 |
|
|
"Barselona"nın yarımmüdafiəçisi Pedri "Osasuna"yla təxirə salınmış oyunla bağlı fikirlərini bölüşüb.
"Barca Universal" Pedrinin fikirlərini belə təqdim edib:
"Bir az yorğunuq, amma unutmamalıyıq ki, biz "Barsa"yıq. Cümə axşamı günü var qüvvəmizi sərf etməyə çalışacağıq. Ümumiyyətlə, La Liqanı qazanmaq üçün əlimizdən gələni edəcəyik".
22 yaşlı yarımmüdafiəçi bu mövsüm bütün turnirlərdə 42 matçda meydana çıxıb, 5 qol vurub və 7 məhsuldar ötürmə edib.
İspaniya çempionatının 27-ci turunun "Barselona" - "Osasuna" matçı martın 27-də keçiriləcək.
Xatırladaq ki, oyun martın 8-də keçirilməli idi, lakin “Barselona”nın həkimi Karles Minarro Qarsianın qəfil ölümü ilə əlaqədar matç ertələnmişdi. \\Fanat.Az
Dünən keçirilən Millətlər Liqası matçında Türkiyə yığması səfərdə Macarıstanı 3:0 hesabıyla məğlub edib.
Görüş zamanı Arda Gülerlə "Liverpul"un futbolçusu Dominik Soboslai arasında qısa bir gərginlik yaranıb. Lakin bu, matçdan sonra da davam edib.
Macarıstanlı futbolçu ikisinin şəklini paylaşan bir instaqram səhifəsinə 1088 dəqiqə yazıb. Bu rəqəm Ardanın bu mövsüm "Real" forması ilə meydanda olduğu dəqiqələri göstərir. /Offsideplus.az
UEFA Millətlər Liqasının B diviziasının seçmə mərhələsi çərçivəsində Gürcüstan və Ermənistan arasında keçirilən pley-off mərhələsinin cavab oyununda hesab dördüncü dəqiqədə açılıb.
Bu barədə Gürcüstan mətbuatı yazıb.
Gürcüstan millisinin və Avstriyanın “Şturm” klubunun 28 yaşlı yarımmüdafiəçisi Otar Kiteişvili fərqlənib. Oyunun dördüncü dəqiqəsində onun güclü zərbəsindən sonra top "Pyunik"in müdafiəçisi və millinin kapitanı Varazdat Haroyana toxunaraq qapıya yol tapıb.
Birinci yarı 5-0 hesablı biabırçı məğlubiyyətlə başa çatıb.
Qeyd edək ki, Ermənistanın baş naziri Nikol Paşinyanın oyunu izləmək üçün bu gün Tbilisiyə gedib.
Xatırladaq ki, Gürcüstan komandası İrəvanda 3:0 hesabı ilə qalib gəlmişdi.
Beynəlxalq Avtomobil Federasiyası (FIA) "Formula 1" Çin Qran Prisindən sonra Ferrari komandasının britaniyalı pilotu Lyuis Hamiltonu diskvalifikasiya edib.
Bu barədə yarış seriyasının saytında məlumat verilib.
Altıncı yeri tutan idmançının nəticəsi ləğv edilib. Bu, aşkar edilmiş texniki qaydaların pozulması səbəbindən baş verib. Ferrari səhvini etiraf edib.
Hamiltonun komanda yoldaşı Çarlz Lekler və Pyer Qasli də Çin Qran Prisindən sonra diskvalifikasiya ediliblər. Onların avtomobillərinin çəkisi icazə verilən minimum çəkidən az olub.
UEFA Millətlər Liqasının pley-off mərhələsinin cavab oyunları keçirilir.
Apasport.az xəbər verir ki, günün ilk matçında Gürcüstan millisi Ermənistanı qəbul edib.
Görüşə yaxşı başlayan ev sahibləri ilk 35 dəqiqədə rəqib qapısına 5 top vurublar.
Oyun gürcülərin 6:1 hesablı qələbəsi ilə başa çatıb.
Qeyd edək ki, ilk oyunda da Gürcüstan millisi Ermənustan yığmasını İrəvanda 3:0 məğlub etmişdi.
Futbol üzrə Azərbaycan millisi yoldaşlıq görüşündə Haiti yığmasına məğlub olub.
"Cebheinfo.az" xəbər verir ki, rəqibini Mehdi Hüseynzadə adına Sumqayıt şəhər stadionunda qəbul edən yığma 2025-ci ildəki ilk oyununda 0:3 hesabı ilə uduzub.
Rəqibin heyətində Frantsdi Pyerro (9, 63) dubl müəllifi olub. Digər qolu isə Jan Jak (83) aktivinə yazdırıb.
Millimizin heyətində 84-cü dəqiqədə Elvin Cəfərquliyev qırmızı vərəqə alaraq meydandan qovulub.
Qeyd edək ki, Fernandu Santuşun rəhbərlik etdiyi kollektiv üç gün sonra "Bank Respublika Arena"da Belarus seçməsini sınağa çəkəcək.
23:26
Yoxlama oyununda üz-üzə gələn Azərbaycan və Haiti millilərinin duelində üçüncü qol vurulub.
Sumqayıtdakı Mehdi Hüseynzadə adına şəhər stadionunda qonaqlar hesabı 3:0 hesabı ilə öndədirlər.
83-cü dəqiqədə Jan Jak dəqiq zərbə müəllifi olub.
23:06
Yoxlama oyununda üz-üzə gələn Azərbaycan və Haiti millilərinin duelində ikinci qol vurulub.
Sumqayıtdakı Mehdi Hüseynzadə adına şəhər stadionunda qonaqlar hesabı 2:0 hesabı ilə öndədirlər.
63-cü dəqiqədə Frantsdi Pyerro dubl müəllifi olub.
22:48
Yoxlama oyununda üz-üzə gələn Azərbaycan və Haiti millilərinin duelində ikinci hissə başlayıb.
Sumqayıtdakı Mehdi Hüseynzadə adına şəhər stadionunda qonaqlar 1:0 hesabı ilə öndədirlər.
9-cu dəqiqədə Frantsdi Pyerro adını tabloya yazdırıb.
22:30
Yoxlama oyununda üz-üzə gələn Azərbaycan və Haiti millilərinin duelində ilk hissə başa çatıb.
Sumqayıtdakı Mehdi Hüseynzadə adına şəhər stadionunda qonaqlar 1:0 hesabı ilə öndədirlər.
9-cu dəqiqədə Frantsdi Pyerro adını tabloya yazdırıb.
21:55
Yoxlama oyununda üz-üzə gələn Azərbaycan və Haiti millilərinin duelində hesab açılıb.
Sumqayıtdakı Mehdi Hüseynzadə adına şəhər stadionunda qonaqlar hesabda irəli çıxıblar.
9-cu dəqiqədə Frantsdi Pyerro adını tabloya yazdırıb.
21:45
Futbol üzrə Azərbaycan milli komandası yoxlama oyununda Haiti ilə qarşılaşır.
Görüş Sumqayıtdakı Mehdi Hüseynzadə adına şəhər stadionunda keçirilir.
Matçı Türkiyəli baş hakim Kadir Sağlam idarə edir.
Futbol üzrə Azərbaycan milli komandası bu gün 2025-ci ildə ilk oyununa çıxacaq.
"DogruXeber.az" xəbər verir ki, portuqaliyalı Fernandu Santuşun rəhbərlik etdiyi komanda yoldaşlıq matçında Haiti millisi ilə üz-üzə gələcək.
Bu, komandaların tarixlərində bir-birlə ilk qarşılaçmasıdır.
Millimiz rəqibini Mehdi Hüseynzadə adına Sumqayıt şəhər stadionunda qəbul edəcək. Görüş 21:45-də start götürəcək.
Haiti millisi hazırda FİFA reytinqində 86-cı yeri tutur. Azərbaycan yığması isə 117-ci yerdə qərarlaşıb.
Milli komandamız sonuncu yoxlama oyununu ötən il iyunun 11-də Qazaxıstana qarşı keçirib və 3:2 hesablı qələbə qazanıb.
Qeyd edək ki, 3 gün sonra Azərbaycan millisi növbəti yoxlama görüşündə Bakıda Belarusla üz-üzə gələcək.
Hakimlər: Kadir Sağlam, Deniz Caner Ozaral, Anıl Usta (Türkiyə), Fərid Hacıyev (Azərbayan)
Almaniyanın "Bild" qəzeti "Nürnberq"də çıxış edən Azərbaycan millisinin futbolçusu Mahir Emreli ilə bağlı iddia irəli sürüb.
Oxu.Az "Bild" nəşrinə istinadən xəbər veir ki, 27 yaşlı hücumçunun II Bundesliqanın 26-cı turunda evdə "Qroyter"ə (3:0) qalib gəldikləri oyundan sonra komanda ilə birlikdə qələbəni qeyd etməyib.
Nəşr bunu azərbaycanlı futbolçu tərəfindən eqoist hərəkət kimi dəyərləndirib.
"Nürnberq"in baş məşqçisi Miroslav Kloze məsələ ilə bağlı qəzetə deyib ki, azərbaycanlı futbolçunun milliyə yollanması ilə bağlı vaxt azlığı olub:
"O, oyundan dərhal sonra hamı ilə sağollaşdı. Bu, əvvəlcədən razılaşdırılmışdı. O, Münhendən uçurdu və stadiondan nə qədər tez çıxa biləcəyini bilmirdi. Çünki stadion dolu idi".
Nəşr forvardın "Maqdeburq"u məğlub etdikləri (4:3) görüşdə də eyni hərəkəti etdiyini vurğulayıb.
Qeyd edək ki, Mahir Emreli "Qroyter"lə oyunun 82-ci dəqiqəsində meydana daxil olub.
"Real Madrid", "Sevilya" və PSJ-nin sabiq futbolçusu, hazırda "Monterrey"də çıxış edən Serxio Ramos dünya futbolunun tarixinə düşüb.
Oxu.Az xəbər verir ki, bu barədə "Sky Sports" məlumat yayıb .
Mənbənin hesablamasına görə, o, qırmızı vərəqə sayına görə rekordçu olub. "Pumas"la matçda aldığı qırmızı vərəqə ispaniyalının karyerasında otuzuncu olub. Beləliklə, o, Felipe Baloyinin rekordunu qırıb.
Qeyd edək ki, Serxio 2025-ci ilin fevralından Meksika "Monterrey"inin şərəfini qoruyur. Sözügedən komanda hazırda 12 turdan sonra 19 xalla çempionatın turnir cədvəlində səkkizinci pillədə qərarlaşıb.
Ramos bu mövsüm artıq 5 oyun keçirib və 3 qol vurub.
Səudiyyə Ərəbistanının "Ən-Nəsr" klubunun kapitanı Kriştianu Ronaldunun fiziki hazırlığını qoruyub saxlamasına kömək edən yeməyin adı məlum olub.
Oxu.Az "Daily Mail"ə istinadən xəbər verir ki, 40 yaşlı hücumçu "bacalhau-a-brush" adlı yemək yeyərək formasını saxlayır. Bu, duzlu treska balığı, soğan, nazik dilimlənmiş kartof və bişmiş yumurtadan ibarət ənənəvi portuqal yeməyidir.
Bu mövsüm portuqaliyalı ulduz bütün turnirlərdə 33 matçda iştirak edib, 28 qol vurub və 4 məhsuldar ötürmə edib.