 |
|
|
Müğənni Xatirə İslam həmkarı Sevil və Sevinc Səfərova bacıları haqda açıqlaması ilə gündəmə gəlib.
Gundeminfo.az xəbər verir ki, sənətçi "Afaqla onlar" verilişində bunları deyib:
"Sevil Sevincdən xoşum gəlir. Böyük oğlum olsaydı, onları almazdım. Onlar qısa geyinirlər. İstəyirəm, gəlinim evdə otursun, qəşəng yemək bişirsin, çay dəmləsin. Yeyim, bir az kökəlim. Əkizlər o qədər gözəldilər, həmişə göz önündədirlər. Qısqanc adamam".
Xatirə bir müddət əvvəl verdiyi "Böyük oğlum olsaydı, Aygün Bayramovanı alardım" açıqlaması haqda suala "Kimi demişəm? Xatırlamıram. Aygün Bayramova? Doğrudan? Yox, o yemək bişirən adama oxşamır, acından ölərdim. Sağ olsun. Yaxşı muğamlar oxusun" cavabını verib./Axşam.az
Türkiyənin tanınmış sənətçilərindən olan rəqqasə Tanyeli 2,5 ildir mübarizə apardığı xərçəng xəstəliyinə təslim olub.
Oxu.Az Türkiyə mediasına istinadən xəbər verir ki, o, müalicə aldığı xəstəxanada həyatını itirib.
54 yaşlı məşhurun dəfn mərasimi ilə bağlı detalların ailəsi tərəfindən paylaşılması gözlənilir.
Pərəstişkarları sosial mediada kədərlərini ifadə edərək sənətçiyə çox sayda vida mesajları yazırlar.
Əməkdar artist Nigar Şabanova sosial şəbəkələrdə gündəm olub.
Xanəndənin "Tarixin bir günü" verilişindəki rəqsi müzakirə yaradıb.
Belə ki, kimisi N. Şabanovanın oriental rəqsini tənqid etsə də, bəziləri onun oynamağında qəbahət görməyib. / Bizimedia
Rəqsanə İsmayılova bu dəfə xeyriyyəçilik fəaliyyəti və sərt çıxışları ilə deyil, alış-veriş edərkən görüntülənməsi ilə diqqət mərkəzinə düşüb. Sənətçi supermarketlər şəbəkəsinin birində evinə bazarlıq edərkən diqqətləri öz üzərinə çəkib.
Qlobal.net bildirir ki, sosial şəbəkələrdə yayılan video izləyicilər arasında maraqlı müzakirələrə səbəb olub. Şərh bölməsində "Tut ucundan çıx göyə", "Restoran işlədirlər ona görə" və "Qazanıb alıb" kimi fərqli fikirlər səsləndirilib.
Qeyd edək ki, Rəqsanə İsmayılova tez-tez xeyriyyə aksiyaları ilə gündəmə gəlsə də, bəzən sərt açıqlamaları ilə də sosial mediada geniş müzakirələrə səbəb olur. Bu dəfə isə onun sadəcə bazarlıq etməsi belə izləyicilərin marağına səbəb olub. (show_clab)
Əməkdar artist Bəhram Bağırzadənin "Bakıya gələn insanlar urbanizasiya prosesini keçə bilmirlər" sözləri ətrafında müzakirələr bitmək bilmir.
Bu dəfə aparıcı Rövşanə Ağəsəfqızı açıqlaması ilə gündəmə gəlib.
"Sabaha saxlamayaq" proqramında qonaq olan aparıcı bunları söyləyib:
"Rayondan indi gələnlər yetəri qədər artıqdır. 1960-cı illə müqayisə etmirik. Həmin dövrdə başqa idi. İndi sel gəlir. Niyə? İşləməyə gəlir... Gəlir dayə, xidmətçi işləyir. Biz onlarla hansı şəhər mədəniyyətini formalaşdıracağıq? Mədəniyyəti formalaşdıran oxumaqdır, təhsildir. Təhsil bərbad gündədir, bunu deyirəm. Cümlə yaza bilməyənlər çıxıb müzakirə aparırlar. Mədəniyyəti beyinlər formalaşdırırlar. Ədəbiyyat adamları, tamada olacaqdılar. Yaxşı müğənnilər rayonda qalsaydılar, toy müğənnisi olacaqdılar. Şəhərə gəlib oxudular və mədəniyyəti formalaşdırdılar. Urbanizasiya qanunları pozulub və kababxanaya çevrilib".
Qeyd edək ki, B.Bağırzadə "Bakıya gələn insanlar urbanizasiya prosesini keçə bilmirlər. Görürsüz, onlar hətta restoranda çox ucadan danışırlar. Belə bir ifadə var, şəhər öz memarlığı il gözəldir, amma şəhər birinci növbədə orada yaşayan insanlarla gözəldir. Son 25 ildə şəhər çox dəyişib. Rayondan gələnlər şəhərə adaptasiya ola bilmirlər. Bu, bizim günahımızdır. Biz susuruq, onlara demirik ki, uşaqlar, restoranda belə danışmaq olmaz" sözlərini söyləyib. (Bakıvaxtı.az)
Sonuncu dəfə "Holding" serialı ilə ekranlara çıxan məşhur aktrisa Melisa Döngel indi də özəl həyatı ilə gündəmdədir.
Musavat.com xəbər verir ki, Melisa Döngelin məşhur iş adamı Öncü Sönməz ilə yeni eşq yaşadığı iddia edilib.
Melisa Döngel ilə Öncü Sönməzin iki həftə əvvəl münasibət qurduğu bildirilir.
Münasibətlərini diqqət mərkəzindən uzaq yaşamağa üstünlük verən Döngel və Sönmezin ortaq dostları tərəfindən tanış edildiyi də bildirilir. Cütlüyün bir neçə həftə sonra xaricə birlikdə tətilə gedəcəyi də açıqlanıb.
Qeyd edək ki, aktrisa Melisa Döngelin də rol adlığı "Holding" serialı bir neçə ay öncə erkən final qərarı almışdı. Ekran işi 4-cü bölümdə yayımdan qaldırılmışdı.Buna səbəb isə, reytinqlərdə istənilən nəticəni verməməsi olub. Serialın baş rollarını Erdal Özyağcılar, Tuğba Sunguroğlu, Caner Topçu və Mustafa Üstündağ kimi aktyorlar paylaşır.
Musavat.com
Türkiyənin məşhur sənətçisi Ajda Pekkanın dəbdəbəli villası ilk dəfə ətraflı şəkildə görüntülənib.
Musavat.com xəbər verir ki, 1,5 hektar ərazidə yerləşən nəhəng malikanə göz qamaşdıran bəzəyi və möhtəşəm detalları ilə görənləri heyrətə gəitib.
Böyüklüyü ilə diqqət çəkən villa qısa zamanda sosial mediada trend mövzusuna çevrilib.
Müasir və zərif dekorasiyası ilə sənət əsəri kimi görünən villada 6 yataq otağı, 2 qonaq otağı, idman zalı, iş otağı, hovuz, yay bağçası, lift və xidmətçilər üçün yaşayış sahəsi var.
Ümumi istifadə sahəsi 960 kvadratmetr olan villanın böyük bağçası və nəhəng hovuzu tamaşaçıların böyük rəğbətini qazanıb.
Müğənninin sözügedən lüks villasından görüntüləri təqdim edirik.
Musavat.com
Müğənni Alsu və iş adamı Yan Abramov 2024-cü ilin avqustunda rəsmi olaraq boşansalar da hələ əmlak bölgüsü etməyiblər.
Onlar 18 illik evlilikləri ərzində əldə etdikləri əmlakı bölüşəcəklər.
Siyahıda Londonda “Lord’s Cricket Ground” kriket stadionunun yaxınlığında bir mənzil, Kipr, ABŞ, Fransa və Monakoda, habelə Rusiyada daşınmaz əmlaklar var. Bildirilib ki, məhkəmənin əvvəlində Yan keçmiş həyat yoldaşına təzminat kimi 2,5 milyard rubl təklif edib, lakin o, bundan imtina edib. Müğənni ikinci vətəndaşlığı olan Böyük Britaniya da daxil olmaqla bir neçə məhkəmə iddiası qaldırıb. Növbəti iclas martın 21-də baş tutacaq.
İş adamının vəkili Aleksandr Dobrovinski mübarizə aparmaqda qərarlıdır. Onun sözlərinə görə, o, “xanım Abramova”nın nə istədiyini bilir və buna görə də işi necə aparacağını başa düşür. Onun hesablamalarına görə, keçmiş həyat yoldaşlarının ümumi aktivləri 20-30 milyard rubl təşkil edir.
Vəkil bildirib ki, onlar arasında aliment problemi yoxdur. Çünki iş adamı 3 övladının bütün ehtiyaclarını təmin edir. (Axşam.az)
İllərdir Zaur Baxşəliyev, Xoşqədəm Hidayətqızı, Lalə Azərtaş, Elgiz Əkbər və digərlərinin aparıcılığı ilə evimizə girən proqramlar, sosial şəbəkələrdə yayımlanan bayağı verilişlər, şişirdilmiş informasiyalar və reytinq xatirinə yaradılan qalmaqalların cəmiyyətimizə təsiri müzakirə olunur.
Televiziyalar qınanır, jurnalistlər tənqid obyektinə çevrilir. Bəli, hər şey göz önündədir. Bu verilişlərdə atılan uşaqlar, evdən qaçan analar, zorakılıq edən atalar, məişət fırıldaqları, övladının başqasından olduğunu öyrənən həyat yoldaşları və başqaları bütün cəmiyyətə nümayiş etdirilir.
Bu tip proqramları izlədikdə bütün o çığır-bağırın, göz yaşının, özündəngetmələrin içində insanın beynini bir sual da döyəcləyir: Problem həqiqətənmi yalnız həmin verilişlərdir? Doğrudanmı, milli dəyərlərimizin aşınmasının, ailə institutunun zədələnməsinin, əsrlər ərzində formalaşmış ənənələr, ağsaqqal-ağbirçək institutunun tar-mar olmasının, cəmiyyətin mənəvi-əxlaqi tarazlığınin alt-üst edilməsinin səbəbi bəyənmədiyimiz televiziyalar, ağız büzdüyümüz saytlar, ciddiyə almadığımız sosial şəbəkələrdir? Belədirsə, problemi həll etməyə nə var ki... Tük bəlli, şeytan bəlli. Bu verilişləri bağla, səbəbkarları necəsə cəzalandır, “bayağı təsirdən” millətin canı qurtarsın...
Amma belə deyil axı... Həmin aparıcı və proqramlara haqq qazandırmadan deməliyik ki, məsələnin çox dərin alt qatı da var. Bu qatda nələr yatır? Bu cür informasiyaların öldürücü gücə çevrilməsinin əsas səbəbi nədir?
Ölkədə aidiyyəti dövlət qurumları düzgün işləsə, təhsil sistemi güclü olsa, cəmiyyətin psixoloji durumu sağlamlaşsa, bayağı verilişlər bu qədər təhlükəli olarmı?
Məsələn, normal təhsil alan şəxs Zaurun verilişindəki cinçıxarma səhnəsindən təsirlənə bilərmi? Yaxud, normal tibbi xidmətlə təmin edilən insanlar Xoşqədəmin verilişində həkim axtararmı? Ailə, Qadın və Uşaq Problemləri üzrə Dövlət Komitəsindən dəstək alan gəlin öz problemlərini həll etmək üçün Elgizə müraciət edərmi?
Bilməz!
Axtarmaz!
Etməz!
Televiziya və sosial media kommersiya əsaslı platformalardır. Yəni, yayımlanan məzmunun əsas məqsədi auditoriya toplamaq və bununla da gəlir əldə etməkdir.
Onlara “niyə bayağı veriliş çəkirsən” sualını ünvanlayanda əllərində bu arqumenti bayraq edirlər. Sən də kapitalizmin, pul qazanma məcburiyyətinin əl-qolunu bağladığı bir vətəndaş kimi susursan, heç nə deyə bimirsən.
Bəs bu susqunluq təslimiyyətə çevrilməlidirmi? Əsla!
Bu ürəkbulandıran proqramların sonunun gəlməsi üçün tələbat minumum səviyyəyə düşməlidir.
Cəmiyyətin böyük hissəsi səviyyəli və maarifləndirici proqramlara üstünlük verməlidir. İnsan sağlam düşüncəyə, geniş dünyagörüşünə və düzgün tərbiyəyə malikdirsə, nə televiziya, nə də sosial media onun həyat tərzini dəyişə bilməyəcək. Bütün bunlar isə dövlətin təhsil, mədəniyyət və psixoloji sağlamlıq sahəsində gördüyü işlərdən asılıdır. Təhsilə və mədəniyyətə diqqət təkcə uşaqların ali məktəbə daxil olması, elmi uğur qazanması və ya mədəniyyət sahəsində tanınmış insanların yetişməsi üçün deyil, həm də cəmiyyətin ümumi səviyyəsinin qaldırılması, adət-ənənələrə və milli dəyərlərə təhdidlərin qarşısının alınması üçün vacibdir.
Bəs buna necə nail ola bilərik?
1.Təhsil sistemi tənqidi düşüncəni inkişaf etdirməlidir.
İnsanlara informasiyanı analiz etməyi, doğruluğunu yoxlamağı öyrətmək lazımdır. Tənqidi düşüncəsi formalaşan cəmiyyətə kənar amillər təsir göstərə bilməz.
Dövlət qurumlarının fərsizliyindən lalələr açılır, zaurlar doğulur...
2.Cəmiyyətdə psixoloji dayanıqlılıq artırılmalıdır.
Psixoloji cəhətdən güclü və sabit insanlar manipulyasiyaya daha az məruz qalır. Bunun üçün psixoloji maarifləndirməyə, dəstək proqramlarına və fərdi inkişaf layihələrinə dövlət səviyyəsində dəstək artırılmalıdır.
3.Dövlət media siyasətinə “əl gəzdirməlidir”.
Tamaşaçıya alternativlər təqdim olunmalıdır. Səviyyəli, intellektual və maarifləndirici məzmunun yayılması üçün yerli sənədli-bədii filmlər, intellektual verilişlər və təhsil proqramlar stimullaşdırılmalı və inkişaf etdirilməli, bu kimi sahələrin təsir dairəsi genişləndirilməlidir.
ABŞ-da 2000-ci illərdən etibarən reytinq uğrunda çəkişən televiziya kanalları müxtəlif şou proqramlar hazırlamağa başladılar. Bu verilişlərdə ailədaxili konfliktlər, xəyanət və sosial problemlər tamaşaçılara “əyləncə” kimi təqdim edilirdi. Çox keçmədi ki, bu tip verilişləri ərsəyə gətirənlər Amerika cəmiyyətində mənəvi dəyərlərin aşınmasına səbəb olmaqda günahlandırıldı.
2010-cu illərdən ABŞ-da maarifləndirici və tənqidi düşüncəni təşviq edən proqramlara daha çox yer verilməyə başlandı. Bununla da televiziyadakı bayağılığı balanslaşdırmağa çalışdılar.
Qardaş Türkiyədə televiziya uzun illərdir ailədaxili problemləri, məişət zorakılığını, xəyanət və kriminal hadisələri reytinq mənbəyi kimi istifadə edir. Bu verilişlər cəmiyyətdə bəzi problemləri üzə çıxarsa da, eyni zamanda onları daha da dramatikləşdirib reytinq məqsədilə istifadə edir. Türkiyə çıxış yolu kimi verilişlərə alternativ olaraq maarifləndirici və psixoloji proqramların sayını artırır. Və bu işi aidiyyəti qurumlar öz üzərinə götürüb.
4.Bayağı verilişlərə qadağa qoymaq problemi həll etməz.
Bu verilişlərə lakmus kağızı kimi baxmaq lazımdır. Kənar təsirlərə, aşınmaya həssas olan tərəflərimizi görüb, hərəkətə keçməliyik. Yəni qadağalar qoymaq, məhdudiyyətlər tətbiq etmək çıxış yolu deyil. Yeganə çıxış yolu insanların düşüncə səviyyəsini yüksəltməkdir. Bunun üçün isə aidiyyəti dövlət qurumları məsuliyyət hiss etməlidir...
Baku Post