Azərbaycan klublarının 2023/2024-cü illər mövsümündə UEFA-dan əldə etdiyi gəlir bəlli olub.

Axar.az xəbər verir ki, Avropa futbol qurumu ötən mövsüm komandalarımıza ümumilikdə 12 milyon avro ödəyib. Azərbaycan bu göstərici ilə Avropada 24-cü olub.

Qeyd edək ki, avrokuboklardakı çıxış və digər layihələrlə əlaqədar UEFA tərəfindən ayrılan maliyyə vəsaitləri AFFA-nın vasitəsilə müvafiq klubların hesabına köçürülüb.

Kontinental Xokkey Liqası (KHL) klubu Salavat Yulaev Ufa Arenanın nəqliyyat vasitələrini və media kubunu yerli regional fonda girov qoyub.

Bu barədə SHOT Telegram kanalı məlumat yayıb .

Mənbənin sözlərinə görə, ötən il Başqırd klubu futbolçulara və heyətə maaşların ödənilməsini dəfələrlə gecikdirsə də, mövsümün sonuna kimi 1,2 milyard rubl məbləğində borcunu tamamilə ödəyib.

2025-ci ilin may ayına qədər klub girov qoyulmuş aktivlər siyahısına dörd Toyota Land Cruiser, bir Toyota Avensis və bir Toyota Corolla, iki Mercedes-Benz Tourismo avtobusu, bir buz generatoru, bir yan buz kəsmə maşını, iki buz səthini bərpa edən maşın və bir neçə digər avtomobili yerləşdirib.

Hazırda Salavat Yulaev KHL Şərq Konfransının turnir cədvəlində ikinci yeri tutur.

Hazırkı KHL çempionu "Metallurq"dur. Finalda klub KHL pley-off finalında - Qaqarin Kubokunda Yaroslavl "Lokomotiv"i üzərində sarsıdıcı qələbə qazandı. “Metallurq” ardıcıl dörd oyunda qalib gələrək final seriyasını 4:0 hesabı ilə qapayıb.

Azərbaycan Premyer Liqasının XXV turunun “Sumqayıt”la oyununda komanda yoldaşı ilə toqquşaraq zədələnən Bəhlul Mustafazadənin durumuna aydınlıq gəlib.

Bu barədə klubun mətbuat xidməti məlumat yayıb.

Bildirilib ki, 28 yaşlı müdafiəçinin zədəsi ciddi deyil.

Həkimlərin son müayinəsindən sonra təcrübəli oyunçu bu gün komanda ilə birlikdə məşqlərə başlayıb.

Qeyd edək ki, qarşılaşma “Qarabağ”ın 2:0 hesablı qələbəsi ilə başa çatmışdı.

Dünyaca məşhur "Opta" nəşri superkompüterin 1/8 final mərhələsinin ilk oyunları öncəsi Çempionlar Liqasının 2024/25 mövsümünün favoritlərinin reytinqini yeniləyib.

"Liverpul" əsas favorit olaraq qalır. "Qırmızılar"ın titul qazanmaq şansı 17,2%-dən 19,2%-ə yüksəlib.

İkinci yerdə "Barselona" (14,8%), üçüncü sırada isə "İnter" (14%) qərarlaşıb.

Turnirin qalibi olmağa namizədlərdən ilk "altılığ"a, həmçinin "Arsenal" (11,6%), "Real Madrid" (9,8%) və PSJ (9,5%) daxildir. Onları "Bayer Leverkuzen" (5,4%), "Bavariya" (5,3%), "Atletiko Madrid" (4,2%) və "Benfika" (1,3%) izləyir.

Qeyd edək ki, Çempionlar Liqasının 1/8 final mərhələsinin ilk oyunları martın 4-ü və 5-də baş tutacaq. Cavab oyunları martın 11-i və 12-də keçiriləcək.

UEFA Çempionlar Liqasının 1/8 final mərhələsinin ilk matçında Madridin iki təmsilçisi - "Real Madrid" və "Atletiko Madrid" üz-üzə gəliblər.

Oxu.Az xəbər verir ki, "Santyaqo Bernabeu" stadionunda baş tutan qarşılaşmada "Kral klubu" qələbə qazanıb - 2:1.

Ev sahiblərindən qolları Rodriqu və Dias vurublar. Qonaqlardan isə Alvares fərqlənib.

Ukraynanın Gənclər və İdman Nazirliyi Rusiyanı dəstəkləyən və ya Ukrayna qanunvericiliyini pozan bir sıra idmançı və məşqçiləri "İdman ustası" və "Əməkdar məşqçi" idman titullarından məhrum edib.

Oxu.Az xəbər verir ki, bu barədə nazirliyin rəsmi saytında məlumat verilib.

Ukrayna yığmasının sabiq yarımmüdafiəçisi Anatoli Timoşuk "Əməkdar idman ustası" və "Ukraynanın idman ustası" titullarından məhrum edilib. Oxşar titullar şahmatçı Sergey Karyakindən də geri alınıb. "Dinamo"nun və Gürcüstan millisinin sabiq futbolçusu Kaxa Kaladze "Ukraynanın beynəlxalq dərəcəli idman ustası" titulundan məhrum edilib.

Həmçinin avarçəkmə üzrə keçmiş Ukrayna çempionu Larisa Jalinskaya "Beynəlxalq dərəcəli idman ustası" və "İdman ustası" titullarını itirərək Rusiyaya qaçıb. Venesiyadakı turnirdən sonra Ukraynaya qayıtmayan karateçi Yevgeni Pilipyuk və həyat yoldaşı Darya Pilipyuk da "İdman ustası" titulundan məhrum ediliblər.

Bir neçə gün öncə "Barselona" prezidenti Xuan Laportanın Bakıya səfər etməsi və burada klubun akademiyasının açılması ilə bağlı qərar verilməsi Ermənistanda şok effekti verib.

TEREF xəbər verir ki, bu, marketinq üzrə ekspert Alfred Petrosyanın açıqlamasından sonra məlum olub.

Onun sözlərinə görə, İspaniya nəhənginin akademiyası region üzrə eksklüziv olaraq Ermənistanda açılmalı idi. Lakin iş adamı Adnan Əhmədzadə onların planını pozub:

"Barselonan"ın bizim qonşu ölkədə futbol akademiyası açacağını artıq bilirsiniz. Düşünürəm ki, bütün bunlarla bağlı bəzi detalları açmağın vaxtıdır.

"Barselona"nın akademiyası Ermənistanda açılmalı idi. Mən bütün bu prosesi bir ildən çox idarə etdim, nəticədə biz 134 səhifəlik razılığa gəldik, hər iki tərəfin hüquqşünasları tərəfindən yoxlanıldı və bu, reallığa çevrilməli idi. Razılaşmada xüsusi bənd var idi ki, yaxın 40 ildə "Barselona" bizim icazəmiz olmadan regionda başqa akademiya aça bilməzdi.

"İnstaqram" səhifəsində çarx yerləşdirməli olan Ronaldinyonu layihə səfiri seçdik. Orada bir neçə saniyə balabanda “Dream of My Country” mahnısını ifa etməli, sonra bütün bunları açıqlamalı idi.

Müqavilədə bənd var idi ki, qarşıdakı 10 il ərzində "Barca Legends" (Barsa Əfsanələri) komandası ilə 3 yoldaşlıq oyunu keçirə bilərik.

Heç bir dövlət qurumunun dəstəyi olmadan biz o yerə çatmışdıq ki, yalnız müqavilənin imzalanması tarixini təyin etmək qalırdı, amma gördüyünüz kimi, o gün gəlmədi.

Bu şəkildəkilərdən biri, heç bir xəbərdə adı belə çəkilməyən, Xuan Laportanın köhnə dostlarından, Azərbaycanın ən zəngin adamlarından biri və bu layihənin kardinalı Adnan Əhmədzadədir. Məhz onunla Barselonadakı gürcü restoranlarından birində xəngəl yedik. Bu, bizim üçün taleyüklü rol oynadı, deyə bilərik".

Qeyd edək ki, bir neçə gün öncə Azərbaycan Prezidenti İlham Əliyevin "Barselona" prezidenti Xuan Laportanın qəbul edib. Görüşdə iş adamı Adnan Əhmədzadə və AFFA prezidenti Rövşən Nəcəf də iştirak edib. İspaniya təmsilçisinin rəhbəri İlham Əliyevə klubun Azərbaycanda yaradılacaq akademiyası barədə məlumat verib.


(publika.az)