II ixtisas qrupunda marketinq, biznesin idarə edilməsi, turizm bələdçiliyi və turizm işinin təşkili ixtisasları üzrə ödənişli əsaslarla ayrılmış yerlərin müsabiqəsinə ümumi balı 150-dən və imtahanın ikinci mərhələsi üzrə balı 50-dən az olmayan (dövlət sifarişi əsasında ayrılan yerlər üzrə ümumi balı 200-dən və imtahanın ikinci mərhələsi üzrə balı 100-dən az olmayan) abituriyentlər buraxılır.

XALQ.AZ xəbər verir ki, bu barədə Dövlət İmtahan Mərkəzi məlumat yayıb.

Xatırladaq ki, II ixtisas qrupu üzrə imtahanın nəticələrinə əsasən ümumi balı 200-dən və imtahanın ikinci mərhələsi üzrə balı 100-dən az olmayan 6777, ümumi balı 150-dən və imtahanın ikinci mərhələsi üzrə balı 50-dən az olmayan 11684 abituriyent müsabiqədə iştirak etmək hüququ qazanıb.

2024/2025-ci tədris ili üçün ali təhsil müəssisələrinin II ixtisas qrupuna Azərbaycan bölməsi üzrə 11 min 335, rus bölməsi üzrə 575 plan yeri nəzərdə tutulur. Hər iki bölmənin birgə müsabiqəsi üzrə tələbə qəbulu planı 2640 olmaqla, II ixtisas qrupu üçün cəmi 14 min 550 plan yeri ayrılıb. II ixtisas qrupunda 4390 yer üzrə qəbul isə dövlət sifarişi əsasında aparılır.

Ali təhsil müəssisələrinə ixtisas seçimi avqustun 19-dək davam edəcək.

Xəbər verdiyimiz kimi, növbədənkənar parlament seçkilərində iştirak üçün 1052 nəfərin deputatlığa namizədliyi qeydə alınıb.

"Unikal"ın məlumatına görə, 125 seçki dairəsi üzrə mübarizə aparacaq namizədlər müxtəlif sahələrdə çalışırlar.

Amma onların arasında təqaüdçü və işləməyən şəxslər də var. Belə ki, deputatlığa namizədliyi qeydə alınan şəxslərdən 47 nəfər pensiyaçı, 183 nəfər isə işsizdir.

Qeyd edək ki, Prezident İlham Əliyev sərəncamına əsasən, bu il sentyabrın 1-də Azərbaycan Milli Məclisinə növbədənkənar seçkilər keçiriləcək.

Praktikada Əmək Məcəlləsinin bu maddəsi bir çox hallarda düzgün tədbiq olunmur və işçilərin əmək hüquqları pozulur. Tərəflər Əmək müqaviləsi bağlayarkən Əmək Məcəlləsinin 75-ci maddəsində nəzərdə tutulan qaydada razılığa gələrkən 2 şərtə mütləq əməl edilməlidir, hətta qarşılıqlı razılıq əsasında olsa belə. Əks halda bu razılaşmanın hüquqi əsası olmayacaq.
1. Tərəflər əmək müqaviləsi bağlayarkən ona xitam verilməsinin "yalnız" Əmək Məcəlləsində nəzərdə tutulan hallarından fərqli olan əlavə hallarını müəyyən edə bilərlər. Yəni, bu əmək münasibəti Əmək Məcəlləsi və ya digər normativ hüquqi aktlarla tənzimlənməsin.
2. Qarşılıqlı razılaşma bağlanılarkən işçilər üçün Əmək Məcəlləsi ilə nəzərdə tutulan hüquq və təminatların səviyyəsi azaldıla bilməz.
Azər Quliyev.
TEREF

İddia müddətini üzrsüz səbəbdən buraxmış işçi haqlı olduğu halda belə, İddia ərizəsi ilə məhkəməyə müraciət etdikdə, bu əsasdan pozulmuş əmək hüquqlarını bərpa etmək hüququnu itirmiş olur.
Neftçilərin Hüquqlarını Müdafiə Təşkilatı İctimai Birliyinə müraciət edən işçilər bir çox hallarda iddia müddətini - üzrsüz və ya üzrlü olmayan səbəblərdən buraxdıqdan sonra müraciət edirlər. Bu isə işçi və ya işçilərin əmək hüquqlarının bərpa olunmasında əlavə problemlər yaradır.
Bir çox hallarda işçilər belə hesab edir ki, bu hallarda onlar iddia müddətini buraxmamış olur və ya üzrlü səbəblərdən buraxmış olur:
Həmkarlar ittifaqları təşkilatına,Dövlət Əmək Müfəttişliyinə, dövlət orqanları və ya digər vəzifəli şəxslərə yazılı ərizə ilə müraciət etdikləri müddət. Qeyd etmək istəyirəm ki, bu halların heç biri iddia müddətinin üzrlü səbəbdən buraxılması halı hesab edilmir.
İddia müddəti barədə hər bir işçinin bilməli olduğu vacib şərtlər bunlardır, əks halda isə haqlı olduqları halda belə məhkəməyə müraciət edən işçinin əmək hüquqları bərpa olunmayacaq:
1. İşçi hüququnun pozulduğunu aşkar etdiyi gündən etibarən 3 təqvim ayı müddətində, Kollektiv müqavilələrdə nəzərdə tutulmuş hallarda müəssisələrdə həmkarlar ittifaqları təşkilatının nəzdində yaradılan fərdi əmək mübahisələrinə - məhkəməyə qədər baxan orqana müraciət edə bilər. Bu halda iddia müddəti 3 ay arta bilər.
2. Bu haldan başqa qalan bütün hallarda işçi fərdi əmək mübahisəsinin həll edilməsi üçün hüququnun pozulduğunu aşkar etdiyi gündən etibarən 1 təqvim ayı müddətində məhkəməyə müraciət etməlidir.
3. Hüququnun pozulmasının aşkar edildiyi gün, işçiyə müvafiq əmrin, (sərəncam,qərar), əmək kitabçasının, haqq-hesab sənədlərinin (kitabça, vərəqə, çek) verildiyi, həmçinin əmək müqaviləsinin işəgötürən tərəfindən bilə-bilə qəsdən pozulduğu gündür.
4. Pul və digər əmlak tələbləri ilə əlaqədar, həmçinin ziyan vurulmaqla bağlı yaranmış əmək mübahisələrinin həlli üçün işçi, bu hüququnun pozulduğunu aşkar etdiyi gündən etibarən - 1 il ərzində məhkəməyə müraciət edə bilər.
5.İşçilərin həyatına və sağlamlığına vurulmuş zərərin ödənilməsi haqqında tələblərə- iddia müddəti şamil edilmir.
6. İşəgötürən Əmək Məcəlləsi ilə müəyyən edilmiş hallarda işçiyə qarşı iddia ərizəsi ilə məhkəməyə hüquq və qanuni mənafelərinin pozulduğu gündən 1 təqvim ayı ərzində ona maddi ziyan vurulması məsələləri ilə bağlı isə ziyanın vurulmasını aşkar etdiyi gündən 1 il müddətində müraciət edə bilər.
7. İddia müddətləri bu üzürlü səbəblərdən – iddiaçının xəstələnməsi, ezamiyyətdə, yaşayış yerindən kənarda məzuniyyətdə olması, yaxın qohumunun ölməsi və ya digər obyektiv hallarla bağlı səbəblərdən ötürülərsə, fərdi əmək mübahisəsinə baxan məhkəmə buraxılmış müddəti bərpa edərək mübahisəyə mahiyyəti üzrə baxa bilər.
8. Mediasiya prosesinin tətbiqi ilə əlaqədar iddia müddətinin axımının dayandırılması məsələsi “Mediasiya haqqında” Azərbaycan Respublikasının Qanunu ilə müəyyən edilir. Bu müddət - iddia müddətinin üzərinə gəlir.
9. İddia müddətinin buraxılması üçün üzrlü hesab edilən hallar dedikdə:işçinin ata və anası, baba və nənəsinin, əri (arvadı), uşaqları, bacıları, qardaşları, qudaları, ərinin (arvadının) valideynləri, qardaşları, bacılarının vəfat etməsi və digər obyektiv səbəblər başa düşülməlidir. İşçinin digər qohumlarının vəfatı ilə əlaqədar iddia müddətinin ötürülməsini hakim üzürlü hal hesab edə bilər.
Azər Quliyev.
TEREF

Hazırda onlara zəruri tibbi xidmətlər göstərilir

Gəncədə yas mərasimində zəhərlənənlərin sayı artıb. AYNA-nın "Report"a istinadən məlumatına görə, Gəncə Şəhər Birləşmiş Xəstəxanasının nəzdində olan Abbas Səhhət adına Xəstəxanaya 83 nəfər, Z.Məmmədov adına 3 nömrəli Xəstəxanaya isə 13 nəfər yerləşdirilib. Digər doqquz zərərçəkən isə Göygöl Rayon Mərkəzi Xəstəxanasına yerləşdirilib.

Hazırda onlara zəruri tibbi xidmətlər göstərilir.

Əlavə məlumat veriləcək.

Faktla bağlı araşdırma davam etdirilir.

Vətən müharibəsində şəhid olmuş Ceyhun Səfərovun anadan olduğu ev ciddi şəkildə təmirə ehtiyacı var.
Azpost.info bildirir ki, bu barədə sosial şəbəkədə paylaşım edilib.
Lerik rayonunun Cənginəvud kənd sakini olmuş Ceyhun Səfərov 44 günlük Vətən Müharibəsi başlananda Türkiyədə işləyirdi. Müharibə başladıqdan dərhal sonra Azərbaycana qayıdan Ceyhun könüllü olaraq Qarabağ savaşına yollanıb. Qeyd edək ki, hərbi komissarlıqdan ona heç bir çağırış vərəqəsi gəlməyib. Ceyhun ürəyinin səsi ilə silaha sarılıb və döyüşə yollanıb. Lerik rayonu hərbi komissarlığına gələn Ceyhun dərhal ön cəbhəyə göndərilməsini xahiş edib.
Ceyhun Səfərov artilleriya atıcısı kimi torpaqlarımızın yağı düşməndən azad olunmasında döyüşüb. Cəbrayıl, Fizüli, Zəngilan rayonlarının azad olunmasında şücaət göstərib. 21 oktyabr 2020-ci ildə döyüş zamanı 27 yaşlı Ceyhun Səfərov Vətən uğrunda şəhid olub.
Şəhid Ceyhun Səfərovun ölkəmizin ərazi bütövlüyü naminə, göstərdiyi igidliklər Azərbsycan Respublikası Prezidenti, Ali Baş Komandan cınab İlham Əliyev tərəfindən orden və medallarla təltif edilib.
Dövlətimiz və xalqımız vətən uğrunda canını fəda vermiş qəhrəman əsgər və zabitlərimizin xatirəsini hər zaman uca tutur. Şəhid ailələrinə dövlət qayğısı göstərilir. Lerik rayonu Cənginəvud kənd sakini, şəhid Ceyhun Səfərovun valideynləri nədənsə bu qayğıdan kənarda qalıblar.
Köhnə, təmirsiz ev, çatlamış divarlar- Ötən 4 ildə Şəhidin doğludğu ev diqqətdən kənarda qalması anlaşılmazdır.
Övladını vətən uğrunda qurban vermiş valideynlərin bütün sosial və mənəvi problemlərinin həll olunması lazımi qurumların borcudur. Ümid edirik ki, Lerikin səlahiyyətliləri buna biganə qalmayacaq.
Azpost.info

Etiraf etməliyik ki, Azərbaycanda daxili turizmin vəziyyəti heç də ürəkaçan deyil. Bölgələrimizə səyahət edəndə bunu açıq şəkildə görmək mümkündür. Əksər ərazilərdə xidmət aşağı, qiymət yüksək, keyfiyyət heç də ürək açan səviyyədə deyil.
ATMU-nun Turizm və Qonaqpərvərlik fakültəsinin dekanı, dosent Bahadur Bilalov Bizimyol.info xəbər portalına açıqlamasında fikirlərimizi təsdiq edib. Dekan bildirib ki, kəmiyyət-keyfiyyət balansının qorunması məsələsi uzun müddət tənqid hədəfi olsa da, hələ də tam şəkildə müsbətə doğru irəliləyişə nail olunmayıb: “Bakıdan kənara çıxan kimi tamam başqa ab-hava ilə rastlaşırsan. Xidmət səviyyəsi sıfırın altında, qiymətlər isə at belində”…

ATMU-nun Turizm və Qonaqpərvərlik fakültəsinin dekanı, dosent Bahadur Bilalov ATMU-nun Turizm və Qonaqpərvərlik fakültəsinin dekanı, dosent Bahadur Bilalov
Bahadur Bilalov qeyd edib ki, hər hansı bir ölkə turizmi inkişaf etdirmək istəyirsə, mütləq və mütləq öncə daxili turizmə xüsusi diqqət yetirməli və onu inkişaf etdirməlidir. Yalnız daxili turizm inkişaf etdikdən sonra gəlmə turizmi inkişaf etdirmək olar. Tədqiqatçılar bunu belə əsaslandırırlar ki, daxili turistlərlə işləməklə sektorda çalışanlar iş prinsiplərini öyrənir və əsl peşəkarlara çevirilirlər.

“Danılmaz faktdır ki, reklama vəsait xərcləyib ölkəyə turist cəlb etmək olar, lakin gələn turist lazımi səviyyədə xidmət almadıqda antireklamçılara çevrilirlər. Məmnun qalan hər bir turist özündən sonra ən azı 10 nəfərin ölkəyə gəlişini təmin edə bilir. Məmnun qalmayan turist isə azı 10 potensial turistin ölkəyə gəlişinə mane olur. Reallıq bundan ibarətdir. Təəssüf hissi ilə qeyd etməliyik ki, ölkəmizdə daxili turizmin inkişafı diqqətdən kənarda qalır. Daha çox diqqət və fəaliyyət ona yönəlib ki, xaricdən daha çox turist ölkəmizə gəlsin. Lazımı xidməti ölkədə tapmayan vətəndaşlarımız kütləvi surətdə xarici ölkələrə üz tuturlar”- deyə Bahadur Bilalov qeyd edib.

Statistikaya görə, 2023-cü ildə xaricə səfər edən ölkə vətəndaşlarının sayının 1 milyon 869 min nəfər olub. Bu ilin birinci yarısında isə xaricə səfər edən azərbaycan vətəndaşlarının sayının keçən ilin eyni dövrünə nisbətən 25,7 % artaraq 995,2 min nəfər olduğunu görmək mümkündür. Bu rəqəm onu deməyə əsas verir ki, ilin sonunda keçən ilki rəqəmdə xeyli artım olacaq.

“Bir faktı da qeyd edim ki, 2023-cü ilin birinci yarısına nisbətən bu il İrana gedən Azərbaycan vətəndaşlarının sayı 39,1 %, Türkiyəyə gedənlərin sayı 23,7 %, Gürcüstana gedənlərin sayı 17,7 %, Rusiyaya gedənlərin sayı 15,4 % artıb”-deyə Bahadur Bilalov əlavə edib.

Bakıda dövlət bağçalarında valideynlərdən aylıq ödənişlər tələb edilməsi ilə bağlı sosial şəbəkələrdə fikirlər səsləndirilir. İddialara görə, ödənişlər Azərbaycan və xarici dillərdə verilən tədrisə görə dəyişir.
Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi cavab olaraq bildirilib ki, bağçalarda valideynlərdən əlavə aylıq ödənişlərin tələbi ilə bağlı çağırış edib.
Qeyd edilib ki, dövlət bağçaları ödənişsiz fəaliyyət göstərir:
Uşaqların bağçaya qəbulu zamanı və ya aylıq ödənişlər tələb edilirsə, vətəndaşın yazılı formada müraciəti əsasında araşdırma aparılır və müvafiq tədbirlər görülür”.