Aktrisa Pərvin Abıyeva villasını nümayiş etdirib.

Milli.Az xəbər verir ki, sənətçi görüntüləri instaqram hesabında paylaşıb.

O, villasının həyətindən çəkdiyi videoya "Bayramınız mübarək" şərhini yazıb.

Aparıcı Vüsalə Əlizadə anası Lütviyyə Əlizadə ilə bağlı paylaşım edib.

Musavat.com axşam.az-a istinadla xəbər verir ki, o, anası ilə fotolarını yayımlayaraq bunları yazıb:

"Allah bəndələrini yaradanda hərəyə bir bəxt, qismət, vəzifə verir. Kim bu dünyaya niyə gəlir, kim olmağa gəlir. İnsanlar var ki, illər keçər, yaşa dolar hələ də bu həyatda kim olduğunun fərqinə varmaz...

Sənin bu dünyadakı statusun, vəzifən, Allah qatındakı yerin - nurlu üzündən, dağ kimi dərdinə sinə gərən gücündən, bəzən sevgi saçan, bəzən gülərək parlayan, bəzən zəhmli baxan nigaran gözlərindən, şəfalı toxunuşundan, oduna-ocağına etdiyin şükürlərdən, böyüyünə-uşağına göstərdiyin mərhəmətdən o qədər bəllidir ki, mənim baharım. Sənin bu dünyadakı adındır ana.

Sən bu dünyaya ana olmağa ,onun kimi örnək olmağa gəlmisən. Allahın ən böyük bəxşişi, ən ali statusunu, ən mükəmməl şəkildə daşıyırsan ana. Bir qadına ancaq bu qədər yaraşar ana olmaq. Sevgi saçan, ətri bahar anam. Dünyaya yenidən gəlmə şansım olsa, yenə mənim payıma düş, yenə mənim ol, yenə məni övlad kimi xoşbəxt et. Səni sonsuz sevirəm, ana".

"Vacib deyil ki, o, sənət adamıdır. İnanmazdım ki, övladım sənətdə olan adamla ailə qurar".

Bu sözləri Xalq artisti Mələkxanım Eyubova "Geriyə baxanda" verilişində deyib.

Xanəndə qızı Nəzrinin müğənni Mərdan Kazımovla ailə qurmasından danışıb:

"Mən də sənətə gələndə deyirdilər burada olan insana oxşamırsan: xasiyyətin, müəyyən xüsusiyyətlərinlə. Vacib deyil ki, bu adam bu sənətdədir. Sənətdədir deyə, onunla ailə qurmaq olmaz? Və ya, görəsən xasiyyəti necədir? Hansı peşənin sahibi olursan ol, insanın özünə layiq xüsusiyyətləri olmalıdır. Kişidə isə ailəcanlılıq olmalıdır. Bəzi nüanslar var ki, olmalıdır. Sənət aləmində və ya başqa peşədə olmağı önəmli deyil. Ona görə də Nəzrin Mərdanla ailə quranda tərəddüt etmirdim. Deyirdim, Nəzrinin seçimi düzgündür. Mərdanı da tanıyırdıq. Bütün ailə quranlara sevgi, inam, etibar arzulayıram.

İnsan bir-birini anlayanda rahat olur. Bilirsən ki, bu adam sənətdədir. Mən də ailə quranda xanımları səhnəyə gəlməyə qoymurdular. Çox toya getmirdim. Kişi toylarına icazə vermirdi. Sonra yavaş-yavaş toya qoymağa başladı". (Axşam.az)

Tamada-şairə Nazilə Səfərli şok açıqlaması ilə gündəmə gəlib.

Musavat.com bildirir ki, sənətçi sosial media hesabında qeyd edib:

"Bu yaxınlarda bir azərbaycanlı müğənni 1500 dollara Gürcüstan toyuna gedib. Müğənni toy sahibinə deyib ki, verəcəyin pulu mən oxuyanda bir-bir say, əlimə ver, qoy hamı görsün.

Toy sahibi də inanıb, onun dediyi kimi edib. Toy başa çatan kimi quldurlar toy sahibini çağırıb, 10 min dollarını alıblar ki, "belə pulun çoxdur, bizə də xərclə".

Beləliklə, bilin ki, Gürcüstan toylarına gedib, əlində pullar paylayan müğənnilər əslində quldurlara nişan verir. Toy sahibləri də müğənniyə görə tələyə düşürlər. Artıq 3 ildir vəziyyət belədir".

Xalidə Gəray
Musavat.com