ABŞ Rusiyaya qarşı yeni sanksiyalar tətbiq edib.

Bu barədə ABŞ Maliyyə Nazirliyi məlumat yayıb.

Bildirilir ki, iş adamları İvan Tavrin, Vladislav Sviblov və əlaqəli şirkətlərə qarşı sanksiyalar tətbiq edib.

"Expobank", eləcə də "Highland Gold Mining" qızıl mədən şirkəti də "qara siyahı"ya salınıb.

“Ukraynada rus dili qanuni olaraq prinsipcə mövcud olmaq hüququndan məhrum edilib”.

Bizim.Media xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinqdə deyib.

“Əgər Avropa İttifaqı Ukraynada milyonlarla insanın ana dilini açıq-aşkar məhv edən oxşar qondarma qanunun qəbulu ilə kifayətlənirsə, deməli təşkilat o zaman əsl simasını - çox danışdığımız demokratik prinsiplərə, humanitar dəyərlərə, insan və milli azlıqların fundamental hüquq və azadlıqlarına eyni etinasızlığını nümayiş etdirəcək”, - deyə Zaxarova qeyd edib.

“Biz çətinliklər qarşısında təslim olan insanlar deyilik”.

Bunu Ukrayna Prezidenti Vladimir Zelenski ABŞ-ın Ukraynaya dəstəyinin azlması barədə danışarkən bildirib.

“Bəziləri təşvişə düşməyə başlayır və qələbəyə inanmır. Lakin biz davam etməliyik”, – Zelenski qeyd edib. \\Konkret.az

"Antisemitizm problemi bütün Avropada və bütövlükdə Qərbdə pisləşir".

32gun.az xəbər verir ki, bunu İtaliya baş naziri Corcia Meloni deyib.

"Bu, məğlub edilməli olan xərçəngdir. Bu, bizi narahat etməli olan bir fenomendir və bütün səviyyələrdə buna qarşı çalışmalıyıq".

O xatırladıb ki, Fələstinin radikal HƏMAS hərəkatının İsrailə hücumundan sonra respublikada yəhudi icmalarını qorumaq üçün tədbirlər gücləndirilib:

"Bu, mədəni bir məsələdir, hər kəsə təsir etməli və maksimum konsentrasiyamızı tələb etməlidir".

“32 erməni əsirinin qaytarılması ilə bağlı razılığın əldə olunmasının bir neçə tərəfi və aspektləri var”.

Bu sözlər Ermənistan parlamentinin eyni adlı fraksiyasının üzvü Armen Rüstəmyan tərəfindən səslənib.

Deputat hesab edir ki, erməni əsirlərin qaytarılması ilə bağlı Bakının öz hesablamaları var.

“İlk növbədə, bu addım məhbusların saxlanması məsələsində beynəlxalq ictimaiyyətin təzyiqlərini bir qədər azaldacaq. Bundan əlavə, Azərbaycan ikitərəfli danışıqlar formatının effektivliyini nümayiş etdirməyə çalışır. Onlar ikitərəfli formatın daha düzgün olduğunu sübut etməyə çalışırlar, çünki Bakının məqsədi danışıqlardakı hazırkı dalana dirənmiş vəziyyəti başqa, daha sərfəli sahəyə keçirməkdir”, - deyə Rüstəmyan bildirib.

O qeyd edib ki, bu tədbirlər gələcəkdə ikitərəfli münasibətlərin bütün koordinasiya prosesini ikitərəfli formata çevirə bilər. Yəni bütövlükdə danışıqlar bu formatda aparılacaq.

“Bu format Ermənistan üçün sərfəli deyil. Bu, daha çox qaliblə uduzan arasında söhbət olacaq. Bundan əlavə, ikitərəfli format o deməkdir ki, ortada razılaşdırılmamış məsələ yoxdur. Çünki məhz bu cür məsələləri koordinasiya etmək üçün vasitəçilər gətirilir. Vasitəçilər təkcə mübahisəli məsələlərdə razılığa gəlməyə kömək etmir, həm də razılaşmaların həyata keçirilməsinin təminatçısıdırlar. Yəni ikitərəfli format şəraitində beynəlxalq təminatlar məsələsi də bulanıqlaşır”, - deyə erməni deputat bildirib.

Ermənistandan Rusiyaya Gürcüstan vasitəsilə ötürülən yüklər Yuxarı Lars keçid məntəqəsində ilişib qalıb. Erməni hökuməti üçün ciddi başağrısına çevrilən Lars düyününün yaranma səbəbi Kremlin İrəvana xəbərdarlığı kimi də başa düşülür. Nikol Paşinyan hökuməti 3 400 yük maşınının sərhəd-buraxılış məntəqəsində həftələrdir növbə gözləməsini əlverişsiz hava şəraiti ilə əlaqələndirsə də, məsələnin siyasi tərəfləri də var.

“Kaspi” qəzeti mövzu ilə bağlı məqalə dərc edib.

Lars düyününü yaradan səbəblər

Erməni baş nazir Nikol Paşinyanın Belarusda keçirilən KTMT sammitində iştirakdan imtina etməsi ilə Yuxarı Larsın bağlanması eyni vaxta təsadüf edib. Bundan əlavə, 24 noyabr tarixində hökumət başçısı vətəndaşların suallarını cavablandırarkən qeyd edib ki, Ermənistanda yayımlanan Rusiya telekanalları qanun pozuntusuna yol verdikləri üçün yayım dayandırılır və qarşı tərəflə məsləhətləşmələr keçiriləcək. Bundan əlavə, ölkəyə rus dilində kitabların gətirilməsinin də qarşısı alınır. Eyni zamanda “Armbrok” erməni broker şirkəti rus müştərilərin hesabını bağlamaq barədə qərar qəbul edib. Bütün bu hərəkətlər Kremlin səbrinin daşmasına səbəb olub və rəsmi Moskva hərəkətə keçməyə qərar verib.

Rusiyanı hərəkətə keçirən səbəblər

Rusiya siyasi elitasının “yolunu azan” Ermənistana mesajını çatdırmaq üçün müxtəlif rıçaqlardan istifadə etməsi ilk hal deyil. Bu dəfə isə keçidin bağlanma səbəbi kimi “Rosselxoznadzor” tərəfindən bitkiçilik məhsullarının tədarükü zamanı pozuntuların baş verməsi göstərilib. Qurum Ermənistandan gələn gül və meyvə-tərəvəz məhsullarında karantin tətbiq olunan zərərvericilərin aşkarlanması ilə bağlı 72 fakt müəyyən edib. Eyni zamanda, noyabr ayında qanun pozuntularında kəskin artım qeydə alınıb - təkcə noyabrın 24-dən 26-dək Rusiyaya çirklənmiş gül, xiyar, quru meyvə, üzüm, gül kələm, pomidor, bibər, badımcan, alma idxal edilməsi ilə bağlı 36 fakt üzə çıxıb.

Erməni tərəfinin sərsəm bəyanatları

Ermənistan hökuməti isə siyasi motivləri etiraf etmək istəmir. Baş nazir aparatının rəhbəri Arayik Arutyunyan bəyan edib ki, Larsın bağlanmasının heç bir iqtisadi təsiri yoxdur və yeni bazarlar tapmaq mümkündür. O, diaspor və Ermənistan ermənilərini yerli istehsal olan məhsulları almağa səsləyib və bununla da problemin həll olunacağını qeyd edib.
Erməni spiker Alen Simonyan da keçid məntəqəsinin bağlanmasında siyasi motiv görmədiyini bəyan edib. “Karqo Ekspress” şirkətinin direktoru Artur Qabeşyan bildirib ki, hərəkətin dayanmasına səbəb hava şəraitidir.

Ermənistanın xam xəyalı

Paşinyan hökumətinin yarıtmaz siyasəti Kremlin qəzəb oxlarını üzərinə çəkib. Erməni siyasətçilər Rusiyadan vaz keçərək yeni bazarlara, xüsusən də Avropa bazarlarına ümid edirlər. Amma Avrasiya İqtisadi İttifaqı Ermənistanda istehsal edilən məhsulların istehlak edildiyi yeganə bazardır. Avropa bazarları isə yaxın illərdə belə, erməni istehsalçılar üçün əlçatmaz arzu kimi qalacaq. Çünki Qərb standartlarına uyğunlaşma, lazımi sertifikatları əldə etmək erməni fermer və istehsalçılar üçün əlçatmaz görünür. Avropaya kənd təsərrüfatı malı ixrac etmək üçün otlaq sahəsinin tərkibi, suvarma sistemi, suyun tərkibi və digər xırda detallarla bağlı sertifikatlar təqdim etmək lazımdır. Əks halda, erməni malını Avropa bazarının qapısına belə buraxmazlar.

Paşinyan komandası boyun əyir?

Amma ümumilikdə Larsda yaranmış problemlər Ermənistan hökumətinin nümayəndələrini “yumşaldıb”. Alen Simonyan qeyd edib ki, Nikol Paşinyan Avrasiya İqtisadi İttifaqının (Aİİ) Sankt-Peterburq şəhərində keçiriləcək sammitində iştirak etməlidir. Çünki siyasi kulislərdə dərk edirlər ki, Aİİ sıralarını tərk etmək dövlət üçün faciə ilə nəticələnə bilər. Məsələn, əgər rəsmi İrəvan alyansı tərk etsə, dünya bazarı qiymətinə qaz almaq məcburiyyəti ilə üzləşə bilər. Bu isə istehsal olunan məhsulların dəyərinə ciddi təsir edəcək. Bundan əlavə, Ermənistanın Rusiyadan aldığı bir sıra vacib məhsulların (məsələn, daş buğda) qıtlığı ilə üzləşməsi də ciddi problemlər yarada bilər.

Ağılsız siyasi kurs

Qeyd etmək yerinə düşər ki, erməni siyasətçilər Avropadan gələn qonaqlarla görüşlərdə azad bazardan, iqtisadi inhisarların aradan qaldırılmasından ağızdolusu danışırlar. Amma bu danışıqlar hələlik Ermənistana xarici investisiya gətirmir. Çünki Ermənistan dövlətçiliyinin iqtisadi cəhətdən riskə atıldığı göz önündədir. Hər fürsət düşəndə Azərbaycanın müharibəyə hazırlaşması, sərhəddə toqquşmanın bu yaxınlarda baş verəcəyi barədə ağılsız açıqlama verərək Qərb havadarlarının çaldığı havaya oynayan Ermənistan hökuməti əslində ölkəyə cəlb olunacaq investisiyaları şübhə altına alır. Onsuz da son illər erməni hökuməti xarici əlaqələrdə etibarsız dövlət kimi tanınır. Müttəfiq və tərəfdaş ölkələrlə qeyri-stabil əlaqələrə malikdir. Belə dövlətə hansı Qərb iş adamı sərmayəsini etibar edə bilər? Şübhəsiz ki, suyu üfləyə-üfləyə içən Avropa şirkətləri belə bir ölkədə uzunmüddətli investisiya və kapital qoyuluşu etməyə maraqlı deyil. Bu səbəbdən də Ermənistanın uzun illər Rusiyanın boyunduruğu altında sürünəcəyinin şahidi olacağıq...

Qərb Ermənistanın maraqları naminə enerji təhlükəsizliyinə və Azərbaycanla dostluğuna xələl gətirməyəcək. Qərbin Ermənistanı Azərbaycana qarşı müdafiə edəcəyi və ya Ermənistanın maraqlarından çıxış edərək Azərbaycanla münasibətləri korlayacağı ilə bağlı fikirlər geosiyasi vəziyyətlə bağlı yarımçıq təsəvvürlərin nəticəsidir.

Teleqraf.com xəbər verir ki, bu barədə Ermənistanın "Past" qəzeti yazır.

Nəşr bildirir ki, Qərb ənənəvi olaraq öz iqtisadi və təhlükəsizlik maraqlarına üstünlük verən siyasət aparır:

"Qərb, indiki halda ABŞ yalnız öz maraqlarını rəhbər tutur. Azərbaycanın Qərb üçün əhəmiyyəti azalmayıb, əksinə, durmadan artır".

Qəzet vurğulayır ki, xüsusən də enerji təhlükəsizliyi amili Azərbaycanın Qərb üçün önəmini daha da artırır, bu da Qərbdə və regionda Bakının mövqelərinin daha da güclənməsinə zəmin yaradır:

"Bu gün də Azərbaycan ABŞ-ın Cənubi Qafqazda əsas ticarət tərəfdaşlarından biridir. İki ölkə arasında iqtisadi əlaqələrin göstəricilərindən biri də ticarət dövriyyəsinin həcminin ildən-ilə artmasıdır. Məsələn, 2022-ci ildə ABŞ-ın Azərbaycandan idxalı 173 milyon dollar olub, bu rəqəm 2020-ci ildə 37 milyon idi.

Ukrayna müharibəsinin yaratdığı böhran və Qərbin alternativ enerji axtarışları fonunda Azərbaycanın Qərb üçün rolu daha da qabarır. Beləliklə, Rusiya qazının Avropa üçün alternativi Azərbaycan qazıdır. Qərb mənbələrinə görə, Avropa Birliyi (AB) ölkələri arasında İtaliya, Yunanıstan və Bolqarıstan 2022-ci ildə Azərbaycandan 15 milyard 598 milyon 852 min avro dəyərində təbii qaz idxal edib. Statistikaya görə, 2021-ci ildə Azərbaycandan AB ölkələrinə 3 milyard 892 milyon 233 min avro dəyərində qaz idxal edilib ki, bu da 2022-ci illə müqayisədə 4 dəfə azdır. Həmin AB-nin Ermənistanın maraqlarına lobbiçilik etmək naminə öz enerji təhlükəsizliyini təhlükəyə atmağa hazır olduğuna kimsə inanırmı?

Bəli, bir neçə həftə əvvəl ABŞ Azərbaycana hərbi və digər dəstəyi dayandırmışdı, amma başa düşmək lazımdır ki, Bakının bu dəstəyə ümumiyyətlə ehtiyacı yoxdur. Ölkənin milyardlarla dollar müdafiə xərclərini planlaşdırdığı bir vaxtda Vaşinqtondan gələn milyonlar praktiki olaraq mənasızdır. ABŞ-ın isə Azərbaycanın dəstəyinə ehtiyacı var, əks halda Dövlət Departamentinin sözçüsü Metyu Miller bir neçə gün əvvəl Vaşinqtonun Azərbaycanla əməkdaşlığa son qoyacağını heç vaxt düşünmədiyini vurğulayaraq, bunun ABŞ-ın maraqlarına zidd olacağını qeyd etməzdi. Öz növbəsində, Avropa Parlamenti səviyyəsində Azərbaycanı tənqid edən AB bundan dərhal sonra Bakı ilə strateji enerji əməkdaşlığının yol xəritəsini yeniləməyə ən yüksək səviyyədə razılıq verdi.

İndi Qərbin kimdə daha çox marağı var? Cavab sadədir: Azərbaycanda. Çünki Ermənistanın AB-yə təklif edəcəyi heç nəyi yoxdur. İrəvan ancaq pafoslu bəyanatlarla, amorf vədlərlə qidalanmağa çalışır. Qərb Ermənistanın köməyi ilə Rusiyanı regiondan sıxışdırıb çıxardıqdan sonra ölkəmiz Qərb üçün əhəmiyyətini itirəcək. Dediyimiz kimi, Qərb yalnız və yalnız öz iqtisadi maraqlarını rəhbər tutur".

Ukrayna öz başına heç nə istehsal etmir, onun gələcəyi yoxdur, Rusiyanın isə var.

Axar.az xəbər verir ki, bunu Rusiya Prezidenti Vladimir Putin deyib.

“Onların hər şeyi tükənir, özlərinə məxsus bazaları yoxdur. Öz bazası, öz ideologiyası, öz sənayesi, öz pulu, heç bir şeyi olmayanda gələcək də olmur. Bizim isə var”, - Putin bildirib.