![]() |
![]() ![]() ![]() |
|
"Zenit"in argentinalı hücumçusu Lusiano sevgilisi Virciniya Blanko ilə Sankt-Peterburqda evlənib.
Lusiano dekabrın əvvəlində Meksikada Virciniyaya evlilik təklifi edib və o, tərəddüd etmədən razılaşıb:
"Bəli, razıyam. İl dəyişikliklərlə, səyahətlərlə və birlikdə yaşadığımız o qədər gözəl şeylərlə dolu oldu ki, onu bu unudulmaz günəşin doğuşu ilə belə başa vurmaq xəyaldır, daha çoxunu istəyə bilmərəm.
Sənin kimi bir insanla yollarım kəsişdiyim üçün, həyatıma qədəm qoyduğun ilk gündən onu bu qədər sevgi, xoşbəxtlik və gözəl anlarla doldurduğun üçün Kainata təşəkkür edirəm. Mən səni bütün həyatım boyu sevəcəyəm. Beləliklə, əbədi olaraq birlikdə qəlbim, təşəkkür edirəm". /Lent.az
"Nürnberq"in baş məşqçisi Miroslav Kloze komandanın azərbaycanlı hücumçusu Mahir Emrelinin Almaniya II Bundesliqasının 18-ci turunun "Karlsrue" ilə oyunundakı (2:1) çıxışını şərh edib.
Musavat.com oxu.az-a istinadən xəbər verir ki, təcrübəli çalışdırıcı Mahir Emrelinin güclü oyun nümayiş etdirdiyini bildirib.
"Mahir rəqibin cərimə meydançasında iki mərkəz müdafiəçisinin diqqətini saxlamalı idi. Tsimas təkbaşına bunu edə bilməzdi. Emreli güclü oyun nümayiş etdirdi. Onun üçün topun həmişə nəzarətində olması vacibdir, əks halda, çətin olacaq. O, artıq necə və harada hərəkət edəcəyini bilir".
Qeyd edək ki, Mahir görüşün start heyətində yer alıb və 72-ci dəqiqədə əvəzlənib.
Musavat.com xəbər verir ki, İspaniya Super Kuboku finalında "Real Madrid" və "Barselona" komandaları qarşılaşıb. Səudiyyə Ərəbistanının Ciddə şəhərində yerləşən King Abdullah Sports City stadionunda keçirilən möhtəşəm El Clasico matçı böyük həyəcan yaşadıb.
Matçın başlanğıcında "Real Madrid" önə keçib. Kylian Mbappe 1-ci dəqiqədə vurduğu qol ilə komandasını 1-0 önə çıxarıb. Lakin "Barselona" ilk hissənin sonlarına doğru əsl dönüş göstərərək 4 qol vurub.
İkinci hissədə "Real Madrid"in cəhdlərinə baxmayaraq, "Barselona" liderliyini qoruyub saxlamağı bacarıb.
İkinci hissədə hər iki komanda daha bir qol vurub. Matç 2:5 hesabı ilə başa çatıb.
5-2 qalib gələn "Barselona" İspaniya Super Kubokunun qalibi olub.
Musavat.com