 |
|
|
Braziliya millisinin və İspaniyanın "Real Madrid" klubunun hücumçusu Vinisius Junior "Goal"un versiyasına görə, "Qızıl top"a namizədlər siyahısında birinci olub.
Bu barədə goal.com məlumat yayıb.
İlk beşliyə ispaniyalı ilə yanaşı, İngiltərənin "Mançester Siti" klubunun futbolçusu Rodri, "Real"ın futbolçuları Cud Bellinqem və Dani Karvaxal, həmçinin "İnter"in hücumçusu Lautaro Martines daxil olublar. Fransa millisi ilə birlikdə Avropa çempionatının yarımfinal mərhələsində mübarizədən kənarlaşdırılan Kilian Mbappe yeddinci, AVRO-2024-ün ən yaxşı gənc futbolçusu Lamin Yamal 12-ci, Lionel Messi 16-cı yerdə qərarlaşıb.
Rodri, Karvaxal və Yamal İspaniya millisinin tərkibində Avropa çempionu olublar. Finalda ingilislərə 2:1 hesabı ilə qalib gəliblər. Yamal həm də dörd məhsuldar ötürmə ilə ən yaxşı assistent olub.
Martines və Messi əlavə vaxtda Kolumbiyaya qalib gələrək Amerika kubokunun qalibi olublar - 1:0. Qələbə qolunu 112-ci dəqiqədə Lautaro vurub, Messi 66-cı dəqiqədə zədələnərək meydanı tərk edib.
Qeyd edək ki, Messi 2023-cü ildə "Qızıl top"u qazanıb. Onun üçün bu kubok karyerasında səkkizinci olub.
Sentyabrın 13-dən 15-dək keçiriləcək "Formula 1" Qatar Airways Azərbaycan Qran Prisi 2024 üçün “Fan Zona Biletiləri” və” Konsert Biletləri” satışa çıxarılıb.
Hər il yenilənən əyləncə zonasındakı bulvar səhnəsində canlı musiqi performansları, müxtəlif zonalarda qurulmuş oyunlar, simulyatorlar, virtual reallıq təcrübələri, rəqslər yarış həftəsonunda fanatlara əsl festival ab-havası bəxş edəcək.
Azarkeşlər "Formula 1"-in bütün aktivasiyalarını bu il Fan Zonada görə biləcək, Fan Forumda pilotları və onların komandalarını izləmək fürsəti əldə edəcəklər.
Foto həvəskarları üçün quraşdırılmış iri "Formula 1" dekorasiyaları, retro maşınların sərgisi, canlı heykəllər, “selfie” zonalar ən yaddaqalan kadrlar çəkmək üçün mükəmməl fürsət təqdim edir.
Əyləncə zonasında böyüklərlə yanaşı, uşaqlar üçün də müxtəlif növ oyunlar və fəaliyyətlər təklif olunur.
Həmçinin, bu gündən etibarən yarış həftəsində baş tutacaq konsert proqramlarına ayrıca biletlərin satışına start verilib.
13-14 sentyabr tarixlərində keçiriləcək möhtəşəm konsertlərdə, musiqi dünyasının ən böyük ulduzları Uill Smit, Black Coffee və J Balvin çıxış edəcək.
"Formula 1" Azərbaycan Qran Prisinin möhtəşəm atmosferini yaşamaq və həyacanını birbaşa hiss etmək istəyənlər, “Fan Zona Bileti” və “Konsert Biletləri”ni əldə edə bilərlər. Biletləri Bakı Şəhər Halqasın-ın rəsmi veb saytından və ya mobil tətbiqindən əldə etmək mümkündür.
Birinci vitse-prezident Mehriban Əliyeva Azərbaycan paraatleti Səid Nəcəfzadənin “Paris-2024” Yay Paralimpiya Oyunlarında qızıl medal qazanması ilə bağlı paylaşım edib.
AZƏRTAC paylaşımı təqdim edir: “Paraatlet Səid Nəcəfzadəni “Paris-2024” Yay Paralimpiya Oyunlarında qızıl medal qazanması münasibətilə təbrik edirəm! Peşəkarlıq və qətiyyət nümayiş etdirən idmançımız Azərbaycan azarkeşlərinin ümidlərini doğrultdu! Çempionu səmimi-qəlbdən təbrik edir, ona yeni nailiyyətlər arzulayıram!”.
Futbol üzrə Azərbaycan Premyer Liqasında V tura yekun vurulub.
"Report"un məlumatına görə, sonuncu matçda "Zirə" "Qarabağ"ı qəbul edib.
Qarşılaşma Ağdam təmsilçisinin qələbəsi ilə bitib - 3:1. Qonaqların heyətində 18-ci dəqiqədə Toral Bayramov, 33-cü dəqiqədə Emmanuel Addai, 88-ci dəqiqədə Abdullah Zubir fərqləniblər. Paytaxt klubunda 40-cı dəqiqədə Ceyhun Nuriyev adını tabloya yazdırıb.
Bu nəticədən sonra xallarının sayını 9-a çatdıran "Qarabağ" üçüncü pilləyə yüksəlib. "Zirə" 6 xalla beşincidir.
Qeyd edək ki, turun əvvəlki qarşılaşmalarında "Sabah" səfərdə "Kəpəz"i (3:2), "Araz-Naxçıvan" "Sumqayıt"ı (1:0), "Turan Tovuz" isə evdə "Səbail"i (1:0) məğlub edib. "Şamaxı" - "Neftçi" görüşündə hesab açılmayıb.
Amerikanın Milli Futbol Liqasında (NFL) çıxış edən “San-Fransisko 49ers”in oyunçusu Riki Pirsall sinəsindən güllə yarası alıb.
“BBC Sport” xəbər verir ki, hadisə şənbə günü baş verib.
Şəhərin “Yunion” meydanında qeydə alınan insidentdən sonra “San-Francisco 49ers”in 23 yaşlı oyunçusu sinəsindən güllə yarası alıb. Dərhal xəstəxanaya çatdırılan R.Pirsallın durumu ciddidir.
San-Fransisko polisi hadisəni törədən 17 yaşlı şəxsi həbs edib.
İlkin istintaqa əsasən, silahlı şəxs “San-Francisco 49ers”in oyunçusunu soymağa cəhd etdiyi zaman müqavimətlə üzləşib. Nəticədə həm şübhəli şəxs, həm də oyunçu xəsarət alıb.
Qeyd edək ki, R.Pirsall çiynindəki zədəsini yenicə sağaldıb məşqlərə qoşulmuşdu.
Türkiyə Superliqasının dördüncü turunda son çempion "Qalatasaray" Adanada "Adana Demirspor"un qonağı olub.
Oxu.Az xəbər verir ki, "cim-bom" rəqibinin qapısından beş top keçirib. Meydan sahibləri bu qollardan yalnız birinin əvəzini çıxmağı bacarıblar - 1:5.
İstanbul klubunun heyətində İkardi 25-ci dəqiqədə zədələnərək meydanı tərk etməli olub.
Bu qələbədən sonra "aslanlar"ın aktivində doqquz xal var və onlar bir oyun artıq keçirən "Fənərbağça"dan cəmi bir xal geri qalmaqla turnir cədvəlində ikinci pilləni tuturlar. "Adana Demirspor" isə bir xalla sonuncu - 19-cu yerdədir.
"Qarabağ"ın Avropa Liqasının yeni formatda keçiriləcək liqa mərhələsindəki oyunlarının keçiriləcəyi tarix açıqlanıb.
"Qarabağ" ilk oyununu sentyabrın 26-da İngiltərənin "Tottenhem" komandasına qarşı oynayacaq. Liqa mərhələsində keçiriləcək oyunların təqvimini təqdim edirik:
2024-cü il
I tur:
26 sentyabr
23:00 "Tottenhem" - Qarabağ"
II tur:
3 oktyabr
20:45. "Qarabağ" - "Malmö"
III tur
24 oktyabr
20:45. "Qarabağ" - "Ayaks"
IV tur
7 noyabr
20:45. "Bodo Qlimt" - "Qarabağ"
V tur
28 noyabr
20:45. "Qarabağ" - "Lion"
VI tur
12 dekabr
23:00 "Elfsburq" - "Qarabağ"
2025-ci il
VII tur
23 yanvar
20:45. "Qarabağ" - FKSB
VIII tur
30 yanvar
23:00 "Olimpiakos" - "Qarabağ"
Qeyd edək ki, səkkiz turdan sonra ilk səkkiz yeri tutan komanda 1/8 finala yüksələcək, 9-24-cü yerlərin sahibləri pley-offda çıxış edəcək. Digər 12 iştirakçı mübarizəni dayandıracaq.
Perunun paytaxtı Limada keçirilən yeniyetmələr arasında dünya çempionatında iştirak edən Azərbaycan cüdoçuları - Cəsur İbadlı və Mehdi Abbasov medallar qazanıblar.
Oxu.Az xəbər verir ki, bu barədə Azərbaycan Cüdo Federasiyası məlumat yayıb.
Məlumata görə, Cəsur İbadlı (73 kq.) qızıl medala sahib olub. Mehdi Abbasov (81 kq.) isə bürünc medal qazanıb.
Azərbaycan 5 çəki dərəcəsində 7 nəfərdən ibarət heyətlə təmsil olunur. Yeniyetmələrdən ibarət komandanın məşqçiləri Nicat Şıxəlizadə və Emin İskəndərovun rəhbərliyi altında yarışda Bahadır Feyzullayev, Məhəmmədəli Hüsiyev (50 kq), Nihad Məmişov (55 kq), Cəsur İbadlı (73 kq), Əli Qazıməmmədov, Mehdi Abbasov (81 kq) və Sübhan Axundov (90 kq) mübarizə aparırlar.
Dünən dünya çempionatında 2 çəki dərəcəsində 3 cüdoçumuz güclərini sınayıb. Yarışın üçüncü günündə oğlanlar arasında 73 kq. çəkidə Cəsur İbadlı, 81 kq. çəkidə Mehdi Abbasov və Əli Qazıməmmədov tatamiyə çıxıblar.
Qeyd edək ki, 49 ölkədən 405 idmançının qatılacağı turnir avqustun 28-dən 31-nə qədər keçirilir.
Rusiyada “Lokomotiv”in və Ukrayna millisinin sabiq futbolçusu Aleksandr Əliyevə qarşı cinayət işi açılıb.
Bu barədə Rusiya İstintaq Komitəsi məlumat yayıb.
Bildirilib ki, Əliyev Rusiya Federasiyası Cinayət Məcəlləsinin 205.2-ci (terror fəaliyyətinə açıq çağırışlar) maddəsi ilə nəzərdə tutulmuş cinayəti törətməkdə şübhəli bilinir. Onun axtarışa verildiyi bildirilib.
Aleksandr Əliyev “Instagram” sosial şəbəkəsində Ukrayna Silahlı Qüvvələrini Kursk vilayətində dinc sakinləri öldürməyə çağırdığı video dərc edib: “Mən cəbhə xəttində olanlara müraciət etmək istəyirəm. Uşaqlar, özünüzə qulluq edin və irəliləyin. Mülki insanları öldürün”.
Vəkil Aleksandr Dobrovinski bildirib ki, Aleksandr Əliyev Kurskda dinc sakinlərin qətlinə açıq çağırışlara görə 12 ilədək həbs cəzası ala bilər: “Bu, Rusiya Federasiyası Cinayət Məcəlləsinin 205-ci maddəsidir – terror fəaliyyətinə və kütləvi qətllərə çağırışa görə 12 ilə qədər həbs. Əminəm ki, ona qarşı cinayət işi açılacaq”.
Keçmiş futbolçunun anası isə oğlu ilə ünsiyyət qurmadığını bildirib. Bu barədə SHOT “Telegram” kanalı məlumat yayıb. Hazırda Kurskda yaşayan futbolçunun anası cavab bildirib: “Mən onunla əlaqə saxlamıram, hər şey bundan ibarətdir”.
Avqustun 30-da Əliyev sosial şəbəkələrdə Ukrayna Silahlı Qüvvələrini “irəliyə getməyə və mülki insanları öldürməyə” çağıran video yayımlayıb.
“Mən cəbhə xəttində olanlara müraciət etmək istəyirəm. Uşaqlar, özünüzə qulluq edin və irəliləyin. Mülki insanları öldürün”, – Əliyev deyib.
Futbolçu 2010-cu ildə Kiyev “Dinamo”sundan Moskvanın “Lokomotiv”inə keçib. Dəmiryolçular üçün Xabarovsklu 27 oyun keçirib, 15 qol vurub və 5 məhsuldar ötürmə edib. O, həmçinin Rusiyada “Anji Mahaçqala”da çıxış edib. 2014-2015-ci illərdə ukraynalı 22 oyun keçirib, dörd qol vurub və altı məhsuldar ötürmə edib. Ukrayna millisinin heyətində Əliyev 28 oyun keçirib və bu oyunda 6 qol vurub və 5 məhsuldar ötürmə edib.
Qeyd edək ki, Azərbaycan əsilli Aleksandr Əliyev Rusiyanın Xabarovsk şəhərində doğulub. Onun Rusiya və Ukrayna vətəndaşlığı var. O, karyerası ərzində Ukraynanın “Dinamo” (Kiyev), “Metallurq”, “Dnepr”, Rusiyanın “Lokomotiv” (Moskva), “Anji” və başqa klublarında oynayıb./Qaynarinfo
İspaniya La Liqasında 3-cü turun "Las Palmas" və "Real Madrid" komandaları arasındakı matç başa çatıb.
Oxu.Az xəbər verir ki, oyun Las Palmasdakı "Qran Kanariya" stadionunda keçirilib. Görüşün baş hakimi Xorxe Bueno Mateo olub. Hakimin start fiti Bakı vaxtı ilə saat 00:30-da səslənib. Yekun nəticə 1:1-dir.
5-ci dəqiqədə "Las Palmas"ın yarımmüdafiəçisi Alberto Moleyro Oliver Makbarninin ötürməsi ilə hesabı açıb. 69-cu dəqiqədə isə "Real Madrid"in hücumçusu Vinisius Junior fərqlənib.
Üç turdan sonra "Real Madrid" beş xal toplayıb və İspaniya La Liqasının turnir cədvəlində birinci yerdə olan "Barselona"dan dörd xal geri qalaraq dördüncü pillədə qərarlaşıb. "Las Palmas"ın iki xalı var və 15-ci yerdədir.