ABŞ-də yaşayan ermənilər aprelin 2-də Kapitoli qarşısında toplaşacaqlar.

Gununsesi.info xəbər verir ki, məlumat “Asbarez News”-un “X” sosial şəbəkəsindəki hesabında yayımlanıb.

Məlumatda deyilir ki, “erməni soyqırımı və Artsax soyqırımının anım mərasimində dünyanın hər yerindən olan ermənilər toplaşacaqlar”.

Ermənilər Türkiyədən və Azərbaycandan guya 1915 və 2023-cü illərdə törətdilmiş qondarma soyqırıma görə cavabdehlik tələb etmək niyyətindədirlər.

ABŞ Səudiyyə Ərəbistanına Ukraynadakı münaqişə çərçivəsində enerji obyektlərinə hücumların dayandırılmasına nəzarət etməyi təklif edib.
Bakupost.az xəbər verir ki, bu barədə "Rada" telekanalının efirində Ukrayna Prezidenti Administrasiyası rəhbərinin müavini İqor Jovkva deyib.
"Texniki işləri (enerji obyektlərinə zərbələrin monitorinqi üzrə -red.) üçüncü ölkələr həyata keçirə bilər. Danışıqların aparıldığı Səudiyyə Ərəbistanının adı çəkilib. ABŞ bu təkliflı Səudiyyə Ərəbistanına müraciət edib", - deyə o vurğulayıb.
Ukraynalı siyasətçi əlavə edib ki, atəşkəs rejiminə hansı ölkələrin nəzarət edəcəyi ilə bağlı qərar hələ verilməyib.

Fransanın “Arte France” telekanalının “28 dəqiqə” verilişində Ermənistanın olmadığı Cənubi Qafqaz xəritəsi yayımlanıb.

Hurriyyet.Az Axar.Az-a istinadla xəbər verir ki, bu barədə “Le Figaro” nəşrinin direktor müavini Jan-Kristof Buisson sosial şəbəkədə məlumat yayıb.

“Mən qətiyyən inanmıram ki, bu, “Arte France”da qəsdən edilib və ya Azərbaycan televiziya lobbisinin hərəkətləridir. Lakin bu səhv göz və ürəyi ağrıdır: Ermənistan Qafqazın xəritəsindən sadəcə silinib. Ərdoğan və Əliyevin arzusu...” – Buisson yazıb.

Qeyd edək ki, Fransada mediaya güclü təsir edən erməni diasporuna qulluq göstərənlər dəstəsi öz səhvlərində belə Azərbaycanı və Türkiyəni “günahkar” çıxarmağa təşəbbüs edəcək qədər bəsitləşiblər.

Ukrayna və ABŞ Qara dənizdə naviqasiya təhlükəsizliyinin təmin edilməsi, eləcə də enerji infrastrukturuna hücumların dayandırılması barədə razılığa gəliblər.

TEREF “Report”a istinadən xəbər verir ki, bunu Ər-Riyadda danışıqlarda iştirak edən Ukrayna nümayəndə heyətinin rəhbəri Rüstəm Umerov deyib.

“Bütün tərəflər təhlükəsiz naviqasiyanı təmin etmək, güc tətbiqini dayandırmaq və Qara dənizdə hərbi məqsədlər üçün kommersiya gəmilərindən istifadənin qarşısını almaq barədə razılığa gəliblər. Həmçinin Ukrayna və Rusiyanın enerji infrastrukturuna hücumların tam dayandırması ilə bağlı da razılıq əldə olunub”, - deyə o bildirib.

R. Umerov Rusiyanın hərbi gəmilərinin Qara dənizin şərq hissəsindən kənara hərəkətinin bu sazişin ruhunun pozulması kimi qiymətləndiriləcəyini və Kiyev tərəfindən Ukraynanın milli təhlükəsizliyinə təhdid kimi qiymətləndiriləcəyini vurğulayıb.

Bundan əlavə, o qeyd edib ki, tərəflər üçüncü ölkələrin dəniz və enerji sazişlərinin həyata keçirilməsinə dəstək üçün cəlb olunmasını alqışlayıblar. ABŞ da məhbusların əsir və girovların azad edilməsini dəstəklədiyini təsdiqləyib.

“Sazişlərin səmərəli həyata keçirilməsi üçün onların icrası, monitorinqi və nəzarəti ilə bağlı bütün detalları razılaşdırmaq üçün mümkün qədər tez əlavə texniki məsləhətləşmələrin aparılması vacibdir”, - deyə o bildirib.

Kreml isə bildirib ki, Rusiya və ABŞ prezidentləri arasında əldə edilən razılaşmaya əsasən, tərəflər Qara dənizdə naviqasiya təhlükəsizliyinin təmin edilməsi, güc tətbiq edilməməsi və kommersiya gəmilərinin hərbi məqsədlər üçün istifadəsinin qarşısının alınması, eyni zamanda belə gəmilərin yoxlanılması yolu ilə müvafiq nəzarət tədbirlərinin təşkili barədə razılığa gəliblər.

Rəsmi Moskva vurğulayıb ki, Qara dənizlə bağlı sazişlər Rosselxozbank və aqrar-sənaye kompleksində ticarəti təmin edən digər banklardan sanksiyalar götürüldükdən və həmin banklar yenidən SWIFT-ə qoşulduqdan sonra qüvvəyə minəcək.

Bundan başqa Rusiya tərəfi qeyd edib ki, Qərbin gəmilərə və kənd təsərrüfatı avadanlıqlarının tədarükünə tətbiq etdiyi sanksiyaları ləğv etmədən Qara dəniz taxıl müqaviləsini bərpa etməyəcək.

Sazişlərin yenilənməsi şərtlərinə limanlarda gəmilərə xidmət göstərilməsi ilə bağlı məhdudiyyətlərin aradan qaldırılması və qida (o cümlədən balıq məhsulları), gübrə ticarəti ilə məşğul olan Rusiya bayrağı altında üzən gəmilərə tətbiq edilən sanksiyaların götürülməsi daxildir.

Daha bir şərt isə Rusiya Federasiyasına kənd təsərrüfatı texnikasının, habelə qida (o cümlədən balıq məhsulları) və gübrə istehsalında istifadə olunan digər malların tədarükünə qoyulan məhdudiyyətlərin aradan qaldırılmasıdır.

Erməni İnqilabi Federasiyası - Daşnaksutyun Partiyası bəyanat yayaraq Paşinyan hakimiyyətinin Azərbaycanla imzalamaq istədiyi sülh sazişinə qarşı çıxıb. Partiya bununla bağlı bəyanat yayıb. Bəyanatda iddia edilir ki, Azərbaycanla sazişlər və müzakirə edilən sənəd Ermənistan-Azərbaycan sərhədini dəqiqləşdirmir, Azərbaycan silahlı qüvvələrinin “Ermənistan ərazilərindən” çıxarılmasını təmin etmir.
Eyni zamanda daşnaklar sülh sazişinin “artsax”-la bağlı ermənilərin gözləntilərinə də cavabn vermədiyini iddia edirlər. Onların bu sözlərinə keçmiş prezidentlər Robert Köçəryanın və Serj Sarkisyanın rəhbərlik etdiyi Hayastan Bloku və Respublikaçılar Partiyası da qoşulub.

Politoloq Zeynal Əmralıyev "Sherg.az"a deyib ki, Ermənistanda sülhə qarşı ittifaq genişlənir.

Ekspert bildirib ki, Hayastan Bloku və Respublikaçılar Partiyası əvvəl birlikdə fəaliyyət göstərib, eyni komandanın ortağı olublar:

"O zaman onların müraciətinə həm də ölkədədaxili siyasi vəziyyəti gərginləşdirmək cəhdi kimi qiymətləndirə bilərik. Ancaq bu etiraz təkcə siyasilərin etirazı deyil. İlk növbədə kilsə sülhün əldə edilməsini qəbul etmək istəmir. Erməni qriqoryan kilsəsi bu günə qədər revanşizmin ən böyük dəstəkçisi olub. Ruhani idarəsi olmasına baxmayaraq erməni kilsəsində qədimdən uşaqlara "Böyük Ermənistan" barəsində nağıllar danışılır. Nikol Paşinyanın sülhü müqaviləsini imza atması kilsəsinin cəmiyyət üzərində nüfuzunun azalmasına səbəb olacaq. Buna görə qriqoryan kilsəsi bu sülhə mane olmağa çalışır. Kilsə ilə bərabər erməni diasporu da sülhdə maraqlı deyil. Çünki onların fəaliyyəti tamamilə "türk düşmənçiliyi" üzərində qurulub. Erməni diasporu öz fəaliyyətini bu istiqamətdə aparır. Onların diplomatik təsir mexanizmləri və yığdıqları maliyyə mənbələrinin ama qaynağı məhz bu ideyadır".

Siyasi analitik vurğulayıb ki, ordu mənsubları da sülhə qarşı çıxırlar:
"Sülhün əldə edilməsindən sonra hökumətin ordunun sayında əsaslı azalmaya gedəcəyi, həmçinin hərbi xərcləri azalacağı barəsində gözlənti var. Bu isə korrupsiyaya bulaşmış ali zabit heyətinə sərf etmir. Buna görə onlar müharibənin davam etməsində, toqquşmaların baş verməsində maraqlıdırlar. Qarabağdan qaçıb İrəvanda gizlənən seperatçılar isə özlərini gündəmdə saxlamaq üçün revanşist çıxışlara yer verirlər. Bu xəyalpərəst toplum hələ də hansısa dövlətin onları yenidən Qarabağa qaytaracağına ümid bəsləyir. Ancaq regionda əsas söz sahibi Azərbaycandır. Rəsmi Bakı tələsik sülhə razı deyil. Sərhəddə baş verən son təxribatlar, Ermənistan ordusunun davamlı atəşkəsi pozması da göstərir ki, Azərbaycan tərəfi tamamilə haqlıdır. Paşinyan hökuməti revanşist qüvvələrə getdikcə boyun əyir".

Azərbaycanla İsrail 30 illik münasibətlərini üst səviyyəyə qədər irəlilədiblər. Hər iki ölkə özlərini etibarlı tərəfdaş kimi sübut ediblər. Azərbaycan- İsrail əlaqələrinin dərinləşməsi bir çox ölkəni narahat etdiyi kimi diqqətini də çəkir. Bu ölkələrdən biri, bəlkə də ən önəmlisi ABŞ-dır.

Ekspertlər deyir ki, ABŞ Bakı-Təl-Əviv münasibətlərindən regional maraqları üçün istifadə etmək istəyir.

Azərbaycan-İsrail münasibətləri niyə Donald Tramp administrasiyasının diqqətindədir? Vaşinqtonun bundan sonra Bakı ilə münasibətləri necə olacaq? ABŞ üçün Azərbaycanın önəmi nədir?

Globalinfo.az-a danışan politoloq Vaqif Hüseyn deyib ki, hazırkı konyukturada Azərbaycanın Vaşinqton üçün önəmi hələlik bəlli deyil:

“Ermənistan-Azərbaycan sülh danışıqlarında irəliləyiş olarsa şübhəsiz ABŞ üçün Azərbaycanın önəmi artacaq. Hazırda ABŞ Ermənistan-Azərbaycan sülh danışıqlarını yaxından izləyir. Vaşinqton sülhün əldə edilməsində pay sahibi olmaq istəyir. Buna görə də gedişatdan asılı olaraq Azərbaycan ilə təmasları artıra bilər.

Hazırda sülh müqaviləsinin hansı ölkədə, ya da şəhərdə imzalanacağı müzakirə edilir. Məlum olduğu kimi, əksər sülh müqavilələri ABŞ-da, ya da Qərbdə imzalanır. ABŞ İrəvan və Bakı arasında sülhün öz nəzarətində, istədiyi ərazidə imzalanmasına çalışacaq. Buna görə də deyə bilərik ki, yaxın perspektivdə ABŞ üçün Azərbaycanın önəmi arta bilər”.

Politoloq deyib ki, Azərbaycanın İsrailin hazırkı siyasi rəhbərliyi ilə çox yaxşı əlaqələri var:

“Azərbaycan bu əlaqələrdən geniş şəkildə istifadə edir. Təbii ki, iki ölkə münasibətlərinin bu qədər yaxşı olması ABŞ üçün də məqbuldur. Nəticə etibarilə Azərbaycan nadir müsəlman ölkədir ki, İsraillə bu dənli əlaqəyə malikdir. Regionda reallıqlar surətlə dəyişir. Gələcəkdə istər Cənubi Qafqaz, istərsə də Yaxın Şərqdə nələrin olacağı bəlli deyil. Amma Vaşinqton maraqları çərçivəsində Bakının coğrafi və regional üstünlüyündən faydalanmaq istəyə bilər”.

Türkiyədə son günlər baş verən siyasi proseslər fonunda tanınmış xəbər aparıcılarının mövqeyi gündəm olub.

“Qafqazinfo” xəbər verir ki, əsas müzakirə mövzusu ər-arvad olan aparıcılar Ece Üner və Deniz Bayramoğludur.

Belə ki, “Halk” TV-də aparıcılıq edən E.Ünerlə “Kanal D”də efirə çıxan D.Bayramoğlu iki fərqli mövqedədirlər. Xanım aparıcının çalışdığı media qurumunda AKP-ni sərt ifadələrlə tənqid etməsi, həyat yoldaşı D. Bayramoğlunun isə digər kanalda iqtidarın siyasi kursunu dəstəkləməsi birmənalı qarşılanmır.

Türkiyəli köşə yazarı və televiziya şərhçisi Rasim Ozan Kütahyalı da bir müddət əvvəl sosial şəbəkə hesabında sözügedən cütlüklə bağlı paylaşım edib. O, aparıcıların hər ikisinin siyasi görüşlərinin əslində eyni olduğunu, ikili oyun oynayaraq xalqı aldatdıqlarını düşünür: “Deniz Bayramoğlu “Kanal D”də Ərdoğanın təbliğatını aparır. Ece Üner “Halk” TV-də Ərdoğan əleyhinə təbliğat aparır.

Ancaq bir müddət əvvəl Ece Üner də hökumətin “TV100” kanalında mövcud hakimiyyətin təbliğatını aparırdı. Urfalı ərəb-kürd qarışığı olan Ece Üner türk olmasa da, ana xəbərlərdə davamlı olaraq türk millətçiliyini təbliğ etməli olur. İstər “Show”-“Habertürk” və “TV100”də, istərsə də Əkrəm İmamoğlunun “Halk” TV kanalında ekranda türk millətçisi kimi çıxış etməlidir. Əks halda, Ecenin qulağını “çəkəcəklər”.

Qeyd edək ki, bir neçə gün əvvəl İstanbul Respublika Prokurorluğu Ece Ünerə qarşı “məhkəmə orqanlarını açıq şəkildə təhqir etmək” və “ədalətli məhkəmə araşdırmasına təsir göstərməyə cəhd” ittihamları ilə istintaqa başlamışdı. Aparıcı ifadə vermək üçün “Halk TV”nin binasına gələn polis əməkdaşları tərəfindən prokurorluğa aparılmışdı. Məhkəmə nəzarəti şərti ilə sərbəst buraxılan aparıcının xaricə çıxışı qadağan edilib. Həmçinin Üner həftədə bir dəfə polis idarəsinə gedərək imza atmalıdır.

Saraçhane mitinqində aksiyaları görməyən nəşriyyat qrupları ilə əlaqəli markaların da yer aldığı boykot siyahısını açıqladı.
CHP sədri Özgür Özəl Saraçhanedəki mitinqin 5-ci günündə Saraçhaneyə məhəl qoymamağa davam edərsə televiziya kanallarının boykot ediləcəyini açıqlamışdı. Özəl bu günki çıxışında "Cənab Tayyibə beyət edənlər var. Onun arxasında iş adamları var. Media qurumları var. "Arxamızda kimlər var?" "dedik. Bizim arxamızda gənclər, işçilər, bütün Türkiyə var. Boykotla bağlı bir gözlənti var. Budur, gəlir" dedi. Çıxışının sonunda boykot şüarları ilə müşayiət olunan Özəl boykot ediləcək markaları açıqladı.
Özəl, "Tamaşaçıların yüzdə 70ini təşkil edən bizlər bunu düşünməlidir. Qəhvə içməklə başlayaq. İstədiyinizi içirin, amma EspressoLab-dan içməyin." Özəl çıxışı zamanı zaman-zaman izah etdiyi tam siyahı belədir:
1- Espressolab

2-D&R

3-idefix

4-Demirören AVM

5-Kilim Mobilya

6-Ülker

7- Türk Petrol

8-Likit Gaz- Milan Gaz

9-İhlas Ev Aletleri

10- Turkuaz Medya

11- Milli Piyango - misli.com, iddaa.com

12- ETS

13- TRT

14- TGRT

15- CNN Türk
DOĞUŞ GRUBUNU YARINA BIRAKTI
Özgür Özel, isim vermeden yarınki buluşmayı yayınlayacaklarının kendisine akratılacağını belirttiği Doğuş Grubu'nu isim vermeden yarına bıraktığını belirtti.
Mənbə: Halk TV Xəbər Mərkəzi