 |
|
|
İranın Almaniyadakı bütün baş konsulluqları bağlanacaq.
Bu barədə DPA agentliyi məlumat yayıb.
Almaniya Xarici İşlər Nazirliyi bu qərarı İran əsilli vətəndaşı 67 yaşlı Cəmşid Şarməhdin edam edilməsinə etiraz olaraq qəbul edib.
Qeyd edək ki, Cəmşid Şarməhd 2020-ci il avqustun 1-də Almaniyadan Hindistana səfəri zamanı üçgünlük Dubayda qalarkən İranın təhlükəsizlik orqanları tərəfindən qaçırılıb.
Gürcüstanın müxalifət partiyalarının nümayəndələri və onların tərəfdarları noyabrın 4-də Tiflisdə parlament binası yaxınlığında seçkilərin nəticələrinə etiraz olaraq mitinq keçirəcəklər.
Bu barədə brifinqdə “Güclü Gürcüstan” koalisiyasının üzvü Anna Dolidze bildirib. \\Redaktor.az
Dünyanın hər yerində fərqli-fərqli uğursuzluq hesab edilən rəqəm, hərəkət və davranışlar var.
Ölkə.Az xəbər verir ki, bu cür davranışlara yol verən şəxslər başlarına bədbəxt hadisələrin gələcəyinə inanırlar.
Odur ki, dünyanın ən qəribə xurafatlarını təqdim edirik:
Almaniyada bir insanı doğum günündən əvvəl təbrik etmək olmaz. Onlar düşünür ki, beləliklə cinlər xoş arzuları eşidə və onların həyata keçməməsi üçün əllərindən gələni edə bilərlər.
Böyük Britaniyada sağsağan görmək uğursuzluq sayılır. Ona görə də hardasa sağsağan görsəniz, onları nəzakətlə qarşılasanız yaxşı olar: məsələn deməlisiniz ki, “Sabahınız xeyir, cənab sağsağan. Bu gün xanımınız necədir?”
Bunun səbəbi də odur ki, adətən sağsağanlar cüt gəzir və onları tək görmək kədəri ifadə edir.
Polşada çantaların yerə qoyulması yanlış hesab olunur. Çünki insanlar çantalar yerdə olan zaman içindəki pulun asanlıqla çıxa biləcəyinə inanırlar.
Polşada həmçinin insanlar inanırlar ki, əgər kimsə ölübsə, cəsədi növbəti bazar gününə qədər basdırmalısınız, əks halda daha bir yaxın adamınızı itirə bilərsiniz.
İspanyada insanlar ayın 13-nə təsadüf edən çərşənbə axşamını uğursuz sayır. Onların inancına görə bu günlərdə evlənmək və ya səyahət etmək olmaz.
İtaliyada isə ayın 17-nə təsadüf edən cümə günü pis xəbər deməkdir. Həmin gün heç bir şey etməməli, ən azından xüsusi bir günü qeyd etməməlisiniz. Bunu etsəniz belə heç olmasa, bənövşəyi geyinməməlisiniz.
İsveçdə isə hörümçəyi öldürmək qadağandır. Çünki mövhumata görə, hörümçəyi öldürsəniz, sabahısı günü mütləq yağış yağacaq.
Fransada batil inanclar daha çoxdur. Məsələn, hansısa quş pəncərənizdən içəri baxsa, pis bir şey olacaq və ya hamilə qadın bayquş görsə, qız doğulacaq deməkdir.
Fransızlar həmçinin inanır ki, çörəyi tərsinə qoyan insan onu yeyirsə, lənətlənəcək.
Türkiyədə kiməsə əldən-ələ qayçı və ya bıçaq vermək o şəxslə dalaşacağınız, hətta düşmən olacağınız mənasına gəlir. Bu inanc Azərbaycanın də bəzi bölgələrində mövcuddur.
Rusiyada evdən çıxdıqdan sonra nəyisə yadınızdan çıxarmısınızsa, geri qayıtmamalısınız. Deyək ki, unutduğunuz əşya çamadandır və geri dönməlisiniz. Bu zaman evə qayıtsanız əsla fit çalmayın.
Şeytanı bir müddət səyahət etməyəcəyinizə inandırmaq üçün çamadanın üzərində oturmalı və geri qayıtmazdan əvvəl həmişə güzgüyə baxmağı unutmamalısınız.
Yaponiyada isə “şi” kimi tələffüz edilən 4 rəqəmi həm də ölüm mənasına gəlir. Ona görə də 4 elementdən ibarət hədiyyələrdən məsələn 4 gül, 4-lü boşqab və s. qaçın. Bu səbəbdən Yaponiyada bir çox binalarda mərtəbələrdə 4 rəqəmi yoxdur.
Yaponiyada 9 rəqəmi də uğursuz sayılır çünki “əzab” sözü ilə eyni cür tələffüz edilir.
Cənubi Koreyada gecə fit çalmaq uğursuzluq əlaməti sayılır. Çünki onlar inanır ki, belə etsəniz, pis ruhlar varlığınızdan xəbərdar olacaq.
Eyni zamanda cənubi Koreyada isə məzarlarda yazılar qırmızı olduğu üçün birinin adını qırmızı ilə yazmaq pis hadisələrə işarə edir.
Argentina prezidenti Xavyer Miley BMT- də ABŞ-nin Kubaya qarşı sanksiyalarının ləğvinə səs verən xarici işlər naziri Diana Mondinonu vəzifəsindən azad edib.
"DogruXeber.az" xəbər verir ki, bu barədə xarici KİV məlumat yayıb.
"Ölkəmiz qəti şəkildə Kuba diktaturasına qarşıdır və insan hüquqlarını və fərdi azadlıqları pozan bütün rejimləri pisləyən güclü xarici siyasət mövqeyini qoruyacaq", - Argentina liderinin ofisi bildirib.
Mondinonun Kubaya verdiyi dəstəyə görə vəzifəsindən kənarlaşdırılması, prezidentliyə namizədliyindən bəri onu dəstəkləyən Maylinin əsas tərəfdarlarından birinə qarşı bir addımdır. Qeyd olunub ki, diplomatik xidmət rəhbəri teatrallıq və təşkilatlanma ilə seçilən siyasətçinin kampaniyası zamanı Buenos-Ayresin beynəlxalq nüfuzunu gücləndirib.
İsrailin son zərbəsinin əsas uğurlarından biri İranı yaxın müttəfiqləri olan Rusiya və Çindən uzaqlaşdırmaq olub. Hər iki ölkəyə başa salındı ki, onlar İranı müharibə vəziyyətində qorumalı deyillər və real olaraq qoruya da bilməzlər.
Axar.az xəbər verir ki, bu sözləri İsrail Baş naziri Benyamin Netanyahunun keçmiş müşaviri və İsrail Müdafiə Qüvvələrinin mayoru Aleks Selski “Yerusəlim Post” nəşrində yazdığı məqalədə bildirib.
O qeyd edib ki, ən önəmli nüanslardan biri bu zərbələrin İranın tək olduğu mesajını vermək idi (Xatırladaq ki, İran İsrailə hücum edəndə ABŞ başda olmaqla, koalisiya qüvvələri zərbələri dəf etməkdə Təl-Əvivə ciddi dəstək vermişdilər – red.):
“İranla möhkəm strateji və iqtisadi əlaqələri davam etdirən Rusiya və Çinin İranı müdafiə etmək üçün çətin addımlar atacağı gözlənilsə də, son hadisələr əsl reallığı hamıya açıq şəkildə göstərdi. İsrail İranın təcridini maksimum dərəcədə artırmaq üçün bu fürsətdən istifadə etməlidir ki, bu da Tehranı iqtisadi, hərbi və siyasi baxımdan əhəmiyyətli dərəcədə zəiflədəcək.
İslam Respublikası rejimi çökərsə, Rusiya və Çin hazırda güvəndikləri İran məhsulları üçün alternativ mənbələrə müraciət edəcəklər. Məsələn, Çin enerjini Mozambik kimi inkişaf etməkdə olan Afrika tədarükçülərindən, hətta enerji bazarında İranla rəqabət aparan və İran ixracatının azalmasından ilk faydalanan Rusiyanın özündən də əldə edə bilər. Ukraynadakı müharibəsində İran silahlarına arxalanan Rusiya da öz növbəsində Şimali Koreya və Türkiyə vasitəsilə hərbi ehtiyaclarının bir hissəsini artıq təmin etməyə başlayıb.
Həm Rusiya, həm də Çin qlobal iqtisadiyyata dərindən inteqrasiya olunub və sanksiyalara baxmayaraq, Qərb ölkələri hətta Rusiya ilə ticarətdən asılıdır. İran adından istənilən birbaşa hərbi müdaxilə sanksiyaların artması və ticarət əlaqələrinin pozulması da daxil olmaqla, ağır iqtisadi nəticələrə gətirib çıxaracaq. Məsələn, Çin həm ABŞ-ın, həm də AB-nin ən böyük ticarət tərəfdaşlarından biridir və bu iqtisadi əlaqələri riskə atacaq münaqişəyə girmək Pekinin strateji maraqlarına cavab vermir”.
Ekspert əlavə edib ki, davam edən sanksiyalar və onun Ukraynada uzun müddət iştirakının iqtisadi zərərləri ilə onsuz da gərginləşən Rusiya iqtisadiyyatı yeni münaqişəyə girərsə, sabitliyin ciddi şəkildə pozulması ilə üzləşəcək. Müharibənin maliyyə gərginliyi və potensial yeni sanksiyalar Rusiyanın kövrək iqtisadiyyatına əhəmiyyətli dərəcədə təsir göstərəcək.
O xatırladıb ki, tarixi nümunələrə görə, Rusiya və Çin başqa ölkədə birbaşa hərbi müdaxilə ilə bağlı təmkinlidir - hətta şəxsi maraqları təhlükə altında olduqda belə:
“1999-cu ildə NATO-nun Yuqoslaviyanı bombalaması zamanı Rusiya güclü tarixi əlaqələri və kəskin etirazına baxmayaraq, hərbi müdaxilədən çəkindi. Eynilə 2003-cü ildə Birləşmiş Millətlər Təşkilatında ABŞ-ın İraqa müdaxiləsinə qarşı çıxmasına baxmayaraq, nə Rusiya, nə də Çin Səddam Hüseyn rejiminə hərbi dəstək verdi. 2011-ci ildə Rusiya BMT-də NATO-nun Liviyaya müdaxiləsinə icazə verən səsvermədə bitərəf qaldı və bu, Müəmmər Qəzzafinin devrilməsinə səbəb oldu.
Bu hallar Qərb dövlətləri ilə birbaşa hərbi əməkdaşlıqdansa, diplomatik qınama və məhdud dəstəyə (məsələn, silah tədarükü və ya iqtisadi yardım kimi) ardıcıl üstünlük verilməsini nümayiş etdirir.
Rusiya İsraillə birbaşa münaqişədə maraqlı olmayacaq. İsrail ABŞ-ın təzyiqinə baxmayaraq, Suriyada hərbi koordinasiya da daxil olmaqla, bir çox səviyyələrdə Rusiya ilə əməkdaşlıq etmək qabiliyyətini, həmçinin neytral mövqeyini və Ukraynaya məhdud dəstəyini nümayiş etdirib.
İranı müdafiə etmək üçün münaqişədə birbaşa iştirak Rusiya və Çin daxilində qeyri-sabitliyi də alovlandıra bilər. Hər iki xalq baha başa gələn xarici müharibə qarşısında güclənə biləcək iqtisadi çətinliklər və siyasi fikir ayrılığı da daxil olmaqla, əhəmiyyətli daxili problemlərlə üzləşər.
İsrail həm də Vaşinqtonla sıx əlaqələri və Moskva ilə praqmatik münasibətlərinə görə Rusiya və Qərb, xüsusən də ABŞ arasında dialoq üçün unikal kanal rolunu oynayır.
Üstəlik, Rusiya və Çin başa düşürlər ki, İranın terrorizmə əsaslanan siyasəti bir gün ya ideoloji səbəblərə görə, ya da daha yaxşı ticarət razılaşmalarını təmin etmək üçün rıçaq kimi onları hədəfə ala bilər. Onların İranla ittifaqı təbii və ya ideoloji uyğunlaşmaya deyil, praqmatik, instrumental maraqlara əsaslanır.
İsrail üçün bu, qaçırılmaması lazım olan bir fürsətdir. Davamlı təzyiq və hərbi əməliyyatlar İranı daha da təcrid edəcək. İttifaqlar İsrailin dayanıqlığına dəstək olaraq daha da güclənəcək. ABŞ-ın hazırkı prezidentinin mövqeyindən asılı olmayaraq, İranın nüvə ambisiyaları ilə qaçmasına icazə verilməməlidir. İsrail müstəqil hərəkət edə biləcəyini özünə və başqalarına sübut etdi və bu yolu davam etdirdikcə öz qələbəsinin bəhrəsini getdikcə daha çox alacaq”.
İspaniyanın Valensiya şəhərində yollar və bütün ərazilər su altında qalıb, bu da xilasetmə əməliyyatlarını ciddi şəkildə çətinləşdirir, hərəkəti məhdudlaşdırır.
“Report” xəbər verir ki, Valensiya və ətrafında güclü yağışların səbəb olduğu dağıdıcı daşqının fotoları yayılıb.
Gündəlik yağıntının səviyyəsi illik həcmə bərabərdir. Daşqınlar infrastrukturu məhv edib, yaşayış sahələrini su basıb, rabitə əlaqəsində fasilələrə səbəb olub, sakinləri elektriksiz qoyub. Yolların su basması səbəbindən xilasetmə əməliyyatlarında çətinliklər yaranıb.
Pikanya kimi sahil rayonlarında küçələr palçıqla örtülüb.
Qeyd edək ki, faciə ilə əlaqədar region hakimiyyəti üç günlük matəm elan edib. Xilasetmə xidmətləri itkin düşənləri axtarışını davam etdirir.
Valensiyada əsl "avtomobil qəbiristanlıqları" meydana çıxıb. Fotolarda da məlum olur ki, şəhər sakinləri çaşqınlıq içindədirlər və sığınacaq axtarmağa tələsirlər.
İspaniyanın Valensiya şəhərində daşqınlar nəticəsində ölənlərin sayı 92 nəfərə çatıb, ölkənin digər iki bölgəsində isə 3 nəfərin həlak olduğu bildirilir.
Musavat.com xəbər verir ki, bu barədə Regional Fövqəladə Hallar Xidməti “X” sosial şəbəkəsində məlumat yayıb. Departament, hadisəni ölkə tarixində ən böyük təbii fəlakətlərdən biri kimi xarakterizə edib.
Fəlakətin nəticəsi olaraq, krallığın şərqində dəmir yolu əlaqəsi pozulub və onlarla marşrut bağlanıb. Hazırda xilasetmə işləri davam edir və prosesə yüzlərlə hərbçi cəlb edilib.
Musavat.com
Son illərdə həddindən artıq turizm problemi getdikcə daha çox gündəmə gəlir, çünki dünyanın ən gözəl yerlərini öz gözləri ilə görmək istəyən böyük izdiham həm yerli sakinlər, həm də digər turistlər üçün həyatı dözülməz edir.
Qaynarinfo "The Mirror"a istinadən xəbər verir ki, turizm platforması "Evaneos" və konsaltinq şirkəti "Roland Berger" tərəfindən dünyanın 70 ən populyar istirahət məkanını təhlil edən bu yaxınlarda birgə araşdırma tarixdə ilk dəfə "Overturizm İndeksi"ni formalaşdırıb.
Onun nəticələrinə görə, Kopenhagen, Amsterdam və Dublin - müvafiq olaraq Danimarka, Niderland və İrlandiyanın paytaxtları - həddindən artıq turizmin ən çox təsir etdiyi dünya şəhərləri kimi tanınıb.
Qeyd olunur ki, hər bir istiqamət dörd meyar əsasında birdən beşə qədər şkala ilə qiymətləndirilib: adambaşına turist sıxlığı, kvadrat kilometrə düşən turist sıxlığı, mövsümilik və qəbul edən ölkənin davamlılığının yetkinliyi.
Bu istiqamətlər davamlılıq baxımından daha yetkin və iqtisadi cəhətdən turizmdən daha az asılı olsalar da (ÜDM-in orta hesabla 5%-i), araşdırma bu üç şəhərin birinci rübdə bütün gəlirlərin 37%-ə qədərini turizmin təşkil etdiyini ortaya çıxarıb. Ümumilikdə Danimarka, Niderland və İrlandiyanın paytaxtları 5 baldan müvafiq olaraq 3,8, 3,7 və 3,4 xal toplayıb.
Bundan əlavə, araşdırmada qeyd olunub ki, həddindən artıq turizm sahilyanı ərazilərdə əsas problemdir - Kipr, Mavriki, Yunanıstan və Xorvatiya ən çox təsirlənən ölkələrdir.
Bu arada, yayda mövsümi aşırı turizmin təsiri xüsusilə üçüncü rübdə bütün ziyarətlərin 43%-ni təşkil edən İspaniya, İtaliya, Fransa və Portuqaliyada hiss olunur.
Böyük Rusiya şirkətləri xarici təchizatçıları əvəz etmək və yerli istehsalçıların analoqlarını axtararkən dərin böhranla üzləşirlər.
Tribunainfo.az xəbər verir ki, bu qənaətə “Trust Technologies” konsaltinq şirkəti tərəfindən hazırlanan araşdırmada bildirilir.
“Vedomosti” qəzeti yazır ki, əsasən metallurgiya, neft-qaz və tikinti kimi 15 sahədən 60-a yaxın aparıcı şirkətinin iştirak etdiyi araşdırmada respondentlərin 68%-i idxalın əvəzlənməsi ilə bağlı problemlərin olduğunu bildirib.
İdxalın əvəzlənməsinin dərin böhranı logistikanın mürəkkəbləşməsi və bahalaşması, transsərhəd ödənişlərlə bağlı problemlər və adi tədarükçülərin sanksiyalara görə Rusiya biznesi ilə işləməkdən imtina etməsində özünü göstərir. Nəticədə, bir çox şirkət hələ də müvəqqəti tədbirlərə, məsələn, Rusiyada mövcud olmayan hissələri və komponentləri vasitəçi ölkələrdən satın alır.
“Vedomosti” Rusiyanın ən böyük dövlət şirkətlərindən (“Transmaşholdinq”, “Rostec”, “Transneft”, “Rusiya Dəmir Yolları”) şərh alarkən, biznes qurumları idxalın əvəzlənməsi ilə bağlı heç bir çətinlik yaşamadıqları bildiriblər.
İdxalçılar üçün hazırkı əsas problemlər ABŞ Prezidenti Co Baydenin 2023-cü ilin dekabrında ABŞ Xəzinədarlığına Rusiyaya ikili təyinatlı malların tədarükü ilə bağlı əməliyyatlarda iştirak etdiklərinə görə digər ölkələrin banklarına qarşı ikinci dərəcəli sanksiyalar tətbiq etmək səlahiyyəti verməsindən sonra başlayıb.
On mərtəbəli oteldə uçqun baş verib.
Söz.az xarici KİV-ə istinadən xəbər verir ki, hadisə Argentinanın Villa Gesell şəhərində baş verib.
Yerli hakimiyyət orqanlarının məlumatına görə, dağıntılar altında 9 nəfər qala bilər.
Oteldə olanlar arasında tikinti sahəsində çalışan işçilər də olub. İşçilər orada lazımi bələdiyyə icazəsi olmadan işləyiblər.