b_400_300_16777215_00_https___cdn.musavat.com_news_thumbnails_2d0446239106a1501f9faf7dfd9da500.jpg
  

Avropada yaşayan Azərbaycanlılar Haaqadakı “Sülh və Ədalət Sarayı”nın qarşısında ədalət çağırışı ilə etiraz aksiyası keçiriblər.

AZƏRTAC xəbər verir ki, onlar son vaxtlar Avropa və Niderland parlamentlərində ölkəmizə qarşı qərəzli münasibətlərə etiraz olaraq, “Sülh və Ədalət Sarayı”nın qarşısında yürüş və etiraz nümayişinə çıxıblar. Soydaşlarımız “Sülh və Ədalət paytaxtı” olan Haaqanı ədalətə çağırıblar. Aksiya iştirakçıları ermənilərin vəhşiliyini əks etdirən Xocalı soyqırımı, eləcə də əsrin əvvəlində azərbaycanlılara qarşı törədilən 31 Mart genosidi qurbanlarının ədalətə layiq olduqlarını bəyan ediblər.

Xaricdə yaşayan soydaşlarımızın birlik və həmrəyliyini əks etdirən nümayişdə “Etnik təmizləmə qurbanı olan günahsız Azərbaycanlılara ədalət!”, “Ədalət və məsuliyyət uğrunda birləşin!”, “Cəzasızlıq ədalətsizliyi artırır!”, “Erməni hərbi cinayətkarlarının cəzasız qalmasına son qoyulsun!”, “Cəzasızlığı dayandırın, məsuliyyətə başlayın!”, “Müharibə cinayətlərinə görə cəzasızlığa artıq dözmək olmaz!”, “Zülmə son qoy, həqiqəti söylə!”, “Bu günün məsuliyyəti – sabahın cinayətinə son qoyur!”, “İnsanlıq üçün hərəkət edin, təcavüzə qarşı çıxın!”, “Ermənistan, hərbi cinayətkarları müdafiə etməyin, onları mühakimə edin!”, “Ədalət üçün ayağa qalx!”, “Azərbaycan üçün həqiqət, hamı üçün ədalət!”, "Ermənistanın işğalına yox deyək!", “Bütün dünyada tanınan Azərbaycanın haqqı!”, “Ədalət, sülh və həqiqət üçün birlikdə!”, “Beynəlxalq ədalətə qayıdaq!”, “İkili standartlara son qoyaq!”, “Mirotvorets” siyahısına görə Ruben Vardanyana rəhm edilmir” kimi şüarlar səsləndirilib, Avropanın ikili standartlara son qoymasına çağırış edilib.

Avropada yaşayan soydaşlarımız tarixin müxtəlif dövrlərində ermənilərin xalqımıza qarşı kütləvi qətilamlar, soyqırımı aktları törətdiklərini xatırladıblar. Onlar ermənilərin cinayət əməllərinin miqyasına və nəticələrinə nəzər saldıqda bu soyqırımı aktlarının beynəlxalq hüququn normaları ilə təsbit olunmuş konvensiyalara əsasən, eləcə də mənəvi-əxlaqi kodekslərə görə, insanlığa qarşı və bəşəriyyət əleyhinə cinayət olduğunu bildiriblər.

Nümayişçilər 1918-ci il martın 31-də - 107 il əvvəl ermənilərin azərbaycanlılara qarşı törətdikləri hadisələrin soyqırımı kimi tanınmasını tələb ediblər.

Etirazçılar Ermənistanın minaların xəritəsini verməkdən imtina etməklə müvafiq Cenevrə konvensiyalarının kobud şəkildə pozduğunu vurğulayıblar.

Onlar “Mina qurbanı olan azərbaycanlıların əzabına son qoyulsun!”, “Günahsız azərbaycanlıları erməni minalarından qoruyaq!”, “Minasız dünya üçün ayağa qalxaq!”, “Minalar gizli qatillərdir, minalara yox deyin!”, “Ermənistan, minalanmış ərazilərin xəritəsini Azərbaycanla paylaş!” şüarları ilə “Sülh və Ədalət Sarayı”nı bu haqsızlığa son qoymağa səsləyiblər. Erməni minalarının hələ də günahsız insanları öldürməkdə olduğu diqqətə çatdırılıb.

Soydaşlarımız Ermənistanın hərbi təcavüzü nəticəsində itkin düşmüş azərbaycanlılar üçün də ədalət çağırışı ediblər. İtkin azərbaycanlıların tapılmasına ümidin itmədiyini deyib və Ədalət məhkəməsi qarşısında “İtkin düşmüş azərbaycanlıların tapılmasına kömək edin, onlar unudulmur!”, “Hər dəqiqə önəmlidir: bilmək hüququna riayət edilməlidir!”, “Hər bir itkin şəxs önəmlidir!”, “Ermənistan, kütləvi məzarlığı Azərbaycanla paylaşın” şüarları səsləndiriblər. Məhkəməyə əsir və itkin düşmüş, girov götürülmüş azərbaycanlıların taleyi ilə bağlı onların yaxınlarının hüquqları xatırladılıb.

Bölmənin digər xəbərləri

02 Aprel 2025 Almaniya prezidenti xanımı ilə Bakını gəzdi - FOTOLAR
02 Aprel 2025 Azərbaycan Prezidenti Ermənistan ilə sülh müqaviləsinin imzalanması üçün şərtləri açıqlayıb
02 Aprel 2025 Türkiyədə boykot çağırışı edənlərə XƏBƏRDARLIQ
02 Aprel 2025 Almaniya Ukraynaya 11 milyard avro həcmində hərbi yardım da ayıracaq
02 Aprel 2025 İsveçrə Rusiyanın 7,4 milyard İsveçrə frankı (təxminən 8,38 milyard dollar) məbləğində aktivlərini dondurub.
02 Aprel 2025 Polşa Smolensk fəlakəti işində 43 rusiyalı eksperti ittiham edir
01 Aprel 2025 Almaniya Azərbaycandan ÜZR İSTƏDİ
01 Aprel 2025 Amerika və yaxud İsrail əməliyyatlara başlasa, ilk növbədə Tehranın... - POLİTOLOQ
01 Aprel 2025 Macarıstan Dodikin həbs edilməsi istəyinə görə İnterpola şikayət etdi
01 Aprel 2025 Ukraynada mutantlar aşkarlandı - Alimləri şoka salan nəticələr - FOTOLAR
01 Aprel 2025 “Cavabımız sərt olacaq” — Xamenei
01 Aprel 2025 İngiltərə son on ayda 24 mindən çox miqrantı ölkədən çıxarıb
31 Mart 2025 Pezeşkianın türk dilində danışmasına sabiq nazir etiraz etdi - İranda skandal
31 Mart 2025 Rusiyada vətəndaşlıq almış şəxslərin xarici sürücülük vəsiqələri etibarsız olacaq
31 Mart 2025 İmamoğluna görə Türkiyəyə gedən, PKK ilə əməkdaşlıq edən isveçli "jurnalist" həbs olundu
31 Mart 2025 Antarktidanın qaranlıq üzü: Hücum və ölüm təhdidləri qorxu yaradır
31 Mart 2025 720 polis mülki geyimdə izləyəcək... - Nazir göstəriş verdi
31 Mart 2025 Maraqlı fakt: Çində adambaşına 100 ağac var
30 Mart 2025 Devlet Bahçeli nerede?
30 Mart 2025 Mark Karni plagiatda ittiham olunur

Dünyapress TV

Xəbər lenti