 |
|
|
Pekin ABŞ-nin Çin şirkətlərinə qarşı birtərəfli sanksiyalarını pisləyib və Vaşinqtonu Çin-İran ticarət əlaqələrinə müdaxiləni dayandırmağa çağırıb.
Bu barədə "Azad İran" "Telegram" kanalı xəbər verib.
"ABŞ Çin və İran arasında normal ticarət əməkdaşlığına müdaxiləni dayandırmalıdır", - deyə Çin Xarici İşlər Nazirliyinin sözçüsü Mao Ninq vurğulayıb.
Rusiya Federasiyası Federal Təhlükəsizlik Xidmətinin general-mayoru Dmitri Murışov poçt qutusu vasitəsilə rüşvət almaqda ittiham olunur.
Müstəntiqlərin sözlərinə görə, iş adamları pul əskinasları olan zərfləri Novı Arbat küçəsindəki 16 saylı binada yerləşən müəyyən poçt qutusuna qoyublar. Bu qutu Rusiya Federal Gömrük Xidmətinin Gömrük Mərkəzi Bazasının Korrupsiyaya Qarşı Mübarizə Xidmətinin rəisi Kolqanova məxsus olub.
Kolqanov bir dəfə Murışov tərəfindən Şeremetyevo gömrüyündə götürülən bahalı saatların qaytarılması üçün pul alarkən yaxalandığı üçün işdən çıxarılıb. Lakin sonra Kolqanov Rusiya Federasiyası FTX-nın K İdarəsi ilə əməkdaşlığa başlayıb. Bu idarənin əməliyyatçılarının nəzarəti altında iş adamlarının onun poçt qutusuna qoyduğu rüşvətlərin Murışov üçün nəzərdə tutulduğunu ifadə edib.
Nəticədə Kolqanov iş üzrə şahid olub və hətta yeni vəzifə alıb. İndi o, Domodedovo gömrüyünün korrupsiyaya qarşı mübarizə şöbəsinin rəisidir./Lent.az
İBB baş katibi Mahir Polata PKK-ya yardım etdiyi iddiası ilə bağlı polisə verdiyi ifadədə verilən sual şok olub. Polatın 50 lirə və 2 adama 100 lirə transfer etməsinin 'səbəbi' soruşuldu. Polat 'xeyriyyə' dedi.
Martın 19-da səhər saatlarında İstanbul Terrorla Mübarizə Şöbə Müdirliyində keçirilən sübh əməliyyatında saxlanılan İBB baş katibinin müavini Mahir Polatın açıqlaması məlum olub.
Gizli şahid ifadələrinə əsaslanan çoxsaylı iddialara, digər adlarda olduğu kimi, siyasi kimliyi olmadığını bildirən Polat, “şəhər konsensusu” ilə bağlı suala “Mənim iki partiyanı bir araya gətirəcək nə siyasi keçmişim var, nə də gücüm var” sözləri ilə cavab verib.
HƏTTA XEYRİYYƏ SORULANIB
Polata verilən qalmaqallı sual 50 lirə və 100 lirəlik (əlli lirə və yüz lirə) iki pul köçürməsi ilə bağlı olub.
Terror təşkilatı PKK-ya yardım etməkdə ittiham olunan İBB baş katibi Mahir Polatdan iki nəfərə etdiyi pul köçürmələri ilə bağlı sual verilib. Mahir Polat açıqlamasında sosial şəbəkədə kömək istəyən "Trabzonspor" azarkeşinə 100 lirə, başqa bir şəxsə isə 50 lirə yardım etdiyini bildirib.
/halktv.com.tr/
Martın 19-da səhər saatlarında edilən basqında nəzarətə alınan İstanbul Böyükşəhər Bələdiyyə Başçısı Əkrəm İmamoğlu 4-cü günün sonunda ədliyyəyə sövq edilir.
İstanbul Böyükşəhər Bələdiyyə Başçısı Əkrəm İmamoğlu Çağlayan Ədliyyəsinə sövq edilir.
İstanbul Böyükşəhər Bələdiyyəsinin sədri Əkrəm İmamoğlu martın 19-da “cinayət təşkilatına rəhbərlik etmək” ittihamı ilə saxlanılıb.
Saxlanılmasından bir gün əvvəl, martın 18-də onun diplomu ləğv edilib. O, İmamoğluna qarşı aparılan istintaq çərçivəsində iki gün ardıcıl ifadə verib.
İmamoğlu ilk ifadəsini martın 21-də Vətən Polis İdarəsində verib və ifadəsi təxminən 6 saat davam edib və 121 səhifə uzunluğunda olub.
Bu gün o, “Şəhər Konsensusu” mövzusunda ikinci açıqlamasını verdi. Səhər saatlarında başlayan ifadə prosesi günortadan sonra başa çatıb.
İstanbul Böyükşəhər Bələdiyyəsinin sədri Əkrəm İmamoğlu və polis bölməsindəki prosedurları tamamlanan digər adlar bu gün Çağlayandakı İstanbul Ədliyyəsinə gətirilir.
Musavat.com xəbər verir ki, sosial mediada yayılan və qısa müddətdə geniş müzakirələrə səbəb olan bir videoda, İstanbul Böyükşəhər Bələdiyyə Başçısı Əkrəm İmamoğlunun yaxın çevrəsinə aid olduğu bildirilən Cem Özdəmirin Türkiyəyə, Türk Dünyasına, İstanbula, Türk dəyər və mənəviyyatlna münasibətləri ciddi reaksiyalara və heyrətlərə səbəb olub. Videoda Cem Özdəmir açıq şəkildə Türkiyənin bəzi bölgələrinin kürd, erməni və Bizans torpaqları olduğunu iddia edir və Ankara ilə İstanbula qədim xristian adlarının yenidən verilməsini tələb edir.
Videoda səsləndirilən fikirlər arasında “İstanbula Konstantinopol deyə bilməyəcəyikmi?”, “Ərazilərə tarixi – yəni qeyri-türk – adları qaytaraq” kimi çağırışlar yer alır. Bu çıxışı edən şəxsin İmamoğlunun siyasi və mədəni çevrəsində yer aldığı, onunla eyni ideoloji xətti paylaşdığı iddia olunur.
Hazırda həbsdə olan Əkrəm İmamoğlunun adı bu və digər qalmaqallı istintaq dosyaları ilə hallandığı bir vaxtda, onun yaxın ətrafının belə ritorikası Türkiyə cəmiyyətində ciddi narahatlıq və etiraz doğurur.
Videoda səsləndirilən çağırışlar həm türk kimliyinə, həm də dövlətçiliyə qarşı ideoloji hücum kimi dəyərləndirilir. Sosial şəbəkələrdə bu görüntülə bağlı “Əgər İmamoğlu Türkiyənin başına keçərsə, başımıza gələnlər qorxunc olacaq” – kimi kəskin rəylər yazılır.
Musavat.com bu videonu geniş şərh etmədən, onu izləyicilərə təqdim edir və məsələnin ictimai müzakirəyə buraxıldığını qeyd edir.
Musavat.com
Müharibə Rusiyada fərqli əmək münasibətləri sistemi formalaşdırdı. Miqrantlar daha əvvəlki kimi böyük pullar qazana bilmirlər. Onların müharibəyə cəlb olunması cəhdləri də Rusiya bazarına marağı azaldır. Nəticədə şimal qonşusu istiqamətində müşahidə etməyə alışdığımız axın daha yoxdur.
Bizimyol.info xəbər verir ki, Rusiyadan Azərbaycana pul köçürmələri azalıb. 2024-cü ildə qonşu dövlətdən bizim ölkəyə 497 milyon manat göndərilib. Bu, ümumi məbləğin 46 faizini təşkil edir. Halbuki elə keçən il göstərici 63 faizi keçirdi.
Rusiyada əmək miqrantlarının yaxşı dövründə oradan postsovet məkanının müxtəlif istiqamətlərinə böyük pullar göndərilirdi. Azərbaycana da milyardlar gəlirdi. Hətta Ukrayna müharibəsi də ümumi mənzərəni çox zədələməmişdi. Məsələn, 2022-ci ildə xaricdən Azərbaycana indikindən az qala üç dəfə böyük məbləğ göndərilmişdi. Ümumilikdə 2,8 milyard dolların 82 faizi Rusiyanın payına düşmüşdü.
Əvvəlki illərə nəzər salanda da şimal dövlətindən köçürmələrin yüksək olduğunu görürük. Adətən, faiz payı 75-dən az olmayıb.
2024-cü ildə Rusiyadan sonra ən çox pul baratı Türkiyədən gəlib (176 milyon dollar). ABŞ-dən 65, Gürcüstadan 35, Böyük Britaniyadan isə 34 milyon dollar göndərilib.
Azərbaycandan xarici dövlətlərə 527 milyon dollar köçürülüb. Bu məslədə liderlik Türkiyədədir. Qardaş ölkəyə 150 milyon dollar göndərilib. ABŞ-nin payına 60, Rusiyanın 58, Gürcüstanın 45, Böyük Britaniyanın isə 28 milyon dollar düşür.
Hesab edirik ki, yaxın illərdə Rusiyadan böyük məbləğlər gözləməyə dəyməz. Müharibə qonşu ölkə iqtisadiyyatını çox sarsıdıb. Oradakı əmək bazarı tezliklə özünə gəlməyəcək.
İndi azərbaycanlılar üçün Şərqi Avropa ölkələri daha cəlbedici görünür. Polşaya iş üçün yollananların sayı çoxdur. Polşanın Bakıdakı səfirliyindən viza sənədlərini avqustdan tez qəbul etməyə hazır deyillər. Çünki həmin müddətə qədər görüş yeri qalmayıb.
Monteneqroya üz tutanların sayı da çoxalıb. Bu ölkədə türkiyəli iş adamlarının tikinti şirkətlərində məvacib 1200 avrodan yüksəkdir. İndi xaricə üz tutmuş azərbaycanlıların buradakı ailə üzvləri daha çox Avropa ölkələrindən vəsait gözləyir.
Musavat.com bildirir ki, dünən gecə Böyük Britaniyada dünya gündəmini silkələyəcək səssiz, lakin olduqca önəmli bir toplantı baş tutub.
BBC Rus xidmətinin məlumatına görə, Londonda 20-dən çox ölkənin baş qərargah rəisləri “istəkli ölkələr koalisiyası”na qoşulmaq niyyəti ilə qapalı iclas keçiriblər. Bu koalisiya Ukraynaya sülhməramlı kontingent göndərmək istəyən dövlətləri bir araya gətirir və təşəbbüsə Böyük Britaniya ilə Fransa rəhbərlik edir.
Məlumata görə, bu koalisiyanın bütün üzvləri Ukraynaya qoşun göndərməyə hazır deyillər. Bəzi ölkələr əvvəlcədən bildirmişdilər ki, döyüş kontingenti göndərmək fikrində deyillər, lakin başqa yollarla – logistik, hərbi texnika və ya təlim dəstəyi ilə kömək edə bilərlər.
Görüşün qapalı formatda keçirilməsi və məhz baş qərargah rəislərinin iştirakı, qərarların hərbi xarakter daşıdığını və bölgədəki gərginliyin yeni fazaya keçə biləcəyini göstərir. Rusiya mediasında və Kremlin dairələrində bu məlumat ciddi narahatlıqla qarşılanıb. Kreml daha əvvəl də Qərb qoşunlarının Ukraynaya daxil olmasını “birbaşa müharibə eskalasiyası” kimi qiymətləndirmişdi.
Maraqlıdır ki, bu koalisiyanın yaradılması təşəbbüsü NATO çərçivəsində deyil, fərdi ölkələr arasında baş verir. Bu da onu göstərir ki, Qərb daxilində Ukraynaya münasibətdə vahid yanaşma yoxdur və bəzi ölkələr daha sərt addımlar atmaq niyyətindədir.
Xatırladaq ki, bu iclas barədə məlumat 10 saat əvvəl yayılıb, lakin mövzu bu gün də beynəlxalq müzakirələrin mərkəzindədir. Avropanın bir sıra siyasi dairələri və analitikləri bu prosesin Rusiya ilə NATO arasında dolayısı ilə qarşıdurmanı dərinləşdirə biləcəyini qeyd edirlər.
Ukrayna Prezidenti Volodimir Zelenski isə daha əvvəl bəyan etmişdi ki, Ukrayna ərazisinə “qardaş ölkələrin” sülhməramlılarının gəlməsi müharibənin taleyini dəyişə bilər.
Bu “istəkli ölkələr koalisiyası”nın tərkibi və konkret hansı qərarların qəbul edildiyi hələlik ictimaiyyətə açıqlanmasa da, məlumdur ki, dünya yeni bir diplomatik və hərbi mərhələyə qədəm qoyur.
Musavat.com
İstanbul Böyükşəhər Bələdiyyəsinin (İBB) sədri Əkrəm İmamoğlunun ətrafında gedən qalmaqallar yeni bir mərhələyə keçib. Türkiyə mətbuatında yayılan son məlumata görə, İmamoğlunun yaxın ətrafından olan vəzifəli şəxs – İBB Media AŞ-nin İdarə Heyətinin sədri və eyni zamanda onun şəxsi müşaviri Murat Ongunun evində aparılan axtarış zamanı böyük miqdarda xarici valyuta və Türk lirəsi aşkar edilib.
Bu əməliyyat yolsuzluq araşdırması çərçivəsində həyata keçirilib.
TRT tərəfindən yayımlanan görüntülərdə, Murat Ongunun evindən çıxarılan çantalardakı pulların sayı və miqdarı ölkə gündəmini silkələyib.
Əldə olunan məlumata görə, İmamoğluna qarşı bu prosesi başladan elə onun öz partiyası olan CHP-li yetkililərin, bələdiyyə üzvlərinin və qohumlarının hüquq - mühafizə orqanlarına rəsmi şikayətləridir.
CHP daxilindən verilən bu şikayətlər əsasında başlanan istintaq, İmamoğlunun siyasi karyerası üçün ciddi təhlükə yaradıb. Hazırda onunla bərabər 106 vəzifəli şəxs saxlanılıb və istintaq davam edir.
Musavat.com TRT-nin yaydığı videonu təqdim edir.
Musavat.com
“Müxalifət tərəfi CHP-si, mediası və digər strukturları ilə istər diplomla, istərsə də korrupsiya-oğurluqla bağlı məhkəmənin irəli sürdüyü iddialara cavab vermir. Əvəzində məsələni siyasi şüarlarla məhdudlaşdıraraq milləti aldatmaq kimi asan varianta əl atırlar”.
Bu sözləri Türkiyə Prezidenti Ərdoğan Əkrəm İmamoğlunun həbsi və ona qarşı ittihamlara toxunarkən bildirib.
Ərdoğan deyib ki, müxalifətin öz daxili çəkişmələrini və ya qanunla bağlı problemlərini ölkənin ən vacib məsələsi kimi qələmə vermək cəhdi ikiüzlülüyün zirvəsidir: “Bu diplom alnın təri ilə, prosedura uyğun alınmış sənəddir” desələr, bunu aidiyyəti dostlarımız vasitəsilə, hüquqi arqumentlərlə müzakirə etmək, mübahisə etmək olar. “Bələdiyyədə oğurluq, korrupsiya, qanunsuzluq, ədalətsizlik, qaranlıq, mürəkkəb münasibətlər yoxdur” deyirlərsə, bunu ekspertlərin köməyi ilə, hüquqi sübutlar əsasında danışmaq, müzakirə etmək olar. Amma onlar bunları etmirlər, edə bilməzlər, çünki onların hamısının və daha çoxunun doğru və real olduğunu ən yaxşı bilirlər. Hətta bilirlər ki, bu məlumatların və sənədlərin əksəriyyətini məhkəmə orqanlarına öz partiyadaşları veriblər”.
Ərdoğan qeyd edib ki, ictimaiyyət qarşısında timsah göz yaşları tökən CHP rəhbərlərinin əksəriyyətinin partiyadaxili qarşıdurmada rəqiblərini sıradan çıxardıqları üçün bağlı qapılar arxasında sevincinin həddi-hüdudu olmadığı da göz qabağındadır.
“Bir daha deyirəm: CHP-nin məsələsi ölkənin, xalqın deyil, öz qərargahında olan bir ovuc iddialı adamın məsələsidir. Bizim nə partiya, nə də müttəfiq olaraq müxalifətin şoularına vaxtımız yoxdur.
AK Partiya olaraq ölkənin əsl gündəmi ilə məşğuluq. Biz sadəcə işimizə fikir veririk və məqsədlərimizə diqqət yetiririk. Allaha şükürlər olsun ki, 23 illik ömrümüzün hər günü, hər anı belə keçdi, ölkəmizə saysız-hesabsız işlər, xidmətlər göstərildi. Biz bu yola davam edirik”deyə Ərdoğan müraciətində vurğulayıb.//AzPost
