 |
|
|
Son dövrlər birinci və sonuncu mərtəbədə yerləşən mənzillərə tələbat artıb.
TEREF Xəzər TV-yə istinadla xəbər verir ki, bunu əmlak məsələləri üzrə ekspert Elnur Fərzəliyev deyib.
O bildirib ki, sözügedən mənzillərə tələbin artmasına səbəb paytaxt ərazisində aparılan söküntü işləridir. Eyni zamanda, plana düşən ərazilərdə fərdi yaşayış evləri olanlar daha çox binaların aşağı mərtəbələrinə üstünlük verirlər.
E.Fərzəliyev qeyd edib ki, birinci və sonuncu mərtəbələrdəki mənzillər orta mərtəbələrə nisbətən 10-20 faiz ucuz təklif edilir. Bu da aşağı büdcəli sakinlər üçün daha əlçatan olur.
Ekspert əlavə edib ki, yuxarı mərtəbələrə üstünlük verənlər daha çox xaricdə yaşayan azərbaycanlılardır. Buna da səbəb onların qismən aşağı büdcə ilə az müddət qala biləcəkləri mənzil ala bilmələridir.
Ətraflı süjetdə:
“Kommunal xidmətlərin qiymətinin artırılması ilə bağlı davamlı olaraq aidiyyəti qurumlar Tarif Şurasına müraciətlər ünvanlayırlar. Əsaslandırmalarda bir sıra məqamlar göstərilə bilər. Bu, həmin qurumların zərərlə işləməsi, yaxud xidmət keyfiyyətinin səmərəli təşkil edilməsi, o cümlədən dünya bazarında baş verən köklü qiymət dəyişikliyi ilə birbaşa bağlı ola bilər. Sadalanan amillərdən hər hansı birinin əsaslandırılması kommunal xidmətlərin qiymətlərinin artırılmasına səbəb olar. Kommunal qiymətlər bazardakı proseslər əsasında formalaşmır, hökumət tərəfindən qərar verilir".
Bunu Pravda.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Aydın Hüseynov deyib.
Deputat bildirib ki, dövlətin siyasətində vətəndaşların maddi rifah halının daha da yaxşılaşdırılması prioritet olaraq qalır: “Dövlət büdcəsinin sosial yönümlü olması, əksər vəsaitin insan amilinə yönləndirilməsi deyilənlərə sübutdur. Bununla yanaşı, dövlətin siyasətində tənzimləmə, beynəlxalq aləmlə uzlaşma, qiymət siyasətində uyğunluq da vacib elementlərdəndir. Dövlət vətəndaşının daha yaxşı yaşamasında maraqlıdır”.
İqtisadçı: “Dövlət qurumlarının yaxşı işləməməsinin, yığdıqları borcların əvəzi vətəndaşın cibindən çıxarılmamalıdır”
2025-ci ilin ilk günlərində, konkret desək, yanvarın 2-də Azərbaycanda bir sıra kommunal xidmətlər üzrə qiymətlər artıb. Tarif Şurasının yaydığı məlumatda qeyd olunub ki, Azərbaycan Dövlət Su Ehtiyatları Agentliyi, "Azəristiliktəchizat" ASC, SOCAR, "Azenerji" ASC-dən daxil olmuş müraciətlər əsasında Tarif (qiymət) Şurasının iclasında bir sıra kommunal xidmətlərin və dərman vasitələrinin qiyməti tənzimlənib.
Suyun qiyməti artmasa da, su xəttinin qoşulmasına görə tariflər artırılıb. Əhali abonentləri üçün Bakı, Sumqayıt, Xırdalan şəhərləri, Abşeron rayonu üzrə su təchizatı şəbəkəsinə qoşulmanın birdəfəlik tarifi 200 manat, digər inzibati ərazi vahidləri üzrə isə 170 manat müəyyən edilib. Tullantı sularının axıdılması şəbəkəsinə qoşulma üzrə tariflər Bakı, Sumqayıt, Xırdalan şəhərləri, Abşeron rayonu üzrə 345 manat, digər inzibati ərazi vahidləri üzrə isə 290 manat səviyyəsində təsdiq edilib.
Qazın, işığın və istiliyin qiyməti isə artırılıb. Bahalaşma həcmdən asılı olaraq 5-20 faiz arası dəyişir. Məsələn, 1200 kub metr olan hissə üçün 1 kub metr təbii qazın tarifi 0,5 qəpik artırılaraq 12 qəpikdən 12,5 qəpik həddində müəyyənləşib. 2500 kubmetrdən çox olan hissə üçün qiymət 5 qəpik artırılaraq 25 qəpikdən 30 qəpik məbləğində təsdiqlənib.
Elektrikdə isə 200 kVt/s olan hissə üçün 1 kilovat/saat elektrik enerjisinin tarifi 0,4 qəpik (5%) artırılaraq 8 qəpikdən 8,4 qəpiyə, 200 kilovat/saatdan 300 kilovat/saatadək olan hissə üçün 1 qəpik (11,1%) artırılaraq 9 qəpikdən 10 qəpiyə, 300 kilovat/saatdan çox olan hissə üçün 2 qəpik (15,4%) artırılaraq 13 qəpikdən 15 qəpiyə dəyişdirilib.
Şura əsaslandırmasında qeyd edib ki, ölkəmizdə təbii qaz üzrə mövcud ölkədaxili orta tarif maya dəyərindən aşağıdır. Bu, iqtisadi zərərin qarşısının alınması, rentabelliliyin təmin edilməsi və bu sahəyə investisiyaların artırılması üçün yeni tarif tənzimləməsi zərurəti yaradıb.
Eyni zamanda, vurğulanıb ki, təbii qazın qiymət artımının elektrik enerjisinin istehsal xərclərinə təsiri və bu sahədə xidmətlərin dayanıqlılığının yüksəldilməsi zərurəti nəzərə alınaraq, elektrik enerjisi üzrə yeni tariflər müəyyənləşdirilib.
Respublikaçı Alternativ Partiyanın (REAL) sədri, iqtisadçı ekspert Natiq Cəfərli qiymət artımı ilə bağlı AYNA-ya deyib ki, sözügedən artım əhaliyə böyük zərbə vurmayacaq: “Ümumiyyətlə, qiymət artımı əhali üçün də, dövlət üçün də yaxşı hal deyil. Bizim kimi əməkhaqqı, pensiya məbləği aşağı olan ölkələrdə kommunal qiymətlər olsun, ərzaq qiymətləri olsun, artım yaşayış durumunu pisləşdirir. Son qiymət artımı da mənfi tendensiyadır. Amma artımla əhali ciddi itkiyə məruz qalmayacaq. Məsələn, son artımla dörd nəfərlik ailə aylıq büdcəsində orta hesabla 5 manat məbləğində hiss edəcək”.
Əsaslandırmaya gəlincə, N.Cəfərli bildirib ki, artım kommunal xidmətləri göstərən dövlət qurumlarının yaxşı işləməməsi, effektsiz fəaliyyəti ilə bağlıdır: “Düşünürəm ki, dövlət qurumlarının yaxşı işləməməsinin, yığdıqları borcların əvəzi vətəndaşın cibindən çıxarılmamalıdır. Bu qurumlar həmişə borc yükünü artırırlar, çıxış yolu düşünmədən də borcu əhalinin üzərinə yüklənir. Bu, illərdir ki, davam edən tendensiyadır. Əslində isə yanaşma tamam fərqli olmalıdır. Ciddi audit aparılmalı idi, həmin şirkətlərin xərcləri aşağı salınmalı idi. Bununla effektiv idarəetmə və maliyyə dayanıqlılığına keçə bilərdilər. Bu addımlar atılmır, əvəzində 2-3 ildən bir qiymət artımına gedirlər”.
“Biz, yəni əhali dövlət qurumlarının pis işləməsinə görə daha çox ödəməyə məruz qalırıq. Çıxış yolu haqqında yuxarıda bildirdim. Bir yol da var: kommunal xidmətlər göstərən dövlət qurumlarının özəlləşdirilməsi. Bu yolla həmin qurumların effektivliyinin artırılması mümkündür. Təəssüf ki, bu barədə illərdir hökumətə verdiyimiz təkliflərə reaksiya verilmir”, - deyə iqtisadçı partiya sədri fikrini tamamlayıb.
Müəllif: Banu Çiçək
İlin hər Bayram günlərində olduğu kimi yenə də Bayram günlərində işə çağırılan vəişləyən işçiləri bir sual maraqlandırır.
Bayram günlərində işə çağırılan və ya işləyən işçilərin əmək haqqları hansı qaydada və ya məbləğdə ödənilməlidir ???
Bu barədə ilin axırında olan statusumda da ətraflı yazmışam. Məlum olduğu kimi AR-nın Nazirlər Kabinetinin məlim qərarına görə: 3 bayram və 4 şənbə və bazar olmaqla, 7 qeyri iş günüdür.Bu günlərdə:şənbə və bazar günü də olmaqıa istirahət günlərində işə çağırılan işçilərin əməkhaqqı ikiqat məbləğdə ödənilir
Bu günlərdən: 30 dekabr, 3, 4 və 5 yanvar tarixləri -şənbə və bazar günü olmaqla qeyri iş günü- istirahət günləri, 31 dekabr və 1-2 yanvar günləri isə bayram günləri kimi ikiqat məbləğdə ödənilir.
AR Əmək Məcəlləsinə əsasən, iş günü hesab edilməyən bayram günləri görülən işə görə əmək haqqı aşağıdakı məbləğdə ödənilir:
Əməyin vaxtamuzd ödənilmə sistemində gündəlik tarif maaşının iki mislindən aşağı olmamaqla, əməyin işəmuzd ödənilmə sistemində ikiqat işəmuzd qiymətlərindən aşağı olmamaqla.
İş günü hesab edilməyən bayram günləri işə çağırılmış və ya işləmiş işçinin arzusu ilə ona əmək haqqı əvəzinə başqa istirahət günü verilə bilər.
Bayram günlərində işə çağırılan və ya işləyən işçilərin əmək haqqının ödənilməsi AR - nın Əmək Məcəlləsində birbaşa və ya konkret olaraq göstərilməsinə baxmayaraq, düzgün və qanuni olmayaraq praktikada bu ödəmə ilə əlaqədar 2 baxış mövcuddur:
1. Beş günlük və ya altı günlük iş həftəsində, həftədə 40 saat olmaqla normal iş rejimində işləyən işçilərin əmək haqqları AR-nın Əmək Məcəlləsinin tələblərinə uyğun olaraq, nadir hallar istisna olmaqla, ikiqat məbləğdə ödənilir bu sahədə problem yoxdur.
2. Növbə üsulu ilə işləyən işçilər də isə Əmək Məcəlləsinin bu tələbləri bir çox hallarda pozulur və işçilərin əmək haqları birqat məbləğdə ödənilir. Bununla AR - nın Əmək Məcəlləsinin 164-cü maddəsinin tələblərinə əməl edilmir.
Bayram günlərində işçilərin əmək haqqını birqat ödəyənlər belə hesab edirlər ki, işçilər növbə üsulu da işləyırlər, şənbə və bazar günləri kimi istirahət günləri-işçilər üçün adi iş günləri olduğu və bir qat ödənildiyi üçün, bayram günləri də birqat ödənilməlidir Lakin nəzərə almırlar ki, Əmək Məcəlləsində iş rejimindənasılı olmayaraq Bayram günlərinin ikiqat məbləğdə ödənilməsi nəzərdə tutulur.
Eyni zamanda AR Əmək Məcəlləsində növbə üsulu ilə işləyən işçilərə bayram günlərində - bu günlər üçün işçilərə əmək haqqının ikiqat məbləğdə ödənilməsilə bağlıdigər işçilərdən fərqli olan hər hansı bir istisna, məhdudiyyət nəzərdə tutulmamışdır.
Göstərilən əsaslardan da, növbə üsulu ilə çalışan, 2024-cü ilin dekabr ayının 31-də və 2025-ci ilin yanvar ayının 1 və 2-də, Bayram günləri işə çağırılan və işləyən işçilərin əmək haqqı iki qat məbləğində ödənilməlidir.
İstirahət, Bayram və ya digər iş günlərində işçilərin əmək haqlarının ikiqat məbləğdə ödənilməsinə dövlət nəzarətiniDövlət Əmək Müfəttişliyi Xidməti, ictimai nəzarəti isə Həmkarlar ittifaqları təşkilatları daşıyır.
Bayram günlərinin birqat ödənilməsi, Əmək Məcəlləsinin tələblərinin pozulmasıdıt və bu ödənişi düzgün etməyən işəgötürənlər üçün maddi,inzibati və cinayət məsuliyyəti yaradır.
Azer Quliyev
TEREF
Dünyanın zənginləri reallığı təhrif edərək insanları Yer üzündə ərzaq qıtlığının mövcudluğu ilə qorxudurlar.
Milyarder Bill Geyts yeni müsahibəsində Qlobal istiləşmə ilə mübarizə mövzusunu yenidən gündəmə gətirib. Statistik məlumatlara istinad edən Geyts bildirib ki, dünya mal-qarası həyatı boyu metan da daxil olmaqla bütün istixana qazlarının təxminən altı faizini istehsal edir. Buna görə də bəşəriyyət ya mal-qaranı metanla zəngin olan daxili dünyasını özündə saxlamağı öyrədəcək, ya da yaxın gələcəkdə ətdən olmayan bifştekslər qızartmağa başlayacaq.
Axmaq söz adi bir insanın ağzından çıxanda buna az adam əhəmiyyət verir. Ancaq yüz milyard dollardan çox sərvəti olan bir insan qəsdən təhlükəli fikirləri kütləvi şüura daxil edirlərsə, bütün dünya diqqətlə dinləyir, çünki bu qəbildən olan insanlar tarixin gedişatına təsir göstərməyə və qlobal meylləri formalaşdırmağa qadirdirlər. Geyts, zənginlərin ilk onluğundakı həmkarları ilə birlikdə, ümumi mənası "xalqımız pis yaşasa da, bu uzun sürməyəcək" fikrini yaymağa çalışır.
Geytsin planetimizdə baş verən təbii proseslərə dair rəqəmlərdən, proseslərdən və fiziki əsaslardan bixəbər olduğunu təsəvvür etmək çətindir. Buna görə də ayrılmaz, çox mürəkkəb və çoxşaxəli bir mozaikadan ayrı-ayrı parçaların çıxarılmasında müəyyən bir məqsədin olması qaçılmazdır. Manipulyativ və birbaşa reklam edilməyən məqsədi.
Birincisi, Geyts Yer atmosferinin cari istiləşməsi ilə bağlı əks fikirlərdən xəbərdardır. Bu fikirlərdən birinə görə, qlobal istiləşmə dövri, endogen bir prosesdir və karbon qazı yer üzündəki bütün canlıların qorxunc qatili deyil. İkincisi, istənilən, hətta ən hörmətli, məsləhətçidən rəy almaq imkanına malik olan milyarderin, donuz ətinin sıxılmış hamam böceyi yarımfabrikatı ilə əvəz olunmasına ehtiyacın duyulmaması ilə bağlı faktları nəzərdən keçirməsi pis olmazdı.
Bu gün planetin əhalisi 8,1 milyardı keçib. Sürətli artım XIX əsrin əvvəllərindən başlayıb. 1800-cü ildə planetdə 990 milyon insanın yaşayırdı. Amma cəmi bir əsr sonra bu rəqəm iki qatına çatdı.
Əyləncəli müşahidə: tibbi kəşf tarixləri, məsələn, dərmanlar və peyvəndlər insan populyasiyasının kəskin artdığı dövrlərə tətbiq olunduğu təqdirdə, onların arasında birbaşa əlaqənin mövcudluğu nəzərə çarpır. XVII əsrin sonlarında çiçək peyvəndi uğurla sınaqdan keçirildi. İnsanların daha 1 milyard nəfər artdığı növbəri yüz ildə isə elm adamları quduzluq, tif, vəba və taunu da məğlub etdilər. Yeri gəlmişkən, vaksin sözünün özü Geytsin nifrət etdiyi inəklərin çiçək xəstəliyi deməkdir. XX əsr göy öskürək, difteriya, poliomielit, qızılca, məxmərək və bir çox digər patogenlərə qarşı dərmanların kəşf edildiyi dövrü oldu. Bu irəliləyiş, getdikcə sürətlənən elmi və texnoloji tərəqqi ilə birlikdə dünya əhalisinin iki milyarddan səkkiz milyarda qədər artmasına səbəb oldu.
Və onların hamısını gündəlik qida ilə təmin etmək lazımdır.
Bildiyiniz kimi, insan Yer üzündə əsas yırtıcı olduğu üçün, fiziki olaraq öz yem bazasını yaratmağa və bərpa etməyə məcburdur. Əks halda ətrafımızdakı dünya çoxdan post-apokaliptik filmlərdəki cansız çöllərə çevrilərdi. Əslində insanlar yer üzündə bitən, gəzən, uçan və üzən hər şeyi yeyir.
Ətraf mühit təşkilatlarının insanların illik istehlakına dair hesabatlarındakı rəqəmlər belədir: köpək balığı - 100 milyon ədəd, İnək - 300 milyon, qoyun - 500 milyon, hinduşka - 600 milyon, dovşan - 1,2 milyard, donuz - 1,5 milyard, ördək - 2 milyard. Əsas qida vahidi isə toyuqdur. Bir ildə insanlar 75 milyard toyuq və cücə yeyir. Bunlar yalnız quruda yaşayan heyvanlarıdır Kadr arxasında isə daha 700 milyon ədəd ton balığı, 14 milyard sardina və digər çay, dəniz və okean sakini var.
Eyni zamanda, təbii qida bolluğu insanlar arasında qeyri-bərabər paylanır. İnkişaf etmiş ölkələrdə istehsal olunan bütün qidaların üçdə biri zibil qutusuna atılır, Yoxsul bölgələrdə isə insanlar otlaqlarda tapdıqları yemlə kifayətlənmək məcburiyyətində qalırlar. BMT, Ümumdünya qida proqramı çərçivəsində, aclıq çəkən insanların sayının azaldığını qeyd edir. Təşkilatın məlumatına görə, son 20 ildə bu göstərici təxminən 200 milyon azaldı. Elmi və texniki inkişaf və 1,5 milyard baş mal-qara da aclığın məğlub edilməsinə öz töhfəsini verirlər. Bu dünyada mövcud olan mal-qaranın sayıdır.
Mal-qara və toyuqlar vakuumda yaşamır. Heyvandarlıq sahələrinin çoxalma dövrünü təmin etmək üçün uzun sənaye zəncirləri fəaliyyət göstərir. Ot, silos, balıq yağı, üyüdülmüş və əzilmiş dənli bitkilər verən kənd təsərrüfatından, yem istehsalı, mal əti bifştekslərinin, xərçəng çubuqların və sair məhsulların hazırlanmasına qədər çoxlu sayda müəssisələr fəaliyyət göstərir.
Milyarder Qeytsin aləmində bütün bu texnoloji zəncirlər qırılmalıdır. Baxmayaraq ki, yaranacaq işsizləri ordusunun gələcək aqibətinə aydınlıq gətirilmir. Və elə burada Microsoft-un keçmiş rəhbərinin danışmadığı əsas suala gəlirik.
Geyts və onunla bərabər mal-qaranın total şəkildə kəsilməsinin tərəfdarları olanlar, elə qlobal istiləşmə nəzəriyyəsində olduğu kimi, alternativ elmi hesablamaları da bilməli və nəzərə almalıdır. Mövcud demoqrafik proqnozlara əsasən 2050-ci ilə qədər Yer kürəsinin əhalisi 10 milyard nəfərə çatacaq. Bununla da artımın başa çatacağı və əhalinin bir qaydada qalacağı gözlənilir. Bu orta modelin göstəricisidir. Optimist modelə əsasən əhalinin sayı 14 milyarda, mənfi modellərə görə isə - cari səkkiz milyardda qala bilər,
Kənd təsərrüfatı sahəsindəki mövcud proseslər — mexanizasiya, məhsuldarlığın artması, əkin sahələrinin genişlənməsi, heyvandarlığın inkişafı — aclığa sistematik bir hücum ilə misilsiz qida rifahını təmin edir. Bir milyard inəyin öldürülməsi ekologiyaya heç bir şəkildə kömək etməyəcək. Bir vulkan püskürmə zamanı atmosferə əlli böyük sənaye müəssisəsi istehsal etdiyi qədər karbon və kükürd dioksid, azot oksidi, hidrogen və metan buraxır. Eyni zamanda, fabriklərin emissiyaları idarə edə biləcək bəşəriyyət 500 aktiv vulkanın fəaliyyətini tənzimləməkdə hələ də acizdir.
Qərb cəmiyyətində populyar olan konspirativ nəzəriyyə görə, varidatları artan tempi\ çoxalan planetin ən varlı insanları, yumşaq desək hiyləgərliyə əl atırlar. Kontekstdən qoparılmış rəqəmlərə müraciyyət edərək insanları inandırmağa çalışırlar ki, onlar yolverilməz həddə yaxşı yaşayır. Kütləvi şüuru, ətin yalnız seçilmiş insanlar üçün əlçatan olan bir nemətə çevriləcəyi fikrinə hazırlayırlar. Qalanları isə qurudulmuş çəyirtkədən hazırlanmış dondurulmuş şorba üçün işləmə hüququnun olmasına şükür etməlidir.
Bu sözləri tanınmış türkiyəli ailə həkimi Ender Saraç deyib. Onun müasir yaşayış tərzinin qadınlar və kişilərə təsiri barədə dedikləri müzakirələrə səbəb olub:
Həkimin sözlərinə görə, qadınların daha az doğum etməsi, gec yaşda ana olmaları və karyeralarındakı ağır məsuliyyət onlarda hormonal tarazlığı pozur.
E.Saraç qeyd edib ki, yanlış qidalanma vərdişləri və müasir həyatın gətirdiyi ətraf mühit faktorları da hormonal dəyişikliklərdə böyük rol oynayır.
“Qadınlar kollegiya iclasında ağrı sancı içrəisində işlərini davam etdirmək məcburiyyətində qalırlar”- o deyib.
Mütəxəssis bildirib ki, bu vəziyyət estrogen və testosteron balansını pozur. Hər qadında testosteron, hər kişidə müəyyən aşağı faizlərdə estrogen hormonu olduğunu ifadə edən Saraç sözlərinə belə davam edib:
“Qadınları kişilərdən ən çox fərqləndirən üç orqan: yumurtalıqlar, uşaqlıq və süd vəziləri funksiyasını yerinə yetirmir. Dövrümüzün reallıqlarına uyğun gəlmir, lakin onların daha erkən yaşda hamilə qalması və uşaqlığın hamiləliyi yaşaması, yumurtanın mayalanması və süd vəzilərinin daha erkən yaşda süd verməsi vacibdir. Bir şeyi nə qədər təxirə salsan, tarazlıq bir o qədər pozula bilər”.
E.Saraç qadınların müasir dövrdə çox yükləndiyini söyləyib:
“Buraya pis qidalanma, idman etməmək, artıq çəki, stress, kimyəvi dərmanlardan çox istifadəni əlavə etdikdə tarazlıq pozula bilər. Böyük şəhərdə çox heyran olduğum məhsuldar müasir qadınların əksəriyyəti antidepresanlardan istifadə edirlər. Çünki biz onlara belə bir yük yükləmişik ki, sən güclüsən, sən də hesabı ödəməlisən. Biz qadına kişi rollarını da yükləmişik.
Biz kişilik və qadınlığı səhv başa düşmüşük. Həm analıq, həm karyera, həm doğuş, həm pul qazanmaq, məsuliyyətlər və s. ilə qadınları çox yorduq. Klimaks yaşı çox erkənə çəkilib”, - deyə o bildirib. \\Ölkə.Az
DSMF - tərəfindən hansı əsaslardan Əmək Pensiyası haqqında Azərbaycan Respublikası Qanununin bu 2 maddəsi tətbiq olunmur və tədbiq olunmursa, qanunu açıq aşkar pozan vəzifəlilər nədən məsuliyyətə cəlb olunmur?
Bu Qanunun 36.1-ci maddəsində mübahisə yaradan nə var ki? Şəxslərin əmək pensiyası hüququ nədən pozulur?Bu maddəyə əsasən:
"Orqanizmin funksiyalarının pozulması faizi dəyişdikdə əmək, PENSİYASININ MƏBLƏĞİ- orqanizmin funksiyalarının pozulmasıfaizinin dəyişdiyi aydan sonrakı ayın 1- dən yenidən təyin edilir.
46-cı maddə:bu Qanunun pozulmasına görə təqsirkar şəxslərAzərbaycan Respublikasının qanunvericiliyilə müəyyən olunmuş qaydada məsuliyyət daşıyırlar.
Azer Quliyev
TEREF
Bu gündən yaşayış minimumunun həddi 285 manat götürüləcək.
Bu, Prezident İlham Əliyevin təsdiqlədiyi “Azərbaycan Respublikasında 2025-ci il üçün yaşayış minimumu haqqında” qanunda əksini tapıb.
Yaşayış minimumu 2024-cü illə müqayisədə 5,5 faizdən çox artırılaraq 270 manatdan manatdan 285 manata qaldırılır.
2025-ci ildə əmək qabiliyyətli əhali üçün yaşayış minimumu 305 manat olacaq. Yaşayış minimumu pensiyaçılar üçün 232 manat, uşaqlar üçün 246 manat məbləğində proqnozlaşdırılır.
Qeyd edək ki, 2024-cü il üçün yaşayış minimumu əmək qabiliyyətli əhali üçün 287 manat, pensiyaçılar üçün 222 manat, uşaqlar üçün 235 manat məbləğində müəyyən edilib.
"Yola saldığımız il bəlli oldu ki, “Premium Bank” gəliri olmayan adi vətəndaşa istehlak məqsədi ilə 5% dərəcəsi ilə 2,5 mln manat məbləğində kredit verib. Özü də bu məbləği bank Elman Rüstəmovun vaxtında Mərkəzi Bankdan götürüb". "DİA-AZ" xəbər verir ki, bu fakta toxunan tanınmış ekspert Əkrəm Həsənov maraqlı qeydləri ilə də diqqətə gəlib.
Ə.Həsənov əlavə edib: "Düzdür, burada dələduzluq da olub: heç nədən xəbəri olmayan başqa şəxsin əmlakı girov qoyulub.
Amma əsas odur ki, sən demə, Azərbaycanda gəlirsiz vətəndaşa heç bir konkret məqsəd olmadan kredit verən bank varmış.
Odur ki, əziz həmvətənlər, pul lazım olanda, üz tutun bu banka: arayışsız-filasınz aşağı faizlə milyonlarla pul götürə bilərsiz və Mərkəzi Bank da burada heç bir problem görməyəcək.
Ümid edək ki, yeni ildə də “Premium Bank” müştərilərini belə kreditlərlə sevindirəcək".
Bu gündən Azərbaycanda yaşayış minimumu və ehtiyac meyarının həddi artıb.
Bu barədə Azərbaycan Prezidenti İlham Əliyevin 2025-ci il üçün təsdiqlədiyi yaşayış minimumu və ehtiyac meyarının həddi haqqında qanunda öz əksini tapıb.
2025-ci il üçün yaşayış minimumu ölkə üzrə 285 manat, əmək qabiliyyətli əhali üçün 305 manat, pensiyaçılar üçün 232 manat, uşaqlar üçün 246 manat məbləğində müəyyən olunub.
Ünvanlı dövlət sosial yardımının təyin edilməsi məqsədilə 2025-ci il üçün ehtiyac meyarının həddi 285 manat məbləğində təsdiq edilib.
Xatırladaq ki, 2024-cü il üçün yaşayış minimumu ölkə üzrə 270 manat, əmək qabiliyyətli əhali üçün 287 manat, pensiyaçılar üçün 222 manat, uşaqlar üçün 235 manat təşkil edib.