Rusiya millisi yoldaşlıq oyununda Bruney yığmasına böyükhesabla qalib gəlib.

"Report" xəbər verir ki, "Krasnodar" stadionunda baş tutan matçda ev sahibləri 11:0 hesablı qələbə qazanıb.

Qeyd edək ki, noyabrın 19-da Rusiya daha bir yoxlama görüşü keçirəcək. Valeriy Karpinin rəhbərlik etdiyi yığma Suriya seçməsi ilə qarşılaşacaq.

“Hazırda AFFA-da işlənib hazırlanan yeni strategiya AFFA-nın yeni prezidenti Rövşən Nəcəfin irəli sürdüyü baxışlara əsaslanır. Müəyyən bir qismini Rövşən Nəcəf 2 aprel, 2024-cü il tarixində AFFA-nın Hesabat-Seçki Konfransında da səsləndirmişdi. Əlavə olaraq, sözügedən strategiyada AFFA İcraiyyə Komitəsinin üzvləri və ümumi olaraq futbol ictimaiyyətinin də məqsədəuyğun fikirləri nəzərə alınacaq”.

Bu fikirləri AFFA-nın vitse-prezidenti, qurumun İcraiyyə Komitəsinin üzvü Balakişi Qasımov sports.az saytında yayımlanan müsahibəsində deyib

O, bildirib ki, yeni strategiyanın bu ilin sonuna qədər ictimaiyyətə təqdim olunacağı və geniş müzakirəyə çıxarılacağı nəzərdə tutulur.

B.Qasımov “Qarabağ”ın baş məşqçisi Qurban Qurbanova niyə milli komandanın baş məşqçisi vəzifəsinin təklif olunmadığı haqda sual da ünvanlanıb. O, bununla bağlı bildirib:

“Bu sual mənə verilibsə, yəqin ki, nəyə görə Qurban Qurbanovun namizədliyinin şəxsən mənim tərəfimdən irəli sürülməməsindən söhbət gedir. İlk növbədə, qeyd edim ki, Qurban Qurbanova böyük hörmətim var və o bu məsələdə mövqeyimi yaxşı bilir. Milli komandanın davamlı uğurlarının əldə olunması üçün çox vaxt lazımdır.

Artıq qeyd etdiyim kimi, Qurban Qurbanov “Qarabağ”ı tərk etsə, bu, “Qarabağ” üçün böyük itki ola bilər. Düşünürəm ki, Qurban Qurbanovun rəhbərliyi altında “Qarabağ”ın beynəlxalq arenalarda ölkəmizi layiqincə təmsil edərək uğurlar qazanması çox vacibdir”.

“Mançester Yunayted”in və Portuqaliya millisinin yarımmüdafiəçisi Bruno Fernandeş Kriştiano Ronaldo ilə ilk görüşündən danışıb.

Publika.az xəbər verir ki, Fernandeş onu xeyli təəccübləndirən məqamdan danışıb:

“Məncə, bilmədiyiniz çox şey var. Onun necə yaşadığını anlamaq üçün daim onun yanında olmalısınız. O, əla rəqqasdır və rəqs hərəkətlərini yaxşı bilir. Gülməli, həm də həyəcanlıdır.

Buraya ilk gələndə heyran olduğum böyük oyunçuların əhatəsində idim, amma çox utancaq idim. Heç kimlə danışmaq istəmirdim. Başımı aşağı salıb salam verdim və mən gələndə Kriştiano orada deyildi. Çünki mən çox tez çatmışdım. Amma Ronaldo gələndə mənimlə danışdı, adımı çağırdı. “Matçlarını gördüm, qol vurursan, “Sportinq”də əla oynayırsan” dedi.

Dostlarım və ailəmlə danışmaq üçün otağıma qayıtdığımı xatırlayıram. “Oyunlarımı görüb, adımı haradan bilir”, – deyə təəccübləndim. Axı bu, milli komandada ilk dəfəm idi. Heyran olduğunuz oyunçular məni tanıyırdı”.

“Qarabağ” klubunun dəvəti ilə Azərbaycana gələcək Fatih Terim KİV nümayəndələri ilə görüşəcək.
Bu barədə Ağdam təmsilçisinin mətbuat xidməti məlumat yayıb.
Bakıda keçirilən COP29 çərçivəsində “Qarabağ”ın təşəbbüsü ilə yaradılacaq futbol klublarının iqlim dəyişikliyi ilə mübarizədə birgə alyansını dəstəkləmək üçün ölkəmizə təşrif buyuran mütəxəssisin jurnalistlər üçün brifinqi sabah təşkil olunacaq.
Alyansın yaradılması ilə bağlı tədbirdən sonra keçiriləcək görüş Yaşıl zonada olacaq. Terimin jurnalistlərlə görüşü saat 17:00-da başlayacaq. Brifinq bütün mətbuat nümayəndələri üçün açıq olacaq.
Qeyd edək ki, “Qarabağ”, həmçinin “Liverpul”, “Tottenhem” (hər ikisi İngiltərə), “Atletiko Madrid”, “Real Betis” (hər ikisi İspaniya), “Fənərbaxça”, “Qalatasaray” (hər ikisi Türkiyə), “Udineze” (İtaliya), “Porto” (Portuqaliya), “Flamenqo” (Braziliya) və “Malmö”nün (İsveç) yer alacağı alyansın yaradılması ilə bağlı tədbir noyabrın 16-da saat 14:00-da Mavi zonanın “Nəsimi” zalında baş tutacaq və Mavi zona üçün akkreditasiyadan keçən hər kəs üçün açıq olacaq.

Qazaxıstan yığmasının UEFA Millətlər Liqasında B Liqasını tərk edəcəyi dəqiqləşib.

"Report" xəbər verir ki, V turda Avstriya ilə qarşılaşan Stanislav Çerçesovun rəhbərlik etdiyi seçmə 0:2 hesabı ilə məğlub olaraq C Liqasına yuvarlanıb.

Bu, millinin rusiyalı mütəxəssisin rəhbərliyi altında ardıcıl aldığı dördüncü məğlubiyyət olub.

Qeyd edək ki, Qazaxıstan B Liqasının üçüncü qrupunda 1 xalla sonuncu sırada qərarlaşıb.

Türkiyə Futbol Federasiyası millinin baş məşqçisi Vinçenzo Montellanın “Roma”ya keçəcəyi ilə bağlı iddialara münasibət bildirib.

TEREF xəbər verir ki, bu barədə TFF-nin vitse-prezidenti Ceyhun Kazancı açıqlama verib:

“Belə bir klubun öz əfsanəsinə təklif etməsi təbiidir. Bizə gələn heç bir rəsmi təklif yoxdur. Rəsmi bir vəziyyət olarsa, qiymətləndiriləcək. Biz məşqçimizdən və məşqçimiz də bizdən razıdır. Məncə, məşqçimizin o istiqamətə meyli olmayacaq. “Roma” söhbətimizin mövzusu deyil”.//Qafqazinfo

Braziliya futbolunun əfsanəsi Roberto Karlos Bakıya gəlib.

Bakupost.az xəbər verir ki, o, bu barədə öz sosial şəbəkə hesabında məlumat paylaşıb.
Karlos COP29-la bağlı Azərbaycana səfərə gəlib.
Qeyd edək ki, daha öncə FİFA-nın prezidenti Canni İnfantino və braziliyalı ulduz futbolçu Ronaldinyo da COP29-la əlaqədar Bakıya gəlib.