Paris-2024 Olimpiadasında tennis üzrə kişilərin fərdi yarışlarında final matçı keçirilib.

Gununsesi.info xəbər verir ki, həlledici matçda serbiyalı məşhur tennisçi Novak Cokoviç Olimpiadaların ən gənc finalçısı ispaniyalı Karlos Alkarasla üz-üzə gəlib.

Cokoviç rəqibini hər iki setdə 7:6 hesabı ilə məğlub edərək olimpiya çempionu olub.

Qeyd edək ki, Novak “Böyük Dəbilqə” yarışlarında qələbə sayına görə rekordçudur.

Yoldaşlıq görüşündə "Barselona" "Real Madrid"lə qarşılaşıb.

Oxu.Az xəbər verir ki, gərgin mübarizə vəd edən qarşılaşmaya daha fəal başlayan "Barselona" hesabı 42-ci dəqiqədə açıb. Pau Viltor hədəfdən yayınmayıb - 1:0.

Fasilədən sonra hücumların kəsərini artıran "kataloniyalılar" yenidən fərqləniblər. Pau Viltor 54-cü dəqiqədə dublunu rəsmiləşdirib - 2:0.

"Real Madrid"in isə gücü yalnız təsəlli qoluna çatıb. Niko Pazın 82-ci dəqiqədə vurduğu qol görüşün yekun nəticəsini müəyyənləşdirib - 2:1.

55 yaşlı alman atlet İzabelle Vert Olimpiya Oyunlarında səkkizinci qızıl medalını qazanıb.

Xarici KİV xəbər verir ki, o, bu gün Almaniya komandasının tərkibində komanda yarışında qalib gəlib.

Vert ilk qızılını 1992-ci ildə Barselona Olimpiadasında qazanıb.

Qeyd edək ki, onun ümumilikdə səkkiz qızıl və beş gümüş medalı var.

Tarixdə qazandığı qələbələrin sayına görə o, beş idmançıdan sonra ikinci yerdədir. Amerikalı üzgüçülər Mark Spitz və Maykl Felps, yüngül atletikaçılardan ABŞ-dən Karl Lyuis və Finlandiyadan Paavo Nurmi, habelə sovet gimnastı Larisa Latınina doqquz dəfə Olimpiya çempionu olublar.

İstanbulda keçirilən Türkiyə Superkubokunun oyununda “Beşiktaş” “Qalatasaray”ı darmadağın edib.

"Cebheinfo.az" xəbər verir ki, Atatürk Olimpiya Stadionunda baş tutmuş matçı Atilla Karaoğlanın başçılıq etdiyi hakimlər briqadası idarə edib.

Oyundan hesab hakimin start fitindən cəmi bir neçə saniyə sonra açılıb: 1-ci dəqiqədə norveçli Yunas Svenssonun ötürməsindən italiyalı hücumçu Çiro İmmobile topu tora qovuşdurub. Əsasən qarşılıqlı hücumlarla yadda qalan oyunda başqa qol vurulmayıb. Eyni zamanda, ilk yarı sərt oyunla da fərqlənib: hakim beş dəfə əlini cibinə atmalı olub.

İkinci hissəyə də “qara qartal”lar daha fəal başlayıb: 53-cü dəqiqədə birinci qolun iştirakçısı Svensson uruqvaylı qapıçı Musleranı məyus edib – 0:2. Oyunda növbəti qol bir də 81-ci dəqiqədə vurulub: İmmobile penaltini dəqiq yerinə yetirərək dubla imza atıb. Cəmi 6 dəqiqə sonra “sarı-qırmızılar”ın müdafiəçisi Viktor Nelsson qırmızı vərəqə alaraq meydandan qovulub. Bu isə “Beşiktaş”a yeni qol imkanları yaradıb: əlavə edilmiş birinci dəqiqədə Rafa Silva, bir dəqiqə sonra isə Mustafa Hekimoğlu fərqlənərək hesabı darmadağın həddinə çatdırıb – 0:5.

Beləliklə, “Beşiktaş” 10-cu dəfə Türkiyə Superkubokunu qazanıb və qələbə sayında “Trabzonspor”la bərabərləşib. “Qalatasaray” 17 kubokla turnirin rekordçusu olaraq qalır.

2024 Paris Olimpiyatları sansasyonel bir şekilde başladı. Fransa'nın empatiden uzak yaklaşımına bu yazıda değinmeyeceğim.
Bize gelince, Türk Olimpiyat Takımı'nın kıyafetlerini fazlasıyla tartıştık.
Bir taraftan da Filenin Sultanları hiç olmaması gereken bir şekilde gündemin merceğine oturdu.
Bu türden gündemlerin hiçbirisi açıkçası beni motive etmiyor.
İster istemez bu tablo 36 yıl öncesine, Naim'in Seul'deki başarısına götürdü.
Başlangıcı hiç de öyle dikkat çekici türden olmayan bir yolculuğa.
Mükemmel olmayan ekipmanlar, çok çekici olmayan bir spor dalı, örnek alabileceği bir rol modelinin olmadığı küçük bir kasaba.
Böyle bir yerden rekorları alt üst eden, 3 defa olimpiyat şampiyonu biri çıkar mı diye sorabilirsiniz. Çıkıyor!
Öyle mucize filan demeye de gerek yok. Mucize dersek bir daha yeni Naim'ler çıkmaz.
Peki nasıl oluyor da Kırcaali'deki bu salondan kocaman bir Naim çıkıyor?
Sorunun cevabı ders kitaplarına girmesi gereken bir hikaye

Avqustun 1-də Azərbaycan Respublikasının Prezidenti İlham Əliyev və birinci xanım Mehriban Əliyeva “Paris-2024” XXXIII Yay Olimpiya Oyunlarında Olimpiya çempionu olmuş azərbaycanlı cüdoçu Zelim Kotsoyevə zəng ediblər.

Moderator.az xəbər verir ki, bu barədə Prezidentin Mətbuat Xidməti məlumat yayıb.

Prezident İlham Əliyev və birinci xanım Olimpiadanın qızıl medalını qazanması münasibətilə Zelim Kotsoyevi təbrik edib, ona gələcəkdə də yeni uğurlar arzulayıblar. Dövlətimizin başçısı Azərbaycan idmançılarının Olimpiya Oyunlarında cüdo idman növü üzrə ilk dəfə iki Olimpiya qızıl medalını qazandıqlarını qeyd edərək bu münasibətlə təbriklərini eyni zamanda komandanın məşqçilərinə və Cüdo Federasiyasının rəhbərliyinə çatdırıb.

Telefon zənginə və səmimi təbriklərə görə dövlətimizin başçısına və birinci xanıma minnətdarlığını bildirən Zelim Kotsoyev öz qələbəsi ilə Azərbaycan Bayrağını ucaltmaqdan və Himnimizi səsləndirməkdən fəxr hissi keçirdiyini deyib. O, yeni qələbələr qazanmaq üçün bundan sonra da bütün səylərini əsirgəməyəcəyini vurğulayıb.

Azərbaycanın dörd idmançısı və 3x3 basketbol millisi Fransanın paytaxtı Parisdə keçirilən Yay Olimpiya Oyunlarının növbəti günündə mübarizə aparıblar.

Oxu.Az xəbər verir ki, olimpiadalar tarixində ölkəmizi ilk dəfə komanda yarışlarında təmsil edən qadınlardan ibarət 3x3 basketbol yığmamız ikinci matçına çıxıb.

Komandamız II turda ABŞ yığması ilə görüşüb. 20:17 hesabı ilə qalib gələn qızlarımız tarixi qələbəyə imza atıblar. Seçməmiz III və IV turda müvafiq olaraq Fransa və Almaniya milliləri ilə qarşılaşacaqlar. Hər iki oyun bu gün gerçəkləşəcək.

Akademik avarçəkmə üzrə yığmamızın üzvü Diana Dımçenko 6-12-ci yerlər uğrunda yarışda qüvvəsini sınayıb. O, C/D yarımfinalında altı iştirakçı arasında üçüncü olub. Məsafəni 7 dəqiqə 59.23 saniyəyə qət edən avarçəkən C finalına vəsiqə qazanıb.

Cüdoçu Elcan Hacıyev 1/16 finaldan mübarizəyə başlayıb. Bu raundda Türkiyə təmsilçisi Mixael Zqankı üstələyən tatami ustası, 1/8 finalda fransalı Nqayap Hambuya uduzaraq yarışı erkən başa vurub.

Azərbaycan triatlonçusu Rostislav Pevtsov da turnirə qoşulanlar sırasında yer alıb. İdmançımız ümumi məsafəni 1 saat 50 dəqiqə 36 saniyəyə qət etməklə 43-cü olub.

Badmintonçumuz Edi Reski Dviçayo E qrupunda ikinci görüşünü keçirib. Danimarkalı Anders Antonsenə qarşı mübarizə aparan raketka ustası 0:2 (12:21, 14:21) hesabı ilə uduzaraq yarışı medalsız başa vurub.