 |
|
|
İngiltərənin "Arsenal" klubunun keçmiş futbolçusu Cey Emmanuel-Tomas narkotik qaçaqmalçılığında şübhəli bilinərək saxlanılıb.
Oxu.Az xəbər verir ki, "Stansted" aeroportunda (London) Banqkokdan gələn 33 yaşlı idmançının iki çamadanında təxminən 600 min funt sterlinq (798 min dollar) dəyərində olan 60 kiloqram marixuana aşkarlanaraq müsadirə edilib.
Emmanuel-Tomas bu gün hakim qarşısına çıxarılacaq.
2008-ci ildən 2011-ci ilə qədər "Arsenal" klubunun futbolçusu olan Cey komanda debüt matçına 2010-cu ildə çıxıb. O, hazırda Şotlandiyanın İkinci Liqasında çıxış edən "Morton" klubunda oynayır və müqaviləsi 2025-ci ilin yayına qədərdir.
Bu gün Çempionlar Liqasının Liqa mərhələsində keçiriləcək bəzi oyunlara Azərbaycan və Türkiyə telekanalları vasitəsi ilə açıq yayımla baxmaq mümkün olacaq.
Tribunainfo.az-xəbər verir ki, qarşılaşmalar aşağıda adları qeyd olunan kanallar vasitəsi ilə birbaşa nümayiş etdiriləcək:
“CBC Sport”
20:45. “Bolonya” (İtaliya) – “Şaxtyor” (Ukrayna)
23:00. “Mançester Siti” (İngiltərə) – “İnter” (İtaliya)
“İTV”
23:00. PSJ (Fransa) – “Jirona” (İspaniya)
TRT 1
20:45. “Bolonya” (İtaliya) – “Şaxtyor” (Ukrayna)
23:00. “Brügge” (Belçika) – “Borussiya” (Dortmund, Almaniya)
“Mənim yarışlarım 2025-ci ildə başlayacaq. Çalışacam ki, fevral, mart ayına qədər hazır olum və reytinq turnirlərində güləşim”.
Bunu İdman.bizə Azərbaycan millisinin sərbəst güləşçisi Əliabbas Rzazdə deyib. Zədəli olan Əliabbas ötən günlərdə sol çiynindən və sol biləyindən əməliyyat olunub. Gənc idmançı bildirib ki, yarışlara daha tez qayıtması üçün özünü toparlayacaq: “Hər gün daha da yaxşıya doğru gedirəm. 14 gündən sonra əlimin gipsi açılacaq. Reablitasiya, fizioterapiya başlayacaq. Daha sonra yavaş-yavaş məşqlərə çıxacam. 6 aydan sonra isə xalça üzərində məşqlərə start verəcəyəm. Ondan daha tez də ola bilər. Maksimum 6 ay demişik. Çalışacam ki, daha tez sağalım”.
Rzazadə zədəsinin ona Parisdə keçirilən son Olimpiya Oyunlarında uğurlu çıxış etməsinə mane olduğundan da danışıb: “Olimpiya Oyunlarına 1 ay qalmış Budapeştdə keçirilən yarışda çiynimdən ağır zədə aldım. Yarışa tam istədiyim kimi hazırlaşa bilmədim. 1 ay qabaq rahatlıqla qalib gəldiyim idmançıya Olimpiya Oyunlarında məğlub oldum. Buna zədə səbəb oldu. Travmam olduğu üçün məşqlərdə istədiyim kimi işləyə bilmirdim. Parisdə məğlub olmağım mənim ən pis günlərimdən biri oldu. Xalça üzərinə zədəli çıxsam da məğlub olacağımı düşünmürdüm. Bundan sonra daha da ciddi və məsuliyyətli hazırlaşacam ki, gələn Olimpiya Oyunlarına qatılım və orda yaxşı nəticə əldə edim”.
Qeyd edək ki, Əliabbas Rzazadə Avropa çempionu və U-23-ün dünya birincisidir.
Azərbaycanın çimərlik futbolu yığmasının 2025-ci ildə keçiriləcək dünya çempionatının seçmə mərhələsindəki rəqibləri məlum olub.
Bu barədə Dünya Çimərlik Futbolu Təşkilatının mətbuat xidməti məlumat yayıb.
Sahib Məmmədovun baş məşqçisi olduğu millimiz A qrupunda İspaniya, İngiltərə və Gürcüstanla mübarizə aparacaq.
Braziliyalı hücumçu Neymar "Real Madrid"də çıxış edən həmyerlilərinə məktub yazıb, fransız hücumçu Kilian Mbappedən şikayətlənib.
Bu barədə GFFN məlumat yayıb .
Jurnalist Siril Anunanın imzasıyla qeyd olunan mənbənin sözlərinə görə, cənubi amerikalı Vinisius Junior, Rodriqo və digər oyunçularla Mbappenin transferini mənfi şəkildə müzakirə edib.
“Real Madrid”dən olan braziliyalılar Neymarla dostdurlar. Onunla Mbappe arasında həmişə müharibə olub. Neymar onlara Mbappe haqqında yazıb ki, bu, fəlakət və cəhənnəmdir”, - Anuna bildirib.
Mbappe ilə Real Madrid arasında müqavilənin imzalanması iyunun 3-də rəsmən açıqlanıb. Hücumçu Madrid klubuna azad agent kimi keçib. Bundan əvvəl forvard 2017-ci ildən çıxış etdiyi PSJ-də çıxış edib.
Mbappe İspaniya çempionatında "Real"ın heyətində ilk qollarını "Betis"lə 4-cü tur matçında vurub. O, dubla imza atıb və Madrid klubu 2:0 hesabı ilə qalib gəlib. Sentyabrın 4-də Mbappe “Qızıl top”a namizədlər siyahısına daxil edilib.
“Ən-Nəsr”in hücumçusu və kapitanı Kriştianu Ronaldu xəstəliyi səbəbindən komanda ilə sentyabrın 16-da “Əl-Şorta” ilə Afrika Çempionlar Liqası matçının keçiriləcəyi İraqa gedə bilməyəcək.
Gununsesi.info xəbər verir ki, Ronaldu bu gün özünü pis hiss edib və ona virus infeksiyası diaqnozu qoyulub.
“Komandanın həkimi idmançının istirahətə ehtiyacı olduğunu və evdə qalmalı olduğunu təsdiqləyib. O, komanda ilə İraqa getməyəcək. Kapitanımızın tezliklə sağalmasını arzulayırıq”, – Səudiyyə klubunun sosial şəbəkələrdəki açıqlamasında deyilir.
Qeyd edək ki, “Əl-Şorta” – “Ən-Nəsr” matçı Bakı vaxtı ilə saat 20:00-da başlayacaq.
"Atletik Bilbao"nun və İspaniya millisinin hücumameylli yarımmüdafiəçi Niko Uilyams "Real Madrid"in hədəfinə çevrilib.
Fanat.az xəbər verir ki, bu barədə “Todofichajes” məlumat yayıb.
Mənbənin məlumatına görə, “kral klubu"nun rəhbərliyi Vinisius Junior və ya Rodriqoya alternativ olaraq 22 yaşlı ispaniyalının namizədliyini nəzərdən keçirir. Braziliyalılardan birinin yaxın vaxtlarda "Real"ı tərk edəcəyi bildirilir.
Qeyd edək ki, Uilyams yayda “Barselona”ya keçməyə yaxın idi, lakin son anda müqavilə uğursuzluğa düçar oldu.
Niko və "Atletik" arasında hazırki müqavilənin müddəti 2027-ci ilin ortalarına qədər hesablanıb. Futbolçunun transfer dəyəri 70 milyon avro olaraq qiymətləndirilir.
Portuqaliyalı futbolçu Kriştiano Ronaldo Səudiyyə Ərəbistanının “Əl-Nəsr” klubunun heyətində bu mövsüm ilk dəfə qol vura bilməyib.
Tribunainfo.az xəbər verir ki, Səudiyyə Ərəbistanı çempionatında “Əl-Nəsr” “Əl-Əhli” ilə heç-heçə oynayıb – 1:1.
“Əl-Nəsr” Səudiyyə Ərəbistanı çempionatında 5 xalla altıncı yerdədir. “Əl-Əhli” isə 4 xalla 9-cu sırada qərarlaşıb.
Qeyd edək ki, Ronaldo 2 yanvar 2023-cü ildə illik 200 milyon avro qarşılığında “Əl-Nəsr”ə keçib.
Artıq milli çempionatlarda yeni mövsümlərə start verilib. Komandalar yay fasiləsində heyətlərində islahatlar aparıb, yeni futbolçularla gücləniblər.
"Transfermarkt" da futbolçuların qiymlətləndirməsini yeniləyib, bəzilərinin dəyəri artıb, bəzilərində isə azalıb.
Misli Premyer Liqsının ən bahalı futbolçusu "Qarabağ"ın üzvü Juninyodur. Onun transfer dəyəri 2 milyon avro hesablanıb.
İkinci pillədə başqa bir "Qarabağ"lı - yeni transfer Aleksey Kaşuk qərarlaşıb. Ukraynalı oyunçuya 1,8 milyon avro qiymət qoyulub.
Növbəti yerləri də "Qarabağ"lılar tutur. Belə ki, Mateuş Koxalski və Leandro Andradenin dəyəri 1,5 milyon avrodur.
Ümumilikdə çempionatımızın 30 ən dəyərli oyunçusu siyahısında "Qarabağ"dan 11, "Neftçi"dən 6, "Sabah" və "Zirə"dən 3, "Sumqayıt"dan 2 futbolçu yer alıb.
Juninyo (Qarabağ) - 2 milyon avro
Aleksey Kaşuk (Qarabağ) - 1,8 milyon avro
Mateuş Koxalski (Qarabağ) - 1,5 milyon avro
Leandro Andrade (Qarabağ) - 1,5 milyon avro
Yassin Benzia (Qarabağ) - 1,2 milyon avro
Nəriman Axundzadə (Qarabağ) - 1,2 milyon avro
Yuri Matias (Neftçi) - 1,2 milyon avro
Toral Bayramov (Qarabağ) - 1 milyon avro
Emmanuel Addai (Qarabağ) - 1 milyon avro
Ramil Şeydayev (Neftçi) - 1 milyon avro
Pavol Safranko (Sabah) - 1 milyon avro
Şahrudin Magomedaliyev (Qarabağ) - 900 min avro
Emin Mahmudov (Neftçi) - 900 min avro
Qismət Alıyev (Zirə) - 900 min avro
Ayron Qomis (Zirə) - 900 min avro
Aleksey İsayev (Qarabağ) - 850 min avro
Brayan Moreno (Neftçi) - 850 min avro
İvan Lepiniça (Sabah) - 850 min avro
Rza Cəfərov (Neftçi) - 800 min avro
Andre Şinyaşiki (Neftçi) - 800 min avro
Rəhim Sadıqov (Sumqayıt) - 800 min avro
Elvin Cəfərquliyev (Qarabağ) - 750 min avro
Yusif İmanov (Sabah) - 750 min avro
Ruan Renato (Zirə) - 750 min avro
Səbuhi Abdullazada (Sumqayıt) - 750 min avro
Azərbaycanın ən sürətlisi “Bakcell” 13-15 sentyabr tarixlərində keçiriləcək “Formula 1 Azərbaycan Qran Pri 2024”ün tədbir tərəfdaşıdır. Bununla bağlı “Bakcell” və Bakı Şəhər Halqası Əməliyyat Şirkəti arasında tədbir sponsorluğuna dair müqavilə imzalanıb.
Əməkdaşlıq çərçivəsində Qran Prinin Azneft tribunası “Bakcell” adlandırılıb. Tribuna ərazisində yerləşən istirahət və əyləncə zonasında qonaqlar “Bakcell”in ultrasürətli şəbəkəsini sınaqdan keçirmək, həmçinin müxtəlif oyun və əyləncələrə qatılmaq imkanı əldə edəcəklər. Bundan əlavə, şirkət yarış günlərində “Bakcell” tribunası yaxınlığında yerləşən əyləncə zonasında öz innovativ məhsul və xidmətlərini tamaşaçılara təqdim edəcək.
Qeyd edək ki, “Bakcell” artıq üçüncü ildir ki, “Formula 1” üzrə Azərbaycan Qran Prisinin rəsmi tədbir sponsorudur.
“Bakcell” haqqında
“Bakcell” Azərbaycanın ilk və ən böyük özəl telekommunikasiya şirkətidir. Hazırda ”Bakcell” üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Şirkət süni intellektə əsaslanan innovasiyalar və həllər vasitəsilə Azərbaycanın davamlı inkişafına töhfə verir və Azərbaycan iqtisadiyyatının qeyri-neft sektorunun ən böyük investorlarından biridir.
“Bakcell” müxtəlif ölkələrdə enerji, telekommunikasiya, yüksək texnologiyalar və tikinti sahələrində fəaliyyət göstərən “NEQSOL Holding” beynəlxalq şirkətlər qrupunun tərkibinə daxildir.