UFC-nin keçmiş çempionu Həbib Nurməhəmmədov Los-Ancelesə uçarkən təyyarədən düşürülüb.
"Essentially Sports"xəbər verir ki, Nurməhəmmədov döyüşçü dostlarını dəstəkləmək üçün səyahət edirmiş.

Təcili çıxış yaxınlığında əyləşən keçmiş idmançıdan yerini dəyişməsi xahiş olunub. Lakin stüardessanın bu tələbi mübahisəyə səbəb olub və məsələyə bort bələdçisi müdaxilə edib.

Nəticədə Nurməhəmmədov və onu müşayiət edən şəxslər təyyarədən endirilib. Hadisə qısa müddətdə geniş rezonans doğurub.

“Qarabağ” Olavio Juninyonun Braziliyanın “Flamenqo” klubuna keçidindən 5 milyon avro qazanacaq.

TEREF oxu.az-a istinadən xəbər verir ki, tərəflərin razılığa gəldiyi, “Flamenqo”nun sözügedən məbləği “Qarabağ”a hissə-hissə ödəyəcəyi bildirilib.

Klublar artıq sənəd mübadiləsinə başlayıb. 28 yaşlı hücumçu müqavilə imzaladıqdan sonra “Flamenqo”ya mövsümöncəsi hazırlıq keçdiyi ABŞ-də qoşulacaq.

2024-cü ildə dünyada ən çox qazanan 10 futbolçusunun adı açıqlanıb.

Tribunainfo.az-ın məlumatına görə, bu barədə xarici idman nəşrləri məlumat yayıb.

Siyahıya 285 milyon dollar gəlirlə Səudiyyə Ərəbistanının “Əl-Nəsr” klubunda çıxış edən Kriştiano Ronaldo liderlik edir. İkinci yerdə onu 135 milyon dollarlıq gəlirlə Amerikanın “İnter-Mayami” klubunun hücumçusu Leonel Messi izləyir.

Üçüncü yerdə 110 milyon dollar qazancla Səudiyyə Ərəbistanının ən güclü klublarından olan “Əl-Hilal”ın futbolçusu Neymar Junior qərarlaşır.

Siyahının ən maraqlı üzvü də elə Neymardır. Belə ki, braziliyalı ötən il cəmi iki oyunda əvəzləmə ilə meydana çıxıb. Hücumçu il ərzində meydanda ümumilikdə 42 dəqiqə keçirib, 45 dəfə ayağı topa dəyib. Bu isə o, deməkdir ki, Neymar hər topa toxunuşuna görə 1 milyon dollardan çox qazanıb.

"Sumqayıt"ın baş məşqçisi Vaqif Cavadovun köməkçiləri müəyyənləşib.

Yenisabah.az klubun mətbuat xidmətinə istinadən xəbər verir ki, 35 yaşlı mütəxəssisə Şahin Abdullayev və uzun illər komandanın kapitanlıq sarğısını daşımış Vurğun Hüseynov kömək edəcək.

Qapıçılar üzrə məşqçi vəzifəsini Emil Babayev icra edəcək. Komandanın fiziki hazırlıq üzrə məşqçisi Gerard Martinez Bernat olacaq.

Qeyd edək ki, V.Cavadov yanvarın 8-də "gənclik şəhəri" təmsilçisi ilə 2,5 illik müqavilə imzalayıb.

ABŞ Maliyyə Nazirliyi Rusiya Futbol İttifaqının ( RFU ) prezidenti Aleksandr Dyukova qarşı sanksiyalar tətbiq edib.

Teleqraf.com xəbər verir ki, bu barədə "Reuters" məlumat yayıb.

Məlumata görə, bundan başqa ABŞ-nin yeni sanksiyalarının yanvarın 10-da açıqlanması gözlənilir. Yeni sanksiyaların “Qazpromneft” və “Surqutneftqaz”a təsir edəcəyini iddia edilir.

İspaniya Superkubokunda ikinci yarımfinal qarşılaşması başa çatıb.

Oxu.Az xəbər verir ki, Səudiyyə Ərəbistanının Ciddə şəhərində "Real Madrid"lə "Malyorka" üz-üzə gəlib.

Gözlənildiyi kimi, "kral klubu" 3 cavabsız qolla finala vəsiqə qazanıb - 3:0.

Beləliklə də, Madrid təmsilçisi İspaniya Superkuboku uğrunda həlledici oyunda ilk yarımfinalda "Atletik"i 2:0 məğlub edən "Barselona" ilə mübarizə aparacaq.

İngiltərə Liqa Kubokunun ikinci yarımfinal cütünün ilk oyununda "Tottenhem" doğma meydanda "Liverpul"la qarşılaşıb.

Oxu.Az xəbər verir ki, Londonda baş tutan matçın ilk dəqiqələrində "Tottenhem"in futbolçusu Rodriqo Bettankur yerə yıxılaraq huşunu itirib. Bu səbəbdən qarşılaşmada 10 dəqiqəlik fasilə yaranıb.

Matçın nəticəsinə gəlincə, oyunda yeganə qolu 86-cı dəqiqədə meydan sahiblərindən Lukas Berqval vuraraq "Tottenhem"in minimal hesablı qələbəsini rəsmiləşdirib - 1:0.

Komandalar arasında cavab oyunu fevralın 6-də Liverpulda keçiriləcək.

Xatırladaq ki, birinci yarımfinal cütünün ilk görüşündə "Arsenal" evdə "Nyukasl"a məğlub olub - 0:2.

"Qarabağ” bu həftə keçirəcəyi yoxlama oyunları ilə bağlı azarkeşlərə müraciət edib.
İqtisadiyyat.az xəbər verir ki, bu barədə klub ictimaiyyətə müraciət edib.

Qeyd edilib ki, komandanın yanvarın 9-u "Kəpəz", 12-i isə "Zirə" ilə keçirəcəyi yoldaşlıq görüşləri yalnız media nümayəndələri (PFL-in media vəsiqəsi ilə) üçün açıq olacaq.

Hər iki görüş azarkeşlər üçün qapalı keçiriləcək və matçların canlı yayınlanması nəzərdə tutulmur.

İspaniya Kral Kubokunun 1/16 final mərhələsində "Real Madrid" aşağı liqa təmsilçisi "Minera" ilə qarşılaşıb.

Oxu.Az xəbər verir ki, matç Kartaxenadakı "Kartaqonova" stadionunda baş tutub.

Gözlənildiyi kimi, paytaxt təmsilçisi meydan sahiblərinə şans verməyib - 0:5. Türkiyəli gənc ulduz Arda Güler oyunda dublla fərqlənib. Fasilə zamanı "Minera"nın futbolçularından biri ona yaxınlaşaraq əynindəki formasını alıb.

Beləliklə də, Ançelottinin yetirmələri İspaniya Kral Kubokunun 1/8 final mərhələsinə çətinlik çəkmədən vəsiqə qazanıblar. Onlarla yanaşı "Barselona", "Atletiko Madrid" və "Real Sosyedad" da növbəti mərhələyə adlarını yazdırıblar. "Sevilya" isə "Almeriya"ya uduzaraq turniri tərk edib.

Türkiyə Futbol Federasiyası VAR hakim ilə bağlı yeni qərar qəbul edib.

Türkiyə Futbol Federasiyası İdarə heyətinin və Klublar birliyinin qərarına əsasən futbol oyunlarına “XARİCİ VAR HAKİM” təyin ediləcək.

Bu barədə Manset.az-a açıqlamasında tanınmış jurnalist və qazeteci Murat Özbostan məlumat verib.

O, qeyd edib ki, bununla bağlı qərarın növbəti həftə mediaya açıqlanacağı gözlənilir.

Qeyd edək ki, son günlər Türkiyə futbolunda hakimlərlə bağlı qalmaqallar yaşanır. Onların futbol oyunlarında təlimatla qərar verdikləri qeyd edilib