 |
|
|
Türkiyə Superliqasının XVII turunda "Beşiktaş" doğma meydanda "Alanyaspor"la qarşılaşıb.
"Cebheinfo.az" xəbər verir ki, matç 1:1 hesablı heç-heçə ilə nəticələnib. Hər iki qol ilk hissədə vurulub.
Bu nəticədən sonra xallarını 26-ya çatdıran "Beşiktaş" 5-ci pillədə qərarlaşıb. "Alanyaspor" isə 18 xalla 13-cü yerdədir.
Ölkənin aparıcı banklarından biri olan Bank Respublika və Azərbaycan Futbol Federasiyaları Assosiasiyası (AFFA) arasında Azərbaycan futbolunun davamlı inkişafına dəstək məqsədilə sponsorluq müqaviləsi imzalanıb. Müqaviləni “Bank Respublika”nın İdarə Heyətinin sədri Tariyel İsmayılov və AFFA-nın icraçı vitse-prezidenti Sərxan Hacıyev imzalayıblar.
İmzalanma mərasimində Bank Respublikanın rəhbərliyi, AFFA nümayəndələri, futbol ictimaiyyətinin tanınmış simaları və media nümayəndələri iştirak etdilər.
Bu əməkdaşlıq futbolun həm peşəkar, həm də kütləvi inkişafına yönəlib. 4 il müddətinə bağlanmış müqavilə çərçivəsində, Bank Respublika yalnız maliyyə dəstəyi göstərməklə kifayətlənməyərək, ölkəmizdə futbolun inkişafı, gənclərin idmana cəlb olunması və sağlam həyat tərzinin təşviqi sahəsində geniş miqyaslı layihələrin həyata keçirilməsini hədəfləyir.
Bu gün Azərbaycan futbolu üçün əlamətdar günlərdən biridir. Bank sektorunun futbolumuzun inkişafına öz töhfəsini verməyə hazır olması sevindirici haldır. Ölkə futboluna göstərdiyi diqqətə, əməkdaşlığa görə “Bank Respublika”ya dərin təşəkkürümüzü bildiririk. Bu əməkdaşlığın həm milli assosiasiya, həm də bank üçün faydalı olacağına əminik” deyə AFFA-nın İcraçı vitse-prezidenti Sərxan Hacıyev qeyd edib.
“Bank Respublika olaraq Azərbaycan futbolunun gələcəyinə inanırıq və bu müqavilə ilə futbolumuzun inkişafına töhfə verməkdən qürur duyuruq. Əminik ki, Milli Komandamız gələn il Dünya Çempionatının seçmə oyunlarında baxımlı oyun nümayiş etdirərək futbol azarkeşlərimizi sevindirəcək. AFFA ilə əməkdaşlıq çərçivəsində futbolun kütləviləşdirilməsi, gənc istedadların üzə çıxarılması və peşəkar futbolun inkişafına dəstək olmaq bizim məqsədlərimizdir.” deyə “Bank Respublika”nın İdarə Heyətinin sədri Tariyel İsmayılov qeyd edib.
Daha ətraflı məlumatı bankın rəsmi web saytında, facebook, instagram, linkedin səhifələrində və ya Bankın Çağrı Mərkəzinə 144 nömrəsinə zəng edərək əldə edə bilərsiniz.
Türkiyənin “Qalatasaray” klubunun prezidenti Dursun Özbək incəsənətə marağını unikal bir formada nümayiş etdirib.
Musavat.com xəbər verir ki, O, Azərbaycan xalq mahnısı “Sarı Gəlin”i ifa edib.
Hadisə xüsusi bir tədbir zamanı baş verib və Özbəyin ifası iştirakçılar tərəfindən böyük maraqla qarşılanıb. Klub prezidentinin musiqi qabiliyyəti və mahnının seçimi sosial şəbəkələrdə geniş müzakirələrə səbəb olub.
Qeyd edək ki, “Sarı Gəlin” mahnısı Azərbaycan mədəniyyətinin incilərindən biri hesab edilir və beynəlxalq səviyyədə tanınır. Dursun Özbəyin bu mahnını ifa etməsi iki qardaş xalqın mədəni bağlarının gücünü göstərən bir jest kimi qiymətləndirilir.
Musavat.com
Qitələrarası Kubok üzrə "Real Madrid" "Paçuça" komandası ilə qarşılaşır.
Oyunda vurulan ilk qol zamanı Vinisius-Mbappe ikili "şou" göstərib. Komandanın ikinci qoluna imza atan Rodriqo isə mükəmməl zərbə ilə topu qapıya göndərib. /Offsideplus.az
Qolların videosunu təqdim edirik:
İtaliya Kubokunda 1/8 final mərhələsinin oyunları keçirilir.
Oxu.Az xəbər verir ki, Kubokun hazırkı sahibi "Yuventus" Turində "Kalyari"ni qəbul edib.
Meydan sahibləri ilk hissənin sonlarında hesabı açıblar. Kenan Yıldızın ötürməsini Vlahoviç qola çevirib.
İkinci hissədə "qoca sinyora" daha 3 qol vuraraq rəqibini darmadağın edib - 4:0.
Beləliklə də, "Yuve" çətinlik çəkmədən İtaliya Kubokunun 1/4 finalına adlayıb. "Kalyari" isə turnirdəki mübarizəsini dayandırıb.
Bosniya və Herseqovinanın “Sloboda Tuzla” klubunun prezidenti Azmir Husiç baş məşqçi Zlatan Naliç və bütün futbolçuları komandadan qovub.
Tribunainfo.az xarici mediaya istinadən xəbər verir ki, buna ölkə çempionatındakı zəif nəticələr səbəb olub. Komanda Premyer Liqada keçirdiyi 17 matçın 15-də uduzub, 2-də heç-heçə edib.
A.Husiç ölkəsinin mətbuatına açıqlamasında bu addımı atmaqla həyatının ən çətin qərarlarından birini verdiyini deyib. O, kollektivi yenidən formalaşdıracaqlarını və liqada qalmaq üçün mübarizə aparacaqlarını bildirib.
Qeyd edək ki, 1919-cu ildə əsası qoyulan “Sloboda Tuzla” hazırda turnir cədvəlində sonuncu pillədədir.
Almaniya region liqasında növbəti oyunlar keçirilib.
Millimizin keçmiş üzvü Rüfət Dadaşovun şərəfini qoruduğu Berlin "Dinamo"su "Babelsberq" klubunu qəbul edib.
Oyun 3-0 hesabı ilə meydan sahiblərinin xeyrinə başa çatıb. 90 dəqiqə meydanda olan Dadaşov rəqibin qapısından 2 top keçirib.
Qeyd edək ki, hazırda 29 xala malik "Dinamo" regional liqada 6-cı pillədə qərarlaşıb. /Bizim.Media
"Fənərbağça" Türkiyə Superliqasında növbəti oyununu keçirib.
TNS xəbər verir ki, "Fənərbağça" doğma meydanda "Başakşəhər"lə qarşılaşıb. Görüş ev sahiblərinin 3:1 hesablı qələbəsi ilə yekunlaşıb.
Bu nəticədən sonra xallarını 35-ə çatdıran "Fənərbağça" 2-ci pillədə qərarlaşıb. Qonaq komanda isə 22 xalla 7-ci yerdədir.
Dünyanın ən güclü şahmatçılarından biri Şəhriyar Məmmədyarov Türkiyə gömrüyündə problemlə üzləşib.
TEREF bakuplus.az saytına istinadən xəbər verir ki, bu barədə "Satranc okulu” kanalında FİDE ustası Selim Gürcan məlumat verib.
O bildirib ki, Şəhriyar qaçaqmalçılıqda şübhəli bilinib.
Şəhriyar məşhur şahmatçı olduğunu bildirəndən sonra gömrük əməkdaşları internetdə axtarış edib, yalnız bundan sonra üzr istəyərək Məmmədyarovun Türkiyəyə keçməsinə şərait yaradıblar.
Türkiyəli futbolçu Arda Güler adını "Real Madrid"in tarixinə yazdırıb.
Bu barədə "CNN Türk" məlumat yayıb.
Məlumata görə, yarımmüdafiəçi İspaniya çempionatının "Rayo Valyekano" ilə görüşündə 2 məhsuldar ötürmə edib.
Beləliklə də, Güler cari əsrdə bir La Liqa matçında iki məhsuldar ötürmə ilə "Real Madrid"in ən gənc futbolçusu olub. Qarşılaşma vaxtı yarımmüdafiəçi 19 yaş 293 günlük idi.
Qeyd edək ki, matç dekabrın 14-də baş tutub və 3:3 hesabı ilə başa çatıb.