 |
|
|
Gəncə Dövlət Tibb Kollecində oxuyan tələbə onlardan rüşvət tələb olunduğunu iddia edib.
Oxu.Az xəbər verir ki, sosial şəbəkədəki səhifələrin birində bu məsələ müzakirə mövzusu olub.
İddia olunub ki, kollecin müəllimi praktika üçün tələbələrdən 500 manat məbləğində pul tələb edir.
"Məlahət xanım hələ də tələbələrdən praktika üçün pul tələb edir. İl başlayandan 20 AZN istəyirdi, praktika üçün isə 500 AZN istəyir. Öz haqqımız olan praktikaya çətinliklə gedirik. Oxuyanlar qalırlar qıraqda, pul verənlərə təqaüd verilir", - deyə paylaşımda bildirilir.
Məsələ ilə bağlı Oxu.Az-ın sorğusuna cavab olaraq, Səhiyyə Nazirliyi yayılan məlumatı əsassız hesab edib.
Qeyd edilib ki, paylaşımın olduğu səhifədə bundan əvvəl də oxşar anonim məlumat paylaşılıb.
"Səhiyyə Nazirliyi tərəfindən müvafiq araşdırmalar aparılıb, tələbələrlə ayrı-ayrılıqda görüşlər keçirilib, nəticədə faktlar təsdiqini tapmayıb.
Səhifədə yer alan məlumatların anonim olması şikayət edənlə əlaqə yaradılmasını və məsələnin qanunvericilik çərçivəsində araşdırılmasını mümkünsüz edir.
Hər hansı bir fakt və sübutlar olarsa, Səhiyyə Nazirliyi şikayətçini qəbul edib məsələnin qanunvericilik çərçivəsində araşdırılmasına hazırdır. Bundan əlavə, şikayətçi əlindəki faktlarla hüquq-mühafizə orqanlarına da müraciət edə bilər",
- deyə açıqlamada bildirilir.
Xatırladaq ki, 2024-cü ilin noyabr ayında da kollecdəki analoji problemlə bağlı məlumatı işıqlandırmışdıq. Həmin vaxt tələbələrdən birinin valideyni sosial şəbəkədəki səhifələrin birində Tibb bacısı fakültəsinin şöbə müdiri Yeganə Abbasovanın kollecdə tələbələrdən hər bir sərbəst işə, imtahana və kollokviuma görə rüşvət tələb etdiyini iddia etmişdi.
İlin əvvəli nadir bir hadisə ilə yadda qaldı. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti tərəfindən eyni vaxtda iki ticarət şəbəkəsi - “Kontakt Home” ticarət nişanı ilə fəaliyyət göstərən “ABC-TELECOM” MMC və “Baku Electronics” MMC-yə qarşı inzibati xətalara dair protokollar tərtib edilib.
Hər iki fəaliyyət “İstehlakçıların hüquqlarının müdafiəsi haqqında” qanunun pozulması ilə bağlıdır. Dövlət qurumu şirkətin keyfiyyətsiz (müqavilənin şərtlərinə cavab verməyən) mal satdığını və onları dəyişdirməkdən və geri almaqdan imtina etdiyini bildirdi.
Azad İstehlakçılar Birliyinin (AİB) rəhbəri Eyub Hüseynov mövzuya dair AYNA-ya şərhində deyib ki, əslində, yerli pərakəndə satış şəbəkələrində keyfiyyətsiz və nasaz avadanlıqların satışı ilə bağlı problem hər zaman olub: “Bizim quruma da mütəmadi olaraq aldadılmış alıcılardan şikayətlər daxil olur. Adətən belə əhvalatlar belə inkişaf edir: vətəndaş avadanlıqları kreditlə və ya nağd şəkildə alır, sonradan məlum olur ki, o işləmir, yaxud hansısa qüsurları var. Təbii ki, şəxs mağazaya gedir, lakin satılan malı geri almaqdan imtina edirlər. Müştəri pərakəndə satış şəbəkəsinə aid olan texniki xidmət mərkəzinə göndərilir, burada müxtəlif bəhanələrlə malı dəyişdirməyə və ya qaytarmağa icazə vermirlər. Xidmət işçiləri avadanlığın zədələnməsinə görə tez-tez alıcını günahlandırırlar. Məsələn, problemli mobil telefonda onu cızaraq qəbul etməkdən imtina edə, müştərini günahlandıraraq avadanlıqların onun təqsiri üzündən xarab olduğunu bildirə bilərlər”.
“Mobil telefonlara gəlincə, satıcılar adətən nasaz avadanlıq üçün ödənilən pulu qaytarmaqdan imtina edərək izah edirlər ki, müştəri telefonu cızıb və guya bu səbəbdən indi bu seçim onun üçün əlçatmazdır. Odur ki, avadanlıq gətirsəniz, sayıq olun. İşçilərin özləri belə bir cızıq salırlar ki, onu geri qaytara bilməyəsiniz – hazırda bu, ən çox yayılmış hiylədir. Lakin əlbəttə ki, bahalı təmirdən imtina etməyin başqa yolları da var”, - deyə həmsöhbətimiz bildirib.
Onun sözlərinə görə, AİB adətən pərakəndə satış şəbəkəsi ilə danışıqlar yolu ilə belə hadisələri həll etməyə çalışır: “Lakin onlar heç kimi qəbul etmirlər - nə öz müştəriləri, nə də bizim təşkilatı. Baxmayaraq ki, qanunla onlar müştərinin tələbi ilə 14 gün ərzində zədələnmiş avadanlığı dəyişdirmək və ya geri qəbul etmək məcburiyyətindədirlər”.
Əslində, bir çox böyük elektronika pərakəndə şəbəkələri müştərilərinə "qızıl zəmanət" təklif edir, lakin bu da problemləri aradan qaldırmır. Hüseynovun qeyd etdiyi kimi, sözügedən marketinq hiyləsi ölkəmizdə on ildən artıqdır ki, tətbiq edilir, lakin zəmanət öhdəlikləri heç də həmişə yerinə yetirilmir.
“Zəmanət öhdəlikləri də çox vaxt problem yaradır, xüsusən də söhbət mürəkkəb texniki cihazlardan gedirsə. Elə olur ki, şirkətin xidmət mərkəzinə müraciət etdikdən sonra məlum olur ki, bu və ya digər hissə çatışmır. Sadə dillə desək, kifayət qədər aktiv reklamı ilə müştəriləri cəlb edən şirkətlər, satın alınan məhsulla bağlı problem yaranarsa, praktiki olaraq bu barədə eşitmək də istəmir. Və sonra heç kim bilmir ki, hansı məhsullar və hallar üçün zəmanət verilməlidir. Tutaq ki, paltaryuyan maşının bir hissəsi yanırsa, pərakəndə satış şəbəkələri buna görə məsuliyyəti öz üzərinə götürməkdən imtina edir. Yerli sahibkarlar bu cür nüansları özləri həll edir, lakin problemi qanunvericilikdə axtarmaq lazımdır”, - deyə hüquq müdafiəçisi vurğulayıb.
Əlavə edib ki, broblem təkcə biznesdə deyil: ““İstehlakçıların Hüquqlarının Müdafiəsi haqqında” Qanunun bir neçə onillik yaşı var və onun yenilənməsinə ehtiyac var. Bununla bağlı AİB artıq parlament və digər məsul strukturlarla əlaqə saxlayıb. Vətəndaşlar vicdansız satıcıların saxlama müddəti ötmüş mal satmasından, elektronika dükanlarının qüsurlu mal satmasından şikayətlənirlər və son vaxtlar bu siyahı genişlənərək onlayn alış-veriş zamanı baş verən hadisələrə də rast gəlinir. Məsələn, sosial şəbəkələrdə məşhur marketlərdən birində zinət əşyaları sifariş edən qadının əvəzinə yerli istehsal olan şokolad qutuları aldığı videosu yayılıb”.
Onlayn mağazalara çoxlu sayda şikayətlər daxil olur. Məsələn, şikayətçilərdən biri xaricdən çox baha qiymətə buxarlı ütü alıb və məhsulun xarab olduğu üzə çıxıb. Elə olur ki, vətəndaşlar televizor kimi bahalı avadanlıqlar sifariş etməklə vaxt və xeyli pul itirirlər. Alıcının malın alıcı tərəfindən zədələnmədiyini sübut etməsi çox çətindir.
E.Hüseynov əmindir ki, internet mağazalardan gələn sifarişlərlə bağlı şikayətlərin sayına görə, respublikada onlayn ticarət məsələləri ilə bağlı qurum yaradılmalıdır. Hazırda bütün Azərbaycanda müştərilərimizin problemlərini həll edən yalnız bir ictimai birlik var - Azad İstehlakçılar Birliyi. Amma istehlakçıların maraqlarını müdafiə edən qurumun normal fəaliyyəti üçün belə strukturlar çox olmalıdır. O zaman xarici internet mağazalardan ölkəyə mal idxalı zamanı yaranan çətinliklər aradan qaldırılacaq, vətəndaş aldığı nasaz avadanlıq və ya saxta mallarla tək qalmayacaq.
2023-cü il, sentyabrın 19-da Naxçıvanda 60 yaşlı Qafarova Zümulə Həsən qızı faciəvi şəkildə vəfat edib. Z.Qafarova səkidə hərəkətdə olarkən reklam lövhəsi onun üzərinə aşıb.
Musavat.com bu hadisənin təfərrüatı ilə bağlı ilginc məlumatlar əldə edib.
Hadisəyə görə bir nəfər həbs edilib. Amma şahidlər və mərhumun oğlu həbs edilən şəxsi günahkar bilmir. Həmçinin işdə tanınmış şirkətin müqavilə saxtalaşdırması ilə bağlı da məlumat var.
“Brend Media Group” müqavilə saxtalaşdırıb?
Məlumata görə, “Brend Media Group” Naxçıvanda reklam lövhələrinin quraşdırılması layihəsini öz üzərinə götürüb. Reklam lövhələrinin hazırlanması Rəhimov Elbəyi Akif oğluna tapşırılıb. Bu, “Brend Media Group” ilə Elbəyi Rəhimov arasında görülən ilk iş deyilmiş və uzun illər əməkdaşlıq ediblər. “Brend Media Group” Naxçıvandakı işlərin görülməsini “Focus Media”ya tapşırıb.
Sifarişə əsasən, Elbəyi Rəhimov 15 reklam lövhəsi hazırlamalı imiş. Razılığa əsasən, material Naxçıvana aparılmalı və orada hazırlanmalı imiş. Bu işə görə Elbəyi Rəhimov özü ilə iki işçisini - Mayis və Rövşəni Naxçıvana aparıb. Elbəyi Rəhimovun Naxçıvandakı işlərinə “Focus Media”nın nümayəndələri Yusif və İslam Qurbanov nəzarət ediblər.
Zümulə Qafarovanın ölümü ilə nəticələnən hadisə baş verəndə Elbəyi Rəhimov Naxçıvanda olmayıb. O, sentyabrın 14-də Naxçıvandan gedib. Ölüm hadisəsinin baş verdiyi gün - 19 sentyabrda ona məlumat verilib. E.Rəhimov həmin gecə Bakıdan Naxçıvana gedib.
Elbəyi Rəhimov və “Brend Media Group” arasında görülən işlərdə çox zaman müqavilələr formal şəkildə bağlanırmış. Elə bu iş görüləndə də əvvəldən müqavilə imzalanmayıbmış. Hadisə baş verən gün - E.Rəhimov Naxçıvana gələndə müqaviləni yolda imzalayıblar. Həmin müqavilədə tarix hadisədən 5 gün əvvələ - 14 avqusta göstərilib.
“Brend Media Group”un rəhbərinin adı işdə necə gizlədilib?
Əldə etdiyimiz məlumata görə, “Brend Media Group”un rəhbəri Elşən Məmmədov Naxçıvanda reklam lövhələri quraşdırılmadan öncə şəxsən özü oraya gedib. Reklam yerlərini şəxsən özü müəyyən edib və göstərişlərini verib. İşin maraqlı tərəfi budur ki, bu işlə bağlı cinayət işi açılıb, araşdırma aparılanda heç kim Elşən Məmmədovun adını istintaq zamanı çəkməyə maraq göstərməyib.
“Brend Media Group”un rəhbərinin adını ölüm işindən kim gizlədib?
Elbəyi Rəhimovu necə aldadıblar?
Elbəyi Rəhimov deyib ki, onun işi reklamı hazırlamaq olub. Reklamın quraşdırılması isə sifarişçi tərəfin işi olub:
“Mən Naxçıvanda deyildim. Deyilmişdi ki, reklam quraşdırılmayacaq. Əvvəlki lövhələr quraşdırılanda orda olmuşam. İşlə bağlı müqavilə də imzalanmamışdı. Hadisədən sonra küçədə müqavilə imzalamışıq. Elə tələsik bir vaxtda müqavilədə nə yazıldığını bilmədim. Mənə deyildi ki, ödəniş üçün imzalayırıq. Amma müqavilədə məsuliyyətin mənim üzərimdə olduğu göstərilib. Düzdür, istintaqda mən özümü günahkar bilmişəm, amma sonradan düşündüm ki, lövhələri mən quraşdırmıramsa, niyə məsuliyyət daşıyıram?”
Əldə etdiyimiz məlumata görə, ölüm faktına görə cinayət işi açılanda Elbəyi Rəhimova işi öz üzərinə götürməsi, onun işini “həll” edəcəklərini deyiblər. Amma Elbəyi Rəhimov sonradan tək qaldığını başa düşüb. Sonda da həbs edilərək 3 il müddətinə dəmir barmaqlıqlar arxasına göndərilib.
“Mən Naxçıvanda olsaydım, həmin küləkli havada iş görülməsinə icazə verməzdim. Ən azından reklam yeri qazılıb, beton töküldükdən sonra qurumasını gözləyərdik. Mənim işçilərimi “Focus Media”nın işçiləri (Yusif və İslam adlı şəxsləri nəzərdə tutur - müəllif) məcbur ediblər ki, işləsinlər. Deyiblər ki, rəsmi tədbir olduğu üçün işləri sürətli görmək lazımdır” - Rəhimov bildirib.
Mərhumun oğlu Kamil Qafarovun fikirlərində də maraqlı məqamlar var. Onun sözlərinə görə, anası xəstəxanada ölüm ayağında olan zaman “Focus Media”nın nümayəndələri Yusif və İslam onun yanına gələrək “bizdən şikayətçi olma” deyiblər.
Elbəyi Rəhimov mərhumun oğluna yas xərcləri üçün 40 min manat pul verib.
Kamil Qafarov bu işdə günahkar şəxsin Elbəyi Rəhimov olduğunu düşünüb. Amma sonrakı mərhələdə Elbəyi Rəhimovun dediklərini, işin gedişatını görəndə fikrini dəyişib. Deyib ki, Elbəyi Rəhimovdan şikayətçi deyil. O, anasının ölümünə səbəb olan hadisənin əsas günahkarlarının cəzalandırılmasını tələb edib. Kamil Qafarov əsas da ondan şübhələnib ki, “Focus Media”nın nümayəndələri Elbəyi Rəhimovu tək qoyublar və işin gedişatında onunla münasibəti kəsiblər.
Bu qalmaqallı və qaranlıq işdə diqqət çəkən məqamlardan biri də şahidlərin Yusif və İslamın adını istintaq zamanı yox, məhkəmədə çəkmələri olub. Onlar məhkəmədə işlə bağlı göstərişləri Yusif və İslamdan aldıqlarını deyiblər. Və təsdiq ediblər ki, hadisə vaxtı Elbəyi Rəhimov Naxçıvanda olmayıb.
“Focus Media”nın nümayəndəsi Yusif mərhumun oğlunun dediyinin doğru olmadığını bildirib. Söyləyib ki, ona “bizdən şikayətçi olma” kimi bir söz deməyib.
Elbəyi Rəhimovun işçiləri deyiblər ki, külək olduğu üçün, iş yükləri çox olduğuna görə həmin gün işləmək istəməyiblər. Amma “Focus Media”nın nümayəndəsi Yusif onlara deyib ki, burda rəhbər odur və dedikləri yerinə yetirilməlidir.
Başqa bir diqqət çəkən məqam da budur ki, mərhumun oğlu “Brend Media Group” rəhbərliyindən və onun Naxçıvandakı nümayəndəliyindən narazı qalıb və şikayətçidir.
Mövzunu davam etdirəcəyik.
Musavat.com
Naxçıvan MR Səhiyyə naziri Samiq Sadıxov uzun müddətdir ki,Naxçıvamın dövlət büdcəsini müxtəlif yollarla talamaqla məşğuldur.Bu yollardan biri də seçmə üsulu ilə seçdiyi “Tibb elmində böyük kəşflər” etmiş uzmanlıq səviyyəsinə yenicə yüksəlmiş bir qrup həkimi hətta Türkiyə prezidenti möhtərəm Rəcəb Tayyib Ərdoğanın aldığı məvacibdən daha yüksək məbləğdə saxta yolla əmək haqqı ilə hər ay mükafatlandırır.Xahiş edirik ürəyi zəif olanlar özlərini ələ alıb sakitləşdirici qəbul etsinlər və sonra tanış olsunlar:
Bunların bilinən bir qrupu aşağıdakılardır:
Naxçıvan Sağlamlıq Mərkəzi:
1.Zeynalova Amalya (radioloq)- 12175 manat + 1630 manat = *13805.00 manat*
2.Qarayeva Vüsalə (radioloq)- 10000 manat + 1318.00 manat = *11318.00 manat*
3.Fətullayeva Türkanə (radioloq)- 11403 manat + 1700 manat=*13103.00 manat*
4.Qaraşova Dilrubə (infeksionist) - 10000 manat + 1318 manat = *11318.00 manat*
5.Levent Aras (neyrocərrah)- 10630 manat + 1318 manat = *11948.00 manat*
6.Məmmədyarov İlyas (kardiocərrah)- 10630 manat + 1318 manat=*11948.00 manat*
7.Ələkbərov Anar (travmatoloq) - 10000 manat + 1318 manat = *11318.00 manat*
8.Babayeva Türkay (pediatr)- 6000 manat + 1318 manat = *7318.00 manat*
9.İlyas Yolbaş (pediatr)- *8850.00 manat*
10.Ülvi Şükürzadə (terapevt)- 5500 manat + 1318 manat= *6818.00* manat*
Hansı ki,Naxçıvan səhiyyəsinə bütün həyatını sərf etmiş,bilik və bacarığını əsirgəməmiş adlı-sanlı həkimlər bu “mükafatın” cüzi bir hissəsini ala bilirlərmi?
Əgər bu “mükafatlar” Samiq Sadıxovun kefi ilə deyil,qanunla tənzimlənirsə həmin müəssisədə işləmiş uzman Azər Məmmədova niyə şamil olunmurdu?
Hüquq mühafizə orqanlarına müraciət edirik:-Naxçıvan Səhiyyə naziri Samiq Sadıxov dövlət büdcəsinə görən niyə qənim kəsilib?
Davamı var…
Sima Babayeva
TEREF
"Bələdiyyələr haqqında söhbət düşəndə bütün Azərbaycanda hamı onlardan narazılıq edir. Deyirlər ki, bələdiyyə kənddə hec bir iş görmur, yalnız pul yığır və torpaq satır. Amma vətəndaşdan soruşanda ki, bələdiyyələrin vəzifəsi nədir, onlar sizin üçün nə iş görməlidir, bu suala dürüst cavab verən çox az sakin tapılır". Vertikal.Az bildirir ki, bunu öz açıqlamasında tanınmış iqtisadçı-ekspert Akif Nəsirli qeyd edib.
O daha sonra əlavə edib: "Yəni biz vətəndaş olaraq elementar hüquqlarımızı bilmirik. Biz bələdiyyələrin səlahiyyətlərini bilsək, oradan öz hüquqlarımızı da ayırd edə bilərik. Çoxları sadalıayir ki, qaz gəlmir, su yoxdur, işıq zəifdir və s. Amma gəlin görək, bələdiyyənin bu işlərə müdaxilə etməsinə qanun səlahiyyət verirmi? Əlbəttə, xeyr - "Bələdiyyələrin statisi haqqında" qanuna əsasən, bələdiyyələr yalnız bu xidmətlərdən müştəri olaraq istifadə edə və vətəndaşların bu istiqamətdə şikayətlərini diqqətə çatdıra bilər. Bununla əlaqədar təbii inhisarçı dövlət qurumları ilə müqavilə bağlaya bilər. Amma dünya təcrübəsində bələdiyyələr bu xidmətləri, bununla yanaşı tibb, təhsil və digər xidmətləri göstərmək səlahiyyətinə malikdir. Azərbaycanda isə, bələdiyyələr yalnız dövlət şirkətlərinin həyata keçirdiyi xidmətlərdən kənar olan problemlərin həllinə cavabdehdir. Məsələn, kənddaxili yolların təmiri, tullantıların daşınması, bələdiyyə balansında olan əmlakın idarə edilməsi və s. məsələlərlə məşğul ola bilər. İnkişaf etmiş ölkələrdə bələdiyyələrin məktəbləri, xəstəxanaları, ticarət, iaşə və digər xidmət obyektləri fəaliyyət göstərir. Bələdiyyələr həm xidmətlərdən pul qazanır, həm də qazandığı vəsait hesabına idarə etdiyi ərazidəki problemləri həll edir, əhaliyə lazımi xidmətlər göstərir və öz biznesini genişləndirir. Həmin ölkələrdə bütün kommunal xidmətləri bələdiyyələr həyata keçirir. Adından da bəlli olduğu kimi, bələdiyyə yerli özünüidarəetmə orqanıdır. O ərazidə həm pul qazanmalıdır, həm də problemləri həll etməlidir.
Azərbaycanda isə bələdiyyələrin belə bir səlahiyyəti yoxdur və ya çox məhduddur".
Bizdə bələdiyyələr əsasən fiziki səxslərin yerli vergiləri və dövlət dotasiyası hesabına maliyyələşir.
Vertikal.Az-ın məlumatına görə, əhali də danışanda deyir ki, bələdiyyəyə pul veririk, amma iş görmürlər. Fikrimizcə, bu iki məsələ bir-birindən tamamilə fərqlidir. Birincisi, əhali bələdiyyəyə pul vermir, dövlətə verməli olduğu vergini bələdiyyəyə ödəyir. Bu, əmlak vergisi də ola bilər, digər yerli vergilər də ola bilər.
Digər tərəfdən, bələdiyyənin işləməsi üçün əhali bunu onlardan tələb etməlidir. Çünki onlar səlahiyyətləri məhdud olduğundan ərazidə iş görməyə maraqlı deyillər. Qeyd etdiyimiz inkişaf etmiş ölkələrdə bələdiyyələr ona görə xidmətə, işə maraqlıdır ki, onlar problemləri həll etməklə yanaşı həm də pul qazanır. Ona görə də iş görməkdə maraqlıdırlar.
Konkret olaraq Masazır bələdiyyəsinə gəldikdə isə, onun haqqında internet resurslarında özəl olaraq hec bir informasiyaya rast gəlinmir. Amma bu kəndin əhalisindən redaksiyamıza kifayət qədər şikayət daxil olur.
Yalnız Abşeron Rayon İcra Hakimiyyətinin rəsmi internet səhifəsində aşağıdakı məlumatı tapa bildik: "Masazır bələdiyyəsi yarandığı andan ərazinin abadlaşdırılması, daxili küçələrə asfalt və çınqıl döşənməsi, ağac, gül kollarının əkilməsi istiqamətində bir çox işlər görmüşdür. Məktəblərdə və uşaq bağçasında əsaslı təmir işləri aparmış, yeni iki mərtəbəli müasir tələblərə cavab verən poliklinika, bələdiyyə və icra nümayəndəsi üçün inzibati bina inşa edərək sakinlərin istifadəsinə verilmişdir. Mərkəzi Ə.Vahid küçəsi tamamilə yenidən qurulmuş, küçə genişləndirilmiş, divarlar bəzəkli çay daşı ilə üzlənmiş, dekorativ ağac və gül kolları əkilmiş, qəzəlxan ƏlağaVahidin abidəsi qoyulmuşdur".
"Gecə kəndin küçələri zülmət qaranlığa bürünür"
Bizimlə söhbətində 12 ildir Masazırda yasayan Yusif Əhmədov bildirdi ki, kənddə sosial problemlər kifayət qədərdir, amma bu illər ərzində bələdiyyələrin hansısa problemi həll etdiyinin şahidi olmayıb: "Kənddə işıq, qaz, su, yol, tullantı problemləri başdan aşır. Son zamanlar yalnız ictimai nəqliyyatın hərəkət etdiyi yollarda təmir işləri aparılıb. Bir il əvvəl kəndə küçə işıqları çəkilib, amma işıqlar artıq yanmır, gecə kəndin küçələri zülmət qaranlığa bürünür. Yalnız küçələrin bəzi yerlərində işıq yanır. Kəndin kücələri bərbad gündədir, tullantı dizə çıxır. Kənddə mal-qaranın saxlanılması bu problemi bir qədər də ağırlaşdırır. Qəsəbədə yalnız iki marşrut üzrə ictimai nəqliyyat işləyir ki, bu da əhalinin tələbatını ödəmir".
"Uşaqların əylənməsi üçün bir dənə də olsun park yoxdur"
Kənd sakini Amil Vəliyev isə deyir ki, 300 minə yaxın əhalisi olan bu kənddə sakinlərin istirahət və əyləncəsi üçün heç bir məkan nəzərdə tutulmayıb: "Uşaqların əylənməsi üçün bir dənə də olsun park yoxdur. Belə bir məkanın perspektivdə olma ehtimalı da yoxdur. Çünki bunun üçün yer yoxdur. Masazır kəndinin bütün boş əraziləri, hətta tullantıların toplanması üçün nəzərdə tutulan məkanlar belə bələdiyyə tərəfindən satılıb. Bizim məhəllədə 5-6 tullantı məntəqəsi var idi, indi cəmi biri qalıb. Valideynlər də tullantını atmağı uşaqlara həvalə edir, uşaqlar isə, məsafə uzaq olduğu üçün tullantını hara gəldi atır. Nə köhnə bələdiyyə üzvlərini tanıyırıq, nə də təzə namizədləri görmüşük. Gəlib deyən yoxdur ki, mən namizədəm, mənə səs verin. Bütün seçki prosesi bələdiyyənin inzibati binasında başlayır, elə orda da bitir".
"Allah iraq eləsin, yanğın olsa yanğınsöndürən gəlib göstərilən ünvanı tapa bilməyəcək"
Masazır sakini Bəhram Kərimov isə bildirdi ki, yaşayış məntəqəsində ünvanlar səhv göstərilib: "Mənim evimin çıxarışı var. Amma orda göstərilən ünvanı mən kənddə tapa bilmirəm. Allah iraq eləsin, yanğın olsa yanğınsöndürən gəlib göstərilən ünvanı tapa bilməyəcək. Təcili yardımı çıxıb mərkəzi küçədə qarşılayırıq, yoxsa gəlib mənzili tapa bilmir. Bəs adam evdə tək yaşayırsa, onun üçün təcili yardımı kim qarşılayacaq? Masazır Bakıya ən yaxın yaşayış məntəqəsi olsa da, burada insanların sosial rifahı üçün heç bir iş görülmür. Sakinlər öz xərcləri hesabına yol təmir edir, zədələnmiş su, qaz borularını dəyişir və s.".
Masazır bələdiyyəsinin sədri Fətullayev Rüfət Səyavuş oğlunun iş telefonuna və bələdiyyənin digər xidməti stasionar telefon nömrəsinə zəng çatmadı. Ona görə də Masazır bələdiyyəsinin səlahiyyətli nümayəndələrini tapıb bütün bu ittihamlara onlardan cavab ala bilmədik.
Vertikal.Az
"Bələdiyyələr haqqında söhbət düşəndə bütün Azərbaycanda hamı onlardan narazılıq edir. Deyirlər ki, bələdiyyə kənddə hec bir iş görmur, yalnız pul yığır və torpaq satır. Amma vətəndaşdan soruşanda ki, bələdiyyələrin vəzifəsi nədir, onlar sizin üçün nə iş görməlidir, bu suala dürüst cavab verən çox az sakin tapılır". Vertikal.Az bildirir ki, bunu öz açıqlamasında tanınmış iqtisadçı-ekspert Akif Nəsirli qeyd edib.
O daha sonra əlavə edib: "Yəni biz vətəndaş olaraq elementar hüquqlarımızı bilmirik. Biz bələdiyyələrin səlahiyyətlərini bilsək, oradan öz hüquqlarımızı da ayırd edə bilərik. Çoxları sadalıayir ki, qaz gəlmir, su yoxdur, işıq zəifdir və s. Amma gəlin görək, bələdiyyənin bu işlərə müdaxilə etməsinə qanun səlahiyyət verirmi? Əlbəttə, xeyr - "Bələdiyyələrin statisi haqqında" qanuna əsasən, bələdiyyələr yalnız bu xidmətlərdən müştəri olaraq istifadə edə və vətəndaşların bu istiqamətdə şikayətlərini diqqətə çatdıra bilər. Bununla əlaqədar təbii inhisarçı dövlət qurumları ilə müqavilə bağlaya bilər. Amma dünya təcrübəsində bələdiyyələr bu xidmətləri, bununla yanaşı tibb, təhsil və digər xidmətləri göstərmək səlahiyyətinə malikdir. Azərbaycanda isə, bələdiyyələr yalnız dövlət şirkətlərinin həyata keçirdiyi xidmətlərdən kənar olan problemlərin həllinə cavabdehdir. Məsələn, kənddaxili yolların təmiri, tullantıların daşınması, bələdiyyə balansında olan əmlakın idarə edilməsi və s. məsələlərlə məşğul ola bilər. İnkişaf etmiş ölkələrdə bələdiyyələrin məktəbləri, xəstəxanaları, ticarət, iaşə və digər xidmət obyektləri fəaliyyət göstərir. Bələdiyyələr həm xidmətlərdən pul qazanır, həm də qazandığı vəsait hesabına idarə etdiyi ərazidəki problemləri həll edir, əhaliyə lazımi xidmətlər göstərir və öz biznesini genişləndirir. Həmin ölkələrdə bütün kommunal xidmətləri bələdiyyələr həyata keçirir. Adından da bəlli olduğu kimi, bələdiyyə yerli özünüidarəetmə orqanıdır. O ərazidə həm pul qazanmalıdır, həm də problemləri həll etməlidir.
Azərbaycanda isə bələdiyyələrin belə bir səlahiyyəti yoxdur və ya çox məhduddur".
Bizdə bələdiyyələr əsasən fiziki səxslərin yerli vergiləri və dövlət dotasiyası hesabına maliyyələşir.
Vertikal.Az-ın məlumatına görə, əhali də danışanda deyir ki, bələdiyyəyə pul veririk, amma iş görmürlər. Fikrimizcə, bu iki məsələ bir-birindən tamamilə fərqlidir. Birincisi, əhali bələdiyyəyə pul vermir, dövlətə verməli olduğu vergini bələdiyyəyə ödəyir. Bu, əmlak vergisi də ola bilər, digər yerli vergilər də ola bilər.
Digər tərəfdən, bələdiyyənin işləməsi üçün əhali bunu onlardan tələb etməlidir. Çünki onlar səlahiyyətləri məhdud olduğundan ərazidə iş görməyə maraqlı deyillər. Qeyd etdiyimiz inkişaf etmiş ölkələrdə bələdiyyələr ona görə xidmətə, işə maraqlıdır ki, onlar problemləri həll etməklə yanaşı həm də pul qazanır. Ona görə də iş görməkdə maraqlıdırlar.
Konkret olaraq Masazır bələdiyyəsinə gəldikdə isə, onun haqqında internet resurslarında özəl olaraq hec bir informasiyaya rast gəlinmir. Amma bu kəndin əhalisindən redaksiyamıza kifayət qədər şikayət daxil olur.
Yalnız Abşeron Rayon İcra Hakimiyyətinin rəsmi internet səhifəsində aşağıdakı məlumatı tapa bildik: "Masazır bələdiyyəsi yarandığı andan ərazinin abadlaşdırılması, daxili küçələrə asfalt və çınqıl döşənməsi, ağac, gül kollarının əkilməsi istiqamətində bir çox işlər görmüşdür. Məktəblərdə və uşaq bağçasında əsaslı təmir işləri aparmış, yeni iki mərtəbəli müasir tələblərə cavab verən poliklinika, bələdiyyə və icra nümayəndəsi üçün inzibati bina inşa edərək sakinlərin istifadəsinə verilmişdir. Mərkəzi Ə.Vahid küçəsi tamamilə yenidən qurulmuş, küçə genişləndirilmiş, divarlar bəzəkli çay daşı ilə üzlənmiş, dekorativ ağac və gül kolları əkilmiş, qəzəlxan ƏlağaVahidin abidəsi qoyulmuşdur".
"Gecə kəndin küçələri zülmət qaranlığa bürünür"
Bizimlə söhbətində 12 ildir Masazırda yasayan Yusif Əhmədov bildirdi ki, kənddə sosial problemlər kifayət qədərdir, amma bu illər ərzində bələdiyyələrin hansısa problemi həll etdiyinin şahidi olmayıb: "Kənddə işıq, qaz, su, yol, tullantı problemləri başdan aşır. Son zamanlar yalnız ictimai nəqliyyatın hərəkət etdiyi yollarda təmir işləri aparılıb. Bir il əvvəl kəndə küçə işıqları çəkilib, amma işıqlar artıq yanmır, gecə kəndin küçələri zülmət qaranlığa bürünür. Yalnız küçələrin bəzi yerlərində işıq yanır. Kəndin kücələri bərbad gündədir, tullantı dizə çıxır. Kənddə mal-qaranın saxlanılması bu problemi bir qədər də ağırlaşdırır. Qəsəbədə yalnız iki marşrut üzrə ictimai nəqliyyat işləyir ki, bu da əhalinin tələbatını ödəmir".
"Uşaqların əylənməsi üçün bir dənə də olsun park yoxdur"
Kənd sakini Amil Vəliyev isə deyir ki, 300 minə yaxın əhalisi olan bu kənddə sakinlərin istirahət və əyləncəsi üçün heç bir məkan nəzərdə tutulmayıb: "Uşaqların əylənməsi üçün bir dənə də olsun park yoxdur. Belə bir məkanın perspektivdə olma ehtimalı da yoxdur. Çünki bunun üçün yer yoxdur. Masazır kəndinin bütün boş əraziləri, hətta tullantıların toplanması üçün nəzərdə tutulan məkanlar belə bələdiyyə tərəfindən satılıb. Bizim məhəllədə 5-6 tullantı məntəqəsi var idi, indi cəmi biri qalıb. Valideynlər də tullantını atmağı uşaqlara həvalə edir, uşaqlar isə, məsafə uzaq olduğu üçün tullantını hara gəldi atır. Nə köhnə bələdiyyə üzvlərini tanıyırıq, nə də təzə namizədləri görmüşük. Gəlib deyən yoxdur ki, mən namizədəm, mənə səs verin. Bütün seçki prosesi bələdiyyənin inzibati binasında başlayır, elə orda da bitir".
"Allah iraq eləsin, yanğın olsa yanğınsöndürən gəlib göstərilən ünvanı tapa bilməyəcək"
Masazır sakini Bəhram Kərimov isə bildirdi ki, yaşayış məntəqəsində ünvanlar səhv göstərilib: "Mənim evimin çıxarışı var. Amma orda göstərilən ünvanı mən kənddə tapa bilmirəm. Allah iraq eləsin, yanğın olsa yanğınsöndürən gəlib göstərilən ünvanı tapa bilməyəcək. Təcili yardımı çıxıb mərkəzi küçədə qarşılayırıq, yoxsa gəlib mənzili tapa bilmir. Bəs adam evdə tək yaşayırsa, onun üçün təcili yardımı kim qarşılayacaq? Masazır Bakıya ən yaxın yaşayış məntəqəsi olsa da, burada insanların sosial rifahı üçün heç bir iş görülmür. Sakinlər öz xərcləri hesabına yol təmir edir, zədələnmiş su, qaz borularını dəyişir və s.".
Masazır bələdiyyəsinin sədri Fətullayev Rüfət Səyavuş oğlunun iş telefonuna və bələdiyyənin digər xidməti stasionar telefon nömrəsinə zəng çatmadı. Ona görə də Masazır bələdiyyəsinin səlahiyyətli nümayəndələrini tapıb bütün bu ittihamlara onlardan cavab ala bilmədik.
Vertikal.Az
“Azercell Telekom” fakturalı xətt sistemində korporativ abunəçilərin istifadəsində olan “Data” nömrələr üçün təqdim edilən "Biznesim IoT 50 MB" və "Biznesim IoT 100 MB" tarif paketlərinin şərtləri və adlarını dəyişdirir.
İqtisadiyyat.az xəbər verir ki, dəyişikliklər fevralın 18-dən qüvvəyə minəcək.
Belə ki, "Biznesim IoT 50 MB" "Biznesim IoT 60 MB", "Biznesim IoT 100 MB" isə "Biznesim IoT 150 MB" adlandırılacaq.
Bununla bağlı aşağıdakı dəyişikliklər tətbiq ediləcək:
Bundan əlavə, həmin tarixdən etibarən fakturalı xətt sistemində korporativ abunəçilərə təqdim edilən “Buraxılmış zəng” xidmətinin aylıq abunə haqqı 0,60 AZN olaraq təyin ediləcək və “Buraxılmış zəng” xidməti ilə birlikdə təqdim edilən “Xəbər ver” xidmətindən ödənişsiz istifadə imkanı yaradılacaq.
Aktivetmə qaydaları:
Yalnız “Buraxılmış zəng” xidmətini aktivləşdirmək üçün *608*01#YES yığmaq və ya START açar sözünü 6080-ə göndərmək kifayət edir. “Buraxılmış zəng” və “Xəbər ver” xidmətini birlikdə aktivləşdirmək üçün (hər iki xidməti aktiv edir) həmçinin *608*1#YES yığmaq və ya START+ açar sözünü 6080-ə göndərmək kifayət edir.
Deaktivetmə qaydaları:
Xidmətdən imtina etmək üçün STOP yazıb 6080-ə göndərmək və ya telefonda *608*0#YES yığmaq lazımdır. “Buraxılmış zəng” xidməti ləğv edildikdə, müstəqil çalışmadığı üçün “Xəbər ver” xidməti də ləğv ediləcək. Yalnız “Xəbər ver” xidmətindən imtina etmək üçün isə telefonda *608*001#YES yığmaq və ya STOP+ yazıb 6080-ə göndərmək lazımdır.
Son zamanlarda cərrahların əslində sterilliyi daim qorumalı olan və heç bir yad cismin daxil olmadığı əməliyyat otağından paylaşımlarının ard-arası kəsilmir. Daha bir plastik cərrah Təbəssüm Qurbanova əməliyyat zamanı canlı yayın açaraq prosesi izləyicilərinə nümayiş etdirib.
Görüntülərdən məlum olur ki, bədənşəkilləndirmə əməliyyatı zamanı işçilərdən biri musiqi sədaları altında yazılan şərhləri oxuyur və cavablandırır. Həkimlər isə bu əsnada xəstədən piy çıxarmağa davam edirlər. Bu hadisə izləyicilərin tənqidinə səbəb olub.
Sözügedən görüntünü mühitin pozulmasını, xəstənin sağlamlığının riskə atılmasını qınayan sosial şəbəkə istifadəçiləri bu davranışı həkimin və tibb müəssisəsinin pasiyentlərə qarşı qeyri-peşəkar yanaşması kimi qiymətləndiriblər.
Analitik Ekspertiza Mərkəzindən verilən məlumata görə, qeyd edilən faktın qanunvericilik çərçivəsində araşdırılması üçün tapşırıq verilib: "Tədbirlər görülür. Araşdırmanın nəticəsi barədə məlumat veriləcək".
"Azərbaycan Reallığı"nın əldə etdiyi məlumata görə "Azər-Türk Med" klinikasında plastik cərrah kimi faliyyət göstərən Təbəssüm Qurbanova “Azərbaycan Dəmir Yolları” Qapalı Səhmdar Cəmiyyətinin keçmiş sədiri hazırda isə rəqəmsal inkişaf və nəqliyyat nazirinin müavini Cavid Qurbanovun yaxın qohmudur.
Onu da əlavə edək ki, xarici ölkələrdə pasiyent haqqında məlumatı yayan həkimlər həbs olunur. Sosial şəbəkələrdə, televiziyalarda həkimləri kiminsə reklam etməsi böyük bir biabırçılıqdır. Bu cür paylaşımlar, canlı yayımlar korporativ maraqlara xidmət edir. Belə hallar təbabətin mənəvi göstəriciləri ilə ziddir.
Yanvarın 29-da ölkə üzrə bələdiyyə seçkiləri keçiriləcək. Bu seçkilər yerli özünüidarəetmə baxımından vacib seçki heab edilir.
Lakin bəzi rayonlarda çete halında büdcə təşkilatlarında kök salmış şəxslər seçkiləri sanki evlərindəki toy-nişan kimi təşkil edib indidən sonucunu da müəyyən ediblər.
Gundeminfo.az-a daxil olan məlumata görə Sabirabad rayonunda ən böyük kəndlərdən biri ol. an Cavad Bələdiyyəsi üzrə seçkilər də bir qrup məmurun maraqları üçün artıq formalaşdırılıb.
Cavad Bələdiyyəsi üzrə qeydə alınan namizədlərin sayı 21 nəfərdir. Bələdiyyə üzrə seçiləcək üzvlər isə 11 nəfər olacaq. Förd kəndi, Cavad, Həsənli, Əlicanlı və Zəngənə kəndlərini əhatə edən bu bələdiyyə ərazisində xeyli sayda məmurun böyük fermaları, torpaq sahələri və obyektləri var.
Bu baxımdan da Cavad Bələdiyyəsi ilə bağlı “şəxsi dükan” prinsipləri işləyir.
Gundeminfo.az-a daxil olan məlumata görə Cavad Bələdiyyəsi Kür və Araz Çaylarında Bəndlərin Mühafizəsi İdarəsinin rəisi Elman Nuriyevin Kurasiyasındadır. Elman Nuriyev uzun illər Meliorasiya və Su Təsərrüfatı Cəmiyyətinin sədrinin müavini olmuş Zakir Quliyevin bibisioğludur.
Zakir Quliyev hazırda Regional Su Meliorasiya Xidmətinin rəisidir. Yəni bu o deməkdir ki, Zakir Quliyev Mərkəzi Arandakı qoyun sürülərini saxlamağa davam edəcək. Torpaqlarını əkəcək və əlbəttə ki, Sabirabadda hakimi-mütləq olaraq nifuzunu qoruyacaq.
Z.Quliyevin yaxın qohumları Sabirabadda yüksək vəzifə tutmaqla yanaşı həm də daha böyük hədəflərə çatmaq istəyirlər.
Məsələn Cavad Bələdiyyəsi üzrə uzun illər bələdiyyə sədri olan Ağahəsən Rüstəmliyə də sürpriz hazırlayıblar. Elman Nuriyevin qardaşı oğlu Nihad Nuriyev bələdiyyə üzvlüyünə namizəddir. Nihad Nuriyev əslində kənddə Qoçu kimi tanınır. Bəli babasının adın daşıyır. Qoçu Kür və Araz Çaylarında Bəndlərin Mühafizə İdarəsinin rəisi Elman Nuriyevin sevimli kadrıdır. Çünki uzun illər elə bu idarədə yüksək vəzifələrdə “çalışıb”. Yəni əmək haqqı kartları cibində olub.
Niyə “əmək haqqı kartları”? Bəli Qoçu (Nihad) Nuriyev krallar kimi həyat yaşayıb. Kəndin qaziləri, şəhid ailələri işsizlikdən məmurların qapısında yalvaranda Qoçu öz bahalı avtomobilləri ilə kənddə qoçuluq edirdi.
Qoçu (Nihad) Nuriyevin atası Nuriyev Saleh Qoçu oğlu da yetərincə biznes “uğurları” qazanıb.
Məsələn elə Cavad kındində Kür çayının mühafizə zolağında yerləşən böyük bir ərazini zəbt edib özünə restoran, kafelər, avtotəmir sexləri yaradıb. Amma onun “uğurlu” biznesi bununla da bitməyib. Bu barədə detallı olaraq məlumatları təqdim edəcəyik.
İndi isə qayıdaq yanvarın 29-da Cavad Bələdiyyəsi üzrə keçiriləcək seçkilərə. Bu seçkilər böyük ehtimalla Elman Nuriyevin Sabirabad Rayon Yeni Azərbaycan Partiyasının sədrinin müavini olaraq nəzarətində keçəcək.
Çünki qardaşıoğlu Nihad (Qoçu) Nuriyev hər yerdə “nə seçki, sədr özüm olacam” deyir.
Redaksiyamıza Cavad kəndindən olan Birinci və İkinci Vətən Müharibəsinin iştirakçıları tərəfindən Ali Baş Komandan Cənab İlham Əliyevə ünvanlanmış müraciət daxil olub. Bələdiyyə ərazisində yaşayan elm adamları, Qarabağ qaziləri, veteranları seçkilərin şəffaf keçirilməsiinin təmin edilməsi üçün Ali Baş Komandana müraciət ediblər. Onlar böyük bir bələdiyyənin (700 hektara yaxın torpaq sahəsi, 500 iaşə obyektinin olduğu ) ərazisində seçkilərin demokratik keçirilməsi üçün müraciət ediblər.
Ardı var....
Məqalədə səsləndirilən iddialarla bağlı qarşı tərəfin də mövqeyini dinləməyə hazırıq.
"Bakı Şəhər Əsaslı Tikinti və Təmir” Məhdud Məsuliyyətli Cəmiyyəti sifarişçi olduğu 32 milyon manatlıq tenderə yekun vurub.
Qlobal.az xəbər verir ki, "Bakı şəhəri, Yasamal rayonu, Mərkəzi parkın davamı (S.Tağızadə, A.Şaiq, N.Aşurbəyova küçələrinin əhatəsində salınacaq yeni park) və ətraf ərazilərin abadlaşdırma işlərinin satın alınması" lotu üzrə keçirilən tenderdə "Vest LTD" Qapalı Səhmdar Cəmiyyəti qalib elan edilib.
Qeyd edək ki, "Bakı Şəhər Əsaslı Tikinti və Təmir” Məhdud Məsuliyyətli Cəmiyyəti Bakı Şəhər İcra Hakimiyyətinin tabeliyində fəaliyyət göstərir.
"Bakı Şəhər Əsaslı Tikinti və Təmir” MMC 2019-cu ilin fevral ayında təsis edilib. Şirkətin nizamnamə kapitalı 100 manat, qanuni təmsilçisi Əliyev Abit Sadıq oğludur.
Abit Əliyev eldar Əzizovun ən yaxın kadrlarındandır. Belə ki, Eldar Əzizov 2003 – cü ildə Gəncə şəhəri İcra Hakimiyyətinin başçısı təyin olunduqdan sonra Samux rayonunda Qaz İstismar İdarəsinin müdiri işləyən Abit Əliyevi Gəncə şəhər Mənzil Kommunal Təsərrüfatı İdarəsinə müdir təyin etmişdir. Sonradan Sumqayıt şəhər İcra hakimiyyətinin başçısı vəzifəsinə gələn E.Əzizov Abit Əliyevi də özü ilə Sumqayıta gətirmişdir.
Eldar Əzizov Bakı şəhər İcra hakimiyyətinin tabeliyində 2019-cu ildə yaradılan "Bakı Şəhər Əsaslı Tikinti və Təmir” MMC-yə rəhbər təyin edib.
Tenderdə qalib elan edilən "Vest LTD" QSC-nin mediada "tender kralı" kimi tanınan Ramazan Mirzəyevə məxsus olduğu deyilir.
Yerli mətbuatda daha çox "hacı" kimi məşhurlaşan Ramazan Mirzəyevin çoxsaylı şirkətlərinin dövlət satınalmalarında, əsasən də Bakı şəhər İcra hakimiyyətinin, Elm və Təhsil, Səhiyyə, Mədəniyyət nazirliklərinin tenderlərində qalib edildiyi bildirilir.
Cahandar Laçınlı
Qlobal.az