 |
|
|
TEREF yazır ki, Ağsu rayonu Ləngəbiz kənd sakini Novruzov Şahin Şahı oğlu mətbuat vasitəsi ilə Prezidentə müraciət edib.
Müraciətdə deyir:
Ağsu rayonu Ləngəbiz kənd sakini
Novruzov Şahin Şahı oğlu tərəfindən
MÜRACİƏT
Hörmətli cənab Prezident. hörmətli cənab nazir. görmətli Səbinə xanım!
Mətbuat vasitəsi ilə Sizə müraciət edirək bildirirəm ki. mən Novruzov Şahin Şahı oğlu Birinci Qarabağ Müharibəsinin iştirakçısıyam. 1992-ci ilin sentyabr ayında Ağdərə rayonun Çıldıran kəndi uğrunda gedən döyüşlərdə yaralanmışam. Bir müddət hərbi hospitalda müalicə olunmuşam və sağaldıqdan sonra yenidən xidmət etdiyim hərbi hissəyə qayıtmışam. 1994-cü ilin yanvar ayının 21-də Murovdağ istiqamətində gedən döyüşlərdə ayaqlarımın don vurması nəticəsində 230 nömrəli hərbi hospitala göndərilmişəm. Hər iki ayaqlarımın I və II dərəcəli don vurması nəticəsində uzun müddət müxtəlif hərbi hospitallarda və xəstəxanalarda müalicələr almışam və bu xəstəliklə bağlı ikinci qrup müharibə əlili olmuşam.
Qarabağın azadlığı uğrunda gedən döyüşlərdə iştirak etsəmdə. müharibə veteranı adını ala bilmədiyim üçün Azərbaycan Respublikasının Müdafiə Nazirliyinin Aparatı nəzdində fəaliyyət göstərən «Veteran adlarının və müvafiq vəsiqələrinin verilməsi üzrə Komissiya»ya müraciət etsəmdə 06.12.2023-cü il tarixli imtina məktubu verilmiş. buna görədə mən iddiaçı qismində cavabdeh Azərbaycan Respublikasının Müdafiə Nazirliyinə qarşı Şəki İnibati Məhkəməsinə iddia ərizəsi ilə müraciət edərək «müharibə veteranı adı və müvafiq vəsiqəsinin verilməsi öhdəliyinin cavabdehin üzərinə qoyulması» barədə qərar qəbul edilməsini xahiş etmişdim
Şəki İnzibati Məhkəməsinin (hakim Vüqar Musayev) 02 iyul 2024-cü il tarixli 2-1(116)-1347/2024 nömrəli qərarı ilə mənə “Müharibə veteranı” adı və vəsiqəsinin verilməsi öhdəliyi Azərbaycan Respublikasının Müdafiə Nazirliyinin üzərinə qoyulmuş (cavabdehin apellyasiya və kassasiya şikayəti təmin edilməmiş və qərar qanuni qüvvəsini almışdır) və icra edilməsi üçün 04 fevral 2025-ci il tarixdə qərarla birlikdə Müdafiə Nazirliyinə (Bakı şəhəri, Parlament prospekti 3) göndərilmişdir. Şəki İnzibati Məhkəməsi tərəfindən göndərilmiş bu məktubda qeyd edilmişdir ki, 02 iyul 2024-cü il tarixli 2-1(116)-1347/2024 saylı qərarın icra edilməsi üçün 20 gün müddət müəyyən edilmişdir. Həmin müddət ərzində müvafiq tədbir görülməli və məhkəməyə məlumat verilməlidir. Qərar icra olunmadığı halda Azərbaycan Respublikasının İnzibati Prosesual Məcəlləsinin tələblərinə uyğun olaraq 50.000 (əlli min) manat cərimə olunacaq.
Şəki İnzibati Məhkəməsi tərəfindən bu məktub Azərbaycan Respublikasının Müdafiə Nazirliyinə 04 fevral 2025-ci il tarixdə göndərilib. Artıq iki aydır ki, bu məktub Azərbaycan Respublikasının Müdafiə Nazirliyinə göndərilsədə dövlətin adından verilmiş qərarı qanunsuz olaraq icra edilmir. Bununlada Müdafiə Nazirliyi tərəfindən Azərbaycan Respublikasının qanunları ilə qorunan hüquqlarım pozulur.
Məhkəmənin qəbul etdiyi qərarlar dövlətin adından çıxarılır və onların icrası məcburidir. Bununla bağlı Azərbaycan Respublikasının Konstitusiyasında qeyd edilib. Lakin Müdafiə Nazirliyi qərarı icra etmir. Bu necə ola bilər ki. dövlətin adından çıxarılmış qərarın icra edilməsi dövlət qurumu tərəfindən təmin edilməsin?
Hörmətli cənab Prezident. hörmətli cənab nazir. hörmətli Səbinə xanım!
Sizdən xahiş edirəm mənim hüquqlarımın bərpa olunmasına və dövlətin adından çıxarılmış Şəki İnzibati Məhkəməsinin 02 iyul 2024-cü il tarixli, 2-1(116)-1347/2024 saylı qərarın icra edilməsinə köməklik edəsiniz.
Hörmətlə: Novruzov Şahin Şahı oğlu