“Türkiyə və türklərə qarşı belə bir addım atmağa cəsarət etsələr, qarşılığını elə verəcəyik ki, bir daha ayağa qalxa bilməyəcəklər”.

AzFakt.com TRT-yə istinadən xəbər verir ki, bunu İsrailin Fələstindən kənarda, o cümlədən Türkiyədə HƏMAS üzvlərinə qarşı sui-qəsd planları ilə bağlı Türkiyə Prezidenti Rəcəb Tayyib Ərdoğan jurnalistlərin suallarını cavablandırarkən deyib.
“Onlar bizi tanımırlar. Əgər belə bir səhvə yol versələr, bunun əvəzini çox ağır ödəyəcəklərini bilməlidirlər. Türkiyəyə və türklərə qarşı belə bir addım atmağa cəsarət etsələr, qarşılığını elə verəcəyik ki, bir daha ayağa qalxa bilməyəcəklər. Dünyada Türkiyənin həm kəşfiyyat, həm də təhlükəsizlik sahəsində qət etdiyi irəliləyişləri bilməyən yoxdur. Üstəlik, biz dünən qurulmuş dövlət deyilik. Bunu da heç kim unutmamalıdır”, - Ərdoğan bildirib.

Meksikanın tanınmış “Milenio” qəzetində ölkənin ən nüfuzlu ali təhsil ocaqlarından biri olan Meksika Milli Muxtar Universitetinin professoru, siyasi şərhçi Talya İşcanın müəllifi olduğu məqalə dərc edilib.

Azərbaycanın Meksikadakı Səfirliyindən verilən məlumata görə, məqalədə hazırkı geosiyasi şəraitdə Qərb mediasının mühüm rol oynadığı, söz azadlığı və demokratiyanın dayağı kimi təqdim edildiyi, lakin bəzi beynəlxalq münaqişələrin işıqlandırılmasında, xüsusilə Azərbaycanın Qarabağ regionu ilə bağlı narahatlıq doğuran ikili standartların müşahidə edildiyi qeyd olunur.

Yazıda Azərbaycanın bir zamanlar otuz ildən artıq erməni işğalından əziyyət çəkdiyi, işğal nəticəsində yüz minlərlə insanın öz ev-eşiyindən didərgin düşdüyü, ölkəmizin mədəni irsinin məhv edildiyi, həmin ərazilərin minalandığı bildirilir, buna baxmayaraq, Qərb mediasında məlumatların qərəzli və təhrif olunmuş formada yayılmasının təəccüb doğurduğu, öz ərazilərini azad etdikdən sonra Azərbaycanın Qərb mediasında “təhlükə” kimi qələmə verildiyi qeyd olunur.

Məqalədə Qərb mediasının bu yanaşmasının Ukraynaya münasibətdə tamamilə fərqli olduğu, münaqişənin ilk günlərindən etibarən Ukraynanın qeyd-şərtsiz dəstəkləndiyinin, ərazi bütövlüyünün müdafiəsinin müşahidə olunduğu bildirilir və Ukrayna, Moldova və Gürcüstanın ərazi bütövlüyünün dəstəkləndiyi halda, nəyə görə Azərbaycanın ərazi bütövlüyünün gözardı edilməsi sual olunur. Cavabın isə bu medianın xidmət etdiyi siyasi gündəmdə gizləndiyi, Ukrayna məsələsində Rusiyanın təsirinə qarşı çıxmağın Qərbin maraqlarına uyğun olduğu, bunun əksinə olaraq, Azərbaycanın öz suverenliyini və ərazi bütövlüyünü bərpa etməsinin Avropa üçün əlverişsiz göründüyü bildirilir.
Müəllif Azərbaycanın həqiqi müstəqilliyinin və hazırda dünyada şahidi olduğumuz geosiyasi döyüşdə heç bir düşərgəyə qoşulmamasının bəzi böyük dövlətləri qıcıqlandırdığını qeyd edərək, belə görünməsinə baxmayaraq, Azərbaycana qarşı bu cür qərəzli yanaşmaların kökündə sırf islamofob yanaşmaların dayanmadığına inanmaq istədiyini vurğulayır.

Məqalədə bu cür informasiyaların yayılmasının arxasında iqtisadi, xüsusən də hərbi sənaye sahəsində maraqların da gizləndiyi, son dövrlərdə Avropa İttifaqının Ermənistana silah tədarükü ilə bağlı səylərinin regionda sülhü dəstəkləmək əvəzinə, silahlanmanı təşviq etməsinin, regionda sülh prosesinin çətinləşdirilməsinin göstəricisi olduğu bildirilir. Həmçinin, bu hərbi səylərin əsas məqsədi sabitliyi təşviq etmək olan, lakin hazırda hərbi eskalasiyanı təşviq edən Avropa Sülh Fondu vasitəsilə maliyyələşdirilməsinin ironikliyi qeyd olunur, Avropa İttifaqının Azərbaycana qarşı hədələyici ritorikasının diplomatik dialoqa xələl gətirdiyi və hər iki tərəfə xeyir verməyərək mənfi reaksiyalara səbəb ola biləcəyi vurğulanır.

Yazının sonunda Qərb mediasına öz yanaşmalarını nəzərdən keçirməyə və iddia etdikləri obyektivlik və qərəzsizlik prinsiplərinə sadiq olmağa çağırış edilir, ikili standartların nəinki reallığı təhrif etdiyi, həmçinin lazımsız münaqişələri davam etdirdiyi vurğulanır.

AZƏRTAC Dövlət İnformasiya Agentliyinin əməkdaşının Fransada peşəkar fəaliyyətinə qadağa qoyulması və ölkədən çıxarılması ilə bağlı Azərbaycan Respublikasının Medianın İnkişafı Agentliyinin bəyanatı

AZƏRTAC-ın Yeni Kaledoniyaya ezam edilmiş əməkdaşı Aygün Həsənovanın bu ölkənin rəsmi dairələri tərəfindən jurnalist kimi peşəkar fəaliyyətini yerinə yetirməsinə qanuni əsas göstərmədən maneçilik törədilməsini və polis bölməsində saxlanılaraq “arzuolunmaz şəxs” qismində ölkədən çıxarılmasını jurnalistin informasiya əldə etmək hüququnun məhdudlaşdırılması kimi qiymətləndirir və qınayırıq.

Jurnalistin məhz Azərbaycandan gəldiyini əsas götürərək peşəkar fəaliyyətinə müdaxilə edilməsi və polis nəzarəti altında saxlanılaraq təyyarəyə minənədək müşahidə altında olması hadisənin siyasi sifariş olduğunu deməyə əsas verir.

Bu, Fransada müxtəlif tədbirləri işıqlandıran jurnalistlərin, o cümlədən Azərbaycan media təmsilçilərinin peşəkar fəaliyyətinə maneçilik törədilməsi, onların informasiya əldə etmək hüququnun kobud, qeyri-qanuni üsullarla qarşısının alınmasına yönəlmiş növbəti addımdır.

Biz dünyada ifadə azadlığının vəziyyətini qiymətləndirmək kimi kifayət qədər geniş və ciddi missiyanı öz üzərinə götürmüş beynəlxaq təşkilatların, jurnalistlərin hüquqlarının qorunması sahəsində ixtisaslaşmış QHT-lərin məsələyə münasibət bildirməsini tələb edirik

Vu barədə Ermənistan parlamentinin hakim “Mülki müqavilə” partiyasının deputatı Vilen Qabrielyan bildirib.
O qeyd edib ki, parlamentin müdafiə və təhlükəsizlik komitəsi bununla bağlı müvafiq qərar qəbul edib.
Deputat bildirib ki, məqsəd korrupsiya təzahürlərinin aradan qaldırılması, qanunsuz silahların sayının azaldılması və onların tədricən qeyri-qanuni dövriyyədən çıxarılmasıdır.
“Əqli sağlamlığı yerində olan insanlar müvafiq lisenziyaya sahib olduqdan sonra odlu silah gəzdirə biləcəklər”, - V. Qabrielyan söyləyib.

Mövzu ilə bağlı "Sherg.az"a danışan politoloq Ərəstun Oruclu söyləyib ki, artıq Nikol Paşinyanın partiyasında anlayırlar ki, Rusiya Ermənistanda silahlı üsyan hazırlaya bilər:

"Ona görə də belə bir qanun qəbul etməklə öz tərəfdarlarını silahlandırmağa çalışırlar. Bu isə faktiki olaraq Ermənistanın vətəndaş müharibəsinə sürüklənməsi deməkdir. Yəni bütün hakimiyyət resursları iqtidarın əlində olduğuna görə həmin silahları ancaq öz tərəfdarlarına verəcək. Bununla da hakimiyyətə yönəlmiş silahlı qiyam, üsyan cəhdinin qarşısını almış olacaqlar. Eyni zamanda silahı qanunlaşdırıb insanlara verməklə göstərəcəklər ki, onlar özlərini qorumaqda israrlıdırlar. Bu məsələ daha çox daxili siyasətə hesablanmış addıma oxşayır".

İran hökumətinin onlarla yüksəkvəzifəli rəsmisinin Kanadaya girişinin qarşısı alınıb.

Bu barədə “Azad İran” “Telegram” kanalı bildirib.

Kanadanın Sərhəd Xidmətləri Agentliyi ölkədə yaşayan və İran hökuməti ilə əlaqəsi ola biləcək 141 şəxsin də işinə baxıldığını nəzərə çatdırıb.
Məlumata görə, 10 nəfərin İranla əlaqələri səbəbindən Kanadada qalmaq üçün lazımi tələblərə cavab vermədiyi müəyyən edilib.

Qeyd edək ki, 141 nəfərdən 38-nin Kanadadan deportasiya edilməsi və ya Tehranla əməkdaşlıq etmələrinə dair şübhələrin aradan qaldırılması səbəbindən istintaq başladılıb.
https://t.me/AzadIranTelegram/29658

“Moskvada 23 ildən çox işləmiş arxiyepiskop Ezras özünü keşiş kimi təqdim edib və bu ad altında Rusiyada reketçiliklə məşğul olan güclü cinayətkar mafiya yaratmağı bacarıb. Gəlin 1996-cı ildə inşasına başlanan, lakin nədənsə 2013-cü ildə başa çatdırılan erməni məbədi kompleksinin tikintisindəki kütləvi fırıldaqlardan başlayaq. Təsəvvür edin, Moskvada kilsə tikmək təxminən iyirmi il çəkir, ermənilər isə altı aya öz ticarət mərkəzlərini tikirlər”.

Bu barədə erməni bloger Roman Baqdasaryan Feysbuk səhifəsində yazıb.

“Tikintinin 2001-ci ildə başa çatdırılması planlaşdırılırdı. Qaregin (katolikos – red.) və qardaşı Ezras kilsə tikməkdən pul qazanmağa qərar verib, müxtəlif bəhanələrlə erməniləri “sağıb”, kilsə tikintisini 20 ilə yaxın uzatdılar. Hətta 2013-cü ildə Moskvanın vitse-meri Vladimir Resin erməni oliqarxları başına toplayıb onları biabır etməsəydi, məbəd təhvil verilməzdi. Resin demişdi: “Ermənilər, siz altı aya ticarət mərkəzləri tikirsiniz, amma iyirmi ilə yaxındır ki, bir dənə kilsəni tikə bilmirsiniz. Utanırsınız?” Əslində, Rusiyada erməni kilsələrinin tikilməsi ideyasının özü də Rusiyanın bütün regionlarında ermənilərin ciblərini boşaltmaq məqsədi ilə yaranıb. Ezras və dəstəsi zərgərlik dükanları, gözəllik salonları, banket kompleksləri olan bütün erməniləri dəhşətə gətirir, hədə-qorxu ilə pul alırlar. Bütün Nijni Novqorod erməniləri bunu bilir. Qaregin və qardaşı Ezras Moskvadakı kilsəni ticarət məntəqəsinə çevirərək oranı casus aurası ilə doldurdular. Onlar burada Rusiya FTX-yə erməniləri izləmə məntəqəsi yaradıblar.

Nəzərinizə çatdırım ki, Nevski prospektində kilsənin yaxınlığında yerləşən Sankt-Peterburqun erməni icmasına cavabdeh olan Ezras bandası və nəzarətçi Bako Saakyan erməni icmasının binasını mehmanxana və motelə çevirib. Sankt-Peterburqun bütün donjuanları fahişələri Nevski prospektindən erməni kilsəsinin həyətindəki erməni otelinə sürükləyirlər”, - o bildirib. (Axar.az)

Nikol Paşinyan Qarabağın Azərbaycanın bir hissəsi olduğunu bəyan edəndə Rusiya sülhməramlılarının əhəmiyyəti qalmadı. Artıq növbəti addım onların Qarabağdan çıxmasıdır.

Bunu Ermənistanın keçmiş baş naziri Qrant Baqratyan deyib.

“Ermənistan hökuməti Azərbaycan hakimiyyətindən qorxur. Dəhlizlər Nikol Paşinyanın təqdim etdiyi xəritəyə uyğun verilsə, o zaman Ermənistan daha 9 min kvadrat kilometr ərazidən, yəni Sünikdən (Qərbi Zəngəzur – red.) məhrum olacaq. 2 dəhlizi versəniz, Zəngəzurun Ermənistanla əlaqəsi kəsiləcək. Zəngəzura getmək üçün o dəhlizlərdən keçməliyik, oradan da keçmək üçün icazə almalıyıq. Bundan sonra İrəvan-Qarakilsə, İrəvan-Qafan avtobusları işləməyəcək”, – Baqratyan bildirib.

Qeyd edək ki, Qərbi Zəngəzurun sahəsi 9 min kv.km deyil, 4 min kv.km-ya yaxındır.

Filippin Sahil Mühafizəsi (PCG) bəyan edib ki, ölkənin ərazi suları yaxınlığında 135-dən çox Çin gəmisi aşkar edilib.
Musavat.com "Philstar" qəzetinə istinadən xəbər verir ki, Uitsun rifi yaxınlığında Çin gəmilərinə göndərilən radio mesajlarına cavab verilməyib.
Açıqlamada qeyd olunub ki, bölgədə keçən ay 111 olan gəmi sayı 135-ə yüksəlib və bu həyəcanverici vəziyyətdir.
Xatırladaq ki, İkinci Dünya Müharibəsindən sonra sahilyanı ölkələr müstəqillik əldə etdikdən sonra Cənubi Çin dənizi suverenliklə bağlı mübahisələrin predmetinə çevrilib.
Çin ilk dəfə 1947-ci ildə dərc etdiyi xəritə ilə Cənubi Çin dənizinin 80 faizindən çoxunun suverenliyini iddia edir. Filippin, Vyetnam, Bruney və Malayziya kimi sahilyanı qonşu ölkələr də bölgədə ərazi iddiasındadır.
Belə ki, bölgədəki adalar, riflər, qayalar və dəniz bəndləri, xüsusilə Parasel və Spratli adaları üzərində suverenlik mübahisələri zaman zaman ölkələr arasında gərginliyə səbəb olur. ABŞ, eləcə də region ölkələri Çinin mübahisəli adalarda hərbi bazalar tikməsinə və mülki gəmi donanmalarını uzun müddət saxlamasına qarşı çıxır.
2016-cı ildə Filippinin müraciəti əsasında Haaqa Daimi Arbitraj Məhkəməsi Çinin Cənubi Çin dənizindəki birtərəfli suverenlik iddialarının qanuni olmadığına qərar verib.