 |
|
|
"Mançester Yunayted"lə oyunda (2:2) fərqlənən "Liverpul"un futbolçusu Məhəmməd Salah İngiltərə Premyer Liqasında 175-ci qolunu vurub.
Oxu.Az xəbər verir ki, bu barədə "Bombardir" məlumat yayıb.
Bununla da 32 yaşlı misirli hücumçu qol sayında "Arsenal"ın keçmiş üzvü Tyerri Anriyə çatıb.
Yanvarın 4-də gecə saatlarında baş verən kikboksçu və boksçu məşqçilərin iştirakı ilə törədilmiş cinayət işi ilə bağlı daha bir nəfər saxlanılıb.
TEREF prosport.az-a istinadən xəbər verir ki, kikboksinq üzrə dünya və Avropa çempionu, Azərbaycan Kikboksinq Federasiyasının vitse-prezidenti Ramal Aslanov Xətai Rayon Polis Baş İdarəsinin əməkdaşları tərəfindən saxlanılıb.
Qeyd edək ki, "Lord" ləqəbli Ramal Aslanov DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücumda iştirak edən Elnur Həmidov, Elçin Hüseynov və Elvin Məmmədova sifarişi verən şəxs kimi şübhəli bilinir.
Ramal Aslanovla Fuad Zeynalov bir federasiyada işləsə də, uzun müddət aralarında soyuq münasibətlər olub.
“Qalatasaray” Türkiyə Superliqasında 18-ci tur oyununu keçirib.
Bizim.Media xəbər verir ki, “aslanlar” “Göztepe”ni qəbul ediblər.
İstanbuldakı “Rams Park” arenasında oynanılan matç “Qalatasaray”ın 2:1 hesablı qələbəsi ilə başa çatıb.
Bununla da “Qalatasaray” xallarının sayını 46-yə çatdırıb (17 matç) və 2-ci yerdəki “Fənərbağça” (16 matç) ilə fərqi 11 xala yüksəldib. “Göztepe” isə 28 xalla 5-cidir.
“Qalatasaray” - “Göztepe” - 2:1
Qollar: Osimhen, 10-pen; Akgün, 61 - Romulo, 27.
Türkiyənin "Fənərbağça" klubu "Mançester Siti"nin belçikalı ulduzu Kevin De Brüyneyə həftəlik 250 min funt-sterlinq təklif edib.
Oxu.Az "Fanatik" nəşrinə istinadən xəbər verir ki, "Mançester Siti" ilə müqavilə müddətini uzatmayan futbolçu Türkiyə Superliqasında çıxış etməyə isti yanaşmır.
Kevin De Brüyne Avropa nəhənglərindən birində çıxış etmək istədiyini bildirib.
Qeyd edək ki, De Brüyne "Mançester Siti" forması ilə bu mövsüm 17 oyunda meydana çıxıb, iki qol və iki məhsuldar ötürmə ilə yadda qalıb.
"WhoScored "İngiltərə Premyer Liqasında 2024-cü ilin komandasını açıqlayıb.
Oxu.Az xəbər verir ki, bu barədə "Championat" məlumat verib.
Hazırda bu mövsüm bombardirlər yarışına başçılıq edən hücumçular Məhəmməd Salah ("Liverpul") və Erlinq Holand ("Manşester Siti") bu siyahıda yoxdur.
2024-ci ilin Premyer Liqanın rəmzi komandası aşağıdakı kimidir:
Qapıçı: Mark Flekken ("Brentford");
Müdafiəçilər: Yosko Qvardiol ("Mançester Siti"), Trent Aleksander-Arnold ("Liverpul"), Qabriel Maqalyans ("Arsenal"), Ceyms Tarkovski ("Everton");
Yarımmüdafiəçilər: Rodri ("Mançester Siti"), Koul Palmer ("Çelsi"), Ebereçi Eze ("Kristal Pelas");
Hücumçular: Luis Dias ("Liverpul"), Bukayo Saka ("Arsenal"), Kay Havertz ("Arsenal").
Gənclər və İdman Nazirliyi Azərbaycan idmançılarının 2025-ci ilin ilk ayı üçün yeni reytinq cədvəlini açıqlayıb.
Trubinainfo.az xəbər verir ki, bədii gimnastika üzrə qrup hərəkətləri komandası (500 xal) ilk pillədə yer alıb.
Fransanın paytaxtı Parisdəki Yay Olimpiya Oyunlarının qalibi olmuş cüdoçu Hidayət Heydərov 390 xalla ikincidir. Atlet Anna Skidan (315 xal) isə üçüncü olub.
İlk “10-luq”da Paris-2024-ün digər qalibi, cüdoçu Zelim Kotsoyev (310 xal), cüdoçu Elcan Hacıyev (300 xal), idman gimnastı Nikita Simonov (285 xal), cüdoçu Balabəy Ağayev (250 xal), bədii gimnast Zöhrə Ağamirova (220 xal), ağırlıqqaldıran Dadaş Dadaşbəyli (205 xal) və cüdoçu Yaşar Nəcəfov (190 xal) yer alıblar.
"Qalatasaray" PSJ-nin futbolçusu Milan Şkrinyarı heyətinə cəlb etmək istəyir.
Demokrat.az xəbər verir ki, bu barədə insayder Fabrizio Romano məlumat yayıb.
İstanbul təmsilçisi 29 yaşlı slovakiyalı müdafiəçini icarə əsasında transfer etməyi planlaşdırır və artıq bununla bağlı Paris təmsilçisinə təklif göndərib. Hazırda Şkrinyarın PSJ-dəki gələcəyi ilə bağlı qərarını verməsi gözlənilir.
Qeyd edək ki, Milan Şkrinyan bu mövsüm PSJ-nin heyətində 5 oyuna çıxıb.
“Azərbaycana heyran oldum”.
Bu sözləri AZƏRTAC-a açıqlamasında qadın voleybolçulardan ibarət “Gəncə” komandasının braziliyalı oyunçusu Karoline Perotto deyib.
O, ölkəmizdə oynamağa qərar verdiyi üçün xoşbəxt olduğunu bildirib:
“Çox gözəl ölkəniz var. Bura gəldiyim üçün peşman deyiləm.
Azərbaycandakı tarixi yerləri xoşlayıram. Xüsusilə də dağlarınız möhtəşəmdir.
İnsanlarınız mehriban və qonaqpərvərdirlər. Sadəcə, ünsiyyət qurmaqda çətinlik çəkirəm. Çünki bəziləri ingilis dilində rahat danışa bilmirlər”.
Voleybolçu ölkə çempionatındakı məqsədlərindən söz açıb:
“Hədəfimiz çempion olmaqdır. Bunu bacaracaq gücə sahib olduğumuzu düşünürəm.
Mövsümün əvvəlində Azərbaycan Kubokunu qazanmağa çox yaxın idik. Həmin yarışda yaxşı oyunlarımız oldu.
Təəssüf ki, finalda “Abşeron”a məğlub olduq. Daha uğurlu ola bilərik”.
“Gəncə” komandası 4 turdan sonra topladığı 7 xalla 3-cü pillədə qərarlaşıb.
"Milan"ın portuqaliyalı vingeri Rafael Leau "Barselona"nın futbolçusu ola bilər.
Bu barədə "Calcio Mercato" məlumat yayıb.
Mənbənin bildirdiyinə görə, müqaviləsində 175 milyon avroluq sərbəst qalma maddəsi olan 25 yaşlı portuqaliyalının transferini başa çatdırmaq çox çətin olsa da, ispan nəhənginin bir ümidi var. Bu, onun agenti olan Jorje Mendeşdir.
Xuan Laporta hesab edir ki, futbolçunun portuqaliyalı agenti kluba sensasiyalı müqavilə bağlamağa kömək edə biləcək. Lakin indi bu, demək olar ki, mümkünsüz görünür. /Publika.az
Norveçli qrossmeyster Maqnus Karlsen ABŞ-nin Nyu York şəhərində keçirilən rapid üzrə dünya çempionatından qovulub.
Buna səbəb onun cins şalvar geyinməsi olub.
Belə ki, Beynəlxalq Şahmat Federasiyası yarış üçün geyim forması müəyyənləşdirib. M.Karlsen isə buna əməl etməyib.
Əvvəlcə məşhur şahmatçıya geyimini dəyişməsi və cərimə ödəyərək geri dönməsi təklif edilib. Lakin norveçli qrossmeyster bundan imtina edib. Nəticədə o, yarışdan qovulub.