 |
|
|
"Araz-Naxçıvan" son beş səfər matçında qapısını toxunulmaz saxladığı üçün "Fiorentina" ilə rekordu əlində saxlayır.
Oxu.Az xəbər verir ki, oktyabrın 5-də "Sabah"la görüşdə (1:1) qol buraxan Elmar Baxşıyevin komandası 65 gündür qapısını meydan sahiblərinin üzünə "tilsimləyib". Bu müddətdə "Araz-Naxçıvan" rəqib meydanlarında xal da itirməyib.
"Şamaxı", "Neftçi" və "Zirə"ni bir, "Kəpəz"lə "Səbail"i iki qolla üstələyən Baxşıyevin yetirmələri dekabrın 22-də "Qarabağ"ın qonağı olacaqlar. Yüksək liqa klublarından yalnız "Fiorentina"nın davam edən oxşar seriyası var.
Florensiya təmsilçisi A seriyasındakı son 5 səfər oyununda qapısını toxunulmaz saxlaya bilib. Sentyabrın 15-də "Atalanta"ya 3:2 hesabı ilə uduzan "bənövşəyilər" həmin matçdan sonra qonaqlara qol sevinci yaşatmayıb.
Naxçıvan klubundan fərqli olaraq, İtaliya təmsilçisi xal itkisi görüb. "Empoli" ilə heç-heçə edən komanda ardınca "Leççe"ni 6, "Cenoa" və "Torino"nu bir, "Komo"nu iki qolla məğlubiyyətə uğradıb.
Qeyd edək ki, "Fiorentina" növbəti səfər matçında "Bolonya"nın qonağı olacaq.
"Sumqayıt"ın baş məşqçisi Vaqif Cavadov Misli Premyer Liqasının 16-cı turunda "Neftçi"yə 2:0 hesabı ilə qalib gəldikləri oyunla bağlı fikirlərini bölüşüb.
O, görüşdən sonra təşkil mətbuat konfransında deyib: "Bilirsiniz ki, komandanı yeni götürmüşəm, amma "Neftçi" hər zaman "Neftçi"dir. Bu rəqibə qarşı oynamaq hər bir futbolçuya zövq verir. Həm oyunçunun qiyməti, həm də karyerası üçün önəmlidir. Futbolçular bunu dərk edirdilər. Onlara təşəkkür edirəm. 90 dəqiqə ərzində komandamız sübut etdi ki, rəqibdən zəif deyilik. Futbolçularım üçün bu qalibiyyət irəliyə doğru addım olacaq. Deməli, komandamız futbol oynaya bilir, futbolçuların potensialı üst səviyyədədir. İnşallah, bu qələbə bizi ancaq irəliyə doğru aparacaq. Hansısa eyforiyadan söz gedə bilməz. Hər oyuna maksimum hazırlaşacağıq ki, "Sumqayıt" üçün yaxşı nəticə ilə sonlansın".
Mütəxəssis "Samir Abasov bildirdi ki, "Sumqayıt"ı tərk etdikdən sonra ciddi dəyişikliklər baş verməyib. Bu haqda nə düşünürsünüz?" sualına belə cavab verib: "Samir müəllimin dediyinə özünüz cavab versəniz, daha yaxşı olar. Mənim bu haqda danışmağım doğru olmaz".
V.Cavadov qələbəni mərhum atası Füzuli Cavadova həsr etdiyini bildirib: "Ailə olaraq "Neftçi"liyik. Kaş ki, atam bugünkü oyunu görərdi. İnanıram ki, karyeram ərzində necə yanımda olubsa, indiki uğuruma da çox sevinərdi. Baxmaraq ki, "Neftçi"li olub. Onun olmaması mənim üçün çətindir. Bugünkü "Neftçi" üzərində qələbəni də atama həsr edirəm. Çünki onun mənim üzərimdə əməyi çox böyük olub".
O, "Sumqayıt"ın sabiq baş məşqçisi Samir Abasovun komandasına qarşı oynamaqlarının motivasiyaya təsir etmədiyini qeyd edib: "Bu gün hansısa simaya qarşı yox, "Neftçi"yə qarşı oynayırdıq. Yaxşı komandaya qarşı mübarizə aparmaq və qalib gəlmək istəyirdik. Nə mənim, nə oyunçularımın kimisə qarşı artıq motivasiya ilə oynamaqda rolu olmayıb. Sadəcə bilirdik ki, yaxşı rəqibə qarşı oynayırıq. Hər bir futbolçu sübut etdi ki, heç kimdən zəif deyilik və bu heyətlə də futbol oynamaq olar. Baş məşqçi ilə bağlı heç bir motivasiya ola bilməzdi. Bütün oyunlara necə hazırlaşmışdıqsa, bugünkü matça da eyni motivasiya ilə çıxmışdıq. Sadəcə "Neftçi" həmişə "Neftçi"dir. Fərqi yoxdur hansı pillədədir. Onun adı hər zaman üstündədir. Ona görə onlara uğurlar arzulayıram. Bu klubu tez bir zamanda yuxarı pillələrdə görmək istəyərdim".
Mütəxəssis "Neftçi"yə qarşı oyuna xüsusi bir taktika ilə çıxmadıqlarını deyib: "Zirə", "Şamaxı" və "Neftçi"yə qarşı oynadığımız demək olar ki, eynidir. Sadəcə bu gün daha çox istək var idi. Bu istəyə görə də Allah bizə qələbəni bəxş etdi".
V. Cavadov qış transfer pəncərəsi haqda danışıb: "Bu barədə düşünmürük. Əlbəttə ki, köməkçilərim bu haqda məlunat toplayırlar. Biz hər oyun maksimum nəticə üçün oynayırıq. Qışda fasilə olacaq. Digər futbolçular haqda düşünməyə vaxtımız yaranacaq. Bugünkü gündə heyətimdə hansı futbolçular varsa, çalışacağam ki, işimi onlarla davam etdirim".
O, klub prezidenti olsaydınız, 8 oyundan 5 qələbə qazanan baş məşqçinin müvəqqəti statusunu götürüb, daimi müqavilə bağlayardınız?" sualına cavabında deyib: "Bu mənə aid olan sual deyil. Məşqçi olaraq "Sumqayıt"ın yetirməsiyəm. Akademiyadan A komandasına qədər yüksəlmişəm. Çox sağ olsun rəhbərlik, mənə inanıb baş məşqçi vəzifəsini etibar etdi. Sabah desələr ki, bugünkü işə görə təşəkkür edirik, amma başqa məşqçi istəyirik, bu, onların istəyi olacaq. Ya əvəzedici heyətə dönəcəyəm, ya da baş məşqçi kimi işimə davam edəcəyəm". /qol.az
Amerika Beyzbol Liqasının (MLB) Qərb qrupunda mübarizə aparan "Oakland Atletiks" komandasının Las Veqasda tikilməsi planlaşdırılan yeni stadionunun dəyərinin 1,75 milyard dollar olacağı proqnozlaşdırılır.
Qaynarinfo "The Atletic"ə istinadən xəbər verir ki, klub rəsmiləri əvvəllər stadionun 1,5 milyard dollara başa gələcəyini gözlədiklərini bildirmişdilər. Əvvəlki planlara əsasən, "proqram daxilindəki sabit xərclər" 1,45 milyard dollar, maliyyə xərcləri 52 milyon dollar, digər xərclər isə 248 milyon dollar təşkil etməli idi. Lakin artan xərclər səbəbilə əlavə büdcə tələb olunacaq.
Xərclər artaraq 1,75 milyard dollara çatıb
Komandanın əsas səhmdarı Con Fişerin müşaviri Sandi Din bildirib ki, artan xərclər komandanın məsuliyyətindədir və bu məsrəfləri əsasən Fişer ailəsinin əlavə töhfələri ilə qarşılamaq planlaşdırılır.
Nevada rəsmiləri ilə əməkdaşlıq edən Din deyib: "Stadionun artan xərcləri komandanın üzərinə düşür və bu məsrəfləri qarşılamaq üçün əsasən ailə vəsaitləri istifadə olunacaq".
Yenilənmiş xərclər cümə axşamı Las Veqas Stadion Administrasiyasına təqdim olunan sənədlərdə yer alıb. Bu sənədlərdə Fişerin imzaladığı və 2028-ci il mövsümünə hazır olacağı gözlənilən stadionun tikintisinə 1,1 milyard dollaradək sərmayə qoyulacağı bildirilən məktub da var.
Yeni rekord: dünyanın ən bahalı stadionu
Dünyanın ən bahalı stadionu hal-hazırda 1,6 milyard dollarlıq dəyəri ilə Nyu-York "Jets" komandasının MetLife Stadionudur. Lakin "Oakland Atletiks"in Las Veqas stadionu bu rekordu yeniləyəcək.
Açılış 2028-ci ildə planlaşdırılır
2025-ci ilin aprelində tikintisinə başlanması planlaşdırılan stadionun heç bir problem yaranmazsa, 2028-ci ildə istifadəyə veriləcəyi gözlənilir.
Reaksiya doğuran məhdudiyyətlər
ABŞ-da peşəkar idman komandalarının şəhər dəyişməsi adi haldır. Bu dəyişikliklər zamanı stadion inşası adətən yerli hökumətlə əməkdaşlıq çərçivəsində həyata keçirilir. "Oakland Atletiks" ilə Las Veqas rəhbərliyi arasında bağlanan 30 illik razılaşmaya əsasən, komanda stadion xaricində dörd ev oyunu keçirmək və hər hansı iki ardıcıl mövsümdə yeddi ev oyunundan çoxunu səfərdə oynamaq hüququna malikdir. Bu məhdudiyyət, daha əvvəlki razılaşma layihəsində qeyd olunan bəzi detallara görə narazılıq doğurub.
Britaniyanın atçılıq üzrə ən çox mükafat alan olimpiya çempionu Şarlotta Düjardin məşq zamanı atının ayaqlarını qamçıladığını göstərən videogörüntülərdən sonra 2025-ci ilin iyul ayına qədər yarışlardan kənarlaşdırılıb.
Qaynarinfo bu barədə “Daily Mail”ə istinadən xəbər verir.
https://www.dailymail.co.uk/sport/olympics/article-14160717/Disgraced-Olympian-Charlotte-Dujardin-handed-ONE-YEAR-suspension-8-000-fine-distressing-video-equestrian-whipping-horse-training-circulated-eve-Paris-Olympics.html?ns_mchannel=rss&ns_campaign=1490&ito=1490
Mənbənin sözlərinə görə, idmançı 8886 funt-sterlinq məbləğində cərimə edilib. Düjardinin diskvalifikasiyası o deməkdir ki, idmançı milli və ya beynəlxalq yarışlarda iştirak edə bilməz. Bu halda qərar qətidir və şikayət verilə bilməz.
Dörd illik videonun yayımlanması ilə bağlı məlumat 2024-cü ilin iyul ayının sonunda mediaya çıxıb. Bu məlumatlar səbəbin Düjardin Parisdə keçirilən Yay Olimpiya Oyunlarına getməmək qərarına gəlib, Britaniya Atçılıq Federasiyası və Britaniya Atçılıq Bürosu araşdırmaya başlayıb.
“Baş verənlər tamamilə xarakterdən kənardır və mənim atlarımı necə öyrətdiyimi və ya tələbələrimi necə məşq etdirdiyimi əks etdirmir. Lakin bunun üçün heç bir bəhanə yoxdur. Mən çox utanıram və həmin anda daha yaxşı nümunə göstərməliydim”, deyə Dujardin bildirib.
İngiltərə Premyer Liqasının 14-cü turun "Mançester Siti" və "Nottingem Forest" komandaları qarşılaşıb.
Oxu.Az xəbər verir ki, komandalar Mançesterdəki "Etihad" matçda ev sahibləri 3:0 hesabı ilə qələbə qazanıb.
Matçın ilk qolu 8-ci dəqiqədə vurulub. "Mançester Siti"nin yarımmüdafiəçisi Bernardo Silva fərqlənib. 31-ci dəqiqədə Kevin De Bruyne hesabda fərqi ikiyə çatdırıb. 57-ci dəqiqədə cinah hücumçusu Jeremi Doku "Siti"nin üçüncü qolunu vurub.
Hazırda "Mançester Siti" İngiltərə çempionatının turnir cədvəlində dördüncü yerdədir. Komanda 14 matçda 26 xal toplayıb. "Nottingem Forest" 22 xalla yeddinci yerdədir.
Qeyd edək ki, bu qələbə sayəsində "şəhərlilər" bütün turnirlərdə yeddi matçlıq uğursuz seriyanı qırıblar.
Azərbaycanlı Paralimpiya çempionu dünyanın ən yaxşı parataekvondoçusu seçilib
Azərbaycanlı Paralimpiya çempionu İmaməddin Xəlilov Dünya Taekvondo Federasiyası (WT) tərəfindən 2024-cü ilin ən yaxşı kişi parataekvondoçusu adına layiq görülüb.
Bu il ərzində iştirak etdiyi bütün turnirlərdə qızıl medal qazanan idmançımız Paralimpiya, dünya və Avropa çempionu titullarına yiyələnib.
O, həmçinin dünya reytinqinin hazırkı lideridir. Parataekvondoçumuza mükafat Honkonqda keçirilən qala gecəsində təqdim olunub.
Qeyd edək ki, idmançımız bu ada Dünya Taekvondo Federasiyasının Texniki Komissiyasının yekdil rəyi əsasında layiq görülüb.
Türkiyə Kubokunda "Iğdır"la "Muşspor" qarşılaşıb.
"Muşspor"un oyunçusu Cem Çelik meydanın mərkəz xəttinə yaxın hissədən fantastik qolla hesaba tarazlıq gətirib.
Sözügedən qolu təqdim edirik.
“Qarabağ”ın hücumçusu Redon Cica yanvarda, qış transfer pəncərəsi dövründə komandanı tərk edə bilər.
Sherg.az xəbər verir ki, bu barədə o, Albaniya mətbuatına açıqlamasında bildirib.
“Mənim onsuz da “Qarabağ”da oynamaq vaxtım az olur. Əgər yanvarda getmək istəsəm, mən bir neçə variant içində ən yaxşısı üzərində dayanacam”.
Qeyd edək ki, Redon Cica 2023-cü ilin yanvarında “Tirana” klubundan “Qarabağ”a keçib. O, Ağdam klubunda bütün turnirlərdə ümumən 61 oyun keçirib, 11 qol vurub və 5 qolun ötürməsini edib. Onun Azərbaycan təmsilçisi ilə müqaviləsi 2026-cı ilin iyununda başa çatır.
Klubların UEFA reytinqi açıqlanıb.
TEREF unikal-a istinadən xəbər verir ki, Çempionlar Liqası və Avropa Liqasında V, Konfrans Liqasında IV turun oyunları bəzi dəyişikliklərə səbəb olub.
Azərbaycan çempionu "Qarabağ"ın da mövqeyi dəyişib. Evdə "Lion"a 1:4 hesabı ilə məğlub olan Qurban Qurbanovun komandası 62-ci pillədə qərarlaşıb.
Ağdam klubunun hesabında 32,000 xal var. "Qarabağ" bir addım geriləyib. Plzen "Viktoriya"sı təmsilçimizi geridə qoyub.
"Neftçi" 8,000 xalla 175-ci yerə şərikdir. Digər klublarımız - "Zirə", "Sabah", "Sumqayıt" 4,000 xalla 310-cu, "Qəbələ" və "Şamaxı" 3,925 xalla 323-cü yeri bölüşənlər arasındadır.
Qeyd edək ki, siyahıya 135,000 xala malik "Mançester Siti" başçılıq edir.
"Real Madrid" "Barselona"nı 125 illik yubileyi münasibətilə təbrik edib.
Oxu.Az xəbər verir ki, bununla bağlı İspaniya klubu "X" hesabında paylaşım edib.
"125 illik yubileyiniz mübarək, "Barselona"! Tariximiz boyu sizin kimi böyük rəqiblə rəqabət aparmaq "Real Madrid" üçün böyük şərəfdir", - Madrid klubunun paylaşımında qeyd olunub.
Xatırladaq ki, noyabrın 29-u Kataloniya klubunun yaranmasının ildönümüdür.
https://x.com/realmadrid/status/1862561019005952358?ref_src=twsrc%5Etfw%7Ctwcamp%5Etweetembed%7Ctwterm%5E1862561019005952358%7Ctwgr%5Ef654967fa2817932f22691cec06907155b5caf9d%7Ctwcon%5Es1_c10&ref_url=https%3A%2F%2Foxu.az%2Fidman%2Freal-madrid-barselona-ni-125-illik-yubileyi-munasibetile-tebrik-edib