 |
|
|
"Əl Nəsr"in hücumçusu Kriştiano Ronaldo və sevgilisi Corcina Rodrigez 10,5 milyon funt-sterlinq dəyərində malikanəyə köçməzdən əvvəl Ər-Riyaddakı "Four Seasons" otelində bir neçə ay qalıb.
Otel olduqca dəbdəbəli idi.
Cütlük eyni anda iki mərtəbədə ev icarəyə götürüb. Ayda 250.000 funt-sterlinqə başa gələn 17 otaqdan ibarət ev.
"Four Seasons" veb-saytında qeyd edilib ki, xidmətdə həmçinin “otaqda 24 saat yemək”, pulsuz gecə ayaqqabı parıltısı və günün istənilən vaxtında hava limanında transfer üçün ödəniş etmək imkanı var.
Ronaldonun maaşının ildə 173 milyon funt sterlinq olduğu deyilir.
İspaniya La Liqasında səkkizinci tur lider "Barselona" üçün uğursuz olub.
Oxu.Az xəbər verir ki, katalon klubu bu dəfə "Osasuna"nın qonağı olub.
Meydan sahibləri "Barsa"nın qapısından 4 top keçiriblər. Qonaqlar bu qollardan yalnız ikisinin əvəzini çıxmağı bacarıblar - 4:2.
Qeyd edək ki, bu məğlubiyyət Kataloniya təmsilçisi üçün cari çempionatda ilk olub. Məğlubiyyətə baxmayaraq, "Barselona" 21 xalla çempionatdakı liderliyini qoruyub saxlayıb. "Osasuna" isə 14 xalla 6-cıdır.
Nüfuzlu "FourFourTwo" nəşri hazırda dünyanın futbol üzrə ən yaxşı 10 qapıçısının adını açıqlayıb.
İlk “üçlük”də İngiltərə Premyer Liqasında çıxış edən qolkiperlər yer alıblar.
Siyahıya “Liverpul”un formasını geyinən Alisson Beker başçılıq edir. “Mançester Siti”nin şərəfini qoruyan Ederson Moraes ikinci, “Arsenal”ın uğurları üçün çalışan David Raya isə üçüncü pillədə qərarlaşıb.
Hazırda dünyanın ən yaxşı 10 qapıçısı:
1. Alisson Beker (“Liverpul”, İngiltərə)
2. Ederson Moraes (“Mançester Siti”, İngiltərə)
3. David Raya (“Arsenal”, İngiltərə)
4. Canluici Donnarumma (PSJ, Fransa)
5. Manuel Noyer (“Bavariya”, Almaniya)
6. Tibo Kurtua (“Real Madrid”, İspaniya)
7. Mik Menyan (“Milan”, İtaliya)
8. Unai Simon (“Atletik”, Bilbao, İspaniya)
9. Georgi Mamardaşvili (“Liverpul”)
10. Emiliano Martines (“Aston Villa”, İngiltərə)
\\Ölkə.Az
II Liqada mübarizə aparan «Lerik» ciddi problemlərlə üzləşib.
Çempionatda ikinci mövsümünü keçirən cənub təmsilçisi maliyyə çətinliyi yaşayır.
Klubun İdarə Heyətinin sədri Famil Məmmədov bununla bağlı narahatlığını bölüşüb, Heç yerdən dəstək ala bilmədiyini söyləyən rəhbər şəxs sosial şəbəkədə yazıb:
"Lerik" Peşəkar Futbol Klubunun əsasını 2 il bundan öncə qoyduq. Hazırda bölgədə peşəkar liqada oyunayan yeganə futbol klubu statusunu daşıyırıq.
Başa düşürük ki, futbol azarkeşləri və leriklilər nəticə istəyir, amma mövcud şərait və maliyyə ilə biz yalnız liqada yerimizi qoruya bilirik. Bəzən isə məğlub olduğumuz oyunlardan sonra əsassız fikirlər və yazılar görürük.
Komandanın məğlubiyyətinə idarə heyətində olan şəxslər kimi heç kim məyus ola bilməz. Bizim oyun zamanı keçirtdiyimiz həyacan və stresi heç kim keçirə bilməz.
Biz sadəcə, dəstək istəyirik, digər neqativlərlə komanda üzvlərinə psxoloji təsir yox. Bugünə qədər mənimlə birlikdə olanlar bilir ki, futbola görə hansı fədakarlıqları etmişəm.
Eyni zamanda komandam da mənim qədər bunları edib. 2 ildir artıq çox qapı döymüşük, çox şəxslə görüşmüşük, amma görünən odur ki, dəstək yoxdur, sadəcə, vədlər var.
Bütün bunları nəzərə alaraq, klubla bağlı yaxın günlərdə vacib bir qərarımızı ictimaiyyətə çatdıracağıq. Bugünə qədər bizə dəstək olan hər kəsə dərin təşəkkürümüzü bildirik!".
II Liqanın yeni mövsümündə 4 tur arxada qalıb. 2 qələbə və 2 məğlubiyyəti olan «göylər» 6 xal toplayıb. Turnir cədvəlinin 8-ci pilləsində qərarlaşan çempionatı yarımçıq tərk etmək ehtimalı kifayət qədər güclüdür.
Əvvəl iş adamı İqbal Məmmədov doğma rayonun təmsilçisinə müəyyən qədər maliyyə dəstəyi verirdi. AFFA-nın keçmiş prezidenti Rövnəq Abdullayevin yaxın dostu deputat mandatıyla vidalaşandan sonra kluba yardımını tam kəsib.
Əsas problemlər də məhz bununla bağlı ortaya çıxıb. Digər yerli biznesmenlər isə ilk vaxtlarda olduğu kimi, yenə futbol sektorundan uzaq gəzir…
Sportinfo.az
Bu gün Baku TV-də Qərbi Azərbaycan Xronikası layihəsi çərçivəsində jurnalist Əsgər İbrahimovun müəllifi olduğu "Həyat Hekayəsi" verilişinin növbəti buraxılışı hazırlanıb.
Oxu.Az xəbər verir ki, "Azərbaycanlılar erməninin kəsdiyi malın ətini almırdılar" adlı veriliş Gərnibasar mahalının Qəmərli rayonunun Yamancalı kənd sakini Elara Şükürovanın həyat hekayəsinə həsr olunub.
O, uşaqlıq xatirələri, təhsil və iş həyatında qarşılaşdığı ayrı-seçkilik, üzləşdiyi çətinliklər, 1950, 1965 və 1988-ci illərdə baş verən hadisələr haqqında danışıb, yaşadığı ümumi həyatı bölüşüb:
"1958-ci ildə 8 yaşında məktəbə getmişəm. O dövrdə kənddə azərbaycanlılar az olduğu üçün yalnız erməni dilində məktəb var idi. Uşaq vaxtı kitab oxumağa böyük həvəs göstərmişəm".
Onun sözlərinə görə, 1965-ci ildə "erməni soyqırımı"nın 50 illiyi ilə əlaqədar kənddə böyük gərginlik yaşanıb: "Polis kəndə gətirilib, sakinlərə evdən çıxmamaq tapşırılıb. Bu hadisədən sonra azərbaycanlılara qarşı münasibət dəyişməyə başlayıb".
E.Şükürova 1968-ci ildə İrəvan şəhərinə köçüb, əvvəlcə Tibb Texnikumunu, sonra isə İrəvan Dövlət Universitetinin biologiya fakültəsini bitirib:
"Təhsil aldığım müddətdə və iş həyatımda azərbaycanlı olduğum üçün müəyyən çətinliklərlə üzləşirdim. 1988-ci ildə Sumqayıt hadisələrindən sonra vəziyyət kəskin şəkildə pisləşdi. Ailəmiz və digər azərbaycanlılar təzyiqlərə məruz qalır, evləri yandırılırdı. Nəticədə, biz doğma yurdumuzu tərk etməyə məcbur qaldıq. 1988-ci ildə ailəmiz ilə birlikdə doğma yurdumuzdan deportasiya olunub qovulduq. Atam danışırdı ki, evimizi tərk edəndə qapıdakı itimiz ağladı".
Yamancalı kənd sakini sonda Vətənə qayıdış ümidini ifadə edərək vurğulayıb ki, Qərbi Azərbaycan bizim torpağımızdır: "Orada ulu babalarımızın qəbirləri var. Mən inanıram ki, biz ora qayıdacağıq".
Bir sözlə, bu həyat hekayəsi Qərbi Azərbaycandan olan qaçqınların yaşadığı çətinlikləri və eyni zamanda, doğma yurda qayıtmaq arzusunu əks etdirir. Onun həyat hekayəsi Qərbi Azərbaycanda yaşayan azərbaycanlıların taleyini əks etdirən bir güzgüdür.
Ümumiyyətlə, bu həyat hekayəsi Qərbi Azərbaycandan deportasiya olunan azərbaycanlıların yaşadığı çətinlikləri, qaçqınlıq taleyini, eyni zamanda, doğma yurda qayıtmaq arzusunu əks etdirən bir güzgüdür.
Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri - qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.
Həmçinin Prezident İlham Əliyevin Qərbi Azərbaycanla bağlı dediyi "XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin", - fikrini əsas tutaraq Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.
Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.
Ətraflı süjetdə:
Azərbaycan Avtomobil Yolları Dövlət Agentliyi (AAYDA) balansında olan "Bakı 4 №-Li Yol İstismarı" Məhdud Məsuliyyətli Cəmiyyətinə məxsus asvalt zavoddan narazılıq var.
Redaksiyamıza daxil olan məlumatda bildirilir ki, Nərimanov rayonu, Dərnəgül qəsəbəsi ərazisində yerləşən "Bakı 4 №-Li Yol İstismarı" MMC-yə məxsus asvalt zavod işləyəndə havaya qatı və kəskin qoxulu tüstü buraxır. Ərazidə yaşayan sakinlər bildirirlər ki, çox vaxt gecələr işləyən zavodun tüstüsü evlərimizin içinə qədər gəlib çatır. Bundan başqa zavodda formalaşan çirkab sular yenə də gizli şəkildə Böyük Şor gölünə axıdılır.
Bildirək ki, havaya qatı və kəskin qoxulu tüstünün buraxılmasına görə "Bakı 4 №-Li Yol İstismarı" MMC rəhbəri Fazil Musayev bir neçə dəfə Ekologiya və Təbii Sərvətlər Nazirliyi tərəfindən xəbərdarlıq və cərimə edilib.
ETSN-nin xəbərdarlıq və cərimələrinə baxmayaraq Fazil Musayev yenə də qatı tüstü buraxan və havanı zəhərləyən asvalt zavodunu işlətməkdə davam edir.
Qeyd edək ki, "Bakı 4 №-Li Yol İstismarı" MMC rəhbəri Fazil Musayev AAYDA İdarə Heyətinin sədri Saleh Məmmədovun yaxınlığı ilə tanınır. Məhz bu yaxınlığa görə Fazil Musayev dövlət vəsaitləri hesabına istehsal olunan asfaltın satışını da həyata keçirir.
Məsələ ilə bağlı araşdırmamız davam edir.(azfakt.com)
Qarşı tərəfin mövqeyini dərc etməyə hazırıq.
Komandalar meydana aşağıdakı heyətlə çıxdılar:
“Qarabağ”: Mateuş Koxalski, Mateus Silva, Bəhlul Mustafazadə, Cəfərquliyev, Toral Bayramov, Julio Romao, Patrik Andrade, Leandro Andrade, Yassin Benzia, Abdullah Zubir, Juninyo
“Tottenhem”: Qulelmo Vikario, Van de Ven Mikki, Brennan Conson, Dominik Solanke, Radu Drequşin, İv Bissuma, Arçi Qrey, Lukas Berqvall, Pap Matar Sarr, Ben Devis, Son Hın Min
***
“Tottenhem” (İngiltərə) – "Qarabağ" oyunu başladı.
***
“Tottenhem” 7-ci dəqiqədə azlıqda qalır. London təmsilçisinin futbolçusu Draqusin Juninyonun qapıçı ilə təkbətək çıxmasının qarşısını kobudluqla aldığı üçün qarşısında qırmızı vərəqə görür.
***
22-ci dəqiqədə meydan sahibləri hesabı açır: 1:0.
***
Birinci hissə başa çatdı
***
İkinci hissə başladı.
***
53-cü dəqiqədə “Tottenhem” hesabı 2:0 edir. Sarr fərqlənir.
***
58-ci dəqiqədə Toral Bayramov penaltini dəqiq yerinə yetirə bilmir.
***
68-ci dəqiqədə “Tottenhem”dən daha bir qol. Solanke hesabı 3:0 edir.
***
Oyun başa çatdı. “Qarabağ” 0:3 hesabı ilə məğlub oldu
bakipost.az
"Əl Hilal"ın baş məşqçisi Jorje Jesus Neymarın sağlamlıq durumu barədə danışıb.
Offsideplus.az xəbər verir ki, portuqaliyalı mütəxəssis bu sözləri deyib:
"Neymar təkcə "Əl Hilal" üçün yox, bütün liqa üçün vacib oyunçudur. Lakin onun qayıdışı barədə dəqiq tarix deyə bilmərəm. Yanvar ayında durumunu yenidən nəzərdən keçirəcəyik".
Qeyd edək ki, Neymar 2023-cü ilin oktyabr ayından zədəyə görə yaşıl meydanlardan uzaq qalıb. 32 yaşlı braziliyalının klubla müqaviləsinin müddəti 2025-ci ilin yayında başa çatacaq.
Təmsilçimiz "Qarabağ" bu gün UEFA Avropa Liqasının yeni formatı olan Liqa mərhələsində ilk oyununa çıxacaq.
Oxu.Az xəbər verir ki, Qurban Qurbanovun başçılıq etdiyi komanda ilk tur oyununda İngiltərənin "Tottenhem" klubunun qonağı olacaq.
Görüşü Villi Delajonun başçılıq etdiyi fransalı hakimlər briqadası idarə edəcək.
Qeyd edək ki, qarşılaşma Bakı vaxtı ilə saat 23:00-da start götürəcək.
UEFA Avropa Liqası
I tur
"Tottenhem" - "Qarabağ"
Saat 23:00, "Tottenham Hotspur Stadium"
“Fənərbaxça” Türkiyə millisinə basketbolçu göndərməyəcək.
AzFakt.com xəbər verir ki, bu barədə klubun rəsmi səhifəsi açıqlama yayıb.
Açıqlamada yığmanın çalışdırıcı Ergin Atamanın etdiyi hərəkət tənqid edilib və milliyə oyunçu göndərməmək qərarı alındığı bildirilib: “Kişilərdən ibarət milli komandanın baş məşqçisinin çalışdırdığı “Panatinaikos”un oyunundan sonra tribunadan ictimaiyyətə münasibəti hər kəsə bəllidir.
Bu şəxsin xarakteri, münasibəti və üslubu ilə missiyası aydındır. Milyonlarla tamaşaçı qarşısında gördüyü işlər onun “milli komandanın baş məşqçisi” kimi nüfuzu və şəxsiyyəti ilə tamamilə ziddiyyət təşkil edir.
Milli komanda bizim komandadır. Bu komandanın üzvü olan hər bir şəxs bu vəziyyətdən xəbərdar olmalı və buna görə məsuliyyət daşımalıdır.
Bu hərəkət cəmiyyətimizə, milli komandanın baş məşqçisi olmaq prestijinə və hətta bir cəmiyyətə rəğbət qazandırmaq naminə ölkəmizə qarşı böyük hörmətsizlikdir.
İctimaiyyətin nəzərinə çatdırırıq ki, “hörmətlilik və qərəzsizlik” kimi vazkeçilməz keyfiyyətlər tələb edən bu vəzifədə olduğu müddətdə milli komandamıza oyunçu göndərməməyə qərar vermişik”.
Qeyd edək ki, Ergin Ataman ötən gün “Qalatasaray” və “Panatinaikos” arasında keçirilən oyundan sonra etdiyi hərəkətlə gündəmə gəlib. O, Türkiyə futbol çempionatında keçirilən “Fənərbaxça” – “Qalatasaray” (1:3) hesabını əli ilə tribunalara göstərib. “Fənərbaxça” tərəfdarları isə Türkiyə yığmasının baş məşqçisinə sərt reaksiya göstərib.