Türkiyədə 66 nəfərin öldüyü yanğınla bağlı hotelin sahibi də daxil olmaqla 4 nəfər saxlanıb.

"Bakuinfo" xəbər verir ki, bu barədə məlumatı ədliyyə naziri Yılmaz Tunç açıqlayıb.

Nazir qeyd edib ki, istintaq çoxşaxəli aparılır.

"Kartalkayada 66 vətəndaşımızın həyatını itirdiyi hotel yanğını ilə bağlı Bolu Respublika Baş Prokurorluğu tərəfindən başlanan məhkəmə istintaqı çoxşaxəli və diqqətlə aparılır. 6 dövlət ittihamçısının təyin edildiyi istintaq çərçivəsində iş yeri sahibi də daxil olmaqla 4 nəfər nəzarətə alındı. 5 nəfərdən ibarət ekspert qrupu tərəfindən yanğının baş vermə səbəblərinin araşdırılması və nasazlıqların aşkarlanması istiqamətində işlər davam etdirilir. İstintaqın hər bir mərhələsi böyük diqqət və həssaslıqla həyata keçirilir" - Tunç bildirib.

Serbiyanın paytaxtı Belqradda yerləşən qocalar evində baş verən yanğında 8 nəfər ölüb.

Bu barədə RTS telekanalı məlumat yayıb.

Daha 7 nəfər isə xəsarət alıb.

Gecə saat 03.30 radələrində baş verən yanğın zamanı binada 30 nəfər olub.

Qocalar evinin otaqlarından birində döşəyi yandıran şəxsin yanğına səbəb olduğu versiyasına baxılır. (APA)

“Hələ yarası sağalmamış bir hadisə nəticəsində həlak olan Milli Qəhrəmanımız Hökümə Əliyevanın valideyninə qarşı dələduzluq edilməsi onun ruhuna hörmətsizlikdir, üzücü xəbərdir. Amma bir şeyi nəzərə almaq lazımdır ki, cinayətkar və cinayətkarlıq üçün müqəddəs heç nə yoxdur. Vəsait əldə etməkdən ötrü həmin dələduz eyni cinayəti öz ailəsinə, doğmasına da edər. Hadisədə “Kapital Bank”ı da günahlandıranlar var. Əlbəttə, müstəsna halda bank əməkdaşının gəlib kartı və məlumatları vətəndaşa təhvil verərkən, ondan istifadə qaydalarını izah edərkən dolayı yolla məlumatları vətəndaşın etibarından istifadə edərək çəkməsi istisna olunmur. Amma bunu istintaq, araşdırma sübut edəcək. “Kapital Bank”ı ittiham etmək hələlik düzgün olmaz. Ümumi yaranmış vəziyyətə və prosedura əsasən deyə bilərəm ki, bank sektorunda sistem elə qurulub ki, kart, hesab kodu verilməsi prosesində bank sektorunun əməkdaşının iştirakı mümkün deyil. Heç onların özlərinin bu haqda məlumatları yoxdur. Yəni məxfi kodun verilməsində bank əməkdaşının iştirakı vizual olmur. 99,9% prosedurlarda – oğurlanma, mənimsənilmə hallarında nəticədə dolayı yolla vətəndaşın özünün iştirakı müəyyən olunur. 0,01% texniki xəta ola bilər. Belə halda pulun rahatlıqla geri qaytarılması təmin edilir”.

Bu sözləri Pravda.az-a açıqlamasında iqtisadçı-ekspert Fuad İbrahimov deyib.

İqtisadçı bildirib ki, kart hesablarından pul mənimsənilməsi hallarında çox vaxt vətəndaş ovsunlanaraq məxfi məlumatı qarşı tərəfə ötürür: “Beləliklə, vəsait hesabdan çəkilir. Ümumiyyətlə, kibercinayətkarlığın şaxələnməsi, müasir, ağlagəlməz səviyyədə texnologiyadan və etibardan sui-istifadə halları kifayət qədər yayılıb. Vətəndaşlar ehtiyatlı olmalıdırlar. Hətta məsafədən belə məlumatların çəkilməsi mümkün olur. Bankomata yaxınlaşdıqda ehtiyatlı olmaq lazımdır. Heç kimə etibar etməsinlər. İstər onlayn alış-veriş zamanı, istərsə də iaşə obyektlərində, telefon zəngi zamanı qarşı tərəfə şəxsi bank məlumatlarını ötürmək qadağandır. Ən vacib məqam budur ki, Hökümə Əliyevanın atasına qarşı edilən dələduzluq hadisəsində cinayətkar müəyyən edilib və saxlanılıb. Məlumatın dələduza kim tərəfindən ötürülməsini isə istintaq nəticəsində müəyyən edib, ictimaiyyətə məlumat verəcəklər”.

İnsan Alverinə Qarşı Mübarizə Təşkilatı son günlər bəzi şəxslərin sosial şəbəkə hesablarında Azərbaycan polisinə qarşı apardıqları qarayaxma kampaniyasını pisləyib.

Təşkilat bu kimi xoşagəlməz hallarla bağlı Bəyanat yayıb.

Bəyanatda deyilir:

"Azərbaycan Polisi ölkəmizdə ictimai təhlükəsizliyin qarantı olmaqla, vətəndaşlarımızı hər zaman hüquqazidd əməllərdən və zorakılıqdan qoruyur. Biz bunun yanvarın 18-də Azərbaycan Respublikasının Milli Qəhrəmanı Hökümə Əliyevanın atası Cəlil Əliyevə məxsus bank kartından 80 509 manat pulun oğurlanması zamanı növbəti dəfə şahidi olduq. Dərhal Daxili İşlər Nazirliyinin əməkdaşları tərəfindən təxirəsalınmaz tədbirlər görüldü. Nəticədə isə cinayət əməlini törətməkdə şübhəli bilinən 1995-ci il təvəllüdlü İsgəndərov Ayaz Aydın oğlu saxlanıldı, onun xarici ölkə vətəndaşları ilə əlaqələri müəyyən olunduğundan həmin şəxslər axtarışa verildi və Milli Qəhrəmanımızın atasına dəymiş ziyan geri qaytarıldı. Bu, bir daha sübut edir ki, Azərbaycan Polisi hər zaman öz vətəndaşının yanındadır və onların təhlükəsizliyini, ictimai asayişi qorumaq üçün gecə-gündüz xidmətdədirlər.

Ancaq təəssüflər olsun ki, son günlər Azərbaycan Polisinə qarşı bəzi şəxslər, daha dəqiq desək - ölkəmizdəki sabitliyi, ictimai asayişi istəməyən şəxs və ya şəxslər tərəfindən qarayaxma kampaniyaları aparılır.

Ötən gün – yanvarın 18-də İmişli rayonunda baş vermiş qəzadan bəziləri öz məkrli planları üçün istifadəyə cəhd etdilər. Həmişə olduğu kimi, bu dəfə də onların "planları" ürəklərində qaldı. Təəssüflər olsun ki, hadisə nəticəsində iki azyaşlı uşaq həyatını itirdi. Belə bir hadisənin baş verməsini heç kim istəməz və ya qəsdən etməz. Daxili İşlər Nazirliyi hadisədən dərhal sonra qəzanın görüntülərini yaydı. Görüntülərdən də aydın şəkildə görsənir ki, digər mülki avtomobil yol hərəkəti qaydalarını pozaraq Dövlət Yol Polisi Xidmətinin avtomobilinin qarşısına çıxır və hər birimiz üçün nəticəsi ağır olan hadisə baş verdi.

Xatirinizdədirsə, 2024-cü ilin dekabrın 25-də "Azərbaycan Hava Yolları" aviaşirkətinin J2-8243 nömrəli Bakı-Qroznı reysini yerinə yetirən "Embraer 190" təyyarəsinin Aktau şəhəri yaxınlığında qəzaya uğramasından öz şəxsi mənafeləri üçün istifadəyə cəhd edənlər, faciəni siyasiləşdirərək qəzada həlak olanların yaxınlarının hisslərindən sui-istifadəyə çalışanlar bu dəfə də eyni əməlləri törətdilər.

Əminik ki, bu hadisəyə səbəb olan şəxs və ya şəxslər qanun qarşısında ədalətli cəzalarını alacaqlar.
Eyni zamanda, sosial şəbəkələrdə yayılan videolarda polis avtomobilinə hücum edən şəxslərin hər biri də qısa müddətdə müəyyən ediləcək və onlar qanun çərçivəsində məsuliyyətə cəlb olunacaqlar. Bundan əlavə, bu hadisə ilə bağlı sosial şəbəkələrdə dövlət əleyhinə çağırışlar edən və ya belə çağırışları yayanlar barəsində də hüquq-mühafizə orqanlarımız müvafiq addımları atacaqlar.

Əlbəttə ki, Azərbaycan xalqı bunların haradan qaynaqlandığını yaxşı bilir. Hər birimiz dövlətimizin və xalqımızın təhlükəsizliyini öz canları bahasına qoruyan Azərbaycan Polisinin xidmətlərini unutmamalı və onlara sahib çıxmalıdır. İmkan verməməliyik ki, hansısa xarici ölkələrin xüsusi xidmət orqanlarına qulluq edən, onların sifarişlərini yerinə yetirən milli şura adlanan dərnək üzvləri Azərbaycan dövlətinə və onun Polisinə ləkə vurmağa nail olsun!"

“Bir neçə ildir ki, “Kapital Bank”ın bu və ya digər əməkdaşı mənə təkidlə zəng vuraraq (hətta bezdirərək) müştəriləri olmağı təklif edir. Hər dəfə də imtina edirəm (yalnız həyat yoldaşımın istifadəsində olan xırda məbləğli kart var, onu da gedib bağlatdıracağam). Niyə? Çünki elə həftə yoxdur ki, bu bankın hansısa bədbəxt müştərisi mənə müraciət etməsin ki, hesabından (kartından) pul çəkiblər. Belə müraciətlərdə Azərbaycan Beynəlxalq Bankının müştəriləri də ikinci yerdədir (orada nəinki kartdan pul çəkirlər, hətta necəsə müştəridən xəbərsiz adına kredit də götürürlər). 26 dekabr tarixində Mərkəzi Bankın sədri ilə görüşdə də bu problemi qaldırmışam və demişəm ki, bu problem əsasən iri (sistem əhəmiyyətli) banklardadır. O da məsələnin nəzarətdə olduğunu bildirərək qeyd etdi ki, iri bankların əməliyyatları çox olduğu üçün belə problemlərin də sayı təbii çoxdur.

Tribunainfo.az -ın xəbərinə görə, bunu ekspert Əkrəm Həsənov bildirib.

Onun sözlərinə görə, bir sıra orta və kiçik banklar var ki, onlarda belə problemlər olmur: “İri bankların əsas problemi odur ki, acgözdürlər, inhisara meyllidirilər, o qədər müştəri cəlb edirlər ki, nəticədə həcmi həzm edə bilmirlər, normal təhlükəsizlik sistemi qura bilmirlər, kadr potensialları olduqca zəifdir və s. Niyə? Ona görə ki, bu bankların rəhbərləri maaşdan əlavə yüksək mükafatlar (bonuslar) alırlar. Buna görə də xərcləri azaltmaq üçün əllərindən gələni edirlər: sıravi işçilərə az maaş verirlər, İT, təhlükəsizlik və digər sahələrə xərcləri kəsirlər. İlin sonunda bankın gəlirinin xərcindən xeyli çox olması üçün hər şey edirlər ki, mükafatlarının məbləği də yüz minlərlə ölçülən rəqəmlər olsun (mükafatları mənfəətə bağlıdır axı). Nəticədə bu bankarda xidmətin keyfiyyəti və təhlükəsizlik səviyyəsi aşağıdır. Bu da onları narahat etmir. Çünki inzibati resursdan istifadə edərək onsuz da geniş müştəri və maliyyə mənbələrinə malikdirlər (digər tərəfdən, onların bağlanma ehtimalı olmadığı üçün sahibkarlar da hesablarını orada saxlayır, çünki bilirlər ki, bank bağlandısa, Əmanətlərin Sığortlanması Fondu oradan onlara heç nə verməyəcək, olan-qalan pulun da başına daş salacaq!). İşləri məhkəməyə düşəndə də eyni qayda ilə bütün problemlərini həll edirlər”.

Yanvarın 19-dan 20-nə keçən gecə heç bir xəbərdarlıq edilmədən şəhərə daxil olmuş sovet qoşun hissələri küçələrə çıxıb öz etirazlarını bildirən dinc əhalini pulemyotlardan və hərbi avtomatlardan atəşə tutdu. Həmin gecə Bakının müxtəlif rayonlarında sovet əsgərləri tərəfindən 121 insan qətlə yetirildi, 700-dən artıq vətəndaş yaralandı və xəsarət aldı. Sonrakı günlər də daxil olmaqla 132 nəfər həlak olmuşdur ki, onlardan da 123-ü kişi, 5-i qadın, 4-ü uşaq idi.

20 Yanvar faciəsində müsəlman azərbaycanlılarla yanaşı, Bakıda yaşayan 6 rus, 3 tatar, 3 yəhudi həlak olmuşdur. Həlak olanların arasında 4 milis işçisi, 1 həkim, 4 nəfər elmlər doktoru olub. Qeydə alınan 700-dən çox yaralının 25-i qadın, 20-si uşaq idi.

1980-ci illərin axırlarında Azərbaycanda ictimai-siyasi vəziyyət kəskinləşdi. Keçmiş Sovet İttifaqında gedən proseslər, iqtisadi islahatların düzgün aparılmaması, milli siyasət sahəsində buraxılan kobud səhvlər Azərbaycanda da milli-azadlıq hərəkatının geniş vüsət almasına səbəb oldu. Azərbaycanda ictimai-siyasi vəziyyətin kəskinləşməsinin əsas səbəblərindən biri də Ermənistanın Azərbaycana qarşı ərazi iddiaları ilə çıxış etməsi, uydurma "Dağlıq Qarabağ problemi"nin ortaya atılması idi. Kütləvi iğtişaşların qarşısını almaq bəhanəsi əldə etmiş SSRİ rəhbərliyi 1990-cı ilin yanvar ayında Bakıya qoşun hissələri yeritməyə başladı.

Bakı şəhərində 20 Yanvar tarixindən fövqəladə vəziyyət tətbiq olunması haqqında SSRİ Ali Soveti Heyətinin 19 yanvar tarixli fərmanı isə ancaq yanvarın 20-də səhər saat 6-dan zirehli maşınlardan xalqa elan edilirdi.

Yanvarın 19-da axşam Azərbaycan televiziyasının enerji bloku partladıldı. 20 Yanvar faciəsini araşdıran dövlət komissiyası tərəfindən sübut edilmişdir ki, həmin partlayış sovet kəşfiyyat orqanları tərəfindən planlaşdırılıb və həyata keçirilib.

Azərbaycan xalqı hər il 20 Yanvarda öz qəhrəman övladlarının əziz xatirəsini dərin ehtiramla yad edir, Azərbaycanın qan yaddaşında əbədi yaşayacaq 20 Yanvar faciəsi ümumxalq hüzn günü kimi geniş qeyd edilir.

Bakı şəhərinin ən hündür yerində yerləşən Şəhidlər Xiyabanında Azərbaycanın azadlığı uğrunda mübarizədə şəhid olanların xatirəsinə ucaldılmış möhtəşəm “Əbədi məşəl” abidə-kompleksi Azərbaycan xalqının ümummilli lideri Heydər Əliyevin təşəbbüsü ilə tikilmişdir. Azərbaycan Prezidentinin 2000-ci il yanvarın 17-də imzaladığı Fərmanla 1990-cı il 20 Yanvar faciəsi zamanı şəhid olanlara “20 Yanvar Şəhidi” fəxri adı verilmişdir.

Sonrakı illərdə qəbul olunmuş rəsmi sənədlərdə də 20 Yanvar gününün Azərbaycanın müasir tarixində ölkənin azadlığı, müstəqilliyi, suverenliyi və ərazi bütövlüyü uğrunda qəhrəmanlıq rəmzi kimi müstəsna əhəmiyyəti yüksək qiymətləndirilmişdir.

Türkiyədə uzun illərdir qırmızı bülletenlə axtarışda olan şəxslər Ermənistanda tutularaq ölkəyə gətirilib.

Bu haqda Türkiyə Daxili İşlər Nazirliyi açıqlama yayıb.

Türkiyə DİN-in yaydığı açıqlamada, mütəşəkkil cinayət qruplarına qarşı aparılan əməliyyat tədbirləri çərçivəsində qırmızı bülletenlə axtarışda olan qruplaşmanın rəhbəri Ercan Yılmaz və təşkilat üzvü İbrahim Kaymakın qruplar tərəfindən Ermənistanla edilən görüşlərin ardından Türkiyəyə gətirildiyi bildirilib.

Nazirliyin açıqlamasında Ercan Yılmazın 15 ildir, İbrahim Kaymak isə 6 ildir ki, axtarışda olduğu qeyd olunub.

“Azərbaycanda rayonlardan birinin İcra Hakimiyyətinin başçısı rayonda fabrik tikmək istəyən iş adamından 50 min manat rüşvət istəyib”.

Bunu TNS TV-nin “Doğru məkan” proqramında sabiq maliyyə naziri, professor Fikrət Yusifov deyib.

F. Yusifov bildirib ki, həmin sahibkar bu səbəbdən rayona investisiya qoymaqdan imtina edib.

Daha ətraflı videoda: