Ardını oxu...
Nazirlər Kabinetinin müvafiq qərarı ilə Bakı şəhərinin 2040-cı ilədək inkişafına dair Baş Planı təsdiq edilib.

Layihənin əsas məqsədi Bakının çoxmərkəzli və dayanıqlı şəhərə çevrilməsi, paytaxt iqtisadiyyatının yeni prioritet sahələrinin davamlı inkişafı üçün əlverişli şəraitin yaradılmasıdır.

Baş plan sənədsiz evlərlə bağlı problemin həll edilməsinə imkan verəcəkmi?
Ətraflı Baku TV-nin süjetində:

 
Ardını oxu...
Xəbər verdiyimiz kimi, özəl pensiya fondu ilə bağlı normativ sənədlər tam yekunlaşıb.

Bunu Dövlət Sosial Müdafiə Fondunun sədri Himalay Məmişov qurumun 2023-cü il üzrə hesabat tədbirində deyib.

O bildirib ki, sənədlər bir ay ərzində dövlət qurumlarına razılaşdırılması üçün göndəriləcək.

İqtisadçı Natiq Cəfərli "Cebhe.info"-ya açıqlamasında özəl pensiya fondlarının yaranmasını müsbət addım kimi dəyərləndirib:

"Ən azından bazarda rəqabətli mühit yaranacaq. İllərdir ki, biz buna çağırış edirik ki, rəqabətli mühit yaransın, Sosial Müdafiə Fondu bazarda yeganə oyunçu olmasın. Lakin normativ sənədlər elan olunmalıdır ki, özəl təqaüd fondlarının hansı prinsiplər əsasında fəaliyyət göstərəcəyinə qiymət vermək mümkün olsun".
 
 
 

Ardını oxu...
     

Masallı rayonu, Xırmandalı kənd sakini, hal-hazırda Bakı şəhəri Rəşid Bağırov küçəsi 28/3-də kirayədə yaşayan Əkbərov Məhərrəm Sərxoş oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, onlara verilən sosial yardım qeyri-qanuni kəsilib.

“Mən, Əkbərov Məhərrəm Sərxoş oğlu, yazaraq sizdən xahiş edirəm ki, problemimi işıqlandırasınız.

6 il mübarizə apararaq, ünvanlı sosial yardım almağa nail olmuşdum. 9 nəfərdən ibarət ailə üzvüm var, 3-ü azyaşlı uşaqdır. Bir neçə ay sosial yardımı aldıq, sonra dayandırdılar. Səbəb isə onu göstərirlər ki, oğlun mağazada işləyir.

Mağaza sahibi obyekti satdı və dərhal sənədlərdə dəyişiklik oldu, bu səbəbdən bizim yardımı dayandırıblar.

Özüm də, yoldaşım da xəstədir, ailədə bir oğlum işləyir, onun da aldığı 400 manatdır.

Xahiş edirəm mənə kömək edin”.

Məsələ ilə bağlı Əmək və Əhalinin Sosial Müdafiəsi Nazirliyi ilə əlaqə saxladıq. Şikayətin araşdıracağı bildirildi.

Ardını oxu...
Bakının Baş Planının təsdiq edilməsi sənədsiz evlərin sənədləşməsi prosesini gündəmə gətirib.

Bunu daşınmaz əmlak və inşaat üzrə ekspert Elnur Azadov bildirib ki, Baş Planın təsdiq edilməsinin sənədsiz evlərə çıxarış verilməsinə ciddi təsiri olmayacaq.

“Ölkədə qanunsuz tikililər ən çox Bakı və Abşeron yarımadasının payına düşür. Sənədsiz evlər paytaxtın mərkəzi hissələrində deyil, kənar hissələrində yerləşir. Sənədsiz evlərə çıxarış verilməsi üçün qanunda müvafiq dəyişikliklər aparılmalıdır. Hökumət artıq bununla bağlı ilk addımlar atır”, – o vurğulayıb.

Ekspert qeyd edib ki, paytaxın mərkəzi hissəsinə yaxın sənədsiz evlərin çoxu Keşlə, NZS, Xutor qəsəbələrində və az sayda Yasamal rayonu ərazisindədir.

“Belə yerlərdəki sənədsiz evlərə gələcəkdə baxış keçiriləcək. Yaşayış təyinatlı torpaqlardırsa, statusu olduğu kimi qalacaq. Torpaqların təyinatı başqadırsa, Azәrbaycan Respublikasının Şәhәrsalma vә Tikinti Mәcәllәsinə uyğun olaraq həmin torpaqların təyinatı dəyişdirilməlidir. Qanunla beş ildən bir torpaqların təyinatına baxılmalıdır. Bu qanunda nəzərdə tutulsa da, ancaq baxılmır. Bakının Baş Planının təsdiq edilməsindən sonra artıq buna əsas yaranıb”, – deyə o, əlavə edib.

Qeyd edək ki, İqtisadiyyat Nazirliyi yanında Əmlak Məsələləri Dövlət Xidmətinin tabeliyində “Daşınmaz Əmlakın Dövlət Kadastrı və Reyestri”nin İdarə Heyətinin sədri Nigar Alimova bildirmişdi ki, sənədsiz evlərlə bağlı ilkin konsepsiya sənədi hazırlanıb.
aktualinfo
Ardını oxu...
Nazirlər Kabinetinin “Yaşayış sahəsinə ehtiyacı olan şəxs qismində uçota alınmış əlilliyi olan şəxs vəfat etdiyi halda həmin uçotun onun ailə üzvləri üçün saxlanılması Qaydası”nda dəyişikliklər edilib.

Bununla bağlı Baş nazir Əli Əsədov qərar imzalayıb.

Dəyişikliyə əsasən, bu qaydanı nəzərdə tutulan sənədlərin və ya məlumatların (təmsilçinin və digər ailə üzvlərinin şəxsiyyətini təsdiq edən sənədlərin surətləri, təmsilçilik barədə ərizə (2 nömrəli əlavə), əlilliyi olan şəxsin ölümü haqqında şəhadətnamənin surəti) Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər və ya məlumatlar təmsilçidən tələb edilmir.
Belə sənədlərin və ya məlumatların Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi təmsilçinin razılığı ilə sorğu əsasında müvafiq dövlət orqanından (qurumundan) tələb olunur və ya təmsilçi tərəfindən təmin edilir.
Ardını oxu...
Azərbaycanda qadınların pensiya yaşı hər il artırılır. İyulun 1-dən 64 həddinə çatan qadınlar yaşa görə pensiya ala biləcəklər. 2026-cı ilin yayında onların kişilərlə bu göstəriciyə görə bərabərləşməsi gözlənilir. Azərbaycanda kişilər 65 yaşa çatanda əmək pensiyası ala bilirlər.
Bizimyol.info xəbər verir ki, qanunvericilikdə dəyişikliklərə qədər hər iki cinsin nümayəndələri daha tez təqaüdə yetişməyə imkan tapırdılar. 2017-ci ilin yayına qədər kişilər üçün 63 il 6 ay, qadınlar üçünsə 60 il 6 ay hədd seçilmişdi. Kişilər 2020-ci il iyulun 1-də 65 göstəricisinə çatdı. Qarşıdakı iki ildə qadınları da eyni tale gözləyir.

Pensiya yaşı niyə böyüdülür? Hökumət nümayəndələri bu haqda bir neçə dəfə danışıb. Hesab edirlər ki, ölkədə orta ömür artıb, insanlar daha uzun müddət pensiya ala bilirlər. Yəni əhaliyə çox pul verilməsindən narahatdırlar. Halbuki orta ömrün uzanması da mübahisəli məsələdir. Hökumət bir növ camaata pul qıymır.

İqtisadçı Rövşən Ağayev hər şeydən əvvəl ölkədə pensiyaçıların sayının azlığına diqqət çəkir. Onun fikrincə, burada yaş həddinin artırılması da böyük rol oynayır. Ölkədə hər 1000 nəfərə təxminən 118 pensiyaçı düşür. Bu göstəriciyə görə, postsovet məkanında "autsayderlər" qrupundayıq.

“Rusiyada hər 1000 nəfərə 290, Belarusda 270 və Ukraynada 265 nəfər pensiyaçı düşür. Pensiyaçı sayının 2 dəfə az olması pensiya sisteminin maliyyə yükünün də 2 dəfə yüngül olması deməkdir. Yükün bu qədər yüngül olması Azərbaycanın indiki maliyyə şərtlərində daha yüksək məbləğdə pensiya təmin etməsi üçün imkan yaradır”.

İqtisadçı pensiya məbləğinin alıcılıq qabiliyyətinin aşağı olmasına da diqqət çəkir. Qiymətlər son illər çox artıb. Zamanla ölkənin başqa vətəndaşları kimi pensiyaçıların da sosial vəziyyəti pisləşib. Onları bu qədər dalana dirəmək ədalətsizlikdir. Pensiya məbləği qənaətbəxş deyildi. Üstəlik, pensiya yaşının artırılması onların durumunu lap korlayır. Sanki pensiyaçılar marafon qaçışında iştirak etməyə məcbur olunur. Hər dəfə bitişə yaxınlaşdıqca son nöqtə uzaqlaşdırılır. “Marafonçu”ların böyük hissəsi isə heç sona çata bilmir.
 
Ardını oxu...
ƏƏSMN və tabeliyindəki qurumların Qarabağ əlillərinə, qazilərə, şəhidlərə, pensiyaçılara “səlib yürüşü” hələ də sürür. “Başına gələn başmaqçı olar”, deyiblər. 10 aydır 1 BİİM-in dövlətin adından çıxardığı 05.07.2017 tarixli, 2-1(81)-1889/17 saylı qərarla pensiyama əlavə olunan 110 manatı 01.04.2023-cü ildən DSMF-in Xüsusi Şərtlərlə Təyinat üzrə Mərkəzi Filialının mənimsəyib yeməsinə qiymət verilmir. 1-ci dərəcəli Qarabağ əlilinin pensiyasının məmur yeminə çevrilməsinə nə Azərbaycan Respublikasının Prezidentinin köməkçiləri, nə insan hüquqları üzrə müvəkkili, nə Nazirlər Kabineti, nə Baş prokurorluq, nə Maliyyə Nazirliyi, nə Hesablama Palatası, nə məhkəməsi, nə parlamenti son qoyur. Hamısı şikayəti barəsində şikayət edilən quruma göndərməklə işini bitmiş sayır və mənimsəmə faktına Konstitusiyaya zidd olaraq haqq qazandırılır.

Növbədənkənar prezident seçkilərinin təyin olunması ilə sosial yeyintinin dayanacağına olan ümidlər də doğrulmadı. Əksinə, DSMF yetkililəri borclu olduqları 6 il qabaqkı məhkəmə qərarını gizlətməklə sosial müdafiə adına MƏNİMSƏMƏ ilə məşğul olduqlarını ortaya qoyublar. Elə bil DSMF- Dövlət Sosial Müdafiə Fondu yox, SOSİAL MƏNİMSƏMƏ FONDUDUR!(?)

İndicə DSMF sədrinin müavini Zəka Mirzəyevin 26.12.2023 tarixli NK Aparatından daxil olan 22.11.2023 tarixli məktubuna qanunsuz cavabını aldım. Birinci qanunsuzluq müraciətə ən geci 15 günə cavab verilməli olduğu halda, bir ay dörd günə cavab verilməsi, ikincisi müraciətin özünün saxtalaşdırılması, məhkəmə qərarının gizlədilməsidir. Konstitusiyanın, “Əmək pensiyaları haqqında” qanunun düzgün tətbiq olunmaması başlıca qərəzi, özbaşınalığı, mənimsəməni bir daha ortaya qoyur. Konstitusiyaya hörmətsizliyə baxın, dövlətin adından çıxarılan məhkəmə qərarını borclu gah ləğv edir, gah gizlədir !(?) Elə bil heç belə məhkəmə qərarı olmayıb! Hələ üstəlik 110 manatın kəsilməsini Konstitusiyanın 149-cu maddəsinin VII hissəsinə zidd olaraq “Əmək pensiyaları haqqında” qanunun 15 il qüvvədə olan 19-cu maddəsinin 2021-ci ildən ləğv edilməsi ilə əsaslandırırlar. Onda bu Konstitusiya nəyə gərəkir? ƏƏSMN-in, DSMF-in... hüquq doktorları başbilənləri bilmir ki, qanunun geriyə qüvvəsi yoxdur ? Deyəsən bilmirlər, bilsəydilər, dövlətin adından çıxarılan məhkəmə qərarını “ləğv edib”, gizlədib borclu olduqları iş üzrə tələbkar 1-ci dərəcəli Qarabağ qazisindən 3188 manat tələb etməzdilər. Bu hələ harasıdır, DSMF sədrinin müavinin adından Prezidentin 23.12.2021 tarixli Fərmanı ilə hərbi qulluqçu pensiyaçıların pensiyalarına əlavə olunmalı 20 faiz əlavənin verilməməsini “Əmək pensiyaları haqqında” qanuna 13.05.2022 tarixli qanunla əlavə olunan 1.0.19 maddəsi ilə , 05.11.2022 tarixli qanunla 29.2 maddəsinin ləğv olunması ilə izah edirlər. Tarixlərə fikir verin, 2021 tarixli qanunu ona görə tətbiq etmirlər ki, bir il sonrakı 2022 tarixli qanun(lar) prezident fərmanını qüvvədən salıb!(?) Bəs qanunların icrasına və tətbiqinə nəzarət etməli olan baş prokurorluq bir yana, Maliyyə Nazirliyi, Hesablama Palatası hara baxır? Niyə açıq-aşkar dələduzluğa, maliyyə pozuntusuna qiymət verilmir?

Maliyyə özbaşınalığı, qanunların düz izah və tətbiq edilməməsinin daha bir açıq sübutu “Əmək pensiyaları haqqında” qanuna 13.05.2022 tarixli qanunla əlavə olunan 37.3.2-1 maddəsində özünü göstərir. Bu maddəyə görə, qulluq stajına görə əlilliyə və ailə başçısını itirməyə görə pensiya alan şəxslər işləməyə DAVAM EDƏRSƏ, onların pensiyaları MÜRACİƏTLƏRİNƏ əsasən yenidən hesablanır. Lakin DSMF-in pensiya orqanları bu maddəni ciblərinə uyğun izah edib tətbiq etmirlər ki, pensiyaçı işini DAVAM ETDİRİR. Özbaşınalığa baxın, qanun elə işi davam etdirənlərin pensiyalarının yığılan sığorta kapitalına uyğun yenidən hesablanmasını doğrulayır də! Bu özbaşınalıqda “işləməyən kateqoriya” anlayışının bilərəkdən düzgün qavranılmaması, izah edilməməsi də önəmli rol oynayır. Yəni DSMF yetkililəri “işləməyən kateqoqoriya” anlayışını işi dayandırmaqla qarışdırırlar. Bəlkə biri ölənəcən işləməyi DAVAM ETDİRİR, belə çıxır, öləndən sonra pensiyası yenidən hesablanacaq? Dövlətin sosial təminat siyasəti belə olur? Onda bu Konstitusiya, bu qanun, bu dövlət, bu siyasət nəyə gərəkir?

Məğrur BƏDƏLSOY, hurriyyet.az
 

Ardını oxu...
     

Son vaxtlar gənc yaşlarda ölümlərin sayı çoxalıb hətta ölkəmiz ürək xəstəliyinə görə dünyada 2-ci yerdədir. Onkoloji xəstələrin sayı durmadan artır. 

 
Bəzi iddialara səsləndirilir ki, tibbi sahəsinə müraciət etmədən pisxoloji hazırlıqlar da insanı bu xəstəliklərdən xilas edə bilər.
 
 Psixoloq Nuranə Cəfərovanın fikirlərini öyrəndik. Onun sözlərinə görə:  
 
Sevgisizlik bütün xəstəliklərin başlanğıcıdır.  İnsan orqanları və orqanizmi sevgidən bəhrələnir. Sevgi insanı cavan və sağlam saxlayır, sevgisizlik basdırılmış duyğular keçmiş dövr insanlarının fikirləri sağlamlığda muxtəlif fəsadlara yol açır.
 
Müşahidə etsəniz görərsiniz ki, son 5 il ərzində təbəsümü olmayan insanlar görürük amma əvvəlki 3-5 ilin dövrünə baxsaq heç də belə deyildi.
 
Çünki hər tərəfli problemlər günü-gündən ortaya çıxır, iqdisadi sosial problemlər ən əsasıda ailə daxili münaqişələr və.s Biz xoşbəxt görünürük amma xoşbəxt yaşamırıq, sadəcə görüntü üçün yaşayırıq.
 
Pisxoloq Nuranə Cəfərova sosial şəbəkələrlə bağlıda bəzi məsələlərə toxnub 
 
Bu gün sosial şəbəkələr təmtəraqlı görünən yaşam tərzi müxtəlif fikirlər yaradıb , hər kəs gördüyü kimi yaşamağı arzulayır, bunun üçün də nə qədər yalnış addımlar atılır. İntharların birində məktubda belə bir cümlə görmüşdüm ki, "Mən bu həyatı istəmirəm".
 
Fikir verirsiz, insan gördüklərinə özənir. Açıq yaşanan həyat tərzləridə insanlara təsir edir, loru dildə desək dərdə salır, insanları yanı birinə qarşı olan həsəd hissi insanlarda həqiqətəndə xəstəliklər yaradır-  deyə sonda Psixoloq Nuranə Cəfərova bildirib... (Azərbaycan Reallığı)
Ardını oxu...
“Beynəlxalq hesabatlarda qeyd edilir ki, Azərbaycan universitetləri yüksəkkeyfiyyətli, dünya elminə töhfə verə biləcək tədqiqatlar ortaya çıxarmağa qabil deyil. Düzdür, Azərbaycanda ali təhsilli insanların sayı bir o qədər də çox deyil”.

Bu barədə Oxu.Az-a açıqlamasında təhsil eksperti Kamran Əsədov məlumat verib. Belə ki, ekspertin bir neçə gün öncə ölkədə ali təhsilli şəxslərin sayına görə Azərbaycanın nəinki inkişaf etmiş ölkələrdən, MDB dövlətlərindən də geri qalmasına dair paylaşımı müzakirələrə səbəb olub.

Ekspert, Dövlət Statistika Komitəsinin rəqəmlərinə istinad etsə də, müzakirələrə səbəb olan statusu ilə bağlı ona ünvanladığımız sualları cavablandırıb.

O bildirib ki, 2022-ci ilin əvvəlinə olan rəsmi rəqəmlərə görə, ölkədə 15 yaşdan yuxarı əhalinin hər 1 000 nəfərindən cəmi 140 nəfər ali təhsillidir:

“On il öncə bu göstərici 125 nəfərə bərabər idi. Yəni son 10 ildə 15 yaşdan yuxarı əhali arasında ali təhsillilərin sayı 12% artıb. Ali təhsillilərlə yanaşı, hazırda ali təhsil müəssisələrində təhsil alanların sayına görə də Azərbaycan nəinki inkişaf etmiş ölkələrdən, MDB dövlətlərindən də geri qalır. Rəsmi rəqəmlərə görə, Azərbaycan MDB ölkələri arasında əhalinin hər 10 min nəfərinə düşən tələbə sayına görə sonuncudur.
Ardını oxu...
2023-cü ilin əvvəlinə olan göstəriciyə görə, Azərbaycanda iqtisadi fəal əhalinin sayı 5 milyon 300 min nəfərə bərabər olub. Ölkədə ali təhsilli şəxslər isə iqtisadi fəal əhalinin cəmi 16,6%-ni təşkil edib. Ali təhsil göstəriciləri ilə bağlı fərqlər cinslər üzrə də müşahidə edilir. Əgər iqtisadi fəal qadınların cəmi 14%-i ali təhsillidirsə, kişilər üçün bu göstərici 19%-ə bərabərdir.

Düzdür, son illər Azərbaycanda tələbələrin sayında artım müşahidə edilir. Əgər 2011/12-ci təhsil ilində Azərbaycanda bakalavr təhsili alan 143 min tələbə var idisə, sonuncu dərs ilində bu rəqəm 212 min nəfərə yüksəlib. Yəni 70 min nəfərə yaxın və ya 48% artıb. Artıma əsas səbəb qəbul yerlərinin sayının çoxaldılması ilə bağlıdır. Çünki son 10 ildə Azərbaycanda bir il ərzində tələbə adını qazananların sayı da 32 min nəfərdən 46 min nəfərə yüksəlib - yəni 44% artıb”.

K.Əsədov onu da əlavə edib ki, rəsmi rəqəmlərdən də aydın olur ki, tələbə sayının artmasında dövlət ali təhsil müəssisələri daha çox rol oynayıb:
“Çünki 10 il öncə ölkədəki bakalavr tələbələrin 86,3 faizi dövlət, 13,7 faizi isə qeyri-dövlət ali təhsil müəssisələrində təhsil almaqda idi. Hazırda dövlət ali təhsil müəssisələrinin payı 88,6 faizə yüksəlib. Yəni 2,3 faiz bəndi artıb. Qeyri-dövlət təhsil müəssisələrinin toplam tələbə sayındakı payı isə 11,4 faizə enib.

Həmin müddət ərzində dövlət ali təhsil müəssisələri ilə bağlı diqqəti çəkən daha bir trend təqaüd alan tələbələrin sayındakı artımla bağlıdır. Belə ki, 10 il öncə Azərbaycanda dövlət ali təhsil müəssisələrində təhsil alan tələbələrin 40%-i təqaüd əldə edirdi. Hazırda bu göstərici 50,5 faizə yüksəlib. Yəni 10 faiz bəndindən çox artıb. Ancaq hələ də dövlət ali təhsil müəssisələrində ödənişli əsaslarla təhsil alanların sayı daha çoxdur. Belə ki, son təhsil ilində dövlət ali təhsil müəssisələrində təhsil alanların 53,5 faizi ödənişli əsaslarla, 46,5 faizi isə pulsuz təhsil alıb. Dövlət ali təhsil müəssisələrində pulsuz təhsil alanların xüsusi çəkisi 10 il öncə 55,8%-ə bərabər idi.

Tələbələrin sayının artması ilə yanaşı, ixtisas qrupları arasında da fərqli trendlər müşahidə olunur. Doğrudur, 10 il öncə olduğu kimi, indi də Azərbaycanda tələbələr ən çox təhsil ixtisas qruplarında təhsil almaqdadırlar. Hazırda Azərbaycanda ali təhsil alan hər dörd tələbədən biri təhsil ixtisasları ilə bağlı qruplarda oxuyur. Lakin rəsmi rəqəmlərdən aydın olur ki, 10 il öncə ilə müqayisədə təhsil ixtisası qruplarında təhsil alanların payı dörd faiz azalıb. Eyni zamanda, son 10 ildə tələbə sayında ən az artım təhsil ixtisas qruplarında qeydə alınıb.

Onu da qeyd edək ki, təhsil ixtisasları Azərbaycanda qadın tələbələrin təhsil aldığı əsas təhsil qrupudur. Hazırda ölkə universitetlərində ali təhsil alan qadınların 37%-i, sadəcə, təhsil ixtisas qruplarında təhsil almaqdadır. Maraqlıdır ki, 10 il əvvəl bu göstərici 31%-ə bərabər idi. Yəni son 10 ildə təhsil ixtisasları üzrə təhsil alanların sayındakı artım digər ixtisaslara nəzərən daha az olsa da, qadın abituriyentlərin təhsil ixtisaslarına marağı daha da artıb.

Son 10 ildə say olaraq tələbələrin ən çox artdığı ixtisas qrupu isə kənd təsərrüfatı ixtisaslarıdır. Bu dövr ərzində həmin ixtisas üzrə təhsil alan tələbələrin sayı üç dəfədən çox artıb. Səhiyyə, rifah və xidmət ixtisaslarında oxuyanların sayındakı artım isə iki dəfəyə bərabərdir. Humanitar və sosial elmlər (89%), mədəniyyət və incəsənət (74%) və təbiət ixtisasları (45%) üzrə təhsil alan tələbələrin də sayında nəzərəçarpacaq artım var. Təhsil (26%), iqtisadiyyat və idarəetmə (31%), eləcə də, texniki və texnoloji (34%) ixtisas qruplarında təhsil alan tələbələrin sayı isə digərlərinə nəzərən daha az artıb”.

Ekspert tələbələrin sayının artımı ilə paralel olaraq professor heyətinin sayında artımın gözə çarpmadığına da diqqət çəkib:

“Bir məqamı da qeyd edim ki, son 10 ildə Azərbaycanda universitetlərdə təhsil alan tələbələrin sayının 50 faizə yaxın artmasına baxmayaraq, həmin müddətdə universitetlərin professor-müəllim heyətinin sayı çox cüzi artıb. Əgər 10 il öncə Azərbaycan universitetlərində professor-müəllim heyətinin sayı 14 min 650 nəfərə bərabər idisə, hazırda bu rəqəm 14 min 939 nəfərə bərabər olub. Yəni 10 ildə artım cəmi 289 nəfərdir. Son 10 ildə Azərbaycan universitetlərində professor-müəllim heyətinin sayı cəmi 2%-ə yaxın artıb. Onu da qeyd edək ki, son üç ildə ölkədə universitetlərdə professor-müəllim heyətinin sayı ardıcıl azalmaqdadır. Bu baxımdan, aydın olur ki, son 10 ildə ölkədə hər müəllimə düşən tələbə sayında ciddi artım qeydə alınıb və universitetlərin saathesabı müəllim tələbi artıb”.

Könül Cəfərli
 
Ardını oxu...
Bizim hökumətə təqdim etdiyimiz təkliflərdən biri də minimum əmək haqqının vergidən azad olmasıdır. Nəzərə alsaq ki, hazırda minimum maaş 345 manatdır, amma vergi güzəştləri 200 manata qədər tətbiq olunur.

Tribunainfo.az xəbər verir ki, bu sözləri iqtisadçı ekspert, millət vəkili Vüqar Bayramov deyib.

“Bu səbəbdən təklif edirik ki, digər inkişaf etmiş ölkələrdə olduğu kimi, Azərbaycanda da minimum əmək haqqı vergidən azad olunsun və vergidən azadolmalar 200 manat deyil, 345 manatdan hesablansın. Nəticədə bu hadisə minimum maaş alan vətəndaşlarımızın maaşlarının vergiyə cəlb olunmamasına imkan verəcək. Eyni zamanda, bunun digər özəlliyi ondan ibarətdir ki, orta aylıq əmək haqqı alan vətəndaşlarımızda da vergi məbləği bu halda azalacaq və nəticədə əmək haqqının artmasına gətirib çıxaracaq”, – o bildirib.

Dünyapress TV

Xəbər lenti