsinə rəis vəzifəsinə hazırlayırmış. Hazırda isə “Azəriqaz” İB İstehlakçılara satılan qaza nəzarət şöbəsinin rəisi Elçin Qocayevdir.
Qeyd edək ki, bir neçə gün öncə mətbuatda Cahid Hüseynovun “Azəriqaz”-da vəzifə verdiyi yaxın dostları və qohumlarının siyahısı yayılıb. Cahid Hüseynovla “Azəriqaz” İB-nin keçmiş rəhbəri Ruslan Əliyev yaxın dost və kirvədirlər.
Ardını oxu...
Bizim.Media
 
 
 
Ardını oxu...
3 gün əvvəl Bakı Baş Gömrük İdarəsində gömrük inspektoru Aqil İbadovla sahibkar arasında mübahisə yaranıb.

Yaranan mübahisədə qeyri-etik ifadələr, təhqiramiz sözlər işlədilib.

Baş verən hadisə ilə bağlı Dövlət Gömrük Komitəsi açıqlama yayıb.

Açıqlamada bildirilir ki, qarşı tərəf təmsilçiliklə bağlı etibarnaməsi olmadan mallarını rəsmiləşdirilmək istəyib və insidentlə bağlı ətraflı araşdırılma aparılması üçün hüquq-mühafizə orqanlarına müraciət olunub.

Hadisə bəzi media orqanlarında və sosial şəbəkələrdə yayıldıqdan sonra bəzi sahibkarlar "tribunainfo.az"a müraciət ünvanlayıblar.

Müraciətdə deyilir ki, gömrük inspektoru Aqil İbadovun əməlləri bununla bitmir.

"Bu şəxs biz sahibkarlara zülm edir və biz onun qanunsuz əməllərindən, soyğunçuluğundan bezmişik. Biz, aşağıda adı yazılan sahibkarlar Dövlət Gömrük Komitəsinin sədri Şahin Bağırovdan xahiş edirik ki, Aqil İbadovun qanunsuz əməlləri araşdırılsın. Onu da qeyd edək ki, adıçəkilən məmur - Aqil İbadov təkcə videosu yayılan insidentin iştirakçısı Xancığazlı Elçin Elman oğlundan rüsumdan əlavə 300 dollar istəmir. O dövlət rüsumundan başqa əlavə qoyulan puldan başqa hər kəsdən özünün qoyduğu "rüsumu” alır. Malını rəsmiləşdirən sahibkara təxminən, məsələn, "havadan” gözəyarı deyilir ki, "5000 dollar ödə”".

"Söyüşlə nəticələn insidentdə həmin sahibkar dəyəri 28900 ABŞ dolları olan mala görə qanunla 6647 ABŞ dolları ödəməli halda ondan qanunsuz olaraq 17940 dollar ödəmək tələb olunub. Üstəlik də həmin inspektor sahibkardan 300 dollar pul istəyib. Mübahisə də sahibkardan tələb olunan qeyri-qanuni pulun istənilməsindən sonra yaranıb", - deyə onlar qeyd ediblər.

Müraciət müəllifləri deyirlər ki, Elçin Xancığazlı Səbail Rayon Məhkəməsinin qərarı ilə 20 gün müddətinə inzibati qaydada həbs olunub: "Xancığazlı Elçin qazidir, torpaqlarımızın azadlığı uğrunda ən ağır döyüşlərdə vuruşub və bu acınacaqlı haldır ki, o hansısa kiçik bir məmurun özbaşınılığına etiraz ediyinə görə həbs olunub”- sahibkarlar şikayətində yazır.

Daha sonra sahibkarlar bildirib ki, Aqil İbadov Bakı Gömrük İdarəsinin əməkdaşı deyil, başqa yerdən, Astara Gömrük İdarəsindən gəlib.

Sahibkarların dediyinə görə onun ezamiyyət haqda sənədi də çox güman yoxdur və Bakı Gömrük İdarəsində qeyri rəsmi işləyir : ”Aqil İbadov hər şənbə günü öz rəsmi işinə gəlmir. O konkret olaraq Bakı Gömrük İdarəsinə sahibkarlardan pul yığmaq, öz şəxsi mənafeyi istiqamətində fəaliyyət göstərmək üçün gəlib”.

Sahibkarlar deyirlər ki, Aqil İbadov kiçik vəzifədə olmasında baxmayaraq onun Bakıda və Astarada obyektləri və kənddə fermaları var. Bu təbii ki, məmura yaraşan hal deyil və biz hörmətli Şahin Bağırovdan xahiş edirik ki, onun əməllərinə hüquqi qiymət verilməsi üçün göstəriş verilsin”.

Müraciət aşağıda adıkeçən sahibkarlar imzalayıblar:

Ağayev Səxavət
Rəşad Vəliyev
Azər Bağırov
Rufullayev Seymur
Rafiq Hüseynov
Rafiq Rzayev
Sübhan Rufullayev
Kamal Xamıyev
Ruslan İbadov
İlham Əliyev
Hikmət Xalıqov
Hikmət Əliyev
Əbülfəz Nağdəliyev
 
Ardını oxu...
İki reklam löhvəsi üçün Ulu Öndər Heydər Əliyevin xatirəsinə hörmətsizlik edilib.
32gun.az xər verir ki, ümummili liderin Qazax rayonundakı Avtovağzal binasının üzərinə də olan plakatı sökülərək yerinə "Abu Life" adlı şirkətin reklam löhvəsi yapışdırılıb.

Bundan əlavə Qazaxın mərkəzi küçəsində Ümummilli Lider Heydər Əliyevin plakatı "Brend Shop" adlı mağazanın reklam panosu ilə əvəzlənib.

Bu barədə Pərviz Alıyev adlı sosial şəbəkə istifadəçisi məlumat yayıb.

Həmçinin Qazaxlılar səhifəsində məsələ ilə bağlı bu məlumat paylaşılıb:

"Ulu öndər Heydər Əliyev babamızın Qazax şəhərində babamızı hər gördüymüzdə bizə xatırladacaq nə qədər şəkil, portretləri varıydısa hamsını Qazax Rayon İcra Hakimiyyətinin başçısı Rəcəb Babaşov götüzdürüb. Avtovağzalın binasının üzərindən Ulu öndərmiz Heydər Əliyev babamızın şəkillərini çıxardıb yerinə "Abu Life" şirkətinin kredit reklamını yerləşdirib. Qazaxda Heydər Əliyev babamızın nə qədər böyük rəsmləri var hamsının yerinə Rəcəb Babaşovun razılığı ilə "Abu Life" kredit reklamları vurulub".
Ardını oxu...
Ardını oxu...

İlgili videolar

461.4K
526K
1.8M
13M
1.9M
2.3M
2.6M
4.2M
2.9M
408.4K
13.8M
178.9M
65.5M
1.4M
17.9M
1.5M
2.3M
569.4K
1.2M
1.5M
594K
3.2M
2.3M
1.4M
 


 
Ardını oxu...
Son vaxtlarda, təhsillə bağlı şokedici xəbərlərin, sənədli ifşaların daha sıx gündəmə gəlməsini müşahidə edirik. Hansısa məktəbdən, şagirdə qarşı bullinq videosunun yayılması ya da hansısa təhsil rəhbərinin rüşvətlə bağlı səsyazısının yayılması kimi halları, daha tez-tez görürük. Buna paralel olaraq da, Elm və Təhsil Nazirliyinin və onun rəhbərinin daha şiddətli tənqid olunması müşahidə olunur.
Ədalət naminə, bəribaşdan deyək ki, təhsillə bağlı bu cür neqativ halların olmasının tək suçlusu, ETN rəhbəri ola bilməz. Çünki, necə deyərlər, hər bir məktəb, ilk növbədə aid olduğu cəmiyyətin güzgüsü və göstəricisidir. Üstəlik də, Emin Əmrullayev cəmi 4 ildir ki, nazir vəzifəsini icra edir və innovativ təhsil sistemini formalaşdırmalı olan səlahiyyətlilərin yeganəsi, o deyil.
Buna görə də, bütün bu problemlərin tək suçlusu kimi onu görmək və hər şeyi onun boynuna yıxmaq, düzgün yanaşma deyil.

Amma və lakin, E. Əmrullayevin BU PROBLEMLƏRƏ VERDİYİ REAKSİYA- məsuliyyəti boynundan atıb, yaxasını kənara çəkməsi, tənqidə layiqdir, özü də ən sərt tənqidə!
Gəlin, elə təkcə son bir neçə ayda baş verən olaylara, ortaya çıxan neqativ hallara, cənab nazirin reaksiyasına diqqət edək.

Məsələn, barəsində, saytlarda N qədər material olan Göyçay Dövlət İdarəetmə və Texnologiya Kolleci, ən məşhur təhsil ocaqlarından olsa da, nəyə görəsə cənab nazirin heç vaxt diqqətini cəlb etməyib! Axtarışa, sadəcə, bu müəssənin adını yazdıqda, “topa-topa” məlumat çıxan bir kollecdən, rüşvətin az qala qanun halına gəldiyi, açıq bazara çevrilmiş bir yerdən, necə xəbərsiz olmaq olar?...
Lakin, işə baxın ki, yalnız 2024-cü ilin martın əvvəllərində, direktorun tələbədən aşkarca rüşvət tələb etdiyi səsyazı ortaya çıxandan sonra, nazirlik əl-ayağa düşüb və dərhal direktora, “yolumuz ayrıldı, dostum” deyilib!
Sual olunur: görəsən, kardinal qərar vermək üçün mütləq konkret səsyazı, çəkilişmi lazım idi? Audio-material olmasaydı, deməli, orda problem yox idi?...

Cənab nazir bu tip gizli, ekskluziv ifşalardan, paparazzilikdən hər zaman narahatlığını ifadə edir.
Amma, narazılıq etdiyi “qeyri-ənənəvi” jurnalistikanı, “sənədli” ifşaları, elə özünün təşviq etdiyinin fərqində deyil! Çünki, kənardan görünən ən sadə fakt budur ki, ETN yalnız səsyazılı və ya videogörüntülü sübut olduqda, “şok effekti” yarandıqda, tədbir görür! Əks halda, məktəbdə nə baş verirsə versin, hətta top da atılsa, ölüm-itim də olsa, görüntüsü, səsyazısı aşkara çıxmayıbsa, Nazirlik, heç nə olmamış kimi davranır!
Təəssüflər olsun ki, təkcə bu son faktın özü belə, kollec direktoruna olan münasibət belə, “yeni nəsil nazirimiz” üçün ciddi uğursuzluq deməkdir.

Ümumiyyətlə, artıq sürəklilik qazanmağa başlayan bu cür fevri situasiyalara-gözlənilməz çəkilişlərə, sənədli faktlara, görünür ki, avropa təhsilli nazirimiz, ayaq uydura bilmir.

Jurnalistlərə, “paparazzilik etməyin!” söyləmək, əslində, “bizim razılığımız olmayan materialı verməyin!” ya da “bizim əleyhimizə məlumat dərc etməyin!” deməkdir. Çünki, bu səfər jurnalistlər, görüntülü-səsyazılı olmayan, adi materiallar dərc etsələr, “sübutsuz-sənədsiz danışırsız, böhtan atırsız!” ittihamlarına tuş gələcəklər! Hər halda ETN rəhbərliyinin və onun tabeliyindəki Regional Təhsil İdarələrinin, göndərilən minlərcə şikayət qarşısında laqeyd qalmasının, “quru” ərizələri önəmsiz hesab etməsinin heç bir izahı ola bilməz.
Elə Nazirliyin təşkil etdiyi sonuncu brifinqdə, Əmrullayevin, jurnalistlərə, sual verməklə bağlı konkret qəlib təyin etməsi, “ikidən artıq sual verməyin” deməsi, vacib üçüncü sualı verməyə çalışan jurnalistlə uzun-uzadı höcətləşməsi və nəticədə, ümumiyyətlə, suallara cavab verməkdən yayınması da bir göstəricidir.

Əgər cənab Əmrullayev ağıllı məsləhətçilərə başvursaydı, psixoloji-sosioloji ekspertlərdən tövsiyyə istəsəydi, hər halda bu cür addımların, jurnalistlərə işini öyrətməyin, mənasız və təsirsiz olduğunu öyrənərdi. Çünki, tutalım, hansısa məktəb barədə, rüşvətin sənədi-sübutu (səsyazısı ya da videoyazısı) mediaya göndərilibsə, jurnalistin əlinə keçibsə, o, artıq həmin materialı yayımlayacaqdır, çünki, HƏMİN MATERİALIN, ONSUZ DA, ƏN AZI SOSİAL MEDİADA YAYILACAĞINI BİLİR!
Bəli, “müdrik nazirimiz”, ənənəvi medianın üzərinə getməklə, hər şeyi onlardan bilməklə, sosial şəbəkələrin mövcud olmasını unudur. Axı, aydın məsələdir ki, şok bir məlumatın və ya vəzifəli şəxslə bağlı bir məlumatın yayılması, indiki dövrdə, sadəcə, zaman məsələsidir və bunu önləmək, mümkün deyil.
Üstəlik də, bu məlumat, əgər şəxsi həyata aid deyilsə, məmurun işinə aiddirsə, onda nəyə görə qəbahətli olmalıdır ki?...

Lakin, deyəsən, Emin müəllim, indiyəqədər heç kimin başara bilmədiyi bir işi başarmaqda israrlıdır. Eynilə Sançesin qəhrəmanı Don Kixot kimi…

P.S. Maraqlı bir situsiya yaranıb: Nazir bir tərəfdən, yararsız və ziyanlı kadrları ixtisar etməyə tələsmir, digər tərəfdən, həmin kadrların yararsızlığı, cəmiyyətə faş olanda, radikal tədbirlərə əl atır, başqa tərəfdən isə, həmin kadrların ifşa olunmasının önünə keçmək üçün “paparazzi jurnalistliyini” əngəlləməyə çalışır. Beləliklə, əslində, Emin bəy, özünü inkar etmiş olur və yararsız kadrları işdən çıxartmağın, yanlış olduğunu demiş olur! Yəni, tutalım, filan direktorun səsyazısını yaydıqları üçün, jurnalistlərə tənə edirsə, onda belə çıxır ki, direktoru işdən çıxartmamalıydı!
Odur ki, cənab nazir, düşünüb, bir qərar verməlidir: məmurun ifşa edilməsimi səhvdir, yoxsa həmin məmuru işdən çıxartmasımı?
Ardını oxu...
Emin Mirzəli
“Təhsil Araşdırmaları Mərkəzi”nin eksperti, sosioloq


 

Dünyapress TV

Xəbər lenti